خطات مقدمة لعندهم حتا كتسمع سميتها من اللور
رحمة : سميرة ؟!
على صوتها طه دور عينيه لجيهت الباب وتا ليلى، ناض من بيناتهوم شاف فيها : رتاحي نتي
برا شافت فرحمة كان وجها حمر وباينة بلي مخنوقة ومزموتة : خالتي
حطات يديها على كتفها: باقي مانعستيش مالكي ؟
طه فتح الباب عليهوم طلعات عينيها بزربة فيه تاهو شاف فيهوم لاحظ دمعة لي حابسة بزز جمع حجبانو بشوية
سميرة : والو
دارت غادا هو شاف فمو هازا دوا فيديها : هادا لي لقيت اولدي غاينفعها تشربو دابا قبل ماتنعس
طه : الله اكثر الخير الواليدة
شافت فيه متنهدة : ماتنساش مرتك اولدي
باسليها يديها: خلي داكشي عليا، سيري رتاحي
هبطات بحالها مخليات دخل وسد الباب قرب مد الكاس ليلى شربوليها بزز ماكاتحملش دوا عاد نعسات، على الاقل خسها تبرا بعدا ماعجباتوش حالتها، تكا على الكنابي مقابل معاهوم كيشوف فيهوم ناعسين بجوج بقا كيحك على اللحية ديالو، ورجع ناض خرج كيعيط لماعرفو فالبوليس يعرف فين وصل داك الكلب، حيت شادينو عندو كون لقا يشدو هو الروح ديالو تخرج ولكن جات فيدين البوليس غايضطر دابا يتبع من بعيد، رجع دخل كيقلب كيقلب على اباغطومون مايمكنش اخليهوم هنا مع مالين دار ماكيكونش مرتاح، خاس اشوفليهوم شي بلاصة خرا بيدما كملو الوراق مابقاليهوم والو وغايمشيو لاسبانيا
* طنجة
بقات كتحفض تالشي وقت وصلها ميساج من عند أمال : عنداك تنساي غدا اندوز عليك بكري يالاه يكفينا الوقت
دايخة بالقرايا وعينيها مقلوبين بنعاس: واخا كوني غير توصلي لشاريع عيطيلي ونخرج عندك
أمال : اوك حبي اي لاف يو .. طفات تيليفون لاحتو فوق الناموسية ودارت كتكمل تخيار فالكساوي لي عندها خاسها طلع مبوكسة غدا، مفرشة العرام ديال الكساوي وطالونات مشعترين فالارض والمرايا طويلة حداها كل خطرة تحط عليها وحدة، شاعلة ضو خفيف فالبيت، فتحات عليها الباب شافتها باقا فايقة
شيماء : ( بالحس ) واش ماغاتنعيس ؟
تغبنات: ماعرفتش امامي شغانلبس غدا
دخلات وسدات موراها الباب: ياك قلتيلي داك الكسوة الحمرة
أمال : نونو ماعجبنيش ( هزات كونفيرس فالابيض ) غدا ايكون dance مابغيتش طالون غايعذبني وداك الكسوة ماتجيش مع كونفيرس
كلسات فوق الناموسية كتشوف فالكساوي: شوفي شي وحدة تكون كيوت، اري داك الزرقة نشوف
أمال : اييييي هادي ( جبداتها معنقاها ) تانا كتحمقني
مداتهاليها كتشوف : قربي لهنا ( قيساتها عليها ) شوفي هادي جاتك غزالة
أمال : اتجيني زوينة بصح
شيماء : راك نتينا لي مزوينة احبيبة
عنقاتها من اللور
أمال : بقات كتنقز ودار عنقاتها وكتبوسها : كنحماق كنحماق كنحماق علييييك
شيماء : طيبتيييني
أمال : شوفي ماما بغيت ندي هادي لغيثة داك صاحبتي لي كنت جبتها معايا هي ضريفة ولكن مسكينة مافحالهومش وماغاديش يكون عندها ماتلبس
شيماء : مسكينة ديها وعطيهاليها بروحها
أمال : اه اه هادشي لي بغيت ندير
شيماء : تاهي نديوها معاك غدا
امال : اوففف كووورس " طبعا "، هي لي غاتمشي معايااا
شيماء : ايوا مزيان انا نمشي نشوف خوك
غادا بالبيجامة على شكل ارنب منقزة: تانا نمشي معاك اصلا مابقا والو لطناش دليل ..
مشاو بجوج بيهوم كيبانو بحال الخواتات ماشي ام وبنتها، شيماء محاضة على راسها وعلى زينها والشعر مقطع قصير وكتصبغو بنفس لونو، امال خرجات فوطو كوبي ديالها فزين غير الشعر والعوينات بحال المهدي، ميلونج زين ديالهوم عطاوه لولادهوم، دخلو عليه كان يالاه جا معري من الفوق صدموه
رضى : واغاااادقو الباااب
شيماء & أمال : هااابي بييرثداي تويووو تاتاتا
بقاو كيغنيو تاضحكوه باس لشيماء راسها وامال جرها معنقها من جنب تابدات تهاوش معاه وشيماء تاهي داخلة بيناتهوم مرة تعطي ضربة ليها مرة ليه
رضى : وعبااد الله واخليوني نعس غدا وعاودوهاليا
امال : عرفتيييي لا تعطلتيييييييي ارضى انقتلك خاسرة زبالة دالفلوس
رضى : من فلوس الواليدة والواليدة اييه فهمت
امال : ماشي شغلك المهم دايرا ليك عيد ميلاد
شيماء : صافي تفرقو سيرو تنعسو غانفيقو بكري انا مشيت
مشات خلاتهوم مناكرين
رضى : وغدا ثاني تقزبي
امال : بحالا علمك الله
رضى : ضسرتي نتي ضسرتي
تلاحت كتعنقو وهو عريان من الفوق : شوف شوف السداسيات تبارك الله ويخليوني
جرها كيلعب ليها فشعرها: هانيا الحب نتي تقزبي وانا ماعليا غالي شاف فيك نصيفطو للقبر
غمزليها
صبح الصباح توضا وصلا طل عليهوم باقين ناعسين مابغاش افيقهوم خاس ارتاحو شوية، هود لتحت هاز فيديه تيليفون لقا شي ابيلات، كلس فالصالة كان غابوحدو ورحمة وميمونة فالكوزينة، شاف اخر رقم عيط ليه، مع كيسمع فتيليفون مع يدو كتجمع ، عينيه ولاو حومر وعنقو تزير العروق فيه بانو، قطع معاه وعاود عيط لواحد خونا من عندهم يأكدليه، مشا طلع خلا رحمة يالاه خارجة عندو بقات كتشوف مافهمات والو، بلاصة الخطوة يدير فيها جوج درجات وصل لفوق دخل نيشان على باه لقاه سلم وكيجمع السجادة
نيشان جاه من اللخر: ، صباح الخير الله اقبل، عرف بمجية الدون الواليد ؟
مراد : ( مهدن ) مرحبا بيه .
زير على تيليفون ودار مغمض عينيه ورجع شاف فيه: قلناليك طريقك تفوت طريقو وصيتك تبعد على الكلب .
مراد : انا لي ولدتك ماشي نتا لي ولدتيني
كيحاول مايغوتش تعصب تعصب تعصب: الوالــيد، دير عقلك هاداك السيد مقود فسوايعو، هاداك السيد حرام على رجلتنا، كترمي مك وختك ومرتك وولادك للعافية، حرام على دينك .
قرب ليه: أنا بديت فهادشي قبل حتا ماتحط عينيك فدنيا، وليتي دابا تفهم كتر مني وليتي كتعرف فهادشي وتفهم وانا لي وريتوليك بيدي
طه : وراتني الدنيا ماوراني حد، تزاديت ولقيت راسي فهادشي ويدي هادو ( علا يدو فوجهو ) غارقين فيه، كون لقيت ندفل عليهوم ونزيد، بلحاج ماشي نتا ونتا ماشي انا، داك ليهودي قاطع رحمة الله فالعباد، كدير يديك فيدو ؟
مراد : عندي معاه حساب، سلعتنا كتوصل حتالعندو كلمتنا كتوقف فبلاد بعيدة
طه : ويهديك الله الواليد ( علا صوتو ) الواااااليد يهديك الله تاقي مولانا، راه كلنا ليها، نعل الشيطان
غوت تاهو: الله انعلو، سمع اطه ماشي انا لي ختاريت هاد الطريق باش تجي تحاسب باك، لي شربتيه فبزولة مك شربتو تانا، هادا ثمن طلع فد ـم الريف، هادا ثقل جناح النسر لي حامل، بزز منك تهزو بزز منك تسايرو، طيح عليك شتا ولا يعصف بيك الثلج، تنفض ريشك وتنوض، ياتمشي مع الموجة يا تديك العوامة، والطريق لي واقفة عليك بالشوك خاسك تمشي فيها
حرك راسو بشوية فسكات عينيه حومر بزاف وقرب ليه دوا مهدن : الطريق العوجة تقاد وتمشي فيها، لو كانت حياة العبد تساير بالموجة، كون راه ربي مايخلق وجه آدم فالارض منين خيرو باش اهبط ليها ولا يبقا عندو فالجنة،
ضرب جيهت العقل: حرك دماغك وعرف كيفاش ترد الشوك، ورد لابغيتي تكمل فيها،..
مراد : مالك خايف منو ؟
من تحت سنانو: الخوف .. من الله، نهارك مبروك ..
دار هابط عاقد الحداش، خرج وزدح الباب موراه تاتسنع فدار كاملة، رحمة عرفاتو وصل لطوب حيت منين كيتعصب بحال هاكا من الاحسن مادويش معاه هو قليل فين تشوفو اصلا بحال هاكاك، دخل لجيب ديالو وحرك الروايض بجهد كارز على سنانو ومزير على الفولون تاضرب عليه بجهد، ورجع كيمسح اللحية ديالو هز تيليفون كيدوز ابيل .
طه : داك الكلب دير معاه فمراكش مانشوفش كمارتو فالريف، غادي نتلاقاه بعد غدا
طلعات رحمة فدروج ودخلات عند مراد كان كالس فوق الناموسية وساهي، دقات بشوية تاطلع عينو وشاف فيها مبسم، تبسمات ليه تاهي ودخلات كلسات قدامو بقا كيشوف فيها، جرليها يديها باسهوم ومد يدو اللور طلق ليها شعرها لي باقي طويل ولونو الفتان، خلاتو كيلمس فيها بشوية عارفاه مضرور بزاف، ولا كيتعصب من ابسط حاجة الكبر ومايدير، وخصوصا طه، ولدو لي عارفاه بحال الكتف المايل عندو
رحمة : ( بحنية ) كولشي غايولي احبيبي انا متأكدة
باسليها يديها: سمحيليا لاغوت عليك وانا ماقاصدش ( عاود باسها فاليد لخرا ) سمحيليا احوبينو
رحمة : ماتقولشي هايدا انا عارفة شنو فقلبك، ( زيرات عليه ) طه قوي احبيبي، نتا عارف ماكيهبطش راس قاصح، ولي وقع معاه ماشي ساهل، هاكا ربي كتاب، ماتبقاش دير فبالك، داك نهار قولتيلي غانساو لي فات مم ؟
مراد : بعد عليا بزاف، هادشي ضرني ضرني فقلبي اعمري، بعيد عليا وماكانعرفوش فاش كيفكر ولا شنو كيدير فحياتو، ماشي هاكا حلمت يكون عندي ولدي ارحمة، حلمتو يكون صاحبي كتر مانشوفو ولدي هو مايتخافش عليه ولكن معايا انا
تنهد كيسمح على الحيو ديالو عينيه حومر بالهم لي هازو: لومة ديالي كنردها عليه، انا لي خليتو يبعد من صغرو عليا بزاف، واش قصحت عليه ااه ؟ واش الموشكيل فيا حيت بغيت نطلعو راجل ؟
كيف كيجي يشكي دموعها كيطيحو زيرات على يديه: مادرتي والو بلعكس نتا عطيتيه كولشي ونتا عزيز عندو ولكن هو ماكيقولش هو هايدا امراد ماكييقووولش وراه مايدوزش فكلامك ونتا عارفو ديما واقف معاك واخا ماتشوفوش عافاك رخي خاطرك احبيبي
هز يدو كيمسح ليها دموعها ماكيحملش اشوفهوم، عرف راسو كبر وعياوه هموم الدنيا، منين كيشوف طه مقرب ليها بزاف وخصوصا هي كتغطي عليه وكولشي ديما كيتعصب ولكن كيبقا فيه الحال وكيحمد الله بلي على الاقل مقرب منها وماشي ماعارف تاحد فيهوم، ولدو وعارفو كيفاش كيفكر وشباغي يدير ولكن غصة قلبو انه ماشي شريك معاه ماكيعرفوش لا شنو كيفكر ولا شنو ممكن يدير فاي لحضة من كترت ما هو قريب من كترت ماكيشوفو بعيد عليه بزاف، وفجوة السينين ديالو فاسبانيا خلات العلاقة تزيد تعرقل.
* الناظور
وصل تالجوايه طناش هو كان سبقهوم ومشا نيشان ليبيطار عند حبيبتو سرية، دخل لقاها ناعسة يالاه كيف شربات الدوا، باسليها يديها وبقا كيدوز على شعرها حالتها هنا كتقهرو، ماعندها حد فدنيا كيحس براسو مسؤول عليها خصوصا وهي معاه من الصغر كيلعبو وشحال من حاجة، تخربات حياتها منين تخلات عليها مها وحمزة غير فمشاكيل الخدمة هو معرق بزاف فالتبزنيز وخدام مع مراد صحيح، تنهد كاتبقا فيه شكون يشوف من حالها حاطينها فسبيطار تعالج من الادمان ومخلينها، غا حليمة لي تجي لعندها حفيدتها ولابد ماتسمحش فيها، دار ليها الاذن كان ديجا داوي مع عمو حمزة، سناوليه الوراق باش تخرج طبعا غير هاد الليلة وترجع، حلات عينيها مامتيقاش جا لعندها ومانساهاش ونهار عيد ميلادو، عنقاتو كيطبطب عليها ويمسح ليها على راسها كيبوسها فحنيكاتها، بقا تالبسات حوايجها وداها هي فرحانة حيت اتهنا من السبيطار بعدا هاد النهار، ركبها فطوموبيل كيسمع ليها ولضحكاتها بحال شي بيبي، قلبو كيتفتح، وكتنغمو بزاف كيحس براسو بحال باها وهي بنتو، واخا كبيرة وفعمرها 24، وصلو عند حليمة وهبطو، بغات طير جاو عندها حفايدها بجوج، باست رضى كتنعقو عزيز عندها وتاهو مايخسرش ليها هضرتها وكلمتها مايديرش منها جوج، وتاهي مربياه من صغر وكتجرو ليها حيت بينها وبين شيماء ماكيتحاملوش هه، هو مامسوقش لهادشي مو فقلب وهي فقلب، كلسو معاها فرحانة بيهوم حطاتليهوم اتاي والبغرير والملاوي، رضى كيعجبو هادشي، اما نسرين غير تخطف شوية ضعيفة والكوكايين وزيدها الادمان ضعفها مابقات كتاكل والو
كيف سالاو ناض هزهوم باش اشد الطريق للحسيمة، ميم صحابو وكولشي ولكن مرة مرة كيعجبو يدوز اوقات مع عائلتو .
فدار مراد، كانت ايمان كتوجد ماتلبس، دور هنا ولهيه تاسالات عاد هبطات حيت مور العصر عاد غايمشيو، لقات ليلى كالسة كتفطر وتوكل لينا تبسمات ليهوم : صباح الخير
ليلى بابتسامة عرفاتها ختو ديجا كتشوفها عندو: صباح النور
رحمة جات موراهم : صافي قاديتي الحوايج
ايمان : اه اه ( شافت فليلى ) تبغي تمشي معانا حتا نتي ؟
ليلى : ( بحشمة ) ماعرفتش خسني تنسول طه
سميرة دخلات مع هاديك الجملة عوجات فمها فيها هي عاد فايقة اصلا من النوع لي ماكلتو قليلة وموالفة تبقا بلا فطور غير دابا فدار الويراغلي كتنوض ماكاتلقا مايدار كتمشي تفطر، كلسات فالكوزينة مقابلة معاها وصوتهوم واصلها حيت غي قريبة ومفتوحة، كون لقات طير عليها الغيرة كلاتها فقلبها وبقات كتعيبها : تانسول طه نينيني تسولك جنية تفو
عوجات عينيها ورجعات هبطات كتدهن الفرماج فطوسط، وكتسمعها كتعيط ليه
" الو حبيبي قاتلي ايمان نمشي معاهوم لانيف، اه، بصصصح، كنموت عليك ( بحشمة ) "
طاحليها طرف ديال الطوسط : شوفليك بنت الحرام كيف كتعوج، ( تنفخو عينيها بدموع ) وانا مالي المهم راجلي تانا، ولكن كيفاش فين غايمشيو !!
هادشي كامل غافوسط راسها كيدور كلات وعاودات خرجات شافت حد ماتسوق ليها بقات تنفخ وطلعات الفوق كتطل غامن دروج وتصنت فين غادين قلعاتها لانيڤ، ناري كتموت على هادشي ديال العراضات، بغات غاتيليفون تعيطليه ولا تشوف نمرتو، بقات كطل على رحمة كيفاش كتعاملها وايمان كضحك ليها : المسموووممة دابا كترعي ففمك وانا نهار قتليك الويز نينينين ماعنديش غابلاتي عليك بيا ولا بيك
تغداو لتحت كلسو شوية عاد ناضو جمعو حوايجهوم ومشاو طرقو الدار، هي جبداتها بنعسة مافاقت تالمغرب، كتسمع السقيل والسكات، حلات الباب كتشوف تاواحد ماكاين، قلبها بقا كيضرب تسنات يمكن يجي شي حد عندها يسول ويقوليها غاواش تمشي
علات فكتافها : يسولني غير شي حد واش نمشي بعدا اما انا ماغااادااش يالاه، ( طاحو دموعها ) مسمومين، شنو حيت انا زعما من التمسماني وانا ماشي بنتهم ماشي بنتهم .
طاحت حدا باب بيتها من برا وجمعات عندها رجليها فالضلام وبقات كتبكي طيحات راسها على ركابيها وخرجات شهيق من قلبها
فتح الباب ودخل كيسمع الصقيل جاي عيان، طالع مع الدروج تاكيسمع البكا ديالها، طلع بشوية شعل عليها ضو الكلوار تاطلعات عينيها حومر كتمـ ـوت بالبكا .
عقد حجبانو: شكاديري هنا ؟ علاش مامشيتيش ؟
ناضت واقفة: بعد مني نتا حكار وهوما حكارين كاملين مسمومين، مشاو كاملين وخلاوني سممحتو فيا ( شهقات ) داو مراتك اللولة وانا شنو انا !!
كتبكي وتمسح فدموعها خناينها نازلين: تانا مرتك كالس تقيس فيها البارح تانا قيسني بحالها، شنو انا ياك مزوج بيا ولا غير حيت هي زوينة وعندها عاد بنت زوينة، تانا غانجيب وليدات زوينين خاااايب حكاااار هننننننن ( ترخاو ليها يديها قلبها كيحرقها ) انا مقاطعاك
سكات كيتسمع غير تهرنين ديالها وكلامها كان كيتقطع بشهيق بدا كيقرب شوية شوية فشلاتو، كتموت بالبكا تقول قاتـ ـلها عصا تاوصل عليها وهي ترفع كتافها زعما مدابزاك ودورات وجها كتبكي وتعاود تمسح دموعها بالكمام، خشا يدو فجيب وجبد الميشوار ديالو
مسح ليها دموعها بقات فيه: الله الله اش هادشي
بدا يمسح ليها فنيفها: شوف الخناين، ( تبسم ) ياك بقيتي كتسناي راجلك مم !! واشمن مرا طلعاتليك السخانة ؟ (كيقيس فحناكها ) انا بعدا عارف مرأة وحدة لي عندي هي قرينة ابليس هاد الساعة !
طلعات راسها فيه كتهرنن وتحرك راسها بلا : لا هي عزيزة عندك هي كثر مني ( عينيها مغمضين بدموع وكتبكي ) ولاش يديوها وانا يخليوني انا علاش هي تنعس معاها وانا لا
طه : براكة من هاد البكا شوفي حالتك كيولات، ( كتهرنن وتشهق ) دابا هاد البكا على ليلى ولا على حيتاش مامشيتيش ولا على النعاس !؟
علات كتافها وغوتات كتبكي : شكوناهي شكوووون هيي ليلى وداااك البنت كتعيطلييك بابااا شكون هومر انا سمعتهاا حتااا ديرو كاملين عليها هادشي تبعد منااا، وعلاش ماعرفتهااش، مابغيتهاش تبقا معايا هنا انا لي جيت بوحدي هنااا
بجدية: هادشي ماشي شغلك، وماعندكش الحق تدخلي فيه، هوما كانو قبل منك، ماشي جيتي البارح اتولي دخلي فالخارج والداخل فدار حتارمي راسك
جمعات يديها عند عينيها وبقات كتبكي وتمسح : حكار نتا انا مقاطعاك صافي
كتشهق منيتها عقد حجبانو وجرها من كوعها هي كتزيد فتهرنين دخلها لطواليط وقف حدا لافابو شادها بيد وفتح الما كيعمر باليد الثانية وينفضها : براكة من هاد البهلان ديالك ( مسحليها وجها ولات حمرة وشفايفها كيرجفو ) سكتي، صافي براكة
حيدات من يدو راجعة اللور : صافي خليني وسير عند هاديك هي لي كدوي معاك زوين فصباح كتعيط ليك وكولشي انا مابغيتهاش ماعجباتنيش ماتبقاش معايا صافي خليني بوحدي ه..
قاطعها بجهد : دخلي سوق راسك ابنت التمسماني، واياااك واياااك
علا صبعو: عطيها التقااار، هادوك حياتي فيهوم كملات كاينين شي حوايج نتي ماعارفاهومش، بعدي منها، ماتبقايش تحطي راسك فشي حوايج ماشغلكش فيهوم حياتي بعيدة عليك
زيرات على القبضة ديديها ودورات عينيها لجهة دليمن كتعلي فكتافها
شاف فيها بعصبية: لبسي حوايجك نديك
رجفات مطلعة الشهقة دالبكية وهي ساكتة : ب بصح ؟
طه : مسحي وجهك وحالتك كنتسناك، وديري عقلك، نتي مزال ماكاتعرفينيش مزيان
مشا خرج تاسمعات زدحة دالباب
بقات كدور فعينيها ومرة مرة كطلع بحال شهقة لي كتجيك مور البكية : حمارة كلبة، منين هي مهمة لاش كيقوليا انا بوحدي مرتو، شكوناهي،
علات صباعها كتزير على زغبة وطيرها بتوتر: مايمكنش مستحيل انا نبقا هاكا، انا لي كنبغيك كثر منها انا، هي ( تجننات ) علاش هادشي علاااش،
مسحات دموعها كتعلي فكتافها: المهم دابا انمشي لانيف يالاه هاهو جا وغايديني حوفيهوم
عضات على شفايفها وبدات كضرب حنيكاتها بشوية تاتبسمات عاد خرجات كطير وشعرها طاير فالسما كدور كيالحمقة تنقز فرحانة ودور ودور، مشات فتحات الماريو جبدات واحد الكولون مزير ولبسات فوقو كسوة طويلة، ودارت زيف بحال تيربو، مبين شعرها القدام، وقفات حدا المرايا، كتبوس راسها : انا مرتو بوحدي بوحدي وعشقي ليا وحدييييييي تيرارارا
هزات دارت عكير فالغوز والكحل وهزات واحد الريسي شارياه من عام افلاطون عن مالين خمسة دراهم، كيلصق ليك شفرة مع ثانية، شافت راسها تزيزات لبسات كبوط منفوخ هي واللبس بيناتهوم غا الخير والاحسان زرقة فيه والموشكيل هي ديرا راسها تفهم فيه ..
هزات واحد الساكً كبير وبوط قصير عاد هبطات فدروج لقاتو مدخل لطوموبيل كيعاينها قلبها كيضرب والفرحة ماقاداهاش : انسافر انا وراجلي حبيبي ايديني لانيڤ شوفوني يا العدياااان تربح هي بيهوم المهم انا طه غايديني
مشات نيشان باش تركب طلع عينو فيها معلي عينو من لتحت للفوق، رجع راسو اللور وكيشوف فلوحة الفنية دالكاميرون
فتحات الباب ودخلات : هانا جيبيت
دار كيشوف فيها تقول مقدية من السوق كل بياسة من قنت
طه : ماشي كون درتي العبايا خير ليك ؟
دورات راسها: لا هاااكا جيت لووزاا
ديمارا طوموبيل: المرة جايا ديري الدرة ديالك مقادة
سميرة : علاه هاكا دايرا بحال دوك توركين لي كيبانو مع عثمان اوغلو
جنب راسو لعندها: نعاام ؟!
سميرة : عثمان اوغلو هاداك لي ف2M ماكاتفرجش ؟ زوين غاتحبو قاطعها فيهوم ناري عرفتي داير بحالك هوووو تاهو قاسح كخخ هههه ولكن نتا حسن منو حبيتك
طه عرفها السيد ڤيو قلع عيان وصايك بالمهل دخل لطريق الحسيمة، وهي سارطة كاسييطة ماسكتاتش تسناها تجبدليه الموضوع ديال ليلى ولكن والو السيدة فالعالم الموازي، ومزياًن نيت حيت من نوعو ماكيعجبوش لي يحكر ومنين غايشوف الوقت المناسب باش اقولو غايعاود
* الحسيمة - كيمادو
فالاوطيل فين دايرين ريزيرف فواحد الكافي لتحت، فشومبر كانت امال تقادات طالقة شعرها بوكلي والكسوة فالزرق منفوخة حد الفخاض كتحمق دارت الفرو فوق عنقها بالريش فالابيض، وسبادري فالابيض كات كيوت، ضربات ميكاب خطير خلات غيثة فالبيت عاد غاتلبس وهبطات لتحت السربايا كيقادو شيماء معاهوم والدنيا محركة تابداو كيوصلو المعروضين، صحابات امال ولي قراو مع رضا تاهو عندو قشلة دالبنات معرفة، ماعارضينش الناس الكبار الا العائلة رحمة شيماء وحليمة تاهي جارينها حيت حفيدها ..
دخلات امال كدوز عليهوم وهالي ترمي ليه بوسة فالهوا هالي تصور معاه محيحة تادارت اشارة لديدجي باش ابدا حيت كولشي بدا يوصل كيق تطلقات الموسيقى دارت كتشطح وتشير للبنات باش انوضو
دخل رضى فيديه نسرين وحليمة، شافتهوم شيماء وهي تنوض دير الصواب رحبات بيهوم، دار هو مشا لعند واحد من صحابو كيسلم بدات تعمر الدنيا والقهوة مقادة على حقها وطريقها الطارط تحطات فواحد الطابل كبيرة وعاد طابلة طويلة عامرة بالعواصر كيتهزو بالكيسان ولي خوا يعمر السرباي بلاصتو، غير الطموبيلات الواعرين كينزلو منهم العزارا وهالي جايب صاحبتو هالي جايب ختو الدعوة مخلطة، غير الملاعق، رضا وامال معارفين عليهوم غا هوما ولاد الاساتذة الجامعين والاطباء والبزنازة والقضاة دعوة مخلطة كلها بطوموبيلتو وضاربليك حطة غير لامارك، رجع طلع رضى لشومبر لي خدات مو داخل كيحيد فالتريكو عريان من الفوق غايلبس الشوميز تاكيسمع الدوش خدام جمع حجبانو ماعرفش شكون، بقا شاد تريكة فيدو وقرب بشوية مع غايدير وذنو مع تفتح الباب فتح عينو على جهدهوم شعرها كيقطرها ولحمها كيلمع حلات عينيها على جهدهوم عريان من الفوق والوشام ضارب سدرو بزربة شهقات مغوتة لربها لي خلقها كانت غاطيح ليها الفوطة كون ماشداتها بجهد
مافهم والو دار بزربة باش مايشوفهاش عريانة: اشششش كاادييرييي هناا ااششش
تلف حط تريكو وعاود هزو
غيثة : خرررررررججججج خرررررج منهناااا خرج
دفعاتو من ضهرو تاطاحت ليه الشوميز عندها وهي ترضخ الباب من اللور: اششش جاي دييير
رضى : كيفاااااش اششش كندير هادي شومبر دالواليدة
غيثة : هااادي شوومببر ديال امااااللل
رضى : وصااافي ماااشفت واااالو ماشفت وااالو
مور الباب كتسرط ريقها وقلبها كيطلع والو شادا الفوطة عند سدرها كتقطر : صااافي سيير سيير خسني نبدل حوايجي
تلف رجع دار كيشوف غاتريكو فيدو والشوميز بقات عندها، اول مرة يتلف بحالي عمرو شاف شي وحدة عريانة عاود دق عليها : ااري شوميز بقات عندك تماااا
خرجات عينيها كتقلب بزربة بيهوم تاشافتها طايحة عند رجليها عضات على شفايفها وهزاتها : دور عينيييك لهييييه
رضى : ( دق بجهد تاقفزها ) واااسربيينيييي
حلات الباب بشوية كطل بعينيها زورق تا تأكدات بلي ماكيشوفش، لقاتو داير لهيه ضهرو عريان ومفرومي مادليها يدو
رضى : طلقينيييي ولا ندوووور
مدات القاميجة : هااهييي
قلب بيدو تاشد على يديها فازكة وهي تقفز قلبها تخطف بزربة جبداتها لعندها تاطيحات الشوميز فالارض
رضى : ( شاف فالارض لقاها طيحاتها ) واا مديهااا مقااادااااا
سدات الباب بزربة وحطات عليه ضهرها : صااافي تادابا هزها وخررررج
غمض عينيه وحلهوم كيلبس شوميز بزربة جبد ريحتو رشها ركب ساعة خرا شاف عند الباب كطيح فبالو بداك المنضر كينفض بزربة عقلو : صافي هانا خااارج
مشا زدح الباب بجهد باش تأكد بلي خرج، وتاهي والو ماتهناش تاتشوف بنص عينيها، نيت شافت الشومبر خاوية، عاد فتحات الباب دايرا يديها على قلبها كيضرب بجهد
بدا كيوكض راسو فالاسانسور من المنضر لي شاف وكيقاد فساعة باش اشتت عقلو
وصل لتحت دنيا عمارت وشعلو ليهوم ضواو تامن رحمة وايمان وصلو ليلى كلسات معاهوم فالكنابي ولينا حداها متبتين وكالسين ميشوفو غي بعويناتهوم حدا رحمة ومرة مرة تسولهوم لابغاو شي حاجة باش مايحسوش براسهوم غراب قايمة بالواجب ..
وصلات ريتال داخلة محيحة لابسة الكلاس سروال فالابيض مع تريكو منفوخ بحال شوميز فالابيض تاهو وطالقة شعرها مع سباط حمر طالون وساك فالحمر، انس تاهو ضارب حطة سبور، طلاقاتهوم امال بالعناق وتقشاب، ريتال توجهات نيشان لعند رضى كان واقف مع صحابو شافها وهو يدور
تبسمات دايرا ميكاب خفيف جاها كيحمق فوجهها: أخي العزيز
رضى : الطبيبة ديالنا
مدات ليه ساشي صغير : لحقتي عليا واخا الشهورة جاين انولي نفوتك ههه
رضى : هانيا اختي الشارفة
ضحكات وهو يجبدها معنقها وباسها فشعرها طبطبات فضهرو مغمضة عينيها كتعزو
ريتال : فين طه ماجاش
رضى : ليه الله اختي هادا حالنا مع التايب
ريتال : اواه وابعدا يجي يبقا غابرا
رضى : انعاود نأكد عليه نديرو كافي نتي كلسي شوية فالناضور نطلع عندكم
ريتال : وانا غانشوف اخويا راك عارف انس والمدرسة وانا غاجايباه معايا نصيفطو فالكار هههه
رضى : ( علا حجبانو ) تصيفطيه غايوصل غاهو وكيلوطو داكشي لاخور يحيدوهليه فالطريق
ضحكات بشوية من طبعها كالم وكضحك بالعقل وتدوي بالعقل، واغلبية كتقشب غا مع رضا وطه هوما اكثر وحدين قراب ليها وتاهوما نفس الشي ريتال شي حاجة كتر من ختهوم ترباو بثلاثة وكبرو بثلاثة عارفين قوالب وحياة بعضياتهوم مزيان وكانو موالفين فايامات الصغر فالمناسبات يكلسو يقسرو مجموعين ويلعبو مجموعين، من كترت ما ريتال كانت قريبة لطه بقاو ديما كيقولو بلي غايزوجوهم مزال رضى صغير عليها كان معفي
مشات كلسات جنب عمتها رحمة عزيزة عندها وكاتبقا تعاود بحكم مكانتها عند باها، وعاد كتجيها تامرت خالها
تجمعو فكنابي واحد طويل كالسين ال ويرياغل كاملين شيماء كلسات حدا رحمة وهضرات فودنها : فين لخرا
رحمة : شكون؟
شيماء : ويلي على شكون عروسة ولدك الجديدة
رحمة : ( دارت ليها طن ) وييليي ويليي عليييك
شيماء : امالكي !
رحمة : نسييتها ( دارت عند ايمان قرصاتها ) فين سميرة ماشي قتليك فكريني نقولها ليها
ايمان : ( كانت ضاحكة مع ريتال تاهجراتها ) ناري اماما واش غاتجيبي داك الهبيلة لهنا منيتك تشوهنا
خرجات رحمة فيها عينيها
ريتال : شكون ؟
ايمان : مالكي اماما اويلي خويا شلا ماتزوج،
شافت فريتال: اختي هاديك خيتي لي وقع معاها البلان نهار جنازة جدي، وطلعات اختي هاربة من سبيطار الحماق ماخلات حيط ماقرطعاتو ماخلات ماعن ماهرساتهوم هادشي يالاه جديدة
ريتال : ( ضحكات ) ايولي واش بصح، واش داك بنت هادوك
رحمة : ايماااااان سكتيييي، ( استغفرت الله ) ابنتي البنت باقا صغيرة وهي هاكاك ماموالفاش مسكينة
ايمان : مي كون نلقا عكوزة بحالك فحياتي كون راني بيخير
رحمة : كنعامل بنات الناس مزيان باش ربي يديرليك تانتي الخير
شيماء : واحشومة ويلي خليتوها بوحدها فدار والخير موجود
ليلى غير ساكتة وكتسمع بوذنيها ومرة مرة ترد البال لينا لي تصاحبات مع امال ومع هي زوينة مدوراها كاع على صحاباتها
ريتال : ( بهدوء ) واش بقات بوحدها ! كون جبتوها بغيت نشوفها صراحة هه
ايمان نزلات الموناضا من فمها مصدومة شداتها السخفة نطقات بحروف مقطعة: بحا بحالا علمك الله، مي شديني غانسخف مرت ولدك جات الله يا ربي الله
كلهم طلعو عينيهوم فالباب حلو فمهم
قبل مادخل كانو يالاه وصلو بلاصة حدا كيمادو كيتسمع الصوت الموسيقى لبرا والسكات، شاف فيها : ديري عقلك لداخل نقشة نسمعها عليك ماغايعجبكش الحال
سميرة : نتا ماغاتجيش
طه : لا
سميرة : واخا صافي ماغاندير والو كون هااااني احبيبي
رمشات فيه
شاف فيها شحال تنهد وفتح السوكر من عندو : منين دخلي سيري نيشان عند الواليدة، نزلي
سميرة : واخا
تبسمات ليه وهبطات سدات الباب وشيرات ليه بباي كترمي ليه بوسة فالهوا
طه : لا حول ولا قوة الا بالله
بقا متبعها من اللور تادخلات وشعل كارو نزل زاج كيخرج الدخان بشوية تاحط عينيه على عصام هو وصلاح من بعيد كيدويو ساكتين، بقا كيشوف فعصام، خوه لي من لحمو و د ـمو ولكن الكلام بيناتهوم قليل تقول معرفة، هبط الكوسات اللور كيتـفراج، كيشوف هاداك لي معاه ديجا جايب خبارو وكولشي نقشة ماكادوزش عليه وكيعرف تاخوه معامن كيكون وكيفاش كيفكر مزيان، جبد تيليفون لقا باه مخلي ليه ميساج يجي عندهوم للقهوة هو والنهدي، ديمارا الطموبيل وزاد
عصام وصلاح بقاو جماعين شحال كيشوفو فالبحر قدامهوم : يالاه ندخلو اصاحبي
صلاح : صراحة باقي حشمان من اخر مرة الخاوا
عصام : ماحدك معايا ماتحشم من والو غازيد، رضى راه قلبو صافي الخاوا ديالي
مشاو داخلين لانيڤ وتاهصام حركو نيشان عند رضى لي غاطلع عينو فيه وهو يعقدهوم
عصام : ( تعانق معاه ) نهارك مبروك اولد عمي
رضى : الله ابارك فيك
شاف فصلاح كيتسنا زعما الجواب
عصام : مادير فبالك والو، ولاهيلا صلاح الله اعمرليها دار راه غير سوء تفاهم وقع
صلاح : كنعتاذرو منك اخويا
رضى : ( بجدية ) ماشي موشكيل منين جيتي الله اسامح خود راحتك
عصام : العز اعشيري
زادو هو وياه كلسو فواحد الكراسا وعيط عصام لسرباي ياخد مابغا
دخلات عليهوم للقاعة عينيها كيلمعو كتشوف هادشي لاول مرة الموسيقى مجهدة والشباب فقنت وناس لي بعقلهم فقنت خور كلها واخد راحتو، بغات تسطا داكشي لي كتشوف فالمسلسلات ديالها، تمشات قابضة فساك دورات عينيها كتقلب على رحمة كيف قاليها شافتهوم نيت حاطين عليها كاملين العين، تمشات لعندهوم فرحانة تاوقفات عليهوم
باقين مصدومين غارحمة لي حنحنات ودوات : اهلا ابنتي واش جابك طه ؟
حركات راسها باه : واخا نسيتوني جابني
طلقاتها فوجهوم نيشان رمشات رحمة بزربة حشمانة وهي تنوض شيماء سلمات عليها : مرحبا بيك احبيبة
سميرة : ( دايرة فيها متبتة ) شكرا اخالتي ربي يخليك
رحمة : اجي حدايا
جات مطلعة خنافرها وكلسات حداها البنات مصدومين منها
ايمان : سمحيلي غير نسولك واش ماشفتيش راسك فالمرايا كيجييتي ؟
سميرة : اه جيت زوينة مالكي حسدتيني !
ريتال باقا مصدومة كتستوعب وليلى تاهي، ايمان طلعات حجبانها بمعنى اش هاد الثقة فنفس
رحمة عيات تقرص: مرحبا ابنتي خودي راحتك شنو تشربي ؟
علات كتافها :لي كاين
ناضت رحمة بيديها غاتمشي تجيب ليها بقات غاهي مع البنات، تاجات وقفات عليهوم امال : ناري واش مابانتش ليكوم غيثة فين( شافت سميرة ) اوييلييي
طلقات امال ضحكة عالمية فوجهها خلات تا ايمان وليلى يضحكو
سرطات ريقها كتشوف فيهوم مدورة عينيها مبسمة بابتسامة كتبهات شوية، طلعات عينيها كتلقا بنادم من بعيد كيشوف فيها
ايمان : واخا تكوني جايا من الهنود الحومر اويلي هههههههه
امال : ناري سمحيلي ولكن راه ضحكت هههههههههههه
ريتال دارت كتشوف معوجة فمها بشوية بحالي ماعجبهاش الحال، طلعات عينيها فسميرة لي شافتهوم تزمتو ولمعو دايرا داك الابتسامة الباهتة حانكها بداو احمارو، ناضت واقفات وجات لعندها : اجي معايا
سميرة شافت فيها وهي تنوض مبتاسمة ليها تحركات بيها تادخلاتها لطواليط
ريتال : لاباس عليك بعدا ( مداتليها يديها ) انا ريتال، هه اكيد ماعرفتينيش اخر مرة ماجيتش معاهوم فالزواج انا بنت خالو ديال طه قولي ختو من صغري وانا معاه انا وياه تاقادا وحدة
سميرة عينيها لمعو: اااه مرحبا بيك اختي متشرفييين
عجباتها كيفاش لابسة كاتبان بحال دوك التركيات: غزالة عجبتيني
ريتال : ههه تانتي غزالة شوفي
حيدات ليها الجاكيت: غير حيدي هادا هاكا اتجي زوينة حسن وتاهادا
شيرات ليها للبوني
سميرة : ولكن راجلي مايبغيش
ريتال : ( جمعات حجبانها ) واش طه ؟ ( حركات ليها راسها ) لا ماشي موشكيل انا ندوي معاه
حيداتوليها وطلقات ليها الشعر جبدات من ساكها عكر غوز زوين دارتوليها ففمها وحناكها ولات فنيونة
سميرة : واش كيدار فالحناك ناري عجبني
ريتال : خوديه
سميرة : برووحي ؟؟ ناري عجبتيني نتي ضريفة
فرحانة ودارت كتشوف فراسها فالمرايا شعرها ضارب نصها تامن ريتال قالت تبارك الله
تحركو كيف خرجو غايطلاقاو مع غيثة نيشان شافتها سميرة بلا ماتحس نطقات : واو
غيثة : ريتال ؟!
ريتال : غييييييثة
قربو تسالمو شافت غيثة فسميرة وسلمات عليها وهي تنطق بلا ماتحس : ناري اختي نتي زوينة بزاف
حشماتها: تانتي غزالة شكرا
ريتال : هادي مرات ولد عمها دامال
غيثة : اه متشرفييين انا صاحبت امال
سميرة : شكون ؟
ريتال : هاديك لي كانت لابسة زرق
سميرة : ( علات كتافها ) لي بقات كتضحك عليا
ريتال : ماديريش فبالك احبيبة ولاهيلا راك غزالة، يالاه نمشيو
ريتال : اوك يالاه
تحركو بثلاثة ريتال لوسط وفجنبها ليمن غيثة وليسر سميرة لي ضربات بشعرها الطويل مرجعاه اللور
فصال دارو ميوزيك خفيفة داكشي دالكلاص، مشا رضى جر نيسرين نوضها واخا حشمانية وحدانية كالسة جنب جداتها حليمة، وجرها لوسط مزير على الخصر ديالها كيشطح معاها شحال من واحد ناض جار صاحبتو
خشا وجهو فعنقها مزير عليها حاس بيها باغا غير تخرج كيحاول ارخيها بين يدو
فدام الجو دخلو بثلاثة كولشي هز عينيه مع كيتصدمو جذبو كاع الانضار ليهوم، صلاح حط طاس دالقهوا وقلبو تخطف كيشوفها مور مدة دالوقت، سميرة شعرها طويل خلا البنات غايرين حيت بصح شعرها ضارب تحت من نصها وزعر من لتحت، ولكن اكثر وحدة جذباتهوم هي غيثة فورماتها قتـ ـالة العينين الزورق كيلعمو وسمورية فايحة
امال حلات فمها ماقاداها فرحة : سعداتي بصاحبتي
من فوسط عنقها مع طلع رموشو مع حس بقلبو تزدح، لدرجة رخاو يديه كيحققو مزيان فيه بلا مايحس دار كيشوف واش غابوحدو لي تمعاو ليه عينيه وشافها ولا كولشي كيشوف داكشي لي نيت شافوو
أمال تحركات بالحماس عند ديدجي وقلبات الميزيك كامل حركات ديدجي باش تخلط الدعوة وينوض كولشي يشطح
بلاما يحس رخا نهائيا من نسرين تاطلعات عينيها كيحسابها سالا شطيح نساحبات من يدو غادا لبلاصتها عمرات دنيا وكولشي تجمع دايرين دائرة كيشطحو، شتت النضر ديالو حيت عيق ماقدرش احيد عليها عينو
سميرة نشطات وعضات شفايفها من الموسيقى جراتها ريتال باش تفوج عليها وامال مشات نوضات ايمان وليلى تاهوما يشطحو واقفين حدا ريتال وسميرة لي قلبات فيهوم عينيها وفمها ..
ليلى كانت حشمانة، دارت كتشوف مصدومة فسميرة ماتوقعاتهاش اتكون بحال هاكا لدرجة سهات فيها بقات هي متعوج ودور وتشطح وترجع تعلي فشعرها كتبرد غدايدها، تاضارت مامرة ما جوج كتلقى ليلى غي مصدومة فيها، شوية دارت ليها نيشان
سميرة : مالكي نتي كتعوجي فعينيك ياك لاباس
ليلى : كيفاش واش حماقيتي الله استر
سميرة : الله استر مالكي شايفة جن
ليلى : اويلي واش باغا دابزي معايا صحة معذرت ايمان قالت عليك مجنونة
سميرة : كيفاااش مجنوووونة ( قربات ليها مغددة ) واش عندك باالك عندك بنت صافي راااه غاتاخدي طه ولاااا
ليلى : لا نتي حمقة
جنناتها داك حمقة: انا نوريك حمقااا
قربات ليها معصبة جنناتها واصلا كانت محروقة فلداخل ماجات ليلى ترجع اللور تادفعاتها بجهد على طبلة دالطارطا جات طايحا عليها تسمعات فالقاعة كاملة.
كولشي وقف داير يشوف مصدوم ناضت رحمة بزربة تعتق ليلى بقات كتبكي طايحة فالارض يالاه غتنطق تفاصل بيناتهم معرفوه منين خرج جاهل فاقد الشعور تشوفيه متعرفيهش و عينيه كون كانو قرطاس كون خرجهم في سميرة و فضا معاها في بلاصتها
بصوت عالي و كلشي كيسمع: أش هاد الزعامة مبقيتي تشوفي حد قدامك ولا كيفاش
لي كملات تخلي نجمة وتعليق 😍