♡تـــــــــتـمــــــــة♡
.
.
.
.
.
.
ضحكت ليها أو بست ليها جبينها او عنقتها لعندي.
حتى تم خارج دياب من دريسينك أو هو لابس سروال واسع كحل أو تيشورت بالرمادي مايل للون أسود،قرب لسرير أو تخبط حاط يدو بجوج تحت راسو او مغمض عينيه، شمس لي طلعات فيا عينيها أو نطقات ببراءة.
شمس:ماما كملي ليا لقصة ديال الجميلة و الوحش.
ليالي:واخا أحبيبة و لكن من بعد نعسي صافي.
حركات ليا راسها بإيجاب أما دياب لي باقي مغمض عينيه او غير كاي سمع لحديثهم.
ليالي:فين وقفنا،أممم اوكي أنا أنبدا...فواحد ليلة كانت شتا خيط من سما أو كان البرد قاسح دق شي واحد فالباب ديال قصر ديالو فتحو الخدم ديالو الباب أو لقاو واحد لمرا كبيرة فالعمر فازگا كاملة بالما ديال الشتا أو كترعد بالبرد طلبات منهم تبقا معاهوم غير ديك الليلة على ما تحبس الشتا.
كان نعاود أو أنا كان نمسح ليها على شعرها أو هي لي كتشوف فيا بعينيها الصغورين بتاسمت أو كملت.
ليالي:أو فاش عرف الأمير بهادشي مشا لعندها أو رفض أو جال لبها تمشي من حدا قصر ديالو.
شمس:ماما هاد الأمير شرير هو ماشي كيبحال لي قلتي على بابا...بابا ضريف.
شفت فيه أما هو لي طلع فيا حاجب.
دياب:يعني كتعاودي عليا لبنتي بالخايب.
ليالي:إحم..إحمم أه...أه ماشي كيبحال باباك...خليني نكمل...بدات ديك المرا العجوز كطلبو بزاف أو خرجات من ساكها وردة حمرا أو قدمتها ليه باش إخليها تبقى عندو ديك الليلة ، ولكن هو تعصب أو سخر منها أو جرا عليها، او فديك اللحضة ديك العجوز تحولات لبنت شابة أو زوينة....
قاطعني دياب لي قلب عينو.
دياب:أش هاد الخرافات لي كتعاودي لبنت.
ليالي:ماشي شغلك بيني أو بين بنتي....أو قالت للأمير بلي هي ساحرة أو غادي تعلمو درس على هادشي باش إتعلم أن تعامل كاي يبني على جمال داخلي دالإنسان أو ماشي خارجي،أو لقات عليه تعويذة أو حولاتو للوحش كاي خلع أو حولات دوك الخدم لي كانو تما للأواني أو أدوات منزلية.
شمس:ممم يعني بسباب ديك البنت تحول الأمير للوحش.
ليالي:أه أبنتي حيتاش كان إستاهل....يلاه نعسي دابا مشا لحال.
شمس:أمم واخا أماما.
باستني فخدي أو ضارت باست دياب حتى هو أو نطقات او هي شادة فوجه باباها بيديدتها صغيورين.
YOU ARE READING
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
