بـقا كيـشوف فيها، عرفها كتقصد المشية ديال الشوافة، هي ماكاتشوفش فيه غير حانية عويناتها كيدمعو، تنهد ورجع كيكمل يدو كيدورها بشوية كيمسد ليها كريشتها باش افوتها الحريق تطلقات بين يدو كيف العجينة وتسرحات مستحلية للمساتو الرجولية وقلبها كيضرب شاف فيها كيدوي مهدن صوتو رجولي وغير بشوية كيدخليك مع الصميم : حنا كاملين عباد عند الله، سبحانه بعضمته كيسمح والعبد مايسمحش ؟ سماحة من عندي تجيك ولكن المغفرة والتوبة طلبيها من لي خلقك، لي درتيه ماخاسش يدار، بغيتك تبقاي تفكري المرة جايا وتشوفي فين كتحطي رجليك، ربك خلقك وميزك بالعقل باش تعرفي بيه المزيان والخايب، الحرام والحلال، لو كان بنو ادم يمشي بلا تفكير كون الحيوان سيدو، ولكن لا تزادينا بعقلنا الحمد لله، فهمتي ؟
حركات ليه راسها بشوية وعاود مشا لجنابها كدوز يدو بشوية عليهوم : كتحسي براسك شوية دابا ؟ نوضي بدلي حوايج واجي شربي الدوا
سرطات ريقها نايضة وحشـمانة بزاف حناكها حمرين، وقفات مقوسة ضهرها تاناض نعاها شدها من كوعها : نمشي معاك ؟
كتبعد يديها بشوية بحالي عايفة من راسها: لا نمشي بوحدي
تحركات بشوية حاطا يديها من اللور بلاصت الـد ـم لي باين من سروالها وهو دار مايشوفش فيها ويزيد احرجها عرفها ماحاملاش راسها فهاد الساعة، هزات الويز فيديها وسروال جديد عاد دخلات لحمام كيف سدات الباب تحرك بشوية جبد غطا جديد وحيد هاداك لي كان عامر بالحيض، لاحو وفرش واحد نقي هاد رد الكواش، كب كاس دالما وجبد الدوا كيقرا فيه تاخرجات جايا بشوية وكتشوف فيه غير بنص عين هو لي مكونسونطري فدوا كيقراه، كلسات فناموسية كتلوي فصباعها حرك عينو عليها لقاها مهبطة راسها والشعر هابط على وجهها كتحرك رجليها بجهد مترعدة
فتح كينة مدهاليها مع كاس دالما وكلس حداها شداتها من عندو شرباتها مخلية الكاس بين يديها
طه : بشيفة انشاء الله
سميرة : شكرا
سرطات ريقها: صافي غير سير انا نعس نولي مزيان
طه : شوفي فيا
ماقدراتش تهز راسها حط يدو عند فكها وهزليها وجها تاتقابلات معاه بعينيها ورجعات هبطاتهوم بزربة الدمعة واقفا ليها: مالكي ؟
سميرة : عافاك غي بعد منقدرش
طه : هزي راسك منين نكون باغي ندوي معاك
هزات راسها كتفتف بحالا دايرة جريمة و حشماانة من جنابها دوا بجدية: علاش حشمانة ؟ مم .. تحشمي من حاجة خلقها ربي فيك و شرفك بيها و ميزك كإمرأة ؟!
بقات كترمش بزربة وكتزير على الكاس بيديها نزل يدو بكل اريحيحة تكلم: في حديث للرسول عليه الصلاة و السلام :
"إن هذا أمر كتبه الله على بنات آدم "
مكتوب الله عليك ماكاين لاش تحشمي مني عليه، أنا عارف شنو كدوزي في هاد فترة
جرليها يديها باش تشوف فيه ورفع يدو ثانية دار بيها جوج: الله سقط عليك جوج من اهم اركان الاسلام
حسب بصباعو: الصلاة، والصيام .. هو أعلم بالحالة لي كتكوني فيها، مخاصكش ديري مجهود
حرك ليها راسو: تعطي لراسك الراحة حتى تفوت مدة ديالها و هادشي من الخير عليك، ( شرحليها بيدو ) داك الدم كيكون عامر بسموم كيخرجهوم الجسد ديالك فكل شهر
كيهضر ومرة مرة كيحرك يدو باريحية و كيشوف فيها كتزيد تحمار وتسرط فريقها مرة تعلي عينيها مرة تهبطهوم: نورمال خاصك تكوني واعية بهاد الامور، غيجي وقت تكوني أم ! توعي بنتك على هادشي، توعي ولدك كيفاش يتعامل مع المرأة لي تكون في حياتو هادشي جاري بيه العمل وطبيعة من أمنا حواء
غير سمعات آخر كلام قال خرجات عينيها مطرطقاهم حناكها طبزو بالحمورية وترسمات ضحكية خفيفة بين شفايفها عضات عليهوم :احم دابا كتشوف
علات عينيها ورجعات هبطاتهوم وكتطقطق على الكاس: وليداتك معايا (بعينين لامعين) هانتا قلتيها
عضات على شفايفها بحشمة
علا حجبانو فيها مشبك يدو وكيحاول استوعب !؟
استغفر مولاه بجدية: لا حول ولا قوة إلا بالله، عقلك موالف اشد غاالتيار العوج اقرينة ابليس ؟
باقا حشمانة: كيفاش ؟
ناض من حداها مشا كيمسح على اللحية ديالو جر الجاكيت خرج وسد الباب مخليها تفصل و تخيط كيفاش وعلاش ولكن بصح كيفاش غيجيبو الولاد
خرجاااات عينيها سادا على فمها شاهقة بشوية: اوييييلي الباسل دابا غيكون فكر تا في داكشي لي كيديرو باش كيجيبو الولاد
كترمش في عينيها: هانتي اسميرة صدق راجلك عينو في داكشي غير مزال مزعمش
نغزاتها كرشها من لتحت وهي تكمش عويناتها شادا على كرشها: وعلاش غي حنا البنات علاش
طاحت فبالها كيفاش كان حاط يدو الرجولية على كرشها وكيدورها منهنا ولهيه عضات فلسانها: علاش هو زوين هاكا علاش انا كنبغيه
فبلاصة خرا بقات متكية فبيتها، ولينا متكية فوق سدرها كتشوف فتصاور عيد ميلادها كيف جاو، بكسوة حمرة عريانة من الكتاف والفخاض وشعر مطلوق باش مصورة شادا فيه وهو هاز لينا من جنب الثاني، جاتهوم تصويرة فنة
بصوت هادئ كدوز يديها على شعرها الصغنونة ديالها: شفتي شحال جا بابا زوين
لينا : اه بزاف
ناضت كلسات كتشوف فيها وعينيها مدمعين: علاش بابا ماكيبقاش معانا انا كنتوحو بزاف علاش
تنهدات كدوز يديها على حناكها: خدام دابا مايمكنش ايجي عندنا كل مرة واخا نتوحشوه ونبغيوه ديما يبقا معانا
لينا : ماما عافاك قوليه يبقا يكلس معانا بزاف مابغيتوش يمشي
تنهدات كتشوف فيها شحال تاغرغرو عينيها منين كتفكر بلي تزوج واخا عارفة بلي تزوج غير باش اعتقها هضر معاها وشرحليها كولشي ولكن قلبها كيضرها والغيرة كلاتها عضات شفايفها كطبطب على يديها : هو غايبقا ديما ديالنا ماتخافيش الصغيورة ديالي
عاودات تكاتها تنعس مع ناضت شداتها دوخة تمشات لطواليط كترد تاسخفات وغسلات وجهها عاد توجهات للكوزينة تشرب كتحس براسها عيانة بزاف ومرخية، سمعات تيليفونها كيصوني هزاتو جاوبات تم نيت منين شافت سميتو
طه : كيبقيتي ؟
ليلى : شوية دابا
بصوت حنين: ماغاتجيش ؟
طه : خدام شوية لينا نعسات
ليلى : اه خليناها كتنعس، توحشاتك
طه : ونتي ؟
تبسمات مرخية: تانا
تبسم مهدن: دابا نجي احبيبتي، ردي البال لراسك مزيان
جاوباتو وطفات تيليفون مشات لبيتها تما منعسة معاها لينا، تكات جراتها عندها وبقات ساهية وكتفكر، هو غايبقا ديالنا بوحدنا
صبح الصباح على دار الورياغلي، مافاقت تالشي العشرة، دوا قضا فيها الغرض ومعسات مرتاحة مور ماكلات داك السقاطة لي شارليها، ولكن فيها جوع ومعداتها كتغوت
توضات وغسلات حالتها عاد لبسات بيجامة مقادة كتشوف البيت مرونة وحوايجها موسخين خاسها ولابد تصبن هاد الكارثة وعاد زيدها الغطا، نفخات قادات شعرها بزيف حياتي وتمات هابطة نيشان لكوزينة عرفات كولشي ايكون فطر وسالا، نيت لقات رحمة وميمونة كيجمعو الدنيا
تبسمات فرحات كي شافتها: صباح الخير
ناشطة كتزرب فهضرتها: صباح النور خالتي توحشتك
ضحكاتها: تانا اعروستي الغزالة اجي فطري كيبقيتي شوية قاليا طه عيانة ؟
تفكرات البارح شوهتها حمارت: اه شوية وليت مزيان دابا
رحمة : الحمد لله
سميرة : فين طه ؟
رحمة : مشا للحسيمة عندو شغل تما ماقاليكش
علات كتافها: ماكيقوليا والو
حطات يديها على كتافها: شوية بشوية هو هاكا داير، ميف اولفك ودخليليه لخاطرو غايجي يقوليك بلا ماتسوليه، جيه بالكانة والخاطر وبينليه مرتو شاطرة وغاتشوفي
قلبها رفرف تحمسات: ولا عليك اخالتي ماتخافيش داكشي لي غايكون
خلاتها رحمة كتفطر ومشات، هي ضغمة ففمها وفكرة فعقلها تخطط وتلصق جن جنونها تولي مرتو نيت كتحلم بيها بليل ونهار، غاهو هاد المرة قاليها بالعقل خاس تفكر بالعقل مافيها لي تاكل خل وذنيها ثاني، سالات الفطور وجمعات الوقفة طلعات هزات كاع الحوايج لي خاس يتصبنو باش تطلع تفركهم من داك الحالة، دايزة من حدا بيتو وهي ديرليها طن
حطات الشبكة ودخلات للبيت لقاتها مجموعة الفراش نقي ومقاد غير البيسي لي كيخدم بيه وشي وراق على الكنابي، بقات دور تشوف مشات عند المرايا هزات ريحتو كتشم فيها كتحمقها تابقات ترش فيها مع دورات عينيها كيبانليها حوايجو كاين لي محطوط فشبكة كاين لي حاطو غير فكرسي، مشات ليهوم مخلية القرعة فيديها هزات الحوايج كاملين فرحانة
سميرة : ماتخافش احبي انا نصبنهم ليك
حطات ريحة غير فالقنت وطلعات للسطح خشات كولشي فالماكينة من غير حوايج د ـم فالبانيو بوحدهوم، دارت التيد اريال، وخدماتها كلسات تفرك فداك الحوايج تاعرقات عاد ناضت نشراتهوم وبقات دور فسطح عجبها واسع والشميسة خارجة، تاسمعات الماكينة سالات مشات ليها خرج الحوايج كاملين تنشرهوم مع هزات سروالو دجين كتشوف كمشة فجيب، جات تجبد كتلقا زرقالافات ساردين كيقطرو واللولة لي جراتها قطعاتها، جوج دالمليون صبناتها كمشة فالماكينة .
سرطات ريقها كترعد : سيري بيعي كلوتك اسميرة هي لي تكسابي
جبداتهوم كاملين كتفرق فيهوم وحدة وحدة وبدات تنشر فيهوم كاع المقابط سالاو والفلوس مابغاو اساليو، رجعات كتزيد على كل وحدة، تاسالاتهوم، بنادم اطل من السطح اطير ليه الفرخ، الزرقاويات منشورين كيطير بيهوم الريح وهي دور دور وتقلب فيهوم تقول كتولد، ماحسات تاخلطات عليها رحمة بجلطة فتحات فمها
دارت ضحكة صفرة: هه خالتي جيتي
رحمة : اش هادشي
سرطات ريقها كتغبن: والله مابلعانيش خالتي عتقيني هاد المرة يقتلني طه والله يـقتـلني راه غابغيت نصبنليه حوايجو
رحمة : ولكن علاش الحوايج كتصبنهوم ميمونة اويلي
سميرة : هنن وخالتي عافاك مابلعانيش عتقيني عافاك ماتقوليها لحد
رحمة زيرات على شفايفها غامصدومة كتحلم، وطريقة باش مانشورين كيقتلو بالضحك ولكن جابتليها الصدمة، كتشوفها كتغبن تنهدات وسيفطاتها تهبط لبيتها باش بلا ماتزيد تكمل على الباهية وعيطات لميمونة تطلع فيديها السيشوار انشفوهوم
دخلات لشومبر بقات غادا جايا حامية فيها البولة، بقات تنفخ دخلات بدلات حالتها وخرجات جبدات صبايغها فرشاتهوم باش تصبغ دفيراتها توحشاتهوم مصبغين دارتهوم فالزرق والوسطاني فالغوز، جرات الكرسي عند البالكون باش تكلس انشفو
جيهت الموبل مع العشية جايبة لينا من المدرسة عيانة وراسها دايخ عليها، بزز باش خرجات من الفراش، مانتابهاتش لهاداك لي تابعهوم من اللور، دخلات للعمارة بابها كيبقا مفتوح طالعة تسناها تافاتت وطلع تابعها بشوية، كيف وصلات للاباغطومون تاكيضرب عليها الباب، غوتو بجوج فالسما وهو باغي يشدها قلبها غايطيح، لينا بدات كتبكي وتغوت، جا بغا يشدها خوات ليه حتا طاح على طابل ديال زاج ديكوراتها تهرسو بقات تغوت بالعاداو، عاودات جرات لينا ومشات كتجري هابطة وكتغوت باش كاع لي فالعمارة يخرجو، وصلات لتحت كترعد والدموع كيطيحو من عينيها، لينا حالتها بالبكا طلاقاهوم واحد الراجل فزنقة كيسول فيهوم وهوما كيغوتو ويبكيو، تاتجمعو عليهوم ناس
تخشات لينا فليلى كتبكي، كلسات هي سخفانة فالارض وكتجبد تيليفونها كترعد نيشان كتعيط على طه شفايفها كيرجفو
تالهضرة ماقدرات تدوي مقادة كيسمع غير ش شفارة بغا يـقـتللنا، وصوتها كيتقطع
قلبو تهز تنفض من بلاصتو كان فالقهوة مع واحد الراجل، سمح فيه ومشا كيزرب فخطاويه مخلي تيليفون معاها مابغاش اقطع وكيحاول اسكت فيها ويرييحها، ركب فطموبيلتو كعط روايض تاتحكو بالارض، مشا بسرعة جنونية، دخل نيشان فطريق للناضور
جابوليهوم الناس الما ورجع كولشي كيقلب على داك الشفار وكيعطيو البوليس، طه بيدو حرك كولشي باش اوصلو ليهوم بعدا غا بيدما لحق هو، قلبها بغا يطرطق خسها غير اوصل عليها كترجف يديها كرمو ماكتيقاش كون وقعات لينا شي حاجة ولا ليها حسات بالخوف مزيرة عليها وكل خطرة تبوسها كل خطرة تابدات تشوف غالضباب قدام عينيها ماحسات براسها تاغيبات
شافتها رخات عليها ورجعات اللور سادا عينيها: ماااماااا
بدات كتبكي وتشهق: ماما لا عافاك ماتخلينييش
قربو الناس كيضربو فيها ويرشو عليها الما فمها رجع بيض لينا دموعها وصلو لعندها وخناينها خارجين غاتمــوت : ماماااا عافاك فيقي فيييقيي
فرحانة علييهوم فران سيك ونزل بزربة حيدهوم جبدها منهوم هزها لصقات عليه لينا كتبكي وتشهق فتحوليه الباب اللوراني ديال طموبيلتو كيضرب ليها فحناكها : ليلى حبيبتي فيقي ليلى
كيضرب ليها على حناكها جبد القرعة بزربة رش عليها تافاقت مخلوعة
مع شافتو تلاحت معنقاه كتشهق مزيرة عليه بيديها : ماتخلينااااش ماتخليناش عافاك انـموت ماتخلينيش
طه : شش انا معاك ماتخافيش، انا معاك احبيبتي
ضار عند لينا تاهي هزها كيمسح ليها على وجها ويرجع ليها شعرها اللور : هانا ابابا معاكم صافي احبيبة هانا معاكم
ركبهم وخرج كمل الاجرائات مع البوليس شدوه هارب فنص درب مطوقين الدار حيت كان عندو سلاح ابيض، تاكمل ورجع عندهم لقا ليلى سخفانة عاود باسها وكيقلب فيها اما لينا مابغاتش تفرق عليه غي هازها، طلع صايك بيهوم تاوصلو عند حانوت شرا الما ووخدا لينا شي حاجة، سكت طوموبيل مخليهوم ارتاحو بقا كيمسح على اللحية ديالهوم وكل دقيقة يتأكد بلي ماواقع ليهوم والو، كيفكر لو تقاست منهم شعرة شكان ممكن يدير
عرف بلي خطر عليهوم يبقاو بوحدهوم على الاقل يبدما وجد الوراق حيت بدا كيقادهوم ليهوم باش اطلعو معاه لاسبانيا، عاود ديمارا غادي نيشان لدارهوم وصل مع اذان العشا
شافت فدار: طه ول..
دارليها بيدو ماشي دابا نزل وهبطهوم هاز لينا فيدو فتح طالع نيشان للفوق، دخل عليهوم فالصالون نونو ومراد ورحمة وايمان فالكوزينة سمعاتو خرجات
رحمة مع شافتهوم تهز قلبها ووقفات مصدومة، ليلى تخبات مور ضهرو باقا كتبكي زير على يديها
مراد وقف كيشوف مصدوم : اش هادشي ؟
كانت فبيتو هازا ريحتو عاضا شفايفها بفرحة سمعات الهضرة بجهد مشات دغيا وهي باقا فيديها تشوف شكاين هبطات فدروج، كيف حطات رجليها اللخرة تقابلات معاه كيمسح دمعة ليلى
لينا : بابا شكون هادو ؟
وقفات .... زمن وقف ... ميلات راسها .. كتشوف بلا ماترمش ..
طه : اول حاجة لي غايبغيني غايبغي حتا لي مني وفيا
طاحت القرعة من يديها تاوصلات مفرشخة فالارض دار كولشي شافها بحال شي شبح واقف، طلع عينيه تلاقات بعينيها قلبها اول مرة كيضرب بجهد .
* طنجة
خرج من الكلينيك فالعشية كيدور فيدو جيهت الكوع، حيد من تما الفاصما، على بلاصة منين كيخرجو الـد ـم، حجبانو معقودين صوناليه تيليفون عرفها غاتكون مو جاوبها .
رضى : وي الواليدة
شيماء : امضرا شقاليك الطبيب ؟
رضى : نفس الهضرة ديال كل مرة درت شي تحاليل
قلبها ضارها: حاول على راسك
رضى : صافي الواليدة ماكاين والو، تانجي
قطع ومشا لطوموبيلتو مع ركب لاح الوراق فالكوسان حداه، ماحاملش هادشي وكيمرضو بزاف، فبعض المرات كيجينا صعيب نتقبلو شي حاجة فينا واخا ماشي حنا سبابها ربي خلقها فينا، ولكن شي حاجة فوسطك ماكاتقبلش داك المكتوب، غمض عينيه كيرتاح من تحاليل لي دوز، جبد كارو شعلو ودارو عند فمو، بقا شحال كيخرج دخان شادو بين صباعو وتفكير يديه وتفكير يجيبو، هز تيليفونو دخل سيفط ميساج فواحد الكروب جامع فيه كليكتو كاملة، دار معاهوم الليلة وتحرك نيشان للدار دخل طلق دوش الما نازل عليه مهبط ليه الشعر على جبهتو والقطاري كيدوزو بين عضالتو السداسية لي فكرشو خادم لحمو مزيان، غي كيزير على يدو العروق كيبانو، نسر كبير موشوم فسدرو كيعبر على اصلو وهو ولد من، باين فيه ماشي على كانتو عينيه قاصحين وشوفتو غامضة ماتعرفو فين كيفكر، هادي حالتو مور كل حصة فالكلينيك، كيشوف راسو عندو كولشي ماناقص والو، ولكن عيبو واحد ..
عيبو .. واحد
خرج لبس عليه نيشان شعرو باقي فازك تريكو بالكول فالبيض وسروال توب فالابيض سبور، دار جاكيت دان فالبوردو الساعة فاليد سبادري نايك فالابيض، هز تيليفونو ولي كارت ديالو عاد هبط نيشان للكاراج هز BMw سبور حانية، وتحرك منير تالحق لواحد الساحة خاوية جامعة غالملعقين ديال طنجة كل طموبيل تنسيك فوحدة خرا بنات ودراري اغلبية شباب هالي طالق الراب هالي طالق جاز كلها وهمو ريحة الكارو والشراب مطعطعة، البنات مقزبات وكلها تفوح على لخرا بلي عندها لاعبين بطايتهوم مزيان، العزارا مزيزين وكلها شمن طموبيل مسطاسيوني بيه، وقف نيشان حدا الكليكو ديالو تراشق معاهوم شعل كارو وهو يمدليه واحد صاحبو قرع دشراب
صاحبو : على شحال من دورة هاد المرة
رضى : عشرة سير عالله
مشا صاحبو علم لي مزعم الحلقة، سالا رضى القرعة لاح الكارو عفط عليه وتحرك لطوموبيلتو جابها كولشي كيصفر ويصفق وقفو الوسط مقابل مع طموبيل ثانية غمزو من المراية، تاصفر ليهوم واحد هبط الفران وطلق الكسيراتور مدور الكيدون بيد وحدة بنفس التوقيت مع لي قبالتو، بداو كيدورو بطموبيلات والدخاخن كيطلعو، كولشي كيغوت وهالي ميصور بسطوريات والبنات تصافو كيحماقو عليه كولشي كيتفرج، دورة اللولة الثانية الثالثة، بقا كيدور بطموبيل هو ولي قبالتو تاكملو عشرة دورات الدخاخن طالعين فسما وصوت الماطر مجهد ديال طموبيلات، فرانة سيك، ونزل مع هاداك كيضحكو تراشقو، عاد بعد طموبيلتو هبط دمو سخون داز على واحد خيتي غمزاتليه منين كان فطموبيل، نيشان باسها من الفم، تشلقيمة وحدة طيرليها دم من فمها، بعد وهي تعض شفايفها ضاحكة : من شحال وانا طالبة عليك
رضى : جاتك
غمزها جارها فتح الباب دطموبيل ورماها بدات كتحيد حوايجها نيشان نزلات البودي تاهبط سدرها دخل ركب خشاها بين رجليه وسد موراه الباب ضرب الكوسان تاهبط وبدات تفتحليه سمطة ديال السروال وهو نازل كيعض فعنقها كتأره بين يديه، طلعليها الكسوة من لتحت ماعندوش ليها الوقت السترينغ عندها مزير عصبو فتحياد
رضى : هبطي عليا هاد الـ*لاوي
بدات دغيا كتفتف تحيدو قبل مايدير بناقص
فجيهت الكاريان، كانت كالسة وكتقرا فالوراق لي حداها واخا ماقاداش تركز والصداع، هبطات تشرب الما لقات خالتها مجمعة مع واحد السيدة باينة كبيرة وتجيب فالخبارات داكشي لي حاضين تما، غير قصص عباد الله وجبدني نجبدك لا شغل لا مشغلة تا هدف فالحياة من غير شنو يطيبو فالصباح وشنو يطيبو فالليل، هادي شنو دارت وهادي شنو فعلات، هادي مزوجة هادي مطلقة، بقات واقفة فالكوزينة ساهية وهي كتسمع فخالتها كتعاود عليها بلي دايرا فيها الخير وبنت بنتها وختها لي مـاتت وخلاتها، قلبها تقبض، وعينيها تجمعو فيهوم الدموع، تسلتات بشوية طالعة تاوصلات للبيت الفوق الخنقة شاداها، فينما يتذكر حس مها القلب يفيض
***
ففراش المــوت حاطينها فبونجة على الارض مقبلينها بلاصت القبلة قابضة فيديها ضعيفة ومعضمة، الشعر طاحليها تافلوس السبيطارات والو يأسو وحطوها غير فالبيت بحالي كاتسنا مـ ـوتها، طلعات عينيها الزورق كتشوف فبنتها وحيدتها بنتها الغزالة لي مابحالها جوج، ماقاداش تهضر غير من عينيها حاسا بيها شغاتقول، كيف العادة كطلب السماحة بلي ولداتها فالحرام، باها من جيهة الثانية كيقرا القرآن ساعتها قربات الدار عامرة وكولشي كيتسنا فاي لحضة تودع الكونسير تمكن مها وكلاها، كونسير دم سفها وقضا عليها
شوية شافت للفوق هازا صبعها كترعد
غيثة قلبها وقف كتشوف فداك المنضر وباها قرب كيقطر بالقطن الما ففمها وكيشهد ليها وكيعاود، سرطات ريقها بشوية بياضت كتسمعهوم كيقولو الروح وصلات لسدرها، شوية يديها ورجليها يبسو بعد ماكانت ميلاها شوية ترخات، كتسمع
" ملائكتها كيشوفوها وسعو عليها خليوها ترتاح خليوها"
تاطلقات خالتها غوتة وبناتها دخلو ودنيا تكجكجات
" صفية مـ ـاتت الله ارحمها "
رجعات اللور كترعد بشوية تاطاحت على الناموسية دمعة نزلات كتسابق مع ختها، كتشوفهوم كيديرو الغطا على وجهها شفايفها بياضو كتعض عليهوم شعرها كعكعة مهملة ومشنتف بيجامة ددال دار حالتها وتحت عينيها كحل، كتخرج نفس بجهد تاناضت كتحبو وطلقاتها بغوتة وحدا : ميييييييييييييييييي
كولشي جاي كيعنقها وينوضها
" الله ارحمك فمميمتك "
" الله اصبرك "
بدات كضرب على قلبها وتغوت غاتحماق : ميمتيييي مشاااااااااات حنيييينتيييي مشااااااات الللله ياا ربييي يصبرنييييييي يااا ربيييي
طاحت ليهوم من يديهوم للارض كيجريو هالي كيمد زهر هالي ريحة كيضربو على حنكها وهي حالا عينيها ومغيبة، كتعاود كلمة وحدة
" لمن خليتيني اميمتي لمن خليتيني الحنانة لمن "
لمن خليتيها الحنانة لمن ؟ لاب مافقلبو رحمة، لذياب عينيهوم انهشو فلحمها، خليتها لعائلة الزواق اطيرو ويفروحو بيها يمنو بالخير عليها، فالعتابي دالبيبان تطلب لقمة، لمن خليتيها الحنانة
دير الخير فميمتك، قبل ماتبقا الرحمة غير فربك
***
*الناظور
ضربة الريحة مع الارض فيقها من صدمتها، رمشات كتسرط عينيها، كولشي دار شاف فيها وهي دير ابتسامة لطه، تاحد مافهم شي حاجة ورجعات حنات بزربة لعند ريحة كتجنع زاجها تقصمات، يديها كيترعدو، مزادتش دارت موراها مشات نيشان طالعة مع دروج كترعد
رحمة شداتها الخنقة من المنضر وهي متشوف فمراد مصدوم فيه، نونو كدوي من اللور دخل وتخرج : اش هادشي اوا واش ولاو عندك الولاد اش هادشي امراد افين تربيتك، هادا ماخرجو عليه ولادك اديرو الولاد فالتخبية
قرب مراد كيشوف فعينيه نيشان : مرة وحدة، مرة وحدة اولدي، شوف فيا وفكرني فراسي مع بلحاج
رحمة مشات كتجري للكوزينة مخنوقة شادا على قلبها وكتبكي : يا ربي، يا ربي نتا عالم بحالنا
كيترعدو يديها قلبها ضعاف وعيشتها مرارت بين ولدها وراجلها، اليوم ثاني كيرجع قلبها ينبض كيعاود قلبها يتفكر، الثقبة الكحلة لي دازت من عشها، عمرها تنسا
شاف فعينيه: جبتهوم يكونو معايا هنا، بالشرع والقانون داخلين لدارك
بقا مراد كيشوف فيه على هاد " الجـملة " ومعاها دار تبسيمة وضرب على كتفو وهو يزيد
تحرك عاطيه بالضهر وبقا طه متبعة بالعين ولينا مخشية فعنقو، ليلى كتبكي مور ضهرو
العين عليه وهو غادي .. الكتاف طايحين .. القلب مقبوض ..
" لي ولد ماماتش "
هو النسر ولد الرايس، حلم راسو من نهار وعا، ولد من د ـمو وصلبو، هاكا من جيل للثاني، منين جاي أصل آل ورياغل، الاول رزين وقلبو حنين، ولكن الثاني بقوتو وصلابتو ونصرو للحق، داز فالحبيب والبعيد
وصل لبيتو دخل، تمنا نهار يكون اللول، فالكتف المايل، والوذن السامعة، ولكن باه سرق منو هادشي
***
فالبار كالسين فواحد الكنابي مقنتين الضلام غير ضواو كانت شيشة حداه كيخرج الدخان داير وعينيه معسلين بالشراب كيضرب ويقيس شرابو خاتر وبالمهل يتنغم عليه ومايديهش على صوابو، وهي الكاس لي يتحط حداها تنزل عليه حتا صافي داخت، دموع فعينيها، دارت شافت فيه ودمعة نازلة من عينيها، دار تاهو حط عليها العين وهي تبسم ودموع دازينها : عارفاك ماغاديش تخليني، عارفاك ( كتشهق ) عارفاك نتا لي بقيتي عندي وماغاديش تخلا عليا،
شدات ليه يديه حاطاها عند حنكها ميلاها عويناتها حومر ودايخة: طه، طه لي دمعة المرا ماتطيحش قدامو
طه : ششش ..
حيد يدو مدوز صبعو محيد ليها الشعر على عينيها كيلعب بزغبة بين صباعو منغم عليها وهي ضحك مبسمة : علاش نتا هاكا مم، علاش غاتعاوني ودير معايا هاكا
نزل شيشة بشوية: بلاصتك عندي غيـــــر
قربات ليه عينيها دامعين نزلات شفايفها : واخا ضلماتني الدنيا؟ واخا مابقالي حد فيها
رجع ليها شعرها ورا وذنيها: قتليك غانكون معاك، وعنيت هضرتي
كتشوف ففمو كيفاش كيتحرك ماحسات غير حاطا شفايفها بجهد على ديالو سادا عينيها، بقات كتمص من شفايفو ومداق الشيشة باقا ريحتها زويـنة، فتحليها فمو بشوية وهو كينزل يدو من شعرها لعنقها بشوية تاوصل لخصرها وبقا مزير بشوية، بلسانو كيمصليها شفايفها غير بالمهل تنغم عليها والنشوة مالت مع السكرة، شفايفها روطب لي فيهوم مداق الشراب الحلو، خلاوه اتنشوا ويبدا يعض فيهوم تاطلقات " احح " بين فمو، يديه بين خصرها كيلعبو، كيعضها ويجر تاكيبقا شوية من فايفها بين سنانو، وعاودليها مصة اخيرة جمعليها فيها فمها كامل، بعد لقا دموعها وصلو لعنقها عنقاتو مدور عليها يديه ميلة على كتافو تاناض بيها هاكاك جارها وشكون ليها من غيرو، خرجها حطها فطوموبيل دباه هي لي كيصوك، ركب غادي هي ناعسة وهو عينيه مايلين مع طريق حومر .
وصل حدا دارهوم ونزل مهبطها مايلة على كتفو ريحة الشراب مطعطعة منهم، مع داخل من الباب ضلام وهي تميل ليه كانت غاطيح تاعاود شدها، طالع ليها، تشعل عليهوم الضو فداك الحالة طلع عينو جات فباه نيشان
مراد : مابغيتيش تحشم ؟ كل ليلة نفس شي فهاد الحالة المسخة ديالك ؟ ..
كيشوفو هازها: جايبها فيديك ؟؟؟
عينيه حومر وهي ناعسة ليه على كتفانو دايخة: الواليد خلي الليلة دوز مزيان
مراد : واش باغي تحمقني
قرب ليه معصب: عيت من هاد الوسخ ديالك، طلعتيليااا فراسي كنشدك من جنب نلقاك كاتفلا فجنب، ماباغييش تقاااااااد ااااا ..
كيغمض عينيه وحلهم معصب: الوااليد
مراد : شنو الواليد اااه خرجتي مني ضلعة الواليد لي عواجت !!باغيها بغيتيها ديها لشي قنت ماتجيبهاش لعندي هنا
ضرب ليه على سدرو بجهد تارجعو وهو هازها: تاواحد مايدخل عندي هنا بلا شرع بلا قانون كتسممممممع، سير ديها عليا منهنا، وكون بكلامك، تقاااااد
قرب ليه كيحك سنانو: نتا ورياغلي، وأنا ورياغلي، ماتحدانيش حيت غانديرهاليك قد فمك قد دراعي
***
ايمان شافت القضية حامضة، مشات عند نونو كتنوض فيها طلعها لبيتها حيت خرفات وغاتزيد غير تحرق دنيا، لا هي فاهمة لا هي قادرة تقبل هادشي لي واقع دابا .
خوات دنيا وهو يدي لينا لصالون حطها وعيط ليلى : اجي كلسي
جات بشوية حشمانة وكتلوي فيديها، كلسات حدا لينا معنقاها، حنا هو عند لينا كيمسح ليها على شعرها : شوية ابابا دابا ؟
حركات ليها راسها مبتاسمة وهو يتبسم ليها بشوية
تادخلات رحمة من اللور عينيها حومر، ولكن وكضات راسها ومسحات دموعها شافها هو ناض واقف قرب ليها غير من عينيها عرفها باكية، هزليها يديها وباسها عند راسها : علاش هاد العوينات يبكيو
ضحكات بشوية طبطبات ليه على يديه: القلب عالم اولدي
تقربات كتشوف فلينا مبسمة وقلبها تفتح تحنات عندها معنقاها : ماتوحشتينيش ؟
لينا : توحشتك بزاف
عنقاتها رحمة وكتبوسها فخدودها وطه ربع يديه مبسم كيشوف فيها، طلعات عينيها فليلى لي حشمانة
ليلى : سمحيلينا اخالتي على هاد الدخلة
رحمة : ماتقوليش هاكا نتوما ديالنا من شحال ماشي عاد دابا مرحبا ازاين ديالي
ناضت ليلى عنقاتها وطبطبات عليها رحمة
رحمة : نجيب ليكم ماتاكلو
طه : ضاروري لينا تاكل
شاف فليلى غابعينيه فهماتو
ليلى : لا انا بلاش مابغيتش
طه : لينا اجي معايا ابابا
تحركات دغيا شاداليه فيدو دخلها للكوزينة وحطها على الكرسي وهي فرحانة كتشوف هنا ولهيه : بابا عجباتني الدار زوينة وغانكلسو مع دادا
تبسم ليها جابد ليها الحليب والبيسكوي وتحنا لمستواها : تبقاي معايا هنا ؟
لينا : اه اه عافاك مابغيتش نرجع لتما جا عندنا شفار اليوم خلعني ابابا
جمعات يديها خايفة
تنهد فينما كيتفكر الموضوع كيتعصب ومزال غادي يشوف هاد ولد الحرام غادي يفنيه
كانت فبيتها دخلات وطرقات الباب، كلسات شحال فوق الناموسية، السيناريو لي وقع، كيتعاود ويتعاود ويتعاود، تابدات كطلع يديها برعدة كتدور زغبة على صبعها وتحيدها من جدرها، غادا جايا فالبيت، غادا جايا، شوية بدات كدوي وهي مبسمة : هو باباها اسميرة، كبيرة، هي قبل مني، هوما قبل مني،
كتعلي كتافها: انا ماعرفتوش، و ولكن
كتجاوب راسها: انا دابا مرتو، تانا ديالو، تانا ولادي ايكونو معاه ياك، تانا
كلسات كترعد فرجليها، وعاودات ناضت : زوينة هي، زوينة (مشات لجيهت المرايا) تانا زوينة شوفي،
قربات كتسرط فريقها وهزات المشطة كترعد كتدوز على راسها: تانا زوينة لا تانا ايبقا راجلي، اصلا انا الثانية، انا تزوجني ثانية يعني انا مرتو الجديدة،
رجعات شعرها ممشوط كيضربليها نصها من لتحت: لا لا انا لي غانبقا معاه
حطات المشطة وعاودات بقات غادا جايا كتفكر، وكتلوي فيديها، مرة ضحك، ومرة توقف تفكر، مرة ترجع تمشي وتجي، شوية كلسات فوق الناموسية، ساهية وكتفكر
بقات مدة ديال الوقت هاكاك حتا كتسمع الهضرة فنفس ليطاج، شوية تفتح عليها الباب باش يدخل هو، طلعات فيه عينيها وتاهو شاف فيها
مشا نيشان وقف عند الماريو كيحيد حوايجو وهي دارت كتشوف فيه بدل عليه غير من الفوق وسد الماريو وقفات من فراشها مع دار تقابلات معاه
سميرة : لاباس عليك
تنهد: الحمد لله كيبقيتي نتي دابا شوية
سميرة : لاباس
شاف فيها شحال: عارف راسك دارك،
زاد قرب وشدها من كتافها: ولكن خسك تعرفي بلي هاد الراجل لي واقف قدامك كانت عندو حياة قبل منك نتي معارفاهاش، وانشاء الله نشرحليك كولشي، حاولي ترتاحي هاد الليلة
حركات راسها باه بزربة وجاوبات دغيا : علاش ماكاتقوليا والو انا، انا ماغانتقلقش عليك (حركات راسها بلا) ولكن خسك تعلمني بكولشي
هزات صبعها: من حقي نعرف فين داخل وفين خارج، انا اللولة
طلع حجبانو ماعجباتوش كيفاش دوات معاه: ماتخليش ايامك لي دوزتي هنا ينسيوك كيفاش تزوجنا، ماخديناش بعضنا بالعشق ابنت التمسماني، والقلب كيتفتح بالخاطر، تصبحي على خير
خرج وخلاها بقات واقفة فبلاصتها وكتشوف فنفس البلاصة، بقات شحال هاكاك تاسمعات السكات رحمة كانت كتدوي تاشوية الكالم ..
خرجات من بيتها برجليها وقلبها كيضرب بزاف وقفات عند بيتو كان مردود، علات عينيها كتشوف لينا متيكة فليسر ديالو وليلى متكية على سدرو من ليمن كتدوي معاه : ( كتبكي ) نتا لي عندنا احبيبي .
كيلعب فشعرها: طه عمرو يخلي ولية فنص، ونتي احبيبتي اللولة، بدينا بجوج ودابا بثلاثة
مسحليها دمعة من عينيها
رمشات بزاف ساهية كتشوفو كيف كيقيسها وهي كتدور راسها بلا، مزيرة على القبضة ديديها دمعة طاحت باردة تنفضات فقلبها وخطات مقدمة لعندهم
لي كملات تخلي نجمة وتعليق