"ကဲရောက်ပြီဆင်း"
ဓာတ်ပုံတွေဘယ်သူဝယ်လဲသိချင်ရင်လိုက်ခဲ့ဆိုပြီးသွေးသစ်ကိုအိမ်တစ်အိမ်သို့ခေါ်လာလေသည်။အိမ်လို့သာပြောတာနန်းတော်တမျှခမ်းနာထည်ဝါပြီးရှိန်ဝါမှုအပြည့်နှင့်ပင်
"ဒါဘယ်နေရာလဲကွန်း"
"ကျွန်တော့်အိမ်လေ"
"ဒါဆိုငါ့ဓာတ်ပုံက"
"အော်ဟောစိတ်ကလဲလောတာလွန်ရောလာဆက်လိုက်ခဲ့"
အိမ်ကြီးကမဝင်ခင်ထဲကအပြင်ကမြင်နေရတာအကျယ်ကြီးပင်ဖြစ်သည်။အထဲထဲဝင်လိုက်တော့ရှိန်ဝါမှုကိုခံစားမိနေသည်။ဒီလူသားကလူတင်ရှိန်ဝါနေတာမဟုတ်ဘူးသူနေတဲ့နေရာကပါခမ်းနားရှိန်ဝါမှုတွေနဲ့ပြည့်နေတာပဲ
"မြနွယ်ဟိုတစ်ယောက်ရောက်လာပြီလား"
"မရောက်သေးဘူးအကိုလေး"
"ဪနှမြောစရာပဲ မရောက်သေးတာလဲကောင်းတာပါပဲ"ဒီအိမ်မှာကွန်းပါးစပ်ကဟိုတစ်ယောက်ရောလို့ပြောတာနဲ့အိမ်မှာရှိတဲ့ကွန်းအဖေတင်မကဘယ်သူမဆိုဒေါ်ပုလဲကိုပြောမှန်းသိသည်။ဒါကြောင့်လဲမြနွယ်ကတန်းပြောနိုင်တာဖြစ်သည်။အဲလိုခေါ်တာလဲကွန်းတစ်ယောက်ပင်ရှိသည်။
"ဘယ်သူလဲကွန်း"
"ပယင်းသိပြီးသားလူပါ"
"ငါသိပြီးသားလူ"
"အင်း လာအပေါ်လိုက်ခဲ့"
"နေဦးငါသိပြီးသားလူဆိုတာဘယ်သူလဲကွန်း ဘာကိုပြောချင်တာလဲ"
"ဘာမှမဟုတ်ပါဘူးအချိန်တန်ရင်သိရမှာပေါ့အခုတော့လိုက်ခဲ့ဦး"ဆိုပြီးအပေါ်ထပ်ဆက်တက်သွားသည်။အခန်းတစ်ခန်းရှေ့ရောက်တော့
"ဝင်"
"ဟင်"
"ဝင်လို့အထဲကို"သွေးသစ်ကနားမလည်သလိုကွန်းကိုဆက်ကြည့်နေတော့
"ကျစ်!လာဗျာလိုက်ခဲ့"
ဆိုပြီးစိတ်မရှည်မှုတစ်သိန်းနဲ့လက်ဆွဲခေါ်သွားလေသည်။
အခန်းထဲရောက်သွားတော့
"ကဲဘယ်သူလဲဝယ်တာလဲသိပြီလား"
အခန်းရဲ့နံရံပတ်ပတ်လည်မှာသွေးသစ်ဓာတ်ပုံတွေနဲ့ပြည့်နေလေသည်။ဒါဆိုပုံတွေအကုန်ကွန်းဝယ်သွားတာပေါ့
"ကျွန်တော်ဝယ်လိုက်တာပဲဒီပုံတွေကို အဲဒီအတွက်ပိုက်ဆံကိုမနက်ဖြန်ကြချေပေးမယ်"
"မပေးနဲ့"
"ဘာလို့လဲ"
"လက်ဆောင်ပေးတယ်ပဲသဘောထားလိုက်ပါ"
"မထားနိုင်ပါဘူးကျွန်တော်ကဘယ်သူ့ဆီကမှအလကားမယူတတ်ဘူးလိုချင်တာရှိရင်ကိုယ့်ဘာကိုယ်ပဲရအောင်ဝယ်တယ်"
"အဲတာဆိုလဲဒီပုံတွေအကုန်ငါပြန်ဖြုတ်ယူသွားမယ်"ဆိုပြီးသွားဖြုတ်ဖို့လုပ်နေလျှင်
"ဇွတ်တရွတ်လေးပဲခင်ဗျားက"
"မင်းလဲဇွတ်တရွတ်ပဲလေငါလက်ဆောင်ပေးပါတယ်ဆိုတာကိုမယူပဲဇွတ်ပေးမယ်လုပ်နေတာ"
"ခင်ဗျားပေးချင်ရင်တခြားဟာပေးတခြားဟာတောင်းမယ်အခုဟာတော့ယူလိုက်"
"ဘာတောင်းမှာလဲပေးမယ် ပြော"
"တောင်းဆိုမယ့်သူကဘာမှမပြောရသေးပဲဇွတ်အာမခံနေတာပဲ ခင်ဗျားအတွက်မဖြစ်နိုင်တာဆိုရင်ဘယ်လိုလုပ်မလဲ"
"မဖြစ်နိုင်တာမရှိစေရဘူးမင်းသာပြောကြည့်ပါကွန်း"
"အချစ်"
"ဟင်"
"ခင်ဗျားအချစ် ဟောဒီကပယင်းသွေးသစ်ရဲ့အချစ်တွေလိုချင်တယ်ပေးနိုင်မှာလား"
"မနောက်နဲ့ကွန်းငါအတည်ပြောနေတာကွ"
"ကျွန်တော်လဲအတည်ပြောနေတာပဲခင်ဗျားအချစ်တွေလိုချင်တယ်ခင်ဗျားချစ်သူဖြစ်ချင်တယ်ကုန်ကုန်ပြောမယ်ဗျာခင်ဗျားယောကျာ်းလုပ်ချင်တယ်လုပ်ခွင့်ပေးမှာလားပြော ခင်ဗျားအချစ်တွေကျွန်တော့်ကိုပေးနိုင်မှာလားပယင်းအခွင့်ရှိရင်ခင်ဗျားကိုကျွန်တော်ပိုင်ဆိုင်ချင်တယ်ပိုင်ဆိုင်လို့ရနိုင်မလားပယင်း"
"ကွန်း"
ကွန်းကသူ့ကိုစိုက်ကြည့်ပြီးထိုသို့ပြောနေလျှင်သွေးသစ်ကိုယ့်အသားကိုယ်ပြန်ဆိတ်မိနေသည်။ကွန်းကသူ့ကိုအခုချစ်တယ်လို့ပြောလိုက်တာလား။သူစတွေ့ထဲကချစ်ခဲ့ရတဲ့သူကလေ။သွေးသစ်ကိုယ့်အသားကိုယ်ဆိတ်ကြည့်လိုက်တော့ဆတ်ခနဲနာသည်။ဒါအိပ်မက်မဟုတ်ဘူးပဲသွေးသစ်ဝမ်းလဲသာသလိုအံ့လဲအံ့ဩနေသည်။ဒီတစ်ညနေလုံးသူတောက်လျှောက်အံ့အားသင့်နေရသည်။
"ဘယ်လိုလဲခင်ဗျားပေးနိုင်မှာလားခင်ဗျားအချစ်တွေကို"
ပေးလိုက်စမ်းပါပယင်းသွေးသစ်။ကျုပ်ဆန္ဒတွေဖြည့်ဆည်းနိုင်ဖို့ခင်ဗျားပါးစပ်ကချစ်တယ်လို့ပြောလိုက်စမ်းပါ။ခင်ဗျားပါးစပ်ကသာချစ်တယ်ပြောရင်ကျုပ်တစ်သက်လုံးလက်တုံ့ပြန်ချင်နေတဲ့ကျုပ်ဆန္ဒတွေကထီပေါက်သလိုပြည့်သွားမှာပြောလိုက်စမ်းပါပယင်းသွေးသစ်
"ငါ ဟို ငါ......"
_____________________________
တိုက်ခန်းတွင်တော့သူခန့်ကပြန်ရောက်တာကြာနေပြီပေမယ့်သွေးသစ်ကတော့အခုထိပြန်မရောက်သေးပေဖုန်းဆက်တော့လဲမကိုင်ဒီကောင်ဘာဖြစ်နေတာပါလိမ့်။သူခန့်လဲရေချိုးပြီးကုတင်ပေါ်မှာလှဲနေရင်းသွေးသစ်ကိုစောင့်နေလိုက်သည်။အတော်အတန်ကြာတော့
"သူခန့်"
"ဟေ့ကောင်သွေးသစ်မင်းဘယ်တွေရောက်နေတာလဲငါ့မှာမင်းတစ်ယောက်ထဲဖြစ်နေမှာစိုးလို့ဆိုပြီးနေရာတွေလျှောက်ပို့မယ်ဆိုတာတောင်မလိုက်ပဲတန်းပြန်လာရတာမင်းကတော့လူမပြောနဲ့အရိပ်တောင်မမြင်ရသေးဘူးဖုန်းဆက်တော့လဲမကိုင်ဘူးဘယ်တွေရောက်နေတာလဲ ကွန်းနဲ့ဘယ်တွေသွားနေတာလဲ"
သွေးသစ်မှာပြောမယ့်စကားတွေတောင်လေထဲမှာကြက်ပျောက်ငှက်ပျောက်ပျောက်သွားရသည်။ဝင်ဝင်ချင်းသူခန့်လို့ခေါ်လိုက်တာနဲ့ဆူလိုက်တာဆိုတာသူ့မွေးသမိခင်နဲ့မွေးသဖခင်တောင်အဲလိုတစ်ခါမှမဆူခဲ့ဖူးဘူးသူကမှာတမ်းရှည်ဆူနေလေသည်။
"ကွန်းကသူ့အိမ်ခေါ်သွားလို့ပါကွ"
"သူ့အိမ်?ဘာလို့လဲ"
"ငါသူ့ကိုပုံတွေဝယ်တဲ့သူသိလောက်မလားဆိုပြီးမေးလိုက်တာအဲ့မှာသူကသိချင်ရင်လိုက်ခဲ့ဆိုပြီးခေါ်သွားတာဟိုရောက်မှသူ့အိမ်ဖြစ်နေမှန်းသိတာကွ"
"အဲတော့"
"အဲတာနဲ့သူ့အခန်းထဲပါခေါ်သွားတာအဲ့မှာဝင်ကြည့်လိုက်တော့နံရံပတ်ပတ်လည်မှာငါ့ပုံတွေချည်းပဲကွ"
"သူဝယ်ထားတာလား"
"အင်းပြီးတော့လေ"
"အေး"
"ငါ့ကိုသူချစ်တယ်လို့ပြောလိုက်တယ်ကွ"
"ဘာ ဘာ ဘယ်လို ဘယ်လို"
"အေးငါဖြင့်ယုံတောင်မယုံနိုင်ဘူးကွာကွန်းဆီကငါ့ကိုအဲလိုပြောမယ်တောင်ထင်မထားဘူးငါဖြင့်လေကြားကြားချင်းကမယုံနိုင်ဘူးကိုယ့်အသားကိုယ်ဆိတ်နေမိတာ"
"သူကဘယ်ကဘယ်လိုပြောတာလဲ"
"ပုံတွေဝယ်တာပိုက်ဆံကိုမနက်ဖြန်ချေမယ်တဲ့အဲတာနဲ့ငါလဲမပေးနဲ့လို့လက်ဆောင်လို့သဘောထားဆိုတာကိုသူကမယူဘူးလုပ်နေတာအဲတာနဲ့ငါကဒါဆိုလဲအဲ့ပုံတွေပြန်ယူမယ်လုပ်တော့ပေးချင်ရင်တခြားဟာပေးဆိုပြီးပြောတာကွ"
"အဲလိုပြောရင်းနဲ့မင်းကိုချစ်တယ်လို့ပြောလိုက်တာလား"
"အေး"
"မင်းဘာပြန်ပြောလိုက်လဲ"
"မင်းဘယ်လိုထင်လဲ"
"မင်းသေချာပေါက်အဖြေပြန်ပေးလိုက်တယ်မလား"
"ဟီးးမင်းကငါ့စိတ်သိနေတာပဲ"
"သိဆိုမင်းသူငယ်ချင်းလေကွာဘယ်ခြေလှမ်းလှမ်းမယ်ဆိုတာပါသိတယ်"
"ဟီးးအဲတာကြောင့်နောက်ကျနေတာငါ့သူငယ်ချင်းတော်တော်စောင့်လိုက်ရတယ်လား"
"စောင့်ရတာပေါ့သူတောင်းစားရတစ်နာရီခွဲတောင်ပဲ"
"ဆောရီးပါကွာ"
"မလိုပါဘူးbtw congratulationsပါကွာငါ့ကောင်"
"ဟီးကျေးဇူးပါကွာ"
"ငါလဲထပ်ပြီးအပြောခံလိုက်ရသေးတယ်"
"ဘာအပြောခံရတာလဲ"
"ဟိန်းမြတ်ကလေ"
"ဟုတ်လား"
"မင်းလဲသေချာဆုံးဖြတ်တော့ငါ့ကောင်ဟိန်းမြတ်ပုံစံကအပျော်ကြံမယ့်ရုပ်မဟုတ်ပါဘူးကွာသေချာစဉ်းစားကြည့်ပါ"
"အေးပါကွာငါလဲဟိုဟိုဒီဒီတွေပါလျှောက်စဉ်းစားရတာပေါ့သူကတော့ပြောပါတယ်နှလုံးသားရဲ့အသံကိုသေချာနားထောင်ကြည့်ပါတဲ့"
"အေးလေဟုတ်သား ငါလဲငါ့နှလုံးသားအသံသေချာနားထောင်ပြီးဆုံးဖြတ်လိုက်တာဟီး"
"ဪအေးပါကွာငါတော့မြင်ယောင်နေတယ်မင်းဒေါ်လေးကငါတို့ကိုရန်ကုန်ရောက်ရင်မိန်းမလည်တွေနဲ့တွေ့မှာစိုးလို့သတိတွေပေးလိုက်တာငါတို့ကမိန်းမလည်နဲ့မတွေ့ပဲယောကျာ်းတွေရတော့မယ်ထင်တယ်ဟေ့"
"အေးဟုတ်သားကွ"
"ဟားဟားဟား"နှစ်ယောက်သားပြိုင်တူရယ်မိကြသည်။
တစ်ဖက်တွင်အပျော်ကြီးပျော်ပြီးရင်ခုန်နေတဲ့ကောင်လေးတစ်ယောက်ရှိသလိုတစ်ဖက်တွင်လဲလက်တုံ့ပြန်ရတော့မှာမို့သူ့ရည်မှန်းချက်တွေဖြစ်လာဖို့မျှော်လင့်နေတဲ့ကောင်လေးတစ်ယောက်လဲရှိလေသည်။