حور الفارس /بقلم لولا الشريف 💛

الفصل 5💛

حمزه يفتح باب أوضة الأجتماعات ويمشي

زين :حمزه قولي حصل أيه يا حمزه

حمزه يركب العربيه ويحاول يتصل بحور موبيلها مقفول

حمزه:لو حصلك حاجة بسببي عمري ما هسامح نفسي أبدا 🥺

حمزه يمسك تليفونه ويتصل بسامر:أيوه يا سامر  حور أتخطفت

سامر بخضة :أنت بتقول أيه وعرفت مين اللي عمل كده

حمزه:لا لسه معرفتش بس عندي أحساس أن سيف هو اللي عاملها محدش ليه مصلحة من خطفها غيره عشان ينتقم مني ، أنا رايح علي المكان دلوقتي وأنت بلغ المقدم شريف اللي ماسك قضية سيف وحصلني علي العنوان اللي بعتهولك

سامر:لا طبعا يا حمزه مش هسيبك لوحدك  هاجي معاك محدش عارف المجنون ده ممكن يعمل أيه

حمزه :مينفعش يا سامر لازم حد يتابع مع البوليس ، وبعدين لو عرفوا أني بلغت البوليس هيأذوا حور وممكن مشوفهاش تاني
أعمل اللي طلبته منك وتعالي مع البوليس علي العنوان اللي بعتهولك

سامر:حاضر يا حمزه متقلقش المهم خد بالك من نفسك لحد ما نجيلك

حمزه:ربنا يستر ، كلم زين وقاله أني مش عايز حد يعرف خالص ان حور أتخطفت علي الأقل النهارده لو مرجعناش أنا وهي النهارده ساعتها أبقوا بلغوهم غير كده لأ ياسامر  سامعني

سامر:متقولش كده يا صاحبي أن شاء الله هترجعوا أنتوا الأثنين بخير وسلامه

حمزه قفل معاه  وكلم سليمان

حمزه :الو يا سليمان أسمعني كويس ، حور أتخطفت ، لا لسه معرفش مين اللي عملها ، المهم دلوقتي أنا مش عايز حد يعرف باللي حصل عشان سلامة حور ورجوعها بالسلامة وفي نفس الوقت عشان ميقلوش ، أنا أن شاء الله هرجعها النهارده بالسلامه ومش هسمح لحد يأذيها مهما حصل

سليمان:وأنا واثق أن محدش هيخاف عليها ويحميها ومستعد يفديها بروحه زيك يا حمزه بيه ، بس أكيد اللي في البيت أكيد هيبقوا عايزين يطمنوا هي وصلت ولا لا وأكيد هيقلقوا لما يلاقوا موبيلها مقفول

حمزه:أقولهم أن هي كلمتك وطمنتك أنها وصلت وأن موبيلها هيفصل شحن ونسيت شاحن موبيلها في الفيلا وهتكلمهم في أقرب فرصة، ولو لا قدر الله مرجعناش النهارده ساعتها أبقي أقولهم الحقيقة

سليمان:أنا واثق فيك يا حمزه بيه ومتأكد أنك هتعمل اللي تقدر عليه عشان ترجع بالسلامة

•••••••

فريده:حور سافرت بالسلامة

سوزان بحزن:أه مش عارفه البيت هيبقي لي طعم أزاي من غيرها

فريده:أكيد هترجع من السفارية دي أحسن من الأول متخافيش عليها حور قوية وأكيد هتقف علي رجليها من تاني

سوزان:وجود حمزه جمبها كان مطمني عليها

بس دلوقتي بعد ما أنفصلوا بقيت خايفه عليها أووي خايفة ترجع تتنكس زي الأول

فريده:بعد الشر عليها  متقوليش كده ، أنا كمان زعلت لما هي وحمزه أطلقوا لأن مش هلاقي حد أحسن منها زوجة لأبني الوحيد
بس نقول أيه محدش يقدر يعترض علي القسمة والنصيب

يحيي :مع أحترامي ليك يا طنط بس كنت حاسس أن ده هيحصل من أول يوم حمزه عرض أنه يتجوز حور وكنت متأكد أن دي هتبقي نهاية قصتهم

عزيز:ليه بتقول كده يا يحيي ؟

يحيي :عشان هما الأثنين في الوقت ده مكنوش مستعدين  لتجربة كبيرة زي تجربة الجواز ، كل واحد  فيهم كانت نفسيته تعبانه من اللي شافه، ومكنش حد فيهم عنده حاجة يقدمها للثاني عشان يخليه ينسي انه أتخدع من أقرب الناس ليه ، حمزه لما عرف بالخطة اللي كانوا عاملنها عمتي ومعتز، مرضاش أن سمعة حور تتعرض للأهانة قدام الناس وحب ينقذها زي ما أنقذته من هايدي وعرض عليها الجواز

حور كمان في الوقت ده كان محتاجة حد يمدلها أيده ويقولها أنا جمبك  مهما حصل
شافت من حمزه اللي ما شافتوش من معتز وقابله أنور لما دخلت المصحه بعد موت وعد

فريد:حور حبت حمزه بجد ولاقت معاه أحساس الأمان والحب من غير مقابل ، بس هي مشفتفتش من حمزه اللي يخليها تحس أنه بيحبها بجد وتعترفله بمشاعرها ناحيته زي ما يكون بيأدي واجبه تجاه قرار هو أخده في لحظة لخبطة منه ، أي واحد بيحب حد وبيقرر يكمل حياته معاه بيبقي شايفه نصه الثاني توأم روحه بيبقي نفسه يعرف كل حاجة عاشها من يوم ما أتولد لحد اما أقابله

أنا مثلا لما حبيت ريتاج بقيت أجي وأسالكم هي بتحب أيه بتكره أيه كنت بجمع معلومات تساعدني أعرف أكثر عن الانسانة اللي حبيتها وقررت أرتبط بيها عشان أقرب المسافات بينا أكثر ، لكن حمزه معملش كده أو فكر حتي يعرف حور عن قرب عشان يقرر هو بيحبها فعلا ولا لا

ويمكن ده اللي كان مخلي حور حاسة طول الوقت أنها عبئ عليه وأنه هيندم علي قراره في أي وقت وهيسبها ، وده اللي حصل فعلا لما حور طلبت الطلاق ما أتمسكش بيها لحظة ووافق أنه يطلاقها علي طول زي ما يكون كان مستني حور تعفيه من مسؤلية القرار اللي حس أنه أتسرع لما أخده

ريتاج:لو كلامك ده مضبوط يبقي حور كمان محبتش حمزه لأنها عمرها فكرت تقرب منه أو تعرفوا أكثر زي ما بتقول

يحيي :هو ده اللي أحنا بنقوله أن حور وحمزه خدوا قرار الجواز في أصعب وقت بيمروا بيه في حياتهم ، حور حبيت فكرة أن حمزه مدلها أيده في وقت الكل أتخلي عنها ، وحمزه أفتكر أنه هيلاقي عند حور اللي ملقهوش عند هايدي، بس محدش فيهم حب الثاني بجد زي ما لازم ينحب، عشان كده مقدروش يكملوا مع بعض لأن كل واحد فيهم ملقاش سعادته عند الثاني ده كل الموضوع

كمال:خلاص يا ولاد، محدش عارف الخير فين ولا حد عارف الأيام مخبيلنا أيه، أدعولهم ربنا يسعدهم ويعوضهم عن اللي فات

الكل :يارب

سليمان:كمال بيه حور كلمتني من شوية وقالتي أنها الحمد الله وصلت بالسلامه ، قالتلي أطمنكم عليها وأبلغكم أن تليفونها هيفصل شحن وهي نسيت الشاحن هنا في الفيلا وهتتصل بيكم في أقرب فرصة متقلقوش عليها

كمال:طيب الحمد الله ماشي يا سليمان شكرا روح أنت دلوقتي

فريده:معقول حمزه كل ده في الاجتماع يا عزيز بكلمه ما بيردوش عليا

عزيز:يبقي أكيد لسه في الاجتماع بطلوا قلق الامهات الأوفر بتاعكم ده وخلوا الولاد يشموا نفسهم شوية

الكل:هههههههههه

أمينه:أتفضلوا يا جماعة الأكل جاهز

••••••

في المساء

حمزه وصل علي العنوان اللي في الرسالة

حط موبيله في طابلو العربية وسابوا مفتوح عشان الشرطه تلقط الاشارة لأقرب مكان كان فيه

نزل من العربية ومشي شوية بعيد عنها فجأه جت عربيه ونزل منها أسامة ذراع سيف اليمين في كل أعماله المشبوهة ومع ثلاثة تانين

حمزه عرف أسامة وأتأكد ساعتها أن سيف هو اللي خطف حور ، مرضاش يبين لأسامه أنه عرفه

حمزه:أنتوا مين وحور فين

أسامه وهو بيقرب منه ويفتشه :متقلقش هي في الحفظ والصون وهتفضل بخير لو أنت مبلغتش البوليس

حمزه :مبلغتش حد، أنا جيت لوحدي،  هي فين عايز أشوفها

أسامة بأبتسامة:هتشوفها

وشاور لواحد  ضرب حمزه علي راسه بالمسدس من ورا ، أغم عليه وشاله في العربية ومشيوا

•••••••
في مصنع مهجور

حور بتصرخ وبتحاول تفك نفسها وصوتها مش طالع عشان حاطين لاصقة علي بؤقها

فجأه الباب أتفتح والرجالة دخلوا وهما شايلين حمزه وهو مغم عليه ورابطوه في كرسي جمب حور  وسابوه ومشيوا

حور بدموع وخوف لما شافت حمزه مغم عليه تحاول تصرخ ودب علي الأرض

أسامة :روح فكلها اللصق اللي علي بؤقها خليهم يودعوا بعض قبل ما يقابلوا وجه رب كريم كمان شوية

الشخص:أفرضي صرخت ولمت علينا الدنيا

أسامة:حتي لو صرخت أحنا في صحرا محدش هيسمع صوتها، نفذ اللي قولتلك عليه
من غير كلام كثير ، أنت ناسي أني هنا مكان سيف بيه لحد ما يوصل، يعني تنفذ الأوامر وأنت ساكت

الراجل راح فك الصق عن حور وسابهم ومشي وقفل باب المخزن عليهم

حور بهستريا ودموع : حمزه أنت كويس رد عليا عاملتوا فيه أيه يا مجرمين ، حمزه رد عليا فيك أيه😭😭

شوية وحمزه بدأ يفوق

حور:حمزه أنت سامعني أبوس أيدك رد عليا متخوفنيش عليك

حمزه بدوخة وتعب :حور

حور:حمزه فوق  أنا جمبك

حمزه يبصلها:أنتي كويسه عملوا فيكي حاجة

حور تهز رأسها بالنفي :أنت كويس طمني عليك

حمزه:متخافيش عليا أنا كويس

حور:مين دول يا حمزه وعايزين مننا أيه

حمزه يبص للمكان حواليه ويبتسم:متخافيش من حاجة طول ما أنا جمبك أوعدك هطلعك من هنا من غير ما حد يلمس  شعره منك

حور :لأ أوعدني أننا هنطلع من هنا سوا

حمزه بأبتسامة :أوعدك 🙂

في الوقت ده يدخل سيف عليهم

سيف:حمزه واحشني يا راجل بقلنا كثير مشوفناش بعض

حمزه:هو أنت يا واطي 😡

حور :مين ده يا حمزه

سيف بسخرية:أعرفك بنفسي يا هانم  أنا سيف الأنصاري عدو حمزه اللدود ، أو ممكن تعتبرني عزرائيل اللي هياخد روحكم أنتوا الاثنين كمان شوية

حمزه:لو لمست شعره منها هدفنك هنا أنت فاهم ، هي ملهاش دعوة باللي بيني وبينك

سيف:هي فعلا مكنش ليها دعوة بس هي اللي دخلت نفسها في العداوة اللي بينا لما بوظتلي اللي بخطتله بقالي سنين في ثانية

لما كشفت حقيقة هايدي قدامك وهددلي كل اللي ببنيه من سنين

حمزه بعصبية :مش بقولك جبان وواطي ، طول عمرك بتتحمي في الستات عشان يعملوا اللي أنت معرفتش تعمله

سيف:بس متنكرش أني خدعتك بدل المرة أتنين ،أول مره لما هايدي مثلت عليك أنها بتحبك وأنت صدقتها زي الأهبل وكنت بتسدد ديون أبوها مش بس كده، كمان كان عندك أستعداد تتجوزها وتخليها تشيل أسمك، بس الله يجازي اللي كان السبب دمرلتنا كل حاجة في أخر لحظة

حمزه:مش بقولك طول عمرك غبي وبتبص تحت رجليك لو كنت ذكي شوية صغيرين كنت عرفت أن مش أنا الراجل اللي تلوي ذراعه واحده ست بجاملها او حلاوتها ، منكرش أني في الأول أتشددلها شوية بس لما صددني نفسي قفلت منها،  ولما جت تقولي أنها موافقة علي علاقتنا ، قولت أتسلي شوية لحد ما أشوف أخرها أيه، انا مش راجل عبيط عشان اصدق أنها حبتني كده بين يوم وليلة وحسيت أن فيه حاجة غلط، في الأول شكيت أن أبوها وهو اللي أجبرها أنها تقرب مني عشان يخليني أشاركه في شركته الجديده

بس زادت حيرتي أكثر لما لاقتها مبتجبش سيرة الموضوع وفي نفس الوقت حاسس أن حبها ليا مزيف وأهتمامها بيا وأصرارها كل فتره علي فكرة الجواز زاد شكي أكثر

لحد ما أبوها مات  غرقان بالديون من باب النخوه والرجولة مقدرش أسيبها لوحدها
وأنا كنت بسدد ديون أبوها  عشان أردله جزء من المعروف اللي عامله معايا لما بنيت شركتي الخاصه في لندن وواقفته جمبي قبل ما يتجر لسكة السلاح والمخدرات

بس أنا عمري ما وثقت في هايدي ولا عمري حكيتلها سر من أسرار شغلي وأظن ده اللي حرقك أنك خليتها تمثل عليا الحب عشان تجيبلك أخبار عن شغلي ومعرفتش تطلع منها طول الفتره اللي كنا فيها مع بعض بمعلومة تكسر ظهري بيها ، يعني حور ملهاش ذنب حور بس كانت سبب عشان تكشفلي وسختها وطماعها في الفلوس بعد كل اللي عملتوه عشانها ووقفتي جمبها برغم أن الكل اتخلي عنها بعد ما أبوها  أنتحر بسبب الديون

سيف:ولما واهمتك أنها حامل منك وخليتك تطلق حبيبة القلب و تتجوز هايدي برضو كنت حاسس

حمزه:أنت قلة حيلتك وضعفك سيطروا عليك لدرجة أنك أستغليت أبنك من لحمك ودمك في أنتقامك مني ،بس اللي سمعته أني  كنت عارف أنه مش أبني وجوازي من هايدي كان خدعة عشان أخليك تصدق أني أكلت الطعم ووقعت في المصيده وفي نفس الوقت أخليك علي الحديده وأحفرلك حفره علي مقاسك متطلعش منها أبدا والبسك بدلة عشماوي

سيف:بس أنا سابقتك بخطوه وعملتلك حادثة موت بس للاسف طلعت منها عايش
وأبوك واهمنا أنك مت ولعب في عقل هايدي وطمعها بالفلوس وكانت هتبعني له بس أنا غدرت بيها قبل ما تغدر بيا وقتلتها عشان فكرت تغدر بيا

حمزه:وقتلت أبنك اللي في بطنها بسبب كرهك وحقدك .

سيف يقرب من حور ويفكها  ويمسكها ويحط المسدس في راسها ، ويقف قدام حمزة 😱

حمزه بخضة وخوف:حورررر😲

سيف:عندك حق يا حمزه أنا كل مره بخسر قدامك  بس المره دي هدفي مش هيخيب ، وهقتل حبية القلب قدام عينك وأقتل نفسي بعدها وأسيبك عايش بعذاب الضمير أنها ماتت بسبك

حمزه يحاول يفك نفسه ويقول بصراخ :لا لا أوعي تعمل كده، سيف أهدي وأسمعني أنا مستعد أعملك كل اللي أنت عايزه بس متأذيهاش

سيف بأبتسامة :فات أوان العرض والطلب

فاكر المكان ده يا حمزه ، ده المكان اللي كان في أبويا قبل ما تبلغ عنه البوليس ومات وهو بيحاول يهرب منهم ، وزي ما هي كانت السبب في موت أبويا هي كمان هتموت في المكان ده ، وزي ما أنا أتحسرت علي فراق أبويا أنت كمان لازم تتحسر علي فراقها 😅

حور بدموع:حمزه انا بحبك أوووي وعمري ما حبيت حد زي ما حبيتك ، أسفه عشان مكنتش البنت اللي بتحلم  تكون شريكة حياتك 😭😭😭🥺😭

سيف:لو منك أقوله أنا بكرهك عارفه ليه ، عشان هو السبب في أنك تتشلي وتتعذبي من الوجع والضعف

حور تبصله بصدمه:😱

سيف:مش مصدقاني صح ، العربية اللي خبطتك يومها هايدي هي اللي كانت سايقها حبت تنتقم منك لما عرفت أنتي اللي كشفتي حقيقتها قدام حمزه وخسرت بسببك كل حاجه

حور وحمزه يبصوا لبعض بصدمه:😲😲😲

حور بأبتسامة:لو هايدي كانت عايشة كنت شكرتها من كل قلبي علي اللي عاملته  ، عشان بسببها أتحققت أكثر أمنية أتمنيت أنها تتحقق في حياتي، أني أكون مرات حمزه ليوم واحد ، وبفضلها عشت أجمل سنتين مع أحن راجل في الدنيا 😍

حمزه يبص لحور بدموع:🥺

سيف:معنديش وقت للرومانسية دي ، يلا ودعوا بعضكم لأخر مره ، شوفت أنا حنين أزاي علي الأقل بخليك تودعها قبل ما تموت مش زيك خليتهم يقتلوا أبويا من غير ما أودعوه 😠

حمزه: لا يا سيف لا لا ، أوعي تعملها

حور بدموع:حمزه أوعي تحس بالذنب  ، الاحساس بالذنب بيدمر حياة  الأنسان متغلطش غلطتي يا حمزه محدش بياخد أكثر من نصيبه ، أنت ملكش ذنب ، أنا مش زعلانه أني هموت بالعكس فرحانة عشان هروح لوعد ، أوعدني أنك تعيش حياتك وتنساني 

حمزه بصدمة :حوررررر😱😲😲😲😲

•••••

سوزان فجأه تمسك قلبها

يحيي:مالك يا ماما حاسه بأيه

سوزان:قلبي أتقبض مره واحدة يا يحيي معرفش ليه

كمال:من القلق زياده عن اللزوم ، ريحي نفسك شويه يا سوزي

سوزان:تليفون أخنك لسه مقفول أستر يارب

سيرين:أهدي يا طنط الحمد الله أطمنا أن حور وصلت بالسلامه مفيش داعي للقلق ده كله

••••••

سيف فجأه وقع وحور صرخت من الصدمه لما وقع

حور بصدمه:سليمان 😰

سليمان :أنتو كويسين

الشرطةهجمت علي المكان

المقدم شريف يقرب من سيف :ده مات ، من اللي ضربه بالرصاص

سليمان:أنا يا فندم لو مكنتش عملت كده كان هيقتل حور هانم ، وده المسدس يا فندم مرخص بأسمي تقدر حضرتك تتأكد بنفسك ، ولو حضرتك حابب تقبض عليا أنا تحت أمرك

شريف:لا مفيش داعي ده دفاع عن النفس واضح، هنحتاج منك بس رخصة السلاح عشان نقفل القضية ونخلص الاجراءات

سليمان:تحت أمرك يا فندم بكرا الصبح تكون عندك

حمزه بعد ما سامر يفكه يجري علي حور ويحضنها ❤

حمزه:لو كان جرالك حاجه عمري ما كنت هسامح نفسي

حور تنهار من العياط في حضنه

شريف :حمد الله علي سلامتكم

حمزه:الله يسلمك يا شريف بيه تعبناك معانا

شريف:علي أيه بس يا حمزه هو أنا عملت حاجة الفضل كله يرجع للأستاذ سليمان ، هو اللي وصل في الوقت المناسب ، بس أنت عرفت مكانهم منين يا أستاذ سليمان

سليمان:من بعد ما حور هانم عملت حادثة ، أنا بدأت أخاف عليها خصوصا بعد ما عرفت أن سيف هربان ، فكنت متأكد أن اول حد هيدور عليه عشان يوجع حمزه بيه  هي حور هانم  ، فلما حور رجعت من السفر  جبتلها ساعة هدية فيها gps، عشان لو لا قدر الله حصلها حاجة أعرف أوصلها علي طول

لما حمزه بيه بلغني أنها أتخطفت دعيت ربنا أنها تكون لابسة الساعة ،وأقدرت احدد مكانها ، والحمد الله وصلت في الوقت المناسب

شريف :عفارم عليك أحب أحيك علي ذكائك ، صحيح موصلناش في الوقت المناسب ، بس قضية سيف الأنصاري هتتقفل بشكل نهائي بفضلك أنت وحمزه

حمزه يفتكر لما كان بيكلم سامر لاحظ أن العنوان قريب من المكان اللي مات في جابر لما كان بيهرب صفقة السلاح فتوقع أن سيف يكون خاطف حور هناك في المخزن اللي كانوا هيخزنوا فيه المخدرات والسلاح
ووصفلوا المكان وقاله لو الأشارة أتقطعت يجيب البوليس ويجي علي هناك

شريف:عموما حمد الله علي سلامتكم هتحتاج منكم تيجوا في أقرب وقت  عشان نقفل المحضر

حمزه :الله يسلمك أكيد أن شاء الله في أقرب فرصة عن أذنك

شريف:أتفضلوا ، يا عسكري أنده علي الاسعاف يجوا يشلوا الجثة دي

العسكري:أوامرك يافندم

••••••

سامر بأبتسامه:حمد الله علي سلامتك يا صاحبي قلقتني عليك

حمزه:الله يسلمك يا سامر ، سامر يا حور صاحبي وأكثر من أخويا

حور:أهلا وسهلا

سامر:حمد الله علي سلامتك

حور : الله يسلمك ، سليمان حد في البيت عرف حاجه؟

سليمان:لا حمزه طلب مني اني مبلغش حد باللي حصل معاكي النهارده علي الاقل وبلغني أقولهم أنك وصلتي أسكندريه وموبيلك فصل شحن وهتكلميهم  في أقرب وقت ، وأنا عملت كده فعلا

حور:حلو أووي ، وطالما الموضوع عدي علي خير الحمد الله تعالي وصلني أسكندرية بقي

حمزه :برضو مصممة تسافري

حور:كده أحسن محتاجة أكون لوحدي شوية
متقلقش عليا خلاص مبقاش في خطر علي حياتي 🙂

فجأه حمزه شاف أسامة ماسك سلاح وموجهه ناحية حور من ورا شجرة قريبة منهم عشان محدش يشوفه

حمزه بصراخ :حورررر، ويرمي نفسه عليها وياخد الرصاصة بدلها

في اللحظة دي عناصر البوليس أنتبهوا  عليه وضربوا عليه نار لحد ما مات

حور  يغم عليها من منظر الدم والصدمة 😲

••••••

حور بدأت تفوق وفي نفس الوقت بدأت تفتكر كل حاجة حصلت قبل الحادثه لحد ما حمزه أضرب بالنار

حور بصراخ هيستيري :حمزززه💔

يارا:أهدي يا حور متخافيش أنتي في أمان

حور بصراخ هيستري:حمزه مااات ، أوعي تقولي أنه مات ارجوكي 😭😭😭

يارا:أهدي يا حور حمزه كويس والله الرصاصة جت في جمبه ، الحمد الله أسعفناه وهو دلوقتي تحت تأثير البنج وهيفوق كمان شوية

حور:هو فين عايزه أشوفه

يارا:حاضر هاخدك تشوفيه بس أهدي لو سمحتي

••••••

حور دخلت الأوضة لقيت حمزه نايم علي السرير

حور بدموع هستيري:أوعي تموت أنا عمري ما هقدر أعيش في دنيا أنت مش فيها لو جرالك حاجة أنا هموت نفسي🥺

سامر:حمد الله علي سلامتك يا حور ، متقلقيش عليه هو هيبفي كويس

حور تبصله:هو أيه اللي حصل يا سامر أحنا فين هنا

سامر:بعد ما أسامة ضرب حمزه بالنار أنتي أغم عليكي من الصدمه ، وقتها البوليس ضرب نار علي أسامة لما كان بيحاول يهرب لحد ما مات ، حمزه قبل ما يغم عليه كان رافض أنه يروح مستشفي وطلب مني أني أجيبه علي هنا بعربية الأسعاف وأخلي يارا تسعفه عشان محدش من أهلكم والصحافة يعرف حاجة باللي حصلت ، وجبته علي هنا بعربية الاسعاف وجبتك معايا في العربية لما كان مغم عليكي

حور:والمكان ده أمان، يعني مش محتاج يروح مستشفي

يارا :متقلقيش أصابته مش خطيره الحمد الله وبعدين المكان ده مجهز زي المستشفي بالضبط وأحسن كمان

سامر يبص ليارا عشان يطلعوا ويسيبوا حور مع حمزه لوحدهم

سامر:أحنا برا في الجنينة يا حور  لو أحتجتي حاجة نادي علينا

حور:تمام

••••••

حور تمسك أيد حمزه وتقول بدموع:كل اللي حوالينا شايفين أننا مناسبين لبعض ، بس أنت تستاهل حد أحسن مني بكثير

تعرف يا حمزه يحيي كان عنده حق أنا أتسرعت لما وافقت علي عرضك للجواز ، مع أني كنت عارفه أن احنا الأثنين مينفعش نكون مع بعض وكل واحد فينا مجروح ومصدوم في أقرب الناس لي، بس مع ذالك مشيت ورا قلبي والحلم اللي حلمته من أول مره شوفتك فيها ، وأقنعت نفسي أن يمكن وجودنا مع بعض يساعدنا نداوي جرح بعض أسرع ونبدا مع بعض حياة جديده

بس أنا كنت ديما بحس أنك بتقرب مني عشان شوفت في عنيا النظرة والصفات اللي كنت تتمني تلاقيهم في هايدي ، منكرش أنك كنت بتحاول تسعدني بكل الطرق وكنت ديما بتقويني وبتساعدني أقف علي رجلي ، ويمكن لولاك مكنتش قدرت أقف علي رجلي تاني ،

بس عمري ما شوفت منك نظرة حب واحده ، عمري ما حسيت أني بوحشك أنك بتغير عليا عمرنا ما سافرنا سوا لوحدينا ، عمرنا ما فتحنا قلبنا لبعض وقربنا من بعض زي أي أثنين بيحبوا بعض ، يمكن ده اللي خلاني طول الوقت خايفه تسيبني ومنعني طول الوقت أني أقرب منك وأتعلق بيك أكثر

ولما قررت أدي علاقتنا فرصة ثانية ، أنت جرحتني وشبهتني بهايدي وأتهمتني أني أستغليتك وخدعتك ، مع أني كان كل هدفي أني أقف علي رجلي وأفرحك وأكون الانسانه اللي تليق بيك ، مش اللي الناس بيستغلوا ضعفها وعجزها عشان يكسروك بيه 🥺

رغم كده أنا كان عندي أمل أنك في يوم من الايام هتسامحني وهنكمل حياتنا مع بعض ، وكنت متأكده أن هيجي يوم وتشوف قد أيه أنا بحبك ومقدرش أعيش من غيرك

لحد ما هايدي هددني بصور ريتاج عشان أبعد عنك بس رغم كده انا برضو مستسلمتش وطلبت من كامليا هانم تساعدني نلاقي الصور ، فعلا قبل ما نسافر حفلت التكريم بأسبوع كلمتني وقابلتها وأخدت منها الصور

بس بعد ما قبلتها أغم عليا وودوني أقرب مستشفي

لما فوقت الدكتورة طمنتي وقالتلي مفيش داعي للقلق وأني أغم عليا بسبب القلق والارهاق وقلت الأكل

بس برضو قالتلي أن في حاجة مهمة لازم اعرفها

سألتني اذا كنت عاملت حادثه من قريب ، ولما قولتلها أيوه

قالتلي ان الحادثه سببت ضرر في الرحم وأن نسبة أني أكون أم بقت قليله ، ولو ناوية أبقي أم لازم أبتدي في العلاج في أسرع وقت
بس ممكن العلاج يجيب نتيجة علي المدي الطويل ويمكن ميجبش نتيجة 😭😭😭😭😭

وقتها الدنيا أسودت في وشي وفكرت أموت نفسي بس مقدرتش حتي في دي كمان فشلت

يومها رجعت علي البيت وبدعي ربنا يقولي أعمل أيه

يومها لقيت طنط ماسكة البوم صور طفولتك انت وريتاج وقعدت جمبها وحكيتلي عن تفاصيل كل صوره وقالتلي أنها بتحلم باليوم اللي تشيل فيه عيالك 😭😭😭

وقتها حسيت أن دي رسالة من ربنا ليا عشان أفوق من الحلم وأبعد عنك ، وأن حرام عليا احرمك من شعور الأبوه وأحرمهم من فرحة أول حفيد لأبنهم البكري ، أنا عارفه أد أيه كل أب وأم بيستنوا اللحظه دي عشان يشلوا أحفادهم ، كنت حاسة أني حرام عليا أحرمهم من الفرحه دي عشان أكون مبسوطة

كنت عارفه أنك لو عرفت مستحيل تتخلي عني أو تسبني ، فقررت أستغل موضوع صور ريتاج وتهديد هايدي ليا واطلب منك الطلاق
بس أنت فأجتني لما وافقت 😭😭😭😭😭

وقتها حسيت أن أحساسي كان صح أنت محبتنيش يا حمزه ،أنت يمكن أتعلقت بيا لانك شوفت في عيني الحب والاحتياج اللي كنت تتمني تشوفهم في عيون هايدي ، وأحنا الأثنين ظهرنا لبعض في وقت كل واحد فينا محتاج للتاني عشان يقدر يكمل ، ديما كنت بحسك بتحاول تكون قد مسؤلية القرار اللي خدوا في لحظة ضعف زي ما يحيي كان بيقولي بس حبي ليك كان بيخليني أقنع نفسي أن ده حب عشان مكنتش هقدر أبعد عنك 😭😭😭

لو كنت بتحبني كنت سامحتني ، لو كنت بتحبني مكنتش اقدرت تتخلي عني بسهولة كده ، بس انا مش بلومك ولا بحاسبك انك محبتنيش لا ، كل أنسان ممكن يتسرع ويندم علي قرار أخده وأنا فعلا مستاهلكش مش عشان عرفت أني مش هكون أم بس لا ، عشان أنا ضعيفه وفاشلة معرفتش أحقق أي حاجة من اللي كان نفسي فيها وضيعت حياتي علي غلطة مش غلطتي وذنب مش ذنبي 😭

تعرف يا حمزه جدي كان ديما بيقولي في ناس بيفضلوا يدوروا علي الحب ومش بيلاقوا ، وفي ناس كثير بيلاقوا الحب ومبيعرفوش يحافظوا عليه ، وأنا معرفتش احافظ عليك لا حبيب ولا حتي كصديق

عشان أسعد حد لازم أدور جوايا علي الحاجات اللي بتسعدني وأعملها ، لازم أتعلم أعيش حياتي وأعتمد علي نفسي وأعيش لوحدي كفاية ازعل كل اللي حواليا عليا ويفضلوا طول الوقت خايفين وقلقانين عليا

انا قررت أتصالح مع قدري ونصيبي يمكن قدري أني أعيش لوحدي  الباقي من حياتي

أنا حبيتك أووي وأتمنيت أني أكون معاك بيت وعيلة كبيره بس مش كل حاجة بيتمناها بتحقق، يمكن دوري في حياتك خلص لحد كده زي ما قالت طنط فريده أنا كنت في حياتك الملاك اللي خلصك من الشر في حياتك وجه الوقت أن الملاك يمشي وأنت تعيش حياتك مبسوط😔

كل اللي بتمناه من ربنا أنك لما تعرف السبب الحقيقي اللي خلاني أسيبك خصوصا بعد ما عرفت النهارده أن هايدي هي اللي كانت السبب في الحادثة ، متحملش نفسك الذنب وتعمل زي وتدمر حياتك بسبب الاحساس ده

كل شئ نصيب يا حمزه يمكن ربنا شايف أني مستهلش أبقي أم ، عشان كده خلي هايدي تبقي سبب عشان أعرف قدر ربنا ليا

المشكلة أني حبيتك أووي ومش عارفه هكمل حياتي ازاي وأنت مش موجود فيها

ممكن تدعلي أن ربنا يطلعك من قلبي  عشان أعرف أعيش حياتي من غيرك 💔

حور أنهارت من العياط وحسيت نفسها مخنوقة وسابت حمزه وطلعت برا تشم هواا 😭😭😭

أستوب🙃🙃🙃

رأيكم في الفصل ومتنسوش التصويت يا حلوين

اشوفكم يوم الثلاثاء الجاي بأذن الله مع فصل جديد

وأتمني تعذورني علي التأخير ، شكرا علي كلامكم الحلو ويارب أكون ديما عند حسن ظنكم  بحبكم جداا🌹🙏

#لولا الشريف❤

•••••••