بقات كتشوف فيه مكمشة عينيها، كيف سمعات هضرتو رمشات بزربة فيه، قلبها تفج ماكتيقاش اشنو سمعات : و ووواش بصح كتخاف عليا ؟
علا حجبانو : لا
سميرة : ( دلات شفايفها ) وكيفاش كتقولي تجي فيك وماتجيش فيا
طه : لاوليتي مرة مشلولة شغادي ندير بيك داك ساعة ؟
سميرة : ( بصدمة ) يااااااااك
طه : ( وهو كيبرك على يديها بثلج ) هاد الساعة صحتك هي لي كتحمر الوجه فيك
سميرة : خايب، مسموم ( طلع عينو عاقد حجبانو فيها حنات صوتها ) مابلعانيش
طه : هاد الكلمة طلعاتليا فراسي ماتوليش تعاوديها
سميرة : شناهي ؟ مابلعانيش، مابعاتيش صافي مابقيتش نعاودها مابلعانيش
شاف فيها ببرود وهي خرجات لسانها كضحك بطنز طلقاليها ثلج على يديها ومشا داير مخليها كتوحوح : صافي صافي واغاضحكت معاك واه
هز داك البلاكار قادليه البياسا الثانية ورجع سدو جمع الماطريال وهي كدور بيه : وعافاك انتصالحو صافي
طه : سيري قديليك شي شغل لي ينفعك
سميرة : ( تبسمات شادا على يديها ) نتا هو شغلي ومشغالي
ماولاش جاوبها جمع كولشي وخرج مخليها كدبل فشفايفها : حكار اناني
طلع لبيتو لبس عليه ورجع هود خارج كيدوز وينزل عليها كيالريح بقات غاكاتشوف وتعوج فمها : وااه على بنادم تاضحك مايبغيه
بقات كتطلق يديها وتجمعها كتقصح وعضامها حومر بداو يزراقو : حوفيك اسميرة هانتي كليتيها فراسك
شافتها رحمة جاو عينيها فيديها بزربة جبداتهوم : اويلي مالكي شنو وقعليك
سميرة : ( دبلات عينيها كتبوحط ) البلاكار كان ايطيح على طه ومديت يدي باش مايقيسوش صدق قصحني
رحمة : الله على بنتي اجي معايا
داتها كلساتها وجابت الكرطونة ديال دوا جبدات لانكول كذهن ليها فيديها وهي كتأوه بشوية : باقا كتقصحي ( دارتليها براسها اه ) صافي احبيبتي دابا تولي مزيان
طلعات سميرة عينيها فيها بزربة كتشوف ساهية فيها، سرطات ريقها وقلبها كيضرب جمعات رحمة دوا ورجعات شافت فيها لقاتها بداك الصدمة ساهية فيها : مالكي ؟
سميرة : ( مبسمة بهدوووء ساهية ) اول مرة شي حد اقولي حبيبتي
رحمة : ( صدماتها مالقات متقول تبسمات غاكاتشوف ) نتي راك الغزالة الفنون تستاهلي كتر من حبيبتي
سميرة : ( تبسمات عينيها لمعو ) شكرا خالتي ونتي ضريفة بزاف كنت ديما كنسمع بلي العكوزة كتكون صعيبة ولكن عمرني شفتك بحال هاكاك
رحمة : ( قربات ليها هزات يديها ) انا شوفيني ماماك نتي ماشي اي وحدة نتي مرت طه وطه عزيز فقلبي بزاف وكيفما ختارك باش تكوني بيناتنا تانا غانديرك بين عينيا
سميرة : ( عضات فشفايفها حمارو خذوذها وحشمات كتشوف فيها ) وجبتي احسن ولد فدنيا الله اخليك لينا ديما ديما ( نقزات عنقاتها مزيرة عليها
تبسم بشوية مربع يديه عند الباب كيشوف فمو كطبطب على ضهرها وسميرة حاشية وجها فعنقها تاشوية كتميل راسها وهي تشوفو طاحت عينيها على ابتسامو زوييينة والهادئة تحت من لحية ديالو
تبسمات ليه تاهي بواحد الهدوء كانو عينيهوم فعينين بعضياتهوم صغر عينيه كشوف نضرتها البريئة وحتا هي متمعنة فعينيه وابتسامتها العفوية ليه حنحن بشوية ودخل عليهوم بعدو على بعضهوم وشاف فيه رحمة قرب دار عينو على يديها : كيبقيتي ؟
سميرة : ( غاطير بالفرحة ) شوية خالتي دارتلي دوا
طه : ( حركليها راسو ورجع شاف فمو بجدية ) عندي واحد الشغل ماغانرجع حتاليل
سميرة : ( نقزات بزربة ) علاااااش !!!
طه : ( شاف فيها مطلع حجبانو ) خدام واقيلة ياكما بغيتي نكلس مقابلك
رحمة : ( حنحنات بشوية شدات على يديه باش تبردو ) حبيبي ماشي موشكيل خود راحتك غابشوية عليك تاوكان
قرب باسليها جبهتها وسميرة كتشوف بعويناتها كترمش، تابعد ومشا خرج بقات رحمة متبعاه بعينيه كيف غبر دارت عند سميرة لي دبلات شفايفها تنهدات وشداتليها على يديها : شوفي ماكانبغيش ندخل بيناتكم حيت ربي لي عالم مابين كل راجل ومرتو ولكن واش تبغي تسمعي كلامي وتشوفيني بحال ماماك
سمعات ليها بشوية كتشوف وحركات ليها راسها جراتها طلعاتها لبيتها دخلاتها كلساتها ورجعات سدات الباب عاد كلسات حداها، سميرة صقلات كتشوف فيها ودايرة راسها متبتة ساكتة باش تنتابه
رحمة : سمعي مزيان شنو غانقوليك، كيفما قولتك لتاحتي نتينا بنتي نتينا اول عروسة دخلي لهاد الدار عندي، طه ولدي الكبير وعيني باش كنشوف ( تنهدات مدورة وجها كتفكر ) طه واخد معزة كبيرة فهاد الدار، حيت جا فواحد الوقت لي كنت فيه بعيدة على باباه، وعزيز تاعلى عمك ( طلعات نفس بشوية ) واخا تشوفيهوم هاكا ولكن راه هو اليد ليمينية لعمك قيسيه فقلبو وماتقيسيهش فيه، ( سكتات شوية شحال دمعة تعمرات فعينيها ) طه عاش شي حوايج صعاب صعاب بزاف فحياتو، ( شافت فيها ) صعاب بزاف ابنتي، ماتلوميهش لاشفتيه قاسح هاكا، ولكن قلبو حنين بزاااف قلبو ( تبسمات ودمعة فعينيها ) قبلو حلييب احبيبتي، لادخلتي لقلبو مستحيل تخرجي منو، ( شافت فيها مبسمة ) طه عمرو بغا شي بنت فحياتو عمر شي بنت المرا ماداقت شوفة من عينيه عليها نهار ختارك وجابك فرحت بزاف ( سميرة تبسمات ) ختارك نتي من دون البنات كاملين، بغيتك تمشي معاه غير بسياسة سيري على راحتو وسمعي كلامو غاتولي فعينيه، منين غايرتاح ليك هو غايجي يعاودليك منو لراسو بلاما تحكري عليه، نتي قلبك بيض ونتي لي تليقي ليه ( رطبات على حناكها ) بغيتك تحلي يامو الخايبة لي دازو ابنتي، بغيتك تكوني نتي لي تفيقي قلبو
* طنجة
نهار جديد داز عندها عادي من لافاك لدار، كيف كتفكر شوهتها كتكحل بالعما، كل خطرا يطيح فبالها ودخل لواتساب كتبغي تبكي، مابقات قادرة لا تسيفطليه لا والو، كملات شي تمارين وناضت لبسات حوايجها بدلات عليها عاد خرجات مشات نيشان لداك السناك باش تغسل الماعن، دخلات دارت الفواطة وجمعات شعرها بلاستيك، كل خطرا يجيب السراب العرام دطباسل يرميهوم عندهاوهي كتحك بزربة باش تسالي الماعن حيت كتار، تاشوية صونا ليها تيليفونها هزاتو كتلقا نمرة جارتهوم، جمعات حجبانها هي جارة عندها لاصال فدرب من زمان قريبة ليها وكانت كتكلس معاها بزاف، تبسمات واخا جاتها غريبة تعيطليها فهاد الوقت، بزربة نشفات يديها ومشات كطير خرجات جاوباتها فتيليفون
غيثة : آلو خالتي سعاد لاباس
سعاد : اهلا زرقة ديالي توحشتك اش غبورك
غيثة : هاحنا مع الوقت اخالتي تانا توحشتك والله
سعاد : ولاهيلا خليتي علينا الدنيا خاوية هنا والبنات ارا مايسولو فيك لاصال خوا كنتي تجيبي فيه الكليان
غيثة : هههه ولفت البنات تانا والله ماسخيتش الصبر وصافي
سعاد : وشغانقوليم ابنتي صبري وصبري ولاهيلا كاملين تصدمنا من هادشي لي طرا واخا كنا نسمعو شلا على باك ولكن باش احيدك من الحالة المدنية تالهادي لا صدمنا بزاف ابنتي ماعندك ماديري ابنتي زهرك ....
صوتها ضبب مابقاتش كتسمع مزيان، يديها فشلو والتيليفون طاحليها من يديها كتسمع الو الو والو ماكاينش معامن، سرطات ريقها بصدمة وكلمة وحدة كتعاود فودنيها
" حيدك من الحالة المدنية "
دخلات رجليها فاشلين عليها بزربة جبدات كبوطها محيدة الفواطة وخرجات من تم شادا على تيليفونها، مول السناك ميعيط وهي غايبة، مشات كتجري فشاريع بحال شي حمقة، الشتا بدات كتنقط ونقاطي كيطيحو عليها فوق حنكها، شدات على قلبها فنص الشاريع، دموعها ميطيحو سراب من عينيها، كتمنا تكون غير كتحلم وافيق تلقا هادشي كابوس وباقا مها فالحياة وكولشي مزيان، ناضت كتجري ماعارفاش تالفين كتجري وتبكي لي شافها كيهرب كيحسابليه غا حمقة، تاوصلات لاكوط دالبحر وقفات كتبكي بجهد وبصوت كتشوف فالبحر هايج، والحال مغمم، كضرب على قلبها، باك سمح فيك اغيثة تبرا منك، علاش هادشي، علاش حيت هي بنت الحرام، فشلو رجليها طايحة على الارض جامعة رجليها عندها وحشات وجها فوسط ركابيها : فينك امي فينك، فييينك اميي
قلبها كينزف الدـم من لداخل، الحرقة كطلع وتهبط
كان كالس فقهوة مع صحابو على البحر، شي صحابو كيخدم معاهوم حاط البيسي قدامو كيخربق فيه، طلع عينو كيشوف فالبحر وفنفس الوقت جماع، تاشوية كيجمع عينيه، فتحهوم مزيان كيتأكد واش نيت منها الى ماكانوش عينيه كيكذبو، شافها واقفة والجمعة ديال شعرها وتهاداك الكبوط ديالها، كتبكي وتقول مابكات كتمسح فدموعها بيديها، بقا متبعها بعينيه، شكادير هنا واشنو جابها لهنا، وعلاش فداك الحالة، سها ونسا واش هو مع صحابو، شوية كيشوفها نزلات على الارض كالسة تما ناض بزربة واقف حتا ضارورصحابو شافو فيه مافهمو والو، ماتسوق لحتا حد سد البيسي ومشا : تانطلاقاو فليل ..
مشا دغيا هابط مع الدروج وخرج من القهوة، قطع الشاريع، وصل لعندها من اللور كيشوف فضهرها، تنهد بشوية كيشوف بدا يقرب ليها داير يديه فحيبو تاوقف عليها من اللور كيسمع البكا ديالها، قلب بزربة مبسم وكلس حداها بنفس الطريقة تاقفزات شافت فيه عينيهااا الزورق حوووومر
رضى : ( شاف فيها مبسم مهدن ) مالكي اشاكيرا هرب عليك الباطو
غيثة : ( مصدومة وباقا كتنخصص ) ش سشكادير هنا !!
رضى : لي كاديريه نتي
غيثة : ( دار بجهد كتشوف موراها ) و واش كتبعني ولا كيفاش
رضى : ههه لا خرجو عليك المسلسلات
غيثة : ( مسحات دموعها بزربة بغات توقف ) سمحليا انمشي
شدها بزربة من يديها وكلسها لي شافهوم من اللور يقول غا حماق كالسين فالارض : فين غاداا
غيثة : رضى عافاك ماعنديش الكانة والله
رضى : ينعل بو لي يحيد الكانة ليك اشاكيرا، نرضو هاد الكانة بزز من مها
غيثة : ( شافت فيه يعني منيتك وفنفس الوقت كتفكر مصيبتها عضات على شفايفها ) رررضى
ناض واقف بزربة وهو يجرها موقفها : يالاه نمشيو منهنا
مشا كيتمشا وهي زايدة بشوية : فييين
رجع عندها بزربة جبدليها البانضة من شعرها بجهد تاغوتات : شعرييييي
خشا البانضة على المعصم ديالو ومشا راجع باللور مشيرليها لراسها: هاكا بكووصة ماتوليش ديري هاد الجبادات
غيثة : واافيييين غااادي بعداااا
رضى : يالاااه نتساااابقو ( حرك الكونطاكط ديال الطوبيل ) السرعة كتنسي الهم احبيبة
خرجات عينيها مصدومة فيه هو لي دار غادي مشات بزربة تابعاه من اللور لا هادا حمق اكيد بقات واقفة غاكاتشوف خلاتو قطع ركب فجيبا ديالو، هي بغات دور تمشي وهو يكعط فوسط الشاريع حارم الخط دشاريع تاوصل مفراني لعندها وضرب على الباب كيكلاكصوني : وااااااا شاكيرااا يالاااه ازين يالاه
شافت فيه شحال تنهدات ومشات لجنب ثاني ركبات : غي قوليا فين اتمشي بعدا
رضى : يكون خير، ديري النية
غيثة : ( جابليها الضحكة ) الله استر
قلع بجهد وطلق موسيقى جهد فيها داكشي ديال الزدحة، مرة مرة كيقاد شعرو فالمرايا، بقات كضحك غابوحدها هي فين وهو فين، ماعرفات تبكي على زهرها ماعرفات تصدم من هادا
غيثة : واش ماكاتشوفش حالتي ؟ ماسولتي ماوالو !
رضى : ( طلع يدو مزيان مع الفولون ) تاحد مالاقاها كيبغاها اودي الالة غيثة داكشي لاش خلي الهم فايت
دار عينيها غمضليها عينيها بجوج بحال كيطمنليها قلبها، ورجع دار مركز مع طريق وكيصفر مع الميوزيك
بقات كتشوف فيها ساهية مبسمة حتا ردات عينيها على البانضة فيدو : عطيني جبادتي بعدا
رضى : لا غاتجمعي داك الشعكوكة ثاني
غيثة : شعكوووووكةةةة
رضى : اختي ماعاطيكش لقيتها والحاجة لي كنلقاها كتولي ديالي
غيثة : اويلي منين جبتي هاد القانون
رضى : ختارعتو دراسي
غيثة : ( سدات عينيها بيديها ) يا ربي الصبر
رضى : خلي دعاوي تانوصلو ل Race Track
غيثة : شنو هادا ؟
رضى : فيك الاسئلة بزاف اصاحبت ختي
سدات فمها كترمش ودارت كتشوف كدور راسها بلا حول، مادازش بزاف كتشوف من بعيد الطموبيلات مجمعين والدراري غير العزارا والبنات les jeunes, ماكاين غا العرا والكارو مجموعين غاهوما، ضواو دطوموبيلات مجهدين العرام كل واحد مصاف حدا ديالو هالي مجمع هالي مع صاحبتو هالي كيفلورطي، هالي كيسكر، كلها وجو، ديدجي مطلوق مجهد، بقات كترمش شوية بشوية مصدومة، وقف تاهو مصطاصيوني بجيبا ديالو وهضر بلا مايشوف فيها وهو كينزل : بقا هنا تانعيطليك .
هابط كيجبد كارو شعلو هي كتشوف فيه من بعيد من الزاجة، قرب تاسلم على واحد صاحبو بيد واليد ثانية شاد بيها الكارو كيخرج الدخان
عضات على شفايفها كدور فعينيها وتشوف فهاد العالم الغريب عليها، بنات كيسطاسيونيو بطوموبيلات الفريع وكينزلو بالميني العرا على جهد، مقادين الحالة : اربي واش ماكيجيهومش البرد ..
تكمشات فكبوطها جابوليها البرد
تبعات العين مع وحدة غادا بالساك شعرها بليميش تاجات عند رضى لا سلام لا كلام نيشان باستو من فمو مزيياااان
غيثة، خرجات عينيها على جهدهوم شاهقة سادا على فمها وقلب بدا كيضرب
حط اليد على سدرها وبعدها عليه تاتصدمات كتشوف فيه هو دوا بجدية : مافيا لي يحــ*يك هاد الليلة جمعي كرك معايا البراني
ساط فوجها دخان
تزنكات وحناكها حمااااارو، من المنظر لي شافتو، هي حتا من الافلام كتحشم تفرج فيهوم لكان شي منضر ماشي تالتم، بقا غاتشوفو وعاد واحد كتعرفو، تخشات فكبوطها مزيان بقاو كيبانو غير عينيها، هو تصرف عادي بحالي ماوقع والو ودار كمل مع صحابو لي عطاه الكونطاكط ديال طموبيل خرا، حيت جا غير بجيب ديالو، شد السوارت وتم راجع عند غيثة حل عليها الباب : نزلي اشاكيرا نزلي
غيثة : ( باقا حشمانة فحوايجها ) فين ؟ علاش ؟
رضى : ضاروري نشرح ؟
غيثة : احم لابغيتي زعما
رضى : لا مابغيتش، نزلي
سد عليها الباب بقات غاكاتشوف عضات شفايفها ونزلات كيف سدات الباب سد الطموبيل ونعتليها غير بجوج صبعانو تابعاه مشا كيلعب بالكونطاكط بين صباعو تاوصل لطموبيل بقات كتشوف فيها ومجبدة عينيها مترددة، تاشافتو ركب وسد الباب عاد قربات تاهي طلعات معاه، دار حط عينو فيعينيها : ديري الصمطة
غيثة : واش غادي تسابق انا راه مامواللفاش هادشي
رضى : هانتي غاتجربيه معايا، كدوخي ؟
وهي كتركب الصمطة مامقشبلا والو وغادا معاه فالخط: لا
رضى : مزيان
قلع مديماري بشوية وهي كدور عينيها الزاج فيمي من برا، ماكيبينهاش من غير لافتحات الشرجم وهو بلعاني مافتحش الشرجم ديالها خلا غاديالو لي مفتوح، زاد كتشوف كولشي كيخوي ليه الطريق تاولا لوسط مقابل مع طموبيل المسافة بيناتهوم قصيرة، بقات غاكاترمش مافهمات والو تاشوية شهقات : اويلي واش غادخلو فبعضياتكم
رضى : ( عينيه حومر مركز مزيان وفنفس الوقت كيسمعها مهدن ) امال عاداتك بالكلخ ديالها
غيثة : هااا
تسمع واااااحد جووووج، ثلااااثة
رضى : ( بزربة ) شدي راسك
مالحقات تفهم تاضرب على الكسيراتور وضور الفلون غوتات بجهد مخلوعة تانشات وجااات كتغووت، كتشوف راسها ضايرة بواحد السرعة
غيثة : وقااااااااااااف اوييييلييييييييييي
تلصقات مع زاجة ماقدراتش تشد راسها
رضى : ( بجهد مزير على الفلون بعصب حيت مركز ) شدييي رااااسك
شكون سمعك هي كتغوت كيالحمقة، نضاضرها طاحو، شافها كتمشي وتجي، طلقو يدو زيرها من علي سدرها متبتها، وبقا لاعب بيد وحدة، الدخاخن كيطلعو من الطموبيلات كتشوف قدامها غاضباب، تفرفرات مابقاتش عارفة راسها هي فين
* الناضور
كانت ناعسة فبيتها، متكية وكتشوف فسقف كولشي مشا ينعس وهي بالها غير معاه علاش لدابا باقي ماجاش، دبلات شفايفها : نهار كاملة خدمة خدمة خدمة، اووففف
تقلبات على جنبها ثاني كتلوي زغب شعرها بين صباعها كتلعب بيهوم، وكتفكر : دابا كيفاش قاتلي خالتي رحمة هو عمرو بغا شي وحدة، زعما يكون بصح بصح ماكاتبانش فيه
رجعات تقلبات على ضهرها : ولكن علاش انا ماعجبتوش علاش هنننن ( ضربات بيديها كتضرب وتفركل تارصات طالقة يديها ) اش غاندير دابا كيغايدير يبغيني وهو ماكيكونش معايا اصلا
بقات كتفكر فيه تاشوية عضات شفايفها منين تفكرات تعنيقتو ليها لدرجة تبورشات وبدات كدور مع جنابها، شوية ناضت بلاما تحس خرجات بشوية كطل فجنابها ومشات بخطاويها نيشان لبيتو، دخلات لقاتها نقية مجموعة قربات لعند الكوافوز، وهزات ثاني ريحتو، فتحاتها ورشات مزيان كتشم فيها، كتحمااااق على ريحتو، بقات كدور كيالحمقة وتشطح تقول الموسيقى مطلوقة قدامها
كان بغا يطل عليها ويشوف يديها كيبقات تارجع لبيتو خلاها تالصبح، مع فتح الباب قفزات فبلاصتها طيرات القرعة دريحة تاطاحت مقصومة على نص فالارض، شهقات عاضا على شفايفها وكتبسم بالخلعة : ط طط طه حبي جيتي
صغر عينيه كيشوف فيها وفالقرعة سحت الليل ماتنعس ترتاح ماتخلي لي ينعس، شاف فالقرعة وشاف فيها ببرود واحد الشوفة دغيا فهماتها
سميرة : ( بدات تلوا فبلاصتها وريحة مطلع كطعطع ) هنن ك ك كنت بب
طه : ( دارليها بيديها بجوج ) هادي القرعة ثانية اقرينة ابليس، هانا كنجمعليك
سميرة : و. و وغي سمعني
طه : ( سد الباب مطرقو ) لاش دخلة لهنا ؟ اا !!
بغات تهدر بجوج خطوات جرها من قرفادتها بدات توحوح
سميرة : اي اي ا ي غي غير سمعني حبي غا سمعني
دورها لصقها بجهد على الحيط قلبها طلع ونزل كترعد: واش مسكوووونة ( طلقها من تريكو من العنق ) مسكوووووونة دوييييي !!
سميرة : لا لا لا لا حاشا حاشا غ غابغيييت نش شم ريح حتك
طه : سلوكي وليييتيييي ؟؟ غاتشمييي ريييحة مع جوج دليييل ضارب مك جن العاشق
سميرة : ج جن العاشق لا اش هادشي حشومة عيب عيب ماكانعشق حد عندي غا راجلي لي هو نتا
طه : ( جرها ثاني بجهد ) سكتييييييي
سميرة : هانا ساكتة
دارتليه بيديها
طه : نص ميترو، نص ميترو اقرينة ابليس وكتحرقي الديور
سميرة : راه الاقزام عندنا متواترين فالعائلة من العمة للخال(شدليها على شفايفها جارهوم مجبدهوم تابقات كتبركم تابعة يديه باش ماتقصحش ) ابكبومبميندويم
هبط صوتو من كترت ما هو كيجي مسخسخ من كترت ماكاطلع ليه فراسو: هضرتك مضغيها وبلعيها، ماتجيش تشرحي ليا شجرة دتريكتكوم، حاجتي بعدي عليها، وصيتك ياك ؟
دارتليه براسها اه باقي جامع شفايفها بيدو مخرجهوم
طه : وشنو غاندير ليك دابا
سميرة : انغنغتغنغ
كدور راسها بلا وترمش بعويناتها
بقا يشوف فيها شحال كيفكر شغايدير بيها دابا شاف فيها بهدوء : كتصلي ؟
رمشات كتشوف فيه تفكرات هضرت رحمة باش تسايرو فالحاجة لي كيبغي بزربة حركات راسها باه
حلا حجبانو بشوية وهبط عينيه لعند صباغة ديال الضفرين، الحمر كيشع منهوم ورجع طلع عينو فعينيه رخاليها شفايفها بشوية
سميرة : ( حطات يديها كتقيس شفايفها ) ايي تقصحت
طه : ( بنفس الهدوء ) الضهر شحال فيه من ركعة ؟
طلعات عينيها بشويييية كتشوف ليه فعينيه كتفكر شغاتقول وشغاتجاوب : ( بزربة ) ثلاثة
شافتو باقي كيشوف فيها بكاااالم رمشات ودوات مترددة سادا شوية عينيها: خمـ سـ ـة !!؟
بعد عليها شوية ساد على عينو كيطرطق عنقو
سميرة : شوف راه كنت كنصلي ماعقلتش والله غي ماعقلتش هاد الايام ترونت وً
طه : ( قاطعها زرب عليها ) عطيني اركان الاسلام
رجع وكلس بشوية كيشوف فيها
رمشات كتشوف فيه سرطات ريقها، وبدات كتحاول تفكر شنو كيدور ليها فعقلها : ( بدات تحسب بيها ) الكعبة، الزيف..
يالاه غاتهضر قاطعها
طه : كضحكي عليا ؟
رمشات كتشوف فيه تخلعات وجمعات يديها كتلوي فيهوم
طه : كتقوليلي بغيت نكون مرتك باش ؟ ( رفع صوتو شوية ) باااااش جاااوبي
رمشات راجعة شوية بلور كتلوي فصبعانها متلبكة
طه : باش نتي مسلمة ؟ انا كنتسنا المرا لي تزيدني لطريق الله ونجاهدو انا وياها، ونتي ماعارفة حتا اركان الاسلام ( سكت كيشوف فيها بجدية ) شنو غايخليني نتعجب بيك اسميييرة !!؟ شنو !
سرطات ريقها قلبها كيضرب يديها بداو كيترعدو طلعات كتافها ومدات يديها من تحت شعرها كتجبد زغبة كتقرطعها، شاف فيها من الفوق لتحت : سيري تنعسي
شافت فيه بشوية ودمعة فعينيها، سرطات ريقها دارت مشات نيشان لبيتها، ودخلات تكات فناموسية مغمضة فوسادتها وكتفرك بيديها فالفراش،
* طنجة
متكي على الكوبو متسنيها ترد وتقيا حتا مصارنها بغاو اخرجو، دار جبد كلينيكس وقرعة دالما وقرب من اللور مادهوم ليها
طلعات علينيها زورق ولاو حمرين شافت فيه : شكراااا
رضى : هه بصحة نتي قلتيليا ماكاندوخش !
غيثة : ( كتمسح فمها بعصبية ) لا نتا تسطيتي باز والله تاباز، كيحسابلي اتسابق ادير شي حاجة واش كدور ودوخ فراسك وتشم ريحة المازوط !!!!
رضى : اللعب ديالي قاصح
غيثة : هادا راه الحماق
رضى : ( قاطع عصبيتها بهدوء كيشوووف فيها ) شوية دابا
غيثة : ( تكالمات وحنات عينيها ) شوية
رضى : يالاه نوصلك
غيثة : ماقادراش نمشي فطموبيل دايخة غابوحدي
رضى : ( تبسم بشوية وجا لعندها دور يديها على عنقها فوق كتافها ) ماتخافيش انسوك غابشوية غازيدي
غيثة : حيد عليا نتا مسطي والله ناري
رضى : ماشي مزيان مرة مرة يحماق الواحد
غيثة : هادا راه الانتحـ ـار
رضى : شنو تاكلي
رمشات فيه كيشتتها بهضرتو فتحليها الباب طلعات باقا دايخة : غير ديني للدار
رضى : اذن اتاكلي على دوقي
شافت فيه بعياء وتنهدات شغادير الصبر ولكن بصح عاشت تجربة عمرها فحياتها عاشتها ولا غادي تعيشها مزال هههه الرعب بام عينه
اول مرة يجيب معاه اصلا شي وحدة من الناس لقرابين ليه لداك البلاصة موالف يقسر عامع صحابو ولكن بغاها تبدل الجو وينسيها من داكشي لي كانت فيه، بقاو غاديين تاوقفو حدا واحد مور الكروصة كيدير الصوندويتشات فالخبز
رضى : نزلي نزلي البرازيلية وسمحيلينا
غمزها ضاحك بشوية ونزل
نزلات تابعاه فين غايمشي هادا تاصدمها باش وقف عندو وسلم عليه صدق كيعرفو دارليه جوج سندويتشات ورجع عندها كلسو فواحد الطبيلة دايرها تما دنيا خاوية وليل
غيثة : ( شدات من عندو السندويتش ) صدمتيني هههه
رضى : علاش ؟
غيثة : الارستقراطي رضى الورياغلي كياكل خانز وبنين
ضحكات تاتسدو عينيها
رضى : ( مسح بشوية فمو وبقا كيضحك ) ماكانش احسابليا مزيود فلاص فيگاس
غيثة : باينة غامن داكشي لي شفت قبيلة
رضى : غير فلي بغيت، انا بلاندي عزيز عليا البلدي بزاف
غيثة : شفت شفت ( وهي كتاكل ) ولكن بنين عجبني
رضى : ايوا الالة غيثة منين نتي فاسية ؟
غيثة : اش جاب فاس للهضرة ؟
رضى : فاسة لي كيسميو غيثة بزاف
غيثة : هههههه كتفكر بزاف ( غمزها رافع ليها حجبانو ) لا انا ناظورية عربية ( دارليها بفمة زعما اييه مزيان ) ونتا ؟
رضى : الواليد ريفي والواليدة جبلية، نص نص
غيثة : كدير الخاطر ليهوم بجوج، ههه على هاد الحساب انا نص نص ناضورية طنجاوية
رضى : كلها كيمشي بالقانون ديالو
ضحكات عويناتها لامعين كتاكل بشوية رادة شعرها مور وذنيها بقا كيشوف فيها مبسم، فرح منين قدر اخرجها من داك الحالة لي كانت فيها
* الناظور
صبح صباح كانت ناعسة دايبة فنعاسها ماحساش بالوقت شحال، موالفة ديما عادتها تصبح تالنص نهار عاد تفيق، كيف وعات براسها دخلات للحمام تغسل حالتها، دخل لشومبر بشوية هاز فيدو كارطونة فالبيض زوينة، سد الباب موراه وقرب لناموسية حط داكشي فوقها كيسمعها فالحمام، قرب للماريو ديالو فتحو كيشوف حوايجو حتا خرجات دايخة، بكولون لاصق عليها وبودي باليدين دصوف، شافتو تصمرات فبلاصتها كترمش
طه : ( تبسم ) صباح الخير
سميرة : ( مصدومة ) صباح النور
طه : كيصبحتي ( قرب وهزليها يديها كيشوف فيها ) كيصبحات يديك
سرطات ريقها مبورشة غي كتشوف كتقول صافي كتحلم : ل ا لا باس
طه : كلسي فوق الناموسية هانا جاي
مشات شاداها ساكتة كلسات شافتو خرج دورات عينيها للكارطونة مالحقات تعرف شنو تاشافتو رجع دخل وجاي لعندها نيشان قلبها بدا كيضرب شنو بغا يدير
لي كملات تخلي نجمة وتعليق ✨