لطفاً متابعة الحساب zarazoz
والتصويت تقدير للتعب والتعليق
بكلمات جميلة ومحفزة
بسم الله الرحمن الرحيم 🌹
ردله عباس :- والله انت تغث الواحد ماعليك
دار عليه وكال:- اي زمن الدنيا تعالي خيه تعالي انتسوالف انه وياج ونطلع ضيم كلوبنه واحد لواحد وهاذ خلي يولي
هوه كال هيج ابو جمره خرب ضحك يضحك ويكح ويكله:- خرب شرفك يول والله عيب عليك شطولك بعد تصير هههههههههههه
واني ع ضحكه ابو جمره ضحكت علي صفنت علي شلون يضحك من كل كلبه
عباس:- انجبب وماعليك انت انه وزمن الدنيا انت شعليك
- اي ادري انت وزمن الدنيا بس بابا اثكل اثكللل على جتفك ثلاث نجمات والله ماتستاهلهن عاد تشاقه واضحك بس مو هيج مسويلي روحك مره يا عار
- والله ماغيرك عار المدخن العصوبي دشوف زمن الدنيا راضيه وجاي نسولف انه وياهه انت شعليك غيران مني چي ماتضحك وتنطيك وجه مثلي مو زمن مووو
فزيت ع صوته وهوه يكول:- همممم صفنت هممممم صفتتتت يااااا امه محمد هم صفنت لجج اشك هدومي شبي شبييي تصفنين علي شو اجلح املح انه احلى منه
ابو جمره رجع يضحك علي ويهز براسه ويباوعلي كلت:- هااا لا والله جذب ماصافنه علي بس صفنت واجت صفنتي علي
عباس:- ها هيج
-اي
-جا خوش
باوعلي وكال:- زمن ضاييج
مجاوبته رد كال:- جمرتين بداعت ابوك وجدك وأبو جدك وجد جدك وجدك السابع عشر كوم خل زمن تدكلنا وندبج چوبي وعلي مشتاك
ضحكت من كال هيج كاله أبو جمره:- هوه احنه بيا حاال رحمه لبوك ادور جوبي بيا حال عود خل نطلع اخذها كلام مني لزوجك وندبج بعرسك جوبي
- انجب انت اكبر مني بسبع شهور ازوجك انت وزمن الدنيا
باوعت علي فاتحه عيوني:- شنووو؟
-شبيج لاتفهميني غلط يعني ازوج ابو جمره وازوجج وبعدها ان شاء الله افكر ازوج
يحجي ويبتسم ويدحك لبو جمره وذاك مامهتمله رجع كال :- اممممممم
يحجي ويلعب بشواربه ويباوعلنه كاله أبو جمره:- خير
- كل الخير دكوم عليك الله خل ندك جوبي
- والله لو ماسديت حلكك عباس اسده بيدي
-دنجب انجب ضال عليك كومي انتي زمن الدنيا
-اني!؟
-لا ابوي انتي چا منو اكو غيرج زمن
-بس اني ماعرف
