وتيرة الاعرج

الوتيرة الثانية والثلاثون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂 hawraalsaidi

-حنين: النضارات بايده رفعهن حطهن بوسط جيب القميص لابس قميص سمائي وياه بنطرون اسود كاشخ على اخر حباية مبتسم بوجهي شنو هل الشخص بعد كل الي صار جاي برجليه

-ارسلان: مصدومه بجيتي اكيد

- انتَ ؟ شتسوي هنا

- اجيت اشوفج

- اذا احد من اهلي شافك صدكني ماراح يرحموك

- اجيتهم برجليه

صفنت يحجي بكل ثقة شنو هل البشر ..

- ماكو اتفضل نسيبي

- اهلي ماموجودين ما اكدر ادخلك

- بس نسيبكم انه مو غريب

- هه نسيبنه بالغش والخداع تقصد

- ما استغرب من ردودج لان اختج معروفة منو

- اختي وين شسويت بيها

- بخير وتسلم عليج بس يعني اعذريني ماكدرت اجيبها وياي

- شكو اجيت لعد

- عرفت صاير وياج حادث واجيت اسلم عليج

بقيت ساكته مارديت عليه دمعت عيوني وانه اتذكر شنو جانت نضرتي اله حجيت من بين دموعي الي نزلت ..

- اذا عندك عزيز على گلبك احلفك بيه اختي وينها شنو وضعها شسويت بيها

ابتسم بخفه دار وجهه منطيني ظهره ..

- ماسويتلها شي بس ما اكدر اكلج وينها

- ليش سويت هيج

- ليش ؟ كلمة ليش اهواية سمعتها بحياتي وبعقلي ليش وليش وليشش

رص على اخر جملة باسنانه من خلال نبرة صوته دار وجهه عليه ..

- مو حلوة وكفتي بالباب اقلتاً اوكف بالحديقة

ابتعدت دخل ومثل ماكال وكفنا بالحديقة ..

-ارسلان: ادري بيج ماعندج اي ثقة بيه مثل قبل وكرهتيني ومتاكد صار عندج خبر عن كلشي

-حنين: اذا تدري بكل هذه ليش اجيت برجليك

- اوضحلج نقطة واروح

- شنو الي يفيد تتوقع تبريراتك راح تفيد هسه ؟

- اوضحها وانتِ حره بتفكيرج

- شنو الجذبه الجديدة

دنك راسه حك طارف حاجبه رجع رفعه ..

- بحياتي كلها ماقسمت بيهم بس هسه اقسملج بالي ماوصلت اجدامي لكبورهم بيوم من الايام

-ارسلان: ماجنت رايد اصوبج وارمي عليج بذاك اليوم ولا ردت اذي احد هدفي جان رسالة الكم

عفت كلشي وركزت بجملة الماوصلت اجدامي الهم بيوم من الايام منو يقصد معقوله اهله نفسهم الي شان الحرب علمودهم استوقف ردي اله صوت الباب الي اندك منو جاي عفته ورحت امشي للباب افتحه ماتوقع ابويه او خالتي لان بدوامهم ومو وكت رجعتهم فتحت الباب تصنمت بمكاني من شفته درغام ..

دخيلك ربي راح تعلك بينهم هسه اباوعله وبداخلي ميته خوف لا يتواجه هَوُ وارسلان ..

-درغام: ها بلائي

-حنين: ها هلا

- شبيج لون وجهج تغير من شفتيني شنو شفتي ملك الموت كدامج

رفعت ايدي ارجع بشعري لوره متوتره ..

- لا بس ماعبالي انتَ

- اجيت اشوفج شلون صرتي وهم ابوج ماموجود اخذ راحتي لان ومحمد من موجود بس اتحرك صاح ها وين

ابتسمت بخفه مادري شلون راح اسيطر على الوضع ..

- شبيج حنين مو على بعضج

- انه ؟ لا مابيه مابيه شي

باوعلي بنضرات شك يتفحصني المشكلة يعرفني من احجي الصدك او من اجذب ..

- خلي ندخل جوه

بسرعه كتله ..

- شنوو لااا وين داخل شبيك

- انه الي شبيه لو انتِ بعدين شنو وين داخل من شوكت تكليلي هل الحجي جبت عمري اجيكم وادخل واطلع ماشفتج بيوم حجيتي هيج

عضيت شفتي السفليه لزمت گلبي من گال ..

- جاي احسج ضامه شي توترج هذه عضت شفتج ملامحج تدل جاي تضمين شي

بدون اي مقدمات فتح الباب ودخل جوه لطما على خدي راح تذابحون بينهم اتمنيت ابويه موجود بس يمكن ابويه هم ماراح يرحم ارسلان اذا شافه كدامه صحت وراء اوكفه ..

-حنين: درغااام اوكف بسس اسمعني

وكف وعيونه صارت على الحديقة الواكف بيها ارسلان تغيرت كل ملامحه مجرد شافه راح يمشي سريع لا مو شنو سريع ركض عليه طفر على الحديقة بسرعة لزمه من ياخته يعت بيها وذاك واكف ببرود حتى مارفع ايده لو اهتزت شعرت منه ..

-درغام: شتسويييي هناا

رد عليه ببرود عكس درغام الي صاير بارود ..

-ارسلان: اشوف اخت زوجتي

عته اكثر ويصيح بوجهه ..

- لاااا تخليني هسه اطلع بروحك وين غيااهب

أشر بحواجبه عليه ..

- حجيت اخبارها الاختها

ماشوف غير درغام وجه بوكس بنص وجه ارسلان رجع مرتد لوره بس ماطول هدوء ارسلان وهَوُ يرجع الضربه الـ درغام شهكت من لزمو بعض وصارو واحد يضرب بالثاني ..

-حنين: درغام ارسسلان فدوه كاافييي

مايردون عليه رحت اسحل بنفسي جسمي يون عليه من الوكعه الوكعتها كوه وصلت الجهازي ايدي ترجف اتصلت على ابويه ماطول وهَوُ يجاوبني ..

-سلطان: ها بابا

-حنين: فدوه بابا تعال للبيت بسرعة

رد بخوف ..

- شكو شبيج بابا بيج شي صاير شي

- مو انه مو انه بس هذوله درغام وارسلان بره جاي يتعاركون فدوه تعال انه خايفه

- ارسلان عندنه بالبيت ؟

- اييي فدوه تعال

طبك الخط بوجهي طلعت بره بعدهم نفس الوضع واثار الضرب الي صارت بوجوهم ..

-درغام: ضال موقفك بعيني الي نقذتني بيه والا عرفت شسويي

رجع ضربه صحت واحس بلاعيمي اتجرحت من صوتي ..

-حنين: درغااام بداعت امك عوفه الخاطري الله يخليك

مجرد حجيت هيج ابتعد عنه يخزر بيه اثنينهم وجوهم تتجارى دم ختلت ورا ظهر درغام مديت ايدي لزمت ايده القابض عليها اخاف يرجع يهجم عليه ..

وكف ارسلان ينكث بملابسه ويمسح بالدم الي يجري من حلكه ..

-درغام: لو تضمها جوه الكاع راح يجي يوم واخذها ولخليك تتحسر على شوفتها روح هسه والعب براحتك بس الحفره الي حفرتها محد غيرك راح يطيح بيها اتذكر كلامي زين غياهب هل المره اذا تتاذه بخدش واحد اقرأ على روحك السلام

لوحله ارسلان بايده وطلع يمشي طلع من بيتنا زفرت نفس براحة رادو يموتون بعض نوب ماسكتت رحت خابرت ابويه اوف ياربي جسمي كله يرجف من الهبطه الي اكلتها دخلنه جوه للصالة ردت اروح اجيبله ماي سحبني من ايدي كعدني بصفه ويتنفس سريع ..

- وين رايحه

- اجيبلك ماي

- اكعدي انتِ مريضه انه اجيب

راح للمطبخ وانه كعدت مهبوطه غمضت عيوني واسترجع كلشي صار بذاكرتي الانسان الي عديته مثل الاخ هيج يطلع فتحت عيوني على صوت ابويه ..

-سلطان: حنين

ردت اكوم أشرلي ابقى بمكاني ضلت عيونه تتوزع على البيت ..

- وينهم

- ارسلان راح ودرغام بالمطبخ

- راح ؟

بهل الاثناء طلع درغام بايده كلاص ماي
من شاف ابويه اتفاجئ راحله ابويه ..

-سلطان: ليش عفته يروح

صارت عيون درغام عليه بس ابويه ماهمه الي همه غياهب اذا جانت بخير اولا

- حجه شي عن غياهب

-حنين: ليش شبيها غياهب مو علساس مسافرين

ضرب الطبله الي كدامه برجله وكع كلشي بيها فزيت من مكاني ..

بقيت ساكتة شعوري خوف بس مخلوط بالامان حسيته ماراح يرجع يأذيها ما ادري اذا احساسي غلط او الي شافته عيوني غلط بس ارسلان من يحجي عن اختي عيونه تحجي شي ملامحه كلها تتغير جنت اشوفه من يخطف نضرات منها نضراته مو مال شخص همه الانتقام فقط رفعت راسي اله حجيت بثقه ابتسمت بقهر من شفت ابويه نسه نفسه انُ علساس مسافرين ويجذب عليه كل هل المدة ..

لزم راسه مغمض عيونه اجه كعد بصفي يباوع بعيوني بحزن ..

-سلطان: جذبت عليج هل الفترة كلها

قوست شفايفي امنع نفسي من الانهيار ..

-حنين: بشنو جذبت بالضبط

- ارسلان اتزوج اختج بغاية الانتقام ونفسه الي رمى عليج من جنتي واكفه بالباب ويا درغام ونفسه الي حرك محلات ابوي ولعب علينه بشطارة بدون ما انحس

- ليش بابا مو نفسك الي تكره الجذب بحياتك ماعلمتنا عليه بسبب تعلومك النه انه اليوم حتى من اريد اجذب ما انجح بهل الشي خيبت ضني بيك

وكفت مختنكه بغصتي ..

- اعرف كلشي سمعتك من حجيت لـ خالتي بس بكل مره اشوفك بيها اكول هسه راح يحجيلج يا حنين هسه راح يحجيلج بس انتَ جنت تخيب ضني بيك

كلكم جذبتو عليه خليتوني احس انه منبوذه بينكم لا من اختي الي راحت برجليها للجحيم وضحت ولا من حضرتك ولا حتى من حضرة خطيبي ماشي اتفهم موقف درغام انُ انتَ مأمنه على السر بس ليش بابا ليش دائما تضمون عني واخر الناس يلا اعرف

-درغام: حنين شنو هل التفكير

- لان ماكو غيره وقيسه على نفسك من اهلك يجذبون عليك ويضلون يضمون عليك شنو احساسك

انتم ماخذيني علساس انه وحدة غبية وكلشي ما افهم ولا اضم السر هاي نضرتكم الي ..

وكف ابويه بسرعة وملامحه تحجي قبل لسانه ..

-سلطان: لا بابا وعيونج الغاليه محد مفكر بيج هيج

- لعد شتسمون تصرفاتكم

- من خوفنه عليج لا تزعلين من كلامي بس ادري بيج ماراح تتحملين خصوصاً اذا الموضوع يخص توأمج

- للأسف غلطان .. نفسي انه الي صارلي فترة واهمتك ما ادري بشي وانه اعرف شغلات اكثر من الي تعرفوها ماجربتوني علمود تعرفون اتحمل اولا كضيت عمرك اسرارك يم غياهب

يمكن تصرفاتي الطفولية جانت توهملكم بشي بسسسس انه مو هيج مو هيج ..

عفتهم وصعدت الغرفتي امسح بدموعي ماتوقع احد يلومني على احساسي لو جانو بمكاني راح يحسون مثل احساسي وشعوري دخلت كعدت على جربايتي ابجي بصمت بلعومي كام يحركني هفيت بايدي على وجهي دخل درغام الي وجهه مجرح سد الباب واجاني ..

-درغام: تسمحيلي ابقى يمج

-حنين: عود هم سطرلي جذب

- السانج شوكت مجذب عليج غير موضوع غياهب وعندي اسبابي

سكتت مارديت رجع گال ..

- من راح تبقين تبجين وتعبين عيونج وبگلبج شنو راح تستفادي اتأذين نفسج واتأذيني

- وانتَ ليش تتأذه

- اتأذه بكل دمعة تنزل من عيونج

باوعت بعيونه هل العيون بحياتها ما انطتني غير نضره وحدة الي هيه الامان والحب ابتسمت بنص دموعي ..

- احضني

- بس موبس حضن احضان انطيج تعاي
بنت سلطان تعاي ابويه انتِ

حضني الصدره والشهكه بعدها بيه گلبي متكطع على ابويه بس مو بيدي ..

- درغام

- عيونه

- تحس قسيت بالكلام ويا ابويه

- اي بس حقج ومو حقج هَوُ مايكرهج بلائي عمي سلطان اذا عنده نقطة ضعف فهيه انتِ واختج من خوفه وحرصه عليج ماكدر يحجيلج

- ما اكدر اتخطى الشعور والاحساس الي حسيته

- ابوج تعبان خليج واكفه وياه لا تكونين ضده كافي غياب غياهب الي هاد حيله شيصير بيه اذا يحس خسرجن انتن الاثنين

بسرعة رفعت راسي انضرب بحنجه صاح متألم ..

- انعل ابوج

- اسفه ما ادري ما ادري

لزم حنجه ..

- شلون بيه بالفهاوه يا محمد

- مووو كنالك اسفه ليش تماطل

- نوب هيه ام الراهي فوكاها

تدنيت اله اكثر وكل شغلي بايد وحدة لزمت جهة وجهه بحنيه ..

- مامنتبها حبيبي اسفه والله اذيتك ؟

جر انفي بايده مايستغني عن هل الحركة
من الطفوله يسويها ..

- اذيتج حلاوه بلائي

- اووي دلغام كزكزت

- حنيني

- هاا

- ننزل نشوف ابوج

- لا

- ليش ؟

- بعدني ضايجه خلي اهدأ واتفاهم وياه اخاف احجي شي وينجرح من كلامي

- بس هسه تلكينه مقهور

برطمت شفايفي ..

- انه هم مقهوره منه لان جذب عليه

- خوش بس لا تتأخرين عليه

- ان شاء لله .. حاجبك مجروح

- جرح بسيط

- ابقى هنا هسه اجي

ردت اكوم سحبني من خصري صار ظهري على صدره لصقني بيه جمدت حركتي من باسني بأذني ..

- اهوايه تتحركين وانتِ مريضه

- ها لا شسمه اريد اجيب علبة الاسعافات

- ختولي ماريدها

بلعت ريكي انه ودرغام مو ذاك التقرب الي بينه ولا مره بادرت بهل الشي وهُوَ ماضاغط عليه من ناحية هل الشي غير مره من حاجاني وعباله ما احبه بس لو يعرف كبر حبه بداخلي بس ربي يعلم بيه ..

- احم درغام

- اممم

- خلي اجيب علبة الاسعافات

- مو كتلج ختولي

- بس اجيبها حباب

- ابقي انه اجيبها

- وين تندلها

- اندل شغلات بيتكم اكثر من شغلات بيتنه

- هههههه تمام بس شوف ابويه وياك ما اريد انزل واطير هيبة الزعوله

- چفوصي وتريد تنطي دروس للعالم

كام طلع بقيت وحدي شعور الي صار قبل شويه ما ادري شلون اوصفه رجع وبايده العلبة كعد كبالي حطها بنصنه ..

- اتفضلي ست چفصه

- شفت بابا ؟

- يكلي لا تستغل الوضع وتطول الك نص ساعة وتولي البيتكم

- هههههههه مايفوته شي

- هَوُ شنو سالفته ويا النص ساعة ما ادري

- ساعدتني خلي اطلع ذني ماكدر بايد وحدة

طلع الشاش وياه قطن وحط بيه الديتول ولزكة الجروح حطهن الي رفعت ايدي اعالج بجرح حاجبه مبتسم ويباوعلي ساكت ..

- شبيك توزع ابتسامات ابو جلطه

- احب سواد هل العيون

- حلالك

- بس العيون ؟

- لعد شتريد اكثر

- مثلاً هاي الشفه الي تبرطم

- مو عيب عليك تحجي هل الحجي

- الساني فالت برغيه لا تخليني اطلعه

- اسكت خليني اعرف اشتغل

سكت بين ماكملت ..

- هاك الزم هاي لزكة حطها وانه راح اخليلك القطنه

حطيتها رفع ايده يحطها لزكها فوك حاجبه بمسافة اهوايه كتمت ضحكتي ..

- لا مو هنا

- چا وين

- فوك حاجبك بس بشوي مو اهواي

حطها صدك مثل ماكتله ..

- عفيه هسه خوش سويتها يلا روح الاهلك

- لا والله

- اي كملتها الك وبابا كالك نص ساعة

باوع بساعته الي لابسها بايده غمزلي وهَوُ يگول ..

- بعد عشر دقائق

- شوف اريد احجيلك شي بس متردده

- احجي بلائي لا تتقيدين

- انتَ برأيك ارسلان ليش ماجاي يرجع غياهب النه بعد ما انكشف كلشي

- اكيد علمود يحرك بگلوبنه بيها

- يمكن اي ويمكن اكو سبب بعد

طبك حواجبه وهَوُ يتسئل ..

- سبب شنو بالضبط

- يمكن ارسلان حب غياهب وعلى هل الاساس ماجاي يرضه يرجعها يخاف تاخذونها منه وبعد ماترجعونها اله

- هَوُ هذه الشي الي راح يصير غياهب من ترجع ارسلان يحلم يلمحها بعيونه

- ترررا مو بكيفكم

- شو انتِ واكفه وياه حنين نسيتي شسوه وياها ؟

- انه مو واكفه وياه والله وادري غلطه جبير وماراح نكدر نسامحه بسهوله خصوصاً اختي لان اعرفها كلش زين بس ..

- ولا احنه راح نسامحه

- درغام بس حقه ياخذ حق اهله ليش مانحجي الصراحه ونفكرلها زين

- ماكايل شي حنين بس مو من النسوان هاي الزلم كلها كدامه

- ما ادري مادري بس گلبي متوجع عليه وعلى اختي وبصراحة

- اي ؟؟

- لا تحجي بهل الطريقة اخاف

- كملي

- بصراحة اتمنى يتلاحك نفسه ويصلح اغلاطه و..

- شببججج انتِ تخبلتيي

- لا ماتخبلت جاي احجي بكل وعي يمكن اكو اشياء احنه بعد ما نعرفها الحقيقة ناقصه درغام اخوه ماحجه كلشي البابا

- مره بالدوام سئلته ليش يكلولك الاعرج

- شنو جاوبك

حجالي شلون شارحله ارسلان قصة للقب وشلون اتكفل باخوانه وهَوُ طفل ..

-حنين: شفت درغام انتَ منا وقيس شكد عانه بطفولته بدون ام واب وشكد نفسه عزيزة مامد ايده الاحد رغم الوضع الي جان بيه بالوقت الي احنه اهلنه جانو موفريلنا كلشي انتَ مانحرمت من حنان ام واب ودائما خالي وخالتي واكفين بظهرك انه وغياهب انحرمنا من حنان الام ولليوم نستفقده بزوايا حياتنا بس رب العالمين انطانه اب يتفدانه بروحه والشي الي نأشر عليه يصير كدامنا

بينما هَوُ ماحصل كل هل الاشياء وانحرم منها احنه من نتمرض جانو يسهرون علينه اهلنا بس متاكدة هَوُ محد سهر عليه وجان يلملم جروح گلبه وحدة

نزلت دموعي وانه اشرحله رغم ماعرف اهواي عن حياة ارسلان بس متاكدة كل هل الاشياء هَوُ استفقدها بحياته ..

- درغام متاكدة ماراح يرجع يأذي اختي لان يحبها والله وهل الشي اثبتته الي العلوية زوجة خاله حاجيتها من كم يوم وحجتلي شلون جان حاله يتبهذل من غياهب تجيها النوبه ما ادري اذا راح تحس بيه بس الفاقد حنان الام او الاب راح يحس بشعوره

انتقامه وحقده غطه على كلشي بهل الشخص الحقد صار يتحكم بيه اتمنى بيوم من الايام يكدر يصحح كلشي سوا ..

صاح ابويه والغريب صاح بأسمنا اثنينه نزلنا شفناه كاعد وبايده جهازه بسرعة اجه علينه ..

-سلطان: اكو شغلة مانتبهنا عليها

-درغام: شنو عمي ياشغله

- الرجال حسين الي انكتل

- شبيه

- عمر اسمه عمر حسين وارسلان اسمه ارسلات فاروق

كلنه صفنه هل الشي ماجان على بالنه معنى كلام ابويه ارسلان مو ابن المرحوم حسين ؟

******

-غياهب: واكفه امشط بشعري صافنه بالمرايه الي كدامي وافكر بصار بذاك اليوم من عرفت صاحب القراصه نفسه ارسلان شلون صار هيج وصدك لو كالو الصدف تلعب دورها بالحياة بس الشي الي مافهمته شلون عرف اسمي أولريش وبنفس الوكت يگول ماجنت متوقع تطلعين نفسها

احس دخت بتفكيري نزلت عيوني على القراصه الي كدامي احسني صرت متناقضه مثله سحكتها برجلي ورجعت اخذتها شنو هل التناقض يالله السر الي بداخلي تجاه هل القراصه مستحيل اكدر اطلعه خصوصاً بعد ماعرفت الشخص نفسه ارسلان

فزيت من افكاري من انفتح باب الغرفة نضرتله عيوني بأستغراب من حالته درت بجسمي ناحيته رفعت حاجبي جانت شفته تجري دم اثر ضربه بخده ماحجيت شي لان كاطعه الكلام وياه من ذاك اليوم رجعت درت على المرايه اكمل تمشيط بشعري وهَوُ على نفس وكفته ..

-ارسلان: غياهب

مارديت عليه فزيت من مكاني من شفته وراي ردت اطلع حصرني بين الميز وبين جسمه دنك كدام وجهي همس ..

- انطقي عسا ماحرف واحد عسا ماتسبيني بس لا تبقين ساكتة

كتفت ايديه ساكته وعيوني تتحدا نضراته ..

- احجي غياهب

ماحصل اي نتيجة رفع ايده يتلمس وجهي دفعت ايده باعدتها مسح على وجهه بحيره ابتعد عني طلع ما ادري وين ماطول وهَوُ راجع مغسل وجهه وشعره كعد يدخن يدخن والماي ينزل من شعره ..

- تريدين تعذبيني بسكوتج هذه حلال عليج يابه

بقيت ثابته على موقفي اخذت كتابي وتمددت ممهتمه خارجياً بس بداخلي الف حسره فتحت الكتاب اقرأ بيه كام سحب الكتاب مني شكو شي يستفزني سوا في سبيل انطق واحجي اي شي رفعت شعري مبتسمه بخفه بأستهزاء دنكت سحبت الكتاب الثاني رجع سحبه مني عضيت شفتي اكتم غضبي

-ارسلان: احجي الخاطر كلمن عنده خاطر يمج

حط الكتابين الي اخذهن مني بحضني وعيونه تراقبني ..

- عنادج

هز راسه والحزن مغيم على وجهه طلع من كل الغرفة تحسرت حسرة اذت صدري شوكت اخلص من كل هذه اختباراتك صعبه يا اللهي لا اعتراض على امرك بس تعبت ..

لليل جاب الاكل حطه كدامي مابعت ثكل هنا لان بالاساس جوعانه كعدت اكل جان جاي ياكل ماشوفه غير غص بالاكل بالاول عبالي يجذب من شفت عيونه دمعت مثل اي شخص من يغص رفعت كلاص الماي بسرعة اله شربته بدون وعي حجيت ..

-غياهب: صرت زين ؟

ابتسم لازم الكلاص فوك ايدي اريد اسحبها لازمها بقوة ..

-ارسلان: لو ادري من زمان داعي اغص علمود اسمع صوتج

- شيل ايدك عن ايدي

- ارجع واكرر سؤالي الج

- اي سؤال ؟

- ملمسج ناعم وترف حيل ليش

- هسه عوف ايدي واجاوبك

- لا عوفينه هيج حتى شهيتي انفتحت اكثر

- انه شكايلتلك ؟

- تلعب نفسج مني ومن ملمسي هيج كتيلي

- لعد شكو لازمني

دفع ايدي والكلاص جان بيه ماي وكع على الاكل كام طلع لميت الاكل واخذته للمطبخ الي بكد حمام اهلي حطيته بيه دخلت للحمام اغسل رجعت للغرفة وصلت يم الباب جان واكف يم شباك الصالة ..

- ويننن رايحه

- ميخصك

- وتالي وياج

- كل انسان يتحمل نتيجة افعاله واختياراته

ردت ادخل استوقفني كلامه من گال ..

- اليوم جنت يم اهلج

التفتتله مستغربه شلون راح الهم ..

- اهلي ؟

- اممم

- شتسوي رحت علمود تريح گلبك وانتَ تلعب بأعصابهم

- لا

- لعد

- حنين طايحه بالدوام وايدها مكسورة

لزمت جهة گلبي بايدي ..

- حنين شتحجي انتَ

- عدت سلامات لا تخافين بس ايدها مكسورة

كعدت بالكاع ما ادري شصارلي كل اوزاني تخربطت اجاني بسرعة يباوعلي ..

- كتلج مابيها شي

- جاي تجذب عليه

بقى ساكت لثواني مد ايده بيها جهاز رفعت عيوني اله ..

- شنو هذه

- اتصلي عليها واتاكدي بنفسج

ماكلت لا بسرعة سحبته بس حسيت باليأس من ماحافظه رقمها باوعتله ..

- بس انه محافظه رقمها

اشرلي بايده ابقى بمكاني دخل للغرفة باوعت ورا طلع من جنطته دفتر صغير رجع الي اخذ الجهاز مني دك الرقم ..

- اتفضلي هذه رقم اختج

اخذته ودخلت للغرفة كعدت الباب مفتوح بقى وهَوُ واكف يم الباب جاوبت حنين لو احس الدنيا ضحكتلي وردتلي روحي ..

-حنين: الو منو

-غياهب: حنين ياروحي انه انه غياهب

سكتت الثواني اسمع صوت حركة يمها شويه واجاني صوتها ..

- غياهب

- عيوني

- سدي لا يأذيج

- لا هَوُ كالي اتصلي عليها

مادري شصار الاختي من سمعتها تضحك شبيها هاي ..

- حنين شبيج تضحكين

- ماكو شي طمنيني عنج گلبي موجر عليج والله

- انه بخير احجيلي انتِ شلونج بابا خالتي

- محد زين غياهب كلنه بدونج موزينين

خنكتني عبرتي ..

- صدك ايدج مكسورة ارسلان كالي اجاكم اليوم

- لا تخافين مابيه شي بس ايدي غياهب والله ميته عليج ارسلان جاي يمد ايده عليج فدوه احجيلي لا تضمين عليه

- لا مايمدها

- بابا تعبان عليج غياهب لاليله ليل ولا نهاره نهار

اجه وكف كدامي سحب الجهاز مني فتح سبيكر ..

-ارسلان: ام روح الحلوة اعتذر منج بس
ما اكدر اخلي المكالمة اكثر من هيج

-حنين: شوكت ترجع اختي

باوعلي ورد عليها ..

- الله كريم لكلشي اخذي راحتج

سده منها وطلع السيمكارت من الجهاز كسره ..

- ضل ضل كسر سيمكارتات واجهزه ان شاء لله يوم الي اكسر راسك

- شددد

- اكرررهك

- مايفرق لا يقدم ولا يأخر هل الشي

مسحت عيوني المدمعه ضل كلام حنين يدك براسي من كالت ابويه تعبان عليه نزلت دمعتي بسرعة مسحتها ..

- ارتاح گلبج على اختج هسه

- مايرتاح گلبي اله باليوم الي ارجع الهم

- وتعوفيني

- علساس شلون واحد يموت بالثاني احنه علمود ما اعوفك

- اكلج سؤال

- اسئل

- اذا عفتج رجعتي الاهلج تكملين حياتج

- لعد شنو اوكفها عليك

- اممم ويعني تزوجين واحد ثاني هم

- طبعاً

- اهاا چا حتى انه اتزوج

- الله واخلص منك

- ما تغارين

- ليش اغار ابني

سحبني اله ايديه قيدني اريد املص روحي منه ما اكدر يباوع بعيوني مارتاحيت لنضراته نزل نضره على شفتي ..

- بس انه اغار اذا يجي احد بمكاني

اتشنج جسمي كله وانه بين ايديه من شفايفه لامست شفايفي اخذ شفتي بعمق يتفنن بيها مغمض عيونه وانه من هول الصدمه عيوني متوسعه ..

ابتعد عني انفاسه تضرب بوجهي عيونه ذبلانه نبرة صوته الي تتغير من يصير يمي ..

- حتى نبرة صوتي يمج تتغير

طخ انفه بأنفي وهَوُ يگول ..

- اموتج بايدي وما اخليج تصيرين الغيري

استوعبت الي جاي يصير دفعته عني ودگات گلبي تتسابق حطيت ايدي على شفتي رفعت عيوني اله واكف يباوعلي مبتسم ابتسامة النصر رصيت على اسناني هجمت عليه ..

-غياهب: انتتتت منوووو سمحلككك تسوييي هل الشيييي

لزم ايديه يمنعني ..

-ارسلان: ماعصيت الله ترا مرتي انتِ

لازمني حاضني وانه مثل الثور الي هاج ادفر بيه برجليه ..

- ولجج كافي اثبتي شسويت هسه هيه بوسه

- اتاااادب اش اش لا تحجي شي

ملصت روحي منه دافعته عني ..

- اترجع تكررها احط سلاحك براسك ادبسزز

- شددد

- وين اكو واحد يكلوله تلعب نفسنا منك ويتقرب

- جذابه ماتلعب نفسج مني

- لااا تلعب

- بس طركاعه ترا

- شنو

- ملمس شفتج

- ادبسزززز موووو بيدك

زفرت بعصبية من الي سوا بس هيهات اخلي عملته تعدي سلامات جاي يمشي حطيتله رجل راد يوكع بس لزم بالحايط باوعلي خازرني ..

- جلدج يحكج لازم

- دطير

طلعت من يمه دمعتي بطرف عيني منو هَوُ وهيج يسوي والله اله اندمك ارسلان غسلت وجهي واغسل بشفتي بالصابون من كل عقلي عبالك اثر واوخره بصابون كعدت وحدي بالصالة اعصابي تلفت وهَوُ بعد ماطلع مرت ساعات كاعدة وحدي ضايعه بكل افكار حياتي تثاوبت من النعاس ..

رجعت للغرفة جان نايم نامت عليك سليمه ياحقير ابو النسوان السرسري نمت بصفه نوب هاي الجربايه كبرها مومثل الي جنه ننام عليها بغرفته اصغر درت وجهي شفته غاط بالنوم اجت ابالي فكرة شلون اخذ انتقامي منه شنو يبوسني وامررها اله سلامات ..

رفعت ايدي بخفه اقيسها تجي على وجهه فيت اولا يمكن يموتني على الي راح اسوي بس المهم اخذ حقي منه بكل ماعندي قوة سمطه راشدي على خده فز من مكانه مرعوب ويتلفت بانحاء الغرفة مثل المخلوس ..

كتمت ضحكتي على منظره رجع باوعلي عيونه متوسعه يمكن جان بعده ممستوعب الي صار ايده على خده خزرني خزره شلتني وانه بمكاني ..

-ارسلان: هاي انتِ سويتي هيج غياهب

-غياهب: لا شبيك اصلا فزيت وياك من انتَ فزيت شبيك يعني شايف كابوس شو شكلك مخترع

- لا تجذبينن ولج

- شبيك عيوني على شنو اجذب الي خلكك انه هسه

- چا ليش من كعدت انتِ كاعدة

- مو كتلك كعدت وياك

- انتِ كد كلامج ؟

- شتقصد

سحبني صرت جواه وهَوُ فوكاي مثبت ايديه بايدي ..

- اعترفي لا اكرر الي سويتي وياج

- شبيككك شعترف

- انتِ سمطتيني بهل الراشدي

- لا مو انه

- بس انه اكول انتِ

- لا موو صح

- خيولن سوالفج

- بكيفك لا تصدك

- خوش معناها نعيد الي سويته شو طعم شفافج عجبني

- احترررم نفسك شهل الاستهتار الماله رداد

- چا نسيتي انه رجلج والي حقوق يمج

- لا بشرفك

- وشرفي

- تذكر الضربه الي اكلتها بالخطوبة

- شبيها

- تحب نعيدها بيبي

- لا ينكطع نسلي على الاخير استري علينه

اثنينه التفتنه على مصدر الصوت من سمعنه الباب يندك ..

-غياهب: منو الي جاي هسه

-ارسلان: ما ادري بقيج هنا لا تطلعين

طلع يشوف منو على الباب كاعدة بمكاني معقوله اهلي كدرو يعرفون مكاني بس وين هل الشيطان يخلي احد يغلبه طول يلا رجع كمت من مكاني اسئله ..

- هاا منو

- الجني

- يمههه لا صدك منو

- ما ادري من طلعت افتح الباب مالكيت احد

- خاف احد مراقبك

- مستحيل

- حرامات عبالي اهلي جايين ياخذوني واخلص من جهرتك

- مو هيه هيته

بهل ليلة كضيناها نتناكر ويكلي انتِ الي ضربتيني وانه على نفس كلامي اكله مو انه ..

مر شهر ماكو شي جديد وارسلان يكسر سبيمكارت ويحط سيمكارت وضعي النفسي تعب لدرجة حتى الاكل كطعته جان كاعد وبحضنه حاسبته واوراق ولازم القلم كل تركيزه بيهن رحت كعدت بصفه اباوع ويا دار وجهه عليه ..

- كوومي منا

- قابل راح افضح شي شبيك ياعيني وشو كلشي مافهمت عبارة عن خرايط وانكليزي

- احسن .. اكلتي او لا اوكفي على شنو اسئل واضح ما اكلتي شي

- ميخصك بيه

- ابقي بهاي يباسة راسج خلي تفيدج

رجع يشتغل وانه فارغه كلشي ماعندي كل شويه سائلته سؤال لان انه من النوع احب اكتسب معلومات وابحث ..

- ارسلان

- ياحلاة اسمي

- اتادب

- كولي

- شو صايرة عندك لحيه مو علساس انتم الضباط ماتربون لحيه

- مو الكل اكو شغلهم يختلف ف مسموح الهم حسب شغلهم

- هاا ويعني هسه انتَ شغلك خطر مو

- اممم

- هااا .. زين اكلك

- كولي

- انه مشتاقه للعلوية ولمليكة

- خوش

دفرته برجلي ضايجه ..

- شنوو خوش

- چا شكلج

- اخذني الهن

- اخ منج شوكت تفهميني

- اريد تجي بنيه للعلوية علمود تسميها على اسمي

- وانتِ شعليج بيها

- صديقة امها

- كلاواتج

- احترم نفسك

- اذا يجي ولد ويسمونه على اسمك ماراح احبه ولا اتقربله

- شبينه عيني نجكجك

- مكروهين

- شوكت ارجع الاهلي

- من اموت

- زين شوكت تموت

- من الله يريد

- اوف سالفتك طويلة اكلك

زفر نفس بعصبية ورد بضوجه ..

- كووولي

- انتَ ودرغام تشتغلون سوا

- لا شغلنه انفصل من فترة وكافي اسئله كومي منا

عوجت حلكي وكمت من يمه بس رجعت كعدت بمكاني باوعلي ..

-ارسلان: شو رجعتي

-غياهب: بعد عندي سؤال

- بعدين

- لا هسه

- استغفرلله مسلتي

- احترم نفسك شنو امسلت شنو شايف كلامي كله تمسلت

عاط بصوت ..

- دخيلك ربي للسان البيكيسي

- انه لحد الان مافاهمه الصدفه الي جمعتنا بالطفولة ومن كبرت

- لا تفهمين احسن

- لااااا فهمني

غمضت عيونه بقلة صبر ادري بنفسي لحيت بس شسوي لازم اعرف ..

- جنت اشتغل قريب على مدرستج انتِ واختج ومن بين الاطفال متميزات بشعرجن الطويل وشبهجن البعض اسمع اختج تكلج أولريش مرات من تبقن واكفات بس ماجنت اعرف اسمائجن

- صح دائما من جنا نداوم هيج يكلولنه لان التوأم الوحيد الي نكون بالصف

- جنت راجع من شغلي مثل كل يوم لان جنت اذا الصبح اشتغل للظهر احل علمود اروح لدوامي

- يعني جنت تدرس وتشتغل

- اممم

- بس جنت طفل مو ذاك العمر الي يتحمل يشتغل

- صح طفل بس كبرت اهواي وانه بهل العمر

- والقراصه

- شبيها

- شنو قصتها ليش جنت ضامها من شفتني انطيتنياها

حك طارف حاجبه ورجع لحاسبه الحضنه عيونه بيها ساكت ..

- ليش سكتت

- اهواي سئلتي وانه عندي شغل

- انتَ ليش دائما تخلي علامة استفهام بعقلي

- القراصه جنت مشتريها باول فلس استلمته من شغلي علساس الـ ناز بس ناز جان وضعها مايفهم عليه

- ثواني .. يعني القراصه الي انطيتنياها وسحكتها برجلي بذاك اليوم جانت من اول مصرف تستلمه بشغلك ؟

- اممم

اعترف بهل لحضه استحقرت نفسي واستحقرت تصرفي الي سويته بذاك اليوم يعني انه سحكت تعبه رفعت راسي طابك حواجبه ويكتب بس يبلع بريكه وملامحه اختلفت ..

- وبعدين شصار

- اخر مره انطيتج بيها القراصه جان اخر يوم الي بشغلي لان الرجال رادني اضل طول اليوم اشتغل وماكدرت لان ادرس تركت الشغل عنده ودورت شغل بغير منطقة بس ضل اسم اولريش محفور بعقلي وكافي لهنا اسئله غياهب

طلعت من يمه رحت لجنطتي طلعت القراصه امسح عليها وگلبي واجعني شنو فرقي عن حقارته من تصرفت ذاك التصرف بعيدا عن ارسلان وتصرفاته بس كرهت نفسي من سحكت على تعب انسان ..

شهكت من صار صوت طلق رجليه صارت ماتعيني دخل عليه ارسلان لازم سلاحه ..

- بقيج بمكانج غياهب لا تتحركين ولا خطوة

انلزكت بالحايط مافاهمه اي شي وشنو هل الرمي الي جاي يصير وكف قريب على الشباك بس اخذ حذره ..

- ارسلان منو ذوله مستحيل يكونون اهلي

- مو اهلج ادري الكو*** ذوله

- منوو

- موو وكت اسئلج اسكتي

راح على جنطته طلع منها سلاح ثاني غير الي بايده شمره عليه ..

- تعرفين تستخدمينه مو

- اي

- ديري بالج

لزمته بايدي رجع التفت باتجاهي ..

- لازم نطلع منا

- شلون نطلع ماتشوف الوضع

ضل ساكت مثل الي يفكر بشي ..

-ارسلان: انه اعرف شلون بس الزمي الجنط لان جنطتي مهمه غياهب بيها شغلات سريه تخص شغلي

هزيت براسي سحبت بس جنطته والقراصه حطيتها ببطن واحد من الجيوب جنطتي مو هلكد الها اهمية مد ايده الي باوعتله ..

- ميخالف غياهب الزمي بايدي بس هل المره وخلينه نطلع منا

مديت ايدي لزمت بايده ضغط على ايدي وايده الثانية بيها سلاحه ..

اجت طلقه بالحايط الي واكفه يمه سحبني حضني الصدره حجه بخوف ..

- غياهب بيج شي حاجيني

- خنكتني يمعود اخخ راسي يمه ولك مابيه شي

سحبني للمر ماجنت مركزه عليه طول هل الفترة رغم مرات ابقى وحدي بالبيت بس ولا شفته او لاحضته جان اكو باب صغير فتحه ارسلان بهدوء اشرلي ماحجي شي هزيت براسي مد راسه يباوع واخذني نمشي بهدوء طلعنه من البيت جان هل المكان صاير ورا البيت واكو مثل السياج محد يكدر يشوف او يعرف اكو باب كل شويه يلتفتلي اذا بيه شي ..

- ليش ماخليتنا نرمي عليهم

- ما اكدر لان مو وحدي مامستعد اعرض حياتج للخطر اكثر من هل الخطر

- راح ترجعني الاهلي

خزرني ..

- لااا

- لعد وين رايحين صرنه مثل المهاجرين يوميا بمكان

جنت احجي ماحس غير ضغطت على شي صار برجلي صرخت صرخه مكتومه جنت لابسه نعال ..

- ارسلان رجلي

- خرب بابو ارسلان شبيها

- ما ادري

- غياهب بس تحملي شويه الله يخليج بس خلي نوصل للمكان الي اريده

بقيت كاتمه وجعي ونمشي مانكدر نوكف الى ان ابتعدنه عن مكان البيت دخلنه بنص بستان بعد ماكدرت امشي كعدت بالكاع تتجارى دم سحبها ارسلان يباوعلها ..

- هاي كزازه داخله بيها

- منو ذوله

- عصابة بسبب شغلي

- شلون كدرو يوصلولك

- علمي علمج رغم اخذ حذري

نزلت دموعي من الألم الي صار برجلي سحب جنطته ما ادري شيطلع منها بس صفنت بنص دموعي من شفته طلع ملقط ..

- شنو هذه

- شتشوفين

- ملقط بس شتسوي بيه شبيك بس لا تريد تسوي حواجبك

- لا اسوي خالتج

- احترم نفسك ولا تجيب طاري خالتي

- چا اسكتي وخليني اعرف اشتغل

رجع طلع منشفه شمرها عليه ..

- حطيها بحلكج

- ليش مثلاً جاي اطلك شو مدري شلونك انتَ

- يغربال الله ولج غير خاف تتأذين ماتفضحينه بصوتج

شمرته عليه ..

- ماريده

مد رجلي يطلع بالكزاز الي صار برجلي واحس روحي شاغت بس دموعي صارت تنزل من الالم كاتمه صرختي ووجعي احس الوجع صعد الراسي انتهيت بين ماكمل باوعلي دموعي تارسه وجهي ..

- كملنه عزيزة عيوني

طلع واحد من قمصانه شكه وشد رجلي بيه بس احس جسمي انتهى ما اكدر حتى امشي واكل ما اكل شكل عندي يمكن هبوط صرت افتح بعيوني واغمضهن ماكدرت افتحهن اكثر غمضت ومادريت بعد شصار ..

******

-غرام: ملابسي صارت ضيكه بسبب حملي لان بطني بدات تكبر ومليكة تكلي مبين بيج ولد من شكلج مادري شلون يعرفن ماخذات عادات وطرق قبل رحت الـ كُميل

- كموله

-كُميل: ها عيناي

- اريد ملابس جدد

- صار بس شبيهن ملابسج

حجيت بخجل ..

- مو شسمه بطني جاي تكبر وجاي يصيرن ضيكات عليه وحرام كدام عمر امشي وجسمي مبين

- خايبه ابوس تفكيرج

- ههههههه هسه شنو تاخذني

- اي العصر جهزي نفسج

- شعجب مارايح الشغلك

- عمر بمكاني اريده يضبط الشغل علمود يفتحله شغل خاص بيه اذا حب

- خلي ناخذ ناز ويانه هم تغير نفسيتها

- قبل يومين جلستها الي خذيتها الها الدكتورة نفس حجي كل جلسة

- الله كريم رب العالمين وحده المشافي احنه نسوي الي علينه ماخسرانين شي

- ادري غرام والحمدلله من صارت متأذي
هل الشي كلش كافي نسيتي من غياهب دخلتلها واذتها هاي خطوة احمد ربي الف مره كدرنا نتخلص منها

- على طاري غياهب ماكو اخبار عنهم

- ارسلان يتصل بيوم جلسات ناز وابن الطحال يكسر الارقام ويرجع يتصل من غير رقم وعلى هل الموال باقين

دك جهازي جانت سوزان هل الفترة كاضيتها وياها هيه مكملة دراسة بس ماكو تعين وهم ابنها يحتاجله مراعاة رجلها كايللها نخلي بالحضانه وانتِ اذا تحبين اشتغلي لان يشوفها تضوج وحدها بالبيت ف ماتقبل تكول انه اربي ابني واكبره والحمدلله فواز ممقصر بشي وياها ..

كبل فتحت كام روحها بالكام ماتعرف تحجي وانه اكرها احس تطلع شكلي يخزي عدلت كعدتي ولبست حجابي خاف رجلها يمها فتحتها كبل طلعتلي سيوفي كاعد بحضنها ابتعدا عن كُميل شويه لان جانت بدون حجاب ..

-سوزان: ها غرامو شالاخبار

-غرام: الحمدلله ام سيوفي

رفعت ايد سيف ..

- يلا ماما كلها هلو خالتو

ضحكت على اختي وسوالفها ضلينه نسولف ..

- غرام اريد اخذ غرفة جديدة

- مو كلتي غرفتج صارلج كم شهر من اخذتيها

- خايبه اي بس بيضه وطيحت حضي بالتنظيف كون دوم تمسحين لان كلشي يبين بيها

- اي صح بس حلوة حرامات تغيرينها

- لا اريد اغيرها تعبتني

- بكيفج بعد

- مالج نيه تروحين للسونار

- بعدني

اشرلي كُميل يريد يحجي وياها ..

- سوزان البسي حجاب كُميل يريد يسلم عليج

غمتني بايدها وتأشر فضحتيني يمكن لان كتلها لبسي حجاب لبست حجابها كعد بصفي كُميل يسلم عليها ..

-كُميل: شلونج ام سيف

-سوزان: هلا بيك خويه الحمدلله

- شو بعد ما اجيتونه كطعتو

- هههههه منتظرينكم انتم تجون تنورون بيتنه

- بيتج يم اهلج

- لا غير منطقة لان انه شلت من يم عيالي

- ها خوش حجي ان شاء لله نجيكم

ضلت تسولف وياه الحلو ب سوزان رغم مرحه وتشاقه وتضحك بس الي يعجبني بيها من تحجي ويا رجال رزنه بكلامها وتخلي حدود بس ويا البنات القريبات عليها لا تشتغل خبالاتها سديته منها التفتت الي ..

-كُميل: ابن اختج الله يحفظه حلو

ابتسمت ..

-غرام: تحب الله يرزقنه مثله

- اكو عاقل مايحب هيج رزق

للعصر بدلت الـ ناز وكوه قنعنه مليكة ناخذها ماقبلت بالبداية تكول لا يصيرلها شي وشيخلصنه من ارسلان بدلت ولبست عبايتي طلعنه لازمتها بايدي هيه خطيه ماتحجي اهواي بس توزع ابتسمات هادئه مثل عمر ..

الطريق كله كُميل يتقصد يحجي كلام يضحك علمود يضحكها وتحسها متونسه وصلنه للسوك نزلنا لازمها كُميل بايده على كولته امانه ولازم نديربالنه عليها دخلنه لمحل وكفت اكلب بقطع الملابس المعروضه وهيه واكفه بصف خالها ..

المحل جان جبير ابتعدت عنهم مسافة شويه واجه كُميل لازمها درت وجهي من سمعت صوته ..

- غرام بقي ناز يمج راح اخذ كم شغلة
من المحل الي بصفه شفت عندهم عارضين ازياء رجاليه

- تمام عيوني لا يضل بالك

طلع لزمتها بايدها مبتسمه بوجهي صار بوجهنا ولد شاب صارت عيونه على ناز مارتاحيت النضراته بسرعة مشيت من يمه وهيه صدك حلوة تجيب العين اخذت كم قطعة ملابس ولازم اقيسهن بس شلون كُميل مارجع لحد الان وما اكدر اعوفها وحدها

بقيت واكفه بمكاني ايدي على ظهري اجه نفسه الولد گال ..

-الولد: اتفضلن اكعدن هنا اذا تحبن

لزمت ناز من ايدها كلش مارتاحيت لنضراته رديت عليه ..

- شكرا هسه زوجي يجي هنا طلع يم الباب هسه يرجع

راح من يمنه عفت حتى الملابس وطلعت وكفت خارج المحل طلع كُميل من المحل الي بصفه شافنه باوع الايديه كلشي مامشتريه ..

-كُميل: مامشتريات شي

-غرام: ماكدرت اعوف ناز وحدها انتظرتك تجي وطولت

- الولد ابو المحل طلع مشتري مني سيارة
فجان يسولف ويايه وبهل الامور هل اتأخرت

- عادي بس ظهري شويه ضل يأذيني لان وكفت يمكن

- تعالن نرجع نشتري الجن ونرجع تعبتي ادري

- لا ماريد من هذه المحل اريد من غيره

- ليش ملابسه حلوة

- لا ماعجبني

هز براسه وطلعنه نمشي ماحجيتله شي اخاف تصير مشكلة دخلنه الغير محل اخذت الي محتاجته ماطولت ورجعنه للسيارة صعدنه احس تعبت من الفره اخذلنا من الطريق عشه وصلنا للبيت جنه نضحك على سالفة بس اختفت ابتسامتنا من شفنه الناس ملتمه كدام باب بيتنا بسرعة نزل كُميل ..

نزلنا انه وناز ولازمه گلبي دخيلك ربي شكو توسعت عيوني من شفت الدخانه طالعه
من بيتنا دخل جوه واصوات الناس ومافاهمه شي شصاير بنص بيتنا...

للحكايا بقايا... »

تووقعاتكم ؟

حسابي الانستا تابعوني عليه 💙 ..

Instagram: hawraalsaidi