نجد : تبي تلطف الجو هاه شغل لنا شي سعد وش هالهجود المخيسس
سعد: روحو عند حقين الكاشيرات يغنون لكم يمكن اصواتهم حلوه مثل وجيهم المبسبسه
اصايل: ممكن تحترم نفسك وبلاش هالتلميحات البايخه
سعد: والله انتي الي تجيبن الكلام لنفسك تشوووفين التبن جالس يناظرك ويتبسم وواقفه عنده ومخليه كل الهنود الي فاضين
اصايل: والله اذا انت متعود على هالحركات وماره عليك كثير انا مانتبهت ولا عمري ركزت من يناظر ومن يبتسم بس شكلك محترف فيها وفاهم لها زين
سعد :لا ركزي مرا ثانيه عشااااان مايظنون انك خفيفه وسهله تنصادين
اصايل: متخلف صدق مالك اي شغل على فكره ولا انت بوصي علي
سعد: وقف على جنب ولف عليها وقال : بما انو معي وانا الي موصلك فانا مسؤول عنك وغصب عليك بعد
نجد: خيررر هيييي اذكرو الله وش جاكم
اصايل: متخلف وشايف نفسه يحسب انو كل شي يقدر يمشيه على كيفة
سعد: لف عليها مرا ثانيه وعطاها نظره
نجد : اخلص انت بعد خل ننهي هاليوم الي كله اكشن
وش ذنبها اذا الموظف قليل ادب والا الغيره انت ملت قلبك
سعد : بلا غيره بلا بطيخ بس حلات الانثى بحياها
اصايل: هييييي انت ترا ساكتتلك من اليوم وش شايفني خلي اخوك يحشم نفسه والا ينزلني هنا اكثر ماكثر الله السوواويق بهالبلد
نجد: ممكن كل واحد فيكم يسكت ولايتكلم خل نوصل على خير
اصايل: اففففففففففف صدق
سعد : بعد تتأفف الحمد الله والشكر
نجد : خلصناااااااااااا
اول ماوصلت نزلت اصاااايل وضررربت الباب بكل قوتها تبي تقهره
نزل سعد بسرعه ووقف قدام البيت قدامها مسك الباب بيده قال: جزات المعروف عشره كفوف خير تسكرين الباب كذا
اصايل: رجعت بسرعه وافتحت الباب وسكرته اقوى من قبل قالت وكذا تمام
سعد: اوك مافي دخله للبيت لين تفتحين الباب وتسكرينه بكل ادب ترا ماعندي شغله ابد ماوراي شي اعلمك العناد
نجد : وجع سعدد وشفيك اليوم لاتجي امي تحسسس علينا
سعد: مايهمني خلي الحاره كلها تسمع شغل العناد هاذا مايمشي معي انا
اصايل : ههههههه تضحك باستهزاء افتحت باب الكراج الي تدخل منة سياره قالت خلك هنا واقف مثل الناااطور مايحتاج تفتح ودخلت بسرررررعه تعرفه مجنون عادي يدخل وراه
سعد :جنية اعوذ بالله
نجد : هههههههههههههههههههههههههههههههههههه اول صفعه من اصول بوووووم بس تبي الصدق تستاهلها زين ماحرقتك وسط سيارتك ترا مثل جنونك واقوى مايمشي معها العناد بنت عبدالعزيز
سعد : نشوف خلي الشغاله تجي تاخذ الاغراض بحطها عند الباب 'وخلي امي تطلع يالله
نجد : هههههههههههه اوك
نوف: مابغيتو ترجعون تاخرتو تاخرت على فهودي مانومته بكرا مدرسه
نجد: يالله ماما سعد ينتظرك
نوف : انتبهو لاتنامون لين تقفلون كل البيبان وتخلون الشغاله تدخل الاغراض بالثلاجه والفريزر لاتخرب
نجد: ازهلي ابد كل شي عندي
قفلت نجد البيبان وطيران لغرفة اصايل
نجد: مجنونه مجنونه رسمياً انتي
اصايل : لا اخوك حرام بريئ مسكين
نجد: اخوي كلنا نعرف عناده بس انتي هبلا كان سكتي عنة تعرفين انو من غيرته عليك سوا كذا
اصايل: ويع ويع ويععععععع ماعاد ابيه يغار هو ووجه ولا عاد ابي اسمع طارية حتى خل اتروش بس واروح انامم ابرك لي
نجد: هو والبيتززا
اصايل: افا عليك هههههههههههه ماراح اخليها لك بتروش واجي اكل وانام ههههههههه تصدقين انفتحت شهيتي اكثر يوم انه انه انقهرررر
بالله وش قال
نجد: شوفي بما انو اخوي واعرفة صدقيني بتندمين ههههههههههههههه
اصايل: هه هه يعقب والله وانا بنت عبدالعزيز
نجد : هههههههههههههههههه روحي بسرعه ثلجت البيتزا
————
صار يروحون للجامعه مع بعض ويرجعون مع بعضضض وعدت اول يومين واصايل مرا مبسووطه في بيتها ونجد عندها وخالتهم نوف كل اشوي تمر عليهم وتتطمن
وسعد انشغل مرا بتجهيز مطعمه وحوسه العمال
—
جا اليوم المنتظر لزياد اليوم بيروح هو وابوه واخوانه عند ابو راكان يخطبون نوره
زياد: هاه يمه موب رايحة معانا اليوم
نوف : لا خل احسن بالحالكم كلام رياجيل واذا عطونا الموافقه اروح عاد انا وياك وخواتك معك نحتفل حفله بسيطه ومنها تدخل وتشوفها تصير الشوفه نسوي حفله خطبه صغيره بينا محفوفه
زياد :الي تشووفينه يالغاليه
سعد : نااااااازل وكاشخ اخيررررراً بتعرس وتفتح لنا الطريق
زياد : الحين من الي بيخطب انا والا انت وراك كاشخ غطيت علينا
سعد : عشان يوافقون عليك يشوفوني ويقولون ذا سلالتة ممتازه هههههههههههه دام ذا اخوه
زياد :ياخوفي العكس ههههههههههههههههه
محمد داخل عليهم ومعه مجمررر وجايب عوود بيده جايبه من فوق من شقته
محمد: جاااايب لك عوووود ماايطلع ذا الا بالمناسبات النادره هههههههه
سعد: هات هات اتبخر اول اخو العررريس
مشاري وهو نازل : اوووووه ووووووش هالريحه الطيبه
محمد: سم يبه تبخر
مشاري: من شميت الريحة قلت والله محمد جايبه ياحبك للعود
محمد: ومن مايحب العود بس عاد ذا غير يابوي والله مكلفني ذيك القيمه
زياد : ترا انا الي بخطب بخروني
نوف : تاخذ المبخره من مشاري : هات ابخر ولدي ماصدقت قال يالله اخطبولي ابي اعرس
مشاري : بخريني معه ماتدرين ربي يكتب لنا شي معه والا شي
نوف : والله لا احطك مكان العود وابخربك البيت فكر بسس
الشباب والابو : ههههههههههههههههههههههههههههههههه
سعد : يمة بتخلينه يكره العود الحين هههههههه تهديد قوي يابو محمد اذا تبي نصيحتي انتبه على نفسك
مشاري : هو انا اقدر اصلاً خلاااااااص اعتزلنا الغرام القلب مافيه الا ام محمد
سعد : متربعه بقلبك وتهدد بالملاس هههههههههههه
الكل : هههههههههههههههههههههههههههه
مشاري يالله يالله تاخرنااا على الناس متفقين المغرب والحين له ساعه ما أذن
زياد: الحمد الله حسيتو ياللله تاخرنا
طلعو محمد اخذ ابوه معه وزياد قال انا ابي اروح بسيارتي عشان بروح بعدها لشباب بالاستراحه وسعد قال انا بعد بروح بسيارتي عندي كم شغله
———
تمت الخطبه وابو راكان قال ماراح نلقى اطيب من زياد بس عطونا كم يوم ناخذ راي البنت من بروتوكلات الخطبه يعني والا هو موافق وقاضي
طول الجلسه كان سعد يناظر راكان وده يقوم ينقز بحلقة صاير اي موضوع والا اي شي يخص اصايل خطط احمر مايبي اي شخص حتى تطري بباله مر راكان بالقهوه ووصل عند سعد مد له سعد الفنجان عشان يصب له قال راكان يالله عقبالي انا وياك ياسعد
سعد : وووين انا وانت وين انا بتزوج وبيجيلي ولد والا ولدين وانت توووك
راكان: لا باذن الله عن قرريب تسمعون الاخبار الحلوه
سعد : ناظر محمد الي كان يتسمع لهم
غمز له محمد يعني لاتفضحنا موب وقتك
خلصو قهوتهم واستاذنو
عزمهم ابو راكان للعشاء لكن حلف ابو سعد مايذوقه
طبعاً ريماس تترزز بالحوش قسم الرجال عشان تشوووف سعد
وكانت تخطط تطلع له يعنني بالغلط
لكن جتها خيبه امل لما شافته مع محمد
وكانه معصب
حاولت تتسمع وش يقولون جت ورا سياره ابوها الي كانت بكراج جنب المجلس
محمد : خلاص لاتفشلنا اشوي وتاكل الرجال اذا لك نصيب باصايل بتاخذها
ريماس: ماتت انهارت كيف كذا جالس يفكر باصايل ومن الي بياكله ؟ معقوله قصدهم راكان اخوي
طلعت غرفتها وهي منصدمه تموت فيه وهو جالس يفكر بااصايل ... وش في اصايل زود عني وجلست تبكي وكلها حقد على اصايل اكيد انها يوم جلست عندهم جلست تتميلح عنده لين فكر وصار يبيها
ماكون ريماس اذا ماااخليت راكان ياخذك
—————-
اليوم الثاني
كالعاده راحو للجامعه بس اصايل تطلع قبل نجد لان ماعندها الا محاضره وحده فبلغت عمران انو تعال الساعه٩ ونص رجعني وبعدها يرجع ١٢ يرجع نجد
سعد: استاذن من دوامه بدري لانة كان لازم يستلم شحنة تخص مطعمه
وصل للبيت وهو داخل شاف عمران
سعد : وين روح انت الحين
عمران : اصايل كلام يجي ودي بيت بعدين روح الساعه ١٢ ونص نجد
سعد : اممممممم يالله روح اوك
طرت بباله فكرة منها يشوف اصايل ومنها يرد لها الحركة ويعلمها العناد
سعد : عمررررران عمران وقف انزل خلاص وجيب سياره انا روح جيب اصايل
عمران :اوك انا كلام اصايل اوك سعد يجي خلاص
سعد : الله ينكبك لا مافي كلام اصايل اي شي انا اذا وصل هناك انا كلام انتا انتا كلام اصايل يلا انا وصل اطلع برا مافي كلام سعد برا
عمران : ايشششش فايده هاذا حركة هاذا كلام
سعد : والله يابو هنود مالك شغل انت سوي كلام مال انا وانت اسكتت اوك عشان انتا بعدين زعلان اذا كلام اصايل سعد برا
عمران: يبي يشتري راحة باله ههههه : اوك بابا
سعد فعلاً توجهه للجامعه حقتها وهو طوول الطريق يبتسم ابتسامه خبث بالي جالس يفكر فيه
طبعاً هو. فسخ بدلته العسكريه ولبس بدله عايديه خاف يلبس ثوب وتقفطه
وووقف قدام باب الجامعه بالضبط عشان مايمديها تدور السياره ويمكن تلمحه
وقفل الزر حق الامان حق الاطفال بحيث الباب ماينفتح الا من برا
واتصل على عمران وقال يالله كلمها تطلع
وفعلاً كلمها قال يالله انا برا
ركبت السياره : اووووف عمران ليه تاخير
تاكد انها سكرت الباب
قال : والله ابددد خبرك الناطور عنده دوام ثاني لازم يخلصه عشان يجيك
اصايل: بسممممم الله خيرررررررررر خوفتني
سعد: ليه على اساس ماأخوف انا وانتي قويه
اصايل: بلا استظراف وقف بس على جنب
سعد : بسسس ابشرررري
ووقف قال يالله انزلي
حاولت تفتح الباب موب راضي
مشى مرا ثانيه : شكلك عجبتك الجلسة ماتبين تنزلين
اصايل : انت معتوه فيك شي ؟
سعد : لاانا ناطور وشفيك
اصايل : بلعت العافيه ذا وش بيسوي فيها
اصايل: سعد وشفيك وش بتسوي انت
سعد: يازينك وانتي مؤدبه ياربي وين الي. تصارخ بوجهي وتكسر بيبان السياره
اصايل : قالت ذا ماينفع معه لا حيله ولا شي : قسم بالله لا ادق على خالتي نوف انت خلاص الظاهر عقلك ضرب
سعد: تعرفين الرقم والا اقوولك اياه
اصايل: ياحيووووووووووووان نزلني انت اهبل صاحي للي جالس تسويه
سعد: اي اي طلعي وجهك الحقيقي
اصايل : انت الحين وش تبي ابي افهم
سعد : سهله انا اسفة ياعيوني على قلة الاحترام الي حصلت مني
اصايل: تخسي عاااااااااااد
سعد : اقولك عاجبتك الجلسه تبيني بس ماتفهمين
اصايل: اعتذر انت بالاول على الي قلته بحقي وسوء الظن الخايسسس الي صار
سعد : ههههههههههههههههههه اسف بس فتحي عيونك مرا ثانيه وانتبهي
اصايل: اهبل اوك انا بعد
سعد: اهبل ؟
اصايل: اووووووووك اسفه ودني البيت
سعد : ههههههههههههههههههههه شاطره
اصايل : استغفر الله
سعد :هههههههههههههههههههههههههههههه اي امسكي اعصاابك انتبهي
اصايل : ماجلست ترد علية عشان ماتجيب العيد
سعد : جوعان وفيه مخبز هنا يسوي فطيره جبن عكاوي تموت تبين
اصايل : البيت لو سمحت
سعد : هههههههههههههههههههههههههه ابشري بس عاد يهون عليك ارجع وانا جوعان ماكلت شي من امسس
اصايل: لا حول ولا قوه الا بالله
سعد : الله يزيدك ايمان ههههههههههههههه
وقف عند المخبز واخذ له فطور واخذ لها بعد فطور وكتب على الكرتون حقتها
( الغيره هي اكبر براهين العشق وليست شكاً كما يعتقد البعض ) ياجعل والله فيه الف عافيه يأجمل ماخلق ربي❤️
حط الاكل جنبها ووصلها البيت
نزل يفتح لها الباب : تفضلي ماتلقين احد مثلي يفتح لك الباب هههههههههههه
اصايل : لو سمحت بعد لا احد يشوفك موب ناقصه مشاكل
وسحبت على الاكل ودخلت
عطا الشغاله الفطور وقال هاذا حق اصايل
قرت الي مكتوب بالكرتونه وابتسمت : ياخي مجنون وعنيد ياربي وانا ماحبيت الا هالمغرور
اكلت الفطور واول مرا تحس بشعور غريب كل لقمه كانت تاكلها تحسها كمية حب وجرعات عشق تدخلها بجوفها يمكن كانت الذ شي اكلته بحياتها كله لانه من سعد كانت تاكل وتتذكر الي صار معها اليوم وتبتسم كيف شخصيته قويه وغريبه بنفس الوقت الي يبيه يسوية ماعنده حدود
تذكرت انو افتتاح مطعمه بعد بكره وبعز انشغاله جالس يفكر فيها
فتحت التويتر حقها ودخلت على حسابه لقته منزل عن مطعمه والافتتاح
سوت له رتويت وجلست تمنشن اغلب حسابات الي فيها استفسارات عن المطاعم ونشرت اعلان الافتتاح بكل مكان حتى بقروب العايله
ابو انس: ماشاء الله هاذا سعد ولد خالتك نوف
اصايل: اييي يابابا خاله نوف ونجد اطلبو انو ننشره له بعد بكره بيكون اول افتتاح له تجريبي عاد نروح ونجرب الطعم
شيخه: ياااازينه اي والله يستاهل الدعم
ابو انس: ركزي على اختباراتك وانا ابووك مابقى عليها شي ترا مارضيت تجلسين بالبيت الا عشان موضوع انك يصفى ذهنك للمذاكره موب تشغلين نفسك باشياء ثانيه
اصايل: افا عليك يادكتورنا باذن الله المحاميه اصايل ترفع راسك بالامتياز مع مرتبه الشرف
شيخه : ياخوفي سهراتك انتي ونجيد تلهيك عن المذاكره ترا اهم شي فتره الصبح فيها بركة والمعلومات تثبت اكثر
اصايل: الموضوع تحت السيطررره تعرفوني الجد جد واصلاً نجيد دافوره هي الي تشجعني
متى بتروحون لأنس
ابو انس : نص ساعه وطالعين
اصايل : اول ماتوصلون دقو علي امسسس امي فتحت لي اتكلم معه وماكان بالمود
شيخه : اييييي امس الله يغربلهم طفشوه بكثره التحاليل اليوم نفتح لك الكاميرا وسولفي لين تشبعين
ابو انس : انا برجع باذن الله بعد ٨ ايام بما انو امور انس مستقره وشيخه عنده لان في اوراق بالجامعه ضروري اوقع عليها اخلصها وفتره اختبارات الجامعه ماقدر اتغيب عنها
اصايل: يالبيييه يامرحبا ومسهلا جية السعد والله اني مشتاقه لكم اشتياق مايعلمه غير الله
اصايل: وناسه بتجلس يعني لين رمضان
ابو انس اول اسبوع من رمضان وبعدها عاد لازم ارجع لاخوك
اصايل: وربي فرحتني بهالخبر
ابو انس: انا الي فرحان والله بكحل عيوني فيك عقبال مانرجع كلنا زي اول ونفرح بخروج وسلامه انس
شيخة : اللهم امين خلاص هانت دامه بخير وكل اشوي جالس يتحسن بفضل الله باذن الله كل شي يرجع مثل ماكان وافضل
اصايل: اللهم امين
ابو انس : يالله بنروح لاخوك بالمستشفى انتبهي على نفسك وعلى مذاكرتك واذا احتجتي شي خبريني
اصايل: احتاجكم دايم بخير وصحة مع السلامه ياروحي
جلست تنتظر صلاه الظهر عشان تصلي بس من التعب نامت ولا حست بنجد الي جت وتغدت ونامت معها
————-
ريمااس : نازله الصاله عند امها وابوها
هيا: من وين طالعه الشمس اليوم ريمااااس هالوقت مانامت غريبه بالعاده ترجعين وتنامين ماتقومين الا العشااء
ريماس: انتوا تظلموني موب شرط بالغرفه اكون نايمه ليه مثلا مااكون اذاكر انجز واجباتي
ابو راكان: صبيلي صبيلي شااي ولا عليك منهم نامي وانا وابوك وسوي الي تبينه
ريماس: يابعد الدنيااااا يلوووووومني فيك
ريماس: الا صح وش سويتو رديتو على خالتي نوف انو موافقين
ابو راكان : باذن الله اليوم برد عليهم ماودي اتاخر اخاف يبون يحتفلون قبل رمضان الله يهله علينا مابقى الا شهر
ريماس: تصدقين يمه لو اني منك اخلي ليلتهم وحدة
هيا: مييين
ريماس : مين بعد راكان واصايل
عشان نسووي زواجهم سوااء اخو واخته والله فرحتنا بتكون غيررر
هيا: والله ودي بسس عاد من يفهم ابوك
ابو راكان : انتم صاحين هاذا وقت اروح اكلم شيخه والا عبدالعزيز اني ابي اخطب
راكان دخل عليهم : ريمااااااس هلاااااا المعرس عند طاريه
راكان : وشو صرت معرس وانا اخر من يعلم
هياا: هههههههههههههه ياليت والله ان ودي اشوف هاليله اليوم قبل بكره
راكان: فهموني وش السالفه
ريماس: لا بسسس اقول ليه ماتصير فرحتنا بنوره فرحتين فيك
ابو راكان : يعني انا ماودي الا والله ودي واصايل مانلقى مثلها بسس عاد مايصلح الوقت ابد ترجع شيخة وولدها سالمين ثمن تصير صح الفرحه فرحتين
ريماس < تخاف انو سعد هو الي يبدا بهالخطوه قبل راكان او انو يسوون عرس الاخوان الاثنين مع بعض
ريماس: شوفو انا بقولكم الي سمعته وانتم بكيفكم لين تروح البنت من ايدينكم تعرفين ياماما حصة زوجة مبارك صديق ابو انس بالجامعه الي دايم خالتي تعزمها بمناسباتنا
هيااء: اي اي اعرفها ام سلطان وشفيها
ريماس: بنتها معي بالمدرسه وتسولف علي انو يبون يخطبون اصايل وان ابوه فرح له يقول زين ماخترت من نسب
فاذا راح ابو سلطان وخطب لولده من ابو انس قبل لايتحرك ابوووي اكيد بيعطيه ذيك الساعه مستحيل يقدر ابوي يكلمة بعد خطبة الرجال
هيا : ياخي انت وش يضرك بس كلام خطبه كلام بما انو الحين انفتح واكيد بيكلمون ويباركون لك افتح الموضوع معها اختك ترا عادي وتكون الخطبه الرسميه بعد رجعتهم ماراح نسوي اي شي الا بعد ماايرجعون بالسلامه اكيد
راكان: تكفى يابوي لاتروح والله اني ابيها اشوف كلام امي سليم كلمهم بس خطبه كلام على عشان يدرون انو نبيها وانا اولا من الغريب اكيد عمتي شيخه ماراح تفضل الغريب علي
ابو راكان: خلاص باذن الله يصير الي تبونه خل نخلص الحين من خطبة نوره وعلى قولة امك افاتحهم بالموضوع
ريماس: قللووووووووللللليششششش ياحظك يااااراكان والله ماتلقى ازين منها حرام احد ياخذها غيرك
راكان : ههههههه وانتي قد شفتي اصلا انا اخذت بحياتي شي عادي لازم شي مميز
ريماس : الله يخلي الوالده الي من يومك صغير وهي تداريك مداراه حتى عروستك هي اختارتها لك
هيا: يازينه ياحظها الي بتاخذه والله اخذت زين الشباب زين وعقل وادب ونسب
ابو راكان : قال من يشهد للعروسه قال امها ههههههههههههههههههههههه
راكان : مانطلع من جزاتها الغاليه دايم ورانا ونهتم بكل صغيره وكبير
متى تبين اوديك المطار يالغاليه بكرا
هيا: لا والله ماتقوم وتخرب نومك عشان توديني الصباح
هيا: ابوك يوديني ان شاء الله
ابو راكان : شف قليلة الخاتمه تبي تريح ولدها وانا تكرفني
هيا: هههههههههه ضعيف وبيكون سهران اليوم
ريماس:ماما لاتنسين تحطين هديه خالتي
هيا : لا مانسيت اول شي حطيته بالشنطه عاد لا وصلت هناك وديتها محل تغليف يغلفها لي
والله ودي انكم معي بس ابوكم الله يهدية وش اقول الحين للناس اذا اسالوني وين بناتك
ريماس : لا حبيبتي وهم عليهم اوقات صراحه احد يتزوج هالوقت وسط دراسه وبعدين عندي انا ساعات تطوع مستحيل افكر اروح
هيا : من شابه اباه فما ظلم
خل اقوم بسس اجهز اغراضي عشان اروح للمشغل بسوي حواجبي واظافري
راكان: اززززززززين من يتكشخ
هيا : تجي عنده وتحضنه ياويلي يلوموني فيككك وفي حنيتك الله لايحرمني منك بس
ريماس : ايييي حنا عيال البطه السودا