لطفاً متابعة الحساب zarazoz
والتصويت تقدير للتعب والتعليق
بكلمات جميلة ومحفزة
كالها واجه بوسني ضحك وكال:- شو اشتاقيتلج هسه وهالغرفه وحدنا كاعدين بيها شرايج نسوي سوالف مزوجين هنا
ضربته ودفعته مني واضحك وهوه هم رفع ايدي وصار يبوس بيها ويخليها ع خده وعيونه شويه وخلص السيروم فتحه وكومني وشال العلاج وسندي طلعنه من المستشفى وبالطريق يحجي وياي كتله:- راهبي مشتهيه تُكي وسماگ هيج كون حامض هسه اريد
باوعلي مستغرب :- شهل اكله الغريبه ثنينهن بنفس الوكت
- اي اي هيج كون ماعون تُكي واطش السماگ فوكاه واكل اويلييييي اريددد والله هسه تجيبلي
- هسه بهذا الوكت وين الكه تُكي انتِ واكلاتج الغريبه مو وكته ماينباع
- مااااعليه اني مرتك واريد وابنك ماعرف بنتك هم تريد مااعليه هسه تدورلي وتلكيلي هسه واله تطلكني يلا
ضحك:- أمرنا لله ندور ليش لا
فرحت وصار ينزل ع المحلات ويدور وادري مو وكته بس مشتهيه ومنا الجو زين لا بارده ولا حاره عشق الجو اجه ومالاكي وكلت اليوم ما ادخل البيت إذا ما وياي توكي ما خلا مانزل ويكولون مو وقته ماكو هسه لحيت شعلي مشتهيته وكل شويه اكله يطلع بالطفل لو ماجبتلي حار واني اضحك ثلاث ساعات وهوه يفتر ويدورلي ويتصلون من البيت ليش تأخرنا تالي نزل ع اسواق واجه وجايب بيده طرررت من الفرحه اجه صعد وجايب معلب يلا احسن من الماكو فتحته اريد اكل واطش السماگ كال:- ماكو سدي تاكلينه على معده فارغه نوصل للبيت اكلي وبعدها أكلي هذا
ماخلاني واني الح تالي كال اشمره لو ماسكتي والله اني سكتت واباوع ع التُكي الاحمر واحس راح اموت اريد اكله وصلنه البيت نزل ونزلني دخلنه كلها موجوده منين عرفو مادري دخلت ويتحمدولي طلع راهب وبقيت كاعده يم بيبي وجانت الساعه بالعشره الصبح كالت وحده من عماتي:- هسه شلونج بنيتي حاسه بشي وشكالولج الاطباء
- لا عمه زينه وهمه حاجين ويه راهب والله مادري شكايلين
نبراس:- چا والطفل الي ببطنج سمعت سقطتي
خزرتها كالت خالتي:- بعيد الشر اسم الله عليها وعلى ابنها عليمن مفاولتها
نبراس:- أنا سمعت هيج عمه وكلتلها
فاطمه:- وعلى ما اتوقع محد طلب تسولفين وتحجين السمعتي والطفل زين ومابي شي وبعدين حتى لو لا سامح الله واكع مانزعل رويهبها نچر وعلى رأس الاربعين يحبلها مره ثانيه
خزرتها ودنكت خجلانه وخالتي ضربتها ويضحكن ويرزلن بيها لان هيج كالت وخلتني خجلانه كالت:- ايييي قابل اجذب قبل عرسها كلتلها يحبلج من اول شهر وطلع من اول اسبوع محبلها ومن اكول نچر تعاتبوني
