فتحت الباب وانصدمت بالمنظر لكيت أمير كاعد بالكاع
وكاسر تحفية وبيده قطعة مكسورة وأيده تقطر دم
ركضت افك ايده بس ايده جانت قافلة كمت ابجي
واكوله أمير افتح ايدك
أمير.. شجون طلعي من الغرفة
شجون.. أمير ماطلع افتح ايدك
أمير.. شجون اطلعي ماريد ائذيج واخسرج
دفعني حيل راسي انركع بالباب كمت بدون وعي اركض
نزلت على حسن دكيت الباب مال غرفة حسن بكل
قوتي طلع حسن مخترع بوكتها حتى صوتي راح
كمت ائشر فوك واكول أمير أمير حسن طلع يركض
على أمير اني حيل انهد أريد امشي جسمي كله يرجف
ضليت كاعدة عل درج ماكدرت اصعد وره حسن كلهم
صعدوا واني بمكاني وبس ابجي
جلبت بالسياج مال درج وكمت اصعد درجة درجة
وصلت للغرفة لكيت حسن ديضمد ايد أمير
شافتني ام أمير كامت عليه وضربتني راجدي فر وجهي من قوته وكعت بالكاع أمير كام من مكانه
بس حسن كعده سيف جر امه
ام أمير.. اطلعي من بيتي مااريد اشوفج بعد هنا
هذا كله ديصير بسببج
اني كعدت بالكاع ابجي أمير كام يصيح
أمير.. يمه شجووون معليها لاتلوميها واذا متردين شجون بالبيت معناها متريديني اني هم
ام أمير.. هيج صارت يبن بطني لعد خلي تفيدك
ام أمير زعلت ونزلت ونزلت وياها سهام وزهراء
حسن.. أمير يلا نام ارتاح معليك بالمشاكل كلشي ينحل
أمير تنهد
حسن.. شجون
شجون.. هاا
حسن.. تعالي لمي الكزاز وابقي يم رجلج ولاتعوفيه
وحده
شجون.. صار
نزل حسن وسيف من الغرفة كومته لأمير من الكاع
وكعدته عل جرباية حتى يتمدد
أمير حضني وباسني من راسي
أمير.. شجون بس اطيب اطلعج منا نكعد وحدنه
شجون.. احجي وخانكتني (العبره) لا أمير هذوله اهلك
لازم تتحمل كلشي منهم واذا صار شي لاسمح الله منو
يوكفلك غيرهم
أمير.. شجون ادري بيج تحجين هيج حتى لاتصير مشاكل بس اني مداستحمل المشاكل الدسويها امي
YOU ARE READING
فتاة الميتم وأحببت مقدم
Romance"وألتقت أرواحنا في ذلك اليوم"..♡♡ بنية يتيمة عاشت حياتها بالميتم والصدفة جمعتها وية شخص غامض هل راح تعرف شنو سبب الغموض وتقع بحبه او عكس ذلك راح تعرفون تفاصيل القصة اذا قريتوها
