بين ًسًـــلاسل العادات

البارت 26

        بسم الله الرحمن الرحيم

#بين سلاسل العادات
بقلمي: kefeyah 🦋

لاتنسون متابعة للحساب 😘
التصويت والتعليق بين الفقرات ✨

"""""""""""""

‏بعيوني غبشت درب
‏بس مامش ولاية …

""""""""""""""

رغد"

گلبي تگطع شلون احجي بلساني بس مجبورة هذا الماجنت محسبتلة حساب رحت لكيتهن كاعدات بالمطبخ وكفت اعاينلهن..

ام رغد:-ها يمة شبلاج ماصرتي احسن

رغد:-اصير احسن من اترك الدراسة اجيت ابلغكم راح اتركها عقلي مايستوعب شي حتى نفسيتي تدمرت ماكدر اكمل انة مو گدها بعد ماداوم

رجعت لفراشي بدون اي نقاش خليت سجيوة تبرر وتشرح صعوبة المواد ودراسة الطبية امي ابد مارضت بس تقبلو فكرة تعبت ماكدر محد لح علية بهذا الموضوع لان شافو حالتي ابد مو زينة عبالهم فعلا محتركة على الدراسة..

-حجيتها بلساني كون انكطع شسويت بروحي

سجى:: ماكو غير هذا الحل اكعدي معززة مكرمة احسن ماتكعدين وكلساع واحد تافل بوجهج لو كافخج على راسج ومن غير الحجي اليطلعنة عليج

-اسفة لان ماخذت نصيحتج مادري هيج راح يصير

سجى:-عليمن تعتذرين دمرتي مستقبلج ارجع واكول ماكو شي اسمة حب ابتعدي ميت مترة عن هذا الامصطلح احنا بمجتمع شي مايشبة شي حتى لو جان الولد فعلا رايد تكون علاقة حقيقة اهلة يطلعوله صفح اذا مو اهلة اهل البنية يعارضون وتنتهي بكسران الخواطر عليش هالدوخة واحد من البداية يحفظ مشاعرة..

رغد:-عگبيش بعد مانلاصت وشيخلصني منة

سجى:-الصراحه حبيتة المجسب وبدلت نظرتي بية

رغد:-هه شلون

سجى:-لو واحد غيرة جا ماضم السالفة مرتين لاتنسين مرة بالمحل لزمج وسكتلج وطمطم السالفة وخلاج تكملين وهاي المرة هم وبالمرتين شافج لازم ايدج ومافضحج مو زين منة..

رغد:-كرهتة كرة ماصار ولا دار موتني الحقير جسمي كلة ازرگ خو شعري تهلس ت

سجى:: گلبي شابة نارة عليها تغيرت من حال الى حال صارت طريحة الفراش الليل كلة تبجي صدك لو كالو غلطة الشاطر بالف مالي واهس للدراسة حتى صرت ماقرا بالبيت اخذ كتبي واهج..

رجعت راسي مسطور عدلت شالي من شفتة لا ارادي گلت..

-السلام عليكم شلونك ارفد

بقة صافن عگد حواجبة وكال..

-بيج شي

-لا انت بيك شي

-لا مابية بس اذا محتاجة شي لاتستحين گليلي

-مشكور رحمة الله والديك ماتقصر يلا مع السلامه

مشيت خطوات ورجع كال:-عليج الله اذا بيج شي كولي انة بالخدمة

-شكرا استاذ ارفد ممنونة

احسة مصدوم على شني ما ادري رجعت شمرت الملازم وكفيت المطبخ بدربي سفانة ابتلت على عمرها وهاي وسن تكعد براسها اجن البنات يقرن بالمطبخ وهي دخلت..

وسن-: اوووف دوختنا بقرايتج وين توصلن للمريخ اول وتالي تزوجن وتكعدن المن متعبات رواحتجن

سجى:-رجائا لاتحجين شي كل واحد وحياتة حر بيها يدرس ينام ياكل يشرب محد اله غرض بية كل واحد علية بروحة اما افكارة خل يحتفظ بيهن لروحة

وسن:-شكد شفت بنات بس مثلجن ماشفت كل وحده
السانها اطول منها وترد الحجاية بعشرة

سجى:-الحمدلله احنة مميزين ماتلكين ولا تشوفين مثلنا وسن جفيني شرج

وسن:-يجي عباس وانة اعرف شغلي وياجن

سجى:-يا الله خطوة مباركة عباس مو اخونا لاتنسين

وسن-: اي خلفلة علية لفاكم عدة

سجى:-مو هو بيت الخلفوة حتى يلفينة بيت جدنا هذا وانتي اخر وحده تحجين احترمي روحج لا اعرف شغلي وياج

طلعت من المطبخ فورت دمي وين ماتروح دور طلايب بس ويانة مالها غرض باحد خلصت البيدي وكعدت اشرح للبنات كل وحدة موادها تختلف عن الثانية دخت كلش فوك الاربع ساعات كاعدة وياهن رفعت راسي على صياح عباس صاير بارود عرفت هاي الحية حاجية براسة..

عباس:-سجيوة لسانج لضبية لا اگصة الج

سجى:-سلامات عبسي

عباس:-ماريد امد ايدي عليج نسوان بينجن تتعاركن مايخصني بس مال تحجين علية الي تصرف ثاني

سجى:-هسة غير يفهمنا شحجيت عليك

عباس:-تعرفين شحجيتي ما اريد اعيدها جدام اليسوى والما يسوى

عافنا وراح دمي فار هسة هاي مرتة الحية  مو مال تنتيف بس شحجي ماريد اسوي مشاكل..

هدى:-هاي بسيط مرتة الفت حجي عليج الله ياخذها

سجى:-بس لاتدعين وانة اعرف شغلي وياها

زهراء:-عوفيها ختولي تريد واحد فارغلها غلسن عنها

سجى:-سكتت عنها بس هي المصيبة شادة وياي وي اختي تذب مسامير وحجي روحي طلعتها ورجلها كالب وجهها علية كلت لاصدك حاجية مرتة براسة خلشوف شني سالفتة واعتذر منة لكيتة بالمطبخ يلعب بموبايلة سلمت علية..

-شني جنك زعلان مني

-عليمن

-بيش تريد احلفلك ماحاجية عليك شعندي وياك والله يشهد معتبرتك مثل اخوي الجبير..

-حصل خير

-شني خو مااخذ بخاطرك علية

-حتى لو ماخذ هسة راح وانتي واختج لاتخالطن وسن ولا تلاسننها خوش

-ماعدنة شي وياها بس هي الحاطة دوبها ودوب هديوة

-يصير خير

ثاني يوم التحق كعدت الصبح اليوم عطلتي فتحت عيوني على وسعهن هدوة تبجي مفرفحة وهاي وسن مادري شني تحجي وياها وتضحك بحقارة رحت اشوف شكو..

-شبيج هدووة

-مابية شي

راحت تركض وسن سوت روحها تشتغل جريتها من ايدها عيوني تريد تطگ شسوت لاختي مخليتها تناشغ..

وسن:-وخري ايدج مني

سجى:-شسويتي لاختي وشعندج وياها

وسن:-ماعندي شي وياها هي لكيتها تبجي

-وسسن احجي لا افرك حلگج

-كتلج مامسوية الها شي بس اختج محترك گلبها

ضحكت بصوت عالي وعوجت حلكها نار وشبت بية من كالت..

-جانت تعاين من الباب وشافت المقسوم وماتت حرگة

عيوني نطن من العصبية من سابع المستحيلات هدوة تسوي هيج اختي واعرفها اكثر من روحي حتى الافلام البيها لمس ماتشوفهن من حلات روحي ماتحملت رگعتها راجدي على حلگها وهي ماسكتت صرنة من الروس شبعتها كتل البيت كلة كعد على صوتنة سكتنة من سمعت صوت ابوي..

ارتجيت على الكاونتر كوة اجر النفس جسمي رجف خوف منة صاح بينة شكو وبدت المسرحية مالت وسن طلعتلها جذبة وانة العايلة بيها مستحيل انسة هاي الكلمة الگالها..

صاح بيه بصوت عالي:: عرررمة اكسررر راسج يلة تمشين عدل

راد يضربني بس جاسب صار جدامي رحت للحمام اركض سديتة علية دموعي تصب حسيت باهانة جبيرة كلش عمري كلة ما انسى هذا اليوم ولا انسى من كال عررمة  ضلت هاي الجلمة ماتطلع من راسي ابوي يگلي لاهيج ولا هيج..

لزگت بالحجرة مكابلة رغد التريد تموت  كلبي محترك نار عليها وعلى روحي لو ابوي ماد ايدة علية من وراها شلون اباوع بية يمكن عمري كلة ماحط عيني بعينة..

رحت لهديوة اريدها تحجي شعدها وياها ليش دوم اشوفها تبجي..

هدى:-ماكو شي شبيج عوفي السالفة

-صدك انتي تعاينين عليهم من الباب

فتحت عيونها على وسعهن راسا نزلت دموعها..

-والعباس جذب والنبي جذب انة اعاين عليهم شبية ما استحي تسودنت ينعمن عيوني لو صدگ حتى حجرتها ما اطبلها تجذب والله تجذب

سجى:-ادري بيها تجذب يلا اسكتي ما صار شي

اشوف بعيوني شلون اختي كامت تعتزل عن البنات مو مثل گبل تضحك وتسولف شبيدي عليها شسوي غير كون اعرف السبب بهاي الفترة كلش تغيرت نفسيتي تدمرت  منا رغد ماينطيني كلبي ادرس جدامها اموت قهر من احضر غراضي وهي لا..

شي بداخلي انكسر من اهد العركة كلمة وحدة اثرت بية كل ما اغمض عيوني تجي باذني انة عرمة.. يمكن البعض يعتبرها كلمة عادية وعد بعض الناس معناها يختلف  بس عدنا يكولونها للمرة المسترجلة والالسانها طويل..

كملت صلاة الفجر واخذت ملزمتي اراجع كعدت على الصبة الجو بارد كلش بس ماحس بالبرد نزيت من صارت ايد على ضهري التفتت شفتها حبوبتي صبحت علية وكالت بصوت دافي ..

جدة نوفة:-ها جدة الجو بارد مادشين جوة

-مابردانة محترة

-بيج شي احسج مو على بعضج كولي ياهو الوياج

-جدة ضلت بكلبي حجاية صدك انة عرمة؟

-من يرحلج فدوة العرمات يولون ياهو اليصير مثلج

-جا ليش يگلي هيج جدامهن حتى فشلاني

-يحبوبة صوت المرة عيب يطلع وانتي بنية عوفي الطلايب ياخذون عليج نضرة يو يطلعولج القاب تضل وياج طول العمر حتى يصوحون الجهالج بيهن

-صح كلامج بعد منا ورايح اضب الساني بس اليحاجيني هم ما اسكتلة

-دكومي من البرد تضكريني بشبابي هيج جنت فنة اليحاجيني

-هم زين طلعت عليج

ضحكت وضربتني على ضهري رحت بدلت وكعدن البنات وجوهن ماتنكص..

-سلامات خو ماكو شي

نوف:-ماكو شي

خلقتي مگلوبة هالفترة كل وحدة بينة ماتتحاجة وانوب محد تحجي شبيها راحت سجيوة تريكنا بسرعة قبل لاتكعد وسن وتذبلها جم كلمة من الصبح
راحت شروق تركض من سمعت صوت رحمن نفسي انكطع واني اركض وراهن..

-شبيجن اوكفن انتظرني

شروق:-امشي سريع شبيج فاهية لايطلع ويشوفنا

-واذا شافنا شكو بيها

شروق:-اوووف ماريدة يوصلنا

-شبيج وي رحمن كلت يا الله راحت البلوة اسراء هسة يرجعون اشو بالزايد صايرين سولفيلي شبيكم

شروق:: ماكو شي شسولف

زهراء:-لا اكو اشياء سولفينة الدرب طويل شيخلصة النة

هدى-: اي عفية سولفي

شروق:-خاب شبيجن والله ماكو شي بس ما احجي وياة لان ادري امة جاي دورلة على مرة حتى لاتاخذني

نوف:: منو كلج تدورلة على مرة

شروق:-هي كالتلي وكالت وخري من ابني ترة انة مامسؤولة على تصرفاتة حافضي على روحج مو باجر مثل اختج تلزكين روحج براسي

نوف:: الله ياخذها ليش هيج تحجي وين تلكة احسن منج لابنها

شروق:-تلكة هواي احسن مني بنات اختها موجودات خل تاخذ منهن بعد انة شكو

زهراء:-هسة على هاي طلايبكم تالي اليل

شروق:-هو مايكدر يكسر كلام امة يعني شني مايتزوجني شعندي وياة بعد خليني ساترة على روحي اقرا واكتب على الاقل ملتهية احسن ماتزوجني لياهو اليجي..

نوف:-ماعندة كلمة لعد هو مو رجال

هدى:-ولدنا وبناتنا بكيف اهلهم سفانة اجاها واحد سكير رضت امها سكتتهم بسحورتها وخلتهم يسكتون وخطية سفانة لو ما فارس هسة بيا خيسة مشمورة وعباس هم ابوة حل طلابة وصاحب الطلابة انطاة بتة وعباس غصبن علية يرضة ماكو واحد عدة كلمة الله يعلم وين يشمرونة

نوف:-يمة خفت

زهراء:-لاتنسين انتي متزوجة هاي ضلتج

نوف:-هم صح اووووف

زهراء:-هاي نوف شني تحبين اخوي وحنيتي الة

نوف:-اي احبة يعني ماسوة شي حتى اكرهها تعلقت بية بزيادة وتأذيت على فراكة نصيحة مني لاتتعلقن بشخص زايد اي شخص اخت صديقة ام احسبن حساب باجر تفترقون محد راح يتضرر غيرنا الطرف الاخر ماعلية شي بس احنا النحترك نار على فراگهم

هدى:-صح حجيج التوبة بعد اذا اتعلق بشر هالكد

زهراء:-من ذولة ادرس واتعلم خوش خبرة

نوف:-شلعان گلب

زهراء:-الحمدلله بس انة بيجن ما افكر ولا احب

نوف:-احسلج

هدى:: ولا يكول طالبات ورايحات للمدرسة كلبتنها حريم السطان

نوف:؛ هههههه اي والله صدك يلا بدلن عقلجن وكل وحدة لصفها

توادعنة مؤقتا حتى بالفرصة مو دائماً نلتقي خلص دوامنة وبقيت انتظرهن على صفحة بين مايطلعن
طاحت عيني على ولد واكف قريب مني بس مايباوعلي دائما اشوفة بالحلة بس مامركزة وياة عصرت مخي وين شايفتة شكلة مو غريب..

اتذكر من انمار اخذني للحجية جان بيتها لسة بالي اخزر بية وانمار ياشرلي انزل عيوني احتمال انمار يدزة يشوفني او ممكن يراقبني تقدمت علية وحجيت فورا..

-انت صديق انهار

-العفو يا انهار

-زوجي انت ابن الحجية مرة اجيناكم للبيت

-مشتبها اختي

-لا مامشتبها كلي انهار دازك

-لا تبليني روحي مني

تلبك ومشة بسرعة رحت وراة:-بس كلي انهار دازك عليك الله كول

-ما اعرف اصخام بس عوفيني

-لاتعرفة كلش زين هو دازك اعرف بسوالفة عبالة اصاحبلي واحد بس بعنادة الا اصاحب واريدة يحجي وصلة كلامي..

حتى ما التفتلي رجعت محترك دمي دموعي وحدهن نزلن مو صدفة الكاعد يصير شمعنى صديقة وادائما اشوفة اكيد لمصلحة او يمكن لحمايتي روحة السوك والولد الرفع سلاحة سالفتة مو خالية هم..

التمينا ورجعنا ميتين تعب لكينا البيت هوسة صح بالعادة هوسة بس هالمرة صاير شي او مادخلنا تلگتنا ام رحمن وجهها احمرر انطلقت بذاك الكلام الماصخ
والغلط والفشار تعجبنا شمسوين جرت شروق تريد تضربها وصار رحمن بينهم صاح بشروق تصعد فوك وهي بقت تصيح بصوت عالي  ...

-عبالج تصيرين جنتي على جثتي ماخلصت من اختج اجيتي انتي تحلمين اخذج واسويلج قدر وقيمة اصلجن خايس ووو...

صاح بيها رحمن وطلع بقت تدعي وتصيح علية..

-ماخذها الك لو تنكلب سودة بوجهي يو صارت هاي جنتي شكل لاهلي لو سألوني وين اهلها وين اخواتها

دخلت عليها جدة نوفة الا سكتت رزلتها رزالة من هاي التمام صعدنا فوك شمرنا جنطنا ولكينة شروق مفرفحة من البجي وجهها قطعة دم حرنا شلون نسكتها خطية نامت بملابسها لا اكلت ولا غسلت..

كتلنا الجوع محد صعدنا اكل  وهدى ماتنزل مجلبة نزلت كلهم كاعدين يتغدون درت وجهي وللمطبخ صبيت اكل النة واسمعهم يحجون..

جدة نوفة:-ماطول الولد رايدها اخذوها اله ليش تكسرون بخاطرة والبت ذيج البت ماتلكون مثلها

ابو رحمن:: بكيفكم ماعدي شي البت بت اخوي ومحد الها يمتها ماتريدون نعقد عليها

بعدة مامخلص كلامة وطلعت مرتة علاگتها بيدة وراسها شادتة بشال صوتة ملة البيت..

-انة رايحة عايفة البيت لامهات الشوراع والمخدرات
زوجو منا وطلگوني منا

راحت والروحة روحة محد فتح الموضوع بالبيت ورحمن وجاسب طلع قبولهم بالكلية العسكرية جانو مقدمين من زمان بس احنة ماندري..

كملت دروسي ورحت اسبح اخذت المشط ورحت لشروق تمشط شعري خليت رجلي بالباب من شفتهم رجعت ليورة كاعد مقابيلها..

رحمن:-لا تبجين تخلص وتضل سوالف عمت عيني من وراي تبجين شروقي عاينيلي الضلمة كتلتني

شروق:: روح رحمن كعدتك هاي غلط وحرام

-شسوي شبيدي والله ما اسوي شي بس اعاين بعيونج..

-لاتعب روحك وتعبني وياك روح رحمن الله وياك

-ما اطلع الا اشوف عيونج.. هسة ردتلي روحي ياجمال عيونج ماتدرين كلبي شيصير بية من اشوفج

-كافي لاتحجي

-لا عبالج اخذ غيرج للموت وعد ما اعاين بمرة غيرج ولا اتزوج واكون عايلة وانتي مابيها انتي الي ماتصيرين لغيري الله من فوك كاتب اسمج وي اسمي
وجمعنة سوة بت عمي كبرت على ضحكة سنونج احبج شروقي شمسي الدافئة

-حتى انة احبك

كلبي يدك سريع كبر لفني شبية اضحك رجعت اركض لغرفتي لايطلع ويلگاني كدامة..

-هلو هاي انتي هنا

سجى:: اي اريد مجان فارغ مابية حيل اطلع للبستان كلت نوف ماتكعد هنا

-اي صح فارغة يمتها ماتريدين اكعدي بيها

ملامحها تعبانة كلش تشخبط على الاوراق..

-بيج شي سجى

-وين اروح گلبي ورم راح ينفجر رغد موتتني ماكدر بدونها امشي واتذكرها وياي من جنا سوى لو من احضر ملابسي اكلها يلا كومي حضري غراضج

نوف:-صعب بس بمرور الايام تتعودين

سجى:: كل وحدة عدة هم بس انة شايلة همجن كلجن من صفحة شريقة واختي فتت گلبي ماتكعد وتسولف وي مثل البشر

-عوفيها اني اعرف شنو سالفتها

-والله ياريت مليت وياها مايفيد

-ولا يهمج ادللي بس بالاول مشطي شعري

-هههه ماخليتي واحد ماكلتيلة مشط شعري ضل بس عمي فايز

-عيعععععع لو احرگة ما اكلة

-حرگ ادورة مو كص

-اي والله جد احسة وصخ وشرير

-لا تتگربيلة ابتعدي منة كلش جاي اشوف مرتة تحجي علية حتى يجوز منج

-لا تخافين بعيني ماشوفهم مو اتقرب منهم

كملت شعري ورحت للميز رطبت جسمي ورشيت عطر سويت بركاتي وحركاتي حمرة وكحل..

سجى:-اموت واعرف وين رجلج

-الله اعلم كلها ساكتة عنة اكيد يعرفون بس ميكولون هسة تلكينة حتى متزوج اي كلشي يصير

-وحتى لو تزوج وين يلكة احلى منج

-هم صح مايلكة دوم هههه يلا عيني اخذي راحتج وركزي بقرايتج

-حسيت هاي حجرتي موش الج

-ههههه اخذيها شسوي بيها

رحت لغرفتنا احنة البنات شروق نايمة ادري بيها تجذب هسة تبجي نزلت ادور على هدى..

الولد بالمطبخ وحبوبتي تدعليلهم زهراء حاضنة جاسب وتبجي..

زهراء:-دير بالك على روحك وارجعلي مو نفس نمر راح وبعد مارجع

نزار:-ترة راح يدرس مو يحارب دكافي شكد تبجين فيضتينا

جاسب:-هسة انت شعليك بيها ماتسكت لا اطيح حضك..

نزار:-سكتنة بس نعاين شوكت يخلص الفلم

زهراء:-مو تبطي اسبوع وارجع نشوفك

نزار:-صار صار بين يوم ويوم يلا يلا اسكتي بابا اشتريلج جبس وعصير بس تسكتين

جاسب:-هسة انت لو بصفي جا دست بمصارينك

نزار:-اووي عنيف بطني دتوجعني بسببك

رحمن:-يلا في امان الله ضل وحدك سربت وجهك اجلح املح

نزار:-اخذ مجانكم واتابع شليش ومن يصير بيكم شي ادوك على الكلة

رحمن:-وقتنا الثمين خلص كوم جاسب

نزار:-حبيبي جسوبي راح تمشي وتعوفني اموت بغيبتك اخ ثم اخ ذهب الحبيب من اين اتي بالطبيب جرحي نزف على غياب حبيبي روحي

يريدون يمشون ونزار حاضن جاسب وهذا يدفع بية

جاسب:: ولك كافي حبيبتك انة ولي مني راح تطلع علية سمعة جايفة

نزار:-في امان الله حبيب قلبي تروح وترجع بالسلامة كلبي وياك يروح

جاسب:-جا گتلك اشوية واكلة من اجوع بس تذكرت كلبك حتى الجلب ما ياكلة

نزار:-يكسرون بيك ياكلب عينك عينك باي رحومي وجسوبي

رحمن-: باي حبيبي الغالي

شكلهم يقهر خاصة نزار يريد يبجي من شفتة هو وياهم ابد ميعوفهم طلعو بعد ماحصلو دعوات من الكل بيتنا فرغ حسينة بوحشة عليهم خاصة اول اسبوع كأبة جانو مسوين اجواء بالبيت..

الدنيا صارت العصر كلنا ملتمين بس هدوة ماكو صايرة تختفي بشكل غريب وكل ما الگاها عيونها حمر لفيت البيت كلة مالكيتها ماكو غير البستان امشي واتلفت گلبي انخمش من شفتها تبجي رحتلها الخوف امتلكني..

-شبيج هداوي ليش تبجين

ماجاوبتني واستمرت تبجي خليتها براحتها منا لمن سكتت مسحت وجهها واخذت نفس..

-اكلج بس مو تكولين

-اوكي

-وسن لعبت روحي كل ما تشوفني تحجي حجي كلش عيب بحياتي ماسامعتة بحيث تلعب روحي حتى اضل اتخيل لا ارادي والله انة مو هيج بس هي من تشوفني ضل تحجي حتى صرت ما انزل من وراها كليلي شسوي حتى اليل ما انامة بسببها..

-گولي لعباس عليها

-مستحيل لج شگلة ماكدر حجيها جبير ماينحجي كامت تزرع براسي افكار وصخة كلش  ومن اگلة مايصدگني يدري بيه اكرهها عبالة ادور حجة عليها

-صار عندي فضول اعرف شتحجي

-انجبي نوف ديربالج منها حتى انتي متزوجة وماتعرفين سوالفها

-الله يستر شنسوي حتبقين هيج تسمعج حجي

-بعد مانزل دوم واذا نزلت تعاي وياي حتى من تشوفج تسكت

-زين شمعنى انتي ليش مو وحدة منا

-مرة صار حجي بيني وبين عباس هو عبالة انة اغار من مرتة وضل يحجي علية انة ما استاهلج ومن هذا الحجي بعدني ما مبررتلة واگلة مو عليك شفتها وراي سكتنا وهي غلست عن الموضوع ورة فترة كامت تحجي لان تدري بعباس مايصدگني اذا حجيت عليها..

-سافلة الله ياخذها هسة ماتكولين لو شلون

-ما ادري ماكدر احجي محد يصدك وبس اطلع حجاية علية

بوقتها افتهمت شي سطحي لان تفكيري محدود وما مطلعة على سوالف الكبار تجاهلنة السالفة ورجعنا للبيت شنسوي اكثر.. جاي نمشي ولگينة سيارة عسكرية بالباب نزل منها ولد صديق عباس ابتسم بوجوهنا ضليت مفهية اشوف هدوة ركضت للبيت

ضليت بس اني رحت اركض وراها لكيتها واكفة بالكراج مدت ايدها الي انطيتها ايدي لزمتها قوي عصرتها ودخلنا لكينة عباس بملابسة وجنطتة بالباب يسلم على اهلة فتحت حلكي اجت زوجتة حضنتة كدامنة تبوس بية دفعها بخفة وجهها انكلب ما قابل على تصرفها بقت تضحك ماتحركت الا من جرتني هداوي..

صاح ورانا وكفنة سلمت علية نستني الشوفة الشفتها

عباس:-ها ولج هدوة شو صايرة ماتسلمين

-هدى:الحمدلله على السلامة

حتى ما دارت وجهها صعدت لغرفتي رحت وراها كاعدين وحدة تصفن بوجة الثانية اريد شي يطلعها من جوها باوعت للميز وطفرت طلعت علب المكياج وكعدت بالكاع جريتها بصفي..

هدى:-راح تخلين مكياج

-لا انتي

-شبيج تسودنتي

-شبيج ضوجة شوية وامسحية حبابة حبابة

-خوش بس كون تعرفين

-اكيد اعرف اصلن اني خبيرة امي رادت تفتحلي صالون بس جنت صغيرة كتلها من اكبر

-بس لاتحمين الجو زين على كيفج..

-يلا حسكت احوووي

ترست وجهها بودر كلشي ماعرف بالمكياج بس اجرب الحياة تجارب رسمت حواجبها وخففت البودر وشوية منا وشوية منا طلعت توب..

-كوون ابوس نفسي فدوة لله شلون اعرف ابوس اصابعي الطلعت هالجمال كلة

-ايععع لعبان روح اطيني شي امسحة

-لا شبيج حلو مو حرامات تعبت بية

-جني مهرج ياحلو

كامت على المراية مسحتة بقت بس الكحلة والمسكارة ماتوكع اندك الباب وراسا صحت

-تفضلللللللل

رجع اندك وراحت هدوة تفتحة وتحجي:-ثول حتى ثول ترة ماسادينة شني ماتعرفن تسون ها اهاء

-لا ماعرف

بلعت ريك من شفتة بالباب لبست شالي وكمت رجعت ليورة ضل واكف بالباب مايكدر يدخل

نوف:-تفضل ادخل

عباس:-لا ماكدر بس هدوة اريد احجي وياج

هدى:-احجية هنا كول

-بيج شي شمالج عيونج حمر وكلش متغيرة كولي صاير شي وياج

هدى:-لا سلامتك بس جفوني شركم

عباس:-احجي عدل شتقصدين

-انتتتتت ومررتك الجايفة ابتعدوو عني مفهووم

ركع الباب بوجوهنا وراح بس عيوني ترمش اشوفها شتسوي عبالي تبجي راحت شغلت البلازما وطلعت قناة اغاني اسمها الشباب..

-اكلج ترة الاغاني حرام

-مو حرام شبيها يعني واحد مايسمع

-لهو يقسي القلب ويبعدج عن الله عليج الله غيري القناة حياوي  يزعل علية بس اسمع جان مايقبل دووم

تذكرتة وصرت ابجي وتسكت بية..

هدى:-ههههه والله دنيا مساع سكتيني هسة انة اسكتج

-بعد مانبجي حتى البجي هم حرام

-والله خوش شغلج كلة بالحرام والحلال صار

-لعد شعبالج كلشي اعرف

اجت زهراء وكعدت بنصنا كعدنا على مسلسل الارض الطيبة مرت الايام لازگة بهدوة ماخليها تخطي خطوة وحدها يلا رجعت احسن..

***

سرى:-فسرلي كلامك شنو انت شعواط شتقصد

-امممم انتي اعرفيها يحلوة

-اوووف ماريد افسر شي يخصك بس لا كل يوم وكايلي مرحبا وياج ن..

-حضري روحج بنص ساعه اروح وارجع

-مابية حيل اتحرك وروحة وياك ما اروح

-مو بكيفج تروحين شأتي ام ابيتي ولا تنسين اخذي، ملابس الج

زفرت بملل ورحت اشوف وين ملابسي صفن بياغرفة رحت لثالث غرفة يلة لكيتهن خليتهن بجنطة وكعدت على السرير احاول استوعب الصار، شلون حياتي دا تمشي بيا عنف بيا وحشية استمر
دموعي نزلن مسحتهن خلص البجي مايحل شي لازم اقوي من نفسي واشوف شلون اطلع نفسي من هذا الوحش قبل لا اموت على ايدة وهو شارب..

بداخلي الم وصريخ مضهري يعبر جزء منة مريت للمراية قبل لا اطلع اشوف شكلي شهكت بصوت معقولة هاي سراوي وجهي جان يضوي هسة باهت يكول مومياء عيوني داخلة بحفرة حقي اذا اكل كوة اكلي لكمة باليوم نفسي ماتطيق شي منة..

طلعت من صاح باسمي بصوت عالي ماعرف المجهول شنو وين راح ياخذني ليا جماعة كعدت على الدرج والجنطة وكعت من ايدي بجيت بگلب محروك طاقتي صفر ميلت راسي من خلة ايدة علية

-الله لا يوفقك وخر مني

-شبيج اجيبلج دكتوره

-ما اريد بس عوفني اصير بخير

-ماعوفج مو بيدي

-ليش روح جيب بنات تونس بيهن وبرضاتهن شكو راجعلي نفسي تلعب منك

-خطية يموتن مسكينات صح بالبداية فرحانات بس نهايتهن يبجن احسج راح تصيرين العكس بدايتج تبجين ونهايتج تفرحين

-ان شاءلله بعد ما ادوس على جثتك برجلي

-لا تتأملين زايد يلا انزلي لو انزلج

كمت كالبة عيوني نزلت باية ورفعني بحضنة غمضت عيوني بقوة مخلية ايدي على حلگي اقرف منة ومن عطرة شوكت اخلص من هاي الحياة..

نزلني وراح يسحل بجنطتي:-يا سلام تحجبين مشاعرج عني

هزيت ايدي وطلعت وراة اجت الشمس بوجهي غمضت عيوني نزلت من اول البايات عفتة يشغل بالسيارة ورحت ادور بعيوني صحراء ليش ماكو بيوت وين احنة كاعدين مو بغداد متاكدة بغداد بس المكان يوحي غير شي مساحة جبيرة كلش بيها بس هالبيت..

نزيت من جرني من ايدي وصعدني بالصدر مشت السيارة واجن سيارات سود وحدة وره الخ يأشرلهن بيدة فاتح الجامة..

-احنا وين عايشين معقولة المجرمين امثالكم تصول وتجول

-العراق وما ادراك ما العراق

-تبرة منكم بدال ما تدافعون عنة تدمرون بية وبشبابة

-اسسس ماريد كلام زايدد

-هه حقك ماتحب تسمع الحقيقة

مشت السيارة بطرقات فارغة بية وماكدر اركز بالطريق كانة قرا افكاري..

-لا تحاولين تشردين ترة تموتين بساعتج

-شعندي وياك عوفني بحال سبيلي دمرتني ومستقبلي راح بعد اكو وقت عوفني امشي

-اخوج باعج اني مالي دخل وروحة ماكو كتلج واحد منا يموت يلة

-انت تعرفني

-لا

-اني طالبة هندسة مرحلة اخيرة بس هاي السنة واتخرج خليني الحگ على الفات

-ههههههههههه انتي وين عايشة تشرطين افتهمي اني منو وحددي حياتج المتبقية على هذا الشي

-الله ياخذني المن باقية بحق لا الة الا الله اموت واخلص من شوفة الناس الماتسوى..

السيارة صارت تمشي سريع كلش حسيت راح نطير جفلت من سمعت صوت رمي كلبي وكف طلع مسدسة و فتح الجامة يرمي طلق سديت اذاناتي ارجف خوف صحت بخوف صارو يرمون بالجهة الاني بيها صاح بية بصوت عالي..

-دنكيييي راسجج

بنفس الحضة اجت طلقة بيدي اطرافي ثلجت ماحسيت، السيارة طارت بكل الحالتين ميتة لزمت ايدي الدم اخذني رصيت سنوني بقوة متوجعة بهاي اللحضة تمنيت تنكلب السيارة واموت بنفس الطريقه المات بيها حبيبي صح حرام بس ماهتميت تمنيت الموت...

مر وقت طويل تمشي السيارة شاردة بعالمي الخاص المالفتة بمخيلتي نسيت الوجع ونسيت ايدي ونسيت وجودة وشكاعد يحجي وياي فزيت من حسيت ايد باردة تلاعب خدي..

فتحت عيوني اباوع على نفسي ايدي ملفوفة بابيض  كاعدة بغرفة من خشب سترك ياربي وين اني كاعد مثني ركبتة ابتعدت منة راسي يوجعني..

دلهار:-الحمدلله على السلامة

-ريت الله لا يسلمك

-مشكور ابني الحباب غيري ملابسج بس لاتحركين ايدج

ملابسي كلهن دم وسبيرتو كشت نفسي وكمت كوة على رجلية منملات لزمت راسي بوجع راسا سندني عبالة دخت ابتعدت عنة ورحت اشوفلي ملابس ادور بالغرفة مابيها حتى فراش سحبني من ايدي السليمة للصالة هم كذالك فارغة صعدبية للطابق الثاني جان مفروش كامل دخلني لوحدة من الغرف وقفل الباب وراة..

اسمع اصوات اشخاص موجودين شوية ورجع بيدة جنطتي دفعها وقفل الباب خلة المفتاح بجيبة

-اكو ناس هنا من ذولة

-ميخصج عليج بنفسج

-وين جايبني وووين ماتحجي ليش ساااكت

عصر فكي بقوى احس رجلية انرفعن من الكاع راص على سنونة بقوة..

-كلشي موجود ميخصج الج حق بشي لاتسألين على اي شي

-مو بكيفك ما اسئل جايبني لنص النار وتشمرني بيها ولازم اسكتلك

-اسبحي

سحبني بقوى شمرني بالحمام روحي شاغت ايدي موتتني شمر ملابس على التعلاگة وتقرب علية دفعتة وصحت بية ما اهتم ثبتني ونزع ملابسي نفسي ضاع شكد توسلت بية يلا عافني وكف بالباب رافعة اصبعة كوة يتنفس فحطتة الحقير..

-مو تبلليها

-بس اطلع عسى ما احرگها بتيزاب ميخصك

-يخصني غصبا على راسج

سبحت وردت البس شعلت صفحة الخلفوة النايمين بالخارج على البس المخليلياه قميص تعلاگة صيفي وياة شورت لبستهن وكعدت منطية ضهري على الباب اشوف شلون اطلع دقايق ودك الباب مجاوبتة دفعة ردت اوكع كمت خازرتة..

-اطلب من رب العالمين يشوفني بيك يوم لو شيصير بيك كدامي مايبرد كلبي نذل مو بيدك

ضربني راجدي خدي اشتعل نار سحبني بقوة نبت اصابعة بخدودي كوة عافني..

-كتلج لا تحجين لاتخليني اجرم بيج اجرام

-ان شاءلله جرمو بيك وما ارتاحو

عيني طفت اجة الراجدي عليها صرت ما اشوف شي الدنيا افترت بية فرران كعدت بالكاع ماشفتة بعد مرت ساعات عيني حتى ماكدرت افتحة بعد كمت للمراية فتحتها بيدي صايرة دم ارتعبت من منظرها وكعدت ابجي وارجف جسمي كلة يوجعني اتحسب علية ماكو غيرها اريد الله ينتقم منة..

مرت ساعات ماكدرت اتحرك خطوة وحدة رفعت راسي فاتحة بس عين بيدة علاكة شمرها وكعد بصفي غمضت عيني وغلست عن وجودة ريحة الاكل اجت بخشمي يندس بية صوتة ثكيل حسيتة شارب

-اكلي خلصيني

تعودت على الوضع ماتفيد كلمة ماريد اكلت غصبن عني حسيت معدتي كلبت طفرت للحمام فرغت كل الاكلتة طلعت صار بوجهي جرني من ايدي للسرير تكسرن عضامي صار فوكي ثاني رجلة يضغط على بطني طاك عيونة بوجهي..

-بطنج لازم فارغة ماكو طفل

الساني يرجف:-واذا حامل

-ماكو طفل كتلج

-واني شعلية منو كلك تتقربلي

-اتقربلج غصبا عليج بس طفل مايصير مستحيل

ابتعد مني وكام نهضت روحي حتى ماعرف شنو ممكن احجي معقولة حامل شفتي رجفت خوف..

-اذا طلعت حامل مستحيل اخليك تسوي شي ابني هذا

التفت خازرني بحدة خفت من نظرتة ومن كلامة اكثر

-يصير خير بس يثبت الحمل

-ش.. شنو تسوي غير هو ابنك يعني منين اجة

ماحجة شي طلع ولثاني يوم الصبح حسيت بية يحضن.  بية استغفرت ربي مجلب بية احاول ابعد نفسي منة ماكدر سكتت من صاح بية..

-لا تحوصين

-اريد اكوم كافي هواي نمت

-اممم بعد ماخذ الاريدة

ساعة ادعي على روحي وساعة ادعي علية تدمرت بكل معنى الكلمة ماكو مكان بجسمي سليم اسبوع كامل ماكدر احرك راسي كعدني يحجي باستعجال
كمت كوة عني.. محضر الجنطة وشمر علية صاية لبستها فوك ملابسي وطلعت ما سالتة وين حرامات اسئلة...

طريق طويل جسمي يوجعني بس دموعي تنزل ماحجة وياي شي يعرف بنفسة حيوان رجعنة للبيت القديم نزلت من السيارة صار بوجهي فتحت عيوني اركز بتفاصيلة..

وجهة كلة كدمات وعينة مطفية من الاساس لافها بابيض ايدة مكسورة وحالتة حالة زين مني وميزتة ماحجة وياي تفلت بوجهة وسحبني للبيت سدة وراه
وراح ايام يختفي ومن يرجع يخليني جثة وكل شوية يخوفني اطلع حامل الخوف امتلكني شنو يسوي اذا عرف بية حامل..

***

سجى"

كاعدة وحدي اعاين للبنات ياخذن صور ويسون مقاطع وحدة تاخذ للثانية والبس والمكياج جا انة شمالي جني مجداية اغسل وجهي واطلع مالي واهس خاصة من رغد بطلت دموعي طفرن مسحتهن وطلعت موبايلي دخلت للسناب ادور على فتر حلو اخذيت جم صورة وكتبت عليهن التاريخ رفعت راسي عبالي ريم..

هيثم:-بيج شي

-سلامتك تكدر تبتعد

-بس اريد احجي

-مالي خلگ شوف غيري سنونة تضحك

-مو طولتيها هواي

-لا ابد انطيت كلمتي الاخيرة وفي امان الله

كمت من مجاني وعفتة وراي وين اروح عدنة شاغر والبشر من يلكة وكت فارغ يطلعن جروحة رحت لقسم رغدة اشوف طالبات قسمها يتناقشن بالمواد كلبي يشتعل نار ليش دمرت مستقبلها كلة من ورة الحية حسن شمرت سمها ومشت اتمنى الگاة حتى اعرف شغلي وياة..

رجعت لقسمي متروسة هم وغم لكيت ريم دور علية

-ها سجى وين جنتي هلكت واني ادور عليج

-عيون سجى هنا جنت

-تعالي نكعد نسولف

-امشينا خية

-تاكلين شي

-ما اشتهي حتى الماي

-لعد ما اكل وحدي اي شكو ماكو احسج حيل متغيرة صايرة هادئة كلش يا سبحان الله لا تضحكين لا تحششين على الناس شنو سالفتج

-اكلج ابريلي الذمة انة اسفة لو بيوم غثيتج لو حجيت عليج بشي فدوة حالليلي واهبيني

-يا شكو شنو راح تموتين واني مادري

-كلشي يصير انة كلش اعتذر على كل كلمة مو زينة بدرت مني

-هسة غير افهم شكو

-ماكو شي بدت المحاضرة

حضرت محاضرة وطلعت كبل مااحجي وي احد اسلوبي وطريقة كلامي راح اغيرهن انة مو عرمة
طلعت للكراج خلفلة على رحمن والمجسب ياخذونة كبل  هسة بالوحدة  ونص وفوك ومحد يجي فات مني شغل سيارتة ورجع لكاني بمجاني..

-اوصلج

-شكرا جزيلا استاذ ارفد

مرت دقايق على وكفتة حتى ما باوعت بشكلة

-ارفد واستاذ وشكرا وجزيلا

سكتت ما جاوبتة طلعت موبايلي ردت اتصل ماكو رصيد انوب هاي ام الشركة فضحتني جدامة تصيح ليس لديك رصيد الكبر الفها سديتة ورجعتة لجنطتي لكيتة على وكفتة..

-سجى بيج شي اكدر اساعدج بفد مشكلة

-شكرا استاذ بارك الله بيك ماتقصر بس ماعندي مشكلة

-عجيببب عجيب انتي سجى لو غيرج عليج الله كولي خاف التوأم مالتها

-لا سجى

-خيرج بابا قلقتيني ترة وضعج مايبشر بخير

-كل خير اعتذر من حضرتك على كل كلمة صدرت مني بحالة تسرع وان شاءلله ماتنعاد

-بوية كولي شبيج لاتسودنيني ترة اضل افكر بيج لو تضلين على هذا وضعج

-اسفة بس ممكن تكلي شبية وضعي

-صايرة محترمة زيادة

مادري ليش هاي الكلمة اثرت بية وصرت ابجي مدري انة صايرة حساسة من رزالت ابوي..

-يلحمزة احضر تصخمنا وتلطمنا ام لسان دلالة تبجي الدنيا راح تنكلب امشي عليج مدري ياهو احجي شصاير

-صح انة ما محترمة

رحت امشي لبداية الكراج واسمعة يحجي وراي

-بس لا على هاي ترة مو قصدي لاتخلينها حجة كولي شبيج

-ما يخصك

اختفى صوتة معناها راح ضليت متانية بالربع ساعه يلة اجة نزار رجعني طول الدرب يحجي على الولد ويغني بصوتة المزنجر ياما يوصلني دوخني.. اكثر شي مزعج بالحياة ماكدر اتخطاة من ترجع من الدوام تعبان وتلكة شي صاير البيت هوسة بطني خبطت اسال منو واخاف اسئل بس قبل لا اسئل اجتني الاجابة بحياتي ماتوقعت الصار شلون سوتها وقررت بدون ماتگلي شفتي يبست كعدت بالكاع رجلية ماشالتني جابتلي امي ماي اخذتة منها ركعتة بالحايط وصرخت  من كل كلبي..

يتبع..

توقعاتكم..

تعالن تعالن ماسويلجن شي 🔪🔪🔪شلون تكولن البارت قصير فضحتني وخزيتني... حقجن تشوفنة قصير اذا انتن تقرنة ركض ركض ولا تعلقن على الفقرات تشوفنة قصير اما لو تجن تقرن على كيف وتعلقن يطول  مو بلة 😎

#اتشاقة مو وحدة تزعل كلشي يصير يجوز اكو حساسات 😂

دمتم بحفظ الله ♥