: السلام عليكم
زينة :عمتي ام نواف؟؟ وو وعليكم السلام ، اء انا اسفة بس كنت ابغا قهوة ،ما كان لازم ادخ
ام نواف بحنية: لا يمه بسم الله عليك وعلى قلبك ، المطبخ مطبخك والبيت بيتك خذي راحتك ولا يهمك
زينة : تسلمين عمتي الله يسعدك
ام نواف : بس احسبي حسابي ،ولا مرة ذقت قهوة من يدك
زينة ابتسمت : اكيد ، وان شاء الله تعجبك
.
.
.
.
.
.
.
.
رجع من صلاة الفجر ،ودخل البيت بهدوء كان بيصعد لغرفته لكن استوقفه صوت امه
: الواحد بيسلم على هالصباح ، بيبدأ يومه بشوفة امه بيطمن عليها بيسال عن حالها ، صح ولا ؟
تنهد ورجع : حقك على راسي ، انا غلطان ، بس صدقيني اني ما انتبهت لك ،من امس ما ذاقت عيني النوم ، بروح انام لي كم ساعه
: انت وراك شي مخبيه عني ، يزن يمه ،وش الي مغيرك هاا ، لي مدة شايفه انك مو على طبيعتك ، انا مو عاجيني وض
يزن : يمه تكفين وش هالكلام ،على العكس ، انا وضعي الحين لازم يعجبك انتي بالذات لانك امي ،مافي ام ما بتفرح لما تشوف ولدها يصلي و متعدل ويشتغل شغله بالحلال
ام يزن : انا وش قلت طيب ، الله يثبتك يمه ،بس قلي وش تخبي وش ت
يزن : يمه اذا عندك شي قوليه ، ترا تعبان
ام يزن رفعت قدام وجهه كيس : وش ذا ها
يزن باستغراب : وش ذا ؟
ام يزن طلعت من الكيس علبة مجوهرات وفتحتها قدامه : هذا
انصدم : من وين جبتي ذا
وجا بياخذه من يده بس ابعدت
ام يزن : الحين بتقلي هالعقد ذا من وين جبته ،وليش ، ولا بعد الماس هاا ، لمن بتعطيه ، وبتقلي تعدلت ها
يزن فرك جسر انفه : يمه تكفين ، الموضوع مو مثل ما تفكرين ،عطيني ياه
ام يزن : شوف يمه ، كلم الي تبغاها ما عندي مشكله ، بس انه كذا تضحك عليك وتجيب لها عقد الماس،لا ما اسمح
يزن : يمه قلت لك انا تركت هالامور ،ما اكلم بنات
ام يزن : وهالعقد لمن هاا
يزن : يمه تكفين
ام يزن : قول الحقيقة
يزن بصوت عالي : لزينة يمه لزينة
ام يزن : زينة؟؟
يزن : ايه
ام يزن : وليش تجيب لها ، وش المناسبة
YOU ARE READING
وقعت أسير عينيها العسلية
Fanfictionبنت تنقلب حياتها وتكتشف انه العائلة الي عاشت معها 18 سنة مو عائلتها والصدمة انها من عائلة غنيه ولها اخ توأم، ،،،،و3 اخوان اكبر منها ،،،،،،، رح تعيش معهم مغامرات كثيرة ما بين الفرح والحزن وش يصير يوم يكتشف احد اخوانها انه وقع بحبها ،،ويحاول يحميها...
