سلام البنات مرحبا بيكم فقصة....
{👑 ليتني لم أحبك 👑}
.
.
* ممنوع أخد القصة من دون إدني❌❌
-تأليف و الكتابة :
@za3imaikram157.
-وكذلك الغلاف من تأليفي:
@za3imaikr...
مشا المكتب ديالو او جلس هز تيليفون أو بدا كاي تاصل.
دياب:ألو يوسف.
يوسف:أوهه شكون تاصل بينا و فين أعشيري مشيتي لمغرب غير أسبوع أو نسيتينا.
دياب:بلا من الهضرا بزاف،غدا أجي لعندي نزل لمغرب.
يوسف:علاش واش مغاديش ترجع.
دياب(ببرود):دير لي جلت ليك أو صافي.
أو قطع ليه على وجهو بلا ماي تسنا لجواب ديالو حيتاش فالأول أو الأخير هضرتو لي غادي تكون،مس دياب على وجهو أو هو عيان باين على وجهو لعية ناضت أو هز سيغار ديالو أو تقابل مع شرجم لي كاي طل على شارع أو كتبان المدينة كاملة بدا كايي كمي أو هو ساهي كاي فكر حتى واحد مكاي عرف فياش كيفكر او شنو أفكار سوداء لي كضور ليه فداك العقل،قاطع تفكير ديالو دقان ديال الباب نطق بصوت خشن بلما يدور أو لا يتحرك.
دار عندو دياب شاف فيه ببرود أو مشا جلس فالمكتب ديالو أما نزار لي كان جالس فالكرسي لي مقابل مع البيرو كاي تسنا إيجوليه دياب هلاياش عيط ليه.
دياب:غدا جاي يوسف أو غادي نبداو فالمهمة بغيتك تعرف المكان بضبط فين كاين فالروق أو تحدد ليا الموقع ديالو.
نزار(بجدية):واخا كون هاني أشمن ساعة بضبط أتكون المهمة.
دياب:غدا أنحددو الوقت بضبط، قبل من كلشي بغيتك تقلب ليا على هادا.
مد ليه تصويرتو،نزار لي شد من عندو التصويرة شاف فدياب أو فتصويرة بتساؤل نطق.
نزار:شكون هاد راجل او شنو بغيتيني ندير.
دياب:بغيتك تلقا ليا هدا بأسرع وقت ممكن هو يد اليمنى ديال فروق او هو حاجة لوحيدة لي غادي نقدرو نوصلو بيها لداك الحقير، غادي ندمو على النهار لي حاول إلعب معيا فيه.
نزار:واخا كون هاني أنلقاه بأسرع وقت، أو يوسف عارف بلي غادي نبداو فالمهمة.
دياب:لا غير علمتو إجي غدا غادي تجول ليه.
نزار:صافي مهم حسب بلي راجل لقيتو.
حرك ليه دياب راسو ببرود بلما يتكلم هادا هو طبعو مكاي تكلمش بزاف أو كلشي عارفو.
نزار:يلا نمشيو لقصر الحاج ما خرج حتى وصاني تجي معيا باش نتغداو.
دياب:واخا واخا سبقني أنا جاي.
دياب زفر بقلة حيلة عارف بلي جدو ماغاديش إخليه او غادي إتعصب عليه هكاك علاش كاي خصو إمشي ، واخا دياب طبعو صعيب أو مكايناش كلمة خرا من مورا كلمتو ولكن ملي جدو كاي حتارمو بزاف لا هو ولا جداتو أو ماماه،مسح هلى وجهو هز سوارت ديال لوطو أو فيست أو نضاضر د شمس أو شي وثائق أو خرج من المكتب.
سكريتيرة:سيد..سيدي عندك الإجتماع م....
مكملاتش هضرتها بسباب دياب لي قاطعها بكل برود.
دياب:لغي الجدول ديال ليوم كامل ماغاديش نكون.
مشا كمل على طريقو او لبس نضرات الشمسية ديالو أو خرج من شركة، أو خلا سكريتيرة لي باقي مكملات حتى عضرتها.
سكريتيرة:وا..خا سي..بووف مشا بلا ما حتى نكمل هضرتي...ولكن شحال زوين أو وسيم مكرهتش إيكون راجلي...شكون داها فيك نمشي نمشي نكمل خدمتي حسن ليا.
نشات لخدمتها أو هي كتعضر غير بوحدها، هاد دياب محمق البنات كاملين....(ولكن ياكما حمقكوم حتى نتوها ههه ، إيوا يا البنات غير شوفو شي واحد أخر حيتاش ليالي إلا ساقت الخبار أتسفيها ليكوم ههه😂غيير كان نضحك البنات مهم نرجعو لقصة ديالنا).
خرج دياب او لقا نزار كاي تسناه حدا طونوبيل،فتح دياب طونوبيل او ركب نزار أو حتى هو مشا أو هو مكسيريي، دازت شي عشرين دقيقة أو وصلو للقصر هبط نزار أو تبعو دياب لي خلا لشيفور سوارت باش إمشي إبلاصيها نطق نزار.
نزار:نتا إلا ركبات معاك شي بنت أتقلها غير بسوغان ديال.
دياب لي شاف فيه او خنزر فيه واحد تخنزيرة لي خلات نزار إسكت أو ماي نطق بحتى شي كلمة خرا.
مشاو أو دخلو لقصر لقاو الخدمات كاي حطو فالغدا أو العائلة مجموعة فالصالون على ماتوجد الطبلة.
دياب&نزار:سلام أو عليكوم.
حاجة زهور:حفادي جيتو على سلامة.
نزار:اه أدادا جينا.
مشا دياب أو باس راس ديال جراه أو جدو أو ماماه أو نفس شي مع نزار.
