احببت منقذي داعش

19/20

لطفاً متابعة الحساب zarazoz

والتصويت تقدير للتعب والتعليق

بكلمات جميلة ومحفزة

حني اديك
اليوم كلش موش زين
يوجعني المدري شنهي ومدري وين.
________
مشهد من البارت السابق (للتذكير)

كلت هيج وماحس غير انجريت من زندي حيل لزمني وهوه عاصر على زندي ويمشي بيه للبيت طياره وعباس يمشي ورانه ويصيح علي

واني ابجي واتوسل بي يتركني دخلني للبيت ذبني ع الكاع حيل وتأذيت من ذبني واني ابجي كال:- ومحمد لو وكفتي على الباب اكسر راسج مفهوووووم

كالها وطلع ضرب الباب وراه حيل كعدت اني صرت ابجي بصوت عالي واشهك وركبه رجلي وجعتني وكعت فوكاهه واسمع هوه وعباس يتصايحون برا ويتعاركون
___________
بسم الله الرحمن الرحيم 🌹

دنيا:- كعدت ابجي بهضيمه وانكسار وافرك بركبه رجلي من الوجع ابجي واناشغ واسمع اصوات عباس والعقده علت وصارت كومه اصوات وعباس يصيح وذاك يرده

ضليت ابجي ساعتين وهمه نص ساعه وراح صوتهم يعني ليش هيج يسوي بس لئن يشوفني وحيده لا وياي اهلي ولا عندي احد وياي يفرض نفسه وحكمه عليه مااجرمت الطلبته كله بس اشم شويه هوه مخنوكه ميته هنا محبوسه

بقيت ابجي واناشغ صار ليل عباس مااجه ولا هوه واخاف اكوم افتح الباب واسمع اصوات العساكر

لنص ساعه دخل عباس بس مبين ضايج ضوجه ردت احجي كال:- كلمه ماريد هاذ العشه اكلي وحطي راسج ونامي وعلى الصار اليوم لنه غير حجي أنه وأبو جمره

كالها وراح للحمام حتى اكل مااشتهي نوبه ركبه رجلي توجعني حييل يمكن انجرحت بقيت ابجي خليت راسي ع المخده ودموعي تجري اجه عباس كال:- كومي اكلي

-كتله واني ابجي ماريد

- لاتعاندين زمن كومي اكلي

- والله ماشتهي عوفني الله عليك

من كلت هيج سكت واني بقيت دافنه راسي بالمخده وابجي بخنكه مدري شكد غفيت ودمعتي ع خدي ماكعدت الا الصبح شفت عباس ماكو بمكانه كمت توضيت وصليت بس اليوم اسمع صوت رمي قريب رحت من الباب اباوع برا شويه شويه وشفت لا الهمرات ولاالسيارات مالاتهم وماكو احد كبال الباب يعني طالعين يقاتلون

رجعت لمكاني ودموعي تكت وادعيلهم يرجعون بخير وسلامه بقيت اليوم كله ع بجيه وحده لليل اجه عباس فات كعد ومبين تعبان كتله :- الله يساعدك

-هلا

- جنتو تقاتلون داعش

هز راسه رفع راسه وباوعلي وكال:- عيونج منفوخه باجيه؟

مجاوبته رد كال:- اكلتي

هزيت راسي بمعنى لا

- ليش مو مخليلج اكل مو زين تضلين بدون اكل

- اصلا ولا تذكرت الاكل

- بعدج مهضومه من الصار البارحه

مجاوبت رد كال:- انسي انسي بويه وهاذ هم مدري شجايه تطلعين تطلعين والله ونضل ذكره محاج تشغلين بالج وتبجين

رفعت راسي:- بس اني والله ابد ماانسه السويتو ويايه وشلون حميتوني ابد ماانسه وراح اضل ممنونه الكم

ابتسم هز راسه وطلع جكاره صار يدخن وكال:- لاتشيلين بكلبج على ابو جمره صح البارحه تصرفه مو حلو وانا هم ماعجبني بس لو ماعنده غايه مايسوي هيج

- بس البارحه حيل آذاني لمن ذبني ع الكاع شنو شاف ماعندي اهل وصار يستقوي ع راسي

- ميخالف يجي يوم يتندم وعلي ويضل يطلب رضاج شوفي هم

- لا يطلب رضاي ولا شي بس اريد ارجع لاهلي ومارايده شي ثاني

- الله كريم نامي

-خليت راسي ع المخده وغفيت ماكعدت لثاني يوم وكعدت حيلل متأخرا كعدت ع صوت برا اسمع صوت ابو جمره وعباس

كمت اباوع من يم شباك شويه شفت ابو جمره وعباس واكفين وثنينهم معصبين ويخزرون ببعض وعساكر واكفين يهدونهم اسمع ابو جمره يكله:- عباس لاطلعني عن طوري طلعه ماكو

- حضره الضابط تقبل على عيني وراسي ماتقبل هم على عيني وراسي بس أنا رايح وحدي مامحتاج احد

اشوفه يحجي برسميه ويه العقده قبل جان مو هيج يمكن هسه لئن اجو عساكر جدد هيج يحجون برسميه كاله العقده:- عباس كلمتي وحده وماتصير ثنين كتلك روحه ماكو هسه مو الوكت الاتفقنه علي

- كلمتك على عيني وراسي سيدي بس اعذرني أنا طالع ولو ماتريدني هنا ماكو مشكله دزني على غير معسكر ماكو مشكله قبلان أنا وراح اخذ الامانه واطلع منا

-عبااااااس

- اودعناك

كالها واجه يمشي بأتجاه البيت دخل للبيت وهوه معصب كتله:- وين تريد تروح الله عليك لاتروح وتخليني هنا فدوه اخذني ماريد ابقى

تقدم خله ايده ع راسي كال:- رايح أنا هسه اريدج تديرين بالج ع نفسج ومحمد لو صحتلي فرصه ارجع اخذج واطلع ووعد كبل بوجهي لبغداد بس انتضري يومين

صارت دموعي تنزل وخر مني وصار يحضر بنفسه وهوه يلبس بحزامه دخل أبو جمره ومبين مزعوج باوعلي وراح بأتجاه عباس واني دموعي تكت كاله:- عباس اكعد لاتتهور خطر على حياتك تخبلت تطلع وحدك كل المعسكرات وكفت عن القصف اليوم وين طالع

- مو شغلك

- عباس ترا عاكد على اعصابي اكعد ولاتخطي خطوه غلط

منوعات اساور احمد:
- يا اخي جاي اكلك موووو شغلك موووشغغلك ماجاي تفهم اي اريد اموت اريد افطس اخلص من شكلك بشنو طالبني لخاطر ربك وخر من طريقي احسلك برا احترمتك لئن العساكر واكفين ورتبتك أعلى مني وشما اكون الك اخ صديق لازم احترمك كونك ضااابط يلا هسه وخر رايح للموت برجلي مشتاقله اريد اضوكه شدخلك انت

من كال هيج ابو جمره شبكه وكال:- وعلي بأجر نحظر ونطلع اكعد لو صارلك شي ومحمد اموت لك انت اخوي وحزام ضهري عباس بطل عناد

دفعه عباس وكال:- لاتكرب عليه حضره الضابط وبعدين اني اريد اروح أولي اخلص من شكلك لئن ماجاي اتحمل شكلك وتصرفاتك البلا معنى وانه ماراح اضل وياكم هين راح اروح ل معسكر (S_H_O) واضل وياهم واقاتل هناك

- ومحمد اكسر ضهرك وإذا على تصرفاتي ويه دنيا هسه مستعد اتعذر منها والله بس اكعد

-لاتتعذر ولا شي حلفت اطلع يعني اطلع وها بس خلي اروح وأمن هناك مكان راح اجي اخذ زمن وبس تصحلي فرصه بيدي اخذها وبوجهي لبغداد فه لا عبالك تضل هين

كالها وراد يطلع كتله واني ابجي:- عباس الله عليك اخذني وياك خايفه هنا

اجه يمي  وكال:- هسه ماكدر أنا مامأمن لحياتي شلون امن عليج راح اروح يومين ومن الكه مكان آمن راح اجي اخذج اخذيها كلام مني ولاتخافين وهاا

طلع لاسلكي من الحزام جان بي ثنين كال:- وهاذ الاسلكي خلي يمج موصله بس على الاسلكي مالي لو احد تعرضلج

من كالها باوع لبو جمره ورد كمل:- لو احد تعرضلج أو واجهتي اي مشكله بس اتواصلي بي وياي وانه اجيج

- يلا ديري بالج على نفسج

كالها ولبس لثام اسود وخوذه عسكريه وطلع مستعجل لحكه ابو جمره ويصيح وراه

كمت ابجي وهاي حتى عباس تركني وراح باوعت من الشباك عباس صعد احد السيارات وحده وطلع وكلهم يصيحون وراه أشر ابو جمره الهم وكلهم تراكضو جوه شويه وطلعو لابسين  عسكريا ولثام اسود وخوذه صارو يصعدون بالسيارات والدبابات ابو جمره وكف ثلاثه وصار يحجي و ياهم ويأشر ع البيت الكاعده بي وراح صعد وطلعو مستعجلين وبقو ذول الثلاث الجان يحجي وياهم العقده كعدت متت بجي يا الله وين راح عباس وعافني

لليل واني ع نفس.البجيه مرتين يندك الباب وافز عبالي.عباس اجه بس قبل مااطلع يجيني صوت عسكري يكلي هاذ الاكل خيتي يخلي بالباب ويروح ادخله اخلي ع صفحه ولا اطخه

كمت اصلي وادعي يرجعون بخير وسلامه وعباس يرجع لعقله شنو يروح ويه دوريه مدري شنو وحده ياربي رجعهم سالمين

الليل كله وهمه ماكو متت بجي وخوف مو خوف ع نفسي لئن ذول العساكر برا وشويه مأمنه بس خوف عليهم وع عباس لايصيرلهم شي والرمي مستمر ابد ماوكف الليل كله وللفجر اني ع نفس الكعده واريد بس اسمع شي خبر عنهم كل شويه اريد اطلع اسئل ذول العساكر الي بقو بس بعدين أتراجع واذكر العقده شسوه وكال لو طلعتي للباب اكسر راسج
عابت كله من وراه عباس راح جان عباس بقه وهوه راح وخلصنه من شكله

شلت الاسلكي واحاول اشغله حتى احجي ويه عباس ماكدر ولا اعرفله شلون هسه كعدت وصار صبح ماعندي غير صلاتي ودعائي وأن شاء الله ربي يستجيب ويرجعون بخير وسلامه والضرب مستمر بس مو مثل كل مره انفجارات وهيج بس يمكن انفجارين صار والبقيه مستمرين بالضرب

كعدت مدري شكد واكيد اجو أحد العساكر خلو الريوك بالباب وراحو وحتى استحي اكللهم لاجيبون ماريد والغرفه صار بيها ثلاث صياني مطاختهم ومخليتهم ع صفحه

لوره مادري شكد والباب انفتح كمت ملهوفه كلت اكيد عباس بس فتح الباب طلع العقده باوعلي وراح مستعجل شفته صعد ع الدرج فوك للسطح نزل وره شويه بيده كونيه مبينه ثكيله شايلها طلعها كبال الباب وصاحلهم يجون ياخذونها ورجع صعد هم نزل ثانيه وهم صعد نزل ثنين اربع كواني صار منزل ومادري شبيهم

اخر كونيه خلاها برا ووكف يباوعلي توترت شعنده يباوع صار يتقدم خفت لايضربني صرت ارجع ليوره صار الحايط وراي وهوه يتقدم وكف كبالي رفع ايدي اللازمه بيها الاسلكي وهوه يباوع لعيوني بنضره مو نفسها نضره الشك لا غير نضره بعدت نضري منه وسحبت ايدي من ايده بس لازمها قوي

كتله واني خايفه:- عو عوفني الله عليك

كلت هيج اخذ الاسلكي من ايدي ودار وجهه وصار يشغل بالاسلكي شويه والاسلكي سوه صوت واجا صوت عباس وهوه يكول:- هاا ززززمن بيج شي

ويحجي بصوت عالي والاسلكي صوته مخربط ويمه صوت رمي عالي كاله أبو جمره:- هاذ انه عباس شكد البعد بينكم وبينهم جم كيلو

ماجاوبه عباس شويه واجا غير صوت كال:- سيدي ابو جمره بيناتنه تقريبا  ثلاثه كيلو اقل

- خوش أنا جايب الغراض وجاي

سده واجه قدمه الي مد ايده مااخذته من عنده رفع ايدي وخلا بأيدي وكال:- ديري بالج على نفسج واكلي لاضلين بدون اكل مو زين تمام

ماجاوبته طلع والله يا الله فوك كل السواه ومسوي روحه خايف عليه ومهتم هوه لو مو تصرفاتك عباس جان ماراح وعافني

والله وره ماطلعو بساعتين صار رمي وقصف حتى هاونات واني متت خوف وبس ابجي وضلو يومين مااجو لا عباس ولا ابو جمره ولا العساكر وره اليومين اجو ويا فرحتي من رجعو بخير من دخل عباس دخل وراه ابو جمره من فرحتي حضنت عباس من بطنه :- الف الف الف الحمدلله رجعت ونبي جنت خايفه لا رحت وتركتني

هوه يضحك ويشاقيني:- افااا عيب ينكال عليه رجال لو طلعت وعفتج

وخرت منه وهوه يضحك شفت ابو جمره واكف وراه ويباوعلي ماهتميتله كال لعباس:- عبيس اكعد اريد احجي وياك

عباس منطي ضهره وماهتم لحجيه كالي:- زمزم أنا رايح اسبح

هزيت راسي راح عباس وماهتم لبو جمره وهاذ ضل واكف ويباوعلي وبحلكه حجي كعد بفراشي  اهوو مو جنت هناك وخلصانه منك شجابك ماتحمل ابقى ويا بغرفه واني اذكر شلون تهمني وشسوه بيه لمن ردت اطلع عفته ورحت للغرفه البيها كنتور كعدت هناك وانتضر يروح يولي حتى اطلع شويه وسمعت صوته هوه وعباس هوه يحجي ويكول لعباس:- زعلان مني لك عبيس العار شمسويلك

وعباس مايجاوبه ضل هوه يحجي بس عباس مايجاوب شويه وراح الصوت كلت اكيد طلعو طلعت رحت للغرفه شفت ابو جمره نايم على بطنه بفراشي ودافن وجهه بمخدتي ورايح بسابع نومه وضهره كله طالع بدون فانيله والبطانيه متغطي بيها لنص ضهره اباوع لضهره عريض واكو جروح بضهره وخدش وشفت عضلات ايده هم لهسه جروح اضافري باقي مكانهن قليل يبينن ونومته حتى مو مثل البشر مخلي المخده مالتي ع الطول وصاير فوكاهه والمخده صايره جوه صدره ووجهه وهوه حاضنها ومخلي وحده من ادي جواهه وطامس طرف وجهه بالمخده

جعصها للمخده ونبي خطيه

اباوعله شجابه هنا مو جان هناك وخلصانه منه ولا ونوب نايم بفراشي وع مخدتي مو هيانه فراش عباس واكو بعد فرش هسه اني وين اكعد بله وهاذ  

مجطول على فراشي

بقيت واكفه تالي متت من الوكفه كعدت ع صفحه ودحكله نايم ولا هامه الدنيا اصلا ليش اجه هنا مو جان هناك ضليت كاعده وضوجه تذكرت كتاب الادعيه الصغير الي انطاني أيا بي كومه ادعيه وكل مره اقره بي والادعيه بي حيل مريحه واقره واحاول احفظهن ع كلبي جنت مخليته بصدري حتى لايضيع مني طلعته وصرت اقره بي ٣ واربع مرات قريته كله وحتى حفظت دعائين ثلاث منه

سديته ورجعته لصدري حتى لايضيع تذكرت بالخانه الي جان بيها قران شفت كتب هم واني ضايجه واريد إلهي روحي بشي كمت رحت الغرفه كعدت كبال الخانه وصرت اطلع بالكتب كومه وكلهن تراب ومبينات قديمات صرت اشيلهن واقراهن شفت كتاب مكتوب علي التاريخ

وكتاب لو بني وحيل عجبني غلافه شلته كلبته شفت مكتوب علي كتاب المسيح

وكتاب مكتوب علي قصص الانبياء
ادري أهل البيت مسيح مسلمين شو تاهت وماينعرفون وكتاب قصص الائمه

وحتى اسلاميه مالت صف خامس ابتدائي وكومه كتب آخره بس قديمه كلش عجبني اقره مال الانبياء والمسيح والائمه اخذت كتاب قصص الانبياء مسحته هوه اني اعرف قصص من نبي بس ناسيتهن واذكر قصه يوسف ونوح البقيه ناسيتهن الكتاب جبير وبكد القران

اخذته مسحته وكمت رجعت لمكاني وذاك لهسه نايم

فتحته اول قصه للنبي محمد وزوجاته والله فد فرحت لمن لكيته خليت راسي بالكتاب وكنت اقره اندمجت حيل والقصه مالت النبي محمد (صل الله عليه وسلم) كلشي تحجي شلون نشر الإسلام والكفار سوو حرب ويا وشلون اتزوج زوجاته وشلون يعاملهن وقصته كلها موجوده وحتى الاحاديث النبويه الجان يكولهن وموجودات بالكتب الادعيه وكتب الاسلاميه من جنت بالابتدائيه والاعداديه وكل حديت مكتوب يمته وبيا وقت كال هالحديث حيل حبيت هالكتاب وضليت اقراه واقراه وناسيه الدنيا

من بعد ماركبتي انكسرت واني مدنكه ع الكتاب ومخليه مخده بحضني ومخليه الكتاب فوكا وأقره رفعت راسي باوعت للباب جان مفتوح مغرب يعني اني من الصبح هيج اقره ومامنتبهه زين عباس ليش مااجه معقوله رجع راح باوع أبو جمره بعده ع نومته هاذ ماينام هلكد شجا اليوم هيج غط بالنوم

كمت وكفت باوعت من الباب شويه شفت الهمرات والسيارات موجودات يعني مارايحين

رجعت كعدت بمكاني هاذا شبي اليوم من الصبح نايم معقوله مانايم يجذب شويه ودخل عباس كال:- ها زمن

- ها وين جنت شو اليوم كله ماجيت

- مرتين جيت هنا واحاجيج ومامنتبهتلي

- صدك والله اصلا ولا حسيت عليك من تحاجيني

- بلا جنتي مخليه راسي بالكتاب وناسيه الدنيا كتاب شنو

- قصص الانبياء والقران يخبل من الصبح اقره بقصه النبي محمد(ص) ولحد هسه ممخلصتها كل حياته مكتوبه هنا من هوه صغير وششتغل وشلون عاش لحد مامات

- حلو ومن هذا احجي وياج وماجاوبين

- اي والله اندمجت حيل

- يلا همزين لكيتي حتى من نروح تلتهين بي

- اي

باوع لبو جمره وكال:- ماكعد

- لا ومادري إذا كعد بس من الصبح ع هالنومه

من كلت هيج راح بأتجاهه كنبص كباله خله ايده ع راسه يشوف حرارته اباوعله رغم مايحجي ويا وهيج يخاف علي وحنين كام من يمه وكال:- مابي شي بس منخمد صارله ايام مانايم

ماكلت شي كال:- جوعانه اجيبلج شي تاكلينه

اني منا صارلي كم يوم مماكله احد ميته جوع مو بس جوعانه كتله:- ها اي والله جوعانه

ابتسم وكال:- تمام رايح أنا اجيب لي ولج واجي.

هزيت راسي كمت رحت للحمام توضيت طلعت صليت مغرب والعصر والضهر اصليهن بس مادري اذا ع الوقت لئن ماكو ساعه وماعرف يمته الصلاة بس احسب بعقلي من اصلي فجر وراهه بسبع ساعات اكوم اصلي ضهر وارجع احسب اربع ساعات اكعد اصلي عصر وعاد المغرب لمن تصير مغرب اعرف واكوم اصلي والعشه هم اعرفه

صليت وطلعت شفت صينيه الاكل بالكاع وعباس ماكو حيل جوعانه كعدت ويه كعدتي دخل عباس كعد كبالي باوعت لبو جمره كلت لعباس:- نايم من الصبح كعده خل يأكل مو تطلعون الفجر

عباس ابتسم وكال:- احم خلي يولي وإذا هلكد مهتمه وخايفه علي روحي كعدي وخلي يجي ياكل

يحجي ومبتسم كلت:- لا يمه اني شدخلني لا خايفه ولا شي بس هيج كلت بدون قصد

ضحك وكال:- اكلي اكلي

صرنه ناكلل واحنه جاي ناكل سمعنه صوته وهوه يكول:- عار تاكل وماتكعدني

اباوع لوجهه عباس انرسمت ابتسامه بوجهه وهوه يأكل ماجاوبه رجع كال:- عاد اذكرني لو بلكمه خبز مو انه رفيجك وصاحبك

عباس كاله بخشونه ومسوي روحه مامهتم:- سيدي لو ردت هناك اكو اكل روح وأكل

- اكل خ*** بس اكوم اشك حلكك ترا كرهت اسم سيدي من يمته صرت تحجي برسميه وياي مطي

ماجاوبه ذاك كام يلبس بفانيلته وطلع خلصت وعباس خلص اخذ الاكل وطلع

بقيت ساعتين تقريبا واني اقره بالكتاب حيل اندمجت وراهه كمت صليت بالهول وتوني دخلت للغرفه دخل أبو جمره شافني ابتسم مادرتله بال صديت منه واجيت امشي لمكاني ماحس غير كعد بمكاني وكال:- يااابويه متكسر ومحمد بس اريد واحد يمرغلي ضهري وانااام

هسه هاذ شتحجي ويا بلاا ادري شجايبك هنا مو جنت هناك رجعت لمكان عباس نوب اني نعسانه حيل. ومن قريت هالكتاب وبي قصص نعست أكثر

والله خليت راسي ع المخده وغمضت فتحت اشوفه راح لئن مابقاله صوت شفته متمدد ومنتجي ع ايده ومثبت راسه بأيده وأيده الخ بيها جكاره ويباوعلي ويدخن

شكد ميستحي وعينه زايغه غمضت ورجعت فتحت وره شويه لهسه ع نفس كعدته اخذت نفس وزفرت كلت بصوت ناصي:- اهووو وبحركه سريعه درت وجهي للحايط وانطيته ضهري واسمعه يضحك والله غمضت مافتحت الا الصبح شفته ماكو بمكانه وع صفحه هم اكو فراش يمكن عباس جان نايم بي كمت لميت شعري بقراصه اني من انام مااكدر انام والقراصه بشعري اوخره والف شعري هيج واخلي الشال ع راسي وانام

حتى من انام احط شالي ع راسي لئن شما جان يبقون غريبين عليه ومرات اكعد اشوف الشال واكع من راسي ومرات لا

ف كعدت نفس الشي صليت باوعت برا الهمرات ماكو بس سياره وحده وكم عسكر يم ذاك البيت رجعت لمكاني واني ادعيلهم بكلبي ينتصرون ويرجعون بسلامه

رجعت لكتاب القصص وصرت اقره بي واندمجت لليل واجو وهم نفس الشي ابو جمره يحجي وعباس مايجاوبه الي عرفته مايحاجي وأبو جمره حار بيا طريقه يراضي ويخلي يحجي ويا بالآخر جزع وكال بعصبيه:- هسه مافتهمنه نراضيك لو نراضيها والعباس بزعت كلت اراضي واقنعه ارد استلم  مهمه مراضات الثانيه درضه يمعود أرضه شاب كلبي من وراكم وعلي ويطبك طوب لارضيت بعد لو تفطس هم ماعليه خليني احير بمراضاه الثانيه احسلي واخيرلي

كالها وطلع معصب كلشي مافهمت علي بس الفهمته يريد عباس يرضه وهاذ مايرضه من طلع عباس صار يضحك ويكول:- حيلل وأبو زايد بيك دضل مشلوع كلب كلت وحلفت الا اشلع كلبك مطي عار فوكاها مايكول اسف تعال بس احجي وياي بس لا شلون هوه ابو جمره شلون يكول اسف بحياته مايكولها

كتله:- شبي

- مابي شي بس ها زمزم اريد اوصيج توصايه واريد تلتزمين بيها

- اي شنو هيه

- شوفي مو كتلج ابو جمره راح يجي يوم ويعرف غلطه ويجي يتعذر منج

- اي

- وهسه عرف جان غلطان بحقج ومتندم ويريد يتعذرلج بس كرامته ماتسمحله أنا ادريبه العار ابو كرامه

- حتى إذا اجه واعتذرلي اسامحه بس ابد بعد لا احجي ويا ولا اله دخل بيه ماانسه لمن تهمني اني جاسوسه

- ايييي عفيه عليج وانا هاذا الشي الي جاي احاول واصله الج لو يجي ويكلج اسف لاترضين ابد واشلعي كلبه واجلطي ترا شوفي خلي اكلج

-شنو

قرب عليه وباوع للباب وكال:- ترا ابو جمره بي حاله نفسيه

انصدمت كتله- صدك

- جا شعبالج شوفي اذا اعتذرلج وسامحتي بأجر عكبه راح يتهمج بشي اكبر من الجاسوسه

- والله

- مره هم جبنه بنيه نريد نطلعها هم شك بيها وراهه طلع غلطان واعتذرلها وسامحته

- اي

- اي وراهه ضلت هين سبوعين

- بس مو كلتو محد بقى هنا أكثر من يومين بس اني

- الفاهيه من اريد احجيلج شي والمحلج تصيرين مثل المطي وثوله وماتفهمينها ومن يصير حجي بدون معنى تفهمينها

- اي هسه شنو شبيها البنيه

- اي على طاري البنيه هيه اكبر منج عمرها عشرينيات بس ها شكيت بيها حبت ابو جمره وسامحته

- صدك

- بس ترا ابو جمره ماحبها ها عتبرها مثل اخته وأبو جمره ماعنده سوالف حب وهيج شي لئن بي حاله نفسيه وكام وراه سامحته بيومين ثلاث تهمها تتاجر بالمخدرات

فتحت عيوني:- عزةةةةة

- جا شعبالج لوو ماغاليه عليه انه احجيلج وانبهج اي اشتكه عليها وسجنها وطلعت فوك

- وين فوك

- عدمناها

شهكت وكلت:- الله عليك صدك هيج سويتوو

- بكيفج لاتصدكين المهم انا كتلج وبعد بكيفج بس ها لو سامحتي ورجع تهمج أنا ماكدر اسوي شي لئن هوه أعلى مني وكلمته مسموعه كتلج بعد

بقيت اباوعله بصدمه معقوله هجي ابو جمره كتله:- اني قاريه عن حالات النفسيه

- اي شنيه

- اي يصفن هواي ويطول النضر للبشر الكباله ويتصرف تصرفات مثل الخبول

ضحك وكال:- شفتي يتصرف مثل الخبول

- لا ولك بس احد الحالات النفسيه بي

-ههههههههه ولك ههههه يلا تمام شني الحاله البي

- شوف دائما اشوفه مركز بيه وأبد ماينزل عيونه يدخن ويباوع ولمن اباوع يضل يبتسم يمكن هاي لئن بي حاله نفسيه مو

هز راسه ويضحك:- اي ومثل ماكتلج من يجي ويعتذرلج وحتى لو يحجيلج بهدوء وحنيه لاتصدكي ضلي ابتعدي منه ولاتسمحيله يحجي وياج أو يقربلج حتى ايدج لا تخلي يلزمها اشلعي كلبه ولاتسامحينه

كتله واني خايفه:- الله عليك بعد لا تخلي يدخل هنا تعال انت والله خفت من الكلام الكلته كل هل شي بي واني مادري كل هالوقت

- وعلي ماكدر كتلج هنا هوه قائدنه ورتبته أعلى من الكل وماكدر امنعه يدخل بس مثل ماكلتلج لاتسامحينه ولاتخلينه يحجي وياج

هزيت راسي اي واني صافنه وخايفه لا يجي يوم يدخل ويخنكتي هواي قاريه ع البيهم حاله نفسيه يصيرون مثل للمجانين

عباس ضحك وكال:- حيلل وهاي كدرنه نلعب بعقلها دضل مشلوع كلب انه عباس من اكول شي اسوي اذا ماخليتك تنجلط وهاي راح تخاف منك وتعاندك هههههههههه ضل راضي وماكو فايده

جنت صافنه وماسمعت عباس شكال كتله:- شنو ليش تضحك

:- لا ماكو شي بس تذكرت موقف صار وياي
انه طالع شويه واجي

- وين رايح الله عليك لاتعوفني هسه يدخل والله خايفه منه

- ولج هوه هسه هادي وزين بس كلتلج لاتحجين ويا ولوتعذرلج لاتقبلين ترا ترجعله الحاله ويتهمج

هزيت راسي وطلع وهوه يضحك وره شويه دخل أبو جمره لميت روحي واني اباوعله هوه باوعلي مستغرب كالي :- شبيج

ماجاوبت اجه يريد يتقرب مني كتله:- روح روح لاتجي ماريد لاتعتذر والله مااسامحك روح الله عليك كلت هيج. غطيت راسي وحسيته لهسه واكف

غمضت عيني حيل بعد مافتحت لثاني يوم همه ماكو مرت ثلاث ايام واني ماحجي ويه ابو جمره ومثل ماكال عباس عرف غلطه وصار يحاول يحجي وياي وعتذرلي بس اني ماقبل ولا اجاوبه اصلا الا مابيوم اجه بقى يحجي ويكول وانا غلطت

وانه من حركه كلبي على الولد شكيت بالكل حتى بنفسي شكيت وصار يحاول يعتذر وعباس برا ماجاوبته ولا كلت قرب ولزم ايدي كال:- شبيج شصايرلج ليش ماتجاوبين دنيا

لمن لزم ايدي تخبلت واذكرت لمن كال عباس بي حاله نفسيه هسه يموتني لو يعدمني ويشنقني بالبنكه صرت ابجي واتوسل بي يعوفني وهوه لازمني ويحاول يعرف شبيه واني بس ابجي واتوسل كال:- لخاطر محمد بس كوليلي شجرالج شبيج صارلج جم يوم من تشوفيني عبالك تشوفين ابليس شبيج شمسويلج

ماجاوبته بس ابجي رد كال:- انا ادري غلطت وشكيت بيج وانا هاي اعتذرلج ويابه اسف وشتطلبين أنه حاضر بس ارضي رحمه لبوج ومحمد شيبتيني وانتي تتصرفين هيج وخايفه مني احجي كولي شايفه شي عليه يخوفج سامعه شي احجي لا تسكتين

لازمني من معصم ايدي وشطوله وضخم حتى يخوف ومدنك عليه ويحجي من ماجاوبت صاح:- احجييي ولاتخرسين كوولي شبييج

من صاح زدت بجي واضربه بيدي ع بطنه وصدره واكله:- عوفني عووفني ماريد منك شي بس روح روح الله عليك

تهسترت ابجي وخايفه منه سحبني لحظنه وكال:- بس اهدي باباتي اهدي وفهميني شبيج هيج شايله بكلبج عليه من تصرفي

صرت ادفع بي وهوه مقيدني بحظنه دفعته حيل فكني واني ابجي شفت عباس واكف ع الباب وبوجهه ضحكه ركضت علي واني ابجي ختلت وراه وجلبت بتشيرته كلت واني اشهك:- الله الله عليك عباس كله كله خلي يطلع الله عليك لا يحجي ويايه ماريد ماريد

- اهدي شبيج ليش ماتحجين وياه ولج شمسويلج

كلت واني ابجي:-هوه

ممكمله كلمتي كال عباس:- اهدي اهدي غلط وياج وجي يعتذرلج شكو بيها

يحجي واني مجلبه بضهره يريد يدير عليه ماخلي وماريد اشوف وجه ابو جمره كال:- وعلي ترا شليتي حالي بس كولي شبيج بويه احجي ليش خايفه مني

ماجاوبت واني ابجي كال عباس:- ترا شليتي حاله احجيله شبيج

- شبيها عباس انت اربع وعشرين ساعة تحجي وياهه شبيها

- شوف جمره لاعبالك صرت احجي وياك ترا أنه لحد الان مزاعلك وبس هيج اكللها حتى أهديها شسويتلها والبنت هيج تبجي وترجف خايفه منك

- وروح ابوي إذا مسويلها شي ومحمد كل مره اجي اريد احجي وياهه واعتذرلها هيه ماترضه وتضل تبجي مدري شجرالها

- هههههه ابو جمره اعتذر وكال اسف هههه منك من الشيطان بس بشر غلاته يختلف عن بشر

- انجب والكيلي جاره شبيها شسويلها شبيج بس كولي رحمه لميتينج بس احجي وريحي كلبي وعلي محترك وانا اشوفج هيج

-احممممم

- وسممم انجب واسكت انت لا اشك حلكك وانت الثاااانيه احجي

صرت ابجي زايد من يحجي هيج ويصيح واكول لعباس:- كله كله ماريد شي ماريد خلي يروح الله عليك رجعني بأسرع وقت لهلي الله عليك عباس

من كلت هيج سمعت ابو جمره تنهد واجه فات من صفي واني واكفه وره عباس والباب صاير وراي باوعلي وذب نفس مثل الحسره وطلع دار عليه عباس وكال:- يولي اهدي اهدي اي كلنه لاتسامحينه بس مو هيج راح تخلينه يكشفني

-شيكشف

- ها يكشفني ويعرف أنا كتلج على حالته وعلي لو يدري أنا وره كل الي يصير الا يزفني بموكب يلوك لحلكي للنجف الله يعينك يعباس تورطت

- هسه ماعليه الله عليك عباس بعد لاتخلي يدخل والله اخاف منه اليوم واكف كبالي ونبي متت خوف شكبره كلت هسه يشيلني ويعلكني بالبنكه

-هههههههههههههههه يابويه على سوالفج امشي امشي غسلي وجهج وتعالي روحي يلاا

- خاف يرجع يدخل

- لا انا هنا روحي

رحت غسلت وجهي صاير احمر من البجي رجعت للغرفه عباس بعده كاعد كعدت وكلت الهي روحي بالكتاب حتى انسه كمت اقره وكذالك كالعاده اندمجت ويومين وأبو جمره بعد مادخل وهوه صارو يوم يروحون من الفجر يقاتلون ويرجعون بليل ومرات مايرجعون ومرات يروحون العصر ويرجعون ثاني يوم الصبح وأبو جمره من ذاك اليوم يجي يدخل مرات وينام بس ابد ماحاول يحجي وياي واني من يدخل وعباس ماكو اجمد روحي بالكاع وهوه يشوفني شلون خايفه

فه مايحجي وياي وصارو من يروحون مايتركوني وحدي عباس كال ابو جمره يخلي اربع من العساكر اليثق بيهم هنا حتى لا اخاف وتعودت يروحون ويجون حتى بليل صرت ماهلكد اخاف اقره كتاب القصص وانعس وانام

بيوم وصلتهم اخباريه يطلعون قبل الضهر وعباس كال مانرجع لباجر فه راحو وبلش الرمي والقصف لليل وشويه خف الرمي

والله اني كالعاده قريت قصه من قصص الانبياء واجيت انام اني من يطلعون العصر ويكولون مانرجع لباجر اعرف بهاذ الليل مايرجعون فه عادي اذب شالي وافتح شعري وانام اني شعري طويل جوه خصري بس مادري عليمن طالعه امي شعرها مو طويل خالتي هم مو طويل ومن اسئل امي تكول مادري عليمن طالعه شعرج طويل وسرح

فه فتحته ونمت كل يوم بالشال انام نمت وماحسيت الا الصبح نايمه ع صفحه حسيت هوه حار يضرب بوجهي فتحت عيني شفت ابو جمره نايم عكس نومتي ومخلي راسه ع مخدتي ووجهه كبال وجهي ووحده من خصل شعري صايره ع خشمه ووجهه

انرعب كمت بس شعري اذاني باوعت نايم فوك شعري ورايح بسابع نومه حاولت اجر شعري من جوه راسه بدون لايحس ماكدرت ومتت خوف واذكر عباس من كال بي حاله نفسيه بقيت احاول اسحب شعري حجه وهوه مغمض:- لاتحوصين ارجعي لنفس ماجنتي يلا باباتي

متت لمن هيج كال ونبي صدك مخبل وبي حاله نفسيه هوه مو جان نايم دموعي صارت تكت واني اكله:- فدوه وخر من شعري اريد اكوم الله عليك

من هيج كلت اني صايره يم راسه رفع راسه وهوه نايم صفح باوعلي بعين وحده وثانيه مغمضها من هيج رفع راسه صار مجال اسحب شعري سحبته من جوه راسه حيل توني اريد اكوم جان يلزم شعري ولفه ع ايده بيد وحده وسحبني من شعري بخفه رجع راسي للمخده ونفسه يضرب بوجهي عصرت عيوني واني ابجي

فتحتهن باوعت بوجهه يباوعلي ماحس غير خله اصبعه الابهام ع شفتي

دنيا:- خلا اصبعه الابهام ع شفتي واني دموعي تنزل شفته عكد حاجبه ومسح شفتي بأصبعه وكال:- شنو هاذ الدم حلكج وخشمج كلهن دم

كالها وكام كعد كعدت اني وخر المخده وتقرب يمي كال شبي حلكج ماجاوبت بس ابجي

كال:- شبيج لخاطر محمد بس لو ادري ليش تبجين كل ماحجيت وياج جان ارتاحيت

كتله:- مابيه شي مابيه فدوه بس لاتقربلي ماريدك تقربلي

صفن وكال:- ليش ؟

ماجاوبت رد كال:- ابويه حاسه أنه متعدي حدودي وياج ؟

كتله واني ابجي:- لا لا والله مو هيج بس بعد لاتحجي وياي والله اخاف

- تخافين من شنو تخافين

ماجاوبت واحس الدم ينزل لحنجي من حلكي كال :- شو كومي كومي خل اغسلج حلكج وكوليلي شبي ينزف

كام ووكفني واني أتوسل بي يتركني وأجر ايدي منه:- الله عليك عوفني اني اروح بس اطلع ماريد اشوفك والله مااسامحك والله

خزرني وكال:- عسى لاسامحتي امشي خلي اغسلج وتكعدين تحجيلي كلشي والا وعلي اعلكج بالبنكه

لمن هيج كال انصدمت يعني حجي عباس وتفكيري ١٠٠٪صح انلصمت من الصدمه وبعد ماحجيت سحبني للحمام فتح المي ودنك صار يغسلي حلكي بيده طلع جاب بطل مي كال موصي حلكج صرت اشرب واتفل المي كله دم بقيت هيج لحد ما انقطع النزيف

طلعني من الحمام وجاب خاوليه الصغير وصار يمسح بوجهي وحلكي وركبتي ويرجع شعري ليوره

كعدني وكال:- يلا هسه احجي

سحبت الشال خليته ع راسي والخوف ماكلني رد كال:- هسه عوفينه من خوفج كوليلي حلكج وخشمج شبيهن ليش ينزفن

ماجاوبت كال:- احجي حلكج مجروح

هزيت راسي لا

- سنج يوجع

هزيت راسي لا

- واكعه على حلكج

رجعت هزيت راسي لا

كال:- هسه غير تحجيي احجي باباتي انتي احجي شبيج

خفت منه وكتله:- مو اول مره هيج

- يعني قصدج من الولاده حلكج وخشمج ينزفن

- لا من اجيت هنا مرتين نزف وهاي ثالث مره فجأه

- ومحمد دخت بيج ضغط

- لا

- حسيتي يجوز من الخوف صار بيج ضغط حاسه

- هوه شلون يحس اليصير بي ضغط

رفع راسه وضحك:- هههههههههه بويه ألفهاوه ضلي هين رايح اشوف جهاز الضغط ضال بالسياره لو مسلفينه الولد جان عدنه واحد

هزيت راسي كام راح دموعي طاحن وادعي يارب صبرني قويني كباله يارب لاتخلي يسويلي شي والله مامسويه شي بدنيتي حتى اتعلك بالبنكه وينك عباس وين تعال الله عليك

شفته اجه وبيده علبه مستطيله مسحت دموعي ورجعت سويت نفسي طبيعيه اجه كعد كبالي كال:- انطيني ايدج خلي اقيس ضغطج

قدمتله ايدي شد اللزكه مال الضغط ع ايدي حيل وصار يضغط ع مال الجهاز شويه وشاف كال:- حتى ضغط ماعندج جا ليش خشمج وحلكج ينزفن

سويت حركه بحلكي بمعنى ماعرف كال:- اول مره يمته نزفن

- لمن رجعت من الحرب وحدك وماكو احد وياك وعباس ماكو وانته اغمى عليك اني هم اغمى عليه مادري نمت وراسي ع صدرك بس مثل الدخت وبعد مادريت بنفسي كعدت شفت حلكي ووجهي كله دم

- يجوز من الخوفه أو انصدمتي ومن الصدمه هيج صار برائيج هيج

هزيت راسي مادري كال:- هسه عوفينه انا راح احاول الكيلج حل لهل نزيف هسه احجيلي شبيج ليش كل مااجي احاجيج تبجين وتخافين مني

سكتت ماجاوبت:- احجي بويه احجي كلشي بكلبج اسمعج وماراح اسويلج شي وروح ابوي وإذا شفت من كلامج بيه عيب اوغلط بتصرفاتي وياج وعلي بعد حتى وجهي مااشوفج اياه وابتعد منج نهائيه

- بس اني خايفه

- من شنو

- منك

- ليش بويه عتوي لو طنطل هلكد شكلي يخوفج وانا مادري

- بس مو من شكلك

- جا

- انته مو مريض

- مريض؟ مريض شني بويه مو هياني كبالج بحيلي وعافيتي

- مريض نفسي

- شني

- انته مريض نفسي واني اخاف منك والله

- بويه منين سمعتي أنا مريض نفسي شهالخرابيط

- اكلك منو كالي بس احلفف ماتسويله شي ترا هوه بس راد ينبهني والله

- عباس مو اخ يعباس احجي شلاعب بعقلج هاذ الاخر

- توعدني ما تطخه واحجيلك لئن هوه صدك بس راد ينبهني

- احجييي

خفت وصرت احجيله وحجيتله كل الحجالي ايا عباس من الاول للاخر واباوع لبو جمره مصدوم ويسمعلي كملت كلت:- هاذ الكاله واني اخاف اسامحك وتتهمني وتعدمني

كال وهوه لهسه مامستوعب:- كل هاذ بيه وانا مادري

منوعات اساور احمد:
رد كال:- شبساع ومنين جبت السوالف ذني عباس الله ورطك وانه شلون فاير دمي منك

ماجاوبت كال :- انه مريض نفسي مو

هزيت راسي اي

- انه تهمت بنيه جانت يمنه اسبوعين وعدمتها مو

هزيت راسي اي

- انه لو سامحتيني راح اتهمج واعدمج مو

هزيت راسي اي

- أنا مخبل مو

هزيت راسي اي

خزرني وكال:- كل الكاله جذب بجذب

- شلون

- عباس جذاب وانه ادري غايته بس يحرك كلبي بس وعلي لندمه على الدقيقه الكعد وصار يصفطلج بهالجذب وانتي مثل الثووول تصدكين

- يعني كله جذب

- اي وداعت عيونج كله جذب وماكو من هالحجي ولو شويه صح وعباس أنه اتصرف ويا

- بس هوه حجالي واكدلي انته مريض نفسي

- بشنو اكدلج بويه شوفج تقارير مرضي لو شوفج غير شي

- هزيت راسي لا بس هوه كالي انته مريض نفسي وصار يحجيلي

كلت هيج كام وكف وكال:- انه رايح نص ساعه وارجعلج ضلي هين

طلع راح واني بقيت حايره يعني عباس يجذب لو هوه هيج يكول حتى مااعرف بمرضه والله حرت بس لهسه خايفه منه والله

راح تقريبا مر ساعتين هيج دخل وويا عباس لازمه من ياخته ويسحب بي واباوع لوجه عباس حلكه يجري دم ويعرج ويضحك ميت ضحك

كال ابو جمره:- ها عباس انه مريض نفسي ومسودن وعادم مره وتاهمها تتاجر بالمخدرات

-ههههههههههههههههه وعلي انه جذاب واكبر جذاب هههههههههههه مو كتلك جمرتين كلت ل احرك كلبك

غمزله وكال:- خوش لكيت شي احرك كلبك بي واخليك تشيط وتشتعل هههههههههههههههه

من كال هيج ابو جمره ضربه بوكس ع وجهه وعباس وكع بالكاع يضحك من كلبه ويتفل دم ودنك رفعه من ياخته كاله:- انه تعلب وياي عبااااس بكلل الطررق بكللل الطررق اللعب وياي و احرك كلبي عبااااس الا هالطريقه محذرررك أنا لو لاااا

رفع ايده يريد يضربه ركضت علي لزمت ايده :- لا لااا الله عليك لااا والله هوه كال حتى ينبهني والله لاتضربه

صاح بوجهي:- شينبهججججججج مو يكلجج انه جذاااب كل حجيه جذب احجيلها انت لاو الله اليوم موتك على ايددددي حيللل تحملتك وجزعتتت منك عباااس

جفلت من صوته وخفت عباس صار يغني :- طيووور الموصل احلى طيووور هنا اكو طيرر عاشكها لهل طيره طيوررر الموصل احلى طيووور كللللوش

يعني بنص خوفي من صدك ضحكت على هلهولته طلع هوه المخبل مو ابو جمره

صاح ابو جمره:- عبااااس احجي وربيي واصله لهنااا منك هسه احط جيله براسك واخلص منك والعباس احجييي

- هههههههههه تمام تمام راح احجي زمزم وعلي كل الكلته على جمرتين جذب وماكو من هالحجي لو شويه

- يعني جنت تجذب عليه

هز راسه وكال:- اي وعلي جيفن جنت ضايج منه واريد اتونس وشفتج كبالي فطيره وثوله واكدر اضحك على عقلج هههههههههههههه وكعدت اصفطلج بهالجذب واخليج تخافين منه وماتخلينه يحجي وياج واحرك كلبه وانا ارتاح

كالها ابو جمره ضربه راشدي وكاله:- براااا يلااا

صار يضحك عباس من كل كلبه:- طيووور الموصل احلى طيووور طيووور

راح يمشي ويغني وأبو جمره خازره دار وجهه باوعلي غمني وكال:- وانت ماكلج غير امداج الثوله ماتكف بلسانج حجايه شبعج دفرات من وراج

غمزلي وكال:- لو انتي هم ماتكدرين عل بعد ال

قبل لايكمل صاح ابو جمره:- عباااااس ومحمد لو رجعتلك محد يخلصك مني وداعت أمي وهاي حلفت بمي

ضحك عباس وطلع دارلي أبو جمره:- وانتي عود كل مايضوج يجي يحطج و يلعب بعقلج ويتونس الفااهيه

كتله:- والله اسفه بس هوه حجالي كومه وماجنت متوقعه جذب

ماسمعلي نزع فانيلته وراح بأتجاه الحمام كعدت اني يا الله شكد ثوله وهيج صدكت ذاك الغثيث ومصدكه روحي خايفه وابجي وامنعه يلزمني لو يحجي وياي طلع كله جذب شكد خطيه وهوه جنت اشوفه من ابجي وامنعه يتقرب يضل حاير ودايخ ومامفتهم شي

بعد عباس الجذاب لو يموت مااصدك بي

وره شويه اجه سابح وشعره ينكط مي ماباوعلي راح لمكاني المخده جانت كلها دم من حلكي كلبها ع الجهه الثانيه ودفن راسه ونام حتى ماباوعلي جان لابس بجامه عسكريه سوده وفانيله تعلاكه

هفف يعني اخذها بخاطره وزعل هسه شلون بقيت حايره وكلت والله ليش احس بالذنب هوه ماشاف تصرفاته لمن شك بيه وذاك اليوم من ردت اطلع والله هم مااسامحه على السواه وحده بوحده إذا هوه زعل على شغله اني على شغلتين من شك بيه ومن دفعني ع الكاع ورجلي وجعتني

باوعتله رايح بسابع نومه سحبت الكتاب وصرت اقره وهسه وصلت قصه النبي يونس عليه السلام اندمجت بالكتاب الي صار فرحتي وونستي ونساني كلشي

واني مخليه الكتاب بحضني ومدنكه اقراه ماحسيت غير انجر الكتاب من ايدي رفعت راسي شفته ابو جمره كبالي ومن اخذ الكتاب كبل خله راسه بحضني ومدد كبالي

كتله:- هاي شبيك ليش هيج كووم كووم شو كوم

باوعلي فوك وهوه راسه بحضني وكال:- فرجيلي راسي ومحمد طگ من الوجع

- ما والله مااا ما عليه كوم

خزرني وكال:- كتلج فرجيلي اياه

كتله:- ماكو لا عبالك اخاف من خزرتك

- ها ماتخافين

- لا وبعدين لاعبالك عباس كال السالفه جذب يعني بعد انسدت السالفه اني بعدني زعلانه

ابتسم وكال:- ليش من شنو زعلان الحلو

- اول شي شكيت بيه اني جاسوسه لاعبالك ماعرف وثاني شي لمن ماخليتني اطلع اشم هوه واجيت دفعتني ع الكاع حيل

- اذيتج

- اي والله حتى رجلي يومين صارت توجعني

- بويه عمت عيني كسر بيدي أن شاء الله

يحجي ورافع عيونه يباوعلي كلت واني مدنكه اباوعله:- هالكلام مايمشي يمي ماريد لاتعتذر ولا شي كوم يلا

- اسف

- كلت ماكو لا اسف ولا بطيخ اني لهسه زعلانه وماارضه

- شنسوي ونراضي الاميره الزعلانه

- يعني اي شي اطلبه تسوي

- خادم بس أمري

- تحجيلي كلشي ليش شكيت بيه وليش دفعتني ع الكاع

غمض عينه وفتح كال:- تمام راح احجيلج

-يلا

.- شوفي بويه على مود شكيت بيج انه مو بس بيج شكيت وعلي شكيت بالكل وحتى بنفسي شكيت ترا مو سهله من احنه نخطط اسبوع للهجمه وتالي نروح ونلكه ناصبيلنه كمين وبغمظه عين استشهدوا كلهم ومحمد مدري شلون طلعنه احنا منها يعني تحاصرنه من كل الجهات وتمطر مطر فوكانه الطلقات نار وماحاج احجيلج حجالج ذاك العار شلون أنه اجمع بيهم حتى اجيبهم هين واعالجهم كبل لايصيرلهم شي والماتو ادفنهم تالي يكع هاون فوكاهم ويطشر لحمهم هسه احلفج بكل عزيز لو لاسامح الله بصاحباتج هيج صار وشفتي لحمهم وأعضاء جسمهن تطشر بالكاع شسوين

- يمه ونبي غير اموت بمكاني

- اي شوفي جا قدري وضعنه وعلي من رديت هين طريقي مااندله وتسودنت بس اريد اعرف منو الجاسوس والموصل الهم راح نهجم

- بس اني ماجنت اعرف مفكرني جاسوسه بس بيوم الاجيت وشفتني ادور جنطتك على ساعه من كتلي شخذتي حيل انهضمت اني كلشي ولا احد يتهمني بالبوگ والله من كلت هيج النفس بعد ماكدر اسحبه

- انكص لساني كون دقيقه الكتلج بيها وعلي ماجنت بوعيي هسه مو احجيلج ماتصدكين شلون عبالك بذنيج الايام جنت فاقد ذاكرتي ابد ماجنت بوعيي حتى والله الولد كلهم ماخذين موقف مني ويكولون احنه هم خسرنه اصدقائنه وصحبانه بس ماسوينه سوايتك والله وصرت واحد واحد اقنعهم واكللهم من حركه كلبي هيج سويت

وانتي والله وداعت أمي الماعندي اغلى منها تندمت على كل كلمه كل كلمه كلتلج آياهه بذاك اليوم وعلى كل تصرف تندمت بكد شعر راسي وعلي شيبت وانا احاول اراضيج واعتذرلج فوك ضيمي عباس زاد الضيم من خلاج تخافين مني

ومحمد اسف دنيتي وكولي اي شي اني حاضر واي تعويض انطيج

- وذاك اليوم لمن دفعتني ع الكاع ليش وصيحت عليه

- بويه انتي جنتي طالعه وماشفتي كلهم عساكر وجو جديد أنه مكرن اخليج اطلعين كبالهم وانت امانه وبعدين كلتلج ادخلي عاندتي صيحت عليج عاندتي طلبت منج مادخلتي وانه منا شلون مضروب على راسي وتصرفت وياج هيج بدون قصد ومحمد

وكتلج كولي شسوي وانه خادم بس سامحيني وهسه مو زعلانه مو

- بس اني لحد هسه زعلانه

- بويه اروح فدوه للزعلان

- ايعع لاتحجي هيج

باوعلي عكد حاجبه وكال:- ليش

- اعرفك تعرفني تحجي هيج

-هههههههه جا كل هالايام وماعرفتيني وعرفتج

- حتى لو تبقى غريب عليه وغريبه عليك

- يلا بويه راضين امرنه لله غريب غريب مابيها مشكله بس سامحيني

- اسامحك بشرط

- صار

- اطلعني مخنوكه

- يجرالج هسه شمس عود العصر مثل ذاك اليوم اطلعج بس ها هم عندي شرط

- ترا اني الزعلانه مو انته حتى تتشرط

- مو شغلي تقبلين اهلا وسهلا ماتقبلين طلعه ماكو من البيت

- لا والله

- اي والله

- تمام شنو الشرط

- افرجيلي راسي

- ما والله ما كوم كوم

- ليش ماا شبيه

- كلشي مابيك بس اني ماريد كوم

- چا طلعه ماكو

- مو بكيفك

- جا بكيفج

-لا الله عليك كوم اريد اقره

- بويه مامليتي صارلج ثلث ساعات تقرين من انه نمت وانتي تقرين ماوجعج راسج

- لا وحبيته هالكتاب مال أنبياء وهسه كوم ماافركلك كوم اريد اقراه الله عليك

- بداعت امج افرجيلي وعلي يوجعني راسي

بقيت اباوعله كال:- ترا حلفتج بداعت امج وإذا غاليه عليج تفرجيلي

-اهوووو

- هههههههه االفاهيه يلا

لزم ايدي رفعها خلاها فوك عيونه غطه عيونه بيدي شويه ونزلها ع شفايفه ردت اسحب ايدي مجلب حيل خلاها شي خمس دقائق ع حلكه وخشمه ويشمها وهوه لازمها بأس بطن ايدي وكفاها وخلاها ع كصته وخلا ايدي الثانيه هم ع كصته وكال :- يلا افرجيلي ومحمد تعبان ولاعبالج ثلث ساعات صارلي نايم ومحمد ماجنت نايم من وجع راسي يلا باباتي فرجيلي

صرت اسويله مساج لراسه وكصته وهوه مخلي راسه بحظني لنص ساعه واني اسويله مساج قوي لراسه كال:- ايييي رحم الله والديج وعلي هسه اكدر انام

فتح تك عينه كال:- العبي بشعري اريد انام

كتله:- لا والله خاف ماتقبل كوم روح لمكانك كوم

-وداعت ابوج

- اهووو ابو جمره

-روح ابو جمره

- ترا مايصير هيج تحلفني بأهلي والله

- اخر مره هسه العبي بشعري اريد انام جم ساعه نريد نطلع

خليت اصابع ايدي بشعره وصرت اللعب بشعره واني صافنه على ملامح وجهه لحيته طالعه خفيف وشواربه حلوات صراحه ورموش عيونه طولهم وسط بس ثخان وعيونه كبار بقيت اللعب بشعره رجعت ضهري ع الحايط واني اندمجت اللعب بشعره وهوه نفسه ثكل نام ورأسه بحضني نوبه اريد اوخر ماكدر وخاف يفز وكال كم ساعه ويطلعون ع الحرب بقيت ع نفس كعدتي واني منتجيه ضهري ع الحايط ومندمجه اللعب بشعره

- واني صافنه والتهيت اسحب شعر ابو جمره بأصابعي ليوره جان اسمع عباس صوفرر

باوعتله صوفر وكال:- وعلي هاذ جمرتين نچر نچر يضحك عل عقل بنص ساعه چا مثل حظي كاعد خمس ساعات احجيلج على سالفه المرض واجذبلج بس حتى تصدكين

رد كال:- نص ساعه بس نص ساعه خليتكم شبساع رضيتي انتي ولج وتحولتو للحضات الرومانتيكيه

بووووووياي بويه هالحظه برادلها توثيق والكتابه بالتاريخ بس لو الله ينطيني ربع من عقل جمره جان ارتاحيت وعلي مسيطر

وانتي لج ماتستحين ماعندج اخوان مخليه راس اخوي بحضنج ومنومته

يحجي واني مافاهمه كلمه من كلامه بس بالآخر من كال ماتستحين كتله:- والله ونبي هوه كال تعالي سويلي مساج لراسي موتني وبعد كم ساعه طالعين والله والقران حتى رفضت وماردت اسوي بس حلفني بداعت امي والله

- ههههههههههه بويه لاتحلفين أنا أدري ذني سوالف جمرتين لايهمج كد ماضربني راسه كام يوجعه الكواد المطي

- بس انته ليش جذبت عليه وكتلي مريض كمت اخاف منه

- انجبييي وعلييي اجي اشك حلكج الفاهيه أنا جذاب

- لعد كل كلامك الحجيته الي مو جان كذب

- انلصمي حتى إذا كان جذب ماعليج انتي ثوله وفاهيه وعن طريقج احرك كلب جمره وحطيتج وصرت اصفطلج وانتي ثوله صدكتي وين اكو مريض نفسي يصير ضابط بويه هههههههههههه

- ونبي بعد ماصدك بيك ابد

- هههههه وعلي أنا عباس ابو الطلايب لو هسه اكعد اسولفلج سالفه من جذباتي كبل اخليج تصدكين مو عقل انسان عليه بويه عقل بروسيفور مدري شسمه

- بروفيسور

- اي هوه هاذ انه احسن منه

- بس ليش هيج سويت وكتلي مريض كمت اخاف منه

-وعلي جنت ضايج ومنا هم ضايج من هاذ المجطول وانا اعرفه كلشي ولا الاحمم

-شنو

- مو شغلج المهم انتي فاهيه كعدتج وصرت اصفطلج وانتي مصدكه بس تدرين

-شنو

- وعلي فد ونسه تونست بهال جم يوم وانا اشوفج هيج خايفه منه وهوه دايخ وحاير شصايرلج وشجرالج بس لو كاضبه لسانج جان ماضربني هيج الفاهيه

- حيل بيك والله تستاهل

- هاي عليمن ولج

كالها واجه عليه من شفته اجه ونبي هسه يكتلني خليت ايدي ع جتف ابو جمره وكتله:- والله بس تتقرب اكعده والله

من كلت هيج وكف وكال:- أنا اعلمج هسه عضامي توجعني من الكتله الاكلتها ومابيه ثانيه

رد كال :- ها زمزم ماصدكتي تتصالحون حتى توكفين ضدي ولج أنه تهدديني ببو جمره بس والله ياحيف الايام الكضيناها سوه بساع نسيتي العشره ذنيج الايام الجان ابو جمره شاك بيج منو جان واكف وياح هاا

- والله مو هيج بس انته اجيت حتى تكتلني وهيج كتلك بس حتى لاتضربني  وصح انته معروفك ماانساه ابد بس بنفس الوقت ماانسه من جذبت عليه

-انجبي  وبلا لغوه زايده يلا أنا طالع عود من يكعد المطي كليله رايدينك برا

من كال هيج خليت ايدي ع راس ابو جمره اجيت اكعده واوخر راسه كال عباس:- لا ولج خلي متونس الويليد

-شنو

- اا قصدي خلي خطيه البارحه مانام ابد يشتكي من وجع راسه والليل كله كاعد خلي ينام جم ساعه لاتوخرين وتفززينه

- رغم هيج ضربك وخايف علي وعلى نومته

- وعلي أنا عبيس ماتلكين مثلي ومثل كلبي الحنون والطيوب بس يا حيف جمره لكه طير كلبه وانا لحد الان كاعد وانتضر مثل المره المطلكه

-هههههههه شتنتضر مافهمت

- لو اضل اللمحلج لباجر ماتفهمين فاهيه ولااتعب نفسي احسلي يلا رايح أنا

طلع من الغرفه اباوع لبو جمره لهسه نايم وغاط بالنوم نوبه نايم على رجليه وراسه ثكيل رجلي خدرت بقيت ساعتين وهوه لهسه نايم سحبت الكتاب ولزمته بيدي فوك راسه واقره مدري شكد قريت حسيت حرك راسه وخرت الكتاب شفته فاتح عيونه وعيونه منفخه من النوم باوعلي فوك ابتسم

كتله:- كعدت

- لا بعدني نايم

-ههههههههه

- عافيه وربي

- شنو

- هيج

كام كعد صار يمط بنفسه كال:- اخخ الله ومحمد احلى نومه من يوم الاجيت للموصل وانا مانايم هيج نومه مريحه

دار عليه وكال:- مشكوره

-على شنو

- چي خليتيني انام على رجلج وارتاح  بنومتي

ابتسم:- عادي العفو

سحب تشيرته وصار يلبسه هوه جان نايم بالتعلاكه كتله:-اجه عباس وكال من يكعد كليله الولد يريدونك برا

- شافني هيج

- شلون

- نايم على رجلج

- اي

همس:- بويه تورطت شيفكني من لسانه

-لسان منو

- هيج لاتشغلين بالج أنا طالع ضلي هين عود العصر من تغيب الشمس اجي اخذج تمام

هزيت راسي راح للحمام غسل وجهه وراح على جنطته يم الشباك طلع باكيت جكاير وطلع

وبقيت اني وحدي هففف والله ضوجه متت وتكسرت من الكعده كمت امشي للبيت باوعت المطبخ من اول مااجينه وهوه هيج حاله مواعين بالكاع والسنك صاير ع صفحه وبوب الكاونتر مفتوحه ارتبه ومنه اللهي روحي حتى مااضوج

صرت الملم بالمواعين ستيل كله خليتهم بالكاونتر وسديت بوب الكاونتر وعدلت السنك بمكانه باب المطبخ الي ع برا حديد وماينفتح

طلعت رحت للحمام اغسل ايدي شفت ملابس عسكريه مالات ابو جمره وعباس ممغسولات وخطيه همه كالو احنه نغسلهن بدينه وبعد كم ساعه يطلعون للحرب والله خليتهم وكعدت اغلسهن غسلتهن كلهن وطلعت شريتهن ع الدرج بساع ينشفن باوعت للدرج عندي فضول اصعد للسطح

بس لا يمه ونبي اخاف واني واكفه اباوع فوك للبيتونه سمعت من وراي صوت فززني:- هااااا ولج

- هاي ليش خوفتني

- بووويه زمن الدنيا تخاف وأبو جمره بضهرها تهي بهي وعلي انتي ماصدكتي تتصالحون حتى تتحامين بي وتعاديني

- والله مو هيج ليش تفكر هيج

- هسه انجبي الفاهيه وتعالي اكلي يلا

مشى مشيت ويا دخلنه للغرفه وبدخلتي دخل أبو جمره وبيده سلاح اسود جبييير يخوف شكله انرعبت:- هاي شنو

-بويه لاتخافين هاذ قناص لاتخافين مراح اكتلج بي

- يخوف شكله

عباس:- انتن البنات فاهيات ونعووومات وتخافن من كووولشي

يحجي مثل البنات كاله أبو جمره:- انجب وأكل خ***

- هوه أنا ماكل من زمان وداعتك

- انجب

- اها انجبينه يلا تعالو ترا متت من الجوع وربي بدون ريوك

- ماتاكل

- خب كوم مااكل ليش هوه بكيفك

- جا بكيفك

- والعباس اكل وطلع عيونك هم

- وعلي هسه تاكلنه احنا هم مادام مامتريك تطلع جهك يم الولد وانا اكلك اكعد براس الجداري يلا تشبع

- ها لا لا هسوالف مو عليه تريد أنا اطلع حتى تضلون انت وزمن وتبدون اللحظه الرومانتيكيه وتوكلك وتوكلها موو

دنيا:- لا ونبي مو هيج شكد جذاب منين جيب هيج حجي والله ماكو هيج شي لاتتهمني

من كلت هيج طكوها ضحكه ثنيناتهم كال عباس:- جمره وعلي ثوله وفاهيه وغبيه ومابيها خير لو تريد نصيحتي فوت بزودك وانا بضهرك وعلي جاهل ربيها على ايدك

كلشي مافهمت من حجيه شفت ابو جمره خزره وكال:- عباس بطل سوالفك المالها معنى

- احممم اي مالها معنى مالها

كالها وكعد ع الاكل كال ابو جمره:- تعالي باباتي تعالي اكلي هاذ العار لو اضل اطرد بي لباجر مايروح

عباس:- بدون كرامه وعلي

دنيا:- هههههههه

عباس:- شبيج تضحكين

- على كلامك

- ليش أنا شكلت

- كلت بدون كرامه

- عليمن

-على نفسك

- جذابه

- لا والله ماجذب هيج كلت واسال أبو جمره

- اشش هيج حجي ماكو لاتجذبين أنا ماكلت هيج شي

- شنو والله انته كلت قبل ثواني

- ماكو جذب هالكلام ماكلت هيج شي

باوعت لبو جمره بوجهه ضحكه اشرلي لاتهتمين كعد ابو جمره وكعدت بصفه وكبالنه عباس كاعد ع الصينيه وماد رجل والرجل الثانيه سافطها وياكل مثل الموشايف كاله أبو جمره:- اكل عدل لعبتها لنفسي

كال وهوه اللكمه بحلكه وكوه يحجي:- انجب وازقنب

صرنه ناكل ابو جمره يشيل ويخلي كبالي ويكلي اكلي واكلي وعباس كضاها احم واحمم ويقلد ابو جمره من يكلي اكلي

خلصت قبلهم وكمت رحت غسلت ايدي طلعت بوجهي ابو جمره ابتسملي وراح يغسل ايده رحت للغرفه عباس بعده يأكل بده قبلنه ولهسه ياكل كعدت شويه وكام اخذ الاكل وطلع خطيه ياخذ اكل ويجيب مبتلي

اجه ابو جمره ينشف بيده راح جاب القناص وكعد كتله:- شسوي

- اريد افصخه وامسحه

صار يفتح القناص قطعه قطعه شويه ودخل عباس بيده جاي انطه واحد لبو جمره واجه كعد وخلا كلاص كبالي وكلاص اله كال لبو جمره:- اساعدك

- مايحتاج دقايق وامسحه

- اي يطبك طوب لاحتاجيت

صفن بوجهه ابو جمره وهز راسه ورجع يكمل الي بيده عباس دارلي وكال:- اي زمن الدنيا شلونج شخبارج

- زينه

- تعالي نتسولف أنا وياج لبين مايخلص جوجو

ابو جمره:- اكوم اكص لسانك وعلي

- اوي شبيك ماتتحملين شقه جمانه

ابو جمره شال وحده من قطع القناص وضرب عباس بيها واجت بصفحته لزمها وصاح:- اخخخخ يايابه اشتعلت صفحتج يا مطي شبيك ماتتحمل شقه

- مو شقاك ماصخ

- انجب وماعليك

- عباااس

- وجعه امي

كالها ودار عليه كال بعصبيه :- وانتي تعرفين اطبخين يابسه

استغربت:- يابسه شنو ؟

- لابشرفج ماتعرفين اليابسه شنو

- لا والله ماسامعه بيها ابد

-انت تعرفين اطبخين

- اي اكثر الاكلات اعرف اطبخهن

-تعرفين اطبخين باجه

- لا

- جا تشريب لحم

- دجاج اي بس لحم لا

- جا الفاهيه شتعرفين تطبخين

- اعرف التمن والمرك واكلي بتيته واسوي كيك

- اشش لاتعدديلي ذني الاكلات المايكضبن الكلب
اسمعي خيه خلي اعلمج شلون اطبخين اليابسه والباجه

ابو جمره ضحك وكاله:- والله ماتصيرلك جاره

- انت انجب وانتي اسمعي

صار يحجيلي هيج تطبخين الباجه وهيج اليابسه وهيج تخلين وهلكد يبقن ع الناس يبوووو ساعتين وهوه يلغي واباوع لبو جمره كاص بالضحك وهوه يمسح القناص وجهه صاير احمر من الضحك

كمل وكال :- كون هسه عرفتي شلون يضيرن مو عرفتي لو لا

باوعت لبو جمره هزلي راسه بمعنى كولي اي واني هزيت راسي وكلت:- اي عرفت

- جا خوش من نحرر الموصل نجي انا وأبو جمره عليكم وغدانه باجه وعشانه يابسه وها من ايدج لازم تمام

هزيت راسي تمام

وأبو جمره بقى يرزل بي ويضحك وذاك يرده

والله للعصر وأبو جمره دخل وكال:- يلا كومي

- وين

- مو تريدين اطلعين اشمين هوا

- ها اي صدك يلااا

كمت عدلت حجابي وطلعنه كم عسكري جانو كاعدين ودايرين وجوهم ليغاد مشينه اني وأبو جمره لنفس المكان الذاك اليوم رحنه علي اخ اني بس استنشق هوه الموصل الطيب

كعدنه بنفس المكان وكالعاده ابو جمره جكارته بيده وصافن ع وجهي واني توتري يلعب بيه باوعتله ابتسمت كتله شكرا

- على شنو

- لئن طلعتني

- بويه أنا خوما حابسج بس غير الوضع انتي تدرين بي واخاف عليج ماطلعج

ابتسمت:- اي صح الوضع مو زين

كرص خدي بيد وايده الثانيه بيها جكاره كال :- لحم مال الله بويه
صاير بيج لحمايه ولج

ضحكت ولزمت خدي اللخ وكلت:- صدك

- ههههه اي والله أول ماجيتي حتى خدود ماعندج هسه صايرات عندج خدود يخبلن

- ههههه شكرا
اي من جنت يم داعش ماجنت اكل وضعفت حيل

هنا من صرت اكل رجعن خدودي

- الف عافيه بويه اريدج ترجعين لنفس ماجنتي كبل يم اهلج ماشي

هزيت راسي اي

بقينه كاعدين واستغربت عباس لحد الان ماجي كتله:- شعجب عباس مااجه ذيج المره نص ساعه ولحكنه

- والله انا هم مستغرب الا هوه كلشي ولا تفوته لحظه مدري شيسميها

- رومانتيكيه

- هههههههههه اي هاي

- شنو معناها ماعرفها

- لاتعرفينها بويه المعنى بقلب الشاعر عاد الشاعر عباس كلشي اتوقعي منا

-هههههه بس سوالفه ضحك

- اي من كبل هوه كوميدي ويحب يضحك

نص ساعه واحنا كاعدين ابو جمره يدخن وصافن واني اباوع للمكان وشويه نحجي وشويه نسكت درت وجهي شفت عيون أبو جمره متشكلات بعيوني حيل توترت هالمره نضرته غير كل مره ماكدرت افسرها كال وهوه يباوع لعيوني:- دنيا اريد اكلج شي بس لاتفهميني غلط باباتي

- اي كول

- أنا

توه يريد يحجي جان نسمع صوت عباس صاح:- هاااااا ولكم.....يتبع🔥