اجه حسن جايب وياه ملابس لأمير واكل
كعدته لأمير وكلته والدكتور يجي كل شويه يجيك
على حالة أمير كال حالتة صارت احسن بس لازم يبقى
يومين عل أقل بالمستشفى أمير ميقبل يبقى بالمستشفى بلكوه قنعته حسن فرش بالكاع ونام
اني ضليت كاعده عل كرسي يم أمير
أمير.. شجون
شجون.. هاا
أمير.. تحبيني
شجون.. مو كتها أمير
أمير.. لا وكتها تحبيني
شجون.. لا ماحبك
أمير.. صدك شجون متحبيني
شجون.. لو ماحبك جان اني هسة مكابلتك وكاعده
أمير.. شجون مسامحتني
شجون.. أمير الدكتور كلك لاتحجي هواي موزين عليك
أمير.. لا وياج الحجي يختلف
شجون.. يي قشمر بيه
أمير.. جاوبيني هسه
شجون.. مو هسه اجاوبك من اشوفك تتغير وترجع مثل اول مره شفتك بهذيج اللحظة اعرف اني مسامحتك
أمير.. شجون من ارجع للبيت ترجعين ويايه مو
شجون.. مادري
أمير.. غصبن ماعليج شنو مادري
شجون.. هاا رجعنه
أمير.. غير انتي مرتي وين تروحين يعني غير ترجعين
ويايه
شجون.. ارجع بس كافي خطيه حسن نايم راح يفز
شجون.. أمير
أمير.. هاا
شجون.. امك ليش متريدني
أمير.. ليش منو كلج امي متريدج
شجون.. عايزه احد يكلي أمير اني اول مادخلت للبيت
امك كرهتني مادري ليش
أمير.. هيه هاي امي تحب بس اليعجبها
شجون.. الله كريم كلشي ينحل انشاءلله
أمير.. انشاءلله
شجون.. أمير من الأسبوع الجاي اني راح ارجع للجامعة
وفاتتني كومه امتحانات ومحاضرات من وراك
أمير.. بس اطلع من المستشفى اني احاجي عميد الكلية
شجون.. يي
أمير.. شجون تذكرين اول مره شفتج بيها شكد جنتي
شايفه نفسج
شجون.. اني الشايفه نفسي لو انته عيني تمشي بس
ويه الحلوات
أمير... هههه لاتبالغين هذني هنه جانن لزكه اني مختلطت بأحد هناك بس من شفتج رافعة خشمج كلت
خلي اكسره الها
كرصته حيل
شجون.. خشمن تكسر
أمير.. اتشاقه وياج شعندي غيرج اني
شجون.. عندك خير من الله حبايب
أمير.. كلهن يرحلج فدوه
شجون.. امير يلا نام كافي حجي بلكي منا لباجر تصير
احسن ونطلعك من المستشفى
نام أمير واني نمت عل كرسي
فزيت الصبح عل صوت حسن يكعدني
حسن.. كومي شجون تريكي
كعدت باوعت أمير دياكل ارتاحيت شفت أمير احسن
من البارحة
شجون.. صباح الخير
أمير.. صباح النور
حسن.. صباح النور
شجون.. أمير شلون صرت
أمير.. صرت احسن من شفتج
حسن.. كافي كلاوات نريد نتريك
شجون.. يي والله أمير كافي كلاوات
أمير.. اليحب مرته تسموها كلاوات
حسن.. لما هيه نهزمت من وراك وهسه تكول احبها
أمير.. مو بوعيي وانته تعرف اني من شنو اعاني
شجون.. كافي يلا راح تتعاركون أريد اتريك
كعدت تريكت وخلصت
شجون.. حسن روح عل دكتور خلي يجي يفحص
أمير حتى إذا أمير تحسن ناخذه ونطلع للبيت
اجه الدكتور وفحص أمير وكال كلش متحسن بس
يرادله اهتمام ونكدر نطلعه من المستشفى
شجون.. أمير لعد اني راح اروح للبيت حتى احضرلك
الغرفة واعدلها
أمير.. تروحين وحدج
حسن.. اوكفي شجون سيف هسه راح يجي يبقى يم أمير لحد متخلص الأوراق واني وياج نرجع للبيت
شجون.. تمام
اجه سيف وحسن كلي يلا نروح طلعنه من المستشفى
وجنت متوتره لأن راح ارجع للبيت بس كلت علمود
أمير وارجع للواقع اني ماعندي احد غير أمير وامي
وصلنة للبيت حسن طبك السيارة بالكراج نزلت وايدي
على كلبي ماريد اشوف ام أمير اول مدخلت للبيت
شفتها بالمطبخ دتركب الغده
ام أمير.. لا هلا ولا مرحبا انتي شدسوين هنا اجيتي
دتموتين ابني
شجون.. خاله ترى ابنج البارحة جان بين الحياة والموت
بيج حيل تتعاركين
ام أمير.. منو وصله للموت اني لو انتي
حسن.. يمه ابوس رجلج كافي مشاكل سيف وأمير عل جيه
كافي مشاكل انسو كلشي
عفتها وصعدت للغرفة لكيتها هووسة عبالك مهجورة
كمت بسرعة نطفتها ومسحتها وبخرتها
وأخذت ملابس وطبيت سبحت وطلعت نشفت شعري
ودامشط سمعت صوت سيارة سيف عرفت أمير
اجه كمت من الكرسي ركض ردت انزل بس كلت
لنفسي شويه ثكلي هذا كله سواه بيج وانتي مثل
الخبله تركضين وراه كلت لازم اغير من تصرفاتي
ويه أمير وارجع مثل الأول
مشطت شعري ولميته ضليت كاعدة منتظره بالنص
ساعة مصار شي
نزلت جوه لكيت أمير كاعد بالصالة
شجون.. هاا الحمدلله عل سلامة
أمير.. الله يسلمج
شجون.. نضفت الغرفة تكدر تصعد فوك
أمير.. مو هسه اصعد أريد اكعد وياكم شويه
شجون.. تمام لعد اني راح اصعد فوك
أمير.. ليش تعالي كعدي هنا
شجون.. لا أريد ارتاح فوك شويه تعبانه
أمير.. تمام
اني متعبانه بس ماريد اكابل ام أمير لأن اعرف بيها
ناويه على مشكلة واني ماريد اسوي مشاكل لأن أمير
مريض
صعدت فوك تمددت وكبل غطيت بالنوم
فزيت عل صوت الكنتور شفت أمير ديطلع ملابس
شجون.. تعال اكعد وكلي اني اطلعلك الدكتور كال موزين عليه الحركه هسه
طلعتله الملابس
شجون.. أمير ارتاح شويه وبعدين فوت اسبح
أمير.. اذا ماسبح هسه يمكن اتخبل
شجون.. بكيفك
حضرتله كلشي ورتبت الجرباية لأن جنت نايمه عليه
وتهوست
شجون.. أمير بعد تريد شي جوعان لو اكلت
أمير.. اكلت الحمدلله
شجون.. لعد كوم اسبح حتى احضرلك الأدوية من تطلع
تشربهن
أمير.. شجون
شجون.. هاا
أمير.. حضنيني
شجون.. هاا
أمير.. شنو ها حضنيني
شجون.. شنو المناسبة
أمير.. ماكو مناسبة انتي مو مرتي لو اني غلطان
شجون.. الحمدلله تذكرتني
أمير.. انجبي اني مانساج لو اموت
حضنته وأمير حضني حيل بحيث عمودي الفقري راد
يتكسر بيده
شجون.. أمير خنكتني
أمير.. أريد اصدك انتي يمي
شجون.. مو راح اموت
هدني أمير وخرت بسرعة
شجون.. أمير من صدك ردت اموت بيدك
أمير.. شجون احبج
شجون.. اني هم بس كوم اسبح حتى تشرب دواك
دخل أمير للحمام
وكمت ألوم نفسي على المعاملة الي دعاملها لأمير
بس كلت لازم أقسى عليه شويه حتى مابين كدامه
اني ضعيفه ومنكسره
اذكرت حضنه ومن كلي احبج كمت اكمز بالغرفة
باوعت على نفسي بالمراية
شجون كافي عيب اثكلي
شجون.. أمير تريد شي مني لو انزل جوه
أمير.. يي أريد ملابسي
شجون.. ليش مخذتهن وياك
أمير.. اخاف يتبللن
ضليت كاعدة منتظرة لحد مصاحني وكال انطيني
الهدوم
انطيته ونزلت جوه لأن ميته من الجوع طبيت للمطبخ
ماكو احد فتحت الثلاجة لكيت باقي اكل من الغدة
سويت لفة وكعدت داكل
فاتت سهام وجهه ثكيل وزهراء وراها هم متحجي
ويايه مهتميت لأن اني ممسوية شي غلط داغسل
ايدي وسمعت صوت تكسر جاي من فوك صعدت
للغرفة فتحت الباب وانصدمت..