~صباح يوم جديد~
سند منسدح بالحوش يفكر
جلس جنبه حمد: اللي ماخذ بالك يتهنى به
سند: لا جعله لا يتهنى
حمد: افا وراه
سند عدل جلسته: افكر بمين اللي طعن سعد ويبيه يبعد عني
حمد بصدمه: سعد مطعون
سند سد فمه: اسكت ولا تفضحنا فيه واحد طعنه من اسبوع ولا يعرفه سعد ويقوله ابعد عن سند ولا تلعب بعقله
حمد: سهله حط احتمالات واحذف اللي تحس ان مب فعلته
سند سرح شوي يفكر
حمد نغزه: هاه لقيته؟
سند: تقريبا ايه
حمد بفضول: مين؟
سند قام: لسلامة صحتك النفسيه بعدين تعرف مو وقته اذ احد سالك عند وراشد خص قلهم مات طار اختفى اي شي الا اني ماسك خط للرياض وراح طالعه قبل يطلع: هاه ترا بذمتك ياحمد
حمد: رح الله يستر عليك بس
دخل حمد بالمجلس وشغل النور وطفى المكيف واخذ العصا وضرب فيها الباب: قومو يلا
فز فارس بسرعه وقفل النور وشغل المكيف وحط يده على فم حمد: اششش اسكت ترا سعد طول ليله ماقدر ينام جته حمى ويهذي
حمد: ياحنون ماعرفتك
راشد فتح عيونه: وين سند؟
حمد: مدري يلا قومو عشان بسوي لكم شي حلو
ناصر قام بعصبيه: اففف يعني حتى هنا مقدر ارتاح بنومي كفايه علي مشعل مقلقني ومسبب لي ازمه وتجون انتم بعد
فارس: خلاص اسكت ولك اللي يرضيك بعدين
وقف فالح بهدو ودخل الحمام
حمد: هذا وش فيه منفس
راشد: مالومه والله
~الجده~
دخلت على البنات بالغرفة ضربت العصا بالباب: لا صلاه ولا عباده الوحده جهادي فيها عشان تصحى لصلاة الفجر واخرتها يقرب الظهر
ولا وحده منكن صحت وانتي ياغُند ماتخلين صلاة الفجر ويوم جو العرب ماعاد اشوفك تصلينها بوقتها
غُند قامت بصوت كله نوم: طيب ياجده هذا انا بقوم ولا تعصبين ويرتفع ضغطك
الجده: يلا قدامي اشوف
نزلت من السرير وبان الشاش اللي برجلها جربت تمشي عليه وحست بوخز
الجده: ياوليدي هذا وش؟ صايدك شي
غُند بنفي: لا بس دخل برجلي قزاز وطلعه لي سعد
الجده: يلا عشان بنروح لغدا جارتنا ام سعيد
اديم: لاا تكفين يمه مانبي والله تغث وبنطلع من عندها وهي جثه
الجده: عيب عليكم وقومو تجهزو وطلعت
كتمت اديم صرختها بالمخده: تدقنا بالحكي ونروح لها ياربي من جدتي بس مدري متى ماعاد نروح لها المريضه ذي انا مدري اجيها منها ولا من بنتها سوير وع عليهم بس
جلست وبتقليد لسوير: اددييييمم ككييففهه نسوري حبيبي ما مر علي اليوم ولا شفته
وبقرف: وع ومالت عليها تقرف واصلا من متى ناصر معطيها وجهه هي اللي تحذف نفسها عليه
ضحكو البنات على تعابير وجهها
إلهام: شكلها ضاغطتك
اديم قامت: الله يصبرني عليها وما اذبحها
إلهام: اذ بغيتي انا اخليها تعتدل
اديم: ايه تكفين حارتني وجهه الثعلب
غُند صرخت: لااا اديموه ياحماره من قبل شوي وانا احاول اوصل للحمام وبالنهايه تدخلين يوم وصلت عنده
اديم ضحكت: محد قالك اللحين انتضري لين اطلع ولا روحي للحمام اللي برا اتوقع العيال قدهم قامو ودخلو للمجلس الداخلي
غُند بتافف: افف إلهام قومي عطيني ملابسي واغراضي بروح اخذ لي شاور هناك سحبت جلالها وصارت تعدله واخذت اغراضها من إلهام وراحت وهي تعرج للحمام
ناصر من وراها: خييرر ان شاء الله وش جابك هنا
فزت بخوف منه: يقطع شرك وقفت لي قلبي وانت وش دخلك
ناصر: وش دخلني اجل هاه
دفها بشويش و دخل الحمام قبلها
غُند بقهر حذفت علبة الشامبو عليه قبل يسكر الحمام: كلاب انت واختك متفقين علي
~عند الباب~
اديم برجاء: تكفى ياعمي مانبي نروح مع جدتي اقنعها باسلوبك
حمد: الحين ابي افهم انتم ليه ماتبون تروحون وبعدها افكر اذ السبب يستاهل
غُند بقرف: لانهم ناس ولا شي يوصفهم من حقارتهم وقذارتهم
حمد: الله اكبر
اديم بقهر: وبنتها سوير تفقع المراره وتدبل الكبد وعليها حركات لا إله إلا الله كأنها ماشيها على كبدي
حمد: شكلها فله دامها عصبت فيكم ولا لا يا إلهام؟
إلهام: اصلا انا ما تذكرها مره
اديم: وبكل مره نشوفها فيها تسال عن اخوي بكل وقاحه وبدون ماتستحي انه رجال غريب عنها والمشكله مب هنا المشكله انها مطلقه اصلا من يوم تزوجت فكتنا من طاري ناصر وزادت الحاله يوم تطلقت
حمد طالع ناصر: اخس ياناصر والله وطلع عندك معجبات واحنا ماندري
ناصر: بلاك ماتدري مكتوب على جبهتي معذب البنات وحلمهن
غُند كشرت: وعع انت شكلك مبطي مامريت المرايه وشفت شنبك وشعرك الطاير الا مكتوب على جبهتك كابوس كل بنت
ناصر غمز: كابوس كل بنت الا انتي حلمك انا اعترفي هاه
غُند صرخت: وعع صدق انك لايق بسوير ام الذبان والدود نفس الاخلاق والثقه الحوله المفروض نزوجكم
حمد انهار من الضحك: ايش رايكم تروحون واذا جيتم تفضفضون لي وانقنق على سواليفكم من زمان ماضحكت ورا بعض
اديم: مايحتاج ياعمي سوالفنا عنها لليل ماتخلص نقولها لك ومايحتاج نروح لها
حمد: اجل تم بروح لامي اقنعها
بس هاه لا احد يضحك ان رجعت مضروب
اديم: قلبي معك بس ارجع بالموافقه
جلسو البنات على طرف الفرشه
غُند: يقلع شكلم يافارس وتميم رجلي توجعني
تميم: احد قالك تصيرين عمياء؟
قزاز يامسلمه من مايشوفه!
غُند: لا والله الحق صار علي مين اللي يكسر قزاز ويطرفه على باب الثلاجه الا اللي عليهم قل صح
فارس: خلاص اقصري الشر وانا اعتذر لك بالسان حالنا
تميم دقه: وش فيك خضعت
فارس: ماني ناقص مشاكل
غُند: وش قصدك انا اللي اجيب المشاكل؟
ناصر تنهد وبهمس: اوه غردت
ضحكو راشد وفالح
طلع حمد وهو مبتسم: يلا يابنات جيبو لنا الشاهي والحب ونسولف
غُند: خالي داخل احسن عشان بعض الناس مايطيرون من الفرحه من سوالف سوير ويكبر راسهم
اديم: ايه صح داخل احسن
عقدت حواجبها: الا سعد وينه مختفي
فارس: نايم
غُند: غريبه مب من عوايده قوم شوفه لا يكون فطس
فارس: قبل شوي جيت من عنده وخفت حرارته طول ليله يون
غُند: بروح اشوفه
حمد سحبها وغمز لفارس: لا لا مايحتاج بخير هو وتعالو نسولف
فارس: لا كذا غش تروحون بدوننا ترا نروح نعلم جدتي
اديم: نظامك قديم جدتي ما عادها تصدق الا اللي تشوفه بعينها
حمد: طيب يجون معانا وش فيها
صرخو البنات بوقت واحد: لاااااا
~الرياض~
وقف عند الاستقبال: لو سمحت جاي زياره مهمه للدكتور حاتم الـ***
الموظف: اعتذر منك اخوي الدكتور حاتم تم ترقيته وراح للفرع الرئيسي شمال الرياض
شد على يده بقهر وطالع الساعة من معصمه: لو اطلع الحين واروح للفرع يكون بدا دوامه في عيادته وهذا غير الزحمه اللي بتكون قدامي وعيادته متاخذ مني غير دقيقتين
طلع جواله من جيبه وفتحه بحث عن رقمه وسكر باب السياره وشغلها ومد يده لزر المكيف وشغله وزفر من الحر اللي حس فيه على ان الجو ربيعي ومناسب: الله حسيبك ياحاتم
ثواني حتى سمع: ان الهاتف المطلوب لا يمكن الاتصال به الان يرجى معاودت الاتصال في وقت لاحق
حذف الجوال بمكان المساعد وهو يطرق يده بتوتر على الدركسون: وينك رايح مني ياحاتم
حرك متجه الى عيادة حاتم بنزعاج
وركن سيارته قريب من الباب
حاول يفتح الباب ومافتح عقد حواجبه باستغراب ان العياده مغلقه التفت يدور احد يساله
سند: لو سمحت ليش العياده مقفله؟
: العياده صار لها شهر ونص مقفله للصيانه حتى شوف حاطين لوحه هنا
سند: اها مشكور
وراح وهو يغلي من قهره كيف قدر يهرب وهو طوال الفتره اللي راحت يراقبه ضرب كبوت السياره بقوه: فص ملح وذاب حتى بيته صارله ثلاث شهور ماجاه وسيارته حطها بالورشه وتركها عقلي عجز يستوعب اكثر من كذا وين يروح الادمي ذا وين بنجن انا بنجن
(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)
للاسف ان اليوم اخر بارت وباختفي كذا قرابة شهر وبعدها ارجع بس هاه اوعدوني تفجرون البارت هذا والبارت اللي قبله كومنتات وتوقعات ترا اذ فجرتوه اعطيكم بارتات تعويضيه اذ رجعت والصراحه كتبت لكم هذا البارت على السريع ولا كان فيه احداث مهمه كثير وبس والله
لا تنسون النجمه والكومنت.