بين ًسًـــلاسل العادات

البارت24

              بسم الله الرحمن الرحيم

#بين سلاسل العادات
بقلمي: kefeyah 🦋

متابعة للحساب لطفا 🤍
تعليق بين الفقرات +التصويت😘

"""""""""""""'"""""''
اليوم اتذَڪرِت ،
‏ ڪِل حِلوة عِشناها ،
‏وعَلى الشينات مِتغاضِي

""""" "" "" "" "" ""

حضرت نفسي وبلعت ريك غمضت عيوني ادعي من الله تكمل وياي على خير طلعت من البيت امشي بالطريق وافكر هل الشي الراح اسوية صح؟ ياترى راح نرتاح لو يصير العكس؟

خوف جبير مسيطر علية امشي ومترددة شلون لو اهلي عرفو شنو راح تكون ردة فعلهم اووف ميهمني خلص السجن افضل شي الة هم احنة نرتاح وهم العالم يرتاح من هيج نماذج..

ثبتت على رأيي ورحت اشوف اقرب مركز علينة اخذت تكسي لكيتة واكف بالعادة اصعد كية ،، عيني على الطريق كلش متوترة..

-بلا زحمه اخي شكد بعد ونوصل

-الطريق شوية طويل لان تعرفين المنطقة بعيدة عن الولاية

-تمام

گلبي يلعب المشكلة ماندل وين صاير المركز اعتمدت علية بالنص ساعه تمشي السيارة جان طريق عام بس من دخلنة بفروع حسيت الدم وگف بعروگي..

-نزززلنيي وين وين ماخذني.. هذا مو طريق عااام

-اهدي اختي اهدي ازدحامات منا مختصر

-نزلنييييي

مارد ولا كاني احجي وياة شسوي ياربي البوبان مقفولة شلون ماعرف اني الغبية شلون امنت لان شفتة رجال جبير كلت امان دموعي تنزل اعيط ادك بالجام متت خوف دقائق فقط وطبگ گدام بيت جبير بمساحة ارض فارغة مابيها غير هالبيت..

گلبي يدك بجنون عقلي انقفل ماعرف افكر بشي فتح الباب انتفض بمكاني لامة روحي بدية حتى صوتي ماطلع من كثر ما ارجف عاط بية انزل نزلت عيوني تفتر بالمكان التفتت بخوف شفتة حرك السيارة واختفى ركضت وراة وكعت بالكاع على ركبي احس نفسي بفلم مستحيل تكون حقيقة ليش جابني وعافني هنا ..

امشي واتلفت منين اروح منين اطلع شارع طووويل كلش مالة بداية ولا نهاية وكفت بمكاني جامد الدم بجسمي.. صوت خشن ضحكات عالية مرعبة..

-يا هلا يا هلاااا باخت السبع واجيتي والله جابج مابية حيل اروح الج برجلي

التفتت دموعي تنزل بخوف شنو ممكن اسوي طاحت عيني على سلاحة المتحزم بية شاب بطول فارع جسم رياضي شعرة مزينة صفر شكلة مرعب ضاع الهوى من ريتي وكف كبالي وطلع سلاحة يلمع يمسح بية عيني على السلاح صرت مثل التمثال واكفة ماتحركت خطوة حتى عيوني جمدت..

-مرحبا صرتي نصيبي اهلا بيج بمملكتي الخاصة

-ماعرفك اريد امشي لبيتي

رجلية شبيجن تجمدتن خطوة وحدة خطيت الخوف سيطر علية بلعت ريگ اتنفس بقوة راح اموت..

-لاتعبين روحج وراج تعب تعالي لبيتج ارتاحي

درت وجهي عاكدة حواجبي حجيت متسألة احاول اسيطر على خوفي واجذب عقلي..

-عفوا اخي بيك شي ترة ماعرفك ولا تعرفني بلا كلام زايد يابيت

ماعرف شلون حجيت هالكلام تقدم بخطوات رجعت ليورة يحجي مركز بعيوني نظراتة شرانية مابيها ذرة رحمة او خير..

-كتلج لاتعبيني روحي لبيتج

-يا.. يا بيتي اي اي رايحة هسة هسة

رحت امشي ليكدام كلني ارجف عبالي يقصد بيتي بس طلع شي اكبر من كلامة سحبني من ايدي شهكت فتحت عيوني على وسعهن.. يسحل بية باتجاة البيت اضرب اعيط ابجي حرت شنو اسوي بهيج حالة صوتي اختفة فتح الباب ابيض صغير شمرني بالصالة.. گلبي يضرب بقوة نفسي كوة اسحبة اول مرة بحياتي اخاف على نفسي.. رفعت عيوني واكف بالباب يفر بعيونة بارجاع البيت.. حجة كلام خلاني اجفل..

-سادس وحدة تدخل بهذا البيت ياهل ترى راح تطلعين جثة كالمعتاد مثل الدخلن ام بيج روح..

-ش.. شتريد والله ماعرفك ال... من جاايني هنا فدوة عوفني اروح

-تؤ تؤ تؤ

-عليك القران لاتسويلي شي.. اكو اكو بنات هواي شغلهن هذا مو اني عوفني امشي ..

ضحك وسد الباب وراة كمت على طولي ادك بكل قوتي واعيط عسى ولعل واحد يسمع مر وقت طويل حيلي باد وكعت بالكاع كوة اسحب النفس لزمت راسي بدية شنو راح يصير شجابني شوصلني لهلمكان منين اعرفة لو يعرفني اصلا ابو التكسي شكو جابني هنا وراح دخيلك يا الهي كون وياي الخوف ديقتنلي..

ماكو صوت غير نفسي العالي كمت افتر بالبيت صالة جبيرة كلش مزينة باغلى واجمل الاثاث درج بوسطها مزخرف بلون ذهبي يصعد ليفوك غرفة موجوده ايضا شي فاخر وغريب بنفس الوقت شنو اسوي بهلمكان ومنو صاحبة؟

رحت اركض للباب وادك من سمعت صوت سيارات طبگن استنجد واطلب منهم يطلعوني من هالمكان انفتح الباب رجعت ليورة اتنفس بقوة.. ابتسم بوجهي وسحبني من ايدي للخارج سيارات مالية المكان نترت ايدي منة بقوة وصحت بوجهة..

-شبيك ليييش حاااابسني هناااا اعرررفك شيييي خللليني امشيي بحاااال سبيلي..

فتحت عيوني على وسعهن من شفت عادل رحتلة اركض حضنتة من خوفي ودموعي تنزل مسحت عيوني ورفعت راسي..

-ماعرف والله العظيم ماعرف المكان اول مرة اجي هنا حتى حتى هذا ماعرفة

باوع اله وضحك مسح على خدي:-راح تعرفينة اختي حبيبتي.

شخطت عيوني مستحيل هذا يكون اخوي..

-عادل رجعني للبيت وراي دوام ومحاضرات يلا بسرعة

لزم وجهي بين ادية عيوني بعيوني وبكل جسارة كال

عادل:-راح تتزوجينة بدال حبيبة گلبج نهاوي مو ردتي تساعدينها هاج ساعديها واتزوجي

-شنو شبيك عادل يازواج

-اتزوجي بدال نهى ماطولج اجيتي برجلج

-شنو.... لا لا بيك شي

عقلي وگف شنو اتزوج مستحيل شكاعد يخربط هذا اخذت وعدت على نفسي مايلمسني رجال لمن اموت تسهترت لازمة راسي وادور احس الدنيا تفتر بية..

-ههههههه عادل كافي كافي ادري مو وقتها رجعني يلا مابية حيل

سحبني الولد من ايدي صرخت بوجها اسحب ايدي منة عيوني يريدن يطلعن من محجرهن اباوع لعادل يدخن ويتصل بشخص كل الكاعد يصير حلم انتظر يخلص بس قبل لايخلص تسجلت باسم شخص حسيت نفسي سلعة اي صرت باسم شخص ماعرف شلون نطقتها صار علية ضغط اختي اختي اختي ذني الكلمات يدورن براسي نهى صغيرة مو مال عصابة وتجار..

اضرب على راسي بقوة ودموعي تنزل مستحيل الصار قبل شوية واقع كلمة وحدة غيرت كلشي شلون نطقتها من انگطع الساني كون..

غريبة عجيبة هالدنيا اخوي باعني لشخص مثلة ماعرف شنو من امراض عندة ماعرف شنو خطورتة شنو مضموملي بعد.. محبوسة داخل البيت اليوم الثالث الي على التوالي كاعدة وصافنة بالفارغ ماكو افكار
بعقلي غير صورة حياوي وضحكتة..

حسيت مي ينرش على وجهي ماكدرت اسوي شي جسمي نحلان ماماكلة شي رغم الثلاجة متروسة اول وتالي اموت شكو اكل غمضت عيوني اسمع صوتة ازعج اذني ..

-كومي يحلوة تاخرت عليج نسيتج بالبيت

ماتحركت ولا نطقت تمثال وكاعدة سحبني بقوة يمشي بية او بالاحرى سحلني كعدني على الطاولة حتى عيوني سادتهن ماريد اشوف احد شهكت من حسيت ايدة على رگبتي فتحت عيوني نار مجمرات

حجيت بصوت يرجف:-عوفني عليك الله

كعد مقابيلي واشر باصبعة على الاكل الموحود على الطاولة :-تاكلين اعوفج ماتاكلين اني هم ما اكل واتغدة بيج

-شنو لا لا تسويلي شي كلشي اسويلك بس عوفني

عيوني مغوشات اشوفة ياكل بشهية خلة اصابعة كدامي يعد:-اذا حسبت للخمسة وما مديتي ايدج اسحلج للغرفة وانتي جبيرة وتعرفين شيسون بالغرفة..

الدم يغلي بجسمي لو اقتل عادل ما ارتاح ولا يبرد گلبي ماشايفة بنذالتة وين وصلني وياة اكل غصب عن نفسي روحي ماترغب اكل بس مجبورة ركضت برة لعبت نفسي ماكدر اضغط على روحي بهلطريقة

كعدت على التخم بالصالة دموعي تنزل بدون صوت
دقايق مرت شفتة كدامي خلة رجل فوك رجل وايدية شامرهن على القنفة يباوعلي بحقارة..

-عرفنة احب اتعرف على مرتي

-مو مرتك ولا حصير لاحد غير حياوي عوفني مافيدك كلبي ورحي مافارغة ماليها شخص منتظرة يجي يوم وننجمع..

ضحك بصوت وقدم وجهة ليكدام يحجي برود..

-مايهمني انتي زوجتي بالشرع

-هه شرع ياشرع اليقبل بالاجبار مراح احجي هواي بس تلمسني اقتل نفسي

-بالعادة شغلتي هاي اني اقتلهن بس هالمرة اجة من الياخذ دوري ويخلصني من هالمهمة

فتحت عيوني بخوف دب الرعب بداخلي مانطقت غير كلمة:-مجرررم

كام من مكانة يضحك بصوت طلع تليفونة ودار وجهة علية..

-لا سيد

نسخة عادل ضحكتة الشر البعيونة خلاني ماعرف اسوي شي طلع اليوم كله مارجع وحدي بالبيت من اكعد اقفل الغرفة على نفسي عيوني تتفحصها جميلة بشكل من مال حرام وينك حبيبي اليل والنهار تشتغل حتى تدبرلنة بيت عفت اختك وحدها في سبيل توفرلنة عيشة محترمة بالحلال اخ يالزمن شكد غدار ذيج شكول وهاي شكول الموت ارحملي خلاف عيونة..

مر على وجودي اسبوع كامل البيت بس اني بية عشت برعب على ساعة يدخلون جماعة اباوع من فوك بالشباك شاحنات تترس الساحة ماعرف شنو يسون بالضبط بس اكيد متاجرة بالممنوعات وغيرهن
يروحن مجموعه تجي مجموعة تمنيت تيليفوني موجود حتى ابلغ عليهم بس الملعون بساعتها اخذة الله يتنقم منهم..

باوعلي من فوك بقيت بمكاني اشوفهم شنو يسون اختفة من وجهي ودقايق انجريت من ورة شهكت بخوف عيونة طاگهن بوجهي.. دفعني على السرير

-حضج اطيحة لو شفتج هنا واكفة

راح يسد الجامة ورد البردات نهضت روحي ماشوفة الا فوكي كطعت نفسي من الخوف انسان قذر مايستاهل يشوف شكلي مو يلمسني دفعتة بكل قوة بس ماجان يفيد لو ما الاتصال فاتح السبيكر اجة صوت ولد يكلة..

-دلهار بسرررعة نريدك..

***

نوف"

واكفة كدام المرآية اتمايز نفسي صدرية نيلية قميص ابيض شال مشمور على شعري وكذلتي طالعة ابتسمت بحزن احاول ماادخل مناقشة بين عقلي.. ايدي ترجف ارش بالعطور بعشوائية اخذت المرطب الجسم خليت لاديناتي وخليت مرطب شفاة رتبت جنطتي وغراضي كعدت على السرير..

عيوني تتجول بانحاء الغرفة صارلي شكد ماداخلتلها وكاعدة بيها مجرد اخذ ملابسي واطلع بغرفة زهراء اخاف يجيني حزن من اكعد بيها اتذكر شهگاتة من يرجف ويكول كتلوها هنا الذكريات ماتعوفني اذا بقيت وحدي.. لبست حذائي الرياضي ولبست جنطتي صفح طلعت انتظرهن بالصالة باوعت لساعتي وصحت بيهن..

-يلا حنتأخر من اول يوووم

هدى:-اجينة حسج يلعلع

نوف:-شفتيني طلي گدامج امعمع صدك متستحين

زهراء:-خيبة بس لازعلتي مو كصدها شمالج

نوف:-لا قصدددهااا

نزلت ضايجة انافخ لزمت ايدي نترتها رافعة حاجبي

-عگروگة ام العگاريگ اني مو طلي

هدى:-ولج يلعلع يعني عالي مو طلي

نوف:-اممم ديلا وبعدين وي ذني المصطلحات

شروق:-تتعلمين شوية شوية

نزلنا مجموعة سلمنا على الموجودين وكعدنا ننتظر الريوك يكمل اباوع لوسن تحضر بية..

هدى:-يلا راح نتأخر شمالج استعجلي

دارت وجهها رافعة حاجبها ورجعت تحضر بالصينية

وسن:-التريد تكوم تسوي هذا لرجلي الريوك

زهراء:-وشني يعني سوينا وياج نمونة

وسن:-بدال السانج هذا جان سويتي

احنا المجموعه كلها ماتعرف تطبخ لو تقرب للطباخ عدا شروق الاكل يجينا جاهز محد يكلنا اشتغلن مادام رضية وعايشة موجودات  وهذا الشي الوحيد العاجبني طفرت شروق تسوي بيض طگ..

زهراء:-انمونة طار نصج هسة خليتي البت تنترس يريحة فرگاعة

وسن::يمة من السانج شطولة من تكبرين شتسوين

سكتنا عنها ابد مانختلط بيها من اجت وليجاي اسلوبها كلة نتر بس وي عباس غير مبينة شوفوني حتى لااحد بحجي عليهم بس وحدهم  صوتهم يجينا واحنا كاعدين، دخل للمطبخ جانت اجازتة صبح علينة وكعد خلت الريوك كدامة باوعلنة

عباس:-تعالن تريگن

زهراء:: تريك انت ومرتك مانريد شريقة سوت النة

عباس:-شو تنترين بوجهي

وسن:-اي لسانها شطوله عبالي بس وياي طلعت وي الكل

هدى:-عساة سم مو ريوك كووومن نمشي

طلعنا كلنا بدون ريوك شروق تصيح ورانا كنالها ننتظرج برا بين ماتاكلين،، رجعنا من صاح بينة نرجع نتريگ كعدنا كوة ناكل..

عباس:-اطلعن بدون ريوك وشوفن شسوي

هدى:-من نفسيتنا محد يسدها عود نتريك.

گرصتها وبقينا ناكل كوة دخل رحمن شاف شروق صفن عليها يكصها بعيونة يمكن اخر مرة شافها بالعرس  ماتخلية يشوفها ابد من هو موجود ماتنزل كعد يمنة ياكل..

رحمن:-اول مرة احب الريوك عاشت ايدج نبض..

سكت يباوع بوجوهنا واحنة هم انوب عباس موجود
كامت شروق بسرعة وطلعنة وراها لحگونا ثنينهم..

عباس:-عدجن مصرف

هدى:-اي عدنا مشكور

عباس:-هاج هذا عوفية تحتاجينة

هدى:: شكرا مانريد

طلعت قبلنة انطة مصرف لزهراء كاللها قسمية بينجن راد رحمن يوصلنة بسيارتة بس دگتها شروق اله تمشي صارت هي وياة مناتر شوية وتصير عركة يوم المبارك صار علينة..

زهراء:: شبيج هدوة مو هيج كالوها ترة كلها تحجي عليج

هدى:-شعلية بيهم الحجو والماحجو

زهراء:-والله انتي ثولة يعني ماكو هيج راح تطلعين سمعة على روحج من ورة اسلوبج وين جنتي مو من جنا صغار ينطينة مصرف مال اسبوع واسبوعين هسة بسرعة من تزوج كبيتي علية وصرتي ماتاخذين منة..

راحت تمشي كدامنا لاحضنة الاختلاف الصار بشخصيتها من يوم التزوج حابسة روحها بالغرفة  متحجي وياة ولاتقرب لزوجتة دائما تفشلة مقابل اهتمامة الزايد بيها...

وصلنا المدرسة وبلشنة دوام مدرسة جديدة لازم صديقات جديدات دلني على صفي وراحن رحت كعدت بالرحلة الاخيرة خليت راسي ودموعي نزلت متذكرة ايامي ومشاكلي بسبب مكاني.. الطالبات كلش لطيفات وحاولن يختلطن بية لان جديدة..

خلصنا دوام ورجعنة للبيت بمثل هالوقت كاعد يتغدون ولازم التقي بيهم دخلت ورة البنات بدون حتى ما اسلم..بدلت وبقينة منتظرين الاكل يصعدونة النة اجت عايشة خلتة كدامنة وكعدت ويانة شكد احبها عكس زوجها قمة في الطافة..

عائشة:: ها شكر شلونها المدرسة والدراسة وياج

رفعت عيوني متفاجاة:-شكرر!!  حاجية وياة

-لا

-اوووف اكررهة گليلة عليج القران اذا حجيتي وياة وصليلة كلامي اريد الطلاق وخل يكمل طريقة البدا بية بدوني

-ماتعرفين ضروفة ولا الشي اليصير وياة لاتحكمين وتتصرفين بكيفج وحتى لو طلگج عبالج يسكتولج لو يخلونج تكملين مدرسة ترة انتي متجاهلة الشي الزين

-هه شنو الزين بحياتي وياة

-سودة علية هو اصر تكملين دراسة وهل تشوفين محد حجة من عمامج وثاني شي لو طلگج راح يزوجونج واحد مطلگ لو ارمل وهيج تبدي حياتج

-مو بكيفهم

-لاتجيبين سيرة الطلاگ ضلي بذمتة وادرسي وسوي التريدينة بين ماتفرج

-ماريد اريد اطلگ

-تريدين تزوجين

-لا مستحيل افكر بالزواج لو اكون علاقة

-جا ضلي واسمعي حجايتي بس تتطلگين يشدون وياج ويشمرونج لاي واحد علبو مطلگة وماتكعد راحة

سكتت افكر بكلامها جان جدا منطقي فعلا لو تطلگت مراح يسكون عني مادام ماموجود خليني ادرس ومن اتخرج ابدي حياتي وبكل قوة..

كعدت اقرا مامفتهمة شي من الرياضيات والانگليزي اخذت كتابي ونزلت جوة لكيت جاسب كاعد يدخن
اشرلي بيدة اروحلة..

-ها تفضل

-اكعدي اقريج

-ليش انت تعررف!!

-جا شعبالج آمي

-ماعرف والله بس يامرحلة واصل

-كملت السادس وكعدت

كعدت مقابيلة وخليت الكتاب كدامة:-ليش ماتكمل حرامات

-معدلي ماعاجبني هاي السنة نقدم انة ورحمن كلية عسكرية

-حلو بالتوفيق

-اشكرج

شرحلي الموضوع باقل من ربع ساعة شرحة كلش ممتاز اخذت كتابي وتشكرت منة..

-اكول رغد تقرا لا

-ها اي تقرا

-هم تراسل لو تكض الموبايل هواي

-اي

-خوش خوش انة الها

ماافتهمت شنو قصدة بالضبط جوابي على نيتي بقة عندي بس الانگليزي رحت لسجى تشرحلة.. جانت الوجوة مگلوبة وكل وحدة بصفحة شرحتلي سجى بذمة وضمير فهمتني الموضوع وانطتني امثلة احلة

سجى:-اهم شي دراستج محد يفيدج وكولي ماكالت باجر تتندمين على التمسلت هذا

رغد:-سمعت يلا لاتضلين تشمرين بالحجي

سجى:-اه.. على المؤمن نصح اخية المؤمن بس اذا اخية طايح حضة شنسوي النار مصيرة ونعم المصير

رغد:: استغفر الله استغفر الله راسي صدع من ذولاك الناس شكد يلحون

سجى:-لاتلعب بالنار تحرء اصابيعك والي اشتراك اليوم يرجع وبيبيعك احححوووي

رغد:-وسم النام بگلب... عدوينج

سجى:-والله لو حاجية علية جا گمتلج ام الگمل

رغد:-امداج الرعنة

طلعت واني صافنة عليهن:-متعاركات؟

سجى:: لا بس هاي عوبة ماتسمع كلامي

-ان شاءلله خير

سجى:-ما اضن يجي الخير...

رغد:-اخذت موبايلي بيدي بلكي يراسل يدز شي روحي تعلكت بية صار جزء من  روتيني، اقرا شوية واعاين للموبايل شوية دز مسج طرت من الفرحة لا ارادي انرسمت ابتسامة على وجهي ضليت
اراسل ومندمجة وياة سالفة تجر سالفة سمعت صوت المجسب رأسا سديت الموبايل يباوعلي مقلص عيونة درت وجهي حتى لا ابين متوترة..

-تعاي وراي

رغد:: شعندك كول

-بلا لغوة زايدة تمشين لا اسحلج

مشيت وراة اسب بية ماكدر احجي وياة اخاف منة شمرت موبايلي على الميز ودخلت لحجرتة..منطيني ضهرة شابك ادية ورة ضهرة..

-شتريد كول فضني وراي دراسة

-دراسة امممم

-اي دراسة

تقدم علية صاير نااار عصر فكي بيدة كسر سنوني افتح بيدة وادوس على رجلة جفلت من كال مهددني..

-لو سمعت و لو شفتج عدج سالفة منا منا حض حضج اطيحة احير شسوي بيج من هسة اكلج احترمي روحج وصيري ادمية كوة على روحي خليتج تكملين لين ادري بيج من ياطينة..

-شقصدك شفت عني وساكت

-جا تضلين هنا لو شايف شي عنج ادري بيج سالفتج مو خالية بس هيج الزملي لزمة عليج الا احبسج بين اربع حيطان..

عافني وطلع شابة النار بية خلص لازم انهي كلشي افضل حل احجي وي حسن يشوفنا حل لا الزم واروح بيها بين الرجلين موتي يصير بيد المجسب يمة شورطني وحبيت بس حسن يستاهل ان شاءلله يكون عد كلمتة ويتقدملي...

انتضرت اليوم يخلص فارغ الصبر كاعدة من الصبح لابسة ومتجهزة منتظرة سجيوة تخلص..

سجى:-اليوم صاير شي

-لا ليش

-كاعدة كبلي ومحضرة روحج مامصدكة

-صدكي يابة بس اليوم

-اي لازم اكو موضوع مهم

-لاماكو

طلعت كبلها وصلنة فارس بطريقة عفت سجيوة ماحجي وياها الف فكرة براسي كل شوية اتخيل شي البارحة الليل كلة مانمت من الخوف وصلت للقسم دزيتله مسج  ورحت للحديقة انتظرة بعد فترة اجة مبتسم..

-شنهل النور الساطع شنهل الكمر الطالع شلونك عيني  شلونك شمخلي عليونك..

-حسن مو وكتك خلينة نحجي صدك

-صدك تحسسيني جنت احجي جذب وياج

-عوفك من هذا الحجي ابن عمي شاك. بية واذا عرف والله يموتني بدون مايرفلة جفن خلصني من هاي السالفة

-شسوي

-مارادلها تفكير ودي امك تخطبني بدون لاتصير مشاكل لو ولد عمي يدرون

-الله كريم بعد وكت

-لا ماكو وكت بيتكم وكملتو شني عذرك بعد هسة ماكتلك نتزوج عاد بس خطبة جدام العالم احسن مانحجي بالختلات اذا عاجبك الوضع انة ماعاجبني

-بعدين نشوف شنسوي

-شسوي تحجي صدك!! جا صارلي شكد شحجي

-صار شبيج اليوم احاجي امي وما يصير خاطرج الا طيب

انرسمت ابتسامة على وجهي مي بارد ونزل على گلبي واخيرا يصير بينة رابط حقيقي، رحت احضر محاضرتي وبلغتة بعد ماحجي وياة الا ان يصير رسمي بينة لان الصراحة خفت على نفسي لا يلزمني بيدة..

كملت من وكت ورحت للبازار اشتري عطور واتصاميم يدوية بين ماتكمل سجيوة..

***

-اضبطي اعصابج

-سجى:ماكدر راااح انفجر بوجهة واسويها بالنعل

-ريم:قصدج بالقنادر منين نجيب النعل

-والله عليج سوالف

-كومي احجي وياة شوفية شيريد

-لو يموت اذا اكوم ارفسة ببطنة

-شبيج ثور انتي وترفسينة ببطنة ولج احجي عدل

-كليلة يولي لا اتوزر(اتحزم اقرب معنى) بعباتي
واكوملة اشعل شيب الخلفة

-كلامج مو منطقي ياعيني بس شوفي الولد شيريد يحجي وخلصت

-شوفي احنة اهلنا مربينة مانخالط ولد ولا نحجي وياهم على اي اساس احجي بموضوع انة اعرفة

اجة تقدم يريد يحجي وياي نفخت بملل وسحلت هاي العوبة حتى لا يبين الموضوع خاص ولو هو الكل يعرف من وراة ابو راس المصلبخ.. زفرت بوجهة وجتفتت ادية طالعة روحي..

-احجي بسرعة شتريد فضني وكون مختصر لا تجيبها منا ومنا

هيثم:-هههه ادللي

-لاتكلي ادللي ثاني مرة

-تمام بس اعصابج احم شوفي من الاخير اني معجب بيج من المرحلة الاولى بس خليني اكمل للاخير لاتقاطعيني..

-تفضل

-لبسج محترم كلش اسلوبج عدم اختلاطج وي الشباب ثبتي بفترة قصيرة انج من عائلة محترمة وللامانة حجيت وي اهلي عليج وكلش فرحو لانج من بيئتنا ونفس ثوبنة كل ما اريدة منج تكليلي اي حتى اجي اخطبج الله شاهد علية اليوم كبل باجر ماريد منج لانسولف ولا هاي السوالف كولي اي حتى اتقدم..

ريم:-والله كفو منك

سجى:-انجبي على شني كفوو

هيثم:-ماحب اتضاهر كدامج بس من حقج تعرفين احنا ناس عدنة خير من الله وابوي شيخ ان شاءلله يناسب اهلج وشتريدين اني حاضر .. هسة شدكولين ست..

سجى:-انة زواج هسة ماريد

هيثم:-براحتج حتى لو بس عقد هسة ويضلن سنتين بسرعة يخلصن فكري ورجعيلي خبر حتى لو بيد ريم..

ريم:-بالخدمة

هيثم:-خادمة ربج اخيتي ها شكلتي كولي كلمة وريحيني

سجى:-ماعرف بعدين عود افهم شحجي

رحت منة متوترة كبر لفني هسة انة مال زواج شبية هذا احول شاف:-ما اصدك احس وراة سالفة هاي السوالف ماتعبر علية

ريم:: يا ولج شوراة يريد يخطبج هسة انتي بس كولي يو اي يو لا وانتهت السالفة

سجى:-احسة جاي يضحك علية

ريم:: صدك امداج بعد شيسوي الولد اكثر من هيج

سجى:-اوووف توترت هسة انة بية حيل لهاي السوالف امداة شعجب بية

-ياااا شبيج عيني اشو وجهج يضوي من العباية

-جذاااابة اشو محد كايلي  لو متغزل بية بالجذب عليج الله انة حلوة

-والنبي تجننين شناقصج طول بجسم بياض بلسان

-اي لسان دلالة صدك ماكو؟

-منو؟

-الاملح

-قصدج استاذ ارفد؟

-اي هو جا اكو غيرة

-ياخذ مرحلة اولى حرامات ماكو الله واهل البيت يجي ياخذنا

-دعوفينة مرتاحين يصير التماوع بفلس بس ياخذنة

-هههههههه مانسى ذاك اليوم من رزلنة

-شلون يوم خايس عووعع دكومي ناخذ محاضرة وننگلع لاهلنا

طلاب قسمي كلها تعاين علينة استغفر الله شلون شكول رحنا للمحاضرة كعدت مخلية ايدي على خدي مدري شبية من داومت وليجاي كارهة الجامعه مابيها شي ينحب ابد ملل محاضرة ورة محاضرة كوز كوز كوز مد مد مد يبووو كرهت روحي من وراها..

خزرت هيثم الكاعد جدامي خوش ولد صح ماحبة بس ماكدر احجي علية مايوم شفتة يمشي وي بنات لو عندة علاقة وي طالبات القسم مرتب انيق عمرة مناسب والاهم من هذا هو التقدم شبية ما اوافق مو احسن الي من يجيني واحد ماعرفة عالاقل هذا اكدر اسيطر علية الولد فطير ،، محاضرة كاملة مافتهمت منها شي خلصتها افكر اقنع بروحي ساعة السودة منين طلعتلي هاي السالفة، طلعت بوجهي اتصلت رغد طالعة قبلي..

امشي وانكت بعباتي صارت طلعتة وياي ابتعدنا من الجامعه وللكراج لاهو حجة شي ولا انة جني اعرفة
مر من كدامي اشوفة صعد بسيارتة عالية موديل راقي وين راحت الحمل يبعد كلبي اكيد باعها هسة انة شبية محترك دمي من اشوف اوضاعة تمام امداني اذا طلعت حاطة عيني علية..

صعدت بسيارتنة وشفت رحمن يحجي وياة عيني علية صاير يجنن حليان صارلي شكد ماشايفتة كبل بالبستان بس من يوم الانتقل مااجة.. خليت الهتفون بذني وراسي على الجامة ولاول مرة اتأثر بشي وتنزل دموعي خليت ايدي على وجهي لايدگولي طبلة بس يشوفوني ابجي عليمن مادري، عيني ماخذت نوم منا لمن وصلنا سلمنا ورحت اسبح طلعت لاگتني نوف..

نوف:-حبابة سجى شوفي سفانة من الصبح ولهسة تتوجع

سجى:-يا ستار بس لابيها شي يمة كلشي ولا معتز

نزلت اركض كبل لحجرتها تفتر رايحة راجعة..

-شمالج سفانة بس لا بيج شي

سفانة:-بطني توجعني

سجى:: جا ماترحين للدكتورة شمتانية

سفانة:-احث الثالفة عادية عيب كلثاع رايحة

سجى:-مو عيب خية روحي بدلي وانة اشوف رضية الج

خطية كسرت خاطري من شفتها تبجي حاجيت رضية واخذتها بساعتها للعصر الا رجعن مطيتها علاج... رحت اشوف الهوسة الصايرة وسن وهديوة
وجهها احمر رجف جسمي من شفتها هيح عبالي مادة ايدها عليها حتى اكسرها..

-شمالج هدوة

هدى:: مو بكدها ولا بعمرها خليها تحترم روحها

سجى:-غير ادري شسوت وياج حتى اعرف شغلي وياها

وسن:-ربي اختج مو بس تعرفين تحجين

سجى:: اختي مرباية احسن منج ويمتها انة حجيت ليش تخليني اغلط مو محترمتج..

وسن:-شلون احترام انتن هم تعرفنة

سجى:-لا خليتة الج اسكتي خل اسمع من اختي يلا

هدى:-ماكو شي هيج سوالف عادية

مشت جدامي تحس بدموعها كلبي انخمش شمسويتلها هاي الخوينسة تحضر بالعشا وتطگ بعلجها رفعت اصبعي محذرتها..

سجى:-شوفي من هسة اكلج احترمي روحج واختي خط احمر ديربالج تحجين وياها جلمة مو زينة لا وحگ الله اشردج بليلة ضلمة وكولي ما كالت

عفتها تلغي ورحت وراها ولا جن مساع تبجي تسولف وتضكك وي البنات خزرتها عيونها بيها حجي بس تغلس عني حاولت وياها مافاد..

شروق:-اكلج السادس صعب

رغد:-اسأليني الي ينسيج روحج من جنت سادس بحيث حتى مادري شي عن روحي اكلت شوكت سبحت شوكت

سفانة:-حتى گملت بوكتها

رغد:-اهووو شبيجن لزمتنها علية والله جانت الدراسة صعبة وافقد كتلجن احترك السادس خلة اليسوى والما يسوى لازمها علية

نوف:-يمة خفت بس هاي السنة السنة التجي اصير سادس واني شلوني بالدراسة اكيد انام

سجى:-خايبات تجذب عليجن اصلا اني خلصتها كلاوات صح اقرا بس عادي الوضع طبيعي العصريات اكشخ وارش العطر والحمرة الوردية شوية منا ومنا والكحلة بالعين ونجحت..

رغد:-كل شخص ياخذ على كد قرايتة

سجى:-دخل يفيدج التحيلات عمي الانكليزي الاصل احنا بالعالي لا عبالج

نوف::اي والله جد  تفيدينا من هسة اكلج الانكليزي  انتي تدرسيني واشوف الباقي شلون ادبرهن

سجى:-الله كريم بعد هواي عيشن اليوم بيومة لاتفكرنن هواي..

نوف:: قريت شوية ورحت لغرفة عايشة احاجيها لكيت بابها مقفول ترددت ادگة خاف يطلعي العزيز..
كعدت على الدرج اباوع على الاجواء جاسب ورحمن كاعدين ؏ الاخبار كل شوية يتعاركون على الريمون  وجداتي كاعدات سوة يسولفن على الناس الميتة وفارس كاعد وسفانة تگليلة بتيتة وهو يشاركها الحديث مرت عباس لازمة البيت كلة،، كلشي بيدها رغم ماصارلها هواي هي البنية زينة مو كلش بس طريقة تعاملها وي هدوة تختلف ماعرف يمكن سامعة شي..

جدة نوفة:-سودة علية فرخة بغداد ضلت وحيدها هل مغسول مايستحي عايفها

دمعت عيوني كوة مسيطرة على نفسي مابجي

جدة حكمة:-ولكم محد شافة وين غط شني سالفتكم ولا جنكم تعرفونة ووليد عمكم واخيكم

جاسب:-ماخلينة مجان ماسألنة علية بس انة متاكد يم اخوالة هما يحبونة ويشغلونة وياهم

جدة حكمة:-صخام بويوهنا كون زعم صدك الله لايگولها لو يشتغل وياهم يروح منا مثل شربت ماي

رحمن:-ماعتقد انمار مايعجبة هيج شغل لاتحجون بكيفكم تؤ مايناسبة

جدة نوفة:-جا وين غط شنهي حتى مخابرة ما يخابر
وهل مرتة ضالة بالدار شكول غير الله يحفظه لشبابة

جدة نوفة:-اخذلة خيرة خيرتة زينة بس كون يحاجينة حتى تبرد كلوبنا..

اجة عباس شاركنا الحديث جان جدا بارد :-ماعلية نمر زلمة والنعم منة يخلص جم شغلة ويرجع بس ادعولة

مسحت دموعي النزلت:-رجعوني لبغداد شعندي باقية هنا

اشرلي عباس اكوم وراة رحت وراة بالكراج.. يحجي بصوت ناصي ومرتة عينها من الشباك علينة..

عباس:-ماتكدرين ترحين لبغداد هسة

-ليش شنو فايدة وجودي

-عادل بعدة ما لازمتة الشرطة بلة سوالج شي لو خطفج واصلا هسة هو تايه من مجان لمجان

-منو گلك

-وصلت الاخبار حتى بيتهم باعوة وشالو لغير مجان محد يندلة بغداد ممنوع تروحيلها ماطول عادل برا السجن للمعلوماتج عادل  كلش خطير بعيدا عن كونة تاجر مخدرات معروف

-الله ياخذة زين ابقى هنا وزوجي ماعرف عنة شي

-كتلج لاتخافين علية بس يرتب امورة يرجع

-لعلمك ماريدة بس يهمني اعرف مصيري واعرف كل الزين هذا برودك عندك تواصل وياة وهيج تحجي

-صح عدي تواصل وياة بس ماعرف شيشتغل وين كاعد بس اعرفة هو زين

-اتصل بية اسمع صوتة

-ما اعتقد يحاوب موبايلة دائماً مغلق بس احاول

سحب الموبايل دك علية وفتح سبيكر مرة مرتين تلاثة  كلبي يدگ بقوة كلني ارجع اشتياق ولهفة اسمع صوتة..

-الو انمار

-الو ها عباس

دموعي صارن يتسابقن وحدة ورة الخ ايدي ترجف طلعت مني شهگة عالية خلة الموبايل كدامي ماكدر الزمة اخاف يوكع..

-الو تسمعني

-انهار

خليت ايدي على حلگي ابجي انطاني عباس التليفون ودخل جوة كعدت بالكاع بوسط الزرع والموبايل بيدي ماكو صوتة اختفى.. عدلت صوتي وحجيت

-انهار وياي تسمعني

-كلني وياج شلونج شكر

-مو زينة مو زينة والكافل اجذب اني زينة بس بالنهار زينة بس من يجي اليل اتذكر كلشي واتدمر كافي ارجع كلبي تكطع من البجي ماتحس..

-منو المرتاح من عدنة ومنو البي خير وبالشدة ويساعدنة بدينة قيود كلفة صحنة كسرو القيد عافو قيدنا وكسرو خواطرنة.. مشتاگلج شكر ميت على شوفة عيونج المكحلة..

-حتى اني انهار والله مشتاقتلك مشتاقة لهتمامك وصوتك الدافي تدري من انام اتذكر حجاياتك واغفى عليهن... ليش بس كلي شنو سويت الك حتى تبتعد؟ ماتريدني عادي كول والله ماالي علاقة بيك حتى لو تزوج بس لا تروح بعيد ومحد يعرف عنك شي..

-گلبي متشعوط لاتزيدينة نار عليج الكافل لاتعاتبيني كلة علمودج ماكدر اسكت على هالوضع اريدج تعيشين بخير انتي مال راحة مو مجانج هذا اريد اسس الحياة التستاهلينها تانيني عليج العباس تانيني حتى لو بطيت هواي ارجع بس اريد منج جلمة وحدة..

-تأسس حياتك من حرام انهار مو انت تخاف الله

-وداعت عيونج ما اطب بدرب اعوج الدرب الطلعتلة محتاجج توكفين وياي حتى لو انگطعت اخباري عنج تضلين متانية

-انطيني مدة

-ما اكدر

-اخذني وياك نكمل سوة

-ماكدر

-لاتخليني احترگ بنار ماگدر اتحمل

-لخاطر راحتي وراحتج تحملي كلشي، احبج شكراية وادري الحلو والمر ماينجمعون بيوم

-كلشي يصير اصيرلك مر وننجمع

-ماترهم تدرين كل ماتمر ساعة وانتي مو يمي احبج اكثر مشتاگلج بكد رحمة الله مادري راح ننجمع بيوم من الايام لو لا مادري راح احقق الشي الطلعت علمودة ولا ادري راح تبقين وياي وتبقين تحبيني..

اختفى صوتة اسمع يمة صوت عالي وطبات دموعي تنزل وصوتي يرجف:-لا تتأخر احبك هواي هواي

-هذا اخر اتصال يجمعنا بحفظ الله وصايتة باي

سد الاتصال وكع الموبايل من ايدي ابجي بحرگة
احس گلبي تگطع خاصة من كال هذا اخر اتصال
كوة كومني ضليت اسبوع مريضة بفراشي.. مالي خلگ واهس لشي ليش يأملني ويرجع يتخفي حتى حرام علية بس لازم اتغاضة عن الصار لخاطر دراستي وامي التحجي وياي ومحترگ دمها..

رحت سبحت وطلعت موبايلي اتصفح بية اخوني اشتروة الي بعرس عباس البنات يدرن بية بس عمامي ونسوانهن مايدرون اصلا ما اطلعة من الغرفة ابد..

بية حساب فيس قديم بس مابية اصدقاء هواي  بس اخواني وكم شخص ماعرفهم حتى ماينشرون   دخلت للفيس احب منشوراتة اكلب بية رج الموبايل اجاني اشعار من صفحة مجهولة دخلت عليها جان فيدو فتحتة اشوف شكو كطعت الهوى من شفتة وجهي اشتلع نار ودموعي نزلت..

قريت الكتابة الجوة احس گلبي يريد يطلع من مكانة فلت الموبايل من ايدي و..

يتبع..

توقعاتكم..

وانطوني رأيكم اسرع الاحداث ولو هي سريعة شدكولون ابقى بهذا الترتيب..

دمتم بحفظ الله ♥