♡تـــــــــتـمــــــــة♡
.
.
.
.
.
.
أو لالة مليكة لي عنقاتها حتى هي أو غزلان كذالك أو دوك لعيالات لي بداو كاي عزيوها جلسات فالوسط أو بقات حانية راسها أو كتبكي مدات ليها غزلان المشوار أو بتسمات ليها ببتسامة خفيفة أو رجعات مهبطة راسها،من بعد دقائق فالصالون كلشي سكت أو صوت القرآن الكريم لي كاي تسمع أو كلشي مخشع مع التلاوة ديال الشيخ،وصلات الوقت ديال الدفن إذن العصر أو رجال لي بداو كاي خرجو واحد مورا واحد باش إمشيو إدفنو الجثة فالمقبرة....من بعد ساعة النساء لي بداو كاي خرجو حتى هوما بقات غير لالة عائشة أو الحاجة زهور أو لالة مليكة أو البنات بثلاثة بيهوم.
ليالي لي حاطة راسها على الكتف ديال الحاجة زهور كتمسح ليها على راسها أو ساهية مكتنطق بحتى كلمة تمات داخلة لالة عائشة أو فيديها البلاطو فيه الماكلة أو حطاتو فالطبلة أو قرباتو لليالي أو نطقات حاطة يديها على وجهها.
لالة عائشة:يلاه أبنتي كولي شي حاجة شوفي وجهك صفار.
ليالي لي نفات براسها أو نطقات بهدوء.
ليالي:لا أخالتي ما فياش شهية ديال الماكلة.
لالة مليكة:لا أبنتي كولي شي حاجا ضروري أتمرضي إلا بقيتي كي بحال هاكا.
ليالي:لا....
لالة مليكة:ماكاينش لا أتاكلي يلاه أبنتي ديري لي خاطري يلاه.
أو مدات ليها المعلقة عند فمها هي لي فتحات فمها خدات منها المعلقة أو نطقات.
ليالي:أنا أنكمل بوحدي متعدبيش راسك.
هي لي بتاسمات ليها أو خلاتها على خاطرها قاطع صمتهم دياب لي تم داخل أو نطق بهدوء.
دياب:يلاه نمشيو،تعطلنا أصلا كثر من القياس.
لالة مليكة:واخا أولدي أحنا جايين.
ليالي:أنا ما غاداش أنبقى هنا.
دياب لي بدا كاي نفد صبرو أو نطق.
دياب:ما غاديش نبقا نعاود كلامي أتمشي هي أتمشي.
ليالي لي ناضت أو قربات لعندو.
ليالي:شكون نتا باش تقول ليا نمشي أو لا نبقا ما غادا لحتى بلاصة.
دياب لي جرها من يديها أو تام مخرجها من الدار أو لالة مليكة أو الحاجة زهور لي كاي عيطو ليه إخلييها و لكن ما من مجيب....ليالي لي كاتحاول تنطر منو ولكن هو لي كان قوي منها أو مقدراش تفلت منو بدات كضرب على كتفو أو كاتقول.
ليالي:طلق مني خليني نمشي طلقق.
أما هو لي بقا فقط متجاهلها أو فتح الباب ديال السيارة أو ركبها أو سد عليها الباب،أما هي لي كتحاول تفتح الباب و لكن مابغاش إتفتح هو لي دار لجهة خرا أو ركب أو سد الباب أو قرب منها هي لي كانت كتنطر فاش شافتو قرب منها وقفات مصدومة أو قلبها لي كاي درب بجهد سد ليها الحزام أو بعد منها بكل برود أو دار حتى هو الحزام أو مشا مكسيري.
لالة مليكة لي كتعيط و لكن والو ما كاي جاوبش خلاتهوم حيتاش عارفاتو ماغادي إدير ليها والو،ضارت عند لالة عائشة أو نطقات.
لالة مليكة:عائشة شكرا ليك بزاف.
عائشة:بالعكس نتوما لي شكرا جيتو وقفتو معانا.
لالة مليكة:ما كاينش موشكيل دابا حنا عائلة وحدة،ما تنسايش تجي شي نهار لعندي أو نجلسو شوية.
لالة عائشة:طبعا إيلا لقيت الفرصة أنجي لعندك.
لالة مليكة:أو حتى نتي أبنتي جيهان مرحبا بيك وقتما جيتي.
جيهان:شكرا أخالتي.
جيهان أو غزلان لي تبادلو أرقام الهواتف ديالهوم باش إيبقاو على إتصال.
الحاجة زهور:يلاه نخيليوكوم أنمشيو دابا،نتمنى نطلاقاو مرة أخرى فساعة حسن من هادي.
لالة عائشة:إنشاء الله الحاجة.
مشات الحاجة أو لالة مليكة أو غزلان من بعد ما سلمو عليهوم مشاو نيشان لقصر...عند دياب فالسيارة لي كان صمت ليالي لي حاطة راسها بهدوء على زاج ديال طونوبيل أما دياب لي مركز على السوكان أو مرة مرة كاي شوف فيها،وقفات السيارة أمام بوابة القصر كاي تسنا لي غارد إفتحو البوابة مع فتحوها كمل ديك طريق طويلة باش توصل للقصر:
وصلو لحدا باب القصر نزل دياب أو مشا دار لجهتها فتح الباب فاش شافها ماهبطاتش أو نطق ببرود.
دياب:ما ناوياش تهبطي نهبطك بطريقتي همم.
ليالي شاف فيه مطولة أو هبطات سد الباب دال الطونوبيل دخلو لداخل من بعد ما فتحات ليهوم الخادمة الباب دخلو لصالون لقاو لالة ثريا أو شمس لي كتلعب بالألعاب ديالها غير شافتهوم ناضت أو نطقات بفرحة.
شمس:باااباا جيتي توحشتك.
بغات تعنقو و لكن هو رجع بلور بمعنى ما بغاش إعنقها ليالي لي شافت هاد المنضر أو تعصبات من تصرفو بدات كاتشوف فيه مخنزرة أو حنات لعند شمس لي مقوسة شنايفها بحزن مسحات ليها على شعرها أو نطقات.
ليالي:حبيبة ديالي.
شمس:ليالي فين كنتي توحشتك بزااف صحابليا مشيتي.
عنقاتها ليالي:حتى أنا أحبيبة ديالي توحشتك بزاف.
نطق دياب ببرود أو كلام لي كان موجهو للالة ثريا.
دياب:باقي ما جا حتى واحد.
لالة ثرية:للحد الأن ما شفت حتى حد.
من بعد ما كملات هضرتها تمو داخلين ،الحاج إبراهيم أو السيد إسماعيل.
الحاج إبراهيم:حفيدي نتا هنا...بنتي ليالي بخير.
ليالي:بخير الحاج.
قرب الحاج إبراهيم لعندها أو مسح على راسها.
الحاج إبراهيم:الله يرحم الأم ديالك أو الله يسكنها جنة الفردوس.
ليالي لي غرغرو عينيها أو نطقات أو هي مهبطة راسها.
ليالي:أمين ياربي الحاج.
الحاج إبراهيم:ولدي دي ليالي ترتاح فالغرفة.
دياب:هي عارفة طريق مزيان متحتاش نوريها.
طلعات راسها شافت فيه أو هي مخنزرة،أو نطقات.
ليالي:أه الحاج أنا عارفة طريق،نخليكوم أنا طالعة.
الحاج إبراهيم:واخا أبنتي سيري.
ضارت تمات غادا دازت من حداه أو شافت فيه أو هي مخنزرة أما هو لي بادلها بنضرات برود،أو ضور عينو لعندهم أو قال.
دياب:فيناهوا نزار أو يوسف ما جاوش؟
السيد إسماعيل:لا خليناهم على برا قالو أي دخلو واحد شوية.
دياب لي حرك ليه راسو أو تم خارج لعندهوم،أما الحاج لي طلع لبيتو أو سيد إسماعيل أو لالة ثريا كذالك أما شمس لي طلعات حتى هي...دياب لي خرج أو شاف نزار أو يوسف واقفين كاي هضروا مشا وقف عليهوم.
دياب:داك الحقير ديال أحمد باقي ما نطق بحتى كلمة؟
يوسف:باقي ما باغيش إهضر كاي خسك تمشي نتا.
حرك ليه راسو أو نطق.
دياب:غدا أنمشي لسويسرا عندي شي خدمة تما كاي خسني نمشي ليها.
نزار:واش أتطول عاوتاني تما.
دياب:أنبقى شهر أو أنرجع.
يوسف:إذا حتى أنا أنمشي معاك؟
دياب حرك ليه راسو بأه،بداو كاي هضروا حتى تمو هابطين من الطونوبيل الحاجة زهور أو لالة مليكة أو غزلان.
وقفو قبلاتهوم أو نطقات الحاجة زهور.
الحاجة زهور:ولادي شكاديرو هنا دخلو لداخل.
دياب:لا غادي نمشيو عدنا شي غاراد أنقديوه.
لالة مليكة:ولدي يوسف كيداير لاباس عليك.
يوسف:لاباس أخالتي حمد الله.
الحاجة زهور:وليدي جيتي لمغرب أو ماجيتيش تسول فينا.
يوسف:لا الحاجة حاشا غير نتي عارفة الخدمة أو حفيدك ما كاي عياش من الخدمة.
دياب لي خنزر فيه حتى سكت.
الحاجة زهور:عارفة أوليدي عارفة هو عزيزة عليه الخدمة أو بغا إعاديك نتا أو نزار.
نزار:إيوا ها نتي تشوفي أداد.
نقزات غزلان أو نطقات.
غنلان:خويا فيناهيا ليالي.
دياب(ببرود):كاينة فالغرفة ديالها.
حركات ليه راسها أو تمات غادا داخلة للقصر أما هو لي نطق لجداه أو ماماه.
.
.
.
.
.
.
♡يــــــتبــــــع♡