" المــوت درجــال "
من نهار تخلق آدم، والغدر مخلوق فالـدـم، كيتقال لامقديتيش على عدوك، طعنو فالضهر .. هـاكا نسر الريـف لي ماكيقد عليه غير لي خلقو، ولكن العديان كثرو والعينين على جنحين جهلو، كولشي طامع وكولشي حالم يكون بلاصتو، القوي ياكل الضعيف، ولكن الضعيف ماشي ديما مضلوم، تاهو طامع تاهو حاسد ياكل شي نهار داك القوي .
بصبعانو حكمو مزيان فعنقو وبرك عليه بركة صحيحة تحت الوذنين تارخا جواد الموس من كرشو مطلع يديه عند يدين طه باغي يحيدلو يدو لي خنقوه وعينيه تقلبو، حيد طه يديه وزرب عليه عطاه بجهد مابين قرفادتو وعنقو طيحو فالبلاصة قادليه الدقة باش تغيبو، جا مكسل فالارض، وكا على الحيط كيطلع نفس بالشوية، هبط عينو لعند الموس ودـمو خـارج كيغمض على عينيه مزيرهوم من حرة طعنة، زير على الموس وسما الله حيدو بجهد مزير على فمو والعرق نازل ليه من جبهتو دـمايات غاكاتسيل جمع الموس عندو وتمشا بشوية ماقادرش اسربي فطاويه شاد على كرشو تاوصل طموبيل، جبد تيليفون يديه عامرة دـم صونا نيشان لعصام خلعو منوضو من بلاصتو
طه : ( طلع عينيه كيشوف كيلها وهو كيهضر ) سمع نوض بشوية اجي بلا ماتخلع مالين دار وسربي راسك تضربت غاتلقاني فالكاراج ديال ايتوزين
قطع عليه ووكا راسو على الباب حس شوية بدوخة، وجبد قرعة دالما فتحها كيرش على عنقو ووجهو ماخسوش اغيب وفنفس الوقت كيحس براسو كيفشل
هابطة فدروج كتغوت بسميتو كيشي حمقة شعرها مطلوق وغير بالكولون وتريكو وجها بيض وعينيها داخلين، طلاقات ليها رحمة جراتها بجهد من يديها لعندها معنقاها : باسم الله عليك باسم الله عليك
سميرة : طه طه فيناهو طه،
رحمة : باسم الله عليك ابنتي تهدني ماوقع والو ماوقع والو
بحالي عاد وعات على راسها هي بالخلعة دالحلمة لي حلمات فاقت مخلوعة: حً حلمت حلمت بييه
رحمة : خير وسلام خير وسلام احبيبتي ( شافت فيها كتحمع ليها شعرها ) غير حلمة ابنتي غي حلمتي
هبطاتها لتحت دخلاتها للكوزينة وعطاتها شربات : شوية دابا
سميرة : ( تهدنات وجها باقي فازك بالعرق ) حلمت بحالي غراق اخالتي
رحمة : يبعد عليه الشر ابنتي ( تنهدات ) شيطان داير مابغا هاد الليام فينا الله ادير الخير
سميرة : واش كنتي فايقة شحال فساعة
رحمة : ستة دصباح ابنتي صليت الفحر طه يالاه خرج دابا عاد شوية حتا سمعتك كتغوتي
سميرة : ( جمعات يديها مع بعضياتهوم مدبلا شفايفها ) مانقدرش نعس بوحدي مانقدرش نطلع بوحدي
رحمة : اجي نطلع معاك
شدات فيها غادين مع جاو اطلع فدروج كيشوفو عصام خارج هو ومراد من البيت طلاقاو مقابلينهوم، وجهوم بيض رحمة غاشافتهوم حسات دغيا شدات على مراد : شواقع مالكم؟
مراد : ( قلبو كيضرب شد فيها ) رحمة ( حط يدو على وجها ) شدي فراسك تبتي مزال ماعارفينش شواقع
عصام : ( مخلوع ) الوااليييد يالاااااه
رحمة : ولدي طههه شوااااقع ططططططه امرااااد
مراد : مزاااال ماعارفيييين ( باسليها يديها بزربة كيرجف وشاف فعينيها ) انعلمك انعلمك خليني نشوف شواقع
مشا كيجري راخي من يديها بدات كترجف سميرة صافي فشلات رجعات مكالية مع الحيط كترعد
رحمة : لاااا لااا ( غادا تابعاهوم سرباو هوما شعطو الباب غادين ) شنوووو وقعليييييه
شدات على قلبها كترعد طموعها طاحو كيتسابقو غوتات بجهد تافيقات لي بقاو قدار كضرب فراسها: طاااااااااااااااااهاااااااااااااااااا
***
غوتة بسميتو تسمعات فالسبيطار كامل غادا كتشد على يدو بكيتجاراو بيه الاطباء فالبياص
رحمة : ( حالتها حالة وشعرها زعر مليوح ) طااااااااااااهاااااااااا
دخلوه للبلوك كيقطعوليه الحوايج فشلات طايحة فالكلوار ومراد غايحماق شاد على راسو
غاتــ ـمووت صاافي عينيها تقلبو طاحت كتمرغض فالارض
عصام زير على ايمان كيبكيو معانقين خايفين كيشوفو فمهم وخوهوم لي كيمـ ـوت
الاطباء جاااو كيتجراو كيبانليهوم غير من زاجة دوزوليه الخط ديال القلب كولو عامر دـمـايات حالة متشوفش فيها
طبيب : 250 شششششششحن ضرررررب
تهز سدرو بصعقة ديال الضو وعاود تضرب كيسمعو والو خط القلب تيييييييييت
طبيب : 300 ششششششششحن ضرببب
قلبو موقف كيعاودو يشحنو وزدحوه كيطلع سدرو ويهبط ..
مشات كتحبو تاوصلا عند رجلين مراد عينيه حومر ودمعة سايلة حاط راسو على زاجة
رحمة : ( صوتها مبحوح غاتـمـ ـوت ) عتقليااا ولديييي امرااااد ولديييييي عتقووووووووووووووو ( ضربات على قلبها شفايفها كيترعدو بياضو سخفانة ) عتقلييااااااا طااااهااااا عتقلياااااااا ولديييييييي
بلحاج دخل من اللور كيغوت شاد على قلبو : مااااتبكييييييوش ولدييي هاداااااك غايعيييييش توكضوووووووو توكضوووووووو
مراد : ( دار شاف فيه حيد بزربة من رحمة عينيه حومر ) نتاااااا سباااااابوووو نتااا الواليييد ( صوتو تضغم حابس دموع كيضرب على قلبو ) غاااترزيييينييييي فولدييييييييييي
***
لحقو عليه مراد وعصام باقي شاد فراسو مشاو بيه ديريكت لسبيطار وعيطو لخدامين معاهوم جاو لتم يفكرو داك الحريرة
فالدار رحمة غا ساهية فالصالون متكية سخفانة وايمان شاداليها فيديها هي وميمونة مرة مرة ترش ليها فالريحة، سميرة كالسة بعيد فصالون جامعة عندها يديها، تاشوية دخلات نونو كتعكز بعكازها شافت نيشان فسميرة هزات عندها العكاز حتا تخلعات مرجعة راسها اللور : هادشي لي بغيتي اتريكة الشمايت، هاا لي خلاه عمك تكملييه دابا نتييي، عذبتوني فولدي ودابا فحفيدي ( شيرات بعكازها لعند رحمة ) شوووفي حالة موو كيدااايرة شوفي اقليلة النفس
سميرة : ( جمعات حجبانها دموعها فعينيها وكتجابه ) انا مادرت واااالو مااااادرت واااالو
نونو : سكتييي اقليييلة النفس الله ينعلك، طاسيلة الشمايت
ميمونة : نعلي الشيطان الحاجة راه حنا لي بيه فيه الله اعطيك الستر
رحمة سخانة صافي مابقاتش قادا دوي اما ايمان معصبة معصبة وجامعاها بزز خايفة على مها وخوها ماليهاش الخاطر تدوي واصلا لي فيها مكفيها وجها مطبع وحالتها
نونو : اش كالسة هاا اش كاااالسة تشوووفي هنااا سيييري غبريي عليناا كمااارت اقليلة النفس
سميرة : ( ناضت واقفة كتغوت ) انااا مخلوووعة كترررر منكممم هاداااك رااااجلي اناااااا ومااادرت واااالو نتي فينماا تشووفينييي تعااايرييي حاااضياااني غابوووحدي فهاد الدار ( شهقات ) داباا يجيي طه ونشكم بييييك
مشات دايرة كتعفط عاطياهوم بالضهر بقات نونو كتعيار
نونو : ايوا الله الكيهااا لييييك عشنا وشفنا البراااهش اتزاااحو معانااا العبيييد الله انعلك الويييلة
طلعات لبيتو هو كتجري دخلات وزدحات الباب مشات لفراشو تلاحت على وجها كتبكي وتشهق، مزيرة على الغطا بيديها ..
سميرة : طه عافاااك مايوقعليييك وااالو يا ربي عافااااك مايوقليييه واالو رجع عندي ماعندي تاواحد من غيييرك عاافااااك ( كتشهق ودموعها طاحين اتسخف بالبكـا ) انا كتبغيييه والله قلبيي كيضرنييي بزااااف كيضرنيييييي ( كدور راسها بلا ) مابغييت اوقعلييييه والو غانمـ ـوت
بقات كتحشي وجها ففراشو ماكرهاتش تدخل فيه كتزيد تشم ريحتو بحالي هو حداها وكيهضر معاها كتفكرو فاش كيعنقها وكيدوي معاها كتبغي تحماق ودور راسها بلا تارجعات كلسات جامعة رجليها عندها كتفكر فكلام نونو وبلي هي سبابو تاطراليه هادشي هزات يديه كتزير على زغبة حتا كطيرها وبدات فثانية وثالثة ورابعة كترعد بالعصب
وصل عندهوم عصام طلع دغيا عند رحمة ناضت جاهلة لعندو علمها بلي لاباس خيطوليه الجرح وطلعوه لشومبر يرتاح عندهوم واحد النهار، علمهوم باش البسو يديهوم يشوفوه
طلعات هي وايمان لبسو غا شيلان ديالهوم والمنطوات قبل ماتهبط رحمة عيطات لسميرة طاحت فبالها خرجات بحال ملهوفة هابطة لعندهوم لابسة غا كبوط وشعرها بقا مطلوق لحقات عليهوم وطلعات فطموبيل اللور جنب ايمان والقدام رحمة وعصام لي تم نيت ديمارا
غادين فطموبيل دارت لعند الشرجم وكتشهق قلبها غايخرج غير كترعد، رحمة ماكاتهضرش غير سادا عينيها ودور فراسها شادا على قلبها .
ايمان زيرات على فخاضها وهي دور شافت فسميرة ماكرهاتش تاكلها : نتي السبااااب فهااادشي وبلااا وجه غادااا تشوووفيييه شنوو باغا توصليي تقـ ـتليييه
رحمة : ( غوتات ) ايماااااااااان سكتييييي صااااافي عيييييت
ايمان : ماما حلي عينيك ( كتهف بالبكا ) طه هادا طههه لي دابا كيمشي من بين يديناااا، من نهار دخلات هادي لحياتنا والصداع كاين
عصام مزير على الفولون معصب مغدد وضارب الطم
رحمة : ( غوتات تابح صوتها ) صاااافيييييي صاااافيييي عييييت عييييت واش بغيتو تـقتـ ـلوني
زايدت زيرات على فخضها بهضرت ايمان وقلبها غايخرج كتفكر بلي هو محروق دابا بسبابها وبلي غايمـوت بسبابها، بقات كتقرص ففخاضها تازراقو ليها ماحاساش بالالم ديالهوم قد ماقلبها محروق وكترجف غاتسخف
وصلو لسبيطار كاملين هبطو كيتجاراو طلعو طلاقاو مراد يالاه خارج من الشومبر لي عطاوه دخلات رحمة طايرة لعندو وتبعاتها ايمان وعصام مشا كيدوي مع مراد، بقات هي برة واقفة بوحدها، قربات بشوية من الباب كطل عليه لقاتو بدلو ليه من الفوق بكسوة دسبيطار وعلقو ليه السيروم، كيهضر مع مو معنقاه وايمان، غمضات عينيها مقطرين ليها دموع ورجعات بزربة تكات على الحيط شادا على قلبها كدور راسها بلا : ماشي انا ماشي انا والله، ( هزات يديها كيرجفو كتدعي ) عافاك اربي عافاك نقص من عمري وعطيه مايمـ ـوتش بسبابي
خرجو شهقات لدرجة هزات يديها بحال شي بيبي مغطية وجها وعينيها كتبكي عاضا على حوايجها
رحمة : صافي ماتكلفش صافي رجع لاسبانيا ( كتشهق ) عافاك لاوقعاتليك شي حاجة صافي اولدي غايسكتليا القلب
كيهضر بعياء مشا منو شوية ديال الدـم وماكانش واكل مزيان: شش الواليدة نعلي شيطان
ختو غا ساكتة وكتشوف عينيها حفاو بالدموع
دور عينيه بيناتهوم وشاف عند مو لي شافت فعينيه غمزها خفيف بجدية كيسول: مرتي فيناهي ؟
ايمان زيرات علي يديها وكلسات فوق الكنابي قلبها مشوي وكتشوفو عاد كيقلب عليها من الفوق
رحمة : راها جات ( ناضت واقفة كتمسح دموعها وطلات فالباب لي تاهو شاف عندو ) سميييرة اجيي ابنتي
سمعات سميتها قلبها بقا كيضرب طلات بشوية عليهوم تامال شعرها ميل تاهو راسو كيطل عليها : سميرة اجي
رحمة دارت عند ايمان ونوضاتها : اجي معايا نمشيو عند باك نشوفوه ( دارتليها بعينيها لا ) قتليك اجيي
نوضااتها صحاا خرجاتها
سدو الباب موراهوم بقات سميرة كترعد واقفة جنب الباب كتشوف فالارض حانية راسها كتبكي كيسمع شهقاتها خارجين من القلب ومابغاش تبينهوم
طه : ( كيــشوف عندها ) قربي لعندي
قربات بشوية كتلوي فصبعين يديها وشعرها مغطي وجها تاوصلات شوية لعندو بقا كيشوف فيها بشوية مدليها يدو شافت فيها وشافت عندو دغيا شهقات كتحرك راسها بلا : ماشي انا والله سمحلياا عافاك مابغيتش هاد ه ادشي ي يوقليك ن نمـ ـوت ا نا وم م تامـ ـوتش نا..
جرها تاسكتها قربات ليه
طه : شهاد الهضرة الخاوية ؟!
سميرة : ( طلعات يديها كتمسح عينيها عينيها ) خفت ( شافت فيه رموشها ساردين ) خفت توقعليك شي حاجة و و
طه : ماوقعليا والو الحمد لله
سميرة : ( شافت فيه وحنات راسها كتشهق ) الحم م د ل لله
تنهد كـيشـوف فيها وهي حانية راسها ماكرهاتش غاتقرب ليه وماقادراش محرجة باش تشوف فوجهو فكرة وقعليه هادشي بسبابها كتقـ ـتلها تبسم بشوية بحالي حس عليها، شاف عند يديها كيكتلوي فصباعها مابقاتش قادا تدوي ولا تهضر، برك على واحد البطونة جنب يدو طلع شوية البياص، هي عضات شفايفها ومرة مرة تمسح دموعها، قاد السرير ورجع شاف فيها
طه : اجي لعندي
شافت فيه عينيها كيقطرو مافهماتش اش قصد شد بيدو عند المعصم ديالها وجبدها بشوية لعندو كلسها حدا جنبو سرطات ريقها كدور فعينيها
سميرة : ان نقصك
طه : ( تبسم وحط يدو على جنبو ثاني ) هافين تضربت
سميرة : ( دارت شايفها ورجعات دلات شفايفها طاحو دموعها ) سمحلياااا والللله انا
طه : حيدي سبادري ديالك
رمشات فيه مافهمات والو دموعها كيقطرو سرطات ريقها ودارت لي قاليها كيف حيدات جرها بشوية من كتفيها مدورها وجبدها متكيها عند سدرو صدمها تحرك بشوية شاد على جنبو دارليها ليصباص حداه متكيها عندو، زادت رجفات وقلبها بدا كيضرب كيضرب كيضرب بزربة، تامن رجليها ترعدو، ميل راسو حط اللحية ديالو على شعرها مخليها متكية
سميرة : ا انثقل عليك
طه : ( غمض عينيه محتاويها بيدو ) ششش خليني نعس مانعستش مزيان
عضات شفايفها مافهمات والو كتحس بيدو حاطها على كتفها جامعها ويدو ثانية حاطها على جنبو، هزات يديها وحطاتهوم على داك اليد : كتقصح ؟
شافتو ماجاوبهاش، دورات عينيها نضراتها حزينين ورجعات دوات بشوية : نتا مسامحني ياكا
طه : ( تنهد وحل عينيه ) علاش انسمحليك نتي لي ضربتييني ؟ ( حركات راسها بلا حركها بيدو بشوية عند جنبها ) ماسمعتكش دوي
سميرة : لا ماشي نتا ولكن حيت عائلت..
طه : ( قاطعها ) ماكانعرفش عائلتك كنعرفك نتي مرتي هاد الساعة
جمعات فمها بتبسيمة حالة عينيها وهي تعض على شفايفها حسات بمعداتها تلوات ماكرهتش تنوض تشطح ومخشية فيه
بقات شحال حالة عينيها كتحس بيه متكي وناعس باقي راخي يدو عليها، كدور فعويناتها وكتحرك فراسها بشوية تاطلعات كتشوف فيه ناعس، تبسمات كترمش فيه ورجعات نزلات شوفاتها لعند جنبو حاط عليه يدو تنهدات مدبلة شفايفها، كتفكر بلي تقصح وبلي تضرب بالمـوس عويناتها كيدمعو شوية تسمع دقان فالباب خلاها تقفز بين يديه، حل عينيه هو هضر مهدن : شكــوون ؟!
مراد : طه !
سمع صوت باه دار عندها اشار ليها براسو : سيري لهيه كلسي فوق الكنابي
حركات راسها باه وناضت بشوية كتحس بيدو باقا على ضهرها هضر بشويية : علاش مالبستيش الحجاب ديالك
سميرة : ( صوتها رقيق حنات راسها كدوي تاهي بشوية وتلعب بصباعها ) عيطاتلي خالتي هبطت بزربة كنت مخلوعة عليك نسيت
طه : ( بجدية ) ماشي موشكيل
تاتحركات عاد رخاها مشات وكلسات فوق الكنابي قلبها كيضرب حناكها حومر
طه : ( علا صوتو ) تفضل الواليد
دخل عندو مراد شاف فسميرة ورجع شاف فيه كيدوي معاه : كيبقيتي شوية
طه : الحمد لله عايشين برحمة الله
مراد : ماغايفلتش منها
طه : خلي تانخرك ويكون خير غانخرج بحالي غدا فالصباح
دخلات حتا ايمان عصام ورحمة حطات يديها على كتافو ومرة تدوي معاه وتعنقو، كولهوم تجمعو كيدويو سميرة بقات بعيدة كالسة فالكنابي كتشوف فيهوم، كتوف كيفاش مو وباه خايفين عليه ضايرين بيه كيفاش كيبانو عائلة زوينة ومنساجمة، تبوريشة شداتها فقلبها كتحس راسها بحال شي دخيلة ميلات راسها كتفرج، ســـاهية واحد الشعور كتحس بيه مضيوم، عضات شفايفها وتبسمات منين شافتو تبسم كيدوي مع باه، حضات مع تفاصيلو يديه الرجولين لي شادين مزير على يدين مو كلامو الرزين والمحترم لي كيدوي بيه جنب عائلتو، شعرو النازل على جبهتو، تنهدات قلبها كيترعد ونزلات عينيها حانية راسها، دور عينو حطهوم عليها من بعيد مالين دارهوم كيدويو قدامو وهو سها فيها، كتلعب بصبيعاتها وشعرها القهوي المخلط بالزعورية نازل على وجها، تفكر كلامها تبسم كاتبان فيها شحال مضيومة وماكرتاحاش، صغر عينيه عارف مزيان كتشوف راسها هي سباب هاد الماصل، تنهد ورجع تبع مع باه
وصلات العشية جا لعندو رضى جابليه الورد وضربو فاليدين كيقشب عليه بقا شحال مجمع معاه تامشا بحالو ، ناضت سميرة مشات للمرحاض ورجعات فيها دوخة ماكلات والو نهار كامل ماطاحتش النعمة فكرشها تاشداتها طاحليها الضغط، رجعات كلسات فبلاصتها فين قاليها، بقات كتكسل وتنهد جامعة شفايفها
سالا معاه رضى وخلاه خرج وبقات رحمة كدوي معاه تادخلو ليه الماكلة
الفرملية حطات ليه البلاطو فيها صلاد وسوب مزيانة شاف فيهوم: الزيارة سالات دابا كيسدو بيبان الكلينيك يبات معاه واحد تالغدا انشاء الله
رحمة : ( شافت فيه ) غادي نبات معاك ( شافت فايمان ) نوضي مع خوك سميرة بنتي تانتي سيري معاهوم
مراد : نيت نخليوه شوية يرتاح ( حط يديه على كتفو ) غاتنوض صحيح النسر مانخافش عليك
طلعات سميرة دغيا عينيها غرغرو منين سمعات الهضرة
ناضت ايمان واقفة
طه : الواليد دوك الوراق لي قتليك ردليهوم البال
مشات ايمان خرجات عند عصام برا ومراد تبعها ناضت سميرة واقفة بزز معداتها ضاراها وزادت ترونات باش عرفات اتفارقو واتمشي بوحدها لداك الدار، قربات بشوية لعندو رحمة شافت فيها : منين تمشي قولي لميمونة تعطيك ماتاكلي ابنتي ماكليتي والو
جمع حجبانو جرها من يديها : ماكليتي والو اليوم ؟
حركات راسها بلا : مابغيتش
طه : منين تمشي دابا ضاروري تاكلي شي حاجة انا مزيان دابا الحمد لله ماعندك مناش تخافي
طلعات عينيها فيهوم شافت فيدو كيشادا فيديها عينيها غرغرو سرطات ريقها وطلقاتها بلا ماتحس : خالتي عافاك خليني انا نبات معاه مابغيتش نمشي بوحدي لتم ( شافت فطه ) عافاك مابغيتش نمشي بغيت نبقا معاك ( زيرات على يديه صوتها مرعود تخلطو عليها احاسيسها ) عافاك انبات معاك انا
رحمة : الله يا بنتي صافي بقاي نتي ماعنديش موشكيل ( تبسمات ليها ) راجلك هادا نتي اولى
طه : ( حنا راسو مبسم ورجع شاف فمو ) الواليدة سيري رتاحي نتي منين هي تبقا احسن بنتيليا عيانة ( باسليها يديها ) الله اخليك فوق راسنا
مسحات دغيا دموعها مبسمة عاضا على شفايفها حشمانة ومشات كتجري عنقات رحمة : الله اخليك لينا اخالتي نتي عزيزة فقلبي
رحمة : ( تبمسات معنقاها ودارت كتشوف فطه ) تهلا ليا فيها عنداك تغوت عليها
ضحك برجولية وخلاها تابعدات منها عاد شافت فيه كدور راسها بابتسامة محمسة بحالي كتقوليه ايييه انا لي غانبقا معاك يالاه
رحمة : يالاه خليت ليكم الخير الله اشافيك احبيبي
مشات دايرة الكاب عليها وخرجات بحالها سادا الباب موراها
طه: قرينة ابليس
سميرة : ( زربات لعندو ) انا بقييت معاك ماتخافش ( دارت يديها على سدرها ) غاادي نقااابلك مزيااان
طه : ( جبدها من وذنيها بشوية تاشدات على يديه كتوحوح ) منين كتجيبي هاد الزعامة منين
سميرة : اي اي ( شدات على يديه ) ياك انا مرت النسر ايوا زعامة من خصايلي
طه : ( علا حجبانو) سمعي مزيان انا ماعزيزش عليا الصداع عيااان
سميرة : ماتخافش ماغانتحركش
طه : اول حاجة غاتاكلي بعدا
سميرة : ماغاناكلش هاد الماكلة ماكاتعجبنييش لااا ( دبلات فمها كتغبن ) كليتها باش دخلت لسبيطار بغيت نرد هنن مابغيتش
طه : راه ماغاتباتيش بالجوع باش نتفاهمو انا وياك
سميرة : ومابغيتش وزايدون خاسك تاكل نتا هادي ماكلتك
طه : مديليا تيليفوني من المجر
مشات للمجر جبدات تيليفونو كتشوف البوشيط عامرة دمو قلبها وقف وسهات بحزن مداتوليه عيط بيه لواحد من لي خدامين عندو وصاه يدوز اجيبليه شي عشا خفيف يعطيه للفرملي يطلعو وقطع شاف فيها لقاها حانية راسها
طه : هالماكلة غاتجيك كوليها مافيا لي يتحمل مسؤولية تمرضيلي ثاني
شافها مشات للحمام دخلات جبدات كلينيكس فزكاتو ورجعات خرجات وصلات لعندو باقي كيخربق تيليفون تاجبداتو من يديه
طه : شبغيتي تصنعي ؟
علا حجبانو كيشوفها دوراتو كتمسحو ليه ترخا متبعها بشوية وهي كتمسحو تانقاتو كامل من اثار دـم وطلعات مداتوليه مبسمة
سميرة : دابا نقي زوين
تبسم شادو من عندها : كنشكروك
سميرة : واكووول خسك تاكل باش تبرااا وترجع تسلخ لي ضربك
دور راسو بلا حول وحنا كيكمل ماكلتو وهي كلسات عند رجليه كتشوف فيه تادقات الفرملية جابتليها ساشي فيها ماكلة ديالها وهزات البلاطو دماكلتو هو خلاتهوم ومشات، ناضت فرحانةجبداتها كتاكلها دور راسو مبعها كتاكل وتبنن مـ ـاتت بالجوع، تبسم ليها ورجع كيشوف فتيليفونو تاحس براسو عيا نزل شوية البياص ديالو غير شافتو قطعات الماكلة وناضت دغيا لعندو : واش بغيتي تنعس ؟؟
طه : رجعي كملي ماكلتك
سميرة : لا انا صافي براكة
طرطق صبعو مع جبهتها تاغوتات راجعة : اااااي
طه : ( بجدية ) رجعي كملي
دبلات شفايفها ورجعات كتكمل ماكلتها بزعفة، تسرح هو بقا حاضيها تاكملات وجمعات كولشي دخلات لحمام غسلات وجها وقادات شعرها غسلات يديها ورجليها ماجات تخرج لقاتو نعس، قربات منو وبقات كتشوف فيه كيف ناعس، حنات حطات وجها على البياص ميلة راسها معاه تبسمات فرحانة كتنهد كل شوية بقات مدة دالوقت ماشبعاتش من شوفتها فيه تابدا راسها كيطيح بالنعاس عاد توكضات شوية ناضت للكنابي جبدات واحد المانطة تما كيحطوها مع الكنابي تغطات بيها الشومبر اصلا سخونة كلينيك دوليكس فالناظور .
سيدة صبحات ميـ ـتة قابلات راجلها بكري ناض راسو ودخل لحمام واخا تعذب شوية ورجع خرج كيطل عليها دور راسو بلا حول شغايدير خطية وصافي عاوناتو بكري، رجع لبلاصتو ولبس حوايجو تاجا طبيب شافو، دخل مراد عاد باش فاقت مبوقة شهقات صغر عينيه فيها، عضات على شفايفها محشمة وناضت خرجات معاهوم رجعو مابغاش اطلع للبيت غايقنط بغا يكلس فالصالون بيدما وصل ليل .
هبطات من بيتها مبدلة لابسة غازيف حياتي ومحلية شعرها مطلوق من اللور طلعات ليها الكانة وفرحانة وناوية هي لي تهلا فراجلها وتقابلو ماليه غيرها دابا خسو يبرا مزيان، دخلات للصالون ونونو مقابلة معاه مع شافتها خنزرات فيها عوجات ليها تاهي فمها وتوجهات عندو : شوية دابا
كان كيشوف فتيليفون طلع عينو فيها : شوية سيري طلعي جيبيلي الشارجور
سميرة : ( فرحات حيت سخرها ) فين كاين ؟؟؟
طه : عند البيرو فين كنكلس
بغا يزيد اطلع كالس شوية
سميرة : ( طارت لعندو ) انا نعاونك انا نعاونك
علا حجبانو كيشوفها كتحرليه الوسايد وقاداتهوم عند جنبو : مزيان هاكا ؟؟
طه : مزيان سيري جيبي لي قتليك
دارت غادا فرحانة طالعة فدروج دخلات لبيتو جبدات الشارج ورجعات هابطة تاتسمع صونيت فدار، غوتاتليها رحمة توف شكون هبطات ناشطة مع حلات الباب طلع عينو فيها وشافت فيه تاهي : شكون
شلطاتو تلبك : احم من العائلة، خالتي رحمة
سميرة : ( عضات شفايفها ) اه زيد مرحبا
خوات ليه طريق دخل كيشوف فيها حنحن بشوية تاسدات وهي تسبقو : ماعرفتكش انا جديدة عند خالتي رحمة هه
جود تبسم ليها كيشوف شعرها تبارك الله شحال طويل ماعرفهاش شكون: لا ماشي موشكيل خودي راحتك
سميرة : ( دخلات لصالون ) زيد مرحبا بيك ابعدا شكون
طه صغر عينيه معامن كدوي هادي
دخل موراها : جود ههه ( شاف فيهوم ) السلام عليكم
سميرة : جوود واو سمية زوينة
مع سمع اش قالت تحرك من بلاصتو تاضرو جرح مزير عليه طلع عينو حومر فيها صدماتو
يتبع