ජීවිතය සහ මරණය .. අපි හැමෝටම පොදු දෙයක් .සමහරු ජීවිතය ඉල්ලා හඩා වැටෙද්දි තවත් සමහරු මරණය ඉල්ලා හඩා වැටෙනවා .
ඔවුන්ගේ ඒ ඉල්ලීම් ඉශ්ට වෙන්නේ තම තමා කරපු පවු සහ පින් එක්කයි .
මේ පවු සහ පින් ගනන් කරන්න මෙන්ම ඒවා වලට කර්මය ලබා දෙන්නත් වෙනම කට්ටියක් ඉන්නවා . ඒගොල්ලෝ තමා මරණයේ දූතයෝ සහ ජීවයේ දූතයෝ කියලා හදුන්වන්නේ .
ජීවයේ දූතයෝ කියන්නේ අපි ජීවත් වෙලා ඉන්න කාලේ අපි හිතන පතන දේවල් ඉශ්ඨ කරලා දෙන ඉශ්ඨ දෙවියෙක් වගේ කෙනෙක් .
නමුත් අපේ ඒ ඉල්ලීම් ලැබෙන්නේ අපේ පිං වලට අනුවයි . කඩෙන් බඩුවක් ගන්නවා වගේ . යම්කිසි ආත්මයක් , ආත්ම අධිකරණයෙන් නැවතත් ජීවිතයකට නියම උනොත් මරණයේ දූතයන් ඒ ආත්මය ගෙනත් දෙන්නේ ජීවයේ දූතයන්ටයි .
ඒගොල්ලෝ ඒ ආත්මය ප්‍රවේශමෙන් , සුදුසු නව භවයකට ඇතුල් කරනවා . ඒත් එක්කම ඒ ආත්මයේ එයාගේ මතකයන් සියල්ලම මකා දමනවා .
එතකොට මරණයේ දූතයාගේ කාර්‍ය වෙන්නේ කවුරු හරි කෙනෙක් මැරෙන්න යනවානම් , ඒ පුද්ගලයා කරලා තියෙන පවු පින් අනුව ඒ මරණය අත්කර දීම හෝ මරණයෙන් බේරීමයි . මැරුණු ඕනෑම කෙනෙක්ව ආත්ම අධිකරණයට එක්කගෙන ගිහින් ඔහුගේ නඩුව අහලා මරණය ලබා දුන්නට පස්සෙත් පවු ඉතුරුයි නම් , දඩුවම් ලබා දෙන්න වධකයන්ට භාර දෙනවා .
නැත්තම් , පින් ඉතුරුයි නම් මැරිච්ච කෙනාට ඒහා සුදුසු ඊලග ආත්මයක් කරා යන්න ජීවයේ දූතයන්ට භාර දෙනවා .
ජීවයේ දූතයන් , මරණයේ දූතයන්ට වඩා බලයෙන් ගොඩක් දුර්වලයි . ඒවගේම මරණයේ දූතයන් ගොඩක් බලවත් . මරණයේ දූතයන් නපුරුයි කියලා හිතුවට එහෙම නෑ .
ඒගොල්ලොන්ට හැගීම් දැනුනත් ඔවුන් ගොඩක් වෙලාවට ඒවා නොසලකා හැරලා තමාගේ රාජකාරිය පමණක් ඉටු කරනවා . නමුත් ජීවයේ දූතයන්ට එහෙම නෑ . ඔවුන් මිනිස්සු වගේ . එකම වෙනස ඔවුන් දේවදූතයන් වීම පමණයි .
ජීවයේ දූතයන්ගේ හිතේ ගොඩක් වෙලාවට ඊරිසියාව , තරහව වැනි හැගීම් හටගන්නවා මරණයේ දූතයො එක්ක .
මේගොල්ලෝ දේවදූතයෝ උනාට මැරිච්ච අය නෙමෙයි . ඒගොල්ලො ජීවතුන් අතර ඉන්න අය . මුල් කාලයේදී මරණයට සහ ජීවිතයට දේවදූතයෝ හිටියේ නෑ .
නමුත් එන්න එනම ෆෝලන් ඒන්ජල් ලා ප්‍රමාණය වැඩි වෙන්න ගත්තා . ඒගොල්ලොන්ගේ දරුවන් ප්‍රමාණයත් එන්න එන්නම වැඩි උනා . දෙවිවරුන්ට කරගන්න දෙයක් නැති උනා . මොකද සාමාන්‍ය ලෝකයේ ෆෝලන් ඒන්ජල් ලා කිහිප දෙනෙක් ඉන්න එක ප්‍රශ්නයක් නැති උනත් , ගනන් කරන්න බැරි ගානක් ඉන්න එක ප්‍රශ්නයක් උනා .
මේකට මරණයේ හා ජීවයේ දෙවිවරු හොද විකල්පයක් දුන්නා . ෆෝලන් ඒන්ජල් ලාගේ දරුවන් ව ඒගොල්ලොන්ගේ දූතයන් බවට පත් කරගත්තා .
BLACK CASTLE එකෙන් මරණයේ දූතයෝත් , WHITE CASTLE එකෙන් ජීවයේ දූතයෝත් පාලනය කරනවා . මේ දූතයෝ ගැන දන්න මිනිස්සු හිටියේ හරිම අඩුවෙන් . නමුත් මිනිස්සුන්ටත් මරණයේ දූතයෝ වෙන්න අවස්ථාවක් තිබ්බා . නමුත් හරිම අඩුවෙන් .
ජීවිතේ ගැන කලකිරුනු , මරණය අත්දැකපු කෙනෙකුට මරණයේ දූතයෙක් වෙන්න ලොකු ඉඩකඩක් තිබුනා . නමුත් ඒකට BLACK CASTLE එකේ අනුමැතිය අවශ්‍ය කරලා තිබ්බා .
මේ මරණයේ සහ ජීවයේ දූතයන් මිනිස්සුන්ගෙන් වෙන් කරලා හදුනගන්න තිබුනු එකම ක්‍රමය තමයි එයාලාගේ ඇස් . ජීවයේ දූතයන්ට පිහිටලා තිබුනේ තද දම් පාට කනීනිකාවක් සහිත ඇස් . ඒ වගේමයි මරණයේ දූතයන්ට පිහිටලා තිබ්බේ තද රතු පාට කනීනිකාවක් සහිත ඇස් .
මේ දූතයන් දෙපිරිසම කරන්නේ සාමාන්‍ය මිනිස්සු වැඩට යනවා වගේ රාජකාරියක් කරන එක . හැම සති අන්තයකම එයාලාට නිවාඩු . මේ රාජකාරියට එයාලාට පඩි ලැබෙනවා . සති අන්තයේ වැඩ කලොත් පඩි වැඩි වෙනවා .
ජීවයේ දූතයන් රාජකාරියේ ඉද්දී අදින්නේ සුදු පාට ඇදුම් විතරයි . ඒ වගේමයි මරණයේ දූතයොත් කලු පාට විතරයි අදින්නේ . නිවාඩු දවසට ඕන ඇදුමක් අදින්න පුලුවන් .
මේ දූතයන්ගේ තනතුරු තුනයි තිබ්බේ .
පලවෙනි එක මරණයට හා ජීවයට අධිපති දෙවිවරු දෙදෙනා . දෙවනි තනතුර අණ දෙන්නා . තුන්වෙනි තනතුර තමයි සහයකයා .
සහයකයා ඉන්නේ අණ දෙන්නා යටතේ . අණ දෙන්නා ඉන්නේ දෙවිවරු යටතේ . අණ දෙන්නාට , සහයකයෝ කිහිප දෙනෙක්ගෙන් සැදුම් ලත් කණ්ඩායමක් හිමි වෙනවා .
❤️ JIMIN ජීවයේ දූතයෙකි . මොහු සහයකයෙක් වන අතර V ගේ යටතේ සේවය කරයි .
💚V ජීවයේ දූතයෙකි . මොහු අණ දෙන්නෙක් වශයෙන් සේවය කරයි .
💜️JK උපතින්ම දූතයෙක් නොවන මොහු මිනිසෙකි . නමුත් ජීවිතය උපරිමෙන් ම කලකිරුනු බැවින් දැන් මරණයේ දූතයෙකි . මොහු අණ දෙන්නෙකි . ජීවයේ දූතයන් මොහු දෙස ඇහැගහගෙන බලා සිටීයි .
🧡RM මරණයේ දූතයෙකි . JK මිනිසෙක්ව සිටි කාලයේදී ඔහුගේ ලගින්ම සිටියේ මොහුයි . නමුත් මොහු මරණයේ දූතයෙකු බව JK දැන සිටියේ නැත .
🖤SUGA මරණයේ දූතයෙකි . JK යටතේ සහයකයෙක් ලෙස කටයුතු කරයි .
💛JIN ජීවයේ දූතයෙකි . JK ට හා SUGA ට එතරම් කැමැත්තක් නොදැක්කුවත් RM හා සුහදව සිටීයි .
💙J HOPE සාමාන්‍ය මිනිසෙකු වී සිට ජීවයේ දූතයෙකු වූ අයෙකි . JK ට කිසිම මොහොතක මොහු කැමැත්තක් නොදක්වයි . සෑම මොහොතකම සතුටින් කල්ගෙවන මොහු JK දුටු විටදීම නපුරු වෙයි .