وقعت أسير عينيها العسلية

بارت 52

اللهم صل وسلم على سيدنا محمد 🌼

.

.

.

.

.

.
تنهد بغضب:كنت عارف ،كنت عارف انه وراه مشكله

راكان (ولي كان فاتح سبيكر وواضع الجوال بينه وبين زايد):يبا بس انحنا قلنا لك ليش سوا سعود ك

قاطعه ابوه بغضب:قتتتتل،قتتتل مرة وحده،ما لقى حل الا انه يقتله ،خلفت مجرمين انا ،انا وش سويت بحياتي لاجل الله يبتلاني بكم

زايد :يبا الله يخليك لا تقول كذا ،صح سعود غلط ،بس اي واحد مكانه بيسوي الي سواه يبا،وبعدين الحين عندنا مشكله اكبر  وودها حل

راكان اكمل:عبدالرحمن لازم يطلع يبه  ،وانت تقدر تطلعه ،،وسعود بعدين تقدر تحاسبه براحتك

ابو زايد :والله الود ودي اني اسلمه بيدي لشرطه ،وش ذنبه هالمسكين يتحمل غلط مو غلطه

سعود كان منسدح على الكنبه ومغمض عيونه ويسمع كل كلامهم،اعتدل بجذعه العلوي وبغضب:اولا انا ما غلطت ،وانا مو ندمان على الي سويته ،وايه سلمني لشرطه ما عندي مانع

اشر له زايد بغضب انه يسكت

ابو زايد:حسابك عندي بعدين

راكان:وش بنسوي بموضوع عبدالرحمن الحين

ابو زايد:اول شي بتسوونه انكم تروحون لعيلته وتدفعون لهم ديه مقابل تنازلهم عن القضيه ،بس لا تروحون لحالكم

راكان:ليش مو لحالنا نروح؟؟

ابو زايد: عشان لا يقولون اننا مو معطينهم قيمه ومرسلين  لهم عيال

راكان:احنا عيال يبا

ابو زايد:سوي مثل ما قلت لكم،انا بحكي مع صديقي ،هو بيقدر يتصرف ويحكي معهم،وبعد خالكم خله يروح معكم

زايد:واذا ما وافقو يبا

ابو زايد:لا بيوافقون ،انا متأكد انه ابو احمد بس يشوف الفلوس بيوافق ،لمحت حب الفلوس بعينه

راكان:هههه معك حق يبه

زايد: والحق العام

ابو زايد:ذا اتركوه علي ،بس انتبهو لي على هالسعود ذا ،ما وراه الا وجع الراس

قهقهو بخفه عليه

راكان:ولا يهمك يبه

زايد:انا رايح البنك

راكان:الحين

زايد:ايه خير البر عاجله ،خلنا نستعجل وباكر الصباح نروح،وانت احكي مع خالي لا تنسى ،بس فهمه ان الموضوع لازم يبقى سر

راكان:زين

.

.

.