#أثارة العيون.
بقلمي : ليال
الحلقه_1_
نبديها بتصويت يـلا حبايبيي
كيف ليعيناك أن تكون حادة وقاسيه
الئ تلك الدرجة والله اقسم ان رأيت
سهاماً تخرج منها وتخترق قلبي
مت بك عشقا وهوساً ومرضاً
__ __ __
السـاعه 5:00 صباحاً فـي أحد بيـوت يملئها الرخـام
وتعلو بـها أصـوات حميمه بلرخاء أصوات عزف العصافـير
الفجريه
فتـاة ڪَ سـيف راخـي يصمد أن بدء عِداد الساحـات
المُلاجمه للـقتال النفسي
كعدت الصبح ع صوت العصافير باوعت كدامي
أستقبل أفكاري حتى تترتـب.
يياي أول يوم الي بلجامعه نهضت بحماس بدلت ورتبت نفسي لبست بشت صفنت ؏ لمرايه البس هلبشت واني احب البس عبايه ؏ الرأس بس بقيت محتاره
:- يلا البس البشت وانجب
صفنت شويه اني اكو شي محمسني اكثر من الجامعه
خليت ايديي كدامي وضحكت بفرح
تذكرت بابا كال :- اول يوم الج بلجامعه الصبح تلكين هديتي باب لبيت
زين شنو ركضت فتحت الباب لكيته واكف بس هوا بلباب بقيت صافنه بي
مدلي ايده بيها علبه صغيره
:- صباح الخير داد
رحيم: صباح الخير بويه ألين اخذي تذكرين شوعدتج
اخذتها منه فتحتها وانا شارگه حلگي شرگ ضحكت متفاجأة
ألين :- شنو هاييي بابا صدك ولله
:- وداعتج صدك
حضنته وبقيت ابوس بيي مو معقوله شكد احب سيارة بابا وجنت اتمنئ ينطينياها بس اني مكايلتله شون عرف لو شون
:- بابا هاي سيارتك ترا
رحيم -: ااففاا وماتغله عليج سمعتج مرا تتعاركين انتي وعبد الرحمن ؏ سيارتي وفكرت انطيجياها بس بوقت تخرجج علمود تروحين وترجعين لجامعتج بيها ومتطلعين بيها لغير مكان خوش
:- حاضر حاضر بابا شكد احبك ربي يدومك الي
بعدها هوا دخل جوا وبقيت أباوع عليها يعني اليوم اروح بيها اني متعلمتلها بابا علمني ؏ لسياقه
اخخ واخيراً راح ادخل كلية القانون واكسر عيونكم ولله يا اقاربي لي طلعتو الف اشاعه عليه لحتئ اترك لدراسه وامشي ورا تقاليدكم
سميت بالله وصعدت بلسياره وانتظرت بابا يجي اجه واني اشكر بالله واتمنئ يمر يومي ؏ خير اعرف اذا فرحت من لصبح راح تطلع من خشمي وصلني للجامعه
نزلت حجه بابا :- بعد بنيتي كدها ورفعة راسي روحي قدمي قبولج واني رايح واجيج ؏ لوقت
هزيتله راسي واني فرحانه
بقيت اباوع ورا بابا اشوو دخل ؏ الجامعه لمقابيل جامعتي هاي شخصه شديسـوي مافكرت من الحماس دخلت أقدم الاوراق دكيت الباب
الاستاذ: تفضل
ألين: السلام عليكم أستاذ
:- وعليكم وعليكم تفضلي بويه
صفنت بي صح جبير بسس كلشش مرتب وانيق
قدمت الاوراق هز راسه :- هاي هيه بويه احسنتي تكدرين تروحين
طلعت من يمه بقيت واكفه كلشي ماعرف بعدني دخلت للمحاضرات واني كلشيي مافاهمه اطرش بلزفه ضربت اخر محاضره وطلعت للكفتريا
طلبت عصير احس نفسي اختنكت طلعت من لكفتريا
ما احس اله واني اندفع باوعت اشوفلك لبنات يتصايحن
:- اجهه اجهه بنات عدلن روحجن
بقيت مفهيه منو الاجه هزيت ايدي بلماعاجبي ضربتني بنيه بكتفي تحجي وتغمز :- شفتي شفتي هلكيك ها
عكدت حواجبي -: عفواً عن ايي كيك تقصدين
أشرلتي ؏ واحد شفت بس ضهره يمشي بهيبه وضخم شوي ويفر بلسبحهه بيده
رديت : وشبي مشايفات شنو
جاوبتني وهيه معاجبها :- اووي لعياره نافخه روحج عليمن ولله سالب عقول كل بنات لجامعه مو نوب انتي تتمعيرين عليه عود ولله مشايفات ومدري شنو خيه كلحنهه مثل لشي هوا انتي جديده شنو؟
ألين : يس عيني جديده ومتلوكلي هلسخافات جايه ادرس ما جايه اهوبز ؏ هاذه وهذاك
ردت: من نهجم بيتج ليشوفج يكول بنت لوزير وميعجبع لعجب عود شوفوني اني ماهتم كولي تحجين هيج الان. ماكلبج لا لا تخافين بعده ماشايفج ههههههااااييي
ألين-: شوفي عاد كلش مالي خلكج مو بنت لوزير بس احسن من ما اكون مثلج مضيعه نفسي بسوالف بايخه مثلج
اجت صديقتها تصييح بأسمها :- دُننياااااا وين..
قطعت سالفتها وحجت من شافتني :-شنو هاي مشتده محتاجه مساعده احطها الج جواي ونبلش بييها
دُنيا: اي ولله هاي كله خلك ك*** وجاي تتعيقل براسي ولله تكول اني شريفه وماعندي سوالفجن وهيه كل لبله بيها
؏ صياحها وعلو صوتها التمن صديقاتها يسألن بيها وحده ترفع ووحده تكبس ولله الان ما عجبني الافندي مالتهن
حجت وحده : ولله وكتت خله وحده مجعوصه تتعيقل براسيي خاب دروخي ولله نحطج بلكاع وندوسج بلقنا..
بعدهه ممكلمه رديت :- هووب هوب هوب اشو دستي رونن سايد ترا تولين منا لا اسويج تشريب انتي وجلابج هاي واشمرجن للجلاب
دُنيا : كتلجن هيه رايدتها من اول يوم الها اشو تعالي
تقدمت تفرع بردان بدلتها
مديت ايدي وحجيت :- اذا تشوفين نفسج مرة فكري تطخين اضفر ايدي ترا كفي شري مو اقل شر منجن
دفعتني وحده من لبنات ما احس اله وايدين لزمت ايديي ونضربت بصدر جنه حايط مو صدر بگد ما صلب ماشفته منو اصلا ودرتت وجهي ع الشمرتني
جبتها بدفره بّطنها خليتها تتلوهه من الوجع اجتي دُنيا مدري منو رادت تتهجم عليه
ضربتها بمرفق ايدي ؏ صدرها وانا اروح من يمهن صارت كدامي الي كالت عليه مجعوصه مو محجبه جريتها من شعرها وانا امشيي كذالك
طبب بلكاع نلزگت ولا درت وجهي وشيصير خليصير سمعت الطلاب تضحك عليهن درت وجهي واني اكعد ؏ لكرسي منتظره ابوي يجينيي شفتهن كلهن ركضن للحمامات شويه واجه ولد
:- الاستاذ يريدج
هزيت راسي ورحت دكيت الباب سمحلي ادخل
ألين :- تفضل أستاذ سمعت طالبني ؟
-: شهلسلوك يابنتي من اول يوم الج هيج تسوين باجر ان شاء لله نشوف الجامعه محتركه ها؟
ألين -: أستاذ ولله هنه لي تعرضلي واني فقط دافعت عن نفسي
-: بس هاي انتِ صل وهنه الي متأذيات
ألين : يعني أستاذ اله اتأذه يلا تصدكون اني حميت نفسي
الأستاذ: بويه ميصير هلشي ومن اول يوم الج لمفروض افصلج هسا بس مبين عليج حبابه ومؤدبه وتعبتي وسعيتي حتئ توصلين لهلمرحله وهسا شلون بله ماكدر اعوفج بلا عقوبه
-: أستاذ ولله واكفه بسبيل حالي وهنه لي اجني ليه
شبك ايد بأيد وكال
-: اريد أثبات
كلت بگلبي هسا اني اروح احمي روحي لو ادور اثباتات ولله يالله
بقيت ساكتـه وهو ساكت منتظر مني الجواب حجيت
ألين :- وهسا تسمحلي اروح اهلي منتظريني اطلع
-: مفصوله اخذي هاي لورقه وياج
بقييت مصفنه ليش ميصدك
ندك لباب كال تفضل وأشرلي اطلع تقربت اخذت الورقه
دخلت بنيه شابـه ملامحها بارزه وسمره مو حيل سمره
بس حنطيه : - لو سمحت أستاذ اريدها تبقه اني شاهده ؏ المشكله لصارت برا وهيه ما الها دخل هنّ عترضـن طريقها الان جديده وتعرف هلمجموعه شكد وكحات ويخلقن المشاكل
ابتسملها وهز راسه دار وجهه عليه :- تمام بابا تعالي باجر ؏ لوقت وبدون مشاكل
تشكرت من لبنيه والأستاذ وطلعنه سوا نمشي
- شنو اسمج
-: ألين وانتي ؟
-: حوراء ،تشرفت بيج عمري
ألين : ليش ساعدتيني
ضحكت وكالت-: النساء للنساء
ستأذنت منها لكيت بابا واكفلي رحتله اركض اشرلي بيده امشي مشي
ألين -: هلو بابا
رد عليه واشوف وجهه مايطمن :- هلا بابا
صعدنـه بلسياره وبابا يسوق يمشي وبس يستغفر واني بألف ياعلي اريد اوصل للبيت
وصلنهه نزلت واسمعع هوسه وعياط بس مو كلش عالي وصلت باب بيتنه يلا سمعته عدل دخلت
شفت امي يمها جنط ثلاثه واخوي لصغير يبجي يمها وهيه هم عيونها حمر بقيت واكفه يم الباب اسمع ابن خالي يكول لأميي
:- يلا عمه كملتي
اختي واكفه بزاويه لمطبخ دخل بابا من ورايه
حجيت واني مافاهمه شي :- شكاعد يصير شنو يله عمه وين ان شاء الله خير شبيها امي بابا
مارد عليه عاطت امي :- احجي ما تحجي ، اني اكلج ابوج متزوجج علييه متزوج عليه واخوانج بطولج من ابوج
درت وجهي لابويه :- شهلحجي شنو هايي احجي باباا احجيي لتبقه ساكت
رحيم: بويه شبيكم ام ألين ليش متفهمين شجاي احجي كتلج بكلشي ليش مكبره الموضوع
ألين :- يامكبره شنو هلحجي امي بشنو قصرت وياك حتئ تجازيها هيج باباا شخلفكم انتُ نفسكم اليي اشوفهم واحد ميهون عليه تعب لاخر مو نوب متزوج عليها شنو هاذه جزائها لو شنو بله بابا ميصير هيج تسوونن ميصير عيببب تسوي هلشيي حرامم عليييك عليك حرراممم
امي تعيط وهاذه يعيط وكلشي ممفتهمين ما احس اله امي شالت الجنط وشالت اخوي وطلعت زيين واحنه ماكالات تاخذنه وياها
صحت: ماماا بس كم يومم ونجي اني وليان وراج
ردت واني احس تيبست ع شنو وليش ؟؟
:- لاتجيين وعسا ما جيتيي انتي بنت ابوج تشبهين ابوج ماريد تذكريني بي بعد بس ليان اذا تريد تجي تجي
ليان ماكامت بقت كاعده بلزاويه اعرفها اختي اختي مصدومه ومتحب المشاكل والعياط تهز راسه بلا
زين ليش ليشش اني متريدني ولله احبها امي هاي ليش هيج تعاملني
مدام هيه كالت لتجين يعني بعد امي اخذت قرارها بعد ماتجي ويمكن تعوف ابوي يعني هاي هي متريدني امي رديت وانا الدموع تنزل شلالات من عيوني
ألين: ليش امي ليش متحبيني اني احبج ولله ومستعده هسا اعوف كلشي واروح وياج ماريدهم الام ماتتعوض لتعوفنيي
ولا كأن تسمعني طلعت هي عايفه كلشي وراها
كعدت ؏ ركبيي بتعـب اشوف اختي تبجيي بس بهدوء
راحت امي راحت وبعد ماترجع راحت بابا اعرفه يحب امي يحبها زين ليش متزوج عليها وشنو اخواني من ابوي بطولي
يعني شتقصد من زمان ؟متزوج ياربي كلشي مافاهمه للعصر لا بابا ولا ماما بلـبيت وبس انا وليـان
نفتح الباب دخل بابا يركض دخل لغرفته وانا دخلت ورا اخذ فلوس عاف لقاصه مفتوحه وطلع يركض ركضت اعيط :- بابا شصايير شصاير
رد وهوا بلكوا بالع غصته ؟ :- جيبييي اختج وقفلي لباب بسرعه
سويت مثل مكال صعدنه بلسياره يمشييي اسرع من السيارات كلها بحيث حسيت لسياره ح تطير
يـدعي ويناجي بالله واحنه ساكتين شفت دخلنه ؏ مستشفئ جنيت شصاير بسس لا لا مستحيل مستحيل مثل ما خطر ع بـالي نزلنه ركض لقسم الطوارئ
كعد ابوي وخله راسه بين اديه ويردد بكلمة :- راحت امجن راححت يلبنات راحتت
تقدمت عليّ بهدوء احجي عكس داخلي ماريد اصدك حلم هاذه جذب اريد اصحه منه ماريده :- شتحجيي شنو امي راحت
مارد عليه صافن ؏ لباب ركضت للغرفه شفت من الشباك امي متمدده والاجهزهه بصدرها ولأوكسجين ع وجها وكلها ددمم شصارر شبييها امي
رجعت لوراا عطت بصدمـه :- لاااااااا لااااا مستحيل امي امي هايي امي متعوفنييي ولله متعوفنيي تشاقه ويايييي اممي تحبنييي لا ياعلييي امي هاييي ماعندييي غيرها اميي امي راحت واني بحسرتتحضنها وسوالفه االدافييه
اختي صارت تعيط وياييي التمت عليه الممرضات يردن يلزمني ماكووو اعيط واملخ بخدودييي عيطت صحت رددتت امي تكعد بس لاا سوتهاا صدك وراحت
باوعت لدكتوره وحجيت برجيف :- بسس امي متعوفني انني اني بعدنييي ماشبعت منها تشاقه ويايي هيه هاذه كله حلم كعدوني منه كعدوننييي ماريد ماريد ييارربييي لا
يردن يلزمني ماكو حسييت صوتتييي راح بلاعيميي تجرحت بكد ما اصرخ
:- ابوي اببووي ويينه وينه ابوي
باوعتله كاعد ويباوعليي وحاضن اختيي ؏ كلبه ويبجي
نهضـت امشي بأتجاهم وأحجي بحرگه
ألين :- اميي ويين اميي راحت لخواليي منو هايي امي انت خذلتهه وراحتت امي امي هاييي شون انطاك كلبك تسويي بيها هييج شلون
احجي وادك ع صدره حسييت احد سحبني من وراا شفت عمامي وخوالي كلهم متجمعينن
شفت علاء زين مو هوا الي اخذ ماما هاذيا مابي شي اخووي اخووي وينن اخوي صغير بعده مشاف شي وينه
ركضت لعلاء : امممممي انت اخذتها اميي شسوويت بيها اخووييي اخووي ويينه كلييي وينهم وين
لزمني من ادييه يحاول يسيطر ع حركتـي
علاء:- انطيي صببرامج نزلتت وضربتها سياره هيه واخوج اني مانزلت من لسياره رادت تجيب ماي
عطت بوجها وأنـا أرجـف : ياااجباان شون تخليها تنزل شونن انت مو علساس رجال وموديك اهلك تجيبلهمم بتهممم شششووووووو ماتتتت بين أيديك
صرت احجي واخرط اشكال وانواع مامنتبهه لنفسي باوعتت طلع دكتور من الغرفه
ركضوله كلهم بقيت وراهم ماريد اسمع صوتهمم ماريد
الحجيه ام عدي ام امي : هاا بشر دكتور بنيتيي وينها وينها ما ماتت موو
دنك الدكتور وكال بأسف :- الامم انتقلت لرحمة الله اما الطفل لحد الان منعرف دخل بغيبوبه ان ماصحه ف هوا هم لحك امه
ستأذن وراح باوعت لّيان ما احس وال هي توگع بطولها مُغمى عليها
لاياربي ركضتلها بقت تنكث بيديي عدها سكر هيه متتحمل متتحمل ادك ؏ وجها بنت عمي جابت ماي رشت عليها
وقطرتلها صـحت وگعدت تبـجي بهدوء حتى صوت ما طالع منها
و بقيت لامه رجليه لصدري وصافنه اتذكر اياميي وياها ليش ما حضنتها ليش مارحت وياها جان اني نزلت اجيب لماي الها ليش نزلت هيّ ومو علاء هيج اصبح تفكيـريي ليش ليش ليش وكل ليش مراح ترجع امـي
شما كانت امي ماتحبني ونابذتني وتستحقرني وتعاملني معامله متلوك لضناها بسس الفقدان صعب اني قابلهه تبقه هيج ويايي بسس مو تروح مو ترووح
طفرت لغرفه اخوي حبيبيي شفته حاله مو احسن من حال امي بس يارب يعيش ماكدر ؏ ثنينهم هاذه اخووي لازم يبقه يكون سندي وضهري ميعوف خواته
رجعونه للبيت واحنه ميتيينن نمشي بلا روحح لاكاني جدي بلباب حاط جفيته ؏ وجهه وتهتز كتافه هاذه مو بس جدي ابوي هاذه يحب امي حيل ويحب الكل شكد حنين
ركضتله بس بحضنه احس بلأمان حضني وبقه يواسي بيـه
الجد: بابا بنيتيي باعيليي امج راحت لدار حقها وكلنه ع هلدرب اترحميلها وصليلها لتحركين گلبه هيج انتي بقيتي بعد امج تحتوين اخوانج وابوج انتي جبيرتهم مالازم تنكسرين شمعلمج انا واخوج محتاجج هسا
بقيت حاضنته وابجي سمعت عمتي تكول
مريم : شلج بهلعياره كلبتي لدنيه علينه علساس وينها امج تموت عليج وكطعتي روحج هيج
باوعتلها وفلتت روحي من جديي رگضتلها لزمتها من ياختها وعطت
ألين : أمي هااييي اممي متحسيين بيه الان امج يمج تحبني متحبني بسس اميي هاي
لزمني لبنات وسحبـني عنها غمتني ودخلت جوة
دخلت بدلت ملابسي للاسود واختي هم كعدت بلغرفه وحاضنه اختي ؏ صدريي واحجي بّجي وعتاب :- وينن اروح اني بعد ووين ليش ضماج الگبرر بهلعمر بعدج ليش ستعجلتيي ليش تعاليلي اخلي راسي بحضنج وتحجيليي سوالفج الحلوه والدافيه لتحجينهاا لخواننيي اريد اسمعهنن اننييي اننني ليش محرومه منهنن ليشش
مسحت دموعي وحجيت :- بس هسا ماريد شي منها بس خلترجع ترجع
انتبهت الاختي ماطلع منها ولا صوت غير من بلمستشفئ وهسا تبجي بهدوء بحضني
ألين: لييان ، ليونتي ، حاجينيي شوو باوعيلي
باوعتلي مسحت دموعها بيديي يا اخيي شكد هادئه اختي عكسي تماما
- ليان انني امج امي هناا لتخافين يمج اني
همست بهدوء -: راحتت اممي أليي راحتت ليشش راحت اني ليش مارحت وياها من كالت اذا تردين تجين تعالي مارحت وياها اني اني مارحت شفتها جانت تريدني هيه
بقينه اني واختي اسبوع كامل لا اكل ولا ننزل جوا يجيبون اكل النه ويرجع بمكانه وساعه هيه تطيح وياخذونها للمشفئ يعلكولها مغذي ساعه اني مخليلي كانيولا بأيدي احسهه تزرفت اخر شيي جدي صعد علينه
الجد : باباتي ولجن بنياتي ليش هيج تسون ليش هاي حكمه ربجن ولا اعتراض ؏ حكمته اخوجن يريدجن تقون وتعيننه حتئ يرجع للحياة اخوجن يجالع وانتن تجالعن ناويين كلكم ترحونن بويه غير انكسر وماحمل فركاجن يبنات ابوجن انتن
ليان:- جديي كله من بابا بابا تزوج وهيه راحت وماتت كله من ورا بابا لو مامتزوجج امي ماراحت
الجد: بويه ابوجن من زمان متزوج مو هسا هاي الله رادها واخذهه كلنه الله ياخذنه لدار حقنه لا ابوجن ولا غيره وهسا بدلن نروح لاخوجن نشوفه وانتِ ألين اريدج قويه هيج هيج
وقبض ايده ويهز بيها نزلنه وطلعنه سوا نمشي : معليجن بلناس جديي امشنه نطلع منا السياره وها ترا اربعين يوم وترجعن للألوان خوش
ليان : لا جدي اني ماريد ماريد بعد الوان ماريد
الجد: بويه لخاطر اخوجن ومو زين عليجن انتن بنيات حدث ميصير تغمرن انفسجن من هسا بلأسود يابعد ابوجن انتن اني مارايد غير مصلحتجن
باوعلي وكال :- شكلتي ألي مدري علي ؏ كولت ليان
باوعتله وسكتت هوا هم سكت ماكدر احجي اصلا تعبت انتهيت نسيت الجامعه ونسيت نفسي
وصلنه للمستشفى بعدنه ماداخلين شفنه الدكاتره تركض للغرفه ومخبوصين تقدمنه يم ابوي كذالك يركض هيج ويرجع هيج
الجد : خيير بويه خير
رحيم : ابني راح يروح مات ابني مات
ليان: لا بابا لا تكوله لاا اخووي هاذه لاماعدنه غيره ليش اخذتيييي ماماااا ليششششش مخليتييي النه ليشش رحتووو كلكممم عنيي ليش بعدنييي صغيرهه اريدكم تشوفونني وانا دكتوره كتلكم ارفع راسكم واصير دكتوره وكسرتوني
حسيت بغواش بعيونيي والدنيه افترت بيه نرگعت بلگاع وبعد محسيت بشي
كعدت لكيت روحي بغرفه بيضه نغزات بأيدي وبروده بوريدي
نزلت شلت لكونيولا الدم ضل يطفر واسحل بروحي سحل لبرا
اجه بابا يركض سندني شفت اخووي طلعوو راحح اخووي صحتت بصوت متحشرج
ألين : تعال ولك بعد وكت لتروح منو الي اني غيرك هوا بس انت هلواحد لاتاخذو
رجع أنغمى عليه ونفس النمط
مادري لشكد حسيت بأيد ؏ راسي وصوت يقرأ قرأن عرفته هاذه غلايي ابوي جدي الحنين
الجد : ها بويه شكلنه بويه لاتعترضن ؏ حكمه ربجن يلا نمشي للبيت عيينن اهاليجن بويه لتضعفن هيج بنات ال جاسم قويات يتحدن المصاعب
جابلي عصير وكيكه اكلتها غصب عني وكمت رجعت للبيت ؏ نفس النمط هم فاتحه وهم لعبان نفس دخلت سمعت وحده تكول
-: وشنو هذن لأفنديات مسلطنات اشوو لفاتحه ؏ كبرها ماحركن نفسهن
درت وجهي عليها بيدها لفه وتلغم من امده هيج شكول نوب منيه عمتي ومرت خالي تصير غلست اخذت اختي وصعدت فوك لافه شال امي ؏ ايدي واشم بي انام واكعد عليه تمددت وباوعت لسقف
بقيت صافنه بعد شنو يصير اكثر وشنو بقالي اشو الام والاخ ثنينهم فقدتهم لحد ما لتجأت للضلام
مرتت ايام اني واختي صرنه نّام بيتنه صفه بس النه وابويي ابوي مايدخل للبيت اصلا ولاشفته بعد يدخل يبدل ويطلع لحد ما الصبح كعدت اشرلي براسه اروحله
أليين : نعم ؟
ماعرف ليش حملنه ابـويي الذنـب بس لي سوا هم مو شويه
رحيم: بويه بناتي تسمعني لو هم مثل
صفن وسكت حرك راسـه وكمل
:-راح احجيلجن شصار وليش امجن رادت تطلع من لبيت
هزيتله راسي بده يحجي : بويه انتِ راح احجي ولتقاطعني خوش تعرفن بيه اني لواء مو صح بويه ، راح صديقي واخووي وعضيدي نقتل من شبكه ارهابيه قتلو ولزم ايدي وهوا ياخذ اخر انفاس اله وصاني ؏ مرته وابنه ومات بويه ولله احب امجن وماردت كلهاذه وانتِ ألين ماردت اضلمج ولله بس انجبرت بويه انجبرت اخذ نصفج الي هوا توأمج وانطيي المرت صديقيي الان ابنها بنفس اليوم لراح زوجها بي ابنها هم انطاها عمره تخبلت لمره ورادت تموت اقترحت ؏ امج تنطيني واحد من التوأم الي هوا انتِ وامجد انتِ بويه عندج توأمم وامج قبلت بس معبالها اتزوجها تزوجتها الان ماعدها احد غيـريي وصاحبي وصانـي وصية ميت هاي مو هينه
ضليت مفهيه شهلحجي : شنو يعني امي امي انطتك تؤأمي وين صايره هاي
رحيم: بوويهه اهديي امج قبلت وكالت...
قاطعه صوت بيبي وهي تحجـي بكل ثقه
الحجيه: وكالتتله تاخذكم ثنينكم الها الان امج قبل جاهله واخذها ابوج متشوفينها ماتريدج ولا تجرعج
رحيم: يمه لاااا شهلحجي بله هاذه
ألين: شنو يعني شتردوني اسوي اني هسا خسرت امي واخوي شتردون. بعد شترددوننن هااااا
الحجيه : من خفه صوتج ولج تصيحين عليمن هايي ابوج وحبوبتج كدامج اشو مامتربيه انتِ
ضحكت بأعلى صوتي
ألين : ههههههههههههههههههه شتردينيي اسووييي اشد وصله واركصلكم اططلعععععوو ببرااااا ماريدددددكممممم ماريدددد اححححد انا ، وانت ابوييي ابوي هسا تذكرت تجينييي هاا هسا تذكرتت تجي وتسولفلييي
رحيم: بابا اجيت اكلج انتي عندج اخوو وعندج أخوان صغار تؤام هم وثنينهم ولد يعني عندج ثلث أخوان بويه
ألين: بابااا امي واخووي راحوووو لا أريد ولددك لاهم يحزنونن ماريدهمم
اسولف وابجي بهستريا واحس مستحيل اكدر اسيطر ع نفسي بهلحاله
الحجيه: يمه شبيها هايي لفرخه تسودنتتت اضنها
رحيم: غييرر انتي مصختيها يمهه شلون تكليلها هيج حجي شتردينهّ تصفكلنه بعد
ليان: بابا اخذ بيبيي وطلعو اختي راح تموتت ماريد اخسرهه بعد معندي غيرهّ
هز رااسه وراح اخذ بيبي وطلعو..
يتبـع..
جرعه طيبه
فَلَا يَحۡزُنكَ قَوۡلُهُمۡۘ إِنَّا نَعۡلَمُ مَا يُسِرُّونَ وَمَا يُعۡلِنُونَ ٧٦
هيـلاووو رفاقِ الطيبين ، لاتبخلون بلتصويت والتعليقات
مايتعبن ورب الكون اعطوها حقها للروايه وشايفين ع هذا التفاعل أشيلكم وأرگعكم لحد ما يفحط گلبي من التعب
تفاعللللو يييلا
حسـابي أنستغرام هواي يفيدكم بلأيام الجايه
💕💕👄
leal_aljasm