فتاة الميتم وأحببت مقدم

البارت الثالث

طبيت للسكن لكيت البنات كاعدات يلعبن بالتلفون
اني ماعندي تلفون المهم سبحت وبدلت وكعدت اقرة
لحد مطفيت حطيت راسي ونمت كعدت الصبح ساعة
بل ٦ لكيت البنات نايمين همزين طبيت سبحت على
راحتي وبدلت ومشطت وماكو وحدة تخبصني ولزمت
الملزمة وكعدت اقرة لأن هذا الامتحان الشهر الأول
لازم اجيب درجات زينة ظليت كاعدة لحد مكعدن
البنات وحظرن نفسهن وطلعنة كلنة نتمشى للكلية
اني والبنات وصلنة للقاعة طبعا البنات يطلعن ويفترن
بالجامعة بس اني اكعد اقرة لأن أريد أنجح يعني
الكلية ابد مومثل مجنت متخيلتها عبالي مو مثل
المدرسة بس طلعت انكس من المدرسة دك قراية
المهم واني هم شادة حيلي أريد أنجح واطلع امتياز
صار وكت المحاظرة واجوي للقاعة كلهم ظليت اباوع
أمير ماكو يعني اليوم عدنة امتحان شهري معقولة ميجي المهم اكتمل عددهم وأمير ماكو اجة الدكتور
وامتحنة وأمير ماكو طلعت من المحاظرة الحمدللة
جاوبت بس بقت يم ربي جنت ميتة من الجوع حرفيا
رحت للكافترية جانوا بوكتها مسوين بس ريوك بيض
سلك واجبان وهاي السوالف اخذت بورك وجاي
وكعدت اكل كملت وغسلت وطلعت شفت الساعة
كمت اركض عل محاضرة الحمدللة الدكتور بعدة مجاي
خلصنة المحاضرة على خير وسلام رحت غسلت ونمت
كعدت ورحت للمطعم وكالعادة ظليت اشتغل هناك
واشوف أمير داخل وية بنات اثنين ويضحك والابتسامة شاكة حلكة كعدو رحت عليهم
شجون: شتحبون تطلبون
ظلنة يتفلسفون طلعوا روحي لحد مطلبن
باوعت على أمير يي هنا الحجي متواعد وعايف الامتحان كعدت ولزمت الملزمة ماريد اشوفهم
جان يصيح أمير اهووو
شجون: شنو طلبكم
أمير: تلاثة ببسي دايت
شجون: تمام تريدون شي بعد
أمير: لا
ببسي دايت هذا الاكل كلة يريدون دايت استغفرللة
جبتلهم الببسي واجوي عائلة رحت عليهم وأخذت
طلبهم جانوا عددهم خمسة الاب والام وبنات اثنين
ولد جبير
الولد: ليش تشتغلين بهيج وكت
شجون: اعذروني بس ماكدر احجي بمكان عملي
تطلبون شي ثاني
ظل الولد يباوع انتو شعليكم اشتغل يعني وحدة ماعدها معين ومتعرف منو اهلها يعني غير تعتمد
على نفسها المهم فتت من يم أمير يباوع بنظرات
شلون معاجبة الوضع ورة شوية أمير طلع هوه والبنات
همزين صارت ساعة ب٨ طلعت من المطعم وشايلة
الملزمة جان اشوف أمير جاي علية
أمير: ابد متوقعتج هيج رخيصة
شجون: شنو؟؟ رخيصة احترم نفسك أمير شدتحجي
أمير: اني الداشوفة هيج واكفة وتحجين وية الولد
وماخذة راحتج وتتناقشون
شجون: انتة جنت واكف ويانة عرفت اني شحجيت
أمير: لا بس مبين والولد مشال عينة من عليج
شجون: مادام متعرف شنو حجيت ومجنت واكف
وياية لاتحجي وشتريد تاخذ نظرة علية ميهمني
اني اعرف شنو أخلاقي صح تربيت بدار ايتام
والحمدلله الله حرمني من الأهل عوظني بخواتي
بالدار وامنا بدار ربتنا احس تربية وبعمري مراح انزل
راسها مو معناها اني بغير محافظة اخذ راحتي وشنو
يعجبني اسوي لما محتاجة الفلوس جان مشتغلت اني
داشتغل بشرف وبتعبي الحمدللة منزلت نفسي لاحد
صح انتة ذاك اليوم حجيت وية الحارس ومعروفك
مانساه بس تجي تتهمني عينك عينك وشتريد تاخذ
علية نظرة اخذ لأن اني ماهمني احد غير دراستي
وعفتة ومشيت صدك انقهرت رحت للسكن وراسي
راد ينفجر كلشوية ينعاد كلامة براسي طبيت سبحت
وطلعت ولفيت روحي عيوني دمعت يعني معقولة
هيج الماعدها اهل يستغلوها هيج يشوفونة بعين
اصغيرة مسحت ادموعي ونمت كعدت الصبح ماعدي
دوام جان يوم جمعة جنت لأمة فلوس مو اخذ الاسبوعية اخذ منها فلوس واظمهن اخاف احتاج شي
جنت محتاجة ملابس لأن ملابس مو هواية غسلت
وبدلت ولبست فستان مال طلعة فساتيني كلش
بسيطة يعني مو فستان فخم وهيج لا فستان عادي
ولبست جنطة صفح اخذتها من لارا وحطيت بيها
الفلوس ومشطت شعري وحطيت ماشات ثنين ولبست
الحذاء وطلعت ظليت اتمشى لحد موصلت للسوك مال
ملابس ظليت افتر اشوف الملابس عجبني فستان
لونة اسود وبية ورد أحمر اني مالبس هيج الوان جريئة
بس عجبني واشتريتة واشتريد حذاء اسود وداطلع
من السوك شفت محل مال اكسسوارات البية ميخليني
لازم اشتري من اني صغير احب هذني السوالف شفت
كلادة تخبل يصير لونها فظي وبيها وردة لونها وردي  صغيرة تخبل اشتريتها واشتريت المحبس لأن هية
تصير محبس وكلادة وأخذت للبنات كل وحدة سوار
نازكات يخبلن كملت وطلعت كلت كل ميصير عندي
فلوس اشتري ملابس رجعت للسكن ملكيت البنات
طالعات كدرت الفستان طلع يجنن هوة والحذاء
واكسسوارات كلشي عجبني بدلت وحطيت الملابس
بالكنتور ونمت كعدت بل ٤ العصر كمت اكلت جبن
وجاي وصارت بل٥ بدلت ورحت للمطعم وظليت واكفة
مكعدت بيوم الجمعة والسبت يجون هواية عالم
وشغل هواية مالحك منا ومنا خلصت شغل واحس
جسمي انشل من الشغل وجنت نعسانة كلش عيني
قفلت طلعت من المطعم لكيت أمير موجود اهووو
والله مابية حيلة
أمير: شجون اوكفي خلي احجي وياك
شجون: ماكو شي بيناتنة حتى اوكف واحجي وياك
أريد اروح وخر
أمير: مجنت اقصد هيج
شجون: لعد شتقصد وانتة ليش واكف تحجي وية
وحدة رخيصة هاا شوية أريد اروح لاتحجي وياية
اني مو من مقامك اني بنية يتيمة وماعندي احد
والكل يباوعلي بعين صغيرة ومابية حيل احجي
حتى شوية ورجاءاً لاتحجي وياية بعد حتى ابو
المطعم اخذ غير نظرة علية من وراك
أمير: بس اوكفي اني اعتذر مادري شلون طلعت مني
هاي الكلمة مجان بقصدي اجرحج بكلامي
شجون: يي تمام افتهمت أريد اروح اتأخر الوكت
وعفتة ورحت مادري شنو هالانسان ساعة يحجي
ويجرح بالكلام وساعة يعتذر يكسر ويجبر طبيت
للسكن وشفت البنات موجودات انطيتهن السوارات
فرحن كلش بدت علاقتي اني والبنات تقوة كلش طبعا
خلصنة الامتحانات الشهرية والحمدلله طلعت امتياز
مثل مجنت مخططة ورئيس القسم مالتنة سوالنة
سفرة اني اول شي مردت اروح بس بعدين البنات
كعدن يزنن على راسي لحد موافقت ولبست فستاني
الأسود والاكسسوارت وشعري شلتة ذيل حصان
وطلعت اخبل والكل راح يجيب اكل اني والبنات اتشاركنة وجبنا قطع كيك وببسي وكلنة اجتمعنا
بالقاعة حتى يجي الدكتور ونطلع كلنة للسيارة جابوا
سيارات اثنين ركبنة كعدت يم الجامة جان يجي
ويكعد بصفي أمير باوعت علية ملكة مكان الو هنا
من هسة خرب علية السفرة
أمير: اليوم طالعة حلوة
شجون: يعني قصدك اني يومية محلوة
أمير: لا موهيج قصدي بس انتي يومية حلوة بس
اليوم طالعة تخبلين
مجاوبتة بس باوعت ودرت وجهي المكان الرايحيلة
شوية بعيد وشغلوا اغاني بالسيارة ويضحكون ويتشاقون بس اني كاعدة واباوع عليهم ولارا ولين
يباوعن علية بنظرات لأن أمير كعد بصفي عبالك
هوه فدشي اني مطايقة نفسي أمير بس يباوع علية
ميحجي شي وصلنة الكل نزل أمير كام ظليت اني
كاعدة
أمير: شنو متنزلين
شجون: لا هسه شوية وأنزل
أمير: براحتج
بقيت شوية كاعدة بالسيارة مادري شبية تعبانة وراسي
يوجعني نزلت ولكيتهم طابكين اربع ميوزة ويحظرون
الاكل وجايبين دولمة ومقلوبة وسمج وممخلين شي
كعدت جان يجي الدكتور كعد بصفي الدكتور مو جبير
يعني يطلع عمره ٣٠ ٣١ هيج مو كلش جبير كعد يسولف
وياية ويكلي عفية جبتي امتياز واوصلي وحققي
هدفج وكاعدين نسولف انداريت جان اشوف أمير
كاعد مقابيلي وبس واحد يسويلة بخ ينفجر اني
عبالي ضايج من السفرة المهم اكلنة وضحكنا واتونسنة
كمنة غسلنة وتمشيت ولكيت مصطبة كعدت عليها
جان يجي يكعد بصفي أمير.
وهنا وصلنة لنهاية البارت مو تنسون التصويت☆☆☆☆ والمتابعة وبااي ♡