في صباح اليوم التالي
حور بصدمه :انت بتقول ايه يا حمزه جابر مات
حمزه:ايوه امبارح البوليس ضرب عليه نار عشان حاول يهرب منهم ومات
حور بقلق:وتفتكر سيف هيسكت لما يعرف أنك انت اللي بلغت البوليس
حمزه :اعلي ما في خيله يركبه، ده جبان وكان بيتحمي في اسم وسمعة أبوه الفشنك ولا يقدر يعمل حاجة، هو عارف لو دخل معايا في حرب هو اللي هيطلع خسران لانه مش قدي سواء في الشغل أو برا الشغل
حور تمسك ايده :الاحتياط واجب يا حمزه عشان خاطري خد بالك من نفسك
حمزه:خايفه عليا
حور بتوتر وخجل:لو مخفتش عليك هخاف علي مين
حمزه :الله علي الكلام الحلو
حور:يلا روح شوف شغلك بلاش كلام فارغ
حمزه :كلام فارغ ده هو ده الكلام المهم ، اهربي براحتك بكرا تندم يا جميل 😉
••••••
في المطار
فريد بأبتسامة:يا هلا يا هلا زياد الكومي في مصر واخيرا 😀
زياد :وحشني يا دوك عشت وشفتك عريس وجت اللي تخطف قلبك وتخليك تدخل القفص الذهبي برجيلك والله لحد دلوقتي مش مصدق اني جي احضر فرح فريد الراوي سارق قلوب العذارى 😀
فريد :عارف أني مش هخلص من لسانك ، بس انا كنت اد كلامي قولتلك مش هفتح قلبي غير للي تستاهل حبي بجد ، وريتاج هي البنت اللي كنت بدور عليها ومستنيها من زمان ومش بس خطفت قلبي دي بقيت كل حياتي ومقدرش أعيش من غيرها
زياد:ياااه يا فريد للدرجة دي بتحبها ، أنا عمري ما كنت اتخيل ان يجي يوم واسمع منك الكلام ده أو بمعني أصح اشوفك واقع لشوشتك اووي كده ، ربنا يسعدك يا صاحبي انت تستاهل كل خير
فريد :تسلم يا زيزو يلا مرات خالي ثريا مستنياك بفارغ الصبر هي وخالو مروان عاملين وليمه علي شرف وصولك بالسلامه يا سيدي
•••••
معتز:ممكن افهم ايه الموضوع اللي ميتأجلش اللي جيباني بسببه من الصبح و ميستناش لبليل لحد مانتقابل
شيري تقعد في حضنه وتحضنه : عندي ليك خبر هيفرحك أووي
معتز :خبر ايه ده بقي ان شاء الله
شيري :أنا حامل هتبقي اب يا ميزو
معتز ينصدم ويقوم مفزوع : نعممم يا اختي
شيري بعصبيه :مالك يا معتز اتخضيت كده ليه أنت ناسي اني مراتك علي سنه الله ورسوله ولا أيه وطبيعي نخلف ولا انت مش ناوي تعلن جوازنا زي ما وعدني
معتز :لا منستش أنك مراتي بس انتي اللي شكلك نسيتي ان احنا اتفقنا أننا مش هنعلن جوازنا غير لما أقف علي رجلي وارجع اسم أبويا وشركته في السوق زي الاول وبعدين هنعلن جوازنا قدام الناس كلها ، حبيبتي افهمني ولد يعني مسؤليه وأنا مش جاهز المسؤليه دي دلوقتى وأنا عندي هموم أد كده فوق دماغي، عشان كده لازم تنزلي وربنا يعوضنا بغيره بعد كده فهماني يا حبيبتي
شيري بضيق:اللي تشوفه
معتز بخبث:متزعليش يا حبيبتي ربنا يعوضنا بغيره العمر لسه قدامنا وان شاءالله ربنا يرزقنا بغيره لما نرجع العز بتاع زمان لكن دلوقتي هنصرف عليه منين وهنقول للناس أيه ،أنا مضطر أمشي عندي شغل كثير هعدي عليكي بالليل ونسهر سوا
شيري :😡😡😡
••••••
في المساء
فريده:ممكن أدخل ولا مشغوله
حور:ديده أنتي تدخلي من غير استاذان علي طول
فريده:عامله ايه يا حبيبتى ، بقالنا كثير مقعدناش مع بعض
حور:حقك عليا انشغلت في تجهيزات فرح ريتاج وفريد ومعاكي حق تزعلي مني بس والله غصب عني
فريده:ازعل منك ايه بس يا عبيطه بالعكس ده أنا مبسوطه أن حلمي اتحقق وبقيتي مرات أبني ونورتي عائلتنا ،وريتاج كمان بقي عندها اخت بتحبها وبتخاف عليها ، أنا كنت جايه اطمن عليكي وأسألك تحبي تيجي معايا الجمعيه بكرا بقالك كثير مرحتيش معايا والكل بيسال عنك
حور :والله يا طنط كان نفسي أووي بس فريد لسه قافل معايا وعزمني علي الفطار في النادي بكرا
فريده بأبتسامة حنونه :ولا يهمك يا حبيبتي تتعوض مره ثانيه المهم تخرجي احسن ما تقعدي لوحدك طول النهار في البيت، قوليلي حمزه اتأخر ليه النهارده
حور :اتصل وقال انه هيتعشي هو وزين برا ويلعبوا بلايستيشن مع صحابهم وقالي أبلغكم أنه مش جاي علي العشا
فريده :مفيش فايده فيهم هيفضلوا عيال مهما كبروا وبقوا مسؤلين عن بيت واسره، طيب يلا يا حبيبتي ننزل احنا نتعشي عشان ننام
حور :تمام اتفضلي حضرتك وأنا هحصلك علي طول
♧♧♧♧♧
زين:قولي يا حمزه أخبارك أيه أنت وحور
حمزه:مفيش جديد يا زين
زين :وبعدين يا حمزه معقول بتحبها لدرجه انكم متجوزين بقالكم سنه وهي مش حاسه بحبك ليها ولسه بتعتبرك مجرد صديق ،لحد امتي هتفضل مخبي مشاعرك وتفضل تدي من غير مقابل
حمزه:ومين قالك انه من غير مقابل انا حاسس ان هي كمان بدات تحبني تصرفاتها الفتره الاخيره معايا بتقول انها بتحبني وبتغير عليا كمان بس احساسها انها مش الانسانه المناسبه ليا هو اللي عامل حاجز بيني وبينها ومخليها خايفه تعترف لي بمشاعرها ليا
زين:ولحد امتي يا حمزه ،انا عارف ومتاكد ان حور بنت كويسه جداا وتستاهل كل خير خصوصا بعد اللي مرت بيه بس انت كمان تستاهل تحب وتتحب وتستاهل تبقي مبسوط ومرتاح في حياتك خصوصا بعد تجربتك الفاشله مع هايدي
حمزه:مستعد استناها تحبني زي ما بحبها العمر كله اهم حاجة هي تبقي جمبي ومبسوطه ، ابتسامتها بتحسسني اني ملكت الدنيا ، انا بحبها اووي يا زين ومقدرش اتخيل حياتي من غيرها حاسس انها نصي الثاني اللي بدور عليه من زمان واحساسي بيقولي انها بتحبني بس محتاجة تحس بالامان والثقه أني بحبها بجد وعمري ما هقدر ابعد عنها وقتها بس هتعترفلي بمشاعرها من غير خوف
زين :ربنا يحققلك كل اللي بتمناه يا حمزه انا كل اللي عايزه اشوفك مرتاح ومبسوط في حياتك يا صاحبي
••••
معتز:طمنيني نزلتي البيبي ولا لسه
شيري بضيق:اه اخدت ميعاد عند الدكتوره اخر الاسبوع
معتز:حلو اووي هقوم اعملنا حاجة نشربها عشان نفرفش شويه
معتز دخل المطبخ وطلع حبوب من جيبه وحاطها في العصير وقال بخبث :معلش بقي ياشيري انتي مراتي اه بس متخلقتش لسه اللي تفكر تلوي ذراعي وتخليني اعمل حاجة انا مش عايزها ،وانا عارف ان دماغك سم وحملتي مخصوص عشان تجبريني اعلن جوازنا 😏
معتز بأبتسامه خبيثه :عاملتلك احلي كاس هتشربي في حياتك يابيبي ،في صحتك
شيري:وده بمناسبة اني هنزل ابني بايدي
معتز :وبعدين يا شيري هتزعلني منك ليه بس بيبي ، احنا اتفقنا ان احنا لسه صغيرين والعمر قدامنا بكرا نخلف دسة عيال مش عيل واحد فكي كده واشربي
شيري شربت الكاس وشويه وحست بمغص شديد معتز ابتسم ابتسامه خبيثه ، فجاه في حد خبط علي الباب جامد معتز قام فتح بخوف لقي البوليس
الضابط :انت معتز الغرباوي
معتز بخوف:ايوه انا يا باشا في حاجة
الضابط :اقبضوا عليه وفتشوا الشقه دي
معتز بصدمه وصراخ :يقبضوا عليا ليه يا باشا انا عاملت ايه
الضابط :في القسم هتعرف كل حاجة
ولما البوليس دخل عشان يفتش لقي شيري مغم عليها وبتنزف
••••
حور كانت قاعده بترسم وفجاه حست بصداع ونامت وهي بترسم
حمزه:مساء الخير يا داده فاطمه
فاطمه:مساء النور يا ابني حمد الله علي السلامه
حمزه:الكل نايم مش كده
فاطمه:اه بس مدام حور في المرسم ، تحب احضرلك العشا
حمزه :شكرا انا اتعشيت برا ، روحي نامي انتي يا داده تصبحي علي خير
فاطمه:وانت من اهل الخير يا ابني
حمزه طلع علي المرسم لقي حور نايمه زي الملاك علي المكتب ، اول ما شافها ابتسم وطلع موبيله وصورها بعد كده شالها ونايمها علي السرير ودخل الحمام غير هدومه ولسه هياخد البطانيه والمخده عشان ينام علي الكنبه حور مسكت ايده
حور بنعاس:ممكن تنام جمبي النهارد يا حمزه
حمزه :ممكن
واول ما نام جمبها قربت منه ونامت في حضنه
حمزه : انتي كويسه يا حور؟
حور: حلمت حلم وحش و خايفه اووي وحضنك بيحسسني بالامان لو مضايق خلاص
ولسه هتبعد حمزه لف ايده علي وسطها وحضنها بقوه وباسها في راسها:تصيحي علي خير يا ملاكي 💛
حور ابتسمت بكسوف ودفنت نفسها في حضنه وقالت :وانت من اهله❤
••••
في صباح اليوم الثاني
فريد :صباح الخير
فريده:صباح النور يا عريس تعالي كل معانا
ريتاج:حماتك بتحبك يا فريدو ابسط يا سيدي
فريد:متاكد انها بتحبني ،اصلا ديده دي لو كنت شوفتها قبلك كنت خطفتها من زيزو علي فكره
عزيز:بتقول حاجة يا فريد
فريد:بقول كان نفسي والله افطر معاكم بس انا عازم حبيبة قلبي علي الفطار في النادي واحتمال نتغدا سوا بعد اذنك طبعا يا زيزو
عزيز بابتسامه:مفيش مانع يا ابني طبعا انتوا خلاص فاضل كام يوم وتتجوزوا وأكيد في حاجات كثير عايزين تخلصوها بس متتأخروش
ريتاج:هطلع اجيب شنطتي وننزل علي طول
حور :هههههههههههههه ،اول مره اعرف انك بتكسف يا فريد وشك بقي شبه عصير الطماطم بالضبط
حمزه :هو في ايه مالكم انتوا الاثنين بتضحكوا علي ايه
حور:اصل فريد طلب الاذن من عمو عزيز عشان نطلع نفطر انا وهو بس ريتاج فكرت ان فريد قصده عليها وهو اتحرج وبقي شكله وحش اووي ههههه
حمزه بغضب مصطنع :الله الله وانا اقول صاحيه بدري علي غير العاده ولابسه ومتشيكه عشان تخرجي مع اخوكي
فريد يهمس لريتاج:هو اخوكي اهبل ولا ايه هو ليه محسسني انها خارجه مع الحب القديم مثلا دي خارجه مع اخوها ايه الاوفره دي علي الصبح واحد هيفسح اخته قبل ما يدخل القفص الذهبي فيها حاجة دي
حمزه:بتقول حاجة يا جوز اختي ، وبعدين انت ازاي تسمح لنفسك تقولها حبيبة قلبي وجوزها قاعد ،لما اختك تقولها حبيبة قلبي امال مراتك هتقولها ايه أن شاء الله😒
فريد بمرح:روحي ، حياتي ، قلبي هو انا اللي هعلمك برضو يا زوما ده احنا بنتعلم منك 😀
حور وريتاج بيحاولوا يكتموا ضحكتهم قدام حمزه اللي عينه بطلع شرار من الغيره🤭
حمزه:وانا ليه معنديش خبر بخطتكم العظيمه دي
عزيز:وبعدين معاك بقي ياحمزه انت مكبر الموضوع ليه زي ما يكون فريد وحور اول مره يخرجوا مع بعض
فريده:معقول تغير عليها من اخوها يا حمزه 😉
حمزه باحراج:معاكم حق انا اسف شكلي كبرت الموضوع فعلا ،يلا انتوا عشان متتاخروش علي مشواركم ، خد بالك منها يا فريد ، انا عندي ايميل لازم ابعته ضروري عن اذنكم
••••
حمزه دخل المكتب وهو مضايق من نفسه اووي :ايه الغباء ده معقول غيران عليها من اخوها ، امتي هتحسي بحبي وغيرتي عليكي يا حور بعد ما تجنيني وتخليني أكلم نفسي
فجاه الباب خبط وحمزه جري قعد علي المكتب وفتح اللاب توب
حمزه :ادخل
حور بابتسامه :ممكن اتكلم معاك
حمزه :مرحتوش ليه
حور تدخل وتقفل الباب وراها وتقرب منه
حور:انا خلاص مش هروح معاه وهطلع اغير هدومي وارسم وهو هيروح هو وريتاج
حمزه :ليه في حاجة حصلت
حور؛لا بس انت اضايقت عشان هنخرج وكبرت الموضوع واحرجتني قدام اونكل عزيز وطنط فريده اووي علي فكره ،هيبقي ليا نفس اخرج ازاي وانت زعلان عن اذنك
حمزه :استني عندك
يقف قدامها وينزل لمستواها
حمزه :يعني انا السبب في دموعك دي
حور بدموع:انا مش فاهمه انت ليه اتعصبت كده مع انك انت اللي بتنصحني ديما مقعدش في البيت واخرج ليه اضايقت بقي لما حبيت اخرج مع فريد
حمزه يشلها ويقعد بيها علي الكنبه :بجد عايزه تعرفي
حور تهز راسها بالايجاب :ايوه
حمزه ياخذ شفتيها في قبله عميقه ويقبل كل انش في وجهها بحب وشغف كبير
حمزه بانفاس متلاحقه ونبره عاشقه :عشان انا بحبك اووي يا حور وبغير عليكي اووي حتي من نفسي ، حور انا من اول ما شوفتك وانا حاسس انك اتخلقتي عشان تكوني ليا انا وبس
حتي لما كنت فاكر نفسي بحب هايدي ومش شايف غيرها وانا معاها كنت بشوف ضحكتك انتي قصادي ولما اتخطبتي لمعتز خطبت هايدي عشان انساكي بس اكتشفت اني بعاقب نفسي ببعدي عنك ،لما بتكوني معايا وفي حضني ببقي عايز الزمن يقف عند اللحظه دي وبحس بنار في قلبي لما حد بيكون سبب في ضحكتك وسعادتك غيري،شوفتي بقي انا بحبك اد ايه ❤
حور تحضنه وتقول بدموع:حمزه انا
حمزه :شششس اوعي تقولي حاجة انتي مش حاسه بيها ، انا وعدك اني عمري ما هجبرك تقولي او تعملي حاجة انتي مش حباها بس في نفس الوقت وعدك اني لو في يوم قلبي حب حد هقولك وانا قلبي حبك انتي ياحور من اول لحظه شافك فيها وهو بيدق ليكي انتي وبس وهفضل احبك لحد اخر يوم في عمري وهفضل مستني اليوم اللي تحبيني فيه زي ما بحبك وعمري ما هيأس ،كفايه عندي انك تعرفي اني بحبك وبغير عليكي يا ملاكي
حور تحضنه بقوه :تفتكر انا استاهل انك تحبني الحب ده كله
حمزه :مفيش حد في الدنيا يستاهل قلبي وحياتي كلها قدك يا حور ،انتي غيرتيني يا حور لدرجة اني مبقتش قادر اخبي مشاعري ليكي اكثر من كده
فضلوا شويه حضنين بعض من غير ما يتكلموا
والباب خبط وحور اتوترت اووي
حور بكسوف :ممكن تقعدني علي الكرسي بسرعه
حمزه بمشاكسه:خايفه ليه المفروض انك مراتي وعادي تقعدي في حضني علي فكره
حور :بلاش رخامه قعدني علي الكرسي لو سمحت
حمزه :هقعدك بس بشرط اخد بوسه
حور بكسوف:حمزه
حمزه :وشك مبقاش طماطم ده بقي كاتشب من كثر الكسوف هههههههه
وقام وقعدها علي الكرسي حور باسته من خده
حمزه:ماشي هصبر نفسي بدي وامري لله
الباب خبط تاني ،حمزه بضيق :خش
فريد:انا بس كنت حابب اسأل حور مش هتيجي معايا النادي اخر كلام
حمزه:روح جهز العربيه واحنا جاين وراك
فريد:تمام
حور:انت هتروح معانا النادي
حمزه:كان نفسي والله يا حبيبتي بس عندي طياره كمان 3ساعات مسافر طوكيو يومين عشان الصفقه الجديده، كان نفسي تروحي معايا بس انا عارف وراكم بروفات وشوبنج كثير قبل الفرح بس وعد نجوز جوز المجانين دول ونسافر انا وانتي شهر في اي مكان تختاري
حور :طيب هاجي اوصلك المطار عشان خاطري
حمزه:حبيبتي مفيش داعي تتعبي نفسك ، انا اصلا رايح المطار لوحدي وهسيب العربيه في الجراش ، اوعديني تاخدي بالك من نفسك لحد ما ارجع انا هكلمك كل يوم اطمن عليكي
حور :تروح وترجع بالسلامه خد بالك من نفسك🥰
وشالها وحطها في عربيه فريد
حمزه:تاني مره لما تحب تخرج مع مراتي تاخد اذني انا مش اذن ابويا يا فالح😒
فريد:علم وينفذ يافندم ،اي اوامر تانيه
حمزه :سوق براحه وخد بالك منها كويس
فريد :حاضر متقلقش
ومشيوا وهما في الطريق حمزه بعت لحور رساله《اسف عشان كنت السبب في دموعك النهارده واوعدك مش هتتكرر تاني ابدا ،بحبك يا ملاكي❤😘》
حور ابتسمت بكسوف وكتبت《ارجع بسرعه ،عشان بخاف انام لوحدي ، لما توصل طمني عليك🙂》
♡♡♡♡
حور:ممكن اعرف بقي ايه المفاجاه اللي جايبني عشانها النادي من صباحية ربنا
فريد:هتعرفي دلوقتي حالا اقعدي هنا خمس دقائق وراجعلك علي طول
شويه وحور لقت حد بيحط ايده علي عينيها
حور بخوف :انت مين
زياد :معقول نسيتي ريحة البرفان بتاعتي يا خاينه
حور:لو مقولتش انت مين هصرخ والم عليك النادي كله
زياد شال ايده من علي عينيها ووقف قدامها
زياد:اهدي يا حور ده انا زياد معقول كمان مش عارفه صوتي ونسيتي البرفان بتاعي ده انتي مكنتيش بتجبيلي غيره هديه في عيد ميلادي من كثر ما كنتي بتحبي ريحته عليا
حوربدهشه:زياد انت جيت مصر امتي
زياد بأبتسامه:لسه واصل امبارح وقولت لفريد ميقولكيش عشان اعملهالك مفاجاه ، واضح انها مكنتش مفاجأه حلوه
حور:لا بالعكس انا انبسطت اووي اني شوفتك حمد الله علي السلامه ،اسفه علي اللي حصل بس انت عارف من بعد الحادثه وانا بقيت اخاف من كل اقل حاجة
زياد يبتسم ابتسامه حنونه ويمسك ايدها:ولايهمك يارورو انا فاهم ومقدر كل حاجة ،احكيلي بقي ايه اللي حصل في غيابي عايز اسمع منك فريد حكالي شويه حاجات بس انا عايز اسمع منك كالعاده
حور:هحكيلك أكيد بس قولي عمو امجد وطنط اروي اخبارهم ايه مجوش معاك ليه؟
زياد:هيجوا الاربعاء الجاي ان شاء الله وبيسلموا عليكي كثير وخصوصا ماما طلبت مني ابوسك لحد ما تشوفك ،وانا زي ما انا ما بين البيت والشغل مفيش جديد ،ها احكيلي انتي عنك انا ما صدقت اقتع فريد يروح الجيم شويه عشان نتكلم براحتنا زي زمان احكيلي مبسوطه في الجواز فريد قالي ان العريس اخو ريتاج خطيبته مبسوطه معاه
حور:هحكيلك
بعد شويه
زياد بصدمه :معقول كل ده حصل وازاي متكلمنيش تقوليلي عشان ابقي جمبك مش احنا صحاب وسر بعض ، ده انا كنت بكلمك كل يوم ازاي تخبي عليا قصه وعد ومعتز وازاي تعملي كل ده لوحدك
حور:مكنتش عايزه اشغلك معايا او احطك في مشكله وانت مسافر ، انتقام وعد كان لازم انا اللي اجيبه ،انت عارف وعد كانت بالنسبه ليا أيه
زياد:انا برضو كنت حاسس ان في حاجة لما شوفت صور الخطوبه بتاعتك انتي ومعتز كان باين انك مش مبسوطه ولما سألتك كنت بتنكري وتقولي مفيش حاجة وانك مبسوطه بس انا مكنتش مصدق ، معتز ده طول عمره ثعبان بس انا متفاجأ ان عمتك يطلع منها الشر ده كله دي كان باين عليها طيبه وغلبانه اووي ،مش غريبه انهم سكتوا وعدوا الموضوع خصوصا بعد ما فضحتيهم قدام الناس؟
حور :ومين قالك انهم سكتوا
زياد:تقصدي ايه
حور تفتكر انها شافت عين اللي اتهجم عليها في الاوتيل ومتاكده انها عين معتز🥺
زياد يمسك ايدها :انتي مخبيه عني ايه يا حور قولي عشان ترتاحي
حور بدموع:كانوا عايزين يكسروا عيني ويحطوا شرفي وسمعة بابا في الارض يا زياد 😭😭😭
زياد:ابن الكلب ، انا قولتله ان لو فكر يقرب عليكي او يلمسك تاني هقتله ، من 7سنين سكت عشان وعدت عمو محسن اني مش هقول حاجة وهو وقتها قال انه مكنش في وعيه وهيوديه مصحه يتعالج من الادمان ومفيش داعي نعمل مشاكل بين العائلتين بعد ما اجتمعوا من تاني والحمد الله عدت علي خير وانقذناكي منه انا ويحيي علي اخر لحظه ويومها يحيي كان ناوي يقتله بس مسك نفسه بالعافيه لما عمو محسن وعده انه هيسفره يتعالج ومش هيقربلك تاني ابدا ،بس المره دي موته علي ايدي😡😡
حور بدموع:والمره دي هتسكت عشان خاطري انا يا زياد عشان اخويا ميبقاش قاتل ويضيع مستقيله وعشان ابويا متتكسرش عينه وعشان انا كمان متتكسرش عيني قدامهم وقدام حمزه ارجوك متخلنيش اخسر الحاجة الحلوه الوحيده اللي ربنا عوضني بيها بعد الحادثه ، متكسرنيش انت كمان يا زياد وتخليني اندم اني حكتلك ، اوعدني انك مش هتعمل حاجة وحياة الغاليه عندك لو بتحبها بجد اسكت عشانها وعشاني لو ليا خاطر عندك 😭😭😭
زياد يحضنها وهي تنهار من العياط
حور:انا تعبانه اووي يا زياد عايزه انسي كل اللي حصل وأبدأ من جديد ، انا مبنمش من الخوف احلم بكبوس
زياد:اهدي وخدي اشربي مايه ،طيب هنسيبه يفلت باللي عامله من غير حساب
حور:فاكر عمو امجد كان بيقولنا ايه واحنا صغيرين ، اوعوا في يوم تظلموا حد لان دعوه المظلوم مهما طال الوقت هتترد فيكم ،وانا من وقت اللي حصل وانا بدعي عليهم كل يوم قبل ما انام واكيد في يوم ربنا هيجبلي حقي وحق وعد منه
زياد: طيب امسحي دموعك فريد جاي علينا
فريد:شوفته اللي حصل سجي بتولد ونقالوها علي المستشفي 😀
حور بخضه :انت بتتكلم جد ولا بتهزر
فريد:اه والله خالو مراوان لسه قافل معايا وقالي نروحلهم علي هناك
زياد:طيب يلا بسرعه مستني ايه خلينا نمشي
••••••
حور:ها يا سوسو ولدت ولا لسه
ثريا بقلق:لسه يا حبيبتي يا مسهل
زياد :ان شاء الله تقوم بالسلامه يا كابتن ماجد والبيبي يشرف بالسلامه
ماجد بأبتسامه:شكرا يا زياد حمد الله علي سلامتك ونورت مصر
زياد:الله يسلمك
حور تمسك ايد مراوان :مستعد تبقي جد للمره الثانيه يا ميرو
مراوان :طبعا مستعد ده انا مستنيها بفارغ الصبر المهم تيجي بصحه وعافيه دي اهم حاجة
سليم بفرحه :حوررر
حور :سولي حبيب قلبي تعالى وحشتني فين البوسه بتاعتي
سليم يجري عليها ويبوسها :شوفتي جبنا ايه انا وتاتا لبيبي بتاعه سجي
حور:الله ايه البلونه الحلوه دي أكيد هتعجبها اووي وهتفرح ان اخوها الكبير جبلها هديه حلوه
سليم:اه انا وعمر هنبقي أخواتها الكبار بابا قالي كده
زياد:وحشتيني يا طنط سوزان
سوزان بأبتسامه:وانت كمان يا زيزو طمني اروي عاملة ايه
زياد:بتسلم عليكي جدا لحد ما تشوفك
سوزان :توصل بالسلامه ان شاء الله
سيرين :مبرووك يا كابتن بنت زي القمر تتربي في عزك
ماجد:الحمد الله وسجي عامله ايه ؟
سيرين:متقلقش ولادتها كانت سهله الحمد الله شويه وهننقلها اوضة عاديه وتقدروا تشوفها
سليم بطفوليه:والنونه فين عايز اشوفها يا مامي
سيرين :في الحضانه يا سولي عشان هي جعانه ولازم تاكل
سليم :خالتو ريم عمو نادر تعالوا نروح شوفها
ريم :تعالي يا سولي نروح انا وانت نشوفها ونصورها بالموبيل ونتصور معاها كمان
•••••
ثريا:حمد الله علي سلامتك يا حبيبتي قلقتينا عليكي
سجي بتعب :الله يسلمك يا ماما
ماجد يقعد جمبها:حمد الله علي سلامتك يا جوجو
سجي:الله يسلمك يا حبيبي ، شوفتوا البيبي
حور:لا لسه عريسها راح يشوفها الاول ولو عجبته هيجبها في ايده وهو جاي هههههه
سجي بضحكه:سليم مش كده ، من وانا حامل فيها وهو بيكلمها ويقولها انتي هتبقي صاحبتي انا بس ومش هتلعبي غير معايا
ريم دخلت ومعاها البنوته وسليم: البنوته القمر دي عايزه تسلم علي مامتها وبابها
سجي تاخدها من ريم :بص بنتنا حلوه ازاي يا ماجد
ماجد:طالعه لمامتها
نادر :مبرووك يا حبيبتي كده تكبريني وتخليني خالو وانا لسه في عز شبابي
سجي:الله يبارك فيك يا حبيبي برضو هتفضل حلو وزي القمر
كمال:الف مبرووك يا ولاد تتربي في عزكم
ماجد:الله يبارك فيك يا اونكل
سوزان:مبرووك ليكم ربنا يحفظها ويحميها وتشوفها احلي عروسه ،تتربي في عزك يا مراوان انت وثريا بقيتوا جد وست للمره الثانيه
ثريا :تسلمي يا سوزي عقبال ما تفرحي بعوض حور ان شاء الله
حور بكسوف: قررتوا تسموا البيبي ايه
زياد: اكيد اسم كله رومانسيه ، مش شايفه الحب ولع في الذره ازاي هههه
حور :والله يا ابني قولت كده من بدري ههههه
الباب يخبط والممرضه تدخل :حمد الله علي سلامتك والف مبرووك البيبي ،قررتوا تسموها ايه ؟
سجي تبص لماجد وتبتسم:عشق ماجد المحمدي
الممرضه تسجل الاسم :تمام تتربي في عزكم
زياد وحور انفجروا من الضحك :يا عيني علي الرومانسيه هههههههه
فريد:تصدقوا بالله انتوا قمه في البرود، سيبك منهم يا سجي الاسم حلو جدااا تتربي في عزك يا ام عشق
سجي:تسلم يا فريد :والله انت الوحيد اللي بتفهم، مقولتليش يا سولي أيه رأيك في أخنك وصاحبتك الصغيره
سليم:حلوه أووي يا سجي أنا بس اللي هلعب معاها لما تكبر ومش هخلي حد يزعلها أبدا
زياد يخدها من سجي:بسم الله ما شاء الله دي قمر مش شبه ابوها ولا امها سبحان الله انتوا متاكدين ان دي بنتكم بجد 😀
حور اول ما تشلها تبتسم:اهلا اهلا بالحلوه نورتي الدنيا يا عشق ،تتربي في عزك يا جيجي
سجي :ربنا يخليكي يا رورو عقبالك🤩
زياد :طيب يلا نتصور مع البيبي كلنا
••••••
في المساء
سوزان :اطلعي ارتاحي شويه يا حبيبتي عقبال ما سحر وبدور يجهزوا العشا
حور:تمام اصلا اوضتي وحشتني اووي
كمال:وانتي وحشتينا اووي يا حبيبتي البيت مضلم من غيرك
حور تحضنه:حبيب قلبي انت يا كموله
يحيي :حمزه هيرجع امتي من السفر
حور :كمان يومين ان شاء الله
كمال :يرجع بالسلامه ان شاء الله انا قولت لعزيز انك هتقعدي معانا لحد ما يرجع بالسلامه وهو رحب جداا ومعندوش مانع
حور:اتفقنا يا جميل 😘
يحيي :يلا يا حبيبتي اطلعك علي اوضتك
••••
حور بفرحه:الو
حمزه:وحشتيني ❤
حور بكسوف :وانت كمان
حمزه:وانا كمان ايه
حور:شوفت سجي ولدت بالسلامه جابت عشق
حمزه:عارف ريتاج قالتلي واتصلت بماجد وسجي باركتلهم قالولي انكم لسه ماشين ، عقبالك لما تبقي احلي مامي في الدنيا ويبقي فيه بنوته نسخه منك قمر كده
حور بكسوف :شوفت صديق طفولتي وابن خالة سجي في نفس الوقت رجع من السفر عشان يحضر فرح فريد وريتاج انبسطت اووي لما شوفته في النادي النهارده فريد عمالي مفاجاه بالاتفاق مع زياد
حمزه بغيره:زياد ده اللي كان واقف وراكي في الصوره اللي نشرتيها علي الانستجرام ومنشجح اووي
حور:علي فكره هو طيب اووي متاكده لو اتعرفت عليه هتبقوا صحاب ، المهم اخبار الشغل ايه طمني
وفضلوا يتكلموا لحد ما حور كبس عليها النوم وهي معاه علي التليفون
حمزه:حور انتي سمعاني
حور بنعاس :اه بس نعسانه وعايزه انام
حمزه بأبتسامه:طيب يلا نامي تصبحي علي خير بحبك
حور بنعاس:وانت من اهله وانا كمان
حمزه بفرحه :انتي قولتي ايه
بس ملقاش رد وعرف انها نامت وسابت التليفون مفتوح واكيد مش فاكره اخر حاجة قالتها وعلي قد ما فرح علي قد ما حس بخيبة امل
♧♧♧♧
في صباح اليوم التالي
كمال:طمني يا متر ايه الاخبار
المحامي :لسه خارج من النيابه حالا واتحكم عليه مؤبد مع الشغل ، الادله كله ضده واتحكم عليه من اول جلسه زي ما توقعنا
كمال:تمام شكرا ليك يا متر تعبناك
المحامي: انا في الخدمه يا كمال بيه
كمال يبتسم ابتسامه خببيثه :تعيش وتاخد غيرها يا معتز الكلب لسه ما اتخلقش اللي يحاول يمس شرف بنتي ده انا انسفه من علي وش الارض☹
فلاش باك
سليمان:كمال بيه في حاجة حصلت عايز احكيلك عليها
كمال :فيه ايه يا سليمان حور حصلها حاجة
سليمان:حور هانم في حد حاول يتهجم عليها من شويه الحمد الله هي كويسه لحقتها في الوقت المناسب بس الندل هرب مني في الزحمه بس انا قدرت اجيب كاميرات المراقبه بتاعه الاوتيل في الوقت ده وللاسف طلع معتز بيه ابن اخت حضرتك
كمال بعصبيه وصراخ :انت بتقول ايه انت متاكد
سليمان :بعت لحضرتك فديو كاميرات المراقبه اللي باين فيها وش معتز بيه وهو بيهرب من اوضه حور هانم من الشباك ،
بس انا شاكك في سعاد الممرضه اكيد هي اللي عرفته بوجدنا في شرم لانها النهارده بالذات تصرفاتها مش طبيعيه ومتوتره وقبل ما يحصل اللي حصل كانت بتحاول تغريني باي طريقه عشان تبعدني عن اوضه حور هانم
كمال:اسمعني كويس حاول تعرفلي اسم مدير الفندق ضروري وانا هكون عندك بكرا الصبح وعينك علي اللي اسمها سعاد لحد ما اجيلك اوعي تخليها تقرب خطوه واحده من بنتي فاهم
سليمان :اوامرك كمال بيه
كمال:حور متحسش ولا تعرف حاجة واضح
سليمان:تمام سيدك
في صباح اليوم التالي
سليمان :حمد الله علي السلامه كمال بيه
كمال:حور فين دلوقتي
سليمان :بتفطر هي وحمزه بيه علي البسين جنابك وكله تمام زي ما سيدك امرت بالضبط حور هانم متعرفش حاجة قولتلها انه هرب مني وملحقتوش وهي طلبت ان محدش يبلغ حمزه بيه باي حاجة من اللي حصلت
كمال:اللي اسمها سعاد فين
سليمان :في اوضتها
كمال:عرفتلي اسم مدير الفندق ده
سليمان:حصل اسمه رفعت الدمنهوري واخدلك ميعاد معاه بعد ساعه من دلوقتي
كمال:عظيم روح انت عند حور واوعي تحس بحاجة ، وانتوا تعالوا ورايا
••••
في اوضة سعاد
سعاد بتفتح الباب بصدمه ورعب :كمااال بيه
خير في حاجة
كمال بأبتسامه غاضبه يدخل هو ورجالته ويقفله الباب وراهم
كمال:ايه يا سعاد وشك بقي اصفر ومش علي بعضك من ساعه ما شوفتيني
سعاد بتعرق وتوتر :هاا لا ابدا اصلي اتفأجات لما شوفت حضرتك مش اكثر
كمال :طب اقعدي واقفه ليه ارتاحي ،ياااه نسيت تليفوني في العربيه ممكن تليفونك اعمل مكالمه ضروري
سعاد بفزع : اه طبعا التليفون كله تحت امرك 😲
ومسك كمال موبيل سعاد وبدا يفتش فيه
واتصدم من اللي شافه لانه كان فاكر انها جاسوسة معتز لكن اكتشف انها جاسوسة اخته وبتحكيلها علي كل حاجة تخص حور من اول ما دخلت بيته بعد الحادثه ، وشاف الرسايل وسمع الريكوردات اللي ما بينهم علي الوتس يوم ما معتز اتهجم علي حور الصبح وهي بتقولها ان معتز علي وصول وان لازم باي طريقه تفضيله اوضه حور بليل وتلهي سليمان وتبعده عن اوضتها باي طريقه ووعدتها لو الخطه مشيت زي ما هما راسمين هتتيها مبلغ متحلمش بيه كمان سمع تهزأها ليها لما خطتهم فشلت وتوصيتها ليها انها تفضل جمب حور وتنقلها اخبارها هي وحمزه لحظه بلحظه
كل ده وسعاد مصدومه ومرعوبه وبتحاول تاخد منه التليفون باي طريقه بس الحراس مسكوها وهو عينه كانت بطق شرار من اللي سمعه وشافه وفجاه ضربها قلم ووقعت علي الارض
سعاد:ابوس ايدك يا سعادة البيه انا مليش ذنب عايده هانم هي اللي طلبت مني اعمل كده ووعدني هطلع اخويا من السجن وتصرف علي علاج امي المريضه ، سامحني يا كمال بيه انا والله لولا الحوجه للفلوس مكنتش عاملت كده ابدا والله العظيم
كمال بعصبيه يمسك وشها :قوليلي يا بت اذيتي بنتي في حاجة حطتلها دوا كدا ولا كده انطقي
سعاد تهز رأسها بالنفي بخوف:والمصحف الشريف ابدا كل اللي الاتفاق اللي كان بيني وبين عايده هانم اني انقلها اخبار حور هانم بالتفصيل واخر حاجة كانت من يومين طلبت مني ادخل معتز بيه اوضة حور هانم بس والله ما كنت اعرف هما ناوين علي ايه وحياة ابني
كمال :خيري وريها الفديو
سعاد اول لما شافت الفديو اتصدمت ووطت علي رجل كمال وباستها بدموع :ابوس رجلك يا كمال بيه الا امي وابني هما ملهمش ذنب انا خدمتك اعمل فيا اللي انا اللي انت عايزه بس سيبهم
كمال:وبنتي كان ذنبها ايه لما حولتوا تاخدوا شرفها وتدمروا مستقبلها هااا😡
سعاد بدموع :والله العظيم ما كنت أعرف هما ناوين علي أيه احلفك بأيه عشان تصدقني
كمال :طيب ماشي هصدقك وهسامحك كمان مقابل شرط واحد لو عاملتيه اللي هطلبه منك امك وابنك هيرجعولك بالسلامه لكن لو لعبتي بديلك انا قادر انسف امك وأبنك من علي وش الارض ومخلكيش تعرفيلهم طريق طول حياتك
سعاد :أنا تحت أمرك هعمل كل اللي تقولي عليه
باااك
باب مكتب كمال خبط ، كمال بشرود :ادخل
سحر:كمال بيه الفطار جاهز والكل مستني حضرتك في اوضة السفره
كمال :طيب يا سحر روحي انتي وانا جااي حالا
☆☆☆☆
كمال يبوس حور :نورتي بيتك يا حبيبتي
حور تحضنه:منور بيك يا حبيبي
فريد:جو العشق الممنوع مش لا يق عليكوا خالص بصراحه
كمال يضرب فريد علي ظهره :بطل بواخه يا واد واقوم من هنا وأقعد اختك جمبي عشان اختك وحشاني
فريد :أنا كنت عارف اني مش ابنك علي فكره ولاقتوني علي باب جامع
الكل:ههههههه
كمال :مفيش فايده فيك هتتجوز وهتبقي مسؤل عن بيت وزوجة ولسه دماغك زي الاطفال بالضبط
فجاه سمعوا خبط جامد علي الباب الكل اتخض
سوزان بخوف :مين اللي بيخبط كده خير اللهم اجعله خير
عايده تدخل بدموع وانهيار :الحقني يا كمال حكموا علي معتز مؤبد زور وظلم ابني انا عايزه ابني وكل احسن المحامين عندك يدفعوا عن ابني انا مليش غيره😭😭
سوزان:اهدي بس يا عايده وفهمينا براحه معتز اتقبض عليه امتي وليه
عايده :من يومين الشركه اللي كان مشركها طلعت شركه وهميه وملهاش وجود حتي اسم صاحب الشركه طلع مزور وضحك علي ابني وادله شحنة مواد غذائيه فاسده ومش بس كده دول كمان لقوا فيها مخدرات وسلاح وأتهموا معتز بالتهريب والاتجار في السلاح ده غير شحنة الاغذيه الفاسده ، والادله كلها ضد ابني وحد سرق ورق الشراكه اللي بينه وبين اللي اسمه سامح وحط بداله ورق بأسم معتز يثبت انه هو بيتاجر في المخدرات والسلاح
كمال يضحك بخبث ويمسك الموبيل ويبعت رساله《عفارم عليك يا طاهر خطه ممتازه عدي عليا في الشركه عشان تاخد اللي اتفقنا عليه😏》
عايده وياريتها جت علي اد كده وبس دي كمان المخفيه اللي اسمها سعاد اللي كانت ممرضه حور قدمت فيه بلاغ وقالت انه اتهجم عليها في اوضة الاوتيل وقدمت فديو للنيابه فيه واحد شبه معتز بيخرج من شباك اوضتها لما كانت في شرم مع حور
حور اتصدمت من اللي سمعته وقالت في نفسها 《ازاي ده يومها معتز اتهجم عليا انا في اوضتي ليه سعاد عملت كده😲》
عليا :وفي بنت اسمها شيري عملت فيه محضر وقالت انها مراته رسمي علي سنه الله ورسوله ولما عرف انها حامل سقطها بالعافيه وقدمت للنيابه قسيمة الجواز وتسجيلات كاميرت بيتها اللي مصوره وهو بيحطلها حبوب الاجهاض في العصير يعني كمان قضية محاولة اجهاض بالعافيه
عايده:واتحكم عليه مؤبد النهارده وخدوا علي السجن ، حسبي الله ونعم الوكيل في كل واحد افتري علي ابني زور ربنا ينتقم منهم
كمال يفقد سيطرته علي نفسه ويضرب عايده بالقلم
الكل اتصدم من رده فعل كمال واللي عامله 😱
كمال بعصبيه:ربنا هو اللي زيك يعرف ربنا وبيخاف منه ، اللي الحقد والانتقام والغيره يعميها لدرجة انها تفكر تشوه شرف بنت اخوها وتخلي ابنها يتهجم علي بنت خالو ويحاول يعتدي عليها ويشوه سمعتها وشرفها قدام الناس عشان شويه فلوس يبقي متعرفش ربنا أو بتخاف منه ومن عقابه 😡😡😡
فريد بعصبيه:أنت بتقول ايه يا بابا معتز حاول يتهجم علي اختي 😡😡😡
عايده بصدمه وخوف :انت اتجننت يا كمال ازاي تفكر ان انا او حتي ابني ممكن نعمل كده في بنتك ازاي تتهمنا اتهام زي ده 😰
حور تنهار من العياط في حضن سوزان
يحيي يجري عليها ويشلها وياخدها في حضنه :اهدي يا حبيبتي انا جمبك ومش هسيبك محدش هيقربلك طول ما انا معاكي انتي في حضني خلاص اهدي
سيرين:خدي يا حبيبتي اشربي حباية المهدئ دي هتبقي كويسه
حور بهستريا :لا مش عايزه انام
سيرين :مش هتنامي يا حور دي هتهدي حالة التشنج اللي عندك بس
يحيي :حور يا حبيبتي خديها عشان خاطري
عايده :اه انا كده فهمت بنتك افترت عليا انا وابني ولعبت عليك اللعبه دي وانت صدقتها مش كده
كمال يضربها بالقلم ويشدها من شعرها :انتي لسه ليكي عين تكدبي كمان انتي طلعتي حربايه زي امك الله يرحمها اللي ابويا اتجوزها بعد ما امي ماتت عشان تربينا انا وأخويا جمال اول لما دخلت البيت لعبت علينا دور الملاك البرئ سنين لحد ما خلفتك وطمعها ان الثروه تبقي ليكي لوحدك خلها تحاول توقع بينا وبين بابا وتعمل مشاكل بينا علي طول وللاسف خطتها جابت نتيجة وقدرت توقع بين بابا واخويا جمال لدرجت انه ساب البيت وسافر ، بعدها امك فضلت تحاول توقع بيني انا وبابا بس للاسف كل مره كانت خطتها بتفشل لحد ما يئست انها تقدر تفرق بينا وبعد سنتين بالضبط جالها سرطان وماتت
بس قبل ما تموت حكت لبابا علي كل اللي عملته وطلبت منه يسامحها فضل بابا يدور علي جمال لحد ما لاقي وأتصالحوا بس مرضاش يرجع البيت عارفه ليه قالي انه في يوم من الايام هتبقي زي امك وتوقعي بينا عشان مصلحتك بس انا يومها مصدقتوش قولتله لا مش ممكن ده انا اللي مربيها ومستحيل تعمل كده بس صحيح العرق دساس ومترمش فيكي التربيه وطلعتي خداره زي امك وغلاويه زيها ، لدرجة انك حاولتي تتعدي علي شرف بنتي وبدل ما تعلمي ابنك ان دي شرفه وعرضه والمفروض يحميها ويحافظ علي شرفها وعرضها زي اخته خلتيه هو اللي يتعدي علي شرفها وعرضها بنفسك 😡😡😡
بس شكلك نسيتي أن اللي بيفكر يلمس شعره واحده بس من ولادي بنسفه من الوجود اي كان هو مين 😡
وزي ما ربيت تعبان في حجري اعرف ازاي اقطع راسه لما يتمرد عليا ويفكر يعض الايد اللي ربيته ، كنتي فاكره نفسك هتكسري عيني وعين بنتي قدام الناس بس خطتك قلبت عليكي وعلي ابنك ، وابنك بقي في نظر الناس كلها مغتصب وتاجر مخدارت وسلاح وكمان بيتاجر في اغذيه فاسده يعني مستحيل يشوف الشمس مره تاني لأبعد من حيطان السجن هو ده عقاب اللي يفكر يدوس علي طرف لاولاد كمال الراوي ، اتعلمي الانتقام والتخطيط الصح يبقي ازاي علي اصوله 😏
عايده بصدمه:يعني انت اللي عاملت كده؟
كمال بغضب :أيوه أنا ولولا اني خايف علي سمعة ابويا الله يرحمه وسمعة عليتنا اللي انتي معملتيش حسابها كان زمانك بتونسي المحروس ابنك في السجن لو كنت سلمت الرسايل والتسجيلات اللي بينك وبين سعاد للنيابه وبتتفقي معاها تفضي لأبنك الطريق عشان يدخل ويعتدي علي بنتي بس وقتها كانت سمعة بنتي هتضر عشان كده حولت اللعبه علي ابنك وخليت سعاد تتهمه انه حاول يعتدي عليها مقابل فلوس اكثر من اللي اتفقت عليها معاكي مش بس كده انا كمان وعدها اني هتكفل بمصاريف علاج امها ودراسة ابنها وكمان وكلت محامي يمسك قضية أخوها ، بس موضوع اللي اسمها شيري ده مليش علاقه بيه واضح ان ده عقاب ربنا ليه علي اللي عامله في وعد الله يرحمها
عايده بعصبيه :وعد مني يا كمال لأحسر قلبك علي بنتك زي ما حسرت قلبي علي ابني وحرمتني منه وبكرا تشوف😡😠
كمال يمسك وشها :لو فكرتي تقربي من بنتي تاني هيكون اخر يوم في عمرك انتي فاهمه ، خيري بكر ارموها برا واوعوا تخلوها تعتب البيت ده مره ثانيه انتوا فاهمين
الحراس يمسكوها ويطلعوها برا :الايام بينا يا كمال وهتشوف مش هسيبك وهاخد حق ابني منك لو بعد 100سنه
كمال:استني يا عليا ، انتي بنتي وبيتي هيفضل مفتوحلك في اي وقت ، وقت ما تحتاجينا هتلاقينا كلنا جمبك انتي بالذات أمانة محسن الله يرحمه وغلاوتك من غلاوة حور عندي اتفقنا
عليا تحضنه وتبكي بأنهيار :ربنا يخليك ليا يا خالي وميحرمنيش منك 🥺
عليا تروح عند حور وتحضنها: اسفه علي اللي حصلك بسبب امي واخويا وتأكدي ان ربنا خدلك حقك مني علي اللي عاملوا فيكي
حور:يعني أيه
عليا :بكرا هتفهمي
بعد ما عليا مشيت كمال حضن حور ، حور كانت مكسوفه تبصله
كمال بنبره حنونه:ارفعي راسك بنت كمال الراوي متوطيش رأسها لاي حد حتي لو كان ابوها فهماني يا حبيبتي
حور تحضنه وتبكي بدموع :انا بحبك اووي يا بابا ربنا يخليك ليا وميحرمنيش منك ابدا
كمال:وانا بمووت فيكي يا روح قلب بابا
قرب الفجر
سيرين صحيت ملقتش يحيي جمبها قامت تشوفه
سوزان :خير يا بنتي ايه اللي مصحيكي دلوقتي
سيرين :قلقت ملقتش يحيي جمبي معرفش راح فين
سوزان بأبتسامه:تعالي وانا أقولك
سوزان وسيرين دخلوا اوضة حور ، سيرين ابتسمت من اللي شافته
كان يحيي نايم جمب حور وحاضنها وفريد كمان كان نايم جمبهم وحاضن حور وهي نايمهةبينهم في النص🤩
سوزان بأبتسامه:من صغرهم لما كانت حور تسخن ولا تتعب كانوا هما الاثنين ينموا جمبها للصبح لحد ما حرارتها تنزل واللي حصل النهارده كسرهم هما الثلاثه وخصوصا يحيي لانه بيعتبر حور بنته مش أخته واكيد حس انه قصر في حقها
سيرين تطبطب عليها :متقلقيش يا طنط طول ما هما جمب بعض كده هيتجوزوا اصعب بالمشاكل بفضل حبهم وخوفهم علي بعض ❤
سوزان :ان شاء الله يا حبيبتي🙂
•••••
بعد يومين
حور بأبتسامه:يلا يا فريد هنتأخر علي المطار زمان الطياره علي وصول
فريد:جاي أهو مش فاهم انتي مستعجله علي أيه للدرجه دي حبيب القلب وحشك ومش قادره علي بعده 😉
كمال :اتلم يا زفت ، صباح الخير يا روحي حمزه عارف انك هتستقبلي في المطار يارورو
حور بأبتسامه:لا يا بابا حبيت أعمله مفاجأه
سوزان:أكيد هيفرح أووي لما يلاقيكي جايه تستقبليه
سليمان :تحبي اوصلك العربيه يا حور هانم
يحيي:عنك انت يا سليمان انا هوصلها ، ممكن تفتحلي باب العربيه
سليمان :طبعا يا يحيي بيه
يحيي يوصلها العربيه ويقول لفريد :سوق علي مهلك وخلي بالك من اختك مفهوم
فريد:علم وينفذ يا باشا متقلقش كله تحت السيطره ثق فيا
يحيي :ياخوفي من الثقه الزيده دي استر يارب
وركب فريد ومشيوا من الفيلا بس كان في حد ماشي وراهم
••••
فريد:انا نازل اشوف الطياره وصلت ولا لسه وهرجعلك تاني
حور :طيب ممكن تنزلني زهقت من قاعده العربيه عايزه اشم هواا
فريد :ماشي يا ستي تعالي هقعدك هنا عقبال ما اروح اشوف حبيب القلب وصل ولا لسه
حور:ماشي خد بالك وانت بتعدي الطريق
•••••
حور كانت قاعده بتتخيل رده فعل حمزه لما يشوفها
عايده:انتي ليكي عين تضحكي بعد ما ابني مات بسببك
حور بصدمه:معتز مااات
عايده بعصبيه : مثلي عليا انك متعرفيش انه انتحر النهارده في السجن بسببك
حور :انا فعلا مكنتش اعرف انه مات
عايده: زي ما ابني مات بسببك انتي كمان لازم تحصليه وكمال يفضل عايش طول عمره بحسرته علي بنته زي ما انا هعيش طول عمري متحسره علي فارق ابني 😱
نهاية الفصل 12🙃
قولولي رايكم في الفصل وتوقعاتكم للفصل الجاي🤩
متنسوش التصويت فضلا 🥰
اشوفكم الفصل الجاي💖
#لولا الشريف💛