بين ًسًـــلاسل العادات

البارت 19

          بسم الله الرحمن الرحيم

بين سلاسل العادات_ وحكم
بقلمي: kefeyah 🦋

لاتنسون متابعة لحسابي+التصويت +التعليق بين الفقرات🤍

بارت كيوت ضريف اريدكم تفجروة بتفاعلكم حتى استمر وياكم بالنشر اذا ماكو تفاعل نرجع كل اسبوع😁..

"""""""""""""""""
وين احط غيرك اذ غيرك لكيت

بلكل مكان بروحي ماخذلك مكان 💔

"""""""""""""""

امشي وافتر على وجهي ماعرف وين راح عني فص ملح وذاب دموعي تنزل وكلبي يخفق بقوة طلعت من الامام بكبرة طلعت امشي بافرع البصف الامام..

سمعت صوت وراي رجف جسمي ..

-سوبزيززز يحلووة رجعنااا ونرجع ايامنة الحلوة..

التفتت برعب لابس اسود وشفقة سودة مغطية وجهها ضاهرة فقط ابتسامة على ثغرة لوحلي بيدة
وحجة بصوت متلاعب..

-هلو نوف

رجلية تختض من الخوف مشيت ليكدام سنوني يتضاربن معقولة هو زين شجابة وين انمار يربي حسيتة طخ بجتفي فتحت عيوني على وسعهن ردت احجي وحسيت شي بزني بضهري..

امشي بدون ارادتي لازمة بيدة ماكدر اتوقف كلشي يصير ممسؤلة عنة صرت ريبوت متحرك يحركني بكيفة  مشيت وياة شلون متعجبة على نفسي  صعدت  بالسيارة لهنا فقدت ماحسيت بشي ثاني..

صوت قطرات مي ينزل بالگاع ارعبني وعيشني بقلق نفسي احاول بكل ماكدر افتح عيوني ملزگات احسهن شوية شوية بدت توضح الرؤية عندي.. غرفة جبيرة اشبة بالصالة مبيها فارش باردة كلش بنائها جديد حتى البوبان بعدهن مامشدودات.. باوعت لنفسي على ملابسي بس شعري مفتوح صاير جواي..

جسمي مبند احسة متخدر ادية ورجلية محلولات بس ماكدر امشي حسيت بالعجز بس دموعي تنزل على هذا الوضع الهزيل.. اريد احرك ايدي الف شعري ماكدر وجهة انمار بخيالي اتخيلة يلف بشعري مثل كل مرة صرخت بصوت ..

-وويننك وينننك لييش عفتتنيي موو كلتت ماااعووفج.. كلكممم جذاابييين ضحكتوو عليية وعفتتوني حياويي عافنيي وهسة انهاار ليشش عفتووني محدد كاال خطييية تخااف وحدها ..

دموعي بللني سكتت من نغزني كلبي بقيت استمع لدكاتة العالية والف سؤال ببالي ليش اني هنا زين انمار وين هسة اكيد راح يكول شردت وعافتني هسة يصير عصبي ويغلط علية اعرفة كلش زين اباوع لدية مسبلات رجعت باوعت للمكان وهمس بصوت ناصي فتت گلبي من الحزن ..

-وين اني محتاج واحد يفهمني وين اني.. بقيت وحدي حتى ايدي ماكدر ارفعها.. كلها عافتني زين قوتي انت ليش عفتيني بعدني بداية شبابي ليش رحتي..

اشاهد دموعي تنزل بالكاع شوكت تنتهي هاي المهزلة وين يصفى بية الزمن بعد شبقى عندي بالبداية خسرت بيتنا وجمعتنة الحلوة وعشت وي ناس يدعون الي بصلة قرابة تعودت عليهم وعلى خبالاتهم نوعا ما وانتقلت لمكان ابعد واغرب خسرت شخصيتي القديمة وراها خسرت اخوي الي هو قطعة من روحي وبالتدريج جاي اخسر روحي من بعد انمار..

-يمي معليك اطلع برة ابو الشباب

-شكد طماع واناني بس الك تريدها

-انجبببب زمااااال لاعبالك تجيسهاا

صوتة وصوت شخص ثاني وياه احسهم يتعاركون واحد يضرب الخ بشي صلب يطلع صوت من يوكع بالكاع..

-اله اندمك بسيطة عادل

-دطير ابن *** شتسوي سوي اخاف منك ***

-عود اتذكرني زين باااايييي

انركع الباب بصوت عالي كل شويه گلبي يفز دخيلك ربي رحمتك مالي غيرك معين دخل بخطوات ثگيلة حتى نفسي انگطع اختنگت من شفت شكلة كلبت عيوني قارية على روحي السلام رفع راسي ليفوك يصيح بصوت يخليني ارجف..

-اتنفسييي اتنفسييي ماجايبج تمووتين اتنفسسسسي مو. احجييي ويياااااج

عيوني ماشوف بيهن من كثر الدموع كوة اتنفس لازمني من زندي وايدة بشعري زحفت ابتعد عنة رجع جرني من شعري بقوة  احسة تكطع صرخت بالم همس ورة اذني لفحني نفسة لعبت نفسي وردت اتقيء من عطرة..

-وين تبتعدين يمي والي انتي حلالي مو حلال ذاك ال***

-انجب لاتغلط علية يسواك ويسواكم كلكم..

ضربني راجدي انكلبت على وجهي شفتي صارت جواها حصواية نبتت بيها شاغت روحي من الم رفعني من شعري عيونة يجدحن نااار خلص اليوم اموت بمكاني مستحيل اطلع عايشة... لزمني من فكي عاصرة بيدة...

-يسواني مو يسوووانيييي انيييي للللللللج يسوووة منووو..

انفاسة حارة بوجهي غمضت عيوني كاشة وجهي فتحت عيوني على وسعهن من عصر شفتي بيدة

-عوفني الله لايوفقك عووفنييي ما اررريييدك تلززمنيييي

-ليش بس هو تريدينة واني مخبل ومريض نفسي وهو العاقل

-لو مو مريض شعندك جايبني هنا

-انتي الي واخذاج مني بس هسة رجعتيلي

-لا لا اني مو الك ما اريدك اريدة هو عوفني اروحلة

-هههههههههههههه روحي ماتروحين مشبگ اديج اني

اريد اكوم على حيلي وامشي ماكدر شثگلاتهن يكول طابوك فوگهن صرخت بوجهة:-شسويتللي ليششش ماكدررر اتحررررك لييييييش

-صوتج نغمة موسيقية تعجبني صيحي بعد خليني استمتع بمنظرج

-والله العظيم انت مريض تسمع مررررررريض

-وانتي ههههههههههه فترة زمان ويشمرونج وي المخابيل باقرب مستشفى حتى انمار الكاتلة روحج علية يشمرج بيدة ويروح يتزوج ويكمل حياتة هههههههههه اذا اني مريض انتي هم مريضة خبلة تدرين بروحج مو..

-انجب انجب لاتحجي شي حقييييير

حركت ايدي انرسمت ابتسامة على وجهي باوعت بوجهة المقرف مبتسم جر شعري خلة على وجها يشم بية اريد امنعة ماكدر يستنشق ويطلع اصوات افضل  الموت ولايلمسني..

-انهااار ويننك انهااااررر تعاااال اخذذني منننه حبباااب

-نعال ما يجي نعااااال اذا لگاج يخلي طلقة براسج مايبوسج وياخذج بالاحضان..

-انت انت نعاااال

عضني من رگبتي فرفحت روحي من الم حسيت انشلع جلدي سنونة طخن العظم روحي انترست الم
اصرخ بصوت عالي ابتعدت مني باوعت لرگبتي شفت الدم يجري منها تفلت بوجهة احس صرت كتلة من نار ضربتة راجدي بكل قوتي ثنينا فتحنة عيونة لزمت ايدي اضحك واخيرا حركتها..

-الله يااااخذذك چلبببب حيوووان عووفنييي شسوويت

-انتي الي ماعوفج ضليتي بنفسي من انتي وصغيرة حاط عيني عليج ردتج الية اليوم كبل باجر بس انتي شسويتي لعبتي وياي ورحتي تشكين للعار ورحتي بحضنة متهني بيج يلعب بشعرج وياكل من شفايفج اخذ حصتي جنت ماكدر الزمج كلت للعرس تالي عفتيني وو...

-انجبببببب انجببببببب لاتحجييييي شيييييي ماااررريددد اسسمع شييي منننك اكرررهك اكرررهك تفهممم ماارريدك اننييي

-تريديني غصبا ماعليج تريديني ههههه انمار يشمرج علية هاي اذا خلوج عايشة بعد الراح يصير

-عادل حباب رجعني فدوة والله والله بعد بعد ماكول عليك مريض عوفني واتزوج غيري بعد اني تزوجت

قرب علية يريد يبوسني تقيئت بوجهها طفر مسافة يفشر ويغلط معدتي گلبت من قربة وعطرة رفعني عاصر زندي بقوة يسحل بية سحل اكو برميل بية مي وكف بصفة وغط راسي بية شهكت بصوت اختنگت يرفع راسي يخليني اتنفس ويرجع يغطة متت طلع راسي واجة بلساني كلمات انمار الاخيرة..

-دخيييلك يالكااافل احللفك بختتتك السبيية ساااعدنييي

رجع غط راسي اختنگت وكل مااتنفس اصيح باسم الكافل عيوني طگن اخر شي ماتحملت وكعت من طولي اتقيء مي ثنة رگبتة كدامي دفرتة برجلي طفر يتلوة من الالم... اباوع بوجهها مابية ذرة رحمة زحفت ليورة كلني ارجف وشفتي تنزف دم وتررد باسم الكافل..

-حتى ماخذج تضربيني هههههههه لاتخافين مايصير بية شي

رفعني من شعري يسحل بية احس جسمي تنشط اكدر احرك ايدية ورجلية ادفر بية واخرمش شمرني بغرفة بيها فراش بالكاع وكعت على وجهي روحي طلعت بس كون اموت واخلص من هاي البهذلة
رفعت راسي مستجمعة قوتي اريد انهص صرخت بصوت عالي نازع قميصة ويفتح بحزامة لحظة وحدة لحظة لا اكثر واشتغل الرمي على البيت..

اخذ قميصة وطفر بقيت بمكاني اسد بذاناتي طلع ورجع علية شالني  وركض بية اضرب على ضهرة واصرخ عضيتة بكل قوتي شمرني لازم ضهرة والرمي مستمر رجع علية يجر بية  وماحسيت الدم ترس الكاع ترس غمضت عيوني لامة روحي واصرخ مرعوبة فقدت الوعي لفترة فتحت عيوني بخوف اربع ولد واكفين فوك راسي وشعري مغطة بقميص..

-لاتخافين

-لاتاذوني حبابين حبابين عليكم الله لا لا..

-على كيفج بوية مانسويلج شي هسة يجي نمر

صاح واحد بيهم يطلعون برا بقيت وحدي ارجف واكل باضافري حتى حجي ماكدر احجي الرجيف اخذني التفتت شفت ولد  واكف بالباب داير وجهها عني  ..

-منين انتو منين

-انمار يكلج بعدين

-تعرفة انهار منين تعرفة..

-من زمان نعرفة بس على كيفج لاتخافين اهدي واشربي ماي هلگدامج..

اشر باصبعة على بطل مي سحبتة ارجف فتحتة وشربت منه بقيت على كعدتي ارجف وابجي مرت دقايق اكل بروحي التفتت ملهوفة من سمعت صوتة يصيح :-ووويننهااا

ركضت بكل حيلي الة بس اريد اوصل لحضنة يلمني ويطبطب على ضهري وجهها احمرر متروس خوف مسافة قليلة واصل الة  تكومت على وجهي بالكاع شاغت روحي ركضلي رفعني من الكاع يمسح بوجهي حضنتة بكل قوتي ابجي بصوت عالي واحجي ..

-هو هو والكافل هو اخذني مو مو اني الرحت وياة.. ماعفتك والله والله ماعفتك ومشيت..

لازم وجهي بثنين ادية يتنفس بوجهي غمضت عيوني ردتلي روحي گصتة على گصتي يلم بية..

-ادري ادري گالولي اسكتي لايوگف گلبج..

-صدگتني يعني مو صدگت

-مصدگج..

باوع لرگبتي طفر من مكانة صاير نار صار كدامة الولد دفعة ليورة..

-عوووفنييي افصخ جلدددة عن عضمةةةة

-يجيك هسة اخذ مرتك وروح

-مااا اررروح الااا اكتتتتلة بيييديييي

نهضت روحي ورحت يمة ارجف..

-عوفة عوفة مات هسة مات دم دم نزل منه

-يموت وداعت عينج اكتلة موت ماخلي خشمة يشم الهوة وانة موجود اطلع نغل يو عفتة يسرح ويمرح

لو ما الولد الموجودين جا راح انمار وتنلاص فوك ماهي مليوصة طحت علية حيلي بايد اخذني بحضنة يمشي بية بعدها ماحسيت على شي.. شكد مر وقت وشنو صار ماعرف بيدي كانونة على سريري معقولة بيتنا شجابني شوصلني كل هاي الفترة ماحسيت بيها

-اكلي

داير وجههة عني يكتب بدفتر باوعت لملابسي مغيرات وشعري مضفور خنگتني العبرة شلون بية..

-تعال

-شتريدين

-شيل الكانونة وجعتني

-خل يخلص المغذي

-خلص

كام من مكانة شال الكانونة والمغذي بدون مايباوعلي اخذهن ذبهن بالسلة ورجع خلة صينية الاكل قريبة مني ورجع جلبت بيدة ونزلت دموعي..

-شتريدين

-وكلني

-اكلي انتي

-ما اكدر ايدي ترجف

التفتلي ضايج كلش رفعتلة ايدي ترجف ذب نفس وكعد يسويلي لفات ينطيني بدون مايباوع بوجهي غصيت بالگمة ابجي واكح شربني مي يدك على ضهري..

-اسم الله اتنفسي

-والله مارحت وياه هو ضربني ابرة حسيت بيها والله والله حتى كمت ماكدر اتحرك مارحت وياه صدكني مارحت وياة وروح حياوي مالي غرض هو اخذني..

-هسة انة گايلج شي

-اي اي لعبت نفسك مني عبالك لمسني هسة هسة اوخرها هاي البرگبتي  وشعري اكصة خيولي بعد ماريدة والله ماريدة..

طفرت من مكاني اختض ادور بالجرارات على مكص موس اي شي حاد اكص بية شعري وابرد گلبي دانري
علية عيونة حمر..

-ماخليتة يتقربلي والله مسوالي شي بس هاي هسه اوخرهن بس لاتزعل

حضني بقوة احس عظامي تكسرن بادلتة ودموعي تنزل گال بصوت مبحوح ..

-واعت سواد عيونج اندمة..مو انمار اليفكرون بحلالة كولي ماكال ووعد الحر دين.. ارجع حگج منه..

-ماريد شي خيولي عوفة

-انة وياة والزمن طويل بس لاتفكرين بغير شي

ابتعدت امسح بوجهها اختنگت ماكدرت احجي شي ضميت راسي بحضنة احاول اخفي شهگاتي..

-من تبچين تگطعين گلبج وگلبي

-ما ابجي اصلا ما ابجي

-اي صح اصلا ماتبجين

رجعني لمكاني وصار كدامي يوكل بية..

-اكل انت

-شبعان

-چا حتى اني شبعت

-هههههههه اكلي ام الچا شني انعديتي مني

-ماعرف يمكن

-عوفي التمسلت واكلي لعد

-عود تضحك عليه

-لا يابة شضحك

-اي اي ادري بيك جذاب

-انة جذاب!!

-لا اني جذابة

-خوش اعتراف

اخذت خبزة قسمتها عود اسويلة لفة ماكدرت الخاشوگة توكع من ايدي سحبها مني وكملها..

-هاي الك اكلها

-صار يمة

-عفية بوليدي السبع

ضحك بصوت ورجع يباوع بوجهي..

-شبيك صفنت

-احسج احسن من گبل ان شاءلله الكافل مايقصر

-شوف مو هناك خفت حيل صحت باسمة هواي وكلت مثلك من حلفتة باختة وراها وراها بشوية اجو الولد..

سكتت افكر بالصار رفعت عيوني بعيونة:-شلون عرفتو المكان..

-اجتني رسالة على موبايلي بيها العنوان بالتفصيل حشمت الولد وصلو گبلي..

-منين ذولة اصدقائك

-اصدقائي اي

-بس..

-كافي حجي شني صحيتي وگمتي تحجين عمي ارجعي لوضع الطيران..

-ليش ليش شبيك خليني احجي ماعرف احس عندي قابلية مو مثل كل مرة..

-يا ربي الفرج

اكل واباوع بتفاصيلة شكد حبيتة وتعلقت بيه بهاي الفترة جنت اضحك على امي من تكلي رجلج يمشطلج اگول وين اكو، هسة يمشطلي ويسبحني وحتى اكل يوكلني شكد استحي من الكة ملابسي مغيرة وشكلي مرتب ومرات ماحس ولايجيني هذا الشعور.. كملت اكل وشال الصينية رجع سحبني كوة عني كمت غسل ادية واسناني وجهي اشتعل نار كلش انحرج من هالشي بس ماكدر المشط اذا الزمة يوكع من ايدي كملت ورحت سبقتة اركض شمرت روحي بالفراش ابجي..

-شمالج بس تبجين عيونج بعد سنة على هالحال ينعمن

رفع الغطا مني خليت ادية على وجهي ابجي كعد يمي وسحبني علية حضني وبعد ضفيرتي للجهة الثانية..

-اذيتج بشي

-لا لا

-جا ليش تبجين

-لشوكت ابقى هيج اريد ارجع مثل قبل ماريد كلشي انت تسويلي والله استحي على روحي..

-لاتستحين مرتي انتي

-اي اي بس يجي يوم  وتشمرني تمل مني والله تمل خو ماتبقى مداريني طول عمرك تملنييي

-اكو واحد يمل من روحة.. منا لمن تصيرين زينة وأمنلج الدرب بعدها عيشي مثل ماتردين

-شوكت ارجع مثل قبل

-عن قريب ان شاءلله

-وانت شمعرفك عن قريب مليت والله كل يومية رايحة لسيد يقرا علية وينطيني مي وخرابيط حتى الطبيب كال مابيها شي يعني راح ابقى هيج مرمرتك
رجعني لامي حتى لو ما يجي وقت ماريدها بس تبقى امي..

-اسكتي خوش

-خليني خليني احجي ماطول صرت احسن ارتاح مني اخذ راحتك كل يومية ابوك يعيرك بية اي اني مخبلة يمكن صح مرات ماافكر بعقلي..

رفع راسي بيدة عيونة مدمعة:-وين ترحين تعودت عليج لو كل ماتعود على  واحد يروح ويعوفني

-ماعوفك بس اني مريضة صح صح اريد ابقى يمك بس هم هم اريدك ترتاح

-انة مرتاح هيج

-جذاب جذاب مامرتاح ادري بيك

-وداعت سواد عيونج مرتاح بس تصيرين زينة ارجعلج لاهلج وابن امة اليفك حلگة وياج

صفنت اتخيل اعوفة واعيش بدونة غصيت بشهگتي خليت راسي برگبتة ابجي بحركة كل ماتعود على نمط عيشة يرجع يرخب تعودت علية شلون اعوفة..

-ابقى يمك هنا ماعوفك ماعوفك

-لكل حادث حديث انتي التقررين مو انة

-انهار باوعلي

-باوعت

-احبك

صفن ثواني بوجهة مامستوعب:-ماجذب والله احبك

سحبني من راسي علية بايسني  فصلت وياة شعور حلو اول مرة يسويها ماجنت اعرف احساسي بهذا الوقت بس كلش حابة قربة بعد دقايق ابتعد نجر النفس جر مسح شفتي باصبعة وطفر من مكانة كلش استغربت من تصرفة مسح وجهها والتفت علية..

-نامي انة راح اطلع

-جنت نايمة كل ساعة انام

-اي لاتنامين اكعدي على التلفزيون

شغل البلازما يدير بالريمون ايدة ترجف خفت بس لا يصير مثلي..

-هم هم انت ايدك ترجف مثلي

-لا لا ماترجف

دارة على سبيستون وطلع علاگة حلويات خلاهن گدامي وطلع بسرعة حتى مالحكت اسئلة وين رايح كعدت اكل واغني مندمجة وي اغنية الفلم.. انا واخي

خليت ادية على وجهي ابجي بحركة اتذكرت اخواني بنفس هذا الوقت يبدا الازعاج الليلي نداهم غرفة حياوي ونركض يم سجاد يحمينة منة وسجاد يگلة على كيفك المايع ويتمالخون وتجي امي بالنعال تكتلنة واحنة ميتين ضحك..

احس عيوني ورمن من كثر مابجيت وين امي طلعت ميتة شلون شكلها شلون المرض اخذها مجنت متخيلة تطلع هاي الحقيقة.. حتى امي الربتني زعلانة مني اكيد راحت لاشفتها ولاشافتني بس سجاد من شفتة يكول شفت حياوي مت  من البجي بساعتها اخ يحياوي وياكسرتة ماجانت لاعلى البال ولاعلى الخاطر بساع بساع فارگنة لحد هذا الوقت مامستوعبة هو ميت..

طفيت التلفزيون وكعدت بالكاع روحي مشتعلة نار
عيوني صفت حتى دموعي نشفت مرت اكثر من ساعة كمت رتبت النزلة شلون ماكان عدلت الامخاد
شفت خانة انمار البلوسط مفتوحة رحت اسدها وجذبني غراضها بيها اكثر من لوحة والوان وفرش رسم.. اخذت لوحة اباوع بتفاصيلها نفسها الجانت يم زهراء طلعت الثانية مرسوم بيها وردة بيضة مگطوعة وكأنها مشمورة والدم ينزل منها واسلحة مشمورة.. وحدة جانت صغيرة بيها مرة لابسة عباية دايرة وجهها لطفل ماد ايدة الها..

لوحات بيها معنى رسمهن حلو كلش عبالك جاهزات رجعتهن لمكانهن وطلعت من الغرفة غمضت عيوني اسحب هوى الممر فارغ الدنيا ليل وين راح انمار بهلوقت مشيت باتجاة صوت عفية ممر نص الليل واسمع العياط..

كتمت حلكي خاف يطلع صوتي منظر يخزي كلش اسراء واكفة تتوسل برحمان على شنو ماعرف لابسة روب طويل ورجليها طالعة وشعرها فالتة.. دفعها مسافة وكعت على وجهها دخل سد الباب وزحفت تدك بالباب على كيف وتحجي بهمس..

انسان بدون كرامة واخلاق منحطات شبيهن ذني مرة اختها وهسة هي ضميت جسمي مطلعة بس راسي بقت دقايق وراحت رجعت لغرفتي كاشة نفسي هم محسوبات اخواتي شلون بنات ذني..

انتظرت انمار ايست منه ورجعت نمت كعدت احس نفسي احسن بمقدار والدليل مابقيت مستمرة بنومتي فرحت كلش گلت صرت احسن بنفس اليوم رجعت اسوء من قبل.. راسي ما اشيلة من الفراش ومن اكعد وحدي الف فكرة تخطر ببالي حتى اتخيل ناس عايشة ويانة حالتي سائت كلش ومحد شخص العلة لادكتور ولا سيد...

***

عائشة:-سودة علية يانمر يايمة

فايز:-عليمن مسودة وجهك علمود هذا العار

عائشة:-وتالي وياك شحجينة

فايز:-بعد مانحجي عمي

جدة حكمة:-احسن سكوتك ماعايزين دوخة راس وتعيد وتصقل بالراح

فايز:-الراح حرگ گلبي حرگ

جدة حكمة:-دسكت اسكت كلشي راح بوكتة

عائشة:: اي رضية ماعرفتي اسم العلوية الراحتلها اختج بلكي عليها الشفة

رضية:-اخذت منها العنوان بلكت العصر نمشيلها

فايز:-عليمن تعبن راوحتجن مبينة سوادين انمار صارت بيها

عائشة:-وتالي وياك ماتعوف الولد الا تحجي علية

راحت لحجرتها زعلانة وطالعة روحها رحت ورة سفانة لحجرة انمار لكيتهن يم نوف عيونها حمر والوجة احمر هستوها سكتت من الصبح تصرخ وتشلع بشعرها عاينتلنة ورجعت لفت روحها ونامت
ضلينة شوية يم راسها وطلعنة شفناها نامت..

رغد:-من اجت وليجاي ماشافت راحة

سفانة:-گلبي تفطر عليها شوكت تفرج وتثير زينة

سجى:-ان شاءلله ادعلها بنات خطيه ماتستاهل

سفانة:-والله ؏ الثاني ثبح ومثا ادعيلها..

رحت اقرا المواد المتراكمة ورغد اخذت كتبها..

سجى:-ها وين رايحة

-شبيج اقرا

-جا ماتقرين هنا

-شبيج سجى

-سجى خير ان شاءلله

طلعت ورجعت اركز بدروسي ماتحملت راسا دموعي نزلت سديت الباب وكعدت ابجي من شوكت رغد تحجي وياي هيج لو هاملتني لاتسالني شسويت شصار وياي مامتعودة هيج تغيرت كلش موذيج القديمة جنت معتبرتها صاحبتي واختي واليوم خسرت ثنين اعزاز علية اي خسرت صح بنفس الحجرة بس مو نفس العالم..

مسحت عيوني ورجعت اقرا صاحتلي سفانة اتغدة عفت البيدي ورحت تغديت واخذت المواعين خطية ابتلت كلة عليها درت وجهي لكيتها وراي..

-اكلج سفانة تعاي يمي احاجيج

-ها جاية

-اكلج هذا ارفد صاحب فارس شني سالفتة ماتسالين فارس علية

-وانتي شتثوين بية

-خايبة هذا الاستاذ يدرسني والفضول مشتغل الف اريد اعرف سالفتة شي وهو واحد غثيث يطفر بوجهي حتى من اسألة مايجاوبني كلت ما الكة غيرج تحجي وي فروسها وتجيبنة الاخبار الزينة

-خاف يكلي شعندج تثالين علية وياخذها بغير قثد

-لا ماعليج فارس يدري بيج انتي شني وماعندج هاي السوالف واذا گلج ليش كلة سجيوة يدرسها وحبيت اسال..

-ها هيج

-اي هيج حبابة سفسف سفاسيف

-گلبتي اثمي گلب ماريد غزلج

-سفانة اذا جبتيلي خبر جبير شتريدين انطيج

-ماريد منج شي بث لاتنجلطين

-الفضول مثل الموطور كتال صاحبة..

-ههههههه والله عدج ثوالف

-اعتمد عليج اخيتي

-كافي بث لاتلحين

ضليت متاملة بسفانة بلكت تعرف شني السالفة اجة فارس وهاي راحت وراة بعد ماطلعت ديلا امداني اذا ماعتمدت على روحي وعرفت السالفة.. اجتني اشعارات فتحتها من التلي ناشرين درجاتنة بالمادة الياخذنة بيها الغثيث وانوب طلعتلة اسم جديد..

شفت درجتي وصوفرت بصوت ناصي تسعة وعشرين من تلاثين اعلى درجة بيهم وحدة ماخذة تلاثين وهاي اعلى وحدة من وراي هسة من الفرحة مال ابوسة اكمز بمجاني من الفرحة رجعو دزو درجات غير مادة هم درجتي زينة ثمنطعش من عشرين..

اشتغلو يحجون بالكروب ويتناقشون على الدرجات سوالي هيثم منشن عكدت حواجبي شيريد هذا الثاني يحجي هو وصاحبة وكاتب..

-والله عمي سباعية الصراحة خفت عليها من عيونكم لاتحسدونها

راجع صاحبة كاتبلة:-يابة اني ماحسد لاتخاف مني خاف من الباقين لايلزكونها ليزر

سكتت دمي صار يفور شعلية يحجي بية انوب بالكروب العام كتب:-راح اخليهة مثل واصير مثلها ان شاءلله نوصل لنفس المستوى

ماتحملت وكتبت:-شكو خير ان شاءلله جايبين طاريي

هيثم:-بالخير جايبينة

-لا خير ولا شر وشني مال مثل وتصير مثلي شبيك امي شفتني حتى مثل مسويني اني شكو صير مثل لنفسك ولاتعب روحك ماتصير بمستواي لو الف عام تحاول وانت تعرفني شقصد

هيثم:-على كيفج سجاوي شحجيت كلت اصير بمستواج احسن ماابقى اروح منا ومنا

-شهل ميانة العندك تكلي سجاوي خير امي سالمين خو ماكو شي كول سجى وعوف الدلع

عفتة يكتب وخرجت من الكروب حرك دمي ذاب ميانة زفرة وياي راسلتني رنا شوية وسديتة اجت سفانة تضحك..

-فلا تستحين غلستي علية وانة متانيتج

-جا انة وين رحت هلجيتج

-رحتي لشسمة

درت وجهي منها شلون بلساني الفالت دخل فارس يخوزر بية..

-شني شمضيع ترة ذيج مرتك

-سلامتج مامضيع

كعد على الكرسي وسفانة راحت تسوي جاي

-اي ست سجى

-تفضل اوسستاذ فارس

-شني صدك ارفد يدرسج

-اي صدك

-شلونة وياكم

-زوين مادتة كلها راسبة بيها غثة هالقسم

-ها خوش وانتي

-انة بزودي نجحت فديتني الدكاترة عبالهم جنت عايشة بامريكا من كد ما انكليزيي زين

-يكولون لغتي زينة مو انكليزيتي

-نفس الشي.. اكول فارس

-كولي ست

-صاحبك الاستاذ مالتنة اقصد

-شبية

-ليش عايش بالبستان وحدة شني وين اهله معقولة يتيم ومكطوع من شجرة

-وانتي شمعرفج عايش بالبستان

-ها.. الجهال اي الجهال كالولي

-الجهال كالولج الاستاذ عايش بالبستان لو انتي رايحة لذاك السايد

-انة اروح لذاك السايد شني ماعندي عقل الله يشمر علية طابوكة تشك راسي اذا رحت غير انتو كلتو لاترحن هناك وانة ماروح..

-خوش صدكتج بس لاتبجين

-لاتخاف ماابجي بس كلي ليش

-رجل امة الچلب عاصم حتى الجلب يروحلة فدوة ماخذ املاك امة مدري شلون دايرهن باسمة وطردهم

-يعني ابوة ميت

-لا عايش بس مطلك امة وامة تزوجت وهو وياها

-يااااء

-اي وهسة يحاول يرجعهن بلكي الله ويرجعن

-ان شاءلله وامة وين راحت

-يم اختها

-جا ماضل وي امة

-خالتة عدها بنات مايكدر يضل وياهم والا هنا متوسلات بية يضل

-والله الدنيا بيها سوالف اشتعل عاصم

اتذكرت من مرة شعل عاصم جدامي:-واخوان واخوات ماعدة

-اخواتة متزوجات بس اخوان ماادري بعد

-خطية

-مو تروحين وتسولفين للطالبات لان القسم كلة يدري بسالفتة الزمي السانج ترة لو سمعت حاجية لواحد اموتج ومحمد

-لايابة شني السالفة امداني يو حجيت

صفنت اتخيلة وافكر بية مدري ليش كسر خاطي اهوو هسة انة شجلبت خزرت البلابل اليتغازلون سفانة خو سايحة البت وهو مامصدك..

-اشربة مر واتحلة بشوفتج.. خدودج صارن كرز مال كرص وعض

-هيووووووو شني سالفتك بعد بعد تعمقو يمي

-هسة انتي شحارگج ماتخلينة نسولف

-اذا اخليكم شوية تنزلون على الترابي روحو لحجرتكم ومحد يلزمكم مو هنا لا خليتولي لاقدر ولاقيمة شني مزهرية جدامكم

-لا طبلة المزهرية هواي عليج

-وانت الكرسي

-لسانج

-اي اي

دخل جاسب ورحمان جايين من الشغل سفانة وفارس راحو لحجرتهم وانة سحبت روحي مابية اصبلهم غدة اجت رضية تلكتهم وانة رحت اقرا سمعت هوستهم مو مال اقرا اخذت ملزمتي ورحت يمهم..

جاسب:-اي اسراء على الخير مرت الغالي

رحمان:-خوب مرت نعالك مو احسن

جاسب:-انجب خليني اكمل حجيي.. اي اسراء حضرتي روحج لا خو انتي مانخسر حتى زفة نزفج من حجرة رضية لحجرة رحيمان بس نصعد بيج الدرج وصالون مايحتاج وجهج بدون مكياج يخلس قصدي يبهر مو الا بمكياج نخاف على ابنة والله خوش مايخسرون بيج فلوس

اعاين لاسراء وحاصرة ضحكتي راح تنفجر بعد بيتي اقصف ولاتبالي..

جاسب:-ها سجيوة

-ها جسوبي ترة جاي ادلعك

جاسب:-ماريد دلع جسوبي دبدوبي نفس الوزن يعععع

-اقدم اعتذاري لك اوستاذ جاسب المحترم

-لا بأس ست سجى اريد اسئلك عدة اسئلة

-نعم تفضل هات اسئلتك كي اجيب عليها

-هذوليك الناس مابهم

-هذوليك قصدك هؤلاء

-خاب انجبي هو انتي  بالعربي جانو ينجحونج لخاطر روح سيبوية لاتحزن عود تعرف احسن مني

-محد يعرف احسن منك احم سأجاوب هذوليك الناس ماادري شني سالفتهم حالي حالك بس لاتخاف اعرف وارجعلك خبر

-كفو من شواربج سجيوة اعتمد عليج ترة كلبي يلعب

-عاباك الله منيلي شوارب البارحة حفيتهن علمود الدوام

-شخبار الگمگم (الگمل) هم بعدة يزورنا لا

-لا يابة هي بس مرة وحده زارنا وراح لاتلزگ

-اي مو اكول حتى اطمن على مستقبل هؤلائك

رحمان:-بس عوف الضمائر مو لعبت بام اللغة

جاسب:-وسفة عليك انة العب باللغة ماتستحي تحجي هذا الحجي ترة اسوي على هاي الحجاية كعدة معتبرة

رحمان:-سودة بوجها اليحجي وياك تاكلة بگشورة

-اسراء حبيبتي اغسلي المواعين وياج

حجيت هيج جدام رحمان ادري بيها ماتكول لا راحت تغسل تنفس تنفس:-وياج حطي جم طاسة بالثلاجة والكاونتر والطباخ وياج مو تغلسين عنهن..

رحت اكمل قرايتي كملت ورحت حضرت غراضي ونمت كعدت الفجر صليت وراجعت المادة شوية حتى لا انساها كعد انمار راح يسوي ريوك..

-شني السالفة انة اسوي انمونة

-لا اقري انة اسوي معليج

-كملت قرايتي انطيني

كوة اخذت من ايدة شكد مؤدب هالولد ولاينخانة عكس ولدنا لو رادو شي يخبصونة خبص.. سويت اله صينية اجة اخذها..

-اكلك شلون صارت مرتك

-على وضعها يوم زينة وعشرة لا

-ماتاخذها للدكاترة احسن من السادة الماتفيد بشي

-غير اخذتها من سمع سالفتها كال تاثرت على اخوها شي نفسي مايفيدها الطب هو الدكتور بنفسة كال مايفيدها الطب

-هسة ايجوز هذا مايفتهم ماشفتو بعد غيرة مشيتو على حجية

-الله كريم نشوف شلون تصفة ربج يحليها

شكد ينكسر خاطري علية خطية مايستاهلون ثنينهم الله يكون بعونهم خطية حاير بيها.. تريكت ورحت بدلت على السريع رحنا وي فارس وصلنا ومشة..

-لا هلا ارض الشقاق والنفاق تف حتى تف بوجة كل واحد عاين فاسگة

-على روحة الفاسگ مايأثر عليج

-اي ادري بس تلعب روحي من نظراتهم

-خية انتي العباية ساترتج ماعليج شي

-هم صح صدك شوكت تخلصين

-ما ادري من تخلصين اتصلي بية

-خوش

رحت لقسمي بوجهنا للقاعة اخذت محاظرة وحدة وبقة عدنة وقت شاغر واكفين بالممر نسولف انة وريم نفخت بملل..

-هم هذا اللزگة

-ريم: خلي روحج رياضية ست

-صخامية احسن

-صباح الخير بنات

ريم:-صباح النور

هيثم:-كلنا ماطول ماعدنة محاظرة نريدج تشرحلنة

سجى:-انة

-اي فيدينا وياج ترة مطفين وانتي اعلى شي مطلعة

سجى:-عين الحاسود بيهة عوادين وسچاچين

فات من يمنة الغثيث خازرنة وجنطتة بيدة كمت وصحت وراة::-استاذ استاذ اوكف شوية

وكف ورحت يمة يعاينلي بطرف عينة:-شوف استاذ ذولة الطلاب مامفتهمين مادتك واجو يمي اشرحلهم بس انة شگتلهم تدري شگلتلهم گلتلهم انة مو الدكتور وانت طلعت..

-المطلوب

-تشرحلهم شبيك

-تمام شوكت عدكم فراغ

-هسة

-هسة اني فارغ اذا تحبون تعالو لغرفتي

طلع جدامنا ورجعت للطلاب مفهين ماتوقعو ادگ بيهم هاي الدگة ادري كلش زين هيثم يريدلة حجة يحجي وياي ومالگة بس هاي السالفة..

-يلا شباب امشونا يشرحنا صگد لو كالو من اراد قطرة اعطاة الله المطر

ريم:-الله عليج سجاوي

-تسلمين حياتي

بداخلي فرحانة كلش بدي اركص من اشوفهم شلون ضايجين رحنا لغرفتة دكينة الباب كال تفضلو اعتقد مو بس الة اكو دكتور ثاني وياه بس ماموجود..

سجى:-خاف ازعجناك استاذ اعتذر مقدما

-الدلال.. احمم اتفضلو بالعكس نورتو

كعدت ريم على كرسي هو واحد واحنا ضلينة واكفين راح كام جاب الكرسي مالت الدكتور خلاة بصفي..

-استريحي انسة

-شكورا اسوتاذ

بدا يشرحلنة وكل شوية ريم سائلتة سؤال جلبت وانة اريد اطلع عقلي مايستوعب گرصتها الا سكتت

-رحمة الله والديك استاذ ها فهمتو مو بعد تعالو للاستاذ يشرحلكم ترة انة ماعرف..

هثيم:-شكرا استاذ تعبناك

ارفد:-ولو ادللو

كومت ريم وطلعنا كبلهم..

-ريم: والله دكة ناقصة

-حل يستاهلون

حضرنا محاضرة وجاي الاحظ اسلوب هيثم ونظراتة كلش يغث احاول اتجنبة بس من اطلع يحجي وي الولد وعيونهم علية احاول اقشمر روحي مو يمي
خلص الوقت ورجعنا للبيت لكينة نوف تصرخ ومحد مهتم صار عدهم الامر طبيعي..

مر اكثر من شهر ونوف على وضعها مرات تصرخ لو تصيح والباقي نايمة مافاد وياها شي جان يوم سبت البيت هادء تقريبا كاعدين احنا والبنات نسولف ومانحس الا انمار يصيح بصوت عالي هجر البيت هجر طلعنا نركض نشوف شكو شبية انمار لگينة  اسراء بالكاع والدم ماخذها وانمار يرفس بيها ..
نريد نطلعها منة ماكو كلنة ماكدرنة الة وكفت كلوبنا من كالت رضية..

-ماتتت الفرررخة وگفففف گلببببها..

يتبع..

          
         توقعاتكم..

راووني تفاعلكم اليسوى قدرو تعبي حبايب..
انتظروني في بارت جديد..

دمتم بحفظ الله ♥

-