At the hospital
Damdawiin kan thlen chuan hmanhmawh takin Suga chu an nawrlut a, Jungkook nen chuan kan lo nghak a, ka rilru a buai takzet. Ka veitawn sek a.
"Jimin-ssi engtin nge Suga hyung chhungte hi kan hrilh dawn?'", Jungkook chuan a rawn tichhuak hlawl a. Ni tak, sawi angai, engkim hrilh an ngai.. Mahse ka va sawihreh si em!
"Jungkook-ah hetah hian lo awm la, lo nghak la, keichu Suga hyung te inah a chanchin hi a chhungte ka lo va hriattir ange", ka ti zung zung a. Kan chhungte pawh hriattir an ngai. Mahse chutia kan awmlai chuan nurse pakhat hian Jungkook chu a rawn ko a, a kut chu an en dawn alo ni a, ka lo theihnghilh leh hman ani, Suga chiah ka lo ngaihtuah ani ngei ang. Jungkook leh nurse chu an inzui a.
Jungkook a kal chiah tihin Doctor a rawn chhuak a, "nangmah hi em ni nichina ka-a atanga thisen chhuak rawn hruaitu kha?", tiin min zawt a.
"Aww ni e doctor", ka lo chhang vat a.
"Thisen chhuak hi a tam riau a, a rang thei ang berin kan zai nghal a ngai ani". Ka phu zawk. Inzai maw!!
"Awle doctor, kan chhungte ka'n be phawt ange", tiin ka phone ka phawrh a, doctor pawh a kalsawn a.
Ka rilru a buai takzet, veikual chung chuan ka chhungte biak tumin ka bengah ka phone chu ka dah ran a. An mu tawh ani ngei ang phone an chhang thei tlat lo.
Vawithum ka call hnu chuan eomma chuan a rawn la ta hram a.
📱: "aw bawiha, tinge ilo call a, i mu thei lo em ni?" (a ti dam diai a, ka call ngawt chhan a hre lo tih a hriat takzet)
📲: "eomma, chutiang ani lo. Ngun deuhin lo ngaithla rawh eomma. Ka thianpa Suga, Yoongi kha Jungkook birthday kan lawmnaah tawhsual a tawk a, tunah hospital-ah kan awm mek a, Kook nen kan kalpui a, tunah hian zai a ngai a, a chhungte hrilhin ka kal nghal a ngai dawn ani"
📲 : "tunah damdawiinah i awm amaw?, awle i pa pawh ka lo hrilh ange".
Rilru buai takin ka veikual sek. Jungkook pawh a rei hle mai, ka rilru a hmanhmawh ani.
Chutia ka veikual tawnsek lai chuan Jungkook pawh a rawn let a, ka bulah chuan a ding chat a.
"Ngatinge Jimin-ssi?", Jungkook aw ka hriat chuan a lam ka hawi nghal vat.
"Kook ilo let tawh maw? Khawmaw i kut chu, ana ngawt ang tiraw?", tiin a kut an tuamsak chu ka en a, ka inthiamlo takzet, heng thil thleng zawng zawng hi keima thiamloh vek ani. Ka rilru a tawt em vangin engmah pawh ka ngaihtuah kim thei lo. Ka tha te hi a khurin ka hria. Ka lungphu te hi!
Suga zai a ngai tih Jungkook bulah ka va sawi hreh em!
"Na lo e Jimin-ssi, engthammah ani hleinem. Mahse Suga hyung kha, engtin nge a awm?", min en ha a.
"Kook, t-tunah, tunah hian zai nghal a ngai ani. Ka chhungte ka be zo chiah a, Suga hyung pawh a chhungte chanchin hrilh turin ka kal nghal a ngai ani, nangmahin ilo awm lawk thei angem?". Jungkook chu enin a darah ka vuan a. A lo mengphawk takzet.
"M-Maw? Zai, inzai maw?" I fiamthu em ni Jimin-ssi?", a ti ta chiah a, a aw leh hmelah ah a hlauhthawng ve hle tih a hriat theih.
"Fiamthuna hun anih loh hi Jungkook. Kan thianpa engmah hre lo in a mu mek a, fiamthu thawhna hun niin i hria em ni Kook! Ka va kal anga, tihian lo awm tlat rawh aw, kan thianpa hi a dam a ngai ania, ka va kal lawk ang", Jungkook mak ti taka chhuatlam en chu kalsan ka tum a.
"Heng zawng zawng hi keima thiamloh vek ani, ka birthday kha lo lawm lo ila chu..". Jungkook chuan a rawn tichhuak a.
"Jungkook, mahni inthiamlohna hun ani lo. Engmah i thiamlohna a awm reng reng lo ania, harh teh", a biangah chuan ka kut khinghnihin ka vuan a, a lu chu ka dawmkang a. "Hreawm ti hman kan nilo ania, Suga hyung hi an zai vat angai, anih loh chuan...... En teh Kook, thildang ngaihtuah hman kan nilo, ka kal vat angai". A bianga mittui rawn luangthla ngiai ngiai pawh pawisa lo in Jungkook chu ka pawmbet (kuahbet) nawk nawk a.
Jungkook chuan min thlah a, "va kal rawh Jimin-ssi, ka lo awm ang. Suga hyung chu lo ka ngaichang ang.. Hmanhmawh rawh!", tah aw tak chuan tiin min nawr sawn a, a mit leh hnar te chu a tahna vangin a sen tek a, kan awmdan hian rilru a ti nuam lo takzet.
Jungkook chu ka en reng a, chutah ka mittui a rawn tlak hmain ka hawisawn a, Jungkook chu chhan pawh chhang tawh lo in damdawiin chu ka tlanchhuahsan ta a.
Suga te in chu ka thlen chuan a chhungte chu an mu tawh tih hriat takin an lo thim thiap a, kawng ka kik hrehin an fapa chungchang ka sawi tur hi ka hreh takzet ni. Mahse chutiang ngaihtuah vak vak hman ka nilo. Kut khur dar darin door bell chu ka hmet a.
Door bell ri te chuan ka thinphu a tirang zual a, lo hawng lawk lo se ka tih rualin lo hawng vat se ka ti bawk si. An lo hawn hunah enge ka sawi hmasak ber ang tih ka ngaihtuah pah a.
Vawi thum ka hmeh hnu chuan inchhung chu a rawn eng ta a. An rawn tho ngei e.
Ka khur ru der der a.
Kawngka chu an rawn hawng a.
"C-chibai Ahjumma. J-Jimin ka nia, Yoongi thianpa. E-englo.. Yoongi.. Yoongi kha.. accident a tawk a, d-damdawiinah a awm mek a, z-zai a ngai dawn aa...", ka ti bah nawk nawk, ka aw te chu a lai vek a, ka tiril hi a khur ru der der mek ani.
"Maw?!! Yoongi.. K-k fapa damdawiin ah a awm mek amaw? A riakchhhak turah ka ngai asin. Accident..!! Lalpa leh! Tunah min hruai nghal rawh!!", a phi ta chung a, ka hlauh ang chiah ani!
Ka banah pawtin min thing nawk nawk a.
"A-aw ka hruai ang che, t-tunah", Suga nu awmdan avanga mittui tla zawih zawih chuan ka tichhuak sap a. Ka ding khawng reng bawk.
"Enge ila tih? Che chhuak ta si che!!", Suga nu chu a rawn au tuar a, ka harh nghal zawk, inher vutin motor lam ka pan a, Suga nu chuan min rawn zui nghal vat a.
Hmanhmawh takin damdawiin lampanin kan tlan a, Suga nu chuan 'bawiha, ka fapa, ka duat, ka naute' a ti kawngtluan a. A changleh 'ka naute, lo lungngai suh aw.. I tan ka lo kal e' a ti leh thin bawk a, a rilru a hah hle ni tih a hriat a, ngaihthlak a hreawm hle mai.
Damdawiin kan thleng a, motor ka tihdin rual rualin Suga nu chu a chhuk nghal a.
"Ahjumma.. Ahjumma..", motor atanga chhuakin ka auzui lang lang, mahse ka kohna hre eih lo in a tlanlut a.
Ka va luh ve chuan Suga nu chu alo buai khawp mai a, "khawnge ka fapa? Khawnge ka fapa chu a awm?", tiin ava au chiam chiam mai a. Jungkook chuan min rawn hmu a, a rawn phei vat a.
"Jimin-ssi, Suga hyung nu ami?", a tih mek lai chuan doctor a rawn kal leh a. Keini ho min rawn hmuh chuan a rawn phei vat a.
"In lo inrawnkhawm tawh hlawm em? In rem tihna tello chuan engmah damlo chungah hian kan ti thei lo ania", a rawn ti a. Doctor a hmuh veleh Suga nu chu doctor bulah chuan a tlan phei a.
"Doctor, ka fapa.. engtin nge a awm ka fapa chu?", doctor banah vuan ran chungin a ti a. Jungkook nen chuan kan inmelh ralh a.
"Ahjumaa, khawngaihin..", Jungkook chuan Suga nu banah vuan chung chuan a ti a, mahse alo talsawn nawk a.
"Aih, nilo, ka fapa chungah hian eng thil mah tih ka phal lo. Engmah a chungah hian tilul suh u..", a sam thamin kan bula thutna awmah chuan a thuthla a. A bulah chuan ka thu thla ve vat a.
"Ahjumma, Yoongi chungah engthilmah a thleng dawn hleinem, an zai vat anga a dam vat dawn lawm.."
"Ka hmu duh ka fapa chu tunah, ka hmu duh!!", a rawn ti ta tuar a. Jungkook nen chuan kan phu zawk!
Doctor pawh chuan a ngaihna a hriatloh hmel takzet, "hun kan paih tam pauh leh damlo dinhmun hi a ngaihtuahawm zel ania", a rawn tih takah chuan Suga nu pawh a pangngai ve thei chauh a, doctor nen chuan inzuiin an kalsawn ta a.
Jungkook nen chuan thawdun halhin kan thu a, Jungkook chu ka en thut!
"I chhungten chanchin an hre tawh em?", amah enhaw pah chuan ka ti a.
"Eomma ka hrilh tawh", a rawn ti sap a. A bak chu inbe lem lo in kan thudun ngawt ngawt a.
Time skip
Suga nu chu a rawn let leh ta miah lo a, doctor nen an inzui atanga khan darkar hnih a liam tawh a, an kalna ah chuan ka va phei ve ta tawp a.
Inzaina kawngkhar ngheng chuan Suga nu chu alo muhil chu niin, ka lainat khawp mai. Ka en reng a, ka bulah thawm a rawn awm a, ka sirlam ka hawi chuan Jungkook a lo ni a, ani pawn a rawn en a.
"Kook, i kawrlum kha han phelh teh..".
A inen a. "Ngatan maw?".
"Aw... Phelh lawk la..", a phelh ve mai a, a phelh zawh veleh ka la a, Suga nu muthlu chu ka va khuh (sintir) ta a.
Chumi hnu chuan kan thutna lamah kan phei leh a.
Ngawi reng bawk chuan kan thu a, ka mut pawh a chhuak lo, Jungkook erawh chu a ham a ham tawh a, a muthlu leh lek lek thin a, muhil tura ka hrilh lahin a duh lo ve tlat bawk si. Inbe mang lo chuan kan thu reng a.
Doctor pawh alo kal ta, a bulah Suga nu pawh a rawn kal a, Jungkook nen chuan kan thutna atangin kan tho a, kan bul an lo thlen chuan, "in thianpa chu a tha e, inzaina pawh a hlawhtling a, ngaihtuah awm lutuk ani lo e", doctor chuan a ti a, kan thaw huai mai.
"Anih doctor, kan hmu thei nghal angem?", ka ti a.
"Tun atanga darkar chanve hnuah inhmu dawn nia", tiin a kalsawn zui a.
Doctor kal hnu chuan thutna ah chuan kan thu thap a, Suga nu chu ka lam rawn hawiin, "Jimin bawiah, thil thlendan kimchang han sawi teh", a ti a, ka hrilh ta vek a.
"A va pawi tak em! A pa damdawiin atangin alo chhuak chiah a, chutah.. Tihian ani alo awm veleh zel si..", a mittui hruk pah chuan a ti a, Jungkook nen chuan kan inmelh leh zeuh, a nuam lo duh ngei mai.
Operation zawh ani ta bawk a, ka thla a muang huai mai, rilru zang vaha awm ka ni bawk nen, thil pawh ka ngaihtuah ngut ngut lo deuh, ka mut pawh a rawn chhuak tan. Intihharh ka tum hram hram a, Jungkook pawh ka bul maiah a muthlu nasa tawh hle. Haw turin ka ti nasa a, a duh bik thak lo, Suga hmuh hma chu a kalsawn duh bik lo.
Suga nu chu a tho nulh a, ka mut a chhuah ve tawh em vangin ka en zui lo a, khawilam nge a pan pawh ka hre lo. Ka maimitchhing tur chu ka meng leh hram zel a, chutiang chuan vawitam tak ka awm a.....
Min sawi dawt dawttu an awm avang chuan ka meng kawk a, ka lo muthlu alo ni. 'Jimin-ssi' tih ri ka hriat chuan ka hmaah Jungkook chu alo ding reng a.
"Kook, engtia rei nge ka lo mutthilh a?", ka zawt nghal vat a, ani pawh a mut ala chhuak tih a hriat takzet, a mengsen ram a.
"I murei lo, Suga hyung chu va hmu ve ila..", a sawizo chu a ham nghal bai bai a. Ka hawikual thuak a, kan pahnih chauhin kan lo la awm.
"Khawnge Suga hyung nu kha?", la hawikual ruai ruai chuan ka ti a.
"A lut tawh.. Tirawh, va kal ve ang".
Ka thutna atang chuan ka tho a, ka mit a thip kher mai.
Jungkook chuan, "Jimin-ssi tui in tur ka zu la lawk ange, lo va lut rawh", tiin a kalsawn zui nghal a, Suga awmna lamah chuan ka phei a.
Ka thlenphei chuan lut lawk lo in ka ding det a, diktak chuan ka lut hreh ani, ngatinge Jungkook kha ka lo kaltir kher kher le aw, nakinah tiin lo hnial ila ni tur. Engpawhnise Suga harh hun nghaka helaia la awm hi lawm ka nih le! Engahnge ka zam ang ni tih rilru chu ka pu leh ta thuai a.
Kawngkhar chu ka hawng ta a.