بعد مرور اول اسبوع على سفر مشاري وزوجته
بدت تتضح حالة انس الصحية انو حالتة حرجه ويحتاج يجلس بالعنايه كم اسبوع لين تستقر حالته ويسون له عمليه بعدها ترميم للحوض وعنده كذا عمليه بعد
في بيت مشاري
اصايل : الله يعطيك العافيه ياخاله ماقصرتي
بس انا اليوم باذن الله برجع بيتنا واخذ الي احتاجه واخذ كتبي والاب توب حقي تعرفين بكرا بيبدا دوامنا
وبروح عند جدتي اتصلت امس علي وتتشرهه تقول ماجيتينا ماتبين الا اهل امك
نوف: كم مرا اقولك ماعليك من اي احد ودايم اختاري الصح والا انسب لك
اصايل : حتى ولو ياخاله حتى بابا كل يوم يكلمني يقول هاه مارحتي لجدتك
نجد: اصايل بلا عبط ترا معك بنفس الجامعه يعني خلاص الانسب تكونين معي نروح مع بعض
اصايل : يشهد الله خاطري فيكم واجلس عندكم بس تعرفون انتم الي رادني
نوف: ابد وانا خالتك البيت بيتك متى ماحبيتي تزوينا حياك الله بس حطي ببالك ترا كل ويكند بجي واخذك وتتجمعين معنا مثل كل جمعه
اصايل :اي باذن الله الله لايحرمني منكم
نجد: خلاص ياماما انا بروح معها للبيت واساعدها بالي تبي تاخذه وبعدها اوصلها انا والسواق للبيت جدتها
نوف: تمام مافي مشكله اجل بكلم لكم عمران يتجهز واعطيه خبر
سعد كان طالع ياخذ طلبيه لة من المندوب
شاف عمران عند الباب
سعد : عمران غسل سياره اثنين يوم مافي غسيل ليه
عمران: انا في روح ودي نجد بيت سستر ماما
سعد: امممممم عمران اسمع انت روح مع صديق انتا واذا ماما كلام ليه قول سياره حراره في كثير وانا ودي ورشة انا كلام سعد سعد كلام مافي مشكلة انا ودي نجد
عمران: يهز راسه اوك بابا منصدم من طيبه سعد الي نزلت فجاءه ويبي يخدمه 😂
طلعو البنات مالقو سياره عمران
دق الهرن سعد وانتبهو له
نجد : سعددد ماشفت عمران
سعد : الا سيارته فيها مشكله وراح يوديها للورشه
الله يعيني يالله بوديكم ماعندي شي وعلى طريقي اصلاً
نجد : بصوت عالي اصاااااااايل تعالي سعد بيودينا السواق سيارته وخربانه
اصايل: متفشله ومستحيه تركب معه بس انحطت امام الامر الواقع بيكون شكلها بايخ لو ماركبت
قبل تركب اقررصت نجد قررررررصه وركبت
نجد: اءءءءءءءءءء وش دخلنيييييي
اصايل:سلام بصوت تقول قطو مخنوق😂
سعد:وعليييييييكم السلااااام بنت الخاله
مسرع مليتي منا افاااااا
اصايل: لاوالله بس تعليمات القائد
سعد: والله عاد العم ابو انس مانقدر نقولة شي
نجد: سعد ماكانك طوولت بافتتاح الفود ترك حقك ياللة نبي ناكل ببلاش 😂
سعد: والله انا جاهز بس ناقصني موظفين
وش رايك اوظفك انتي واصايل انتي تقطعين البصل
واصايل تستقبل الزباين عند الباب وتلفح بشعرها
نجد : تذكرت الموقف وفقعت ضحك هههههههههههههههههه
اصايل : بدون ماتحس ناضرت مرايه وخزت سعد الي كان يبي يشوف ردت فعلها
سعد :هههههههههههههه اسفين اسفين
نجد: انت مضيع حنا اول نبي بيت خالة شيخه
سعد: والله عاد انا مشتهي قهوه وبما اني انا السواق فمضطرين تتحملوني لين اخلص واوصلكم
راح لستار بكس وطلب له قهوه وطلب للبنات معه عطى نجد حقها ومد يده يبي يعطي اصايل الكوب
ماتت من الفشله ولاقدرت تاخذه
اخذته نجد وعطتها
سعد : الواحد يتمنى انه يصير عمران عشان عادي يعني يصير تاخذون منه ولاتستحون😂
نجد: هههههههههههههههه لو انك عمران كان الحين يمديك تعرف عنا كل شي كل شي يعرفه اوقات لما نسولف عنده يعطينا حلول لمشاكلنا من كثر ماهو مركز معنا
سعد: وش دعوه ولد البلد اولا😂😂😂😂 امزح امزح
سعد: ممكن اطلب منكم طلب
نجد: لا واضح بديت تاخذ راحتك بزياده
سعد: ابي مساعده منكم بسسسس صغيره ابي اروح افصل اللبس الموحد للعمال وحايس مادري وش اخذ قماش وكيف اخلي شكله
نجد:سعد خلاص خل انا وياك بعدين مانبي نزعج اصايل
سعد : وده يصفقهاااا وعطاها نظره يعني انطمي يالله لقيت هالفرصه
اصايل: لامافي مشكله ابشر يمدي نخلص وبعدها اروح اخلص شغلي
سعد اتوقع هاذي احلا كلمة ابشر سمعها بحياته
سعد : تبشرين بالجنة
اخذهم وراح للمكان الي يفصل الملابس الخاصه بالمطاعم والعماله
وحرفياً عيونه كانت ماتنزل من اصايل وده يشيلها من الارض
وكان اي شي تختاره اصايل يوافق عليه ويعتمده
خلصو وتاخر الوقت صار لازم عالسريع تجمع اغراضها عشان يوصلونها لبيت جدتها وهي بالسياره رايحة للبيت تذكرت انها بتروح لبيت جدتها الي فيه بنات عمتها الغثيثات وتنهدت تنهيده
انتبهو لها سعد ونجد
سعد: ارسل على نجد معقوله تذكرت يعني اخوها عورت قلبي
نجد : الا تذكرت بنات عمتها العلل
تكلم سعد مايقدر يمسك نفسه: اصايل ترا منتي مجبوره تروحين لمكان ماراح تكونين مرتاحه فيه اذا تبين اكلم خوالي يكلمون ابوك ويقنعونه ولاتضايقين نفسك وتجلسين بمكان ماتبينه
اصايل: لا بالعكس من قال هم بعد اهل ابوي اهلي وماني متضايقه بالعكس( ماكانت تبي تحسسهم انها متضايقه على مايوصل الخبر لابوها وامها وتشغل بالهم)
سعد : بس ....
نجد : خلاص خلها على راحتها وغمزت يعني قفل عالموضوع
وصلو البيت
اصايل : سعد يعطيك العافيه ماقصرت مابي اتعبك بدق على جدتي ترسل سواقها ياخذني
سعد : ولا كانه سمع شي انا واقف هنا متا ماخلصتوو وصلتك وعشان نجد بعد ترجع معي
جلست تجمع اغراضها بسرعه
اصايل: تكفين نجد حطي اللاب توب حقي والسماعات بالشنطه مابي اتاخر عليهم يسون لي سالفه انو جالسه متاخر ومع ولد خالتها بعد تعرفينهم مايحتاج انا بروح اشوف الشغاله اذا اخذت اغراضها كلها مابيها تجلس بالبيت بالحالها تروح معي افضل
نجد: اصايل لاتجلسين من الحين تخافين منهم ومن كلامهم ياحبيبتي كل وحده تروح تشوف نفسها وتخبيصاتها انتي اشرف منهم سبعين مرا
اصايل: مضطره يانجد اساااير الوضع هالفتره مافيني خلق مشاكل ووجع راس
خلصو عالسرررريع وطلعو الا سعد ينتظرهم وكان طويل الطرريق صمت كئيب
نجد وسعد زعلانين على اصايل
واصايل تفكرررر كيف بتكون الجلسه هناك في بيت جدتها الي تعرف انة نقيض بيت خالتها نوف
وصلو : اصايل : شكراً نجد تعبتك معاي
نجد : عيووووني لك والله ان تعبك راحه
اصايل : مشكور سعد ماقصرت
سعد : وده يقول والله عيوني وقلبي وروحي كلها لك
قال: ابد تعبك راحة يابنت الخالة . وتراني اسالك بالله اي شي تحتاجينه لايردك الا لسانك ابد انا موجووووود دايم وتحت امرك
اصايل : جعلك سالم
ودعت نجد ودخلت بيت الجده
—————————
بيت الجده (ام عبدالعزيز)
جدها متوفي وجدتها حرمة كبيره بالعمر ماتقدر تمشي الا بعربيه لكن عقلها معهااااا
عمتها منال مطلقه وعندها بنتين عايشة عند امها هي وبناتها ( اوقات تكون اطيب خلق الله واوقات مثل النار الشابه ) طبعاً ياويل الي يدوس لبناتها على طرف
سمر ٢٧ سنة سليطة لسان وتحقد على اصايل لانها جميله وتشوف دايم عمها يدلعها ويحب بنته (وتتذكر ابوها الي مايسال عنهم (موظفة اداريه بنفس الجامعه الي تدرس فيها اصايل
سارا : ٢٣سنه تمشي على خطى سمر مالها شخصيه
فاشله بالدرااااسه عشان كذا ماقبلتها ولا جامعه
—————————
دخلت عليهمممم الا كلهم محضرين بغرفة الجلووووس قامت عمتها تضمضمها وترحب فيهااااا
وجدتها من على سريرها تهلي وترحب
الجده : هلا هلا بالغاليه بنت الغالي
راحت تسلم على راس جدتها
سمر : ياعزي عنك ياجده من العصرر تنتظرينها وبنت الغالي وبنت الغالي وهي لها سبوع ببيت خالتها ماقالت بجي اشوف جدتي هههههههه مع ضحكة صفرا مثل وجها يعنني امزح
اسفهت كلامها وسلمت عليها وسلمت على سارا
وجلست
دخلت الشغاله حقت اصايل وقال وين اودي الشنطط
قالت سارا: وش دعوه جايبه شغالتك وتطالع بسمررر نظام الي بطقطق وانتي عززي
اصايل: لا بس ماحب اكون ثقيله على احد تجي تغسل وتنظف وراي ولا اخليها بالبيت بالحالها هي نفس بعد حنا مسوؤلين عنه
منال : تخز بناتها يعني انطموو ابد ياقلبي البيت بيتك ياصوووولااا الحلوه روحي غرفتك شوفيها الغرفه الي قدام غرفه سمر فصخي عباتك وحطي شناطك وانزلي نتقهوا مع بعض
اصايل : ماصدقك خبر قال اي والله ياليت وقامت راحت لغرفتها
سمر: الحين انتي يايمة تقولين لها البيت بيتك بعد كلامي كأنك تقولين ان بناتي قشران مايبونك بدينا بهالحركات الي مالها سنع
الجده: منال عويذ الله من بناتك الي من دخلت البنت وهن مثل الكبريت الي يضرب شرار
منال : وش دعوه يمة بنات يمزحن مع بعض ميرر حبك لبنت عبدالعزيز يخليك تتخيلين ان بناتي هن الي فيهم بلا
سمر: بدينا بدلع الماصخ تكفين ياجده تراها والله ماتبي الا فرقى هالبيت ودها تجلس بحضن نوفوه وبناتها وانتي خليك تدافعين عنها
الجده : يامنال عقبي هالعوباااا لاتفضحنا بعدالعزيز
منال : ليتك يايمه تحبين بناتي مثل بنات عيالك
الجده : كلهن بنياتي ومحبتهم وحده
سمر: وهي قايمة لغرفتها وتضحك بستهزاااا اي صحيح
جلست اصايل ترتب ملابسها بغرفتها وتجهز اغراضها للجامعه وتذكرت موضوع السواق لان سواقهم رايح اجازه وكانت امها توديها فتره اجازته
ارسلت لعمتها : هلا عمه اذا ممكن تبلغين السواق انو بكرا عندي محاضره الساعه٩ ونص اذا يقدر يوصلني
العمه: اذا اكيد من عيوني بس ترا سمرر تروح ٧ ونص وتعرفين زحمة الرياض اذا وداها اخاف يتاخر عليك
فاروحو مع بعض افضل
اصايل: اوك باذن الله
جتها الغصه تذكرت كيف كان الدلع عند ابوها وكيف كان سواقهم تحت امرررها
اصايل :اةة. يالله فتره وتعدي ان شاء الله والله يعيني على الوجهه الي بصبح عليه
من التعب ناامت ولا نزلت لهم تتقهوا مثل ماوعدتهم
سمر وسارا : الي دايم ياطالعات مع صديقاتهم والا بغرفهن هالمره اول الحضور على القهوه بسسس عشان مايفوتهن شي
سمر: اقوووول سارا ماودك بسسس نروح نشوووف لنا فلممم شكل الشيخه اصايل ماراح تنزل قايله لهم موب طايقتنا بس مايسمعون
الجده : خلوها على راحتها البنت تعبانه واكيد مستحيه
سارا: اوه العذر جاهز ههههههه
العمه : سمر ترا بكرا اصايل معك اذا خلصتي اتصلي عليها
سمر: اوه دلوعه بابا غريبه ماساقت شي غريب
وبعدين ماراح اتصل على احد انا ٧ ونص بكون بالسياره الي اذا جت والا كيفها وراي دوام بعد مابي اتاخر عليه حلوه ذي
العمه : ياحبيتي لاتفضحيني باااخووووي كافي انها بتروح قبل محاضرتها بوقت كثير عشانك
سمر :ابتسامة انتصار انو اصايل بتروح بتنطق قبل محاضرتها (اممممم يصيرر خيررر
صحت اصايل الساعه ٤ الفجر قامت توضت وصلت حست انو مافيهاً نوم واصلا تعتبر اطول فترة نامت فيها من حادث اخوها
حست نفسها جوعانه لانها على قهوه سعد الي امس شراها لها تذكرت سعد وابتسمت
وتذكرت لو انها لو ببيت خالتها وقامت هالوقت على طول نجد تحس عليها ويجلسووون يهذرون والا يطلبون لهم اكل
ارسلت على نجد :👀
انو اذا صاحية اكيد بترد عليهااااا
على طووووول جاها اتصال فديو بالسناب من نجد
اصايل : ههههههههههههههههههههههههه نجيدد صاحيه
نجد: افا عليججج هههههههههههههههههههه توقيتاتنا شابكة على بعض تصدقين مانمت الا ٢ ونص جالسه
افكر وش صارررر معك ومع شرشبيل واختها
اصايل : ههههههههههههه اه حلوه شرشبيل
ابشرك جيت وعلى طول نمت سبحان الله طحت بالفراش ماحسيت ربي رحمني من مقابلهم
بس مرا متفشله من جدتي وعمتي لان وعدتهم افصخ عبايتي واجي اتقهوا معهم
نجد: يياااااااا اصايل لاتفكرين باي احد فكري بنفسك طيب انسانه تعبانه وجاها النوم حرام خلاص اكيد عاذرينك
اصايل: يالله فكينا من طاريهم وشش علومك انتي
نجد: والله ابد حطيناك امسسس
وازعج اوم امنا سعد الا يسوي لنا عشااا باستا ويبي هووو يسووويها يقول ابي اذوقكم المكرونه الي بتكسررر الدنياااا بمطعمي واذا قلنا تراه فود ترك قال وش عرفكم بداية الخير قطره
اصايل:ههههههههههههههه بدال ماتشجعينه حرام عليكم
اصايل : اه نجد جوعانه ميته جوووع ومابي اتصل على نورمينا اكيد نايمه مسكينه الساعه ٥ ونص الحين
نجد : انزلي سوووي لك طيب اكل
اصايل : مستحيه والله ولا اعرف شي هنا ولا وين يحطون الاغراض
نجد : حلوه ذي اغراض بالمطبخ يعني وين بيحطونها الا اذا هالدبة حاطه الثلاجه تحت مخدتها ترا تسويها😂😂😂😂😂
اصايل :ههههههههههههههه تموتين اذا ماذبيتي عليها
نجد: ياخي غثيثه هالسمر دب وشين وفوق هاذا شايف حاله
اصايل: ياويلك تسمعك هههههههههههه
نجد : ياللله ننزل سوا للمطبخ وحنا نسولف ونطبخ سواااا انا بسووووي لي اندومي وانتي بعد سوي لك اكل
اصايل : تهقين عادي انززززل
نجد : قومي قومي لااصطرك لاموتي جوع اجل يالله بسررعه
نزلت اصايل وهي منحرجه احد يشوفها
نجد : تكفين اصايل اقلبي الكاميرا خل اقز مطبخهم ههههههههههههه
اصايل: وشو مطبخ يعني وش تتوقعين بيكون
نجد: اي ماعلية نتفرج وش ورانا هههههههههه
اصايل : ابشرررري قززززي الي تبين ههههههههههههه
نجد : افتحي افتحي الثلاجه خل اشووووف يمكن سمر نايمه وسطها هههههههههههههههههههه
اصايل : ههههههههههههههههههه تحاول تكتم الضحكة نجيد ياخبلة تكفين خلاص يسمعونا الحين
نجد: لايكون منتي لابسه سماعه
اصايل: الا لابسه ياحماره وهاذا وش االي لك ساعه تشوفينها
نجد: مدري خرشتيني
اصايل شكلي بسوووي لي بيض اسهل شي
نجد : اووووووه مقلي وابشري فوق جبن اويلاه
اصايل : عهههههههههههههههه ياليت نفطر سوا
نجد : مدري عنك رايحه لهم ميتة على مقابل شنقل وبنقل
جلسو سااااعه يسولفون وياكلون
ناظرت اصايل الساعه: ياويلي الساعه ٦ ونص مالبست ولا تروشت ولا شي
نجد : سلامات يامي محاضرتك ٩ ونص والله لو تتجهزين ٤ ساعات
اصايل : لاااا مضطره اروح مع شنقل الساعه ٧ ونص
نجد : خيرررر وش يوديك بدري
اصايل : مايقدر السواق يرجع لي
نجد : يع ياذي مشفوحة فلووووس تبي تفتح ابواب الجامعه شكلهاااا اول الحضور
اصايل:ههههههههههههع نجيد يبي لك تقولين كفاره المجلس اليوم ٧ مرات 😂😂😂😂
يلا سلااااااام اشووفك بالجامعه ياحبي
نجد: تبين اجي بدري عشانك ونجلس مع بعض
اصايل: لاااااا طبعاً لاتخليني اندم اقولك كل شي ارجعي نامي الحين مانمتي زين ونتلاقا هناك وقت المحاضره يالله سلام
طيران راحت تتروش وتلبس واول ماسمعت غرفة سمر انفتح بابها طلعت
اصايل : صباح الخيرر
سمر : هلا صباح النور
سمر: جوووووووسي سويلي قهوه وشاي اليوم باخذها معي
اصايل : يعني ماراح تطلعين الحين عمه قالت ٧ ونص
سمر : موب محاضرتك ٩ وورا وشفيك مشتطه
اصايل : مشتطه؟؟؟؟ لا عادي بس كنت البس مستعجله خفت اتاخر عليك
سمر : امم امم اوك وراحت تفطر بالصاله
جلست اصايل تنتظرها بالصاله
سوت نفسك تشوف مقطع وصورت سمر وهي تاكل الساندويش البيض بشراهه وحاطه قدامها ساندويشتن غيرها
واكتبت عالمقطع انتبهي لاااايجي يوم وتاكلك مثل كذا يانجيد هههههههههههههههههه
طبعاً الخوف الف تشوفها سمر تثمن تاكلها صح
خلصت القهوه وطلعو للجامعه طبعاً سمر مشغوله بجوالها وتضحك وتعلك علك بهمجيه
اصايل : تقول بنفسها سبحان الله متوظفة بمكان كله بنات مهتمات ومزز يعني ماتحس انو لازم ترتب نفسها وجسمهاا وخاصه توها صغيره
اشوي الا صوت سمر يقطع تفكيرها يالله انزل والا تبين افتح لك الباب ههههااااههااي<يعنني دمي خفيف
لان قسم الاداراه بمبنى ثاني فبتنزل اصايل اول
نزلت اصايل واخذت لها كوفي وجلست تتفرج بفديوهات امها الي كانت تصور انس وتبشرهم انه صار يتكلم بشويش ويصحى وينام من تاثير البنج القوي
بعدها اتصلت على ابوها وجلست تسوووولف معه وتاخذ اخبار انس وامها يعني قضت وقت الانتظار معهم
دخلت محاضرتها قبل تشوف نجد لان كل وحدة تختلف شعبتها عن الثانيه بس كلهم بنفس السنة لان اصايل متاخره سنه عن الدراسه لانهم كانو مع ابوهم برا السعوديه يدرس فدخلت اول ابتدائي بعمر اكبر بسنه من العمر المحدد
___——
في بيت طلال ابو راكان
طلال- اعملي حساب اصايل عالغدا اليوم بناديها تجي تتغدا معنا مابي اختي بكرا تقول ماادرى عن بنتي ولا سال عنها
هيا: ابشررر والله ان اصااايل عاد لها محبة بقلبي
وتبي الصدق ان دايم ادعي تكون من نصيب ولدي راكان يازينهم لايقين على بعضض
طلال :راكان 😳 لا وين توه راكان صغير
هيا: وهي بعد صغيره بالعكسسسس والله مناسبين لبعضض راكان اكبر من اصايل ب٤ شهور وش المانع ماياخذها
طلال: كان الفكره دخلت براسه (خل اخوها يقوم بالسلامه ونشووف وش اللة يكتب
ورفع الجوال ودق على اصايل
ابو راكان: مرحبااااااااا بالشيخه
اصايل : هلا والله ومرحبتين
ابو ركان : حي هالصوت وين الناس ماتقول بشوف خالي بسلم علية وامر جدتي من قريب
اصايل : والله ياخالي انت اعرف بالضروف الحين وحوسة الدوامات الحين بعد
ابوراكان : لا لا ماعذرك الا بشررررط
اصايل : انت تامر امر يالخال ابد تمم وش. شرطك
ابوراكان : تجين تتغدين معنا اليووووم وانا الي بجي امرك من الجامعه واخذك متا تخلصين
اصايل : ابد ابشر ماعاد اقدر اقول شي بعد اشوي بدخل محاضرتي الثانيه تقريباً ١٢ ونص اكون مخلصه
ابو راكان : ابد اصلي الظهر واجي اخذك
اصابل : الي تشوفه باذن الله
ابو راكان : يالله مع السلامة
اصايل : ياهلا والله مع السلامه
نجد : ايييي ياحظك بتاكلين من يدين خالة ام راكان 😂
اصايل : ههههههههههه عاد تصدقين كنت شايله هم الرجعه مافيني انتظر لين تخلص دوامها ٢
نجد: من جدك انتي تنتظرين الجيه الصبح قلنا ماعليه لكن الرجعه والله ماتنتظرينها نرجع سوا مع عمران
اصايل : ليتني سمعت كلام بابا وطلعت رخصه مع ماما
نجد : يالله قدام نسجل سوا بتعليم القياده
اصايل : ابد تمم بس خل تتحسن الاوضاع
نجد :يالله انا بتبدا محاضرتي سلااااام
—————————
في بيت ابو راكان
هيا: هلا والله زارتنا البركة
اصايل : الله يسلمك تعبتي نفسك ياخاله
هيا: لا والله ماسويت شي غدانا الي دايم
نوره: اشتقنا لك يالدبه
اصايل : تشتاق العافيه خلاص باذن الله كل وينكد نلتقي ببيت جدتي زي دايم بس الفتره الي راحت تعرفين الوضع
ريماس : كيف الوضع في بيت جدتك
اصايل: ابد كل شي تمام
هيااا: ياعمري ياراكان يوم درا انك بتجين جاب لك كيكه نتقهوا عليها ان شاااء الله بعد الغدا
ابو راكان : وهو يخز هيا يعني وش المناسبه يجيب لها الا بس تدخل ولدها بالسالفه
ابو راكان: اييي انا مكلمة قايل يمر يجيب لنااا
هيا: ايي ماتقصررر بس عاد هو يغليها من بد بنات خواله يقول كنا نلعب وحنا صغار مع بعضض ودايم مع بعض تخيلي ياصايل كنتو مطاااقق مع بعضض ودقايق الا ترجعون تلعبون
اصايل: وهي مبتسمه منحرجه ايي كنت انا وهو ونجد ونوره وسعد كلنااا شلة وحده😂
نوره : يوه سعد كان يمعطط شعورنا ويخرب علينا دايم
هيا: وووين زياد ترا هو اكبر منكم بكثيرر عشان كذا كان هو المسيطر
اصايل: بس لما نطلع حديقه والا شي هوو الفزعه حقتنا هههههههههههههه ياويل احد ينزلنا والا ينزل نجد
ريمااس: ليه ماتذكر زيكم هالطفوله ياحضكم
نوره: كنتي بزر انتي كنت انحااش من عند امي عشان ماتقول لعبي ريماس معك وانتبهي لها😂😂😂😂
طلال : اذكر مرا ههههههههههههه سعد جلد راكان ويوم سالته لية قال ماحد قاله يصير هطف ويخلي العيال ينزلون نجد واصايل من المرجيحه وهو يناظرهم ساكت ههههههههههههههههههه
هيا: ياحلوه ولدي من يوم يومه مودب موب مشكلجي زيه
ريماس: ههههههههههههه دلوع ماما راكان بالعكس حلوه شخصيه سعد انو يفزع لخواته
هيا : اطفال ياريماسووه ووليدي توه باول ابتدائي وذاك خامس مدري سادس
ابو راكان: سبحان الله سعد من يومه كذا له شخصيته الخاصه حتى بالدارسه عذب اختي الضعيفه تبية يطلع على اخوانه كلهم تخرجو من الجامعه الاهو
اصايل: هو يعرف نفسه طيب انه ماراح يقدر يواصل الجامعه وتفكيره هو تجاري هو هاذا هو بيفتح له مطعم واخوانه الجامعين كل واحد على راتبه
هيا: حتى ولو انا اشوووف الواحد يكمل جامعه وبعدها بكيفه يقرر يسوي الي يسويه اهم شي الشهاده
ابو راكان : بس ترا رتبته حلوه ر ئيس رقبا واعرف ناس معه بالدوام يمدحونه يقولون ونعم يعتمد عليه وماسك القسم حقه وممشيه زي الالف
والله لو يجيني سعد يطلبني نوره اني مالقا اطيب منه رجال لها
اصايل: حست بغصه قالت بنفسها ياويلي لو صدق حست انها فعلاً تحبه وماقدرت تتحمل هالفكره وهي مجرد فكره
ريماس : لا وش دعوه نوره يصلح لها زياد دافور مثلها ونفسيه هههههههههه
نوره: لا هاذا ولاذاك انا انسانه الحين مافكر الا بدراستي وبسسسس وتخز ريماس لانها تدري انها مهووسه بسعد
هيا: تخلصين جامعتك ان شاء الله ويبلغني ربي فيك عروس انتي وخواتك واصايل بعد
ابوراكان : الحمد الله وسلم الله يمينك يام راكان اعذروني بروح اقيل اشووي قبل الصلاه
بعد ماقام فضى الجو لهيا تكمل تلميحاتها
هيا: ياعمري ياراكان جاب الكيكه وطلع على طول لمكتب مقاولات راسله ابوه يخلص كم شغله
ابو راكان الله يسااامحه معتمد عليه بكل شي حتا للحين ماتغدا
ريماس : اييي خليه يخدم ابووي وش ظيفته بالحياه ازعجتونا رجال رجال يالله خل يقوم بمهماته كارجل ويشيل عن ابوه كل ماقلنا ليه راكان عادي مسموح له كل شي قلتو رجال يالله نشوف الرجوله
هيا: يازينه رجال وزين الرجال عسى ربي يوفقه واشووفه معرس واحط عروسته بعيوني وتناظر اصايل
نوره: يوم عاد الي بتاخذ راكان وتجيب حفيد العايله احسها عند الوالده بتصير الامرة الناهيه
ريماس : هنا يالله براكان ودلعه تجي حرمتة😂
اصايل: وين توه عالزواج راكان احس توه خلوه يعيش كل مراحله
هيا: يوه لايسمعك مزعجنا يقول اخطبولي عشان اول ماتخرج من الجامعه تزوجوني
هيا: عاد قلت له العروسة عندي ادب وجمال واخلاق وتغمز لاأصايل
اصايل: غصت باللقمه الحمد الله شبعت بقوم اغسل وسلم الله يمينك ياخاله دايم طبخك يفوز
ريماس : ههههههههههههههههه فهمنا التلميحة حقت الوالده القائدة وفهمنا بعد انسحاب اصايل ههههههههههههه
طلعت اصايل لغرفه نوره يسولفون اشووي وينتظرون صلاة العصر عشان يصلون وينزلون يتقهوون
الا ريماس تفتح باب الغرفه بسرررعه :بنااااااااات