عدت شهور ولا عدا الشعور

25

~ناصر~
انفاسه بدت تهدا والكتمه بأت بالزوال لكن طعم المشروب ينغص عليه دف الكوب بعيد عنه معبر عن رفضه له
امرته: ناصر كمل الكوب ذا كامل
مد ذراعه بستعراض: شوفي صرت بخير لو تبين بعد اقوم اسوي ضغط ميه مره قمت
فارس بحماس: يلا اتحداك
طالعه بشر: لا مب انا اللي بسويه ناس بتتكفل تسويها عني
غُند: طيب خلك منه واشرب لو نص
ناصر: لعيونك بس فز على الضربه القويه
حمد: نعلمك ان عمها واخوانها هنا عشان ماتاخذ راحتك مره
نزل بالارض وجلس شبه منسدح: وانا جاي قابلت واحد تعرفونه
سعد: مين؟ انت كل شوي مطلع لنا واحد
ناصر بهدو: ابوي
فزت جود: طيب هو وينه ليش ماجاء معك
بضيق: راح يبدل ويجي
قامت جود: غُند ممكن تسوين لنا قهوه واديم تقوم تجهز لابوها الفطور اكيد بيجي جوعان وراحت

~مشاعل~
دخلت الغرفه وضحكت بسخريه: انا مدري متى تعرفين بكل مره يجي يصد عنك مدري ليه مصره تتجهزين له
غمضت عيونها: مشاعل مالك دخل
جلست على التسريحه: محد فينا ارتاح بزواجه كثر مهره والله اني اغبطها
جود: اذكري الله لا تصكين اختك بعين وعلى قول مهره الوحده هي اللي تقدر تتونس ولا تنكد على نفسها
مشاعل: ماشاء الله
جود: خلي منك منفعه وسلفيني فستان مقدر ارجع للبيت وهو هناك
قامت وفتحت الشنطه: مدري شوفي هذا يمكن يعجبك
جود: لا مابي اسود ولا الوان غامقه
مشاعل: كل اللي عندي الوان غامقه
خوذي من جواهر
جود: لا جواهر فاسخه الحيا ملابسها الله يسترنا بستره
دخلت: وش فيها جواهر؟
جود: فيها زود التفسخ وقله الحيا
جواهر: يووه جود لاتقلبين امي ترا توها عطتني محاضره هذا طولها عشان فستاني بدون اكمام وقصير!

~1993 ـ ١٤١٤ـ بيت ابو صالح~
طلت من المطبخ: يمه فيه اغراض ناقصه بطلع اجيبهم
نهرتها: لا انتضري لين يجي احد من اخوانك
مشاعل: طيب مافيه رز كيف تبين نسوي الغدا قبل يجي ابوي وينجن علينا صالح
بتهديد: روحي بس ياويلك تتاخرين ولسانك يالعوبا ابلعيه مانبي مثل اخر مره وتغطي زين
مشاعل: حاضر حاضر
وراحت تلبس واخذت معها الورقه

~محمد ـ بقالة عويض~
كان جالس بالبقاله بملل عيونه تراقب الناس بترقب وسحب التلفون وطلب رقم و طلع الورقه من الدرج الاخير ليمليها على الطرف الثاني
محمد: اسمع المطلوب اليوم شي قوي
جواد: قده احنا سوينا اللي اصعب منه
محمد: مطلوب كرتون رمان و كرتون شمام وكرتون اناناس من الشام وارانب وسمك ولبن وحبحر وهامور بس طلب الزبون انه يكون غير مره وخاص
جواد ضحك: ايه يصير خير الحين نجيك ونتفاهم
سحب العلبه وحذفها على الباب وطلع راسه وتاكدت شكوكه يوم شاف مشاعل وعرفها من عيونها: ايش تسوين
اختبصت مشاعل من قربه وانه طلع فجاه: ولا شي
دخل: الحمدلله والشكر
نزلت الورقه على الطاوله: ابي هذي الاغراض
راح محمد يطلع اغراضها وحط الظرف داخل الكيس ومشاعل نزلت ظرف بمكان بعيد بس يشوفه محمد وشدها الدفتر سحبته وحطته بعباتها بسرعه
محمد: وهذي هي الاغراض جاهزه
مشاعل: سجلهم على حساب ابو صالح الا هذا الكيس هاك حسابه
دخلو العيال توترت مشاعل من نظرات حاتم ركزت بنظرها على يده المكسوره وضحكت بخفه وعدت من عنده حمر وجه حاتم بقهر بس حاول مايبين بس انتبه له جواد وحاول انه يكذب نفسه: الا محمد علمهم وش مطلوب اليوم
طلع علب البيبسي الزجاجيه وحطها على الطاوله وعينه تراقب الباب: مطلوب كرتون رمان وكرتون شمام وكرتون اناناس من الشام وارانب وسمك ولبن وحبحر وهامور بس طلب الزبون غير مره وخاص
حاتم عصب:تستهبل علينا انتت!
هذي اشياء ماتجيب فلوس كيف ترضى اننا نبيعها
ضحك:كنت عارف انك بتتسرع لكن ترانا بمكان عام ومانقدر نتكلم في ذا الشي وافضل حل نشفرهم ولا من متى جبنا اشياء كذا لكن شوف الورقه هذي
قام حمد من الخرشه: لا لا ياعيال انا اقول نهجد ونترك الشغله ذي كل واحد وراه مستقبل والاشياء ذي بتجيب اقصانا وفيها قصاص باقي انت ماتزوجت مشاعل وانا ماصرت غني وجواد ماتزوج بنت خالته وحاتم مافتح عيادته ووظفنا فيها والاهم اننا ماتبنا شايف باقي الدنيا تحتاجنا انا انسحب من ذي المهمه
جواد: اقول خل عنك الخوف للرخوم وراح ننفذ المهمه اليوم من بيت ابو سلطان وبنروح على طول للدمام ومن هناك للبحرين وبنسلمها ونرجع
حمد بخوف: طلعوني انا خلاص تبت
محمد: حمد انت دايم متخوف الحياه مره وحده جرب كل شي فيها
حمد بحسره: مره وحده بس ما اسوي كذا انا وين جبت نفسي لذا الطريق
جواد: موضوعك ماراح انتناقش فيه اكثر لانك بتروح يعني بتروح ...الا وش عندك ياحاتم هاجد من عقب الهوشه ماعاد لك حس شكل تركي شال لسانك
وقف بعصبيه: يخسي هو واشكاله والله والله لاسود عيشته واقلبها فوق راسه
محمد مسكه: يارجال اجلس اجلس ولا تسوي شي كل واحد فيكم اخذ حقه والمخطي اخذ حقه وزياده وانت ماشاءالله عليك رايح ومكلم اخته وماباقي شي وتدخل فيها طبيعي انه بيسوي كذا واقوى بعد لو انه انا يمكن وقتها قدهم مصلين عليك
حاتم: محد وكلك محامي دفاع يالعاشق الولهان تركي لو يدري عن سوالفك كنت مكاني وراح وتركهم
جلسه: ماعليك منه يامحمد هو اكيد انه زعلان انه انفهم خطا
محمد بخوف: والله ان قلبي مو متطمن منه اخاف يجور الزمان عليها ويصير لها شي وياذيها
حمد: لا ماعليك حاتم ماراح يسوي شي وياذي حرمه
طلع من عندهم وهو مايشوف من الحقد والعصبيه ماوعى على نفسه الا لما وصل اخر القريه حط ثوبه بطرف فمه وطلع المسدس من جيبه: مين هو تركي اصلا ومين محمد يمنعوني عن كسر راسك ومجاديفك يامشاعل الدنيا بيننا اذ ماجبتك من تاليك ما اكون حاتم باخليك تتمنين الموت

~بعد يومين ـ في سطح بيت ابو صالح~
قلبت صفحات الدفتر بسرعه واستقرت على اول صفحه
وانصدمت ان محمد هو اللي سرقهم!
ضربت وجهها: ياويلك يامشاعل اللي تحبينه طلع حرامي وسارق بيتكم ...ياربي وش اسوي اعلم ابوي ولا والله اخاف يذبحه ...وش ذا مسرق كل الناس حتى ام حمزه المسكينه ...اواجهه اني دريت بفعله واني لا يمكن ارضى فيه وهو كذا؟ لا لا اخاف بعدها عليه ...افففف من سواد وجهك يامحمد اخذت الظرف اللي من محمد وفتحته (مشاعل كيف حالك من الدنيا؟ ابشرك اني السنه ذي راح اقدم على بعثه وان شاء الله يقبلوني انا صارلي سنتين اقدم ويرفضوني لكن المره ذي انا واثق اني بنقبل ولو انقبلت بخطبك خليك مستعده)
اخذت ورقه من دفتر محمد وكتبت له وسكرت الورقه: ماقول غير الله يسامحك

~صباح اليوم الثاني~
ام صالح: يمه مشاعل اطلعي للخياط جيبي ثوبي مافيني شده اطلع وانا امك
راحت مشاعل طايره من الفرح عشان توصل الورقه لمحمد دخلت البقاله: جمال وين بابا محمد
جمال: بابا محمد فيه روح سفر هو في يجي اليوم سوي صبر بس
نزلت الظرف: خلاص اذا جاء عطيه الورقه ومعه الدفتر ذا فيها اغراض يوصلها للبيت لا تنسى بس بابا محمد بابا عويض لا

~العيال~
رجعو من البحرين وهم مهلوكين خوف من الوضع يخافون احد يدري
محمد: جواد ودنا للبقاله باخذ الدفتر واشيك على التلفون
حمد: جيب لي معك عصير ليمون بخفف التوتر اللي جاني
دخل البقاله: هاه جمال كيفك اليوم
جمال: الحمدلله ميه ميه
محمد: مافيه احد دق؟
جمال: لا مافيه بس فيه هدا هرمه يجي هنا يجيب ورقه دفتر كلام هو بس بابا محمد
دق قلبه: متى جت
جمال: اللهين هو يطلع
جمد قلبه لما شاف الدفتر طلع بدون يتكلم وركب السياره
حمد دقه: وجع يالبخيل وراه ماجبت لي عصير
لطم وجهه: مصيبه ياعيال مصيبه
جواد بخوف: وش صار
محمد: مشاعل طلعت اخذه الدفتر اكيد انها طاحت على ورقة بيتهم وطحت من عينها
حاتم: وخير ياطير واذ طحت من عينها
حمد: سكت دهر نطق كفر طول الطريق ساكت ويوم تكلمت جبت العيد
محمد: امسكوه عني عشان ما اذبحه
جواد: افتح الورقه نشوف وش فيها
محمد: بسم الله (حالي من الدنيا مصدومه انك طلعت سارق بيتنا وكاسر مشروعي ولك وجه تحبني بعد على العموم انا سترت عليك عشان ماتصير مثل خويك الردي وبعطيك فرصه انك تترك الهرجه ذي ولا انساني الموضوع بين يديك )
حمد: وش السواه
محمد: بترك الشغله ذي عشانها
ضحك بسخريه: رخمه تحركك وتجيبك حرمه
مسكه مع لياقته: لما تتكلم عنها ولا عن اخوانها تنزل راسك هذول اسيادك وتاج راسك
حمر وجهه بحنق: تخسي انت وهي ان ماذبحتك انت وهي ما اكون حاتم
حمد مسكه: هدو يارجال
جواد: خلاص يامحمد وخر عنه خويك هذا من يوم كنت ببطن امك وبالنهايه تفرقكم حرمه!
محمد: الحرمه اللي انت مستحقرها هي امك وهي اختك وهي زوجتك خلفتك وتعبت منك وربتك احسن تربيه عشان لا انذكر اسمك بالمجالس يقولون ايه هذا فلان ولد فلانه والناس كلها تهابك انا ماقول غير ان الحمدلله امك وابوك ماتو قبل يشوفونك ولا كان ابوك ناحرك
حاتم: كلامك ذا ينحسب بصفك وكل مره يتراكم يصير حسابك عسير الوعد والايام بيننا وانا لك
جواد طالع حمد: لا حول ولاقوة الابالله الموضوع طلع من يدنا وماعاد نقدر نسوي شي
حمد: الله يستر
محمد دار بالمكان رايح جاي بتوتر:انا لازم اتصرف واحزم الموضوع وينتهي بالطريقه الانسب والحق على الموضوع قبل يزيد ...جواد متى يطلع التقديم حق البعثه؟
جواد: اضن اليوم بالليل
محمد: تم اليوم نتجمع بمكان اللي دايم عشان نشوف
راح ركض للبيت عشان ينفذ اللي بباله دخل وحذف شماغه عند رجلين ابوه: تكفى يبه طالبك طلبه قل تم
عويض بفجعه: بسم لله عليك يابوك قم قم ومالك الا اللي يسرك
محمد مسك قلبه: ان انقبلت بالبعثه ابيك تخطب لي بنت ابو صالح مشاعل ياهي شلعت قلبي
طقه بالعصا: ياقليل الحيا وين شايفها
محمد: اح ترفق علي يبه حرام عليك
عويض:انت حتى الرفق بحالك حرام وذنب علمني وين شفتها
محمد:يوم تمايم ولد شيخه وسالت عنها وعلموني البنات ومن يومها وقلبي ماهو هنا
عويض:انت بس خل تطلع البعثه وبعدها خير
محمد بحماس:اليوم بالليل بعرف ومن بكره الصبح نروح لهم
عويض:اثقل وراك مطيور بعد النتايج باسبوع نخطب لك
محمد:لا يبه خير البر عاجله وانا ماراح انتضر صراحه
عويض:يصير خير بس ابعد عني ادوختني
محمدباس راسه:تامر يابو محمد
عويض:الله يجزي بنت ابو صالح الخير اللي خلتنا نشوفك فرحان

~مساء يومهم المتعب~
حمد بحماس: جواد عطنا اول واحد محمد نبي نشوف نتجهز لعرسه ولا لا
محمد بتوتر: لا لا شوف حاتم اول
جواد: عاد الارسال ضعيف مدري اخوي مايرد ماورانا الا ننتظر الجريده بكره ونشوف... لا هذا وهو بندر رد
حمد: يارب انه محمد
محمد: ليش انا مو
شهق جواد بقوه خلتهم يسكتون بترقب
حمد صرخ: وش صارر؟
جواد بفرحه: الحمدلله الف مبروك ياعريس
محمد بسعاده: تقولها صادق
جواد حضنه: ايه والله صادق
حمد ضحك: طيب يمكن العروسه ماتوافق
جواد: فالك ماقبلناه
محمد: حاتم ماودك العتب يطيح؟
حاتم حضنه: طاح العتب يا اخوي
جواد: اصارحكم بشي كلنا الحمدلله بنطلع بالبعثه
قام محمد: يلا تصبحون على خير ومبروك العهد بكره الصباح بالخطبه

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)

لا تنسون النجمه والكومنت وتجاهلو خطي الخايس +ترقبو البارت الجاي هذا اطول بارت عشان ماتحسون بالملل خذو وقتكم وانتم تقراونه لانه نقطه التحول للاحداث الجايه