رمت الكتاب : اففف وربي طفشت راسي صدع من الدراسة
ناظرت جوالها ،الساعه كانت وحدة الظهر
: وش اسوي مليت ،برن على مشاعل اشوفها شتسوي اكيد نايمة بهالوقت هههه
رنت عليها ردت بعد عدة رنات
: الو
: كيف مشاعل اخبارك
مشاعل : الحمدلله صبا وانتي
صبا : تعبانه وطفشانه من الدراسة اففف
مشاعل همهمت لها : ايه وانا بعد جالسة ادرس
صبا : شفيك شعلوه
مشاعل : ولا شي
صبا : لا منجد شفيك ،اول مرة تكوني كذا ،ردودك عادية وين حماسك
مشاعل : مافي شي من الدراسة بس
صبا : طيب ما بعطلك مع السلامه
مشاعل حست انها زعلت : انتظري صبا
صبا : نعم
مشاعل تنهدت : تكفين لا تزعلين مني تدرين اشكثر احببك انا
صبا : وانا احبك ،وفاهمة انك متأثرة بلي صار
مشاعل : انا بس قلقانه على اخواني وربي
صبا : شفيهم
مشاعل : تخيلي انه من اسبوع ،من لما رحتي ما اكلو
صبا بصدمه : اسبوووع ،ليش
مشاعل : مشعل فهد مانعه من الطلعة من البيت بسبب الي صار هو الي قايل لراشد كل شي ،ومن وقتها ما ياكل شي ،وامي بس تقول لفهد راضيه يقول ما بكلمه لين ترجع صبا
صبا : وفهد
مشاعل : وفهد بعد من اسبوع ما طب فمه الا القهوة والمي بس ولا اكل ،صدقيني صبا ان فهد مررررة تعبان حتى نوم ما ينام ،وما يكلم احد مرة متأثر ،والحل بيدك تكفين ارجعي والله اني خايفه على اخواني
بلعت ريقها ،لذي الدرجه ،بس هو ليه ما كلمها ولا مرة زارها هنا وقال ارجعي ،والله لو جا راحت معه لييييييش
صبا : امي تناديني اكلمك بعدين
مشاعل : صبا
صبا : مع السلامه
اغلقت الجوال
فتحت على رقم فهد ومترددة ترن او لا
رمته على الارض وغطت وجهها وصارت تبكي
: ليه تسوي كذا معي يا فهد ليييه ،من يوم ما طلعت وانت ما فكرت تكلمني لهالدرجة اهون عندك هاا
مسحت وجهها : طيب ليه مانع نفسه الاكل ،واسبوع ؟ كذا يضر نفسه ،اااخ يراسي وش اسوي
قامت : سعود مالي غيره
طلعت من غرفتها وتوجهت لغرفة سعود وطرقت الباب
: ادخل
دخلت : سلام
كان يكتب باللاب توب وامامه كراسة وكتاب ولابس نظارته الطبية ويدرس
بدون لا يناظرها : هلا ،ادخلي
دخلت وجلست على السرير تناظره
ناظرها ورجع يكتب : وش فيك
صبا : ولا شي
رجع ناظرها بتركيز : كنتي تبكين؟
صبا : ها لا شدعوه
سعود : الا كنتي تبكين متأكد انتي مو مسحة وجهك صح حتى انتي اكيد جيتي لان عندك شي صح؟
اومأت وناظرت بيديها
تنهد وخلع نظارته ولف مقعده ليواجها وتكتف : صبا قولي الي عندك
ناظرته وما حكت
جر مقعده ليصير امامها بالضبط ومسك يديها : رح اساعدك واعطيك الحل اوعدك ما تطلعين من هنا الا مرتاحه زين؟ بس احكي لي
صبا عبست : فهد
عقد حواجبه : وش فيه
صبا : مشاعل تقول لي انه من اسبوع مو ماكل شي وما يكلم احد حتى
سعود همهم : وانتي خايفة عليه صح؟
صبا : ايه
سعود : ارجعي
صبا : تخيل ارجع له من نفسي مو حلوة بحقي وانت تدري وش بقول لابوي بعد
سعود : بس هو زوجك على الاقل اتصلي فيه انتي وكلميه
صبا : بس هو ما اتصل فيني ولا مرة وما كلمني ولا جاني هنا يمكن ما عاد يبغاني
سعود : وش قلت من قبل ،فهد مستحيل يتخلى عنك ولا يتركك
صبا : بس فيه شي صار ما تعرفه انت
سعود : وشو
صبا توترت : مم ما ادري كيف اقولك
سعود : قولي ولا تخافين ،والكلام بينا ما احد بيعرفه
صبا اخذت نفس قوي : اا انا ،اا انا صفعته
وغطت وجهها
سعود استوعب للحظات ومنه قام : ويييييييييش ،ويش سويتي انهبلتييي انتي
صبا : بالغلط صدقني ،كنت معصبة وزعلانه بسبب الكلام الي سمعته
سعود مشى ورجع : ياخي انتي وووش ها ،وانا اقول وش السبب ،اكيد ما بيكلمك ،ذي سواه تسويها
صبا دمعن عيونها : تكفى لا تخوفني ، والله اني ما اقصد
جلس وحاوط وجهها : اسف اسف ،رغم ان الي سويتيه غلط بس عادي اكيد ما بيصير شي ،بترجعون مثل قبل
صبا : ايه ايه لانك ما تعرف فهد
سعود : ما اعرفه مثل ما تعرفينه انتي ،بس متأكد بترجعون لبعض وقريبا جدا
صبا : كيف
سعود قام وقومها معه : الحين بتروحين وتغيرين لبسك البسي احلا شي عندك طيب
صبا : بتصورني له يعني هههه
سعود : لا بخليه يشوفك
صبا : وش؟
سعود : روحي يالله رح استناك تحت لا تتاخرين
صبا : لوييين
دفعها لخارج الغرفة : بعدين ،لا تسألين يالله
تأففت وراحت الغرفة
تروشت فعلا وجففت شعرها وراحت خزانتها
وقعت اختيارها على ذا بس لونه ازرق غامق
سرحت شعرها وخلته منسدل على ظهرها وخصل منه على كتف واحد
تعطرت ولبست عقد بسيط وخفيف
لبست عباية واختارت احلا شي وارقاها عندها ،واختارتها لانه فهد اشتراها لها
خلصت واخذت حقيبتها وجوالها ونزلت
شافت سعود ينتظرها متكي على السيارة
صفر : بتموتينه
صبا باستغراب : من
سعود : ولا شي اطلعي
طلعت وانطلق
.
.
.
.
صبا : ممكن تحكي شي
سعود : شي
صبا : سعود بلا سخافه ،اتكلم جد من لما طلعنا وانت ساكت
سعود : قربنا نصل
صبا : وين
سعود : الحين تعرفي
صبا لاحظت انها دخلت منطقة كلها بنايات عالية
صبا : وين ماخذني
سعود : تكفين اصبري عندي خطه حلووووة بتعجبك ،مو تبغين انه ترجعون انتي وفهد
صبا : ايوه
سعود : اصبري خمس دقايق اجل
تأففت وسكتت
دقايق ووقف امام بناية عاااالية جداا وكلها من الزجاج
صبا : وش ذا
سعود : شركة
صبا : شركة من ،ابوي؟
سعود نفى براسه : زوجك
شهقت : جايبني لشركة فهد ،انهبلت ،ردني يالله
سعود : بلا هبل انتي وانزلي
صبا : وييييين انزل تكفى عااد ،بموووت ما اقدر اقاابله تكفى
سعود : اهدي ،اهدي ،وانا وعدتك انك بترجعون قريب ،ومافي حل الا ذا لازم تتقابلون ،وعادي ما بيصير شي صدقيني طيب؟
صبا اومأت له : طيب لو يعصب علي لاني جيت الشركه
سعود : لا ما بيكون عنده وقت يعصب هههههه وبعدين يقولون السكرتير عنده بنت شوفيها لا تسرق زوجك
صبا : ما اسخفك
سعود : يالله عاد انزلي
صبا : طيب وش باقي الخطة
سعود : اي خطه
صبا : خطتك اروح له ووش اسوي
سعود ضحك : باقي الخطة عليه بتوقفين قدامه وبس هو يعرف وش بيسوي ما عليك ههههههههههههههههه
صبا : اكرههك ،مرررة متوترة
سعود : يالله عاد لا تزودينها امشِ
نزلت واغلقت الباب جت بتمشي بعدها رجعت وفتحته
: سعود
سعود : هلا
صبا : ما اعرف اصله وين مكتبه
سعود : ما بقلك ،تمشي بالشركة ودوريها هههه
ضربت الارض بقوة وراحت للبوابة
سعود فتح الشباك وناداها : صبا
ناظرته :ها
سعود : ترا عندي دراسه ،ما بردك انا
غمز لها وبعدها راح
صبا : شكلي ندمت من الحين اخخخ ياربي
دخلت الباب ولفحها الهوا البارد من الشركه
ناظرت حولها بكل مكان ،المكان يجنن وراقي وحلو وهالشي واضح من التصميم والاثاث حولها
،توترت اكثر الي قدامها رجال ،خافت حييل وش بتسوي
: تحتاجين مساعدة اختي
ناظرت لصاحب الصوت : ها؟
: اقلك تحتاجين مساعدة بتزورين احد؟
اتجهت لموظف الاستقبال
صبا بتوتر : ااء ابقى اعرف وين مكتب فهد؟
: فهد؟
صبا : ايه
ضحك : اختي تعرفين كم فهد هنا بالشركة ،وش اسمه كامل وبأي قسم يشتغل
صبا : اييه صح ،فهد الرئيس
: الرئيس؟
صبا لعنت حظها : ايوه رئيس الشركة
: تقصدين المدير؟ المدير فهد ال***
ابتسمت : ايوه ايوه
: عفوا وش تبغين من المدير؟
صبا : انا زوجته
: انتي زوجته؟ والله
صبا باستغراب : ايه ليش؟
ضحك بتوتر : لالا ولا شي ،نورتي الشركة حضرة زوجة المدير والله ،خليني اوصلك المكتب
صبا يمممه مو مصدقة اختفي من قدامه : لا مشكور ،بس دلني على الطابق
: تمام ،الطابق التاسع
: شكرا
غادرت من امامه وهي تتلفت حولها
وين المصعد وين الدرج افففففف
شافت الدرج ،كان كبييييير ودرجاته سوداء وبيضاء والدرابزين زجاج ،وجنبه ثلاث مصاعد اثنين فضي وواحد ذهبي
طبعا رراحت للي اعجبها لونه اكثر
كانت بتضغط الزر بس وقفها احد
: لو سمحتي اختي
التفتت صبا له : نعم
: ذا المصعد مخصص بس للمدير الفضي هم الي للموظفين والزوار
صبا ببالها ،اقوله انه زوجة المدير واطلع ولا ،اخاف يحرجني ويقولي لا حتى ولو : انزين
راحت للمصعد الفضي وضغطت الزر انتظرت دقيقتين وفتح ما كان فيه احد
تنهدت براحه
دخلت ،واغلق الباب بس فتح بسرعه ودخلو اثنين
بلعت ريقها بتوتر وتراجعت للخلف
دخلو وهم يضحكون وسكتو بس شافوها
: ضغطتي الطابق حقك
نفت براسها
: وش هو
رفعت راسها وناظرته : تسعه
ناظروها اثنين
استحت ونزلت راسها بسرعه
ضحك بخفه : ابشري يا حلوة من عيوني
الثاني همس له بصوت مسموع لها : شف شقد حلوة
: اييه تجنننن ،شفت عيونها بس؟
ضغط الطابق تسعة ،وثمنية الي يبغونه هم
التفتو لها اثنينهم وهي خافت
: يا حلوة ناظرينا لا تخجلين
: لا تحرمينا شوفت عيونك اخخخ بس تهبلين
: اقول انتي موظفة جديدة؟ اول مرة اشوفك هنا وانا اعرف كل الموظفات هنا لانهم قليلات جداا ينعدون
: جاوبي لا تخجلين
صبا بتوتر : لل لا ،مم مو موظفة
: اها ،واضح عليك وش بتسوي وحدة حلوة مثلك بالشغل هنا
فجأة وقف المصعد
وانفتح الباب
وهي ضلت منزله راسها وتدعي يارب تطلع سالمة من هنا ولا فهد ابصر وش بسوي ،سعود الحيوان شسويت فييني
: مرحبا استاذ سالم
سالم : هلا فيكم
ناظرها سالم للحظات وبعدها وقف امامهم واعطاهم ظهره وتجاهلهم رجع لملفاته الي بين يديه
: ايه يا حلوة ما قلتي لنا انتي جيتي عميلة هنا ولا تزورين احد
صبا : اا ازور ،جيت ازور احد
عقد حواجبه ،هالصوت سامعه
: طيب قولي مممم،عيونك حقيقيات ولا عدسات
: اييييه تكفين قولي ،اول مرة اشوف احد لون عيونه عسلي كذا وحلوو
،عسلي!!
قرب لها وبيرفع راسها : وش فيك ناظرينا
بخوف نطقت : بب بعد عني تت تكفى
سالم رفع راسه بصدمه والتف لهم
هيي والله هي زوجة فهد
صر اسنانه بغضب: خالد ،فيصل اطلعو قدام
: نعم!
: لا مرتاحين هنا
سالم بحدة : قلت لكم اطلعو قدام لا ابتلي فيكم
ناظرو بعض بتوتر وتقدمو للامام وهو رجع خطوات للخلف
وقف المصعد مرة ثانية وفيه مجموعة من ثلاث رجال دخلو
تراجع للخلف ووضع يده على الجدار امامها ليمنع اقتراب احد منها لو بالغلط
صبا توترت : وو وش بتسوي بب بعد عني
سالم همس بصوت مسموع لها : لا تخافين ،هذا انا سالم مساعد فهد
رفعت راسها له بصدمه : سالم
ابتسم : ايه
تنهدت براحة بس عرفته
وقف المصعد بالطابق الثامن ونزلو كلهم الا سالم وهي
طلع المصعد ووقف بالطابق التاسع
انفتح الباب
ومشت معه
سالم : رح اخذك لمكتبه زين؟
اومأت له
سالم : هو باجتماع الحين ،بس ما عليك ما يطول
صبا : عادي
اتجهو للمكتب
وقفت السكرتيره
: تغضل استاذ سالم
سالم : شوفي شغلك
: انتظر المدير فهد مو موجود
سالم فتح الباب وسمح لصبا تدخل: اعرف
فاتت وراهم: مافيك تدخل مثل ما تبغا اذا ما كان موجود
سالم التفت لها : الي قدامك زوجته ،ومالك دخل
عصبت : الا لي دخل ،انا سكرتيرته ،ولو انها زوجته ،زوجته بالبيت مو هنا ،ممنوع تدخل خلها تطلع
سالم : انا بيسعدني اوصله هالكلام ،ولا تقلين ادبك لتشوفين شي ما يعجبك تفهمييين
التفت لصبا : اعذريني ،فيكي تجلسين هنا مثل ما تبغين ولا عليك من احد
طلع واغلق الباب
: لو تحكين معها شي تعرفين وش ممكن يسوي المدير معك
تجاهلها وتوجه لقاعة الاجتماعات الكبرى
كان فيه كثير ناس داخل واغلبهم ببدلات وكلهم من برا السعودية
بس فهد جالس على راس الطاولة الكبيرة متكشخ بثوبه
دخل سالم وتوجه له
فهد ببرود : تأخرت
سالم : اعتذر بس صار شي طارئ
فهد : وش
اقترب سالم وهمس له حتى ما يسمع غيره
: زوجتك هنا
ناظره فهد بصدمه : ووش ،وين
سالم : بالمكتب
قام بسرعه : Faisons une pause d'une demi-heure. J'ai un problème urgent. Excusez-moi.
(دعونا نأخذ استراحة لمدة نصف ساعة. لدي أمر طارئ. اعذروني.)
طلع بسرعه من القاعة متوجه لمكتبه
.
.
.
.
وقفت : حضرة المدير
طنشها ودخل المكتب واغلق الباب
شافها ،كانت واقفة معطيته ظهرها وتناظر من الجدار الي كله زجاج للخارج
التفتت لما سمعت صوت الباب
:فهد
اقترب منها بسرعه واخذها بحظنه وشد عليها بقوة
: احبك احبك احبك يا روووح الفهد اشتقت لك ولعيونك ولصوتك وكل شي فيك
صبا بادلته الحظ وصارت تبكي :فههد
فهد قبل اعلى رأسها : لبيه يا روحه ونور عينه ،ليه تبكين ها
صبا : انت ليه ما سالت عني ولا مرة ولا جيتني ما عاد تبغاني ؟
فهد : وش تقولين انتي! انا مستحيل افكر حتى ،كيف تفكرين اني ممكن اتخلى ها
صبا عبست : طيب؟ ليش؟
فهد بعدها عنه وصار يقبل فكها : لاني بعد انتظرت اشارة منك.. اي رسالة اي شي كنت ابغاك تبقين براحتك شوي من ناحية ،ومن ناحية استنيتك تعتذرين على غلطك
صبا : وش اي غلط
تكتف ورفع حاجبه
صبا نزلت راسها : ذاك اليوم ،اا انا اسفة ما قصدت صدقني
تنهد : ادري وما زعلت منك ،بس ذي اخر مرة تعيدينها صبا ،ولا صدقيني بكون ردي غير ،لان عديتها لك بسبب الي صار
رفعت راسها : وش
فهد : المرة الثانية تعرفين
صبا: ان شاء الله
فهد : خيير ،يعني ناوية تعيدينها
ضحكت بتوتر : لا ههههه امزح ههههه
فهد : ما قلتي لاحد بلي صار صح
صبا ،بس سعود : لا وش اقول اكيد ما قلت
فهد : صباا!!
صبا توترت : لالا ما قلت ،تخيل اقول مثلا لراكان وش بيسوي فيني ،خلاص سكر عالموضوع تكفى هههههههه
عض على شفته السفلية واقترب اكثر منها
حاوطها بيديه وشدها له
فهد : انا مارح اسمح لك تبعدين عني مرة ثانية لو تحلميين
صبا عبست : انا احبك
فهد : ليش تقولينها بعبوس
صبا هزت كتفيها : لاني احبك
فهد ضحك : وانا اعشقك واموت فيك
استنشق عطرها بقوة ،ومنه قبل فكها وصولا لخدها
دفعته بخفه : ففهد خلاص حنا بالشركة
بعد عنها وتذكر : أنتي كيف جيتي هنا ،وبعدين كلها كلها رجال الشركة كيف وصلتي لين هنا
صبا : سعود جابني هنا ،وقابلت سالم بالمصعد ووصلني هنا
فهد همهم : اخر مرة تجين هنا يكون بعلمك
عبست : فوق ما انا جايه لين هنا اراضيك ،واتطمن عليك وماكله همك ذا الي طلع معك ،خلاص بروح لاجل ما تزعل
مشت من قدامه بس هو حاوط يديه حول خصرها وشدها له ،صار ظهرها ملاصق على صدره
: وش فيك زعلتي بسرعه ،امزح طيب؟ تجين متى ما تبغين بس مو لحالك ،وبعدين انا بس اغار عليك وانتي تعرفين ،لاجل كذا سألت شفيك
صبا : بعد
فهد دفن راسه برقبتها : يا روحي الي براضيني انا ،صار يبيله احد يراضيه
صبا : فهد
تنهد ولفها له :عيونه
صبا ناظرته : منجد الي سمعته
فهد : ووش الي سمعتيه
صبا : صار لك اسبوع مو ماكل ؟
تنهد : مافي شي ..عادي
صبا انفعلت : كيف عادي ،ها كيف متحمل كل هالاسبوع
فهد داعب خدها بظهر اصابعه : صدقيني بعدك عني اصعب بكثير
مافي فايدة بس يتغزل
: لازم تاكل
فهد : اذا شاركتيني الغداء موافق
صبا : ما احد يدري بالبييت اني هنا غير سعود
فهد : واذا يعني
صبا : بقول لهم
فهد : ماله داعي تراك زوجتي مو احد غريب عليك
صبا : واذا
فهد اخذ جواله من جيبه : ابشري ،علي
صبا : شتسوي
فهد مد الجوال امام وجهها : ها بلغت راكان مالك حجه وترا ما اكل اذا ما كنتي معي
صبا هزت راسها موافقه : اوك
ضحك بخفه وقبل خدها مرة ثانية : ممكن تنتظريني بعض الوقت
صبا : ليه
فهد : في اجتماع مهم ، وفد جاي من فرنسا وما اضمن بيرجعون مرة ثانية ولا كان الغيت الاجتماع
صبا : لا كمل اجتماعك ، انا انتظر عادي وبعدين اتمشى بالشركة لين تنتهي
فهد عبس : لا
صبا : ليه
فهد : لا تطلعين من المكتب لين ارجع ،احذرك صبا
صبا : ليه قريب بس تكفى
فهد بحدة : صبا ،ما ابغا اعيد كلامي
صبا : طيب طيب خلاص
فهد تنهد وقبل راسها : اذا تبغين اي شي اطلبيه من مريم
صبا : من مريم
فهد : السكرتيرة
كشرت : همم اوك
طلع فهد تاركها
صبا : مريم؟ اففف
.
.
.
.
.
.
بعد ربع ساعة من اللعب على جوالها حست بالملل والطفش ،قامت وصارت تفتل بالمكتب
صبا : اووه تعبت ،لين متى بيستمر ذا الاجتماع ياربيي
انفتح الباب
لفت بابتسامه ضنته فهد
: مرحبا
صبا عرفتها السكرتيرة مريم : اهلا
مريم بابتسامة مصطنعة : حسيت انك طفشتي لحالك وانا بعد ما عندي شغل قلت اجيب قهوة ونشربها ونتعرف على بعض
صبا : اي تفضلي
دخلت مريم ووضعت القهوة على الطاولة وجلست
جت صبا وجلست بالمقعد الي مقابلها
اعطتها مريم كوب القهوة
صبا اخذته : شكرا
مريم : عفوا حبيبتي
صباشربت منه وببالها ،اففف مو مرتاحة بالجلسة معها متى يجي فهد
مريم : خذي راحتك حبيبتي ،ترا فهد ما بيجي قبل ساعة
صبا : وووش ساعة!!
مريم : ايووه ،وش مفكرة اجل! ذا اجتماعات ،اقل مدة لاجتماع من اجتماعات فهد بتاخذ ساعتين كاملين وهو بدى اجتماعه قبل تصلين بنص ساعة بس ،يعني بتنتظرين للاربعة قبل يخلص ،اسأليني انا اربع سنين معه بالشغل
صبا ابتسمت : عادي انتظره حبيبي لاخر العمر لو يبغا
مريم : هممم المهم ،انتي شلون تعرفتي على فهد (غمزت لها) شلون وقعتيه بشباكك وفهد الكل يعرفه ما يناظرالبنات ابدا ولا يدانيهم وش الحيلة هاا بتعلم منك
صبا عصبت : عفووا ،وش مفكرتني ،لا تظنين اني مثل المستنقع الي انتي فيه ،وانا وفهد ما كان فيه تعارف بيننا قبل الخطوبة وهو صديق اخوي وبين ابوي وابوه شراكه بس
مريم : اييه ،يعني زواجكم مصلحة بسس ها ،لاجل الشغل ،شكيت والله اساسا استغربت فهد يكون اختياره كذا
صبا ليش بس تبقى تقول فهد فهد : التزمي حدك اقوول ،وزواجنا موب مصلحة ولا شي هو يحبني وانا احبه
ضحكت : هههههه واضح ،لدرجة انه راح اجتماعه وتركك هنا ،اشك انكم بتستمرون ،مثل زواجه قبل
اتنرفزت صبا وقامت
توجهت للباب وفتحته بتطلع
: وين رايحه
صبا ناظرته
وكذلك مريم قامت بسرعه من مقعدها
صبا نزلت راسها : برد البيت
فهد : ليه؟
صبا : تذكرت عندي امتحان بكرة مقدر ابقى اكثر وانت مشغول
مريم تقدمت لهم ليلاحظها فهد : مدير فهد
فهد : انتي وش تسوين هنا
مريم توترت : اا انا بس كنت
فهد ناظر بصبا وبعدها ناظرها
: وش تكلمت لك ،قالت لك شي!
مريم : ووش ،لا لا ما قلت لها شي فهد ب
فهد بحدة : انا المدير ،بتلتزمين حدك ولو اسمعك تنطقين اسمي يا ويلك ،بتقولين المدير وبس تفهمين
صبا ارتاحت جزئيا ،ازعجها تكرارها لاسم فهد
فهد : تسمعييين
مريم : حح حاضر حضرة المدير
فهد : فارقي
مرت من جنبهم بسرعه وطلعت
فهد : والحين ،بس ابغا وش الي خلا مزاجك يقتلب فجأة
صبا : مو مقتلب
فهد : اجل وش؟ ليش تبغين تردين البيت ،وحنا متفقين انه نتغدا مع بعض
صبا : بس انت عندك اجتماع وما ابغا اعطلك
فهد : بس انا خلصت
صبا : خلصت؟ كيف ،لازم تستمر للاربعه
فهد : للاربعة!! (ضحك بخفه) ما اعرف وش قايله لك ذيك بس مو صحيح
سحبها لمكتبه ، لتجلس على مقعده وهو وقف وراها وانحنى شوي ليهمس باذنها : تدرين اني احبك وولا ممكن انه التفت لأي احد غيرك
صبا توترت : اا ايه وو وانا بعد
فهد : وانتي بعد وش
صبا : اا احبك
قهقه : منجد
صبا : ففهد
فهد قبل خدها ومد يده لجهاز الاتصال وضغط عليه : مريم تعالي لمكتبي
: ان شاء الله ،حضرة المدير
صبا : وش تبغا فيها
فهد :صبري
طرقت الباب ودخلت
ناظرت لهم ولوضهم
: تفضل طلبتني حضرة المدير
فهد اعتدل بوقفته: اول شي اجمعي اكواب القهوة ذي ،وثاني مرة ما تنعاد مكتبي ماهو مكان لك تجلسين فيه وتشربين قهوة مثل ما تبغين
مريم : اسفة ما تنعاد
فهد رجع انحنى لصبا وقبل خدها : وثانيا ،خلهم يحضرون لنا قهوة
مريم ازاحت نظرها وقلبت عيونها : حاضر ،اي شي ثاني
فهد : فيكي تفارقين
طلعت بسرعه بعد ما اخذت الاكواب
صبا قامت : مو قلت بنطلع نتغدا ،شكلك بتبقى
فهد : لا بنطلع ،بس بعد ربع ساعه
صبا : طيب ،بس علي أمتحان بكرة ما ابغا اتاخر
فهد : ما بتتاخرين زين؟
صبا اومأت له
فهد جلس على مقعد واخذ ورقة وبدأ يكتب عليها
صبا تنهدت وراحت للجدار الزجاجي وتناظر منه
فهد : تعالي اجلسي صبا
صبا : المكان من هنا حلو ،تشوف كل المناطق من هنا
فهد رفع جهاز الاتصال مرة ثانية : سالم تعال لمكتبي
سالم : ان شاء الله
صبا : ليكون فيه اجتماع ثاني
فهد : لا مافي اجتماع ولا شي
دقيقة وطرق الباب
فهد : تفضل
دخل سالم : طلبتني
قام فهد : ايه ، ذا القرار ابغاك تسلمه لادارة الموظفين ويتنفذ بحلول بكرة
اخذ سالم الورقة : ان شاء الله
سالم ناظره ،كان نقل لمريم من منصب السكرتير لقسم المبيعات
سالم ناظر بصبا وبعدها فيه : وش السبب
فهد : بس كذا ،وانا بطلع الحين ،وما برجع للشركة
سالم : مثل ما تبغا
.
.
.
.
.
.
وقف سيارته امام مطعم ضخم والواضح من شكله رقيه وفخامته
جا شخص بلبس رسمي وفتح الباب لفهد ليأخذ المفتاح منه
توجه فهد لباب السيارة حق صبا وفتحه لها ومد يده لها
مسكت بيده ونزلت
رفعت راسها لتناظره بانبهار ،كان جميل بشششكل
مشت مع فهد للداخل وهي ما خلت تفصيله صغيرة ما ناظرتها من جدرانه الزجاج من ساحاته الخضراء من سجاد الممر الموضوعة ليمشو عليها
والاشخاص الاثنين الي واقفين على الباب وما ان تقدمو فتحو لهم الباب
تأكدت بهاللحظة انه مو مطعم عادي الي دخلته
اتجهو للاستقبال
: اهلا وسهلا استاذ فهد
فهد برد مختصر : هلا ،لي حجز هنا
: ايه نعم ، بياخذونكم للغرفة الخاصة
تقدم لهم شخص : من هنا لو سمحت
صبا همست : هيي فهد ،وش ذا المكان ،وش يقصد بغرفة
فهد : استرخي الحين تعرفين
.
.
.
اتجهو للمصعد وللطابق الثاني
: من هنا لو سمحت
اشار لهم لممر
لاحظت صبا الهدوء بالمطعم ،وعدد الطاولات قليل
وفيه كثير من الابواب مثل الفندق استغربت السبب
فتح لهم باب
: تفضلو
دخلو للغرفة
ما قدرت تمنع صدمتها من جمالها
غرفة كبيرة يتوسطها طاولة طعام متوسطة الحجم مزينة بطريقة راقية وفخمه
وفيه بالجانب كنب باللون الاخضر الغامق
الغرفة كلها بين اللون الابيض والاخضر الغامق والاخضر الباهت
تنحنح فهد ليخرجها من تأملها
: صبا
صبا ناظرته بحرج : ها
فهد : فيكي تشلحين عبايتك لتاخذين راحتك
صبا بصدمه : وش ،منجدك
فهد : ايه ما بتاخذين راحتك كذا وبنقابك بعد
صبا : بس ذا مطعم ما اقدر ولو يجي احد من الموظفين ولا احد يدخل بالغلط
فهد : ما احد بيدخل ،مستحيل اقلك تشلحين عباتك بدون لا اكون عارف ومتأكد انه ولا احد بيدخل هنا شفيك ،بعدين ذا المطعم خاص ،مطعم للشخصيات المهمة بس ،ولا ممكن احد يدخل بدون حجز سابق من ما كان وبعدين نسبة دخول احد بالغلط هي صفر بالمية تطمنين ،واذا ما تبغين براحتك
صبا : لا اذا كنت تقول كذا فعادي
خلعت نقابها وشالها وعباتها ليأخذهم فهد ووضعهم بالعلاقة (الشماعة)
.
.
.
.
وقف امامها وناظرها من تحت لفوق وتنهد
صبا بحرج : شفيك ،مو حلو ،اا اسفة اصلا ما كنت بعرف اننا بنجي هنا و
فهد اقترب منها : صبا ،مافي شي اقدر اقوله غير انك كل يوم تغريني فيك اكثر
صبا خجلت : ها
فهد : معي حق يوم اقول انك بتجننييني
عض شفته وقرب راسه لها وهمس : اذوب فيك
قبلها قبل خفيفة ليبتعد عنها : ما ابغا اسوي شي وما اقدر اوقف بعدها
بلعت ريقها ،واو قدر ينسيها كل شي درسته بسرعه
اشر لها جهة الكنب : تعالي
راحت معه وجلست بالقرب منه
صبا : عرفت وش سبب انه المطعم غريب كذا ،طلع خاص ،انت تجي دايم هنا؟
فهد وهو يناظرها ومبتسم على ردات فعلها : يعني ،اذا كان عندي اجتماعات خارجية افضل تكون هنا ،هادي وما فيه ازعاج ،بس ذي اول مرة لي مع شخص احبه
صبا مصر يجنني بكلامه : اا ايه ومتى بناكل ،ترا جعت
ضحك : صبري طيب
طرق الباب
فهد : ها هذا هم
صبا توترت: فهد انا ب
زال توترها بس انصدمت من الي دخلو
بنتين اثنتين بس كانو لابسين لبس رسمي من تنورة قصيرة سوداء مع قميص ابيض
ووحدة منهم تجر عربة الاكل ،وبدو يوزعونه على الطاولة ويرتبونه
ناظرت بفهد بسرعه لتجده يناظرها وضحك بخفه لتفكير انه يكون يناظرهم
جذبت انتباههم واحدة : " المعذرة ،الطاولة جاهزة"
فهد :" حسنا ،شكرا "
انحنن بعدها وقفن بمكان قريب من الطاولة
صبا : وش
فهد : عادي ،ما يتكلمون العربية
صبا : اصلا واضح من شكلهم
همهم لها فهد وقام ومد يده لها لتأخذها وتقوم معه جهة الطاولة
سحب مقعد وسمح لها بالجلوس ودفعه بخفه
وجلس هو قبالها
صبا ناظرت الاكل باعجاب : شكله يشهيي
فهد ابتسم : بالعافية يا روح الفهد
صبا قامت واخذت جوالها ورجعت بسرعه
فهد : وش فيك
صبا ضحكت بتوتر : ولا شي ،بس بصور للذكرى
فهد : همم
مدت يدها له
عقد حواجبه باستغراب
صبا : عطني يدك
ضحك بخفه : هي لك
مسك يدها لتصور صبا وحرصت على اظهار الاكل
مثل كذا
.
.
.
.
وكتبت ( اسرع طريق لقلب المرأة بطنها) ونشرتها
وضعت جوالها وهي مبتسمة
: ايوه
فهد : انتظرك
صبا ضحكت : ترا شوف انت بتاكل ما بتبقي شي هنا ،تراك من اسبوع ما اكلت حبيبي تفهم
ابتسم : امرك ،اوامر ثانية
صبا ضحكت : لا
اشر فهد بيده لهم ليقتربن ويضعن لهم الاكل باطباقهم
صبا انحرجت بس تذكرت وجودهم
:" شكرا"
:" العفو انستي "
ابتعدن لمكانهم
قربت الشوكة لفمها واخذت اول قضمه لها ،بس وضعتها وناظرت فهد : فهد
فهد ناظرها : امري يا روحي
صبا : متوترة
فهد : من؟
صبا : منهم
فهد باستغراب : ليه ،ترا وظيفتهم عادي
صبا : ايه بس مو ماخذه راحتي ،خلص اذا نبغا شي نناديهم
ابتسم هو شي عادي بس تفهمها : طيب
اشر بيده : " يمكنكم المغادرة"
: " حسنا سيدي "
فهد بس انغلق الباب : وكذا
صبا عبست : فهد والله مو متعودة على ذي الاجواء اسفه
فهد ابتسم : مو مهم ،اهم شي راحتك يا روحي طيب؟
اومأت له ورجعت تاكل وكذلك هو
بعد دقايق ناظرت بجوالها الي ينذر عن وصول اشعارات
فتحته
الهنوف : الله ،مع فهد صح؟؟
.
.
سلمى : رجعتو لبعض ؟
.
.
.
سمر : مبارك يا روحي عسى ما تفترقون مرة ثانية ❤️🩹
.
.
.
مشاعل : كفو صبا وربي احبك ،اكليه زين طيب؟ 😂😂😂
.
.
.
راكان : احسن قرار اتخذتيه صدقيني
.
.
سعود : خطتي نجحت
صبا ردت عليه اول واحد : انت حيوان على فكرة ،ابو خطط انت وربي بس اصل البيت بنتفاهم زيييين
صارت ترد عليهم واحد واحد وهي مبتسمة
شهقت فجأة وبعدت الجوال وناظرت الي نوضع امامها ،باقة ورد حمراء وبوسطها علبة صغيرة ومعلق جنبها ملاحظة
انحنت لها الموظفة :" انتِ محظوظة جداً يا آنسة "
ابتسمت لها صبا :" شكرا "
ردت لها الابتسامة وطلعت
ناظرت الباقة
فتحت العلبة الي كان فيها لايت ،وخاتم يتوسطها
ابتسمت باتساع وناظرت فهد
: فهد ذي لي
: وانا كم لي حبيب غيرك
صبا فتحت الملاحظة
دمعن عيونها : متى لحقت تخطط لكل ذا ها
فهد : مو مهم ،المهم اعجبك؟
صبا : فهد ،يجننننن وربي ،احبك مررررة
ابتسم : اعشقك
.
.
.
.
.
قامو بعد مدة ليغادرو المكان
اخذها للبيت
وقبل تنزل مسك يدها : صبا
ناظرته : هلا
.
.
.
.
.
.
.
.
.
.
.
انتهى البارت اعزائي 😭😭😭😭😭
رأيكم بالاحداث 🥲🥲🥲🥲🥲🥲🥲🥲
فووت ،تعليق حبايبي 👀👀👀👀👀👀👀👀
توقعاتكم للاحداث القادمة 🔎🔎🔎🔎🔎🔎
نلتقيكم ❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹❤️🩹