{تــــــــتــــــمــــــــة}
.
.
.
.
.
.
.
ليالي وصلات أو دخلات من الباب لوراني لي كاي دخلك لكوزينة أو شافتها كلثوم أو جبداتها أو نصقات.
كلثوم:فين تعطلتي أهاد البنت.
ليالي(ضحكات ببلاهة):ههه كلثوم شوفي أخر مرا كونت طلاقيت مع صاحبتي أو نسيت الوقت أو مشا عليا الوقت أو كان زحام فطريق،أخر مرا.
كلثوم:حاولت نغطي عليك حيتاش حليمة كانت كتقلب عليك، ولكن أخر مرا إلا عاودتيها مغاديش نغطي عليك ديك ساعة.
عنقاتها ليالي أو باستها.
ليالي:إخليك ليلي أكلثوم معانديش منك جوج والله.
كلثوم:وتي طلقي أو سيري بداي خدمتك.
ليالي:واخا أكلثوم.
مشات ليالي أو دارت خدمتها او سالات مشات لحديقة أو شافت شمس كتلعب مع واحد الكلب أو بدات كتشوف فيها أو هي كتلعب بقات ساهية فيها كتشوفها كيفاش كتجري أو كضحك ، فاللحضة طاحت شمس أو بدات كتبكي أوهي كتغوت برجلي.
شمس:أي هئ هئ أي بابا...بابا رجلي هئ هئ.
مشات ليالي كتجري أو جلسات على ركبيها أو شدات ليها رجليها او نطقات بخوف او كتفحص ليها رجليها.
ليالي:صافي أحبيبة شنو باش كتحسي فين كتحرقك رجليك بضبط.
شمس نطقات أو هي كتشعق.
شمس:هئ هئ هنايا كثحرفني رجلي بثاف.
ليالي:احبيبة ماتخافيش أنا ندير ليك دوا باش إمشي ليك ديدي صافي أحبيبة.
حركات ليها شمس ليها راسها بأه أو هي كتمسح دموعها بكمام ديال حوايجها، هزاتها ليالي أو مشات بيها لصالون أو جلساتها.
ليالي:بقاي هنا انمشي نجيب دوا أو نجي.
حركات ليها راسها، مشات ليالي او هي كتجري لكوزينة هزات العلبة ديال الدوا أو رجعات لصالون او جلسات على ركابيها او فتحات العلبة هزات منو المعقم أو قطن.
ليالي:شوفي أحبيبة ديالي انا أندير ليك دوا دابا أيقسحك شويا ولكن صبري صافي.
شمس:اه صافي ثوفي ولكن بثوية حيتاث قتحرقني بثاف (اه صافي شوفي ولكن بشوية حيتاش قتحرني بزاف).
ليالي:صافي أحبيبة.
عقمات ليها الجرح أو دارت ليها فاسمة لرجليها أو جلسات حداها نطقات أو هي كتمسح ليها على راسها.
YOU ARE READING
👑ليتني لم أحبك👑 (بدارجة المغربية)
Romanceسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
