اباوع منو جر عباس شفت أمير
أمير لزم عباس من ياخته
أمير.. شعدك واكف ويه مرتي
عباس وخر ايده الامير
عباس.. تره مواكف اسويلها شي كتلها استنسخلج ويايه
اجه أمير ديلزم عباس كمت ركض كدام أمير
انداريت عل عباس
شجون.. عباس الله يخليك روح لاتصير مشكلة
عباس.. هاي لخاطر شجون جان صار غير حجي
أمير من سمعه هيج حجة راد يلزم عباس
جريته من ايده
شجون.. أمير كافي فضحتني الله يخليك كافي مابيه
حيل مشاكل
أمير.. شعنده واكف يحجي وياج هاااااا جاوبي
شجون.. امير شبيك كلي تريدين استنسخلج
انته اجيت وجريته بدون تفاهم شبيك أمير
ليش اطلع مشاكل من جوه الكاع
أمير.. يوميه اجي للجامعة واذا شفت ولد واكف يحجي
وياج جامعة بعد مداومين
شجون.. أمير راح نبقى هيج أمير اني ماتحمل هيج
باجر من الصبح نروح للمحكمة ونرفع قضية طلاك
اني بعد ماتحمل اعيش وياك
باوع عليه أمير
أمير.. تطلكين وين تولين منو يلفيج مو زين اني
اخذتج
باوعت عليه وكلامه عبالك سجينه بكلبي
شجون.. يعني انته مزوجني شفقه مو لأن تحبني
دفعته لأمير ومشيت طلعت من الجامعة ظليت
كاعده انتظر ابو الخط
وكفت سياره أمير كبالي
أمير.. صعدي يلا دنروح للبيت
شجون.. لا هسه يجي ابو كرار واروح وياه
أمير.. دكيت عليه كتله لاتجي
شجون.. ليش تتصرف بكيفك
أمير.. بلا حجي زايد تعالي صعدي
صعدت بالسياره وبذاك اليوم جنت ميته قهر
اول شخص حبيته بحياتي يعاملني هيج
وصلنه للبيت نزلت من السيارة وركعت باب السيارة
حيل
نزعت الحذاء تكرمون ودخلت للبيت
البيت هدوء ماكو صوت بالبيت
صعدت بدلت ملابسي وطفيت الضوه ونمت
YOU ARE READING
فتاة الميتم وأحببت مقدم
Romance"وألتقت أرواحنا في ذلك اليوم"..♡♡ بنية يتيمة عاشت حياتها بالميتم والصدفة جمعتها وية شخص غامض هل راح تعرف شنو سبب الغموض وتقع بحبه او عكس ذلك راح تعرفون تفاصيل القصة اذا قريتوها
