{}ကိုEngဘာသာစကားဖြင့်ပြောဆိုသည်ဟုမှတ်ယူပေးပါရန်
သူရမြတ်သူ,အိမ်ထဲမှာရုပ်တည်ကြီးနဲ့ထိုင်နေတဲ့အိမ်ရှေ့စံကြောင့်ဘာလုပ်လို့ဘာကိုင်ရမှန်းပင်မသိတော့။သူ့အိမ်တော်ကဧည့်သည်ကိုကြိုဆိုဖို့အတွက်ကူညီမယ်ဆိုတုန်းကအနောက်တိုင်းဘာသာစကားတတ်ကျွမ်းသူတစ်ယောက်ကိုရှာပေးလိမ့်မည်ဟုသာထင်ခဲ့မိသည်။အခုတော့အချွေအရံအနည်းငယ်နှင့်သူ့အိမ်ဆီရောက်လာခဲ့ပြီးဧည့်သည်ကိုကြိုဆိုဖို့ပြင်နေခဲ့သည်။
ဒါကသူ့မိသားစုကိုမင်းပြစ်မင်းဒဏ်သင့်ပြီးဆွေခုနှစ်ဆက်မျိုးခုနှစ်ဆက်အသတ်ခံရအောင်လုပ်နေတာမဟုတ်ဘူးလား။
တောင်အရပ်ကိုကာကွယ်ရသည့်စစ်သူကြီးမိသားစုကအိမ်ရှေ့စံကိုဧည့်ကြိုခိုင်းတယ်ဆိုတဲ့သတင်းသာလူတွေကြားပျံ့နှံ့ကုန်ရင်။သူရမြတ်သူဓါးကိုတင်းတင်းကျပ်ကျပ်ဆုပ်ကိုင်မိလိုက်သည်။
အိမ်ရှေ့စံကထီးနန်းရယူဖို့နီးကပ်လာပြီမို့သရုပ်မှန်ထုတ်ဖော်လာပြီဟူသောကောလဟာလတွေပျံ့နှံ့နေပြီးသူကိုယ်တိုင်လဲအိမ်ရှေ့စံရဲ့ပြောင်းလဲမှုကိုမျက်မြင်တွေ့ခဲ့ရသူဖြစ်သည်။သူတို့မိသားစုကမိဖုရားကြီးဘက်စိတ်ယိုင်နေတာသိလို့များသုတ်သင်ဖို့ရောက်လာတာလား။
'သတ္တိရှိရင်လုပ်ကြည့်လိုက်လေဘယ်သူ့ခေါင်းအရင်ပြတ်မလဲဆိုတာ!'
သူရမြတ်သူအတွေးများနေတုန်းဧည့်ကြိုခရာတီးမှုတ်လာတာမို့အလျှင်အမြန်ပြေးထွက်လာလိုက်သည်။ဧည့်သည်တော်ကိုတွေ့သည့်နှင့်ပြုံးပြလိုက်ပြီးဘာဆက်လုပ်ရမှန်းမသိတော့ပဲထိတ်လန့်သွားသည့်အချိန်နိုင်ငံခြားသားကသူ့ကိုအထင်သေးသလိုကြည့်လာတာကြောင့်သူရမြတ်သူ,လက်ထဲကဓါးကိုတင်းကျပ်စွာဆုပ်ကိုင်လိုက်မိသည်။
သူတို့ဘက်ကပါလာသောဘာသာပြန်ဖြစ်ပုံရသည့်လူကစတင်မိတ်ဆက်လာပါသော်လည်းမပီပြင်မှုကြောင့်ဘာမှမသဲကွဲ။လေထုကတစ်ဖြည်းဖြည်းတင်းမာလာသည့်အချိန်တွင်သာသာချိုမြိန်သည့်အသံလေးကဖြတ်ဝင်လာသည်။
{Hello!}
လူတွေအကုန်လုံးကအိမ်ရှေ့စံကိုကြောင်အစွကြည့်လာကြသည်။
{ငါကပါရှားပြည်ရဲ့အိမ်ရှေ့စံပါတောင်ပိုင်းစစ်သူကြီးလောင်းလျာလေးရဲ့သူငယ်ချင်းမို့သူ့ဧည့်သည်ကငါ့ဧည့်သည်ပါပဲမင်းငါတို့တိုင်းပြည်မှာအများကြီးပျော်ရွှင်ကြဖို့မျှော်လင့်ပါတယ်}
အိမ်ရှေ့စံရဲ့ကုန်းကုန်းသူ့ပါးသူဘယ်ပြန်ညာပြန်ရိုက်ချလိုက်ပြီး
"အိမ်မက်ကနိုးစမ်း!နိုးစမ်း!"
ဟုအော်ဟစ်နေတာကြောင့်အိမ်ရှေ့စံကသူ့လက်တွေကိုတားဆီးလိုက်ပြီး
"ဒီကိုယ်တော်ကအနောက်တိုင်းဘာသာစကားကိုအရင်ကတည်းကတတ်မြှောက်ပါတယ်ဒါကအိမ်မက်မဟုတ်ပါဘူး"
ဧည့်သည်တွေကခရီးပန်းလာတာကြောင့်အိပ်ဆောင်အတွင်းသို့ဝင်ရောက်အနားယူနေကြသည်။လာတုန်းကလိုမျိုးထောင်လွှားမောက်မာမှုတွေရှိမနေကျတော့။ပါရှားအိမ်ရှေ့စံကသူတို့ဘာသာစကားကိုပီပြင်အောင်ပြောနိုင်ပေမယ့်သူတို့ကတော့ပါရှားဘာသာစကားကိုပီပြင်အောင်မပြောနိုင်ကျဘူး။ဒါကအရမ်းရှက်စရာကောင်းတယ်။
သူရမြတ်သူကသူ့ဓါးအိမ်ကိုတင်းတင်းကျပ်ကျပ်ဆုပ်ကိုင်ထားမိတာကြောင့်လက်များပင်သွေးစို့လာခဲ့သည်။မောပန်းသွားပုံရသည့်အိမ်ရှေ့စံကခုံပေါ်မှာခြေကားယားလက်ကားယားထိုင်ကာလက်ဖက်ရည်ကိုဇိမ်ခံသောက်နေသည်။အိမ်ရှေ့စံတို့ထိန်းသိမ်းသင့်သောကျင့်ဝတ်လည်းမရှိမာန်မာနလည်းမရှိ။သူ့မိသားစုကိုဒုက္ခပေးမည့်ပုံလည်းမပေါ်။တုန်လှုပ်စွာမေးခွန်းတွေတရစပ်မေးနေသည့်သူ့ကုန်းကုန်းရဲ့မေးခွန်းမြောက်များစွာကိုပင်စိတ်ရှည်ရှည်နှင့်ဖြေကြားပေးနေသေးသည်။သူဘယ်တုန်းကမှအိမ်ရှေ့စံနဲ့မရင်းနှီးသလိုရင်းနှီးဖို့လဲမကြိုးစားခဲ့။သူ့ရဲ့အခြားသူငယ်ချင်းတွေကတစ်ချိန်လုံးအိမ်ရှေ့အကြောင်းချီမွမ်းပြောဆိုနေတာကိုနားမလည်နိုင်ဖြစ်ခဲ့ဖူးပေမယ့်ဒီနေ့မှာတော့အရှင့်သားကချီးမွမ်းတာထက်ပင်ပို၍ကောင်းမွန်နေကြောင်းသိလိုက်ရပြီဖြစ်သည်။
သေးသွယ်ပြီးလှပတဲ့အိမ်ရှေ့စံကထိုင်ခုံပေါ်ပြစ်စလက်ခတ်ထိုင်နေပြီးနူးညံ့သေးသွယ်တဲ့ပါးစပ်သေးသေးလေးကပိတ်လိုက်ဖွင့်လိုက်ဖြင့်ကုန်းကုန်းရဲ့မေးခွန်းတွေကိုဖြေကြားနေသည်။သူရမြတ်သူ,အရှင့်သားကိုကြည့်ပြီးရင်ခုန်သံတွေမြန်လာသလိုရေတွေလဲဆာလောင်လာခဲ့သည်။နီရဲနေသောမျက်လုံးများဖြင့်အရှင့်သားကိုမေးခွန်းထုတ်လိုက်မိတော့
"မင်းကငါကိုယ်တော်ရဲ့သူငယ်ချင်းပဲကူညီရမှာပေါ့"
ဟုရိုးရိုးရှင်းရှင်းသာပြန်ပြောခဲ့သည်။နောက်နေ့တွေမှာလည်းအရှင့်သားကသူ့တို့အိမ်တော်ဆီပြန်လာပြီးဧည့်သည်တွေပြန်သည်အထိဘာသာပြန်ဖို့ကူညီပေးအုန်းမည်ဖြစ်သည်။
လရောင်ကသူ့အိပ်ခန်းထဲအထိထိုးဖောက်လာပြီးအရာအားလုံးကိုပင်ရှင်းလင်းစွာမြင်နေရသည်။မိုးချုပ်သည်နှင့်အိပ်တတ်သည့်သူတို့အိမ်တော်ကဒီနေ့ကျမှဆူညံနေပြီးသူ့မိခင်နှင့်ညီမများကအိမ်ရှေ့စံအကြောင်းပြောဆိုနေကြသည်။သူရမြတ်သူ,သိုးတွေကိုရေတွက်နေပေမယ့်အိပ်မပျော်နိုင်သေး။အိပ်ပျော်လိုက်သည်နှင့်တစ်မိနစ်ပင်မကြာနုတ်ခမ်းနီနီရဲရဲလေးကြောင့်ပြန်လည်နိုးထလာရသည်။မတတ်နိုင်သည့်အဆုံးအရှင့်သားကိုမှန်းဆကာသူ့ညီလေးကိုချော့သိပ်လိုက်ရတော့သည်။
'တောင်းပန်ပါတယ်အရှင့်သားရေကျွန်တော်မျိုးအိပ်ဖို့လိုအပ်လို့ပါ'
သူရမြတ်သူ,လက်ထဲကစေးကပ်ကပ်အရည်တွေကိုကြည့်ပြီးသတိဝင်လာကာထိတ်လန့်သွားမိတော့သည်။
'မဖြစ်ဘူးနောက်နေ့တွေအိမ်ရှေ့စံနဲ့ဝေးဝေးနေမှ'
'ငါ-ိုးမ,လ'
ပန်ဒိုရာထိန်ထိန်သာနေတဲ့လမင်းကြီးကိုကြည့်ပြီးကျိန်ဆဲလိုက်သည်။
"အရှင့်သားသဘောကျရဲ့လား"
ဆွဲဆောင်မှုရှိလှတဲ့မင်းဆက်ဝဏ္ဏရဲ့မျက်နှာကအပြုံးပန်တွေဝေဆာနေလျှက်
"ဒီကိုယ်တော်ထင်တာကမင်းဆက်ဝဏ္ဏလိုစစ်သူကြီးအလောင်းလျာကအလုပ်တွေအရမ်းများနေမယ်ထင်တာလ,ကြည့်ဖို့အချိန်တွေပိုနေမယ်လို့မထင်ထားမိဘူး"
"ယောကျ်ားကောင်းဆိုတာမအားရင်တောင်လ,ကြည့်ဖို့အချိန်တော့ရအောင်ဖယ်ထုတ်ရတယ်လို့ရှေးဆိုရိုးရှိပါတယ်"
ပန်ဒိုရာမျက်မှောင်ကျုံ့လိုက်ပြီး
"အဲ့ဒီဆိုရိုးကချစ်သူတွေအတွက်ပဲအကျုံးဝင်တာပါစစ်သူကြီးအလောင်းလျာရယ်ဒီကိုယ်တော်ရယ်နဲ့မဆိုင်ပါဘူး"
မင်းဆက်ဝဏ္ဏကပြန်မဖြေပဲသူ့ကိုသာပြုံးပြုံးကြီးစိုက်ကြည့်နေတာကြောင့်ပန်ဒိုရာကြက်သီးတွေတစ်ဖြန်းဖြန်းထလာခဲ့သည်။
"ငါ-ိုးဒီအရန်ဇာတ်ကောင်ကဘာဖြစ်ချင်နေတာလဲ"
______________________________________
614❤️
အများကြီးနောက်ကျသွားတာသိပါတယ်Sorryပါလို့🥺
______________________________________