حور:حمد الله علي سلامتك يا ريتاج
ريتاج بتعب ممزوج بأبتسامه:الله يسلمك يا رورو ، شوفتوا البيبي
سوزان :شوفناه يا حبيبتي زي القمر أخده علي الحضانه يطمنوا عليه وشويه وهيجبوا عشان ترضعي
فريده :حمد الله علي سلامتك يا نور عيني كده تخضينا عليكي
ريتاج: الله يسلمك يا ماما
حمزه بمرح:أحلي حاجه أن البيبي كله ريتاج وهي صغيره الحمد الله أنه مخدش حاجه منك يا فريد 😀
فريد بغضب مصطنع:علي فكره واخد غمزاتي لما بيضحك وبعدين حتي لو مش واخد مني حاجه أنا أطول أبني يبقي بالحلاوه والجمال ده
حور:بس مكنتش أعرف أن فريد بيحبك أووي كده يا ريتاج ده كان بيترعب يدخل أوضة العمليات لكن أنتي أول ما تطلبتي منه يدخل معاكي الفوبيا راحت مش كده يا فريد 😀
فريد بأحراج:هي كانت تعبانه وأنا كنت خايف عليها عشان كده وافقت ادخل معاها والا أنتي عرفاني في الوضع الطبيعي مستحيل كنت أدخل
حور:اه طبعا أنت هتقولي أنا اكثر واحده عارفه ، صحيح الحب بيغير النفوس
كمال: بطلوا خناق أنتوا الاتنين وأكبروا شويه بقي مفيش فايده فيكم هتفضلوا أطفال ده وقته ، حمد الله علي سلامتك يا بنتي والف مبرووك
ريتاج:الله يبارك فيكي يا أونكل
عزيز يبوس راس ريتاج:يتربي في عزك يا ريجا ، كده تكبريني وتخليني جدو ، مش مصدق أن أميرتي الحلوه الصغيره كبرت وبقت أم مبرووك يا حبيبتي
ريتاج:الله يبارك فيك يا بابا ربنا يخليك ليا
يحيي وسيرين:الف مبرووك يتربي في عزكم
فريد:الله يبارك فيكم ، امال فين سولي ده كان مستني البيبي يجي بفارغ الصبر
سيرين:نام وأحنا جاين في الطريق سبناه في العربيه مع سليمان
الباب خبط
مراوان:السلام عليكم
فريد:خالو مراوان طنط ثريا أيه المفاجأه الحلوه دي اتفضلوا
مراوان:،بصراحه أنا وثريا مقدرناش نروح من غير ما نتعرف علي أصغر فرد في عيلة الراوي
ثريا:الف مبرووك يا ريتاج يتربي في عزك ياحبيبتي وتشوفيه أحلي عريس أن شاء الله
ريتاج:الله يبارك فيكي يا طنط والله أنا فرحانه بوجودكم جدا ياريت كمان سجي كانت هنا
حور بحزن:هي عرفت أن ريتاج ولدت يا ثوثو
ثريا:كلمتنا واحنا في الطريق كانت عايزه تبارك لعليا وزياد بس ملحقتش وقولتلها وفرحت أووي وبتقول هتكلمنا بكرا فديو عشان تبارك لريتاج وفريد
فريد:الله يبارك فيها كان نفسنا تبقي هي وماجد معانا حتي عليا زعلت عشان مقدرتش تيجي فرحها
حور:مقدرتش تتأقلم مع العيشه في مصر طبيعي تأمن مستقبل بنتها وتبقي جمب جوزها
مراوان:حبيبتي عارف انك زعلانه وحقك بس صدقيني بكرا لما يبقي عندك ولد هتفهمي أن أهم حاجه أنك تضمنيله مستقبل كويس وهما جتلهم فرصة شغل كويسه في لندن مكنش ينفع يضيعوها
حور بأبتسامه حزينه:أنا مش زعلانه يا ميرو أنا أتعودت علي الوحده
يحيي:متقوليش كده يا حبيبتي أحنا كلنا جمبك
ثريا:أنتوا هتقلبوها نكد ليه ،قولي يا فريد قررتوا تسموا البيبي أيه
فريد يبص لريتاج بأبتسامه:هنسميه أمير
مراوان:يتربي في عزك يا حبيبي
عزيز:العيال شكلهم هيكبرونا يا كمال
كمال:أتكلم عن نفسك يا عزيز أنا جد للمره الثالثه ولسه شباب
الكل:ههههههه
••••••
بعد مرور أسبوع
يحيي:السبوع أمبارح كان يجنن وأمير كان طالع زي القمر يا حبيبي
سوزان:فعلا شكله هيطلع شقي زي أبوه ، كل يوم مبيخليش المسكينه ريتاج تعرف تنام كويس
سيرين:معلش ياريتاج هي اول سنه كده بتبقي صعبه بعد كده هتتعودي
ريتاج؛يا مسهل أنا بحاول أتعود وأظبط يومي علي مواعيد نومه
حور:بما أننا كلنا متجمعين أنا حابه أقولكم حاجه
كمال:خير يا حبيبتي
حور:أنا بفكر أسافر أسكندريه
سوزان:ليه يا حبيبتي
حور:أنا حابه أقعد لوحدي كام يوم محتاجه أفكر هعمل ايه الفتره الجايه من حياتي وأتمني تفهموني
كمال:أحنا فهمينك يا حبيبتي وحاسين بيكي كمان وعشان كده معنديش مانع أنك تسافري بس توعديني تاخدي بالك من نفسك وتطمنينا عليكي كل يوم أتفقنا
حور بأبتسامه:أكيد أتفقنا بعد أذنكم هطلع علي أوضتي شويه
كمال:أتفضلي يا حبيبتي
سوزان:ليه وافقت أنها تسافر ، أنا مش هستحمل بنتي تبعد عني تاني انت فاهم
كمال :أنا أكثر واحد عارف حور كويس وطالما هي طلبت تسافر يبقي أكيد هي محتاجه ده، حور دلوقتي حاسه أنها لوحدها بعد ما سجي سافرت لندن وعليا وزياد اتجوزوا وهيستقروا في دبي ، ده حتي سراج هيخطب الدكتوره جميله وهيستقروا في لوس أنجلوس وأخواتها قد ما حاولوا يخصصولها وقت بس كل واحد فيهم بقي عنده عيلة وولاد ومسؤليات ، ومحدش بقي فاضي يتكلم معاها زي الاول ، عشان كده بقولك هي محتاجه السفاريه دي عشان تصفي ذهنها وتحدد هدف تعيش عشانه الفتره الجايه
يحيي:بابا معاه حق يا ماما وبعدين انا حاسس ان حور هترجع من السفاريه دي أقوي من الأول وعارفه هي عايزه أيه
•••••
في المساء
حور كانت بترتب حاجتها في الشنط لانها قررت تسافر أسنكدريه بكرا الصبح
يحيي:ممكن أدخل
حور:طبعا اتفضل
يحيي:خلاص نويتي
حور:أه أنا أصلا أتأخرت في القرار ده وضيعت وقت كثير جه الوقت اللي أفوق فيه لنفسي واعرف انا عايزه اعمل أيه
يحيي:وأنا واثق انك هترجعي من السفاريه دي أقوي من الأول
حور :ربنا يخليك ليا ، ماما وبابا فين صحيح
يحيي:خرجوا يتعشوا برا، ماما مش موافقه علي فكره سفرك وزعلانه فبابا أخدها يتعشوا برا يمكن يعرف يلين دماغها ويخليها تغير رأيها
•••••
يارا:ممكن اقعد معاك شويه
حمزه:أتفضلي
يارا:من شويه كنت عند ريتاج في البيت بباركلها علي البيبي ، عرفت أن حور قررت تسافر أسكندريه بكرا
حمزه:اه ما انا عارف
يارا:وهتسبها تسافر
حمزه:المفروض أعمل أيه
يارا:حمزه أنت كدبت الكدبه وصدقتها ولا أيه
أنا عارفه وأنت عارف أنك لسه بتحبها ليه عايز تبعدها عنك تاني
حمزه:ومين قالك أني لسه بحبها
يارا:لو مش بتحبها تقدر تقولي روحتلها المستشفي ليه لما عرفت أنها أتعرضت لصدمه وأصريت أني أدخلك أوضتها تشوفها
حمزه:عادي خوفت عليها متأكد أن لو هي برضو كانت مكاني كانت عملت كده
يارا:صح كانت هتعمل كده عشان بتحبك حتي وهي فاقده الذاكره كلنا شايفين في عينيها هي بتحبك أد أيه
حمزه:لو بتحبني بعدت عني ليه ، موثقتش فيا ليه، أستسلمت لتهديد واحده حقيره كل همها الفلوس وبس وطلبت مني الطلاق وبعدت عني
يارا:لسه مجاش الوقت أنك تجاوبني علي السؤال اللي سألتهولك
حمزه:سؤال أيه
ي
ارا:السؤال اللي سألتهولك لما طلبت مني أكدب علي عيلتك وعلي الناس اللي بيحبوك وأقولهم أنك فقدت الذاكره ، أنت بتعمل كل ده ليه
فلاش باااك
يارا بأبتسامه :حمد الله علي سلامتك يا حمزه أخيرا فؤقت
حمزه بتعب:أنا فين أيه اللي حصلي؟
يارا:أنت عملت حادثة وبقالك حوالي شهر في غيبوبه
حمزه:شهر ، طيب أنا فين
يارا:متخافش أنت في أمان ، أحنا في مزرعة بابا ، انا جهزت الأوضه دي وعملتها أوضة عنايه مركزه علشانك
حمزه:عرفتوا مين اللي كان ورا الحادثه
يارا:بيقولوا واحد أسمه سيف الانصاري
حمزه:البوليس قبض عليه مش كده
يارا:اللي أعرفه أنه لسه هربان ، ده كمان مطلوب في جريمة قتل تانيه واحده أسمها هايدي
حمزه بدهشه:هايدي ماتت
يارا:للاسف أيوه هي والجنين اللي كان في بطنها مقدروش ينقذوهم ماتوا قبل ما يوصلوا المستشفي
حمزه يحاول يقوم من علي السرير:أنا لازم أمشي حالا
يارا:تمشي تروح فين يا حمزه مينفعش أننت لسه تعبان
سامر:أيه ده حمزه أنت فؤقت ، حمد الله علي سلامتك يا صاحبي
يارا:الحقني يا سامر وشوف المجنون ده عايز يخرج وهو لسه يدوبك فايق من الغيبوبه
سامر:أهدي بس يا حمزه وأنا هفهمك كل حاجه وبعدين مينفعش تخرج عشان أنت بالنسبه للناس ولصحافه والأعلام ميت
حمزه بدهشه:ميت ميت أزاي يعني مش فاهم
سامر:هفهمك كل حاجة ، يارا من فضلك ممكن تسيبينا لوحدنا
يارا:أه طبعا بس من فضلك متتعبوش، تحب أبلغ أونكل عزيز أنك صحيت
حمزه:مش دلوقتي يا يارا من فضلك أما أفهم وأستوعب أيه اللي بيحصل حواليا ، هقولك تبلغيهم أمتي
يارا :زي ما تحب عن أذنكم
حمزه :فاهمني بقي أيه حكاية ميت دي
سامر :أنا وزين اللي أقترحنا كده علي عمو عزيز عشان نحميك من سيف لأنه لو كان عرف أنك لسه عايش كان هيبعت حد يقتلك في المستشفي
سامر حكي لحمزه كل الخطه اللي عملوها مع عزيز عشان يوقعوا بين هايدي وسيف
حمزه:وهايدي وافقت تسلم سيف مقابل الفلوس معتقدش
سامر :بس هي بقي حسبتها صح ووافقت وكلمت أونكل عزيز وقالتله أنها موافقة تسلمه سيف مقابل أنه يحولها 2مليون جنيه علي حسابها في البنك ، وأونكل وافق وبعت رجاله علي بيت هايدي عشان لما هايدي تبعتلهم رساله يطلعوا يا خدوه، بس للاسف حصل اللي مكناش متوقعينه
حمزه:حصل أيه
سامر:الرجاله اللي كانوا بيرقبوا بيت هايدي شافوا سيف نازل من عندها بيجري وعلي أيده دم لما الرجاله طلعوا يجروا ورا قدر يهرب منهم والرجاله اللي طلعوا علي شقة هايدي لقوها مضروبه رصاصه في قلبها وكامليا هانم جمبها ومنهاره من العياط وفي حالة صدمه وبتقول :قتل بنتي وحفيدي
حمزه؛طب وهو عمل كده ليه معقوله عرف أنها كانت هتسلمه
سامر:للاسف أيوه ، الشغاله اللي كانت بتساعدها في البيت جندها لحسابه وكان بيخليها توصله كل أخبارها زي ما يكون كان حاسس أنها هتبيعه ، والشغاله طبعا حكيتله علي الاتفاق اللي سمعته ما بين هايدي وأونكل عزيز ، فحب أنه ينتقم منها ويخلص عليها هو قبل ما هي تسلمه لينا وقتلها
حمزه بغضب :طول عمره واطي وحقير يقتل أبنه بأيده
سامر:طالما أنت كنت عارف أنه أبنه ليه كنت مصر أنه أبنك أنت وليه لعبت عليها لعبت الجواز دي من الاساس ممكن تفهمني
حمزه:كنت عايز أنتقم منهم عشان دمرولي حياتي وكانوا بيحاولوا يلعبوا بشرف وسمعة أختي ، وبسبب لعبتهم القذره وطمعهم للفلوس أنا أتحطيت في أختيار بين سمعة وشرف أختي وبين مراتي وحبي ليها
ومكنش قدامي حل غير أني أحمي الأثنين أطلق حور وأبعدها عن حياتي واحميها منهم كده كده هي مكنتش مبسوطه معايا ومكنتش عارف أخليها تصدق بأي طريقه أني بحبها بجد ، وأحمي سمعة أختي وأخد من هايدي الصور اللي بيهددوني بيها بس في نفس الوقت أنتقم منهم هما الأثنين
أنا كنت عارف أن واحده زي هايدي مفيش حاجه تهمها قد الفلوس ومتعرفش أصلا يعني أيه حب ، كنت عارف أن لو سيف فلس هايدي هدور علي مصلحتها وهتسيبه وتقرر تكمل حياتها مع الشخص اللي مستقبله مضمون ويأمنلها الحياه اللي بتحلم بيها اللي هو أنا طبعا وبكده أكون أنتقئمت من سيف أني خليته يبقي علي الحديده وفي نفس الوقت أخدت منه أهم سلاح بيلعبني بيه اللي هو هايدي، وأكيد هايدي عشان تتخلص من سيف هتسلم الأدله اللي مسكاها علي سيف للبوليس عشان تثبتلي حسن نيتها وأنها ندمانه علي خيانتها ليا زمان وعندها أستعداد تبدأ معايا حياه جديده، وقتها أنا كنت هطردها من حياتي بعد ما اللاقي الصور اللي هي هددت حور بيهم وخلتها تبعد عني
وبكده أكون أنتقمت منهم وخسرتهم كل حاجه ، دي كانت خطتي بس طمعهم للفلوس وحقد سيف عليا خلاهم يفكروا يقتلوني عشان يورثوني ويتمتعوا بفلوسي بعد ما أنا أموت ، مكنتش متخيل أن طمعهم لفلوس ممكن يخليهم يقتلوا أنسان
سامر:مش مصدق أن في ناس بالشر والكره ده
حمزه:لا صدق بس أنا لازم أشوف مدام كامليا ضروري هي أكيد تعرف حاجه عن الصور ، لازم أضمن أن الحقير ده ميحاولش يبتزني بالصور دي في يوم من الايام
سامر:بس الدكاتره بيقوله أن حالتها صعبه وفي أيامها الأخيره ، دول حتي منعين عنها الزياره
حمزه:عشان كده لازم اشوفها في أسرع وقت وأنت لازم تساعدني يا سامر لازم أعرف الصور فين
سامر:هحاول أخليك تشوفها
•••••
في المساء
سامر:غطي وشك وأنزل من العربيه
حمزه:هي دي المستشفي
سامر:أيوه هي غطي وشك يمكن الحقير ده مخلي حد مراقب المستشفي مش لازم حد يعرف أنك عايش دلوقتي لحد ما تعرف أنت ناوي تعمل أيه
حمزه :طيب يلا بينا
حمزه خبط علي أوضه كامليا و دخل
كامليا بدهشه:حمزه أنت عايش
حمزه :أيوه أهدي أنا لسه عايش اهلي اضطروا يقولوا كده عشان يحموني من سيف خافوا يحاول يقئتلني بس أنا بعد الحادثه دخلت في غيبوبه ولسه فايق النهارده
كامليا بحزن:عرفت اللي حصل لهايدي مش كده
حمزه :ايوه عرفت البقيه في حياتك
كامليا:حياتك البقيه وأنت كمان البقيه في حياتك في أبنك
حمزه:بس ده مكنش أبني
كامليا بصدمه:مكنش أبنك ازاي والتحاليل اللي أتعملت اللي بتقول انه أبنك
حمزه:كلها مزوره هايدي عملتها بالأتفاق مع سيف عشان يلعبوا عليا
كامليا :ولما انت عارف أنه مش أبنك أتجوزتها ليه
حمزه:عشان كانت بتهددني بصور تمس سمعة أختي وبسببها أنا و حور أطلقنا لأنها هددت حور بالصور دي عشان تخليني أطلقها وأتجوزها
كامليا :صور أيه اللي بتتكلم عنها ، أنا سلمت حور صور ريتاج بأيدي لما جتلي تعرف طبيعة العلاقه بين هايدي وسيف وحكيتلي ان هايدي بتهددها بالصور عشان تطلق من حمزه وطلبت مني أساعدها تلاقيهم ، وفعلا لاقتهم وسلمتهوملها
حمزه بصدمه :أزاي أنتي متاكده يمكن كان في صور تانيه هايدي بتهددها بيهم
كامليا :مستحيل أنا سلمتها كل النسخ ومتأكد أنه مكنش فيه نسخ تانيه
حمزه:أمال طلبت الطلاق مني ليه؟
كامليا:انا كمان لما عرفت انكم أطلقتوا أستغربت بس لما هايدي جت وقالنلي أنها حامل منك وورتني التحاليل اللي بتقول أنك أبوه وأنك هتتجوزها ، قولت أكيد ده السبب
وزعلت علي طلاقكم من قلبي
حمزه:طيب أنتي سلمتيها الصور دي أمتي بالضبط
كامليا:قبل ما تسافروا حفلة التكريم بأسبوع
حمزه بصدمه :أمال ليه طلب مني الطلاق
••••••
سامر:مالك يا حمزه أيه اللي حصل قالتلك أيه
حمزه بعصبيه:انا لازم أكلم حور دلوقتي هات تليفونك
سامر:أهدي ياحمزه وفاهمني الأول حصل أيه
حمزه:بقولك هات تليفونك
سامر:مش هترد عليك يا حمزه
حمزه بعصبيه:ليه ان شاء الله ماتت
سامر:لأ بس لما عرفت أنك عملت حادثه وقرأت خبر موتك علي الانترنت عملت حادثه ودخلت في غيبوبه هي كمان وبين الحياه والموت أرتحت
حمزه أتصدم 😲😲
•••••••
سامر:ناوي تعمل أيه يا حمزه
يارا:وهتقول لأهلك أمتي أنك صحيت
حمزه:بكرا الصبح اتصلي بيهم وقوللهم أني فؤقت
يارا:تمام
حمزه:بس هتقوليلهم أني فقدت الذاكره تحديدا أخر سنتين في حياتي
سامر:ايه
يارا:ليه عايزني أعمل كده ممكن أفهم
حمزه :هتفهمي كل حاجه في الوقت المناسب أعملي اللي بقولك عليه دلوقتي ومش عايز حد يعرف بالاتفاق ده أوعدوني
يارا وسامر:وعد
بااااك
حمزه:في الأول عشان أعرف السبب الحقيقي اللي خلي حور تطلب مني الطلاق ، بس لما عرفت أن هي فقدت الذاكره اضطريت أكمل في اللعبه عشان أحميهم من اللي أسمه سيف خصوصا بعد ما شوفت سيف في جنازة كامليا هانم تقريبا كان عايز يتاكد أني فاقد الذاكره ، وللاسف يومها برضو هرب ومعرفناش نمسكوه ، فكان لازم أكمل في الكذبه عشان أحمي عيلتي وحور من شره طول ما هو عارف أني انا وحور فاقدين الذاكره مستحيل يأذي حد فيهم لانه مشكلته معايا أنا وحور
فضلت مستني سنه كامله أنه يظهر أو يحاول يتعرضلي أو يقتلني بس مظهرش ، بس لما حور رجعت بقيت مرعوب عليها خايف طول الوقت أنه يأذيها عشان كده هسيبها تسافر عشان تكون في أمان وهي بعيده عني فاهمتي ليه بعمل كده
يارا بأبتسامه:فهمت أنك برغم أنك بتحاول تظهر أنك بطلت تحبها ووجودها مش فارق معاك بس عينك بتقول قبل قلبك أنك بتحبها ومتقدرش تعيش من غيرها🥰
حمزه:أنا رايح أنام عندي أجتماع مهم بكرا تصبحي علي خير
○••••••
في صباح اليوم التالي
سوزان :برضو مصممه تسافري لوحدك
حور:كده أحسن يا سوزي أنتي عارفه مش بحب لحظات الوداع ، متخافيش هسوق علي مهلي وهطمنك أول ما أوصل علي الفيلا
كمال:هتوحشني يا رورو خدي بالك من نفسك وكلمينا كل يوم مفهوم
حور :علم وينفذ يا كموله وأنت كمان خد بالك من نفسك
الكل ودع حور وركبت العربيه ومشيت
سوزان:معرفش ليه قلبي مقبوض يارب استرها مع بنتي وأحميها💔
•••••••
حمزه كان في الاجتماع ووصلته رساله من رقم غريب
حمزه فتح الرساله واتصدم لما شاف حور مربوطه في مكان مهجور ومكتوب تحتها
《لو عايز تشوف حبية القلب قبل ما تموت وتودعها تعالي علي العنوان ده لوحدك》
حمزه بصدمه وخوف :حوررر😱
استوب🙃
تفتكروا مين اللي خطف حور 🤔
أشوفكم الاسبوع الجاي🤩
متسوش التصويت ورأيكم في الفصل
#لولا الشريف❤