لطفاً متابعة الحساب zarazoz
والتصويت تقدير للتعب والتعليق
بكلمات جميلة ومحفزة
من ودعوهم طلعو من الباب وعمو وأحمد طلعو يودعونهم شويه وسمعنه صوت السيارات مشت واني الاحساس الي بداخلي يعني لاكلمه توصفها ولا تصرف هيج اريد اصعد ع أعلى عماره واصيح من فووكها اني فرحاااانه اني احبه احبههه حيل
اجه مسج لتلفوني فتحته هوه كاتب:-( لوزه زينه انت)
كتبت:- اي ليش؟
-( على مود الرمي انا ادري تخافين من الرمي بالي ضل يمج من رمو)
ابتسمت رد كتب( لوزايتي الفاهيه)
كتبتله ( راهب فرحانه حيل فرحانه ماعرف شلون اوصفلك الاحساس الي بداخلي)
رد( دوم الفرحه بعيونج يعيوني انتٍ وعلي بعد وبعد هاذ القليل من السويته احمدي ربج صرتي دنيت راهب هههههه)
ابتسمت وكتبتله:-رويهب الحلو
-(ههههههههه روح رويهب)
:- احبك ترا اني
تأخر شويه ورد كتب:-( ايا ظالمه النفس قزوم من اكون وياج ماتكوليها وبرساله تكولينها وجه البومه صماخج هالكبره)
:- ههههههههههه هاي فوك ما اكلك احبك عابت
-( اخخ ولج والله لاذبحج برساله تكليلي احبك ومن نكون سوه تصيرين بزون اصير اجر الكلمه منج جر)
:- هههههههه ما اكلك من نكون سوه انته وكح وعندك سوالف ادبسززيه مو راحه
-( جا باجر أنا خطارج)
-يا خطاري شنو وين
-( باجر خطارج بالمستشفى جايج وراح اشوفج سوالف الادبسزيه شلون تصير)
-يااا عززه مو مرحب بيك
-(انجبي جايج جايج)
-والله مو مرحب ماريد لاتجي والله اخلي الأمن يجونك
-( هيه بكيفج حتى اعلكج بالبنكه من عطوبج واخلص منج)
- هههههههههه لا من صدك راهب ترا لحد الان بس قريتو الفاتحه وماعقدنه مايصير تلمسني لحد ما نعقد والله هاليومين من بقيت وحدي فكرت بكل الي صار وشفت شكد غلطنه وشيلتنه ذنوب راهب مايصير تحضن وتبوس وانته غريب عليه
:-( يا روُح روُحي انتٍ ادري والله بس اول وتالي انت حلالي لكن الايام الفاتت وعلي من اكون وياج انسى الدنيا ومابيها انسه اهلي وعشيرتي وماشوف بس انتٍ كبالي وماخلي براسي لا حلال لا حرام انسى كلشي وبس اشوف وجهج كبال عيوني )
ابتسمت وكتبتله:- وين انته هسه بهالسرعه وصلتو
-( لا عمري انا بالسياره وهسه راح انزل يمهم للمطعم)
-يااا مطعم شنو لعد صار ساعه يتوسلون بيكم عمو واحمد ومابقيتو تالي تاكلون بالمطعم هاي شنو
-( اخخ ولك لو الزمك هيج اعلسك بين سنوني واكلك انت ماترهم بس للاكل)
:-هههههههههه الا صدك ليش مابقيتو
-( روُح روُحي والله انا من البارحه عزمتهم لذول الجو بالمشيه كلهم وحجزت المطعم ورتبت كلشي من البارحه فه شلون نضل وانا محظر الغده كامل)
:- يعني من البارحه انته محضر للمشيه؟
:-( هههههه اي دنيتي صارلي من يوم الانسدت سالفه الكو** مرتضى وانا اتصلت للبصره يحظرون للمشيه ويجون كل الشيوخ النعرفهم وحتى شيوخ هنا ببغداد النعرفهم اجو واصدقائي الضباط والعساكر وانا خليت عباس يتصل عليج چي حاظرتني وكلت ما احاجيها بس اسمع صوتها وهي تحجي ويه عباس لان من صدك احس مضيع شي وانا ماحجي وياج وكلت اسوي المشيه الها مفاجأ وهم مراضاه چي ما احجي وياهه كم يوم بس ماكدرت من كالت بنت خالتج مريضة ماكدرت اتحمل وحجيت وياج على كلن هم صارت مفاجأ)
ابتسمت ودموع الفرح بعيوني كتله:- ونبي احلا مفاجأ صارلي خمس سنوات ما فرحانه هيج والله
:( يروُح روُحي وگلبي انت وعلي عمري وحياتي وكلبي كلهن فدوه الك ولعيونك الدوخني انت صغيروني الاحبه ابن كلبي الفاهي والاثول انت)
- ههههههههه خوش غزللل
:-( نتعلم كلشي لعيونك حتى الغلط نسوي غزل لعيونك حبيبي انت)
:-احببببببك حضره العقيد
شافها ومارد رفعت راسي شفت زهور ماكو يمي باوعت شفتها واكفه يم الثلاجه ومخليه راسها بالثلاجه وتاكل كلتلها:-شسوين
رفعت راسها وحلكها متروس وكالت:-شسوي مثلا جاي ازقنب انتي مخليه راسج بهالفون وتراسلين حبيب القلب واني وجهه الارمله وطاكني الجفاف كلت اروح اخلي راسي بالثلاجه اخيرلي من هل قهر
-ههههههههه إذا خلصتي امشي يلا
-دقيقه
رجعت مادري شخلت بحلكها ومسحته وكالت يلا توني مشيت اريد اطلع من الباب اجاني مسج لتلفوني كلتلها:-لحظه
شفته بصمه صوت من راهب فتحتها:-( حبيبي حجي جاسم مشغول بس افضى احجي وياك على مود الشغل)
منوعات اساور احمد:
ضحكت واكو اصوات زلم يمه هواي وزهور كذالك وتلطم تريد نفس راهب واحد يكللها جويسم كتبتله:- تمام
طلعنه للصاله خالتي ونور وزهراء وزينب كاعدات خالتي تباوعلي ومبتسمه كالت:- يمه الف مبروك يوم عرسج
ابتسمت خجلانه:- شكرا خاله
وكذالك نور باركتلي وزهور هم عل واهس باركتلي وصارت تمطگ بيه بس زهراء وزينب اليشوف نضرتهن الي عبالك ماخذه زوجهن شويه ودخلو عمو واحمد. هم كعدو وصارو يحجون على المشيه والموقف الصار كال عمو:- جايب شيوخ البصره كلهم والضباط والعساكر من صدك معدل
احمد:- جا شتريد بويه ابن شيوخ وعقيد تريد مشيته عاديه اكيد يسوي مشيه الكل تحجي عنها حتى من راحو أهل المنطقه ضلو يسألوني منو ذول واكللهم مشيه لأختي
ابتسمت وزهور كاعده بصفي همست:- كلها عباله لأن ابن شيوخ وعقيد سوه هيج مشيه مايدرون كلها لخاطر دنيته ولوزه كليبه عيوني
ضحكت كال عمو:- بويه أنا محيرتني شغله
ام احمد:- شنو المحيرك
ابو احمد:- أنتِ مو كايلتلهم هي بنتنه وعدنا اربع بنات
عقدت حاجبي وكالتله خالتي:- اي هيج كايلتلهم
- بس شلون وهيه غيرت اسمها ورجعته لاسم ابوها زين باجر بعقد المحكمه لو يشوف اسم الاب مو نفسه شنكول
ماعرف احساس شنو اجه بداخلي كال احمد:- هم صدك بويه لازم نكللهم وإذا تريد انت كول لابو الشيخ وانا اتصل براهب لازم ثنينهم على علم وهمه التصرفون
ابو احمد:- هوه هيج لازم يكونون على علم قبل لايسوون شي ونكللهم اهلها ماتو بوكت داعش وهيه جبناها عاشت ويانه وصارت بنتي حالها حال بناتي
ابتسمت بتصنع وكمت صعدت صعدت وراي زهور كالتلي:- شبيج دنوو ليش تغيرت كلامحج توجع الابتسامه شاكه حلكج
باوعتلها بحيره وكلت:- زهور ماعرف ليش احس انو رح يصير شي ويخرب كلشي
-مثل شنو همه حتى فاتحتج وقروها وراهب ويموت بيج شنو اليخرب
- مو بخصوص راهب ماعرف احس بتغيير الاسم وهمه عبالهم اني اختج صح مادري خايفه لو يسمعون بنت اخت امج واهلي داعش كتلوهم يرفضون يزوجني راهب
- هي بكيفهم راهب بعد مخليج براسه وخلصت ولاتهتمين حبيبتي هي فاطمه وتدري وعباس ويدري وراهب ويدري وهسه اهم ثنين لازم يعرفون بخصوص اهلج ومهم حجيهم همه ابو وامه وماشفتي امه تنحط بالگلب وشكد فرحانه من اجت خطبتج لان جان رافض الزواج وقرر يزوجج حتى وهيه جايه تخطب تحجي وتلمحلج حتى توافقين واكيد ما راح يغير رأيها هيج موضوع مو مهم وأبو هم على كلام ابوي واحمد خوش رجال ومعدل واكيد هم ما راح يأثر بي هالموضوع
باوعتلها:-هيج رائيج؟
-اي هيج لاتهتمين حبيبتي
هزيت راسي بس لحد الان قلقانه ماعرف ليش ومنتضره راهب يتصل حتى احجيله نزلنه تغدينه وراهب لحد الان ماتصل رجعت صعدت فوك وزهور شغلت فلم نباوعله واني بالي مو يم الفلم والسالفه تاكل براسي
لشويه ورن تلفوني شفته راهب كمت للجربايه وزهور بالكاع كاعده وتباوع رديت:- الو
- روُح روُحي
ابتسمت وسكتت كال:- اشتاگيتلك ولك جويسم
-ههههه واني هم هواي
:- لوزايتي الفاهيه مو اكثر مني
-اممم
- ها شكو شو مو على بعضج حبيبتي صاير شي
- راهب اليوم عمو واحمد جانو يحجون بموضوع
....
-شنوه؟
- تغيير الاسم مالي وهمه اهلك يعرفوني اني بنتهم
شلون لو شافوا اسم ابوي غير لأن غيرته
- اي وإذا
- شنو راهب عمو يكول لازم نحجيلهم اهلها كتلوهم داعش وهيه بقت يمنه خايفه من يسمعون مايرضون بيه
- محد يحجي مقرر وخاصم الحجي وخوش خطوه خلي يحجي لابوي على الصار وياج ميخالف وها اهم شي
- شنو
- يحجي على حيدر اهم شي خلي ميخالف يكله اخوها انظم لداعش وابوها وامها ماتو وهيه ضلت يمنه
-شدتحجي انته راهب من كل عقلك يكله اخوها داعشي وباعها
- ولج يالفاهيه مو هيج بس يكله داعش جبرو يصير وياهم ومن يومه ما اله اخبار مادري ميت طيب محد يدري خلي هيج يكله وانا منا عود هم امشي السالفه
- تمام راح اكللهم بس راهب هم خايفه لايسمعون ويعارضون زواجك مني!؟
- ههههه بووويه صغيروني يريدني وخايف لا يخربون زواجي منه
ابتسمت وماحجيت شي احس فشلني بهالسالفه كال:- يا روحي لاتشغلين بالج ولاتهتمين أنا يلا لكيتج وحظيت بيج تريدين هسه يعارضون واعوفج وعلي يحلمون ولاتخافين محد يعارض وكولي مثل ما كلتلج تمام حبيبي
-تمام راهب
-روح راهب احبك سيدي
-هههههههه واني احبك سيدي العقيد
كلتها وحجت زهور من يمها:- احممم احممم
كال راهب:- ولج هاذ مو عباس
-ههههههههههههههههه لا هاي زهوور
-خرب عرضج عبالي العار نفس كلامه
-هههههههه دائما هيج حتى حافظه كل كلامك الاحجيهن الها
-زين تسوي معدله تعوضج غيابي
ضحكت وبقيت احجي ويا لحد ما اذن عصر زهور طلعت كمت صليت هم رجعت احجي ويا وهوه كل شوي احد يدخل علي ويحجي بخصوص الشغل بس مايقبل اسده يكمل كلامه ويرجع يحجي وياي وكال الخطبه بعد يومين وباجر يجون يجيبون النيشان
للعشه واحنه كاعدين نتعشه وباجر زهراء وزينب يروحن لبيوتهن كلت لعمو:- عمو اريد احجي شي
-اي بويه احجي
- بخصوص سالفه اهلي وانو اني مو بنتكم تكولون للشيخ
- اي بويه هيج نكله جا شنسوي لازم يكون عدهم علم كبل اي خطوه يخطونها بخصوص الزواج خاف وراهه يدرون وكتها يجون يلومونه ماكلنالهم وانتٍ هم مغيره اسم ابوج
- اي عمو احسن شي وها اريد تكولولهم بخصوص حيدر انظم لداعش
احمد:- شبيج دنيا تخبلتي شلون نكللهم انظم لداعش وتريدين نكول باع اخته
- لا مو هيج بس كولولهم اخوها صار ويه داعش واهلها كتلوهم داعش ماريد يبقى شي مضموم وباجر عكبه تخرب حياتي من وره سالفه ماكلتها هسه حتى يتحدد مصيري
ابو احمد:- هم صدك بويه هاذي حياتج ولازم يكون الهم علم وبالاخص راهب هاذ الراح تكضين حياتج ويا
هزيت راسي ورجعت اكل وصح من حجيت ويه راهب ارتاحيت بس لهسه قلقانه من رده فعل اهله لو عرفوا اخوي داعشي الله لاينطي دمرني ودمر حياتي لو ما ماخذني بيومها جان طلعنه اني وامي وأبوي جان همه هسه وياي وعايشه وياهم احلى عيشه وشحده اليحجي عليه لو يطعن بيه دمرني بسببه اخذ اهلي وهسه هم ما كادره اعيش حياتي مثل الناس وافرح انو راح اتزوج الاحبه خوفه لا اهله من يسمعون بسالفته يرفضون أو حتى إذا عاندهم باجر عكبه يكرهوني عيشتي لو اخذني بدون رضاهم وحايره بين نارين من جهه كلبي وحبي لراهب وما أريد غيره اريده بس هوه ومن جهه عقلي يكلي فكري بالسلبيات قبل الايجابيات هوه يكدر يعاندهم وياخذج بس اذا ما راح ترتاحين بحياتج ويا شتحصلين انتي ومن جهه كلبي يكلي لا مثل ماحبيتي ترضين بي وتعيشون سوه على الحلوه والمره واكيد ما راح يعوفج يحبج هو
وباقيه هيج لوره العشه كاعدين احنه البنات بالصاله يباوعن فلم وعمو وأحمد طالعين وخالتي هم ماعرف راحت لعمامهم كاعده اللعب بأطفال نور دنيا وحسن واوكلهم سريلاك اطفال كالت زهور:- اكلج زنيبه
زينب:- همم
- هوه هاذ الشيخ ابنه الجبير راهب لو عنده اكبر منه
زينب:- لا ابنه الجبير مو يصيحوله ابو راهب
زهور:- شفتي نور شلون مشيه وبويه عقيدددد
زهراء:- حظ كح**اب كاعد بكلشي
زهور:- عوافي عوافي المهم هالحظ كعد ويه عقيد وابن شيوخ
كالتها وغمزتلها وزهراء وجهه صار احمر من القهر كالت زهور:- نور يعني الشيخ وراه يصير ابنه شيخ لو اخو
نور:- لا ولج يصير ابنه كل شيخ بمكانه ابنه اليصير شيخ
-يعني العقيد راهب الجبير وهوه اليصير شيخ عكب ابو
-ايي
-بووويه ليش لااا تستاهل دندون تصير شيخه على روس الناس
باوعتلها صفح لان صارت كلش بايخه بكلامها تربعت وصارت تحسب باصابعها :- بويه هم حلوه هم اخلاق هم ناعمه جنها طفل هم دكتوره هم بالمستقبل زوجها عقيد وهم شيخ وراح تصير الشيخه مرت الشيخ بوويه واصير اشوف نفسي بنت خالتي زوجها شيخ وعقيد يمااااي وهيه شيخه مرت عقيد
ابتسمت واني اوكل حسن كالت زينب:- لاتفرحين كلش اليضحك كثيرا يبكي اخيرا
زهور:- وهيه بكت كثيرا ف راح تضحك اخيرا ههههههاااااايييي
خزرتها زينب وكالت:- انجبي وبعدين خلي شويه اكلج على عاداتهم خاف ماتعرفينها مهم عدهم يشوفون بياض البنت دم عذريتها وإذا طلعت مو بنت تنذبح وانتٍ من هسه اكلج ارفضي احسلج لاتروحين تنذبحين باسم عار وطلعت مو بنيه
ماحجيت شي بس من كد مايحجن بهالسالفه وع انو اطلع مو بنيه حتى اني كمت اشك بروحي انو مو عذراء ونبي على كد ماحجن بهالسالفه
رجعت كالت:- وخلي احجيلج على هاذ العقيد الي فرحانه راح تاخذينه هذا فد واحد عصبي ومايتحاجه كلشي ولا احد يعانده ويكسر كلامه ويموت من البنت الماتلبس عبايه والي جاي تشتغل
زهور:- صدك عود؟
-اي والله وها خلي اكلج ثاني شغله اني لو ما اعزج دنيا وادري مايخليج تشتغلين وهذا حلم اهلج جان ماكلتلج
باوعتلها وباوعت لزهور اشرتلي لاتهتميلها وكالتلها:- اي زينب اكيد مثل اختج وتعزينها اي شبي نوب
زينب:- اي والله وفد واحد نسونجي وأبو نسوان مايرضه بوحده واثنين يحجي ويه الف وحده ويوعدهن بالزواج ويجذب عليهن وهاذ مطلك
زهور:- عزززة مطلك صدك عود
- اي والله مثل ما جاي اكللجن حتى حماتي نبراس هوه ميت بيها والف مره خطبها من عمي بس هيه ما تريده تكول خلي يولي عنده سوالف مكسره لو تشوفين ذاك اليوم كايل الا انهي عليها أنا رايدها ازوج وراها انهي عليها واخذها
زهور:- صدك عود هيج كايل
- اي والله ماتقبل لأن عنده سوالف مكسره وأبو نسوان
- زين انتي منين تعرفين
-شبيج زهور غير هوه ابن عم رجلي محمود وهوه صديقه المقرب محمود ويعرف بكل سوالفه وحجالي
باوعتلي زهور وغمزتلي وكالت:- ميخالف ميخالف حبي راضين وإذا مطلك عادي والرجال ينعدل على ايد المره واكيد دندن راح تعرف شغلها مو دنوو
ماجاوبت ولا انطيت اهميه للكلام ادري كل هالكلام بس حتى ارفض ازوجه وعبالهن ما ادري راهب منو
كالت زهراء:- ولج هيه زنيبه ليش تتعبين لسانج وتحجين والكلام على الخالي بلاش هيه اصلا كاتله روحها على الزواج وما صدكت خطبها كبل وافقت حتى بس تزوجه لأن عقيد عيوني وشايفه نفسها بي يتحدد مصيرها ليله عرسها
زهور:- هسه شخبصتونه مصيرها ومصيرها وخلي ليله عرسها بينها وبين رجلها انتي شحارك حمامج وتدخلين
زهراء:- مو لسواد عيونها حبي بس اني خايفه على سمعه ابوي اكيد باجر عكبه لو اكتشف العقيييد هي مو بنيه يجي على ابوي
زهور:- وطبج مرض خلي يجي اهلا وسهلا بي انتي شعليج حاطه روحج بكلشي
زهراء:- ترا اكوملج اكص لسانج طولان معلمتج على الصلافه
- مو هيه المعلمتني تعلمتها منجن لو نسيتن فشارجن وكلامجن عليها من اول ما اجت وهيه بعمر صغير وماتفتهم شي علمتنه كلشي من كلامجن وصرنه نعرف أكثر منجن ماشي واليرضى يرضه والمايرضه الباب يفوت جمل
زينب:- تطردينه زهيران يجي ابوي واني اكله بسيطه
- والله ما تروحين تكليله كافي حتى مليت من وجهجن صارلجن سبوعين مكابلاتني ماعدجن بيت
كالتها ودارت عليه:- كومي كومي مرت العقيد لازم تهتمين بروحج وببشرتج بعد يومين خطبتج
كمت وياهه وصعدت وهيه تكلي لاتهتمين لكلامها وتجذب بس تريدين ترفض كلتلها:- لا ابد ما مصدكه اصلا حجت ولا انطيت اهميه بس لحد هسه براسي كلامها من كالت مايحب المره تشتغل عود صدك ويبطلني من شغلي وحلم حياتي وحلم ابوي
زهراء:- والله بهالسالفه مادري اذا هيج أو لا بس اكيد تجذب ماشفتي شألفت علي طلعته ابو نسوان ومطلك ومادري شنو
- ادري بس لازم احجي ويا بالموضوع زهور اني كلشي ولا شغلي هذا جان حلم ابوي وحلمي وحققته واريد استمر بي احجي ويا قبل كلشي حتى لا باجر عكبه من يخطي خطوه بخصوص علاقتنا وكلتله اريد اكمل ومايقبل واني اعاند وهوه يعاند تالي يلومني ماحجيت ويا من اول مره
- احجي ويا بس بهدوء وسايسي ولاتعاندين ابد احجي ويا بلطافه وكليله هاذ حلمي وحلم ابوي واكيد هوه يحبج وما راح يزعلج
هزيت راسي ولنص ساعه هوه اتصل صرت احجي ويا وسمعت صوت سيارات كتله:- راهب وين انت جاي سوق
- اي عمري طالع للموصل
كمزت من مكاني:- شنوووووو ؟
-يولي على كيفج شكو رايح بشغله لاتخافين ما اباوع للبنات وعيونج
- راهب صدك تحجي للموصل وبنص الليل انت تريد تجلطني شتسوي هناك ارجع
- بويه رايح بشغله وعيونج ماكو شي لباجر الضهر راجع أنا
- ماا ماا مايصير شغلك الا بليل والله ترجع عباس وياك
- لا وحدي وطلعتلي الشغله مستعجله ووغلاتج ما اتأخر لاتخافين ماكو شي
صرت ابجي:- ماا ماا ونبي ترجع راهب تريد تموتني والوضع مو زين انوب بنص الليل ارجع هسه ارجع لخاطري ارجعع
كلتها وصرت اناشغ وابجي كال:- ولجج لاتبجين يبعدي شبيج شلون ارجع وعلي وصلت حدود الموصل اروح اكمل الشغله وارجع والله
-ماااا كتلك مااا ارجع هسسه ترجع والا بعد ماحجي وياك وروح امي ارجعع راهب مابقالي بدنيا غيررك ماريد اخسرك انت هم ارجعع
احجي وابجي بصوت عالي وع صوتي كعدت زهور واجت تحاول تعرف شبيه واني ما احجي واسمع لراهب الي انجن من سمعني هيج ابجي كال:- اسكتتيي لاتبجيين ولج شبيج يحضي شكد تصرفين دمووع اسكتي
- ماااا انجب وهسه ترجع والا وروح امي اذبحك بيدي ارجعععع
زهور ضربتني وهمست:- فلشج كون صخام بوجهج فشلتينه ولج بكدج تكليله انجب
باوعتلها ودموعي تجري انتبهت ع نفسي شجفصت سكتت عن الكلام بس لسه اناشغ من البجي كال :- ههههه يلا وهاي ثاني جفصه نعبرها للخاتون چي فاهيه ما راح احجي وياج
كلتلها ومخنوكه:- اذا تحبني ارجع راهب ما اريد اخسرك
كال بصوت حنين ومبين وكف وطفه السياره:- ومحمد ماعوفج لج انتٍ روحي شلون اعوف روحي بالدنيا واروح لو متت اخليهم يدفنونج وياي احطج فوك كلبي واخلي يغطونه بالتراب
زدت بجي واني اكله:- اسكتت اسكتت لاتحجي هيج ماتموت ونبي اذبحك لو متت اذبحك بيدي واخلص منك
-هههههههههههههههه اخ منج يالفاهيه جا ماتريديني اموت وتريدين تذبحيني بالحالتين أنا ميت
:- لاتحجي هيج راهب شموديك للموصل وبنص الليل خايفه عليك ونبي
- يا روُح روُحي لاتخافين أبويه انتٍ ومحمد ماكو شي وطلعتلي شغله صغيره اكملها وارجعلج ما ابعد راجع ومحمد
سكتت بس دموعي لحد هسه تجري خايفه علي كلش الوضع بالموصل مو زين ونوب رايح بليل وهوه عسكري خايفه هواي علي كال نازل يخلي مي للسياره سألتني زهور وكلتلها وصارت تهدي بيه وادعيله يرجع بخير ولاتخافين ماكو شي واني اهز براسي كلتلها ارجعي نامي راح ابقى ع اتصال ويا هيه هزت راسها وراحت نامت رجع هوه اسمع سد الباب كال:- دنيتي بعدج وياي
- اي
- ارجعي نامي يروحي أنا من تصير ب3 اتصل بيج على مود العلاج واطمنج ناميلج نص ساعه حبيبي
- ما مااريد اريد ابقى وياك احجي لحد ما توصل ما جايني نوم
- لوزايتي الاعشكها ادللي هوه أنا رايدها من الله تلهيني وحشه وحدي وماكو احد احجي ويا
شغل السياره ومشى وطول الطريق اني احجي ويا وكل شويه اثاوب ويكلي روحي نامي واني ارفض اكوم اغسل وجهي وارجع احجي طلبت منه يفتح كامره رفض وبقيت اللح تالي فتح ومخلي كباله ع وجهه ويحجي وياي ويباوعلي ويباوع للطريق وفرحان ويضحك وهوه يكلي:- شكد افرح من اشوف جهرتج الزفره تنطيني طاقه ايجابيه
- هههههههه ولي مثل وجهك احبك
-اموت بيج
- راهب دير الكامره اشوف الطريق يمكن اذكره
-ماا حاج حبيبي ضلمه وسيارات ما تعرفينه وبالحدود انا من ادخل للمناطق اشوفج
- ما ما والله الا ادير اريد اشووف
بقيت اللح علي وهوه يرفض مادري ليش واصلا وراه امبين ماكو سيارات وصار عندي فضول اشوف الطريق بقيت اللح علي وهوه مايقبل وعصب عليه ويكلي بطلي عناد مافالحه بس بالعناد وخليني اشوف طريقي واني ارفض تالي من بعد عنادي وصرت ابجي من بجيت كال:- امري لا الله خل نشوف وين توصل وياج بالعناد
كالها ودار الكامره والطريق اضلم كامل مابي ضوه جداحه وطلع يجذب ماكو لو سياره وبس سيارته والمكان يخوف حيل زدت بالبجي وهوه يهدي بيه وينعل بعباس وينعل بنفسه لأن كالي رايح للموصل وشويه يرزل بيه وشويه يهدي بقيت على هالبجيه لحد ما سد الكامره وبقيت على الخط كالي كومي اخذي العلاج اخذته ورجعت كتله:- شصارت هاي هلكد طريق الموصل بعيد وماواصل
- لا روحي أنا داخل الموصل بس المكان الرايحله شويه بعيد
صار صبح وهم فتح كامره بطلب مني وهوه يمشي واشوف الموصل المهدومه الصايره خرابه البيوت المقصوفه الشوارع الكلها انقاض وحجار ورجعت ابجي كبل سد الكامره وهوه يحجي عليه:- أن فتحته وشوفتج بجيتي وان سديته بجيتي الله يساعد كلبي عليج بالمستقبل شراح تلعبين بيه
-هههههههه اجلطك اخليك بيومين تطلكني
-اطلك روحي وما اطلكج انتٍ اجيتي مثل العسل على كلبي
ابتسمت وسكتت بقينه نحجي هوه يحجي واني اردله لشويه كال وصلت لمكان الشغل من اخلص عود اخابرج طفيته باوعت ساعه بالخمسه الفجر وبعد ساعتين لدوامي واني منا نعسانه صليت وخليت راسي ونمت ماكعدت الا لمن كعدتني زهور للدوام كمت كبل دخلت للواتساب شفته بالسته ونص جان فاتح قبل نص ساعه اكيد ما اتصل عرف نايمه اتصلت بي ماجاوب ودزيتله مسح عنده نت كمت سبحت وبدلت وطلعت اتريك هم لحد هسه مفاتح رحت للدوام وبالطريق اتصل عليه وطمني علي كال للعشره اكمل شغلي وارجع لبغداد حجه شويه وياي وسده رحت للمستشفى بين الشغل والمراجعين واتصلت خالتي كالت ارجعي من وكت جايين أهل العريس يجيبون النيشان بقيت اشتغل وقبل لايخلص دوامي بنص ساعه اجه عباس طلعنه كعدنه بالحديقه وكال جنت قريب من المستشفى وكلت اروح اشوف زمزمي
وهم بين سوالفه وتصنيفه موتني ضحك وكذالك نفس كل يوم جايبلي مصاصه يكلي خاف تشوفيني وتفتحين بوزج وتبجين وتكولين عباس مايجيبلي شي
واني اضحك شويه ودكو علي صار يسب ويغلط واني اضحك ودعني وراح كملت شغلي وطلعت للبيت تغديت وصعدت سبحت وبدلت لشويه وكالت زهور اجت ام راهب انزلي نزلت وشافتني صارت تبوس بيه وتباركلي وتكلي:- فرحانه يمه وانا اشوف وليدي رويهب يريد يزوج ويأخذ هيج وحده حلوه وناعمه هنيالنه ناخذج من يوم الشفتج حبيتج
واني ابتسملها كعدت وكعدتني بصفها وتحجي ويه خالتي وكالت انو راهب كايل الخطبه كعب باجر بقو شويه بس هيه وام عباس فاطمه ما جايه سألت عليها زهور كالت ما اجت أبيت رجلها تجي بالخطوبه شويه وراحن وجايبات بغراض النيشان ملابس طلعه ثنين وكلابيات بيت يخبلن وحذاء وشالات وفستان حفله ورده يجنن راحن وكذالك مر اليوم بين احجي ويه راهب ومارحت للعياده ولا لكريم وكلت وره الخطوبه اكول لراهب على دكتور كريم
جنت احجي ويا كلت اسئله على شغلي كتله:- راهب
-روحه
- اريد احجي وياك بس فدوه خليك صريح وياي وكلي اي شي تقرره من هسه
-اي كولي حبيبي
- على مود شغلي تعرف هذا حلمي وحلم ابوي واني حققته وحابه اكمل بي وما أريد اتركه هم راح ترضى اكمل شغلي وره الزواج لو تبطلني
- روُح روُحي انتٍ بكيفج ما امنعج من شي وماتذكرين أنا الجنت اشجعج بالموصل حتى تطلعين وتحققين حلمج وهذا حلمج وتعبج مثل ما انا حاب شغلي وتعبان بي اكيد انتٍ تحبينه وتعبانه بي وماعندي اي اشكال انقلج لاقرب مستشفى بالبصره واخليج اداومين
حيل فرحت من كال هيج كتله:- احببببببك ونبي احبكككككككككك
-ههههههه يا روحي أنا أموت بيج واعشگ انفاسج
ابتسمت وضليت احجي ويا ومر اليوم هيج لثاني يوم واتصل كال :- راح توصل طلبيه لبابكم وإذا سألوج كولي طلبته من النت
- طلبيه شنو
- اشتريتلج فستان شفته حلو واكيد يطلع احلى عليج من تلبسينه اللبسي باجر بالخطوبه
- يا راهب ليش كلفت روحك هسه جنه طالعين اني وخالتي وزهور واشتري
-انجبي
-ههههه ولي
-احــبج
-اكــرهك
ضحك واني ضحكت بيقينه نحجي وصعدت عباس ويانه بالاتصال راهب رفض بس عاندت وموتوني من الضحك من يصنفون واحد ع الآخر وعباس يصنف على راهب لان باجر خطبته ويكله:- راح تدخل القفص الخشبي باجر
واني اكله قفص ذهبي يزكح بيه ويكلي اللطج على حلكج لو ما سكتي
لحد ما اجت زهور وكالت وصلت طلبيه باسمج سديته منهم وكلتلها انو راهب دازه نزلنه وخالتي دخلت شايله العلاكه كالت:- يمه هاي طلبيه بسمج وانطيته فلوس يكلي الحساب مدفوع خاله يمته رحتي
-ها لا خاله دفعتلهم ع النت
-ها هوه شنو هاذ الطلبتي
- خاله فستان للخطوبه شفته ع النت عجبني واخذته
- ها يمه بالمبارك هاج اخذي
اخذته وفتحته فستان ماروني يخبل صفحه طويل حيل وصفحه لحد الركبه ومنفوش نور وزهور تخبلن بي حيل عجبني ورغم منفوش بس تصميمه ناعم ورداناته دانتيل ربع ردان اتصلت بي وشكرته وهوه كضاهه انجبي وانجبي للعصر رحنه للسوك اني وخالتي وزهور ونور اشترينه غراض وهمه اشترن للحفله واني اخذت كل احتياجاتي والنواقص العندي رجعنه والليل كله احنه نخلي ماسكات وكريمات ونهتم بروحنه لنص الليل كل ما يتصل راهب ارفض وادزله نور يمي ماكدر اجاوب الف مره اتصل وهيج كلتلها تالي دزز:- ااااادري هالنووور ماعدها رجل ماعدها صخام على راااسها شعدهاا وياجن لنص الليل خلي تنكلعع
واني اضحك علي واستحي اكله نهتم بروحنه ونسوي تنضيفات بشره وجسم والله لحد ما خلصنه واتصلت بي كذالك للفجر يلا نمت وهوه ع الخط كعدت ثاني يوم ب تسعه شفت زهراء جايه ع ماتريكت والحفله تبلش ب الوحده رحنه للصالون كذالك سوتلي تسريحه تخبل حسب طلبي رفعته شويه وبقته من جوه مفتوح والمكياج هم مثل ما طلبت سوته وزهور ونور وزهراء هم وياي رجعنه ب ١٢ ونص لحد الان ما واصلين واني متوتره ماعرف ليش
للوحده واجو كذالك ع كلام زهور كالت جايب كومه ناس معكله وحته كم ضابط ويا وجايات فاطمه وساره وبنات عمهم البعض باركولي وفرحانات فاطمه وساره وشغلن ساجده وصارن يركصن كبالي وشالني اركص ما قبلت وام راهب هم اجت بوستني وكالت الحجيه جديتج تسلم عليج وكالت خلي يستعجلون بالزواج ويجيبها هين
ابتسمت واجت منى هم عزمتها اجت شويه وكالو راح يعقدون واني صرت متوتره وعركي يكت ماعرف ليش ونور تكلي:- ولج شبيج اليشوفج يكول ليله دخلتج
- انجبي متوتره متوتره ماعرف ليش
زهور:- انجبي ماكو شي بس ياخذون موافقتج وخلص
صاحولي كعدوني يم باب الديوانيه وخلو جوه رجلي مي ورد وبيدي قران مفتوح خليت اديه الاثنين ع القران وزهور كضتها تاخذلي صور لو لرجليه لو لاديه لو لطارف فستاني وتكول:- ولج ستوريات انزل واكول خطبه اختي
لشويه والشيخ صار يقرا وكال:- دنيا بنت حسن تقبلين براهب ابن محمد زوج الج قولي نعم قبلت وانت وكيلي
سكتت واني اباوع للمي الورد عاد الكلمه كرصتني زهور وانتبهت عبالك رحت بغير عالم وصفنت كلت:- نعم قبلت وانت وكيلي
رجع عاد على راهب نفس الكلام وكبل كال:- نعم قبلت وانت وكيلي
من كال صارن يهلهلن والزلم اصواتها تصلي على النبي وتبارك لراهب وكلها صارت تباركلي ويبوسني شغلو اغاني من جديد وصارن يركصن واني فرحانه
حيل فرحانه شويه وكالو راح يدخل العريس الي لبست شال والي لبست عبايه دخل رفعت راسي شفته اجه يمشي بأتجاهي غمضت وفتحت واني مبتسمه طااالع يخبل لابس دشداشه بيضه ولاف اشماغ احمر خليجي وعبايه شيوخ اجه يمشي بكل هيبه وبطوله وعيونه بيه ومبتسم وكصني بنضراته كص
صارن يهلهلن من دخل اجه وكف كبالي واني هالكدودني كباله لزم وجهي بثنين اديه وباس راسي
واني خجلانه كبالهم كلهم هيج واكف كبالي كال:- الف مبروك يا روحي الله يقدرني واسعدج
ابتسمت وكف بصفي وكلها صارت تباركله وهوه يرد وجابو الحلقات لبسني الحلقه ورفع ايدي باسها واني اخزره هسه يشوفونه هيج اكيد يكولون اكو علاقه بينهم وهوه مبتسم واني لبسته الحلقه وأشر لفاطمه اجت وانطته علبه طلع منها كلاده ابتسمت قلب ومكتوب بيها اسمي واسمه دارني ووخر شعري ولبسني الكلاده وماحس غير باسني و عضني من وره بركبتي فتحت عيني ع وسعها وكلهم يضحكون واحس صرت مي من الخجل ابد ما يستحي ونبي درت علي واخزره هوه الضحكه شاكه حلكه وكف
وصاحت فاطمه:- حبها راهب حبهاااا
وع كلامها كلها صارت تكول:- حبها ولك حبها ولا تخاف من امها
باوعتله وهزيت راسي بمعنى لا لسويها خجلانه هوه ضحك وغمزلي هيج كال ورفع العبايه وخلاها فوك راسنه نوبه شفافه كلشي يبين منها والله هيج خلاها كون بس للتحلايه لزم حنجي همست:- لا الله عليك ونبي اخجل راهب بعدين وخرر
- انجبي غير لذتها هنا شوو تعاالي
كالها وقرب باسني بشفتي ادفع بصدره ع كيف مابتعد لحد ما ختنكت ابتعد عض خشمي وطلع راسه احس وجهي صار طماطيه من الخجل وكلها تكله عفيه عليك ويضحكون شويه وسحبتنه فاطمه نركص سلو ما رضى راهب وراد يطلع بس لحت صرنه بالوسطى خلا اديه الاثنين ع خصري وخليت اديه ع كتفه وصرنه نركص ويباوع بوجهي ومبتسم نوبه هوه بملابس خليجيه طالع يخبل سحبني اله ولزكني بجسمه احجي أكله ابتعد ماكو عبالك ماحجي واني منا اباوع لخالتي تباوعلنه ومدي الكاع تنشك وتبلعني ع هالفشله الخلاني بيها خلصت الاغنيه وطلع وبقن يركصن ع انواع الاغاني واني هم شالني وصرت اركص بالوسطى موتنه روحنه بالركص وعود اني العروس وكذا اخذني الواهس وصرت اركص وياهن
للمغرب ورادو يروحون ماقبل عمو كال موصين عشه همه هم مارضو وبعد ملحه بقو احمد جاب عشى من برا ونوبه راهب اتصل بيه شيريد والله دبري مكان اريد اجي اشوفج رفضت اتصل بفاطمه هم وكالتلي وهم رفضت وين يجي اكوم اطلع من بين الناس والله شنو استاذ راهب يريد يشوفني والله ضل يلح تالي كال:- لاتعاندين ترا ازعل
-هههههههه اوي حبيبي اليزعل
- انعل ابوج لاتتموعين هيج
-راااهب اسكت ولاتحجي على ابوي ونبي اغلط عليك وازعل هسه
- يلا بويه انعل ابو عباس مو ابوج
- حتى عباس لاتسب ابو هوه شدخله وبكل سالفه مدخله بالنص وغالط علي ماقبل هذا اخوي
- يلااا يابه انعل ابوي أنا بعد
- اي هسه زين
ضحكت كال:- هاااا زين الزمج الزمج وين تروحين من ايدي
واني اضحك كال:- هسه شلون استاكيتلج اريد اشوفج وعلي ماشبعت منج شوف جوه طالعه تشگين شگ
- ههههه ادزلك صور والله الله عليك شلون تريدني اطلع من بين اهلك واكللهم راهب يريد يشوفني والله حتى فشله باجر تعال للمستشفى واني هناك موجوده الله عليك
- جا تمام جايج باجر بس ها حلالي وصرتي وانتقم منك على ذاك اليوم كلتيلي ادبسزز وعندك سوالف ادبسزيه واشوفج باجر
-هههههههههههه خوش عود
كلتها وسديته بوجهه واضحك للعشره ودزو كالو رايحين ودعناهم وطلعو والليل كله راهب يحجي وياي ويتغزل وكال طالع لبابل بشغله ومن ارجع اخذج ونروح للبصره نعقد محكمه كتله ماكو مشكله
وعمو من كايل لابو ع موضوع اهلي ابو راهب كايل خطيه واحنه عبالنه بنتك وكايل لاتهتمون احنه نصيرلها اهل مثل ماصرتولها أهل ونخليها بعيونه وما نخليها تحتاج شي وانا ابوها من اليوم ورايح وعمو متشكره ع كلامه وتصرفه
وام راهب كذالك كايله هيج كلام لخالتي وكايله اصير امها والله لحد مانمت واحجي ويه راهب وثاني يوم اجه للمستشفى هم كعد وياي بالغرفه بس شويه لمده ربع ساعه بالاستراحه لان اكو هواي مراجعين وطلب اخذ زمنيه ونطلع نتغده مارضيت هواي مراجعين كعد وياي شويه وخلص الوقت كام ختمها وهوه يبوسني بشفتي وراح صرت حلاله شيمنعه بعد
رجعت للبيت وراهه لكريم وللعياده وهيج مر اليوم راهب راح هوه وعباس لبابل وكل يوم اني ويا ع اتصال وعباس هم نص ساعه يدخل ويحجي ويانه ويصنف وينزله راهب من الاتصال بيوم كال:- أنا جاي اليوم لبغداد وبليل اجي عليكم اتفق ويه ابو احمد حتى باجر اخذج للبصره نعقد
- تمام هلا بيك
كلتها وسديته جان فجر نمت وكعدت كذالك رحت للمستشفى اتصل راهب ب تسعه كال:- حبيبي وصلت أنا ببغداد وجاي عليج للمستشفى حتى اشوفج اشتكيتلج
- تمام عمري منتضرتك
كلتها وسديته رحت اخذت زمنيه ساعتين ونص خطيه تعبان مو مال مستشفى وهوسه نروح لشي كافتريا لو مطعم بقيت انتضره بصاله الانتضار نص ساعه احس بنغزه بكلبي ماعرف للحظه صار كلبي يوجعني وشو المستشفى انكلبت شكو محد يدري وكلها تتراكض ودكتور الجبير بالمستشفى يصيح يحظرون غرفه العمليات كمت ومثل الاطرش بالزفه لزمت أحد الممرضات:- شكو شصاير ليش هالهوسه
الممرضه:- دكتوره يكولون ضابط جبير متغرض لمحاوله اغتيال عن طريق الرصاص
شهكت وكلت:- هسه وينه وشلونه
- مادري هسه دزو اسعاف يجيبونه يكولون متصاوب مادري كم طلقه وهوه بالطريق يكولون دراجات ناريه متهجمات علي وبسيارته وصايرين يرمون على سيارته ومتصاوب ويكولون حالته خطره
وهسه دزو يحضرون غرفه العمليات الخاصه وهوه ضابط برتبه عاليه وحايبينه
كالتها ومشت لزمت كلبي وادعي لهل ضابط اكيد هسه راهب سمع بي ويمكن مراح يجي يجوز يروحله رفعت التلفون اتصل بي ماكو مايجاوب اتصلت الف مره ما يجاوب شويه والتلفون انقفل وصار مغلق متت وكومه افكار اجتني شويه وكالو جابو الضابط اخذو سديه براه واجو يركضون بي لغرفه العمليات واني واكفه فاتو من صفي باوعت بوجهه راهب ووجهه مدمه كامل وومن راسه لرجلي مدمى
دنيا:- من فوتو السديه من كبالي باوعت بوجهه هذا راهب ونبييي راااهب اباوعله ملامح وجهه متبين من الدم وضاغطين ع صدره وبطنه بقطن وكله دم جمدت بمكاني واني اشوفه اخذو من كبالي صحت:- رااااااهب لاااا راهب هاذ مو راهب اكيد مو راااهب
ركضت وياهم وابجي تخبلت واني اشوفه بهاي الحاله قبل شويه جان وياي على اتصال قبل شويه والله صرت ابجي واحجي ويا:- راااهب اكعدد راااهب انت كلت جاي عليج ليش هيج اجييت راااهب لاتعوفني ابوس ايدك لاتعوفني
دخلو للغرفه وطلعني ممرض كتله:- عوووفني اريد ادخل وياا هذا راهب مايعوفني والله مايعوفني
-دكتوره رجأ تعرفين غرفه عمليات وممنوع احد يدخل وأنتِ مو اختصاصج رآح تلهينه دكتوره رجأ ابتعدي
صرت ابجي واتوسله:- الله عليك الله عليك خليني ادخل والله ما اسوي شي والله بس اشوفه اريد ابقى ويااا عوووفني
- دكتوره رجأ
شاف ممرضه روز صاح:-ست روووز ممكن شويه
اجت وكاللها:- بس اسحبي الدكتوره جاي تلهينه
لزمتني روز ودخل هوه وسد الباب تخبلت ابجي بهستريره وروز تهدي بيه:- فدوه دكتوره اهدي مايصير هيج أن شاء الله مابي شي يقربلج هالضابط
كلتلها واني ابجي:- اي اي خطيبي قبل كم يوم خطبنه والله اتصل عليه وكال جاي اشوفج مادريت راح يجيني بهذا الوضععع مادرريت
- اهدي دكتوره أن شاء الله مابي شي ادعيله أن شاء الله يتشافه
- ايي اي مايصيرله شي هوه كال ما اعوفج كال اخليهم يدفنونج وياي احطج فوك كلبي هوه كاال ماراح يعوفني ما راح
كلتها ووكعت بالكاع ابجي والممرضين والممرضات كلها التمت يسألون شبيها الدكتوره وروز كالتلهم خطيبها الضابط وكلها صارت تصبر بيه وتدعيله يكوم بخير وسلامه شويه وطلع ممرض يركض كمت علي:- شكووو راهب بيي شييي جاوووب راهب بي شيي
- مابي شي مابي دكتوره بس ابتعدي
كالها وفات من صفي يركض شويه واجو وويا ثلاثه وشايلين قنينه اوكسجين جبيره دخلو واني اتوسل بيهم يكلولي شبي دخلو وضل الباب مفتوح ردت ادخل سحبوني الممرضين وما خلوني وبقيت من الباب اباوع الدكتور شك ملابسه من يم صدره ويضربه بجهاز الكهرباء والدم يجري من صدره تخبلت وهمه لازميني خبصت المستشفى خبص بصياحي واصيح بأسمه هيج باوعت وشفت اجه عباس مستعجل وصاح:- وييييييينه بيااااا غررررفه
وويا عسكري كاله:- من هنااا سيدي بالعمليات هسه هوه
شفته كمت وحالتي حاله شافني واجه بأتجاهي حظنته وصرت ابجي:- عباااس عباااس راهب راهب متصاوب هوه اتصل بيه وكال راح اجيج بس اجه والدم من راسه لرجلي راهب مايعوفني والله مايعوفني
حظني لصدره وكال:- ما يصيرله شي سبع راهب مايعوفج شلون يعوفج وانتٍ دنيتا تقوي وادعيله ماكو شي ماكو
كالها وصاح:- جيبووووولها كرسسسسي
بصيحته كلها انخبصت وهوه لابس ملابسه العسكريه كعدني ويهدي بيه بس اني ماكو موتت روحي بالبجي وخايفه لايصيرله شي وهوه كعدني وصار يرعد على روسهم شويه والمستشفى انترست عساكر وضباط شافني عباس وكال لممرضه:- اخذيها بعد اخوج لاضل هنا
صحت:- مااا اروح راهب جوه ما اعوفه اريد اشوفه ماعليه كال ماعوفج
كلتها اجه عليه وعيونه حمر ودمارات وجهه مبينه كال وهوه كاز ع سنونه:- زززمن كلتلج روحي ولاطلعيني عن طوري تريدين اضلين كبال هالعساكررر
رفعت راسي وباوعتله وعيوني تكت:- بس بس راهب عباس راهب شبي والله راح اموت
كال بهدوء:- بعد روحي انتٍ زمزمي روحي لغرفتج وانا بس يطلعونه اجي اكلج واخليج تشوفينه اخذيها كلمه من هالشارب روحي لو دره ابو جمره انتٍ جنتي واكفه ويه العساكر يزعل منج يلا بعد اخوج روحي وادعيله
هزيت راسي واني ابجي صاح لممرضه تجي تاخذني لزمتني واني حالتي حاله وماكدر امشي اخذتني للغرفه مالتي كعدت بالكاع وابجي بصوت عالي وادعي يكومه بالسلامه هوه كال جايج مشتاقلج ما دريت راح يجيني وهيج حالته ما دريت اجن الدكتورات الي بقسم النساء من درن المصاوب خطيبي وصارن يهدن بيه ويصبرن واكثريتها بقن يمي واني كل ساع اتوسل بأحد يروح يشوفلي شصار بي طلعو لو لا رفعت تلفوني واني ميته بجي اتصلت بزهور ردت:- الو ها دنيا
ماجاوبت بس ابجي كالت:- خيرر ولج شبيج تبجين
منوعات اساور احمد:
- زهور زهور راهب اليوم رجع من بابل اتصل بيه كال جايج للمستشفى اشوفج مشتاقلج زهور جابو وهوه حالته حاله صاير علي هجوم وهوه بطريق زهور حالته خطره خطره كلبه وكف بالكهرباء يحاولون يرجعووونه
صاحت:-عززززززززة بعيني ولج شوكت ووين
- مادري بالطريق متهجمين علي مسلحين وصايرين يرمون على سيارته ومتصاوب ثلاث طلقات يكولون
- ضخاااام بوجهييي ولجج يييييييمه هسه هسه جايتج هسه
كالتها وسديت التلفون كلت لروز واني منتهيه:- بس كومي اخذيني اشوفه بس كومي
روز:- دكتوره فدوه لعينج وين والمستشفى انترست عساكر وضباط
-منو بعيد والله من بعيد اشوفهم
كلتها وكمت وكفت لزمتني ورحت من الممر اباوعلهم كلها عساكر وعباس صاير نار ماتطفى ويصيح:- ادرررررري بالمكااااان الي تهاااجم بي ماكووو سيطراااات صخااااام كل هالمده يرمووون علي ومحد دررررره سيارررتته مزرفه من الطلقاااات وهوه هنااا قريب على المستشفى طرشااان مااااسمعتو
ردله واحد:- سيدي اهدء من صدك ماسمعنه مادري ب مسدسات كاتمه مادري
عباس:- منووووو ذوووله منووو اريد كبل بااااجر هم هنا كبل باجررر والا ورب العرش العظيم اكلب الدنيا على روووسكم
كالها ونصهم طلعو يركضون من المستشفى واني واكفه وابجي وهوه يروح ويجي ووجهه مدخن وصاير احمر كل شويه اريد اروح بس اكو ضباط بقيت على هاي الوكفه والبجيه وادعي بكلبي يكومه بالسلامه شفت خالتي وعمو وزهور وأحمد اجو من الباب ركضت عليهم وحظنت خالتي وابجي بصوت عالي ويريدون يفهمون مني كال:- بسس فهمينه بويه وينه شبي
اشرت على عباس راحو عمو واحمد علي وصارو يحجون ويا واني خالتي وزهور حاضناتني ويهدن بيه كلت لخالتي واني ابجي:- خاااله راااهب كاال جاي عليج خاااله اجاني والدم لرجليييي خاااله ماريده يعووفني مااريد
ام احمد:- اهدي يمه أن شاء الله مابي شي مدام كايلج مايعوفج ف خلص مايعوفج هوه رجال كد كلمته اهدي وادعيله مايصير هيج تسوين بروحج يا يمه
كالتها وهنه يبجن وياي على حالتي حظنتني زهور وتبجي:- اهدي يا روحي ان شاء الله مابي شي والله راح يصير زين هوه عنده دنيتا تنتضره شلون يعوفها اهدي
باوعتلها وابجي:- يعني ماراح يعوفني ويموت موو
-اشش بعيد الشر أن شاء الله مايصيرله شي اهدي
كالتها واني ابجي اجه احمد كال اخذوها لغرفتها اخذوني وكعدت خالتي وخليت راسي بحظنها وابجي حيل والباب زهور سدته وكل شويه أتوسل بيهم يروحون ويشوفونه ولحد الان ما طالع من العمليات وصارت ساعه ب3 وهوه لحد هسه ما طالع تخبلت واصيح:- ست سااااعات زهور ست ساااعات وما طالع شيسووون شبيييي راهب شبيييي
ع صوتي وصياحي اريد تفكني اروحله لازمتني ومجلبه بيه اجه احمد ويهدي بيه وشويه ويطلعونه واهدي ما اسمع تخبلت وراسي صار يوجعني وصرت اصيح منه:- اخخخخخ رااااسي راسيييي رااااهب وينك راااهب لاتعوفني ابووووس ايدكك لاتعوووفني رااااهب اخخخخخ رااااسي
كلتها انخبصو حتى عباس اجه احمد لازمني صاح لعباس:- بس تعال الزمها اروح اجيبلها الابررررة
كالها واجاني عباس لزمني جلبت بملابسه وهوه لازم اديه وحاضني لصدره حيل صرت اصيح وابجي:- اخخخ راسيييي عباااس وينه راههب وووينه ليش هيج تأخرو كالووو مااابي شي مااابي إذا مااابي ليش تأخروو لييش
عباس:- اهدددي اهدددي يواشج مابي شي أن شاء الله مابي بس اهدي
كالها وطلعوني لاحد غرف المستشفى اجه دكتور يشوفني وبدخلته دخل احمد كال للدكتور انو بهاي الابرة يلا تهدء ولزموني وضربوني الابرةة نص ساعه واني اصيح بأسمه واتوسل برب العالمين لا ياخذه ويحرمني منه مثل ما حرمني من اهلي
مادري كم ساعه بقيت هيج كعدت وفوك راسي خالتي وزهور صرت ابجي:- ما طلعوو ما طلع خاله راهب زيين
زهور:- اي حبيبتي طلعو قبل ساعه بس انتي اهدي ولاتسوين هيج بنفسج
-تعاي كعديني
اجت ساعدتني كعدت ودنكت ابجي وخالتي وزهور يبجن وياي وادعي:- ياررب ياررب لاتحرمني منه مثل ماحرمتني من اهلي يارب ما صدكت صار وياي شغله حلوه وفرحت ليش هيج الفرح مو مكتوبلي ليش والله ماكدر بدونه ماكدر
كعدت يمي خالتي شربوني مي دخلت فاطمه وهيه تبجي اجت عليه وحضنتني صرت ابجي بقوه بحظنها واحجيلها:- فاطمه هوه اتصل بيه وكال راح اجيج للمستشفى اشوفج جنت منتضرته حتى اشوفه جابو والدم يجري من راسه لرجلي منو هيج سوه بي ليش هيج
كلتها وخالتي كالت رايحه يم ام راهب اشوفها كالت فاطمه وهيه تبجي:- أن شاء الله مابي شي يا كلبي ذيب راهب مايصيرله شي والله راح يرجعلج يحبج مستحيل يعوفج ويروح بس اتقوي إذا يشوفج هيج ضعيفه ومكسوره هوه هم ينكسر على حالتج بس اتقوي
- ماريد شي بس اريده يرجعلي ما اريد اخسره مثل ما خسرت اهلي ماريد شي بس اريده يرجعلي
كلتها وابجي حظنتني وسكتت هيه وتحاول تسكتني رفعت راسي الها وكلت:- شوكت اجيتو منو كاللكم
صارت تبجي وكال:- عمت عيني اتصل بأركان عباس وكاله اخوك تصاوب تعال بس لاتكول لاحد وأركان ما متحمل وصاير يصيح وعلى صياحه التمينه وأخوي ماخلا يطلع الا يكول وكال راهب متعرض لهجوم مسلح من سمعنه متنه وكلها صارت تصايح بس امي هم زين بيت اخوي الخ ماتدري واجينه وامه من شافت حالته تخربطت وهسه بالغرفه الثانيه هيه
كلتلها:- اخذوني يمها فدوه اريد اشوفها واشوف راهب اريده ماريد اخسره ما اريد
كلتها وابجي يهدن بيه ويكولن مو زين ما سمعت وكومني صارن زهور وفاطمه لازماتني ويمشن بيه وكوه امشي احس عجزت واني شفته هيج وبهاي الحاله يم الباب وشفت عباس اجه وكف كبالي ذبيت روحي بحظنه وابجي وع بجيي يبجن وياي فاطمه وزهور هوه باسني من راسي واحس مخنوك كوه يحجي:- ماكو شي زمزم ماكو ادعيله وان شاء الله يكوم بالسلامه
- عباس وينه هسه طلع من العمليات فدوه كلولي الصدك إذا بي شي كولولي لاتضمون عليه
عباس:- وغلاتج طلعو من العمليات بس هسه بالانعاش حالته مو كلش مستقره بس هم احسن من اول مره
-اخذني يما ابوس ايدك اخذني من الباب اشوفه ونبي من الباب ما ادخل
- مايصير الردهة كبال الغرفه مليانه عمامنه كلها هنا مايصير روحي ومن تفض أنا اجي اخذج وعد
هزيت راسي ومشيت رحنه للغرفه البيها ام راهب دخلنه نسوان ثنين وحده ام عباس والثانيه ما عرفها وخالتي هم كاعده وتصبر بيهم وام راهب نايمه ع السديه وتهذي بأسمه كعدت ع صفحه ومدنكه وابجي ولازماتني فاطمه وزهور
ام راهب صارت تبجي حيل راحتلها فاطمه شربتها مي وكعدتها وصارت تنعي وتبجي وع بجيها كلها تبجي رفعت راسها شافتني كاعده يم الباب بالكاع وحالتي حاله فتحتلي ايدها كمت عليها كعدت يمها حظنتني ونبجي وتكول:- يمه فرحه گلبه أنتِ الصبح جان يحجي وياي والله الصبح كال يمه راجع من بابل كتله يمه تعال للبصره ترا اشتاكيتلك يكلي يمه محد يغله عليج اعز شي على كلبي انتِ يكلي يمه بغداد اگرب اروح اشوفها واجي للبصره
كتله يمه تجذب عليه وتكلي محد يغله عليج يكلي وعيونج الي ماكو اغلى منهن دنيا كبالج ماتسوه فلس انتِ الروح والريه كلتله ادري يمه ادري بس كلبك راف عليها روح شوفها هوه أنا فرحه كلبي انت وياهه من قررت تزوج وافرح بيك كبل ما اموت كالي يمه انتضريني كبل العصر جايج مشتاكلج انت هم شو انتضره وماكو انتضره وماكو تالي يطلع ابن بطني بالعمليات وبحاله خطره ومحد كايلي
دنيا:- اسمع كلامها وابجي بصوت عالي وهيه تمسد ع راسي وضهري واني مخليه راسي بحظنها كلتلها:- خاله ادعيله يكوم بالسلامه فدوه ادعليله مابي شي والله مابي هوه كالي ما عوفج والله
ام راهب:- مايصيرله شي ما يعوفج مادام كايلج ابني سبع وكد كلمته مايصيرله شي مايصير
بقيت ابجي وكلها تبجي وياي والدنيا صارت مغرب دخل ولد شاب كمت عدلت كعدتي وامسح بوجهي كال:- يلا يمه خلي اخذجن للبيت
ام راهب:- ما اروح واعوف ابني أنا باقيه هنا يمه
- مايصير يمه مايقبلون وبعدين هوه بالانعاش وممنوع احد يدخل علي شتستفادين تضلين كومي اخذجن وكلمه مني اجي الصبح اجيبج
- ماريد اروح واعوفه هذا ابني راهب ابني
كالتها وخلت الشيله ع وجهه وصارت تبجي اجه باسها من راسها وكال:- مابي شي وداعتج راهب سبع يمه ادعيله مايفيدنا شي بس الدعاء ورب العالمين كريم
اني مدنكه وابجي وهوه صاير كبالها واني كاعده بصفها كال:- ادعيله بعد اخوج ادعيله البجي مايفيد
رفعت راسي وابجي كتله:- أن شاء الله أن شاء الله مابي شي يرجعلنه مثل قبل واحسن
-امين يلا كومي
دار على فاطمه وكالها:- تعالي ساعديها طالع هسه اجي
كالتها واجت فاطمه تخلي العبايه ع راسها وهيه تبجي وماتقبل تروح اخذت ايدها وبستها:- خاله فدوه لعينج ادعيله انتي امه ورب العالمين يسمع لدعاء الام ادعيله يكوم بالسلامه ادعيله
كلتها ودنكت ابجي باستني وصارت تهدي بيه وتبجي:- يكوم والله ليكوم على حيله وازفكم بيدي ابني سبع مايصيرله شي
هيه تصبر بيه واني اصبر بيها وثنينه حالتنه حاله كوموها ولازمينها وكوه تمشي واني لزمتني زهور طلعنه نمشي اجو علينه ابو راهب وعمو علي صارو يسألون علينه ويصبرون بينه كال عمو علي:- هسه يجي احمد ياخذجن للبيت كلكم روحو
كال ابو راهب:- بيت العامر ابو احمد مايحتاج تسلم ياخذونهن للبيت مال راهب الموجود هنا
- لاتحجي هيج ابو راهب احنا اهل وبعدين ابنكم تعرض لهجوم ولاسامح الله يمكن يدرون ببيته ومايصير حريم تضل لوحدها وانتو جايين هنا يروحن هناك للبيت واحنا نضلل وياكم هنا
بعد هالكلام قبل ابو راهب اجه احمد اخذنه طلعنه نمشي بباب المستشفى راح يجيب السياره والدنيا ليل وفاطمه لازمتني شفت عباس كاعد ع دجه مالت الحديقه ويشرب جكاير وصافن باوعت لفاطمه واخذتني يمه وهمه مايشوفون دايرين وجهم وزهور بقت يمهم شافنه كام وكف كال:- ها شلون صرتي زمزم
-راهب شلونه عباس؟
هز راسه وكال:- بخير بخير أن شاء الله مابي شي لاتخافين ذيب هالعار مايصيرله شي
صرت ابجي وكلت:- منو ذوله الهيج سوو بي الله لاينطيهم شمسويلهم
- وغلاتج لاعرفهم واشوفهم نجوم الضهر والعباس ابو فاضل لاندمهم على كل ساعه خلوني كاعد ولازم كلبي على صديق عمري وخايف لا اخسره خلي بس يستقر وضعه وافضالهم والله لطلعهم من جوه الكاع
اباوعله وابجي واشوفه شلون منفعل ومعصب ع خايف على راهب لزم ايدي وكال:- هو يستقوي بيج مو دائما يكلج دنيتي لاتبجين وتزلين دموعج امسحيهن وخليج قويه راح يرجعلج هوه وعدج وراهب ابن سباع وكد الوعد الينطي
هزيت راسي وامسح بدموعي بس يجرن اجه احمد وكال عباس:- يلا روحي نامي وارتاحي وباجر الصبح تعالي ابد لاتقلقين بخير هو ومن يصير تطورات أنا اخابرلج وعلي روحي
هزيت راسي ومشتني فاطمه صعدنه ورحنه لبيتنه نزلنه ونور تلكتنه وصارت تبجي وتهدي بيه وهيه تشوف حالتي ماكدرت امشي بعد وكعت بالصاله يم الميز ومدنكه ابجي ونور وزهور وفاطمه يهدن بيه ويسكتني رفعت راسي شفت امه تباوعلي وتبجي كالتلي فاطمه:- فدوه دنيا اتقوي جا شتكولين لامه وهاي كلب ام لاتخلينها تشوفج هيج وتنهار هيه هم بيها سكر والله مو زين عليها كومي ولاضاين تبجين
هزيت راسي ودموعي تجري مسحتهن وكمت يمها لزمت ايدها:- خاله مابي شي راهب مابي راح يكوم بخير وسلامه
هزت راسها وتمسح بدموعها جابن نور وزهور السفره وخلن الاكل وخالتي تتوسل بيهن ياكلن كوه فاطمه وكلت امه على مود العلاج وام عباس والمره الثانيه هم كوه اكلن بملحه خالتي دارت عليه زهور:- يلا دنيا اكلي واخذي علاجج مايصير هيج
هزيت راسي ماريد وكمت اترخصت وصعدت فوك لاخر الدرج وسمعت خالتي تكول لزهور:- روحي يمه وراهه لاتخلينها وحدها
دخلت وسديت الباب اجت تدكه كلتلها عوفيني وحدي دخلت للحمام المي يكت فوك راسي وبملابسي وابجي اذكر كل لحظه عشتها ويا معقوله اخسره يعوفني ويروح لا اكيد لا هوه كالي ماعوفج ابد ما عوفج طلعت بدلت وفرشت السجاده وصرت اصلي وابجي وادعي ربي يكومه بالسلامه ويرجعلي مثل اول سجدت وابجي من كل كلبي وادعي كمت وصرت اقره قران وابجي قريت كم جزء وسديته ولزمت ساعته:- انت كتلي ما عوفج احبج أنا مو كلتلي هيج ارجعلي راهب ارجع فدووه لوجهك ارجع ونبي ما راح امنعك من شي اخليك تبوسني برضاتي وماراح اشلع كلبك ع ما تبوسني والله ومن تريد تشوفني ونبي حتى لو عندي شغل اخذ زمنيه واطلع وياك والله بس لاتعوفني حياتي ولا شي بدونك ونبي ولا شي ما اريد اخسرك ادري ماعندي حظ والناس الاحبهم مايبقون ونبي كوم ع حيلك لو احد كال أنتِ فكر علي واي واحد تحبينه مايبقالج
والله اعوفك وبعد ما اقربلك والله انت بس كوم اريد اشوفك بطولك وضحكتك وسوالفك كبالي والله ما اريد غير شي بس هيج والله فدوه ارجع راهب ادعي وابجي اندك الباب ما جاوبت رجع اندك واجه صوت فاطمه:- دنيا حبيبتي افتحي الباب خليني ادخل يمج
كمت فتحت الباب ومشيت كعدت ع الجربايه اجت بصفي:- يا كلبي مايصير هيج تسوين بروحج زهور كالتلي عندج علاج كومي اكلي حتى تاخذينه تتقوين وباجر تروحين على راهب
باوعتلها وعيوني منفخه من البجي:- بس ما اريد شي بس اريد راهب اريده يرجعلي مثل اول
-يرجع والله يرجع مايصيرله شي المهم طلع من العمليات يتعافه أن شاء الله كومي هسه اكلي واخذي علاجج
-ماريد ما أشتهي
- اذا مو لخاطرنه لخاطر راهب اليخاف عليج من الهوه ما تذكرين حتى نص الليل موقت المنبه يدك وبعدها يخابرج على مود العلاج وجان يريدج تتشافين من الي أنتِ بي وترجعين مثل اول واحسن
دنكت ابجي وكلت:- فاطمه كل يوم هيج وقت اني ويا نحجي مع بعض انعس مايخليني اسده الا انام وهوه ع الخط شجاه بيوم وليله هيج صار قبل لا يتصاوب بنص ساعه اتصل بيه كال جاي اشوفج مادريت راح يجي ومدمه من راسه لرجلي
صارت تمسح بدموعي وتبجي وياي:- رب العالمين الكاتبله هيج نرجع ونحمده من خلا عايش لبين ما يوصلونه المستشفى ثلث طلقات مو قليله وان شاء الله مثل ما خلا عايش لحد هسه يتشافه كامل بس ادعيله واسمه لايوكع من لسانج بدعائج ورب العالمين يسمع
هزيت راسي:- أن شاء الله والله ثلاث ساعات واني فوك السجاده وادعيله
- أن شاء الله يسمع منج ومنه كلنا ويشافي هسه كومي جوه اكلي ومسحي دموعج لاتخلين امه تشوفج بهالحال ترا كوه مسكتينها ماريدها تضعف وهيه تشوفج هيج
مسحت دموعي وهزيت راسي كمنه اني وياهه رفعت شعري فوك ولزمته بقراصه صغيره ماكو احد لا عمو ولا احمد مسحت وجهي ونزلت وياهه نزلت كلهم كاعدين وخالتي كاعده تحجي ويا خاله ام راهب وتصبر بيها وهيه بس تهز براسها وصافنه من نزلت شافتني وبقت تباوع بوجهي ابتسمتلها بتصنع وكعدت بصف خالتي جابتلي زهور اكل وكعدت يمي:- اكلي دنيا عندج علاج لازم تاخذي فدوه بس شويه.
ماحجيت شي بس مدنكه وكل فكري يمه وادعيله بكلبي وماكدر ابجي امه موجوده وكوه متحمله باوعتلي خاله ام راهب وهيه تسبح كالت بصوت مبحوح من البجي:- كومي يمه كومي اكلي لكمه واخذي علاجج حتى تروحليه بطولج يشوفج
نزلت دمعتي وهزيت راسي اكلت بالكوه لكمتين اخذت العلاج اخذو ام راهب للغرفه الجوه فاطمه شويه وطلعت كالت:- كوه نومتها
وام عباس والمره الثانيه هم اخذتهن خالتي للديوانيه ينامن هناك وبقينه اني ونور وزهور وفاطمه بالصاله واني من راحت امه رجعت ابجي كوه جنت مسيطره ع دموعي من جانت كاعده بقن يهدن بيه ويصبرن لنص الليل كلتلهن نأمن هم تعبن كاعدات
كل وحده ممدت بمكانها وغفت بقيت اني اخ يا اني الليل وحشه بدونه والله كل يوم هيج وقت جاي نحجي اني ويا ونبقى ع اتصال لحد ما تصير ب3 اخذ علاجي وانام اليوم ماكو ما اتصل ابد راهب نايم وعايفني احترك
رفعت التلفون واتصلت عليه عسى يفتح الخط ويطلعلي صوته بس ماكو مغلق اكثر من مره اتصلت مغلق
بقيت ع هالكعده ابجي وادعي ولازمه الساعه وابوس بالحلقه مالتي لحد ما صار الفجر صعدت فوك صليت ورحت للكنتور طلعت تشيرته ذاك اليوم من اجه من الموصل واجه عليه للمستشفى جانت ويا جنطه صغيره بيهن ملابسه بقاهن عندي كال طالع كبال المستشفى بشغله شويه وارجع رحت للجنطه فتحتها لكيت ملابسه وبيهن مثل العطر الي جان يخلي منه بالموصل اخذت تشيرته الاسود بدون علمه وبقيته عندي ماعرف ليش هيج سويت بس حبيته وحبيت ريحته وهوه انتبه وره يومين كال ناسي تشيرتي هناك وخجلت اكله يمي وبقى يمي
طلعته اشمه وابوس بي بي ريحه عطره ابجي وحاضنته للسته وسمعت صوت جوه رجعته لمكانه ونزلت شفت نايمين بس نور ماكو رحت للمطبخ شفت احمد رحت علي واتوسل بي:- احمد فدوه كلي راهب شلونه بداعت جهالك احمد راهب صحه
لازمه ايده واتوسله مسح ع راسي وكال:- مابي شي حالته احسن من البارحه والله وان شاء الله ع العلاج يصحى ادعيله
كالها ودار على نور:- يلا نور استعجلي
كتله:- وين وين شتسوي نور احمد اخذني وياك فدوه
احمد:- ماخذلهم ريوك اهدي ومن تفض اجي اخذج والله
- ما عليه اني هسه اريد اروح اشوف راهب ماعليه
كلتها وبجيت صار يهدي بيه ونور تركض هيج وهيج ماتلحك اجن فاطمه وزهور يساعدنها طلع احمد راح لغرفته سون ريوك هواي وخلن جاي
اجه اخذهن وطلع كعدت كذالك ابجي وفاطمه تحجي عليه حظرن الريوك الهن وكوه اكلن وخلو ام راهب تاكل اني ما اكلت ولا خليت لكمه بحلكي ومن البارحه ما نايمه وره الريوك ام راهب دكت رجل الا تاخذوني يم راهب صارت تبجي وحالتها حاله صارت اتصلت فاطمه ع اخو راهب وكال دقايق واجيجن صعدت ع السريع بدلت رغم ماخلوني اروح خالتي وزهور حتى فاطمه بس ماقبلت اريد اشوفه اجه علينه رحنه اني وامه وفاطمه وخالتي البقيه بقو بالبيت وصلنه هناك نزلنه كال الولد:- روحو لغرفه مرت راهب بس تفض شويه اجي اخذجن جماعته كلهم موجودين
رحنه لغرفتي وعباس ماخذلي اجازه من البارحه الدكتورات صديقاتي كلهن اجن يسألن ع حالته ويدعلنه شويه واجه عباس مبين روحه بخشمه كال:- هسه تشوفنه وكبل للبيت وبعد جيه ماكو لحد مايطلع والتحجي والعباس ابو فاضل ادفنها وهيه طيبه نوب نسوان واكفات ويه الزلم بالمستشفيات طبعا حشى ام راهب وام احمد يلا
باوعتله فاطمه صفح وكالت:- منو اكو غيرنا أنا ودنيا قصدك علينه
-انجبي ويلا الولد طلعو برا شويه كبل مايجون شوفنه وللبيت كبل
كالها ومشى كبالنه مشينه واريد بس اوصله احس الطريق صار سنه وكف يم باب غرفه الانعاش وكال:- من الشباك ممنوع تدخلن للغرفه مايقبلون
مشيت اني اول وحده قبل لايكمل بس عساني لا شفته باوعت لاسامح الله جثه ومرميه صدره كلهن لزكات وصوندات اجهزه وكانونه بيده وحتى بركبته كانونه كتفه ملفوف واماكن بصدره بيهم لزكات كبار وصونده اوكسجين بخشمه والاجهزه ادك يم راسه وجهاز اشوف دكات كلبه مو منتظمه دموعي صارت تجري وماعت روحي واني اباوعله تخربطت
ماحسيت على شي الا واني بأحد غرف المستشفى ويمي زهور وفاطمه كوه صرت احجي واحس لساني ثكلان:- م مي مي اريد راا راهب
اجتني زهور وشربتني كالت:- الحمدلله على السلامه يا روحي خوفتيني عليج الحمدلله من صحيتي
اجت فاطمه هم تحمدتلي باوعتلهم وكلت:- راهب وين شلون صار واني من شوكت هنا
زهور:- زين زين وانتي من شفتي وتخربطتي قبل يومين وانتي هيج
-يومين صاارلي ؟ راهب ما صحى
زهور:- لا بس حالته زينه وانتي هم صارلج يومين ماصحيتي بس تهذين باسمه وترجعين تفقدين
دموعي صارت تجري اجه عباس دخل والتلفون بيده وكال بدون لايباوعلي:- هاج فاطمه العلاج اضربولها الابر بالكانونه مستعجل
كالها وباوعلي بحركه سريعه شافني كاعده كال:- هااه كعدتي
كالها واجه عليه وكف يم راسي باس راسي وكال:- الحمدلله على السلامه زمزم وعلي خفت عليج من جهه راهب ومن جهه أنتِ شتحمل أنا
بجيت وكلتلها:- عباس فدوه راهب شلونه ما كعد فدوه كلي
- زين زين الدكتور يكول حالته احسن من كبل بس يحتاج وكت حتى يصحى لاتخافين واتقوي مايصيرله شي
- عباس صارله ثلاث ايام فاقد شلون هيج كلولي إذا حالته خطره قابل شسوي اني لاضمون عليه
- وغلاتج والعباس ابو فاضل حالته احسن والدكتور كال حالته فرقت عن كبل وبس يصحى ننقله لمستشفى اهليه احسن أنتِ بس صيري زينه حتى من يفتح عينه يشوفج كباله وعلي سرسري كبل يصير زين ومايضل بي شي جاي يدلل علينه ويريدنه نخاف علي هالعار المطي انعل ابو
ابتسمت بتعب والدموع بعيني كتله:- لاتحجي علي ما اقبل بس يكوم الا اكله عليك ونبي البخيل
خلا ايده ع راسي وضحك:- هههههههه الفاهيه ترا الجفجير بالسياره وعلي هسه انزل اجيبه واجيج اورم جلدج وشوفي يضل بيج شي وعلي أنا جتلتي تطيب البشر خليني اكتلج واريح كلبي التعبان منكم انت وجمره العار وراهه اروح اكتله وهوه بالانعاش كبل يصحى
ضحكن فاطمه وزهور ابتسمت بتعب وكتله:- ولي ولاتخليني اغلط عليك خلني محترمتك راهب كال اكبر منج احترمي والا هسه اكلك انجب وانعل ابوك هسه اسكت
عباس:- ههههههههههههههه اخ يابويه اخ منج يالفاهيه هوه خليتي احترام صخام بوجهج حضره الاحترام كاعد بالزاويه يلطم من كلامج
ضحكت وكوه اضحك احس متكسره كال:- يلا زمزمي أنا رايح ديري بالج ع نفسج وكومي لا ضلين مجطوله صارلج يومين وذاك ثلاث ايام خستو وعلي بس يكعد العار وانت هم تكومين اخذكم لغسيل السيارات يلا تنضفون خستو من النوم كوووومي
صرت اضحك ع كيف وهوه يضحك بأس راسي وطلع باوعت فوك وصفنت بالبنكه كالت زهور:- دنيا لاتصفنين خليج ويانه احجي ويانه لاتباوعين لمكان واحد فدوه لاتروح تجيج الحاله وحالتج تدهور
كالت فاطمه:- بعدها تصفن وتجيها الحاله ليش مو راهب كال خذيتها الدكتور وكال إذا ما طابت اطلعها للاردن
زهور:- اي خيه جاي تاخذ علاجهه وكايل ثلاث اشهر يلا يبين المفعول وهيه صارلها أكثر من نص شهر جاي تاخذه وتكول بالوجع شويه خاف عندي صح تجيها الحاله بس تكول مو نفس وجع قبل أن شاء الله ع العلاج تتعافه
- أن شاء الله تتعاقه ويكوم راهب ونزفهم ما نتأخر اريد اشوف جهالهم هالعاشكين الخبيثين واحدهم وجهه البومه ونايمين ومخلينه خايفين وقلقانين عليهم
ماجاوبت بس هنه يحجن وياي حتى لا اصفن واني هواي جاي اصفن واذكر راهب وكل مواقفي ويا عباس جاب اكل وصارن يوكلن بيه بالكوه كلت:- لعد خاله ام راهب وينها؟
فاطمه:- هم من شافت راهب تخربطت وصعد عدها السكر وحيل سائت حالتها ماندري نركض عليج لو عليها هم هيه هسه بأحد الغرف يمها خالتج واخواتي ام عباس وام محمد والبقيه
- شلونها هسه
- لا زينه الحمدلله صحت من البارحه هم سألت عليج وكلنالها زينه نايمه ورادت تجي عليج بس ماكدرت وماخليناها
هزيت راسي انطني العلاج شويه والردها انترست الدكتورات اليعرفني والممرضات كلهن اجن يتحمدلي بالسلامه وشلون فاقده صار يومين حتى منى اجت اتصلت بزهور وكالتلها صحت اجت وجايبه بيده مي وفواكه واكل وبقت يمي لليل يلا راحت هيه هم شهر وتخلص اجازتها وترجع راحت كالت باجر هم اجي وسالت ع راهب كذالك جاوبنها وراحت يم ام راهب هم سالت عليها وتحمدتلها بالسلامه
والدكتورات صديقاتي كضنها رايحات جايات كل مايصير عدهن وقت فراغ يجن يمي حتى لايعوفني وحدي وحتى الدكاتره اليعرفوني اجو تحمدولي وهم كالو العقيد أن شاء الله يكوم بخير وسلامه ومابي شي
ومنا عباس شاف الدكاتره طابين وطالعين عليه ويتحمدولي تخبل وكضاها يحجي ويرزل بيه وبفاطمه ويكول بس يصحه الفحل مالج ولاكله والله الا اكله واخلي يكتلج كبال عيني واخلي كلبي يرتاح خلي يصحى واعلمج
واني مرات اجاوبه ومرات ابتسم بتصنع بس حتى لا اشغل باله لأن يروح ويجي يكلي كومي لاتموتين نفسج اتحركي شتحمل اتحمل ضيمج وانا اشوفج هيج وانتٍ عزيزه كلبي لو اتحمل صديق عمري وحزام ضهري وانا اشوفه بهالوضع وعلي كلبي تعب وماضلي حيل
واني مرات ابجي ع كلامه ومرات لا اكول اني زينه بس اريد راهب يرجعلي ومر هاذ اليوم هم هيج وراهب ما صحه واني ما بطلت بجي اخذوني شويه يم امه هم طريحه الفراش وتبجي على ابنها رجعت لمكاني وزهور وفاطمه وياي يهتمن بيه ويهدن بيه وخالتي هم كل نص ساعه تجي تطمن عليه وترجع تروح يم ام راهب
وهم البارحه من صحيت الليل كله ما نمته وبس ابجي وثاني يوم كذالك بس ابجي وفاطمه كالت لعباس هيج وهيج وبس تبجي حتى نوم ما تنام وعباس حجه ويه دكتور وبليل ضربلي بالمغذي ابره ومادري شلون ونمت
كعدت ثاني يوم كالت زهور:- اخوات راهب جايات وهم نسوان جايات ماعرفتهن بس شفتهن بخطبتج
-وينهن هسه
- يم امه صارلهن من زمان اجن حتى هنا أجن عليج شافنج نايمه ورجعن راحن يم ام راهب
هزيت راسي وجابت اكل ورفضت وصارت تتوسل بيه واني ارفض وما اريد واليوم لازم اشوف راهب لازم كلتلها واني ابجي:- اليوم الا اشوفه ونبي بعد ماتحمل ثينينه بنفس المكان وماكدر اشوفه والله الا اشوفه كليلهم خلي ياخذوني يمه
زهور:- والله اكللهم بس اكلي واخذي علاجج حتى تروحليه برجلج
-ماريد ماريد هوه صارله ويه هاليوم خمس ايام فاقد وبدون لا اكل ولا شرب كون الاصابه بيه ولا بي والله كلبي تعب ما بقالي تحمل ماكدر بعد اتحمل اريد راهب هاذ حبيبي اريده رجعو الي فدوه
كلتها وابجي وهيه هم صارت تبجي وياي وتقنعني اسكت واكل واني ارفض اتصلت بفاطمه واجت وهيه كذالك تقنع واني ما اقبل عجزن شيسولي حتى اكل واخذ علاجي كامت فاطمه اتصلت بعباس وفتحت سبيكر رد:- ها
فاطمه:- عباس تعاللها لدنيا ما تقبل تاكل ولا تاخذ العلاج تبجي وتكول اخذوني يم راهب
كال:- دقايق
كالها وحسيته يمشي رد كال:- وينها انطيها التلفون
-تسمعك
صاح :- ولججج البطمممه وعلي كلبي محمل عليج وحالف بس تصيرين زينه الا اكتلج لاتخليني هسه اجي اكتلج وانتٍ معوووقه شبيييج تعاندين
صرت ابجي:- ماااا ماعليه هسه تجي تاخذني اشوفه والله ما عليه اريد اشوف راهب حرام عليكم
- ولج زمزمي ولج الفاهيه شلون تجين شلوون والردها مليانه زلم وعلي لو كعد رويهب ودره وجايه كبال الزلم يعلكنه انا وانتِ استري على روحج وعليه واخذي علاجج حتى تطيبين
ابجي بخنكه وكلتله:- عباس ابوس ايدك اريد اشوفه بعد ما اتحمل ونبي اشتاقيتله شلون احنه بنفس المكان ومايفصلنه غير ممر وماكدر اشوفه
اخذ نفس وكال:- بعد روحي زمن الدنيا وعلي بليل بس تفض أنا اطلعهم برا واجيبج تشوفينه بس ما اريدج مثل كبل ثلاث ايام تتخربطين علينه أخذي علاج واكلي حتى تجيله على حيلج
كلتله وابجي :- كول والله
-والله
- بس ادخل يمه ماعليه اريد اللزم ايده مو تكلولي إنعاش ومادري شنو ادخل يمه ع مسؤليتي ونبي عباس إذا ماخليتوني ادخل ونبي اكتل روحي ونبي
حلفت
صاح:- تماااام تماااام يابه تمااااام
-اييييي شصيح شعلو صوتك
- انعل ابوج وأبوي وأبو راهب العار يبوووووووووو على حظك الاغبر يرااااهب يبوووو الله بلاك بهاي البلوه فااااهيه وثووووله يبوووو يهالمشكله هاييييي ما لكيتت غيرهاااا مالكيت الله يساااعد كلبك اااالله يساعده
خرعني بصوته يصيح كتله:- هسه بطل تاخذني يمه بليل لو اكتل روحي
- وعلي اصلا أنا المفكر اكتل روحي واخلص منج ولجج جلطتيني شبيييج
صرت ابجي وكتله:- مابيه شي مابيه بس اريد راهب يرجعلي اريد اشوفه ما بقه بيه صبر عباس ونبي داموت ع البطيئ
كلتها وبكل كلمه اختنك تغيرت نبره صوته وكال:- وروح ابوي بليل اجيي اخذج وادخلج علي وروح ابوي زمزمي انتِ بس اكلي فدوه لعينج واخذي علاج تريدينه يشوفج مكسوره وحالتج حاله ويضعف وعلي هوه يتقوى على عيونج مو جان يتمرتك وياج ويكلج هيج اكثر من مره جنت اتسمع عليكم
زهور وفاطمه ضحكن ابتسمت كال:- مثل ما كلتلج زمزمي أخذي علاج وارتاحي أنا بس اشوف فضت وعلي أنا اجي اخذج بيدي تشوفينه وترجعين للبيت دام طبتي
هزيت راسي وكال لفاطمه:- وكلوها وشبعو كرشها وإذا ما رضت بس خابريني انزل اجيب الجفجير واجيها وهالمره هو ماكو وعلي اكتلها
ضحكت سمعني ضحكت كال يروحلج فدوه الجفجير ابتسمت وسده جابن الاكل وفاطمه توكلني وبكل لكمه تذكرني بتهديد.عباس خلني اكل الاكل كله اخذت العلاج
لاشويه دخلن ساره اخت راهب وسمر اخته المزوجه وبنيه ومره ماعرفتهن وخطيه ساره وسمر عيونهن منفخه من البجي اجني يبجن حظنتي ساره:- دنيا راهب ما كالولنا شبي محد كال صارله سبوع هيج وماندري الا البارحه عرفنه ومن نسأل امي وين والبقيه وين يكولون راحو يعقدون محكمه لراهب ودنيا ومصدكين بيهم ومادري اخوي بالانعاش بين الحياة والموت مادري
كالتها وتبجي صرت ابجي وياهه وماكدر احجي كلمه ماعرف اصبر روحي لو اصبرها وسمر كذالك كعدت تبجي وتشكيلي انو مكايليلهم كالت فاطمه:- كافيي كوه سكتناهه يا عمري انتن والله العظيم ما بي شي عباس كال بس يصحى يطلعونه والدكتور كايل يصحى بأي لحظه حالته تحسنت
رفعت راسها ساره وكالت:- صدك الله عليج فاطمه هيج كايل الدكتور
- اي والله عباس كال وراهب ذيب راح يصحى جا ما شفتي من اجانه من الموصل متصاوب شلون حالته وشهرين بغيبوبه حتى جسمه صار بي تسمم ورب العالمين كتبله عمر جديد وعاش وهسه هم أن شاء الله مابي شي وراح يصحى ما يروح ويعوف الدنيا الا ناس عزاز تنتضره
كالتها وباوعتلي ابتسمت واني الدمعه بطارف عيني اريد اشوفه
بقن كاعدات يمي وفاطمه منعتهن من البجي ومنعتني اني هم وتهدد وتأشر بمعنى أصيح عباس بقيت ع هالكعده لحد ما صار مغرب اجه اخو راهب اخذهم وكال بس يخلص مغذي امي اجيبها وراجن راحن بس بقت فاطمه وام راهب شاديلها مغذي لليل اجه عباس احس طرت من الفرحه كال:- ماكو ماتشوفينه ولدنا كلها هناك ومايرضون يروحون باجر لو صحتلج فرصه تشوفينه
نزلن دموعي:- ماا عليه مااا عباس اريد اشوفه فدوه بداعت امك اريد اشوفه بعد ماكدر
كلتها وصرت ابجي وفاطمه تهدي بيه وتكلي باجر تشوفينه كال عباس:- الفاهيه الثوله على كلشي محضره دموعج ادري تنكر بعيونج كومي اخذج تشوفينه
رفعت راسي:- كول ونبي
-هههههه ومحمد اها حلفتلج يلا كومي دام ماكو احد شوفي وارجعي
-بس ادخل يمه
- يااايابه العناد اشوف اكول للدكتور إذا خلاج ادخلج
كمت وكفت ع حيلي بس مثل الدار راسي دخت لزمتني زهور اجه عباس لزم ايدي وكال:- زمزم بيج شي؟
- لا لا بس دوخه قليله من العلاج يلا خلي نروح
-متأكدا مابيج شي؟
-اي اي والله مابيه يلا نمشي
كلتها مشاني يم باب الغرفه انطاني بيد فاطمه ومشى كبالنه رحنه واني كلبي راف علي وبس اريد اشوفه واشم ريحته شتاقيتله هواي شتاقيتله وصلنه لغرفته شفته ع نفس ما هوه والاجهزه تدك يم راسه نزلن دموعي كلت لعباس:- الله عليك اريد ادخل يمه فدوه
كال لممرض صيح الدكتور وهوه الدكتور جان جاي على طرفنه كاله عباس ع مود ادخل كال:- ممنوع صعب سيدي انعاش هذا من نطلعه لغرفه عاديه عادي تبقون ويا
كاله عباس:- مرته تريد تشوفه وما يصير شي
الدكتور:- اكلك والله صعب لو بيدي ادخلكم بس غرفه انعاش
كتله:- على مسؤوليتي دكتور اني على مسؤوليتي اني هم دكتوره بهاي المستشفى
- تشرفت عندي معرفه بيج دكتوره دُنيا بس صعب انتي ک دكتوره تعرفين المريض بغرفه الانعاش محد يدخله بس الدكاتره والممرضين
دنيا:- واني ک دكتوره وصح مو اختصاصي بس اريد ادخل يمه وع مسؤوليتي
كال عباس:- جاي تكلك على مسوؤليتها ودخلها هم على مسؤوليتي أنا مايصير شي
دكتور:- تمام سيدي بس رجأ دكتوره مايصير تتأخرين اكثر من ربع ساعه
هزيت راسي ومامصدكه كال:- البسي فوك ملابسج دكتوره اكيد تعرفين وعقمي اديج وادخلي
- اي اي اعرف هسه اروح
رحت ووياي فاطمه وزهور لغرفه الالبسه اخذت لبس عمليات لبستني ايا فاطمه ومامصدكه راح ادخل يمه صار خمسه ايام ما لازمه ايده غسلت اديه بديتول وعقمتهن وطلعت كبال الباب عباس واكف اشرلي ادخل دخلت واني اباوعله وعيوني تجري وكلبي يدك حيل مشيت بأتجاها وكفت يم راسه واباوعله صرت ابجي واني اشوفه مغمض عيونه ونايم بعمق اريد امد ايدي لايده مدا اكدر
بقيت بس اباوعله وابجي واشوف صونده الأوكسجين بخشمه وكانونه بأيده وقراصه مال دقات القلب بأصابعه خليت ايدي ع ايده رجف كلبي ودموعي تكت رفعت ايده بستها وكلها ريحه ديتول ومعقمات لزمت ايده باثنين ادي وصرت احجي ويا:- راهب اكعد كافي استاقيتلك ونبي اشتاقيتلك ليش هيج دتعذبني مو تكول احبج وماا عوفج يلا هسه اكعد ولا تعوفني ونبي دا اموت واني اشوفك هيج كافي تدلل عليه واكعد ابوس ايدك
كلتهاا وبست اصابعه وحده وحده واحجي:- والله بعد ابد ما اعاندك والي تكوله اسوي ونبي بس اكعد والله بعد إذا اجيت تشوفني اخذ زمنيه ونطلع لمكان ونحجي والله بعد ما ارفض وانت جنت تكلي صرتي حلالي وصرت حلالج لاتخافين ولا تخجلين مني والله بعد ابد ما اعاندك ولمن تريد تبوسني اخليك بس اكعد فدوه لعيونك حبيبي اكعد
راهب ماعندي غيرك بهاي الدنيا شفت اهلي بوجودك احبك احبك هواي أكثر من أي شي بالدنيا لا تكسرلي كلبي وتعذبني وتروح ارجعلي انت جنت توعدني ما تعوفني وين وعدك ونبي جذاب انت ونبي مو كد وعدك صارلي خمس ايام ما سامعه صوتك اشتاقيتله مو كل يوم نحجي اكعد حتى نرجع نحجي مثل اول اكعد كافي نوم انت نايم ومرتاح واني متعذبه وما انام الا ع حبوب منومه والله صارو ينطوني حبوب منومه حتى انام اكعد ورزلهم هذا كله عباس هوه كال للدكتور والله اكعد اذبحه يحجي عليك والله
كلتها ودنكت بست زنده واني ابجي بست خده وراسه وكل مكان بوجهه بسته واني ابجي ودموعي توكع ع وجهه كتله:- مو جنت تكول لاتنزليهن غاليات راهب هسه دموعي ع وجهك وما تكلي اسكتي ولاتنزليهن والله متت بغيابك اكعد راااهب
ابجي واحجي ومايحس بيه ابد مغمض ونايم بعمق بخشمه صونده اوكسجين صغيره قربت علي وبسته خفيف بشفته واني ابجي:- وهاي اني بستك حبيبي كوم مو جنت تكلي اتمنى يوم أنتِ تبادرين وتبوسيني مو أنا وهسه بستك اني كوم راهب عمري كوم دنيتك بدونك بلا حياة والله اشتاقيت لكلماتك لغلطك الي حاسبه مغازله لكلمه صغيروني اشتاقيت هواي
كلتها وسمعت صوت عباس وراي:- يلا زمزم كافي خلص الوكت ومو زين تضلين يمه أكثر يلا زمزمي بعد روحي امشي وهم إذا كدرت اجيبج مره ثانيه تشوفينه
هزيت راسي دنكت بسته براسه خليت ايده بمكانها وطلعت واني منهاره من البجي تلكني زهور وفاطمه لزمني وصارن يهدن بيه نزعني اللابسته رجعنه لغرفه الي موجوده بيها ام راهبب كعدت يمها وهم تبجي وخالتي وام عباس يهدن بيها شويه واجه ابنها كال يلا ارجعجن كامن واحنه هم كمنه ورجعنه احمد للبيت صعدت فوك اجت خالتي وراي كعدت يمي وتهدي بيه ويصير زين ولاتخافين ادري صار خطيبج ورجلج وخايفه علي ادعيله يكوم بالسلامه وان شاء الله مابي شي
واني بس اهز براسي ونور كذالك لشويه راحن وبقينه بس اني وزهور خليت راسي بحظنه وابجي واحجيلها ع راهب شلون احجي ويا ومايجاوبني ودموعي توكع ع وجهه ومايحس بقيت ع هالحال لحد ما غفيت واني راسي بحظنها نمت وللفجر كعدت زهور نايمه ع كعدتها
كعدتها راحت لمكانها كمت سبحت وصليت وكعدت ع سجاده وادعيله من كل كلبي احس بالدعاء شويه ارتاح كملت اتصلت بعباس سألته ع راهب يكلي زين ويصحى باي لحظه ادري هيج يكول بس حتى يطمني اني مو شفته ميحرك رموش عينه حتى للصبح نزلنه جوه هم ردت اروح للمستشفى عمو ما رضى كال عمامهم كلها هناك شدورين حتى امه واخواته مايجن شفتنه كافي أن شاء الله تشوفنه وهوه واكف ع رجلي وإذا
تروحين لشغلج اخذج بس ممنوع تجين يم الردها وكل يوم جماعته الضباط يجون هم ترا مايرضون حريمهم توكف كبال زلم غربه
منا مايخلوني واني مالي خلك للشغل واخذت اجازه مرضيه ف بقيت بالبيت وع اتصال ويه عباس لو احمد اسأل ع راهب وفاطمه وساره ع اتصال وياي وحتى امه حجت وياي شلونج شلون صرتي واني اجاوبها مر يومين هيج وراهب لحد هسه ما صاحي وويه هاليومين صار اسبوع وكل يوم اتصل بعباس أكثر من مره حتى مرات بليل اتصل اطلب يفتح كامره اشوفه مايقبل وابقى ابجي تالي يفتح ومن شباك الغرفه اشوفه شويه ويسده
مر يومين هم هيج وعمو يروح من الصبح ويرجع بليل وأحمد هم هيج بس صار اجازته طولت عاد يروح الصبح للشغل ويرجع الضهر شويه يرتاح ويطلع للمستشفى يمهم ما يرجع للفجر واني اتوسل بيهم ياخذوني ومايقبلون يكولون جماعته موجوده هناك وفاطمه هم اجتني هيه وسمر هم سألن عليه وع احوالي سألت ع خاله ام راهب هم كالن اربعه وعشرين ساعه بس تبجي ع ابنها حاله مو اقل منج وماتقبل تروح للبصره الا وراهب وياهه لو تشوفه صحى
لثاني يوم هم ع اتصال ويه عباس اسأله على راهب نفس الكلام يكلي زين بس ماصحى وهاي كلمه ماصحى دائما ع لسانه جنه كاعدين العصر بالصاله وخالتي قبل نص ساعه اجت من بيت راهب جانت يم ام راهب حتى طلبت منى اروح بس مابيه دخل احمد وكال:- كومي دنيا اخذج
باوعتله:- وين؟
- رجلج راهب صحى وطلب يشوفج
فتحت عيوني ع وسعهن:- صددددك احمددد صدك راهب صحى
ضحك:- اي والله وهسه اهله يمه وأنتِ هم طلبج بالاسم واجيت اخذج يمه
كمت حظنته وابجي من الفرح:- يا الله شكرا شكرا الك احمد يسلمو على هالخبررر الحلو
بعدت منه وامسح بدموعي وكلبي الفرحان يدك حيل كتله:- شوكت صحى
- صحى من البارحه الفجر بس ما كلنه لأحد وحتى لامه واخواته چي جماعته كلها اجته والمستشفى انترست من عرفو صحى وهسه ماضل عنده أحد بس عائلته وبالاسم طلبج كال جيبولي دنيا
مخليه ايدي ع حلكي ودموعي تجري كتله:- شلونه هسه احمد فدوه يكدر يكوم
- لا هسه صحى وان شاء الله كم يوم ومايضل بي شي هسه روحي تحضري بس اسبح اخذج
هزيت راسي وخالتي باستني:- كرة عينج يمه بشفاء رجلج الله يديمه الج
هزيت راسي وابجي:- شكرا خاله شكرا امين
كلتها وحظنتها ابجي كالت:- هسه اصعدي بدلي بس البس عباتي نروحله
هزيت راسي وزهور ونور هم صارن يباركلي لان صحه ويدعله يكوم بالسلامه واني مادري فرحه فرحه بداخلي ماتنوصف وكلبي يرجف ويدك حيل وكأنو هاي اول مره راح اشوفه والتقي بي بحياتي هالكم يوم صارت سنين
صعدت اركض فوك دخلت بدلت تحظرت لفيت الشال ونزلت جان احمد ينتضرني رحنه اني وخالتي زهور بقت بالبيت صعدنه بالسياره وصلنه للمستشفى نزلت امشي بالممرات واحس رجليه يرجفن وما يعينني ابد صارله يومين صاحي وعباس الغثيث يكلي ما صحى والله اله اكول كل سوالفه لراهب بس يصير زين
وصلنه لغرفه كال احمد:- من هنا هاي الغرفه
شفتها هاي اكبر وانضف غرفه بالمستشفى واليكعد بيها يدفع يعني غرفه مثل غرف المستشفيات الاهليه كلشي متوفر بيها وهالغرفه بس للمعروفين والجبيرين بالدوله اليجون لهنا طول شغلي بالمستشفى هيج سمعت حجولي انو بس الضباط والمسؤولين بالدوله يكعدونهم بهاي الغرف ثلاث غرف اكو منهن بالمستشفى بكل طابق غرفه فتح الباب احمد ودخلت الغرفه هوووسه كووومه ناس
اباوع امه وابو ولد ونسوان واخواته وفاطمه وزلم وهوه صايره امه وفاطمه كباله اريد اشوف وجهه ماكو من دخلنه شافنه ابو كال:- يا هلا يا هلا تفضلو تفضلو
جانو عباس وعمو علي والكل هنا حتى اخو عمو علي من كالها وخرت فاطمه جنت واكفه يم الباب شفت وجهه متمدد ولحد الآن كانونه بيده واجهزه تدك يم راسه دار وجهه عليه ع كيف كلبي يريد يطلع من مكانه احس النفس كوه صار عليه عبالك اول مره اشوفه باوعلي ووجهه مبين التعب ع ملامحه ابتسم ع كيف الي الدموع تجمعت بعيوني خالتي مشت تحمدتله بالسلامه جاوبها كوه متوجع بقيت واكفه يم الباب ومادري شسوي احس جمدت وهوه رجع باوعلي كالت امه:- تعالي يمه دنيا تعالي شوفي رجلج صحه تعالي لاتستحين كلهم اهلنه
هزيت راسي اجتني فاطمه وتضحك همست:- يا عمري كره عينج بشوفه حبيب القلب يارب يوكف ع حيله وازفكم بيدي
ابتسمت ونزلن دموعي مسحتهن كالت:- ولج غبيه لاتصيرين لحد هسه مو كلش مستقره حالته الدكتور كال لاتضوجونه ولا تضعطون علي بالاسئله امسحي دموعج لا يشوفج تبجين وينقهر يلا حبيبتي مسحيهن
هزيت راسي ومسحت دموعي مشيت وكفت يم خالتي وهوه مشكل عيونه بيه وانوب عمامه كلهم موجودين واستحي اكول شي كرصتني فاطمه واشرتلي بالكوه طلعت مني :- الحمدلله على السلامه
هو ابتسملي وهز راسه كال:- الله يسلمج
عمو علي صار يحجي ويه ابو وعمامه ع الدكتور شكال وهنه يحجن ويا وامه تسأله وتحجي ويا وهوه يجاوبها وكل شويه داير وجهه عليه اريد هيج اروح ركض وادخل بحظنه وابوس بوجهه كد ما اشتاقيت اله باوعلي عباس سوالي حركه بمعنى امداج ابتسمت
رد كال:- احم قوات بيشمركه يلا خلي ننسحب حبيبيني الرئساء اجتمعو خليهم يتناقشون
من كالها كلها باوعتلي وباوعت لراهب وضحكو تمنيت الكاع تنشك وتبلعني من الفشله لازم لازم يذبله سالفه مايكدر يسكت باوعت لراهب مبتسم وهوه يشوفني هيج خجلانه ابتسمت بس من الفشله مدي الكاع تنشك وتبلعني شافني ابو ضرب عباس بالباكيت مال الجكاير وكاله:- ادري انت ماتكضب اللسانك حيوان اسكت
عباس لزم الباكيت حطه بجيبه وكاله:- مشكور مشكور بعد روحي خالي مخلص جكاير همزين انطيتني حتى ما اروح اتعب نفسي اشتري واخسر
صارو يضحكون من صدك ضحكني رد صاح:- ولكممممم يلاااا امشوو دشوفو الويليد اشتعل ابو وهوه ينتضر نطلع
ابو راهب جان داير على عمو علي دار علي وخزره كال عباس:- ااااا لاتفهمني غلط خالي بعد روحي قصدي اشتعل رجل عمته
رد كاله رجال :- شنوووووو ولككك
عباس باوعله وضرب كصته وكال:- يبووووو على حظك يعبااس دوم طايح حظ دوووم لااا بويه لاتفهمني غلط خوما بس انت رجل عمته قصدي على خالد رجل عمته فطيمه
ابتسمت وكوه لازمه ضحكتي كاله خالد:- لك عباس عليمن هاي
غمزله عباس وكال:- انجب خويلد عود أنا وياك نتفاهم بعد رجلي اااا بعد كلبي قصدي
كلها ضحكت اباوع لراهب يضحك بس مبين كوه متألم كاله ابو راهب:- ابد ماتنعدل ولك اطول مني شوكت تكبر ومحمد اشك انك ظابط لو انا رئيسك جان من زمان فصلتك على هاي تصرفاتك
كال راهب وكوه يحجي:- هههه بويه لاتشوفه هيج غير هاذ عبيس بالشغل ماكو اذكه واثكل منه وعلي بس وياكم هيج كلها تخاف منه چي عصبي
عباس عدل ياخته وكال:- بعد روحي جمرتين اغديلك سبع سنوات
صفن ع الحايط ورد كال لروحه:- انجب شني سبع سنوات قصدي اغديلك سبع فدوات وعلي عزيز كلبي انت جمجوم
كلها صارت تضحك حتى راهب كاله ابو راهب:- طايح حظ ابد ما تنعدل
عباس:- حبيبي خااااالو الشيييخ اسكت ترا لساني مخ*** بي الچلب وزفرر الناس منا اممم
كاله وغمزله هنا ماكدرت ع ضحكتهم صرت اضحك ونبي طلع هيج ويه عائلته هم مو بس وياي وراهب عين بيهم وعين بيه كال ابو عباس:- وغلاتك ابو راهب ذيل جلب ماينعدل طلع بلساني شعر وانا احجي علي بس يضل على تصرفاته ابد مايتغير
عباس:- وانت الثاني بويه ترا ازعل عليك اممم وتخرب بيناتنه
يحجي ويغمزله جنه لازم ع كل واحد لزمه حتى لابو راهب غمز ولمحلهم على شي رد كال:- هسه شكلنه شجاي نلغي خلي نطلع بابا ونخلي الرجال يرتاح توه كاعد من غيبوبه مدري شني
رد باوع لعمو علي وأحمد وخالتي كال:- بويه اعذروني ولاتستغربون ترا أنا واحد شقاوجي ودمي خفيف وانجب بساع انجب شني قصدي انحب بساع وعلي مبين جنكم حبيتوني مو وفديتوني
ضحك عمو وكاله:- اي والله بويه تنحبك وسوالفك حلوه
- مشكور مشكور عمي على راسي على راسي اتشرف بالجميع بحياتي ما اطرد احد أنا چريم وبالچرم معروف جا أنا عباس مو ياهو جان
ضحك عمو علي وكال:- ونعم بويه ونعم منك
ضحكو همست فاطمه:- اي جريم بالمصاصه
ابتسمت وكال ابو راهب:- يلا بويه ارتاح احنا طالعين وشتحتاج احنا برا واكفين بويه
كاله راهب:- يأبه روحو مبين تعبانين روحو للبيت ارتاحو أنا بخير وعباس موجود هين
ابو راهب:- أن شاء الله بويه أن شاء الله تصير زين وتكف على رجليك ونرجع للبصره كلها تنتضرك
هز راسه صارت تحجي ويا امه وشتحتاج وراح اسويلك اكل وادزلك صارلك اسبوع ما ماكل واباوع لعباس مبين ضاج وهوه يباوعلهم متت ضحك بسكوت رجعت ام عباس تحجي ويه راهب ماتحمل وصاح:- امييييي ماااامااا يول يممممه امشي مو وكت توصاتج امشييي
كالها وخلا اديه ع كتف امه وام راهب وهنه يضحكن وكصار وهوه طويل مدنك عليهن وطلع يمشي بيهن وكلهم طلعو بقيت بس اني واكفه بمكاني واباوعلهم طلعو
رجعت باوعت لراهب وعيوني تتلامع من الدموع وهوه عيونه بيه اجيت امشي سمعت صوت من ورايه درت وجهي شفت عباس فاتح الباب شويه وماد راسه كال:- مو تتمرتكون وعلي اذبحكم وأنتِ الفاهيه زمن الدنيا مو تتكربيله مريض معوق مو بحالج رومانتيكيه ماريد خووش
ضحكت كاله راهب:- عباس ولي
فاطمه ضربته من وره ع ضهره وهوه ماد راسه من بين الباب كالتله:- تعااااال وعوفهم
كالتها وسحبته من ياخته وسدت الباب واني اضحك اجيت ادير وجهي ع راهب كال:- لوزايتي الفاهيه
طاحت دمعتي باوعتله وكلت:- روحها
ابتسم وفتحلي ادي الاثنين وهوه نايم ركضت علي حظنته وصرت فوك صدره كال:- يا محمد شكد مشتاكلج
كالها واخذ نفس بألم بعدت منه واني ابجي:- اذيتك راهب اذيتك ونبي مو بقصدي وين يوجعك
ابتسم وكال:- لا لوزه تعالي لحظني خليني احس بدكات كلبج واسمع انفاسج حتى ترد الروح الي يـ روح الروح انتٍ جا لو كل اذيه مثل اذيتج شريد من الله بعد
ابتسمت والدموع بوجهي رجعت حظنته ع كيف وخليت راسي ع كتفه الثاني لف ايدي ع ضهري كتله واني ابجي:- ليش هيج والله خوفتني عليك مو اسبوع راهب صارت سنين الي والله لا ليلي ليل ولا نهاري نهار متت بغيابك
كال بهدوء :- رجعتتلك صغيروُني رجعت بعد ماعوفك
كتله:- والله اذبحك لو عفتني مره ثانيه
ضحك متألم كمت من صدره بس ماخلاني بقيت منزله راسي ووجهي ع وجهه صاير رفع ايده البيها كانونه مسح دموعي بأصابعه وكال:- جم مره كايلج غاليات لاتنزلينهن ليش ماتسمعين الكلمه ليش تبجين هالعيون الجنهن بحرين
ابتسمت ولزمت ايده بستها واني مدنكه علي هوه هم بأس ايدي وغمض عينه متوجع كتله:- راهب شبيك شنو اليوجعك
كال بهمس:- تعباان مريض
- بيه ولا بيك كلي شنو اليوجعك حبيبي اجيب الدكتور
من كلتها لزم شفتي الجوه وكال:- خايبه ومحمد اروحلج فدوه أنا شمسوي بحياتي شي زين حتى هيج راضي ربي عليه ورزقني بوحده ثوله وفاهيه وعسل مثلج وعلي عندي حظ بهاي الدنيا
ابتسمت رجع عقج وجهه بألم حتى مو مستنده ع صدره نكول متأذي سانده روحي بأديه ع السديه بعدت ايده كتله:- كلي راهب بيك شي أصيح للدكتور
كال بتعب:- أنتِ دكتوره تكدرين تساعديني
- بس شلون مو اختصاصي اكو دكتور خصوصي مسؤل عن حالتك
- ماريده خلي يولي أنا علاجي يمج
ابتسمت وكتله:- وشنو العلاج كلي واني اجيبه
كال وهوه يباوع لعيوني وشفتي:- انطيني حلگ
فتحت عيوني ضربته ع كتفه الثاني ضحك كتله:- عييع راهب لاتوصفها هيج
-چا شلون؟
- كول مثلا انطيني بوسه بوسيني اقُبليني
- انجبي وانطيني مشتاق حال الضيم حالي
باوعتله ابتسمت وكلت:- ما هسه احد يدخل بعدين عود
-محد يدخل بداعت ابوج انطيني ترا ارجع ادخل بغيبوبه واموت يمكن
خليت ايدي ع حلكه:- ايي شبيك اسكت شنو هالكلام عابت
لزم ايدي عضها قوي سحبتها خلا ايده ع خدي بهدوء وهوه يباوع لعيوني نزل ايده ع شفتي صار يمسح ع شفتي بهدوء ومركز نضره بعيوني سحب نفس بثكل غمض وفتح وصار مبين مثل النعسان كال :- دوخني سودنني صغيروني عيونج موتني منين جايبتهن هيج اشوف نفسي بيهن خرب عشيرتج ولج ذبحتيني
كالها وسحب وجهي خشمي صار ع خشمه صار يستنشق الهوه كال بثكل لسان وكل كلمه يجرها جر:- تنفسي تنفسي اقوه لوزايتي خليني اتنفس انفاسج لج بويه عاشگج يا امه محمد عاشگج أنا عاشگ انفاسج
غمضت عيوني توترت كلامه حيل وترني ومن جهه خجلانه وعركي يكت منا ومنا همستله واحس كوه يطلع صوتي:- راهب عوفني هسه احد يدخل
مايسمع مغمض ويتنفس انفاسي كتله بهمس:- راهب
عصر عيونه:- يـ نبض كَلبه
كالها ورفع ايدي خلاها ع مكان كلبه وقرب شفتي ع شفته وهمس:- أنتِ هيج ادكين بنص كلبي يا احلى نعمه اجتني من ربي
ابتسمت واني اباوع ع عيونه شلون يلمعن ومركزات بعيوني واشوف صدق حبه الي بعيونه كالها وقرب باسني غمضت وهوه صار يتفنن بالبوسه من شافني غمضت ومتقبله
وهو جاي يبوسني جان نسمع:- خررررررب عينكمممممم ولكممممم ادبسززززززيه
....يتبع🔥