لطفاً متابعة الحساب zarazoz
والتصويت تقدير للتعب والتعليق
بكلمات جميلة ومحفزة
#
______________________$_________
گون أجيّك عيون ذيب
وغيض حيّه وغيمة مروه
وهبوب إعذيبي أهب وبيك أذبل كل خضاري
وشبت الصفصاف أشب
عريان السيّد عريان
_____________
-- واكفه بالباب واباوعلهم وابجي وامي لازمه ام الولد وتصبر بيهم
شويه وماحس اله سيارتين نوع بيكم صدرين مليانه دواعش ورافعين رايات لا اله الا الله وحده رأيه الدوله الاسلاميه
وانرعبت من أشكالهم نزلو والناس الواكفه بالبوب كلها دخلت جوه بس ذوله الايزيد الي ماخذين زلمهم باقيات برا يبجن
وبكل عين صلفه اجو سحبو نسوانهم وبلاخص بناتهم انصدمت وين ماخذيهم هنه يصرخن ويبجن حتى يعوفوهن ويصيحن ساعدونه بس محد اله الجرئه
يطلع كبال هل مجرمين ماما دفعت واحد منهم لزمها من شيلتها ردت اطلع بس امي باوعتلي وخزرتني دفعته وكالت
::: ما تستحي بكد امك حيوان عوفوهم الله لينطيكم منين طلعتولنه
الداعشي::: اشش لغوه زايده ماريد انتي ايزيديه??
امي::: لا اني مسلمه وبعدين شنو الفرق بين المسلمين والايزيدين كلنا واحد وأخوه حرام عليكم يا امي اخذتو زلمهم وهسه اجيتو ع نسوانهم عوفوهم
دنيا::: من حجت امي واحد وره الداعشي الي جاي يحجي ويه امي شاوره ورد هاذ هم شاوره وصارو يتهامسون بيناتهم
وكال ل امي :::الايزيد والمسيح والاديان الي ماتعبد رب العالمين كفره وواجب القتل الهم لئن يكفرون ويشركون برب العالمين
ورد كال انتي ام حيدر وحيدر الحسن ابنج
دنيا:- من كال هيج باوعت ل امي وباوعت الداعشي الثاني يباوعلي بنضرات كلش استفزني دخلت وطبكت الباب بوجهه وصرت اباوع من وره الباب بدون ميشوفوني
ردت امي كالتله:::وانته منين تعرف ابني حيدر؟
مارد ع امي وسحبو النسوان وهنه يصرخن وصعدوهن بسياره كوستر جبيره وراحو والجوارين كلها مصدومه وخايفه
اجت امي وتفرك بأيدها من التوتر وعيونها حمر من البجي دخلت للبيت ودخلت وراهه
دنيا:: ماما ذوله منين يعرفون حيدر
باوعتلي بقلق وكالت):مادري يا ماما مادري بس خايفه لا الي بالي يطلع صحيح
:- شنو ماما شنو الي بالج
:: ماكو شي ماكو شي امي يجي حيدر ونسأله منين يعرفونه
يله روحي كبالي حضري زلاطه راح اجي اسوي اكل
