وقعت أسير عينيها العسلية

بارت 45

استغفر الله العظيم واتوب اليه 💗💗

.

.

.

.

.

جالسين امام باب الغرفة ،ينتظرون الدكتور يطلع يطمنهم على حالها ،،،،ولا احد يكلم الثاني كل واحد سارح بتفكيره،،،،،

تقدم فهد من راكان ،الي جالس على المقعد وشابك يديه ببعض بتوتر ،

وضع يده على كتفه:راكان ،هدي بالك ،شوي والدكتور يطلع ويطمنا على صحتها اكيد

راكان بدون لا يناظره:همم ان شاء الله

نواف:فهد معه حق ،مافي داعي لكل هالتوتر ،باذن الله انها بخير،طمن بالك

راكان ناظره بغضب:اطمن بالي ؟؟؟مو قبل لا اعرف السبب في الي هي الحين

نواف باستغراب:وش قصدك!!

راكان :اكيد ما انحبست في هذيك الغرفة من حالها ،في احد ورا هالشي وانا رح اعرفه ،ووقتها لاخليه يندم على الساعه الي فكر فيها يأذيها

سعود تقدم لهم:الي يقوله راكان صح،وانا ببالي احد ومتأكد انه السبب

ناظروه بنفس اللحظة

راكان بسرعه:من هو قلي

سعود :مو انا ،صبا هي الي بتقول لك

راكان مسكه من ياقته:اقلك قلي الحين ما بستنى لين تقول لي

سعود ببرود:وانا قلت لك صبا هي الي بتقول لك

نواف:وليش ما تقول انت وتريحنا ها

سعود:لازم هي تتعلم تفصح عن اي شي يأذيها او
يزعجها مو احد ثاني ،،وايي ترا هي تخفي كثير من الامور بعد ،ما اعرف ليه ،يمكن لانها تخاف ،او لانها ما تثق انه في احد بيساعدها ،

فهد:وانت تعرف هذي الامور

سعود :يعني تقريبا

راكان بغضب:وليه ما تقول لاحد ،بتنتظر انها تتأذى

سعود وهو يجلس :لازم تتعلم درسها

مسك نواف ذراع راكان الي شوي وينقض على سعود

بعد شوي ،،جاهم سلطان وعمر

سلطان وهو يتقدم ناحيتهم :طمنونا وش صار

نواف:ما صار شي لسا

راكان:انت ليش جيت

سلطان:مو متطمن وانا جالس بالبيت

سعود:وامي وابوي لحالهم خليتهم؟

عمر:لالا ،امي وخوالي كلهم هناك ،

سلطان :وزايد بعد

راكان:زايد رجع

سلطان:ايه ،،،،بس قال ما شاف شي ،لانه الكاميرات الي بالطابق الاخير عطلانين