فوط + كومنتار
بارت خاص ... طووووويل ... طويييل ... طويل 😂😂
بعد 6 أشهر
كانت واقفة متوال المراية مركزة مع الايلاينر ترسم فيه بتركيز كبيير عيطت بقوة كي تبرحطلها على الجبدة اللي تجبدت شافت في اللي شاد فيها بقوة في رجليها من لاغوب ولاحها في فمو ويدير في اصوات طفولية يلاغي مداير جو
لميس : اووووووف ياااااااا بدرروووو علاااه هكذااااا شوف كيفاش درت لوجهي
شاف فيها وطلق حلوقو للضحك بالصوت كأنها قاتلو نكتة ضحكت لا ارادي على ذيك الضحكة الحلوة دخل ادم على صوت ضحكهم في زوج مع شافها صفق في يديه بقووة وهو يضححححك بالصوت كأنوا الجنون يدغدغو فيه
ادم : ههههههه وش هاذا تقولك سحارة
لميس : تضحححك !!؟؟ تضحححك؟!! هاذا كلو من ابنك هببلني .... يااااا نححي من فمك لاه هاذي يوكلوها الناس !!
هبطت لمستواه نحاتلو لاغوب اللي كان لايحها في فمو ولعابو يسيل يدير في اصوات طفولية مشا ادم بجيهتهم هز ابنو في حملتو باسو بقووة من خدود. المنفوخين وباس لميس من شفافها
ادم : مزال ماوجدتي روحك!؟!
هزت لميس لانجات تمسح الايلاينر اللي سال على عينيها كلو
لميس : ولاه كشما خلاني نوجد هاذ الفصعون !! من. نهار بداو يحبيو ما قعدت كي الناس
زاد باسو من خدو بحب : هكا نحبك يا روح بابا ... كي نكون انا مكانش .. نتا اللي تحكم فيهم .. .. يعيش وليدي المغيار على مماه واختو ماااح
لميس : زيد عليه نتااا ربيه هكذا ساعتها يوليولي زوج ادم هنا
ادم : وين راهي ميليسا مكانش حسها ؟!
لميس وهي تمسح في وجها تعاود كلشي. : مزالت راقدة
ادم : خرجت باندا ليك متشبعش رقاد
لميس : متنساش الباندا هاذا هو اللي جابلك الباندات لخراين
شاف فيها ادم من الفوق للتحت كيلها
ادم : ولا نقلك !! دبة ماشي باندا
لميس : انا دبة !!!!
ضحك عليها ومشا باتجاه مليسا
ادم : لبستيلها قشها !؟!
لميس : ايه لبستولها وهي راقدة علابالك تزغد بزااف وتدير حالة بالبكا متخلينيش نلبسها
ضحك عليها زاد فرفشلها شعرها ومشا لعند ميليسا ضرب طلة عليها لقاها راقدة
لميس : ياااااااااا والله ماتحشم ... عندي ساعة وانا نبوكلي فيه
ادم : منضالش نعاود في الهدرة لمي شعرك
تأففت ودارت المراية تريڨل حالتها اما ادم بقا يشوف في مليسيا متعجب كيفاش راقدة تبسم ابتسامة عريضة كي شاف في رجليها الصغيرونين البيوضة مطليين بفارني روج انعكس على لون بشرتها وذاك الخلخال الصغيرون مزين رجلها مد يدو ليدها المكعبرة فيها براسلي صغيرون وخاتم مزينها واليد لوخرا شاد بيها بدر اللي كان حاشر يدو كاملة في فمو
ضحك بالصوت على كمية اللطافة اللي يشوف فيها
ادم: نتي اللي لبستيلها ؟!
لميس : انا مالا شكون !!! كي مانلبسش بنتي شكون يلبسها
ادم : جات تهوووووووبل .... اااااااي شعررررري نعدين الراسة تاعك
سلك شعرو من بين يدين بدر اللي كان شادو ويجبد فيه
ادم: مام نتا جيت بووووقووووص وليدي
لميس : الشه بردتلي فيه قلبي ا بدرو مواااااااح
ضحك بدرو بالصوت اللي يشوفو يقول فهم كلامها شاف فيهم ادم بغيض وراح تسطح فوق السرير حاط بدرو على كرشو وطلعلو التريكو يدغدغ فيه شافت فيهم لميس من المراية بابتسامة عرييضة وفرحة ماتتوصفش تكلم ادم بلاما يرفع نظرو ليها
ادم : نحي الزمر اللي في فمممك
لميس : شنهي !؟!
ادم : قتلك نحي وش في فمك لا نوض ليك نكسرك
لميس : لاه نحيه يخي عرس ...
ادم : وكي عاد عرسي تديريه احمر فاقع هكذا .. تحوسيني نحول العرس لمجزرو يخي
رمات الروج في الارض بقلقة وهزت اللانجات مسحتها
لميس : هاني نحيييت عجبك الحال هكذا ... ضك هوما يجو يهبلو يخطفو الانظار وانا نجي كي الميتة يخي
ادم : كيما راكي اكي تههههبلي مانيش طحان انا نخلي مرتي يشوف فيها اللي يسوا واللي مايسواش
عدلت شعرها لماتو كعكة
دارت غلوس خفيف اختفات الابتسامة تاعها كي لمحتها عند رجليها
لميس: يخاااااه نننندددب وكتا نضتتتي ... اااااا كلللبة لاه وسختي قشششك....
هبطت لمستواها نحاتلها الروج اللي كلاتو وضربتها ليدها ناضت تبكي
لميس : لاه هاذا تاع ماااكلة ... نتي تلقاي ذبانة تلوحيها في فمك نورمال توكلي كللش نتي
بوزت شفافها وطلقت حلوقها للبكا
ادم : لاه تضربي فييهااا
لميس : اي كلات الروج ووسخت قشها تووكل كللش كون نغفل عليها نلقاها كلات الحشرات كاامل
ادم : ولاه تضربي فيها ارواحي عندي بابا ارواحي
مع شافاتو زادت في وتيرة بكاها وراحت تحبي ليه بقات لميس تخزرلها بصدمة
لميس : شو الستوتة ضربتها ضربة خفيفة دارت حالة .... والله غار رايح تفسدها بدلالاك ا ادم
ادم : خليها تتدلل على باباها ...هيا عندي هياااا هيااااااا هيااا
مدلها يدو واليد لوخرا شاد بيها بدر باش مايطيحش هزها وحطها مع خوها فوق كرشو مسحلها فمها ووجهها وبقا يلعب معاهم ويدير اصوات اطفال معاهم ... رجع كي الصغير
خلصت لميس وجدت روحها مشات للدريسينغ جابت روبة الزرقة اللي عجبتها نهار شافتها ستيل برانساس بعد مكانت ملبستلها روبة بلون ووسختها
مع شافتها جاية ليها رمات روحها لعند ادم تتخبى بيه
لميس : وي تتخباي في جدك الحلوف ! ارواحي لهن كون ماوسختيش روحك مانبدلكش
جبدتها من رجليها وميليسا ميتة بالضحك عاملة جو .. بدلتلها روبتها
لميس : شدهم نروح نلبس برك وارجع تلبس نتا ثاني بيد مانبدل لبدرو
هزلها راسو بايه عطاتو بظهر ماشية تمعن مليح في ملامحها وخزر في اطايها بجرأة ... زادت في وزنها حلات وتملات وين يلزم
بعد مدة رجعت ليه ودارت طول بظهرها ليه
لميس : ادم سكرلي السانسور مقدرتش نسكرو ...
حط الاولاد في الارض يلعبو ومد يدو يسكرلها ماحبش يتغلق
ادم : محبش يتغلق روحي بدلي الروبة ضيقة
لميس : كيفاش هاذا ضيقة معنديش شهر ملي شريتها
ادم : ايه بسلامتك شهر اكي زدتي في الميزان
لميس بفجعة : سمنت !!!! صح ؟! قول اقسم .؟! صح سمنت ؟!
تبسم على ملامحها وحوط يدو على خصرها وسند جبينو على جبينها
ادم : ايه سمنتي بصح حليتي اكثر خليك هكا ماتديري لا سبور لا والو
لميس : ادم ماتتمسخرش بيا ... قول وااله غار سمنت خلااياا شهر برك وليت قد البقرة
ادم : واحلى بقرة ....
خبطاتو لصدرو بغيض ورجعت للدريسينغ تبدل مرة اخرى وهو يخزرلها من الخلف ميت عليها بالضحك .. هي سمانت بزاف ماشي غار شوية 😂😂
بدلت للمرة الثانية ورجعتلو يقفللها ..
لميس بنبرة بكا : ماتقوليش محبش يتقفل عييشك
ادم بضحك : 😂😂😂 والله ماحب احبسي النفس ودخلي كرشك شوية ... لازم حوياجك كامل ضياقو لازم تشري خراين
لميس : ادم ماتخلعنيش عيشك
بالسيف باش تغلقت تنهدت وراحت وقفت نتوال المراية تتأكد يلا صح سمانت وفعلا لقات روحها سمانت رايحة تبكي .... فهاذ المدة راح ادم بدل قشو ورجع هاز الكرافات في يدو مدلها تربطها
لبست الطالون تاعها باش توصل شوي لمستوى صدرو ... هكاك وما وصلتش
ربطتلو الكرافات عقدت حواجبها ودخلت وجهها في صدرو تشم ريحتو
ادم : وشبيك؟!
بعدت عليه سادة نيفها بصباعها
لميس : اعععع وشبيها ريحتك !؟ بدلتها ؟!!!
عقد حواجبو بإمتعاض وطبس شم الياقة تاعو
ادم : مابدلتش هاذي هي الريحة اللي موالفة نديرها
لميس : لالا .... والله غار بدلتها سبحان الله ...
قربت ليه للمرة الثانية تتأكد
لميس : يععععع. ريحتك تبببهههههدل
حطت يدها على فمها وراحت تجري للحمام لحقها ادم يجري وراها ... استفرغت كل اللي في بطنها وتكات على لافابو ترد النفس قرب ليها ادم مسح على خدها بحنان وخوف في نفس الوقت
ادم : وش بيك !!! مريييضة !!
هزتلو راسها بلالا ومسحت على جبينها ودزاتو من صدرو سادة نيفها
لميس : بعععد عليا ريحتك تعيييف
ادم : لمييس وش بيه جدك !! الريحة نورمال
لميس : والله ماهي نورمال نتا ........
قاطعها صوت تيليفونها يصوني راحت بسرعة هزاتو
لميس : ااا ااوك.... خلصتو ..... ؟؟! اني ج.. جاية اني جاية ... هيه وجدت روحي ... ايه ضك نجيبها. ايا صحا
كوبات التيليفون ودارت لادم
لميس : هيا نروحو ام واجدين نتا ادي بدرو وانا ندي ملي......... اااااا نعلبو طاليستك طيييشي من فمممك ..
نحاتلها الشارجور من فمها وهزتها وادم ميت بالضحك عليها
ادم : فولة وتقسمت على زوج ... توكل الاخضر واليابس كيما امها
لميس : ايه وبدرو كيفك ساامط وبارد وركزلي على غيااار
ادم : اكيييد جيناتي تمشي في عروقو يخي بدرووو
قال كلامو وهز بدر ثاني اللي كان يلعب بيديه ويخرج في اصوات طفولية مضحكة اما ميليسا مع هزتها لميس حشرت راسها في صدرها تحوس ترضع
لميس : يخااه ع الطفلة وش ملهوفة يخي هاذا وين رضعتي
ادم : وينو المشكل رضعيها
لميس : ضك نروح متوال البنات ونم......اااااي نعدين الراسة تاعك قعد غار وجهههي مارضعتيهش
بعدتها عليها بعد ماحلت فمها تمص في خد لميس مسحت لميس لعابها من وجها
لميس : او وشبيك نتي !! ملهوفة ع الماكلة هكذا ... خوك ماداراش كيفك
ضحكت ميليسا بالصوت وتكات راسها على كتفها ... تبسمت لميس مع ادم... وخرجو مع بعضاهم ... اللي معاشوهش من قبل عاشوه فهاذ 6 الشهر كأي زوجين وعصافير الحب طايرين لسابع السما في زوج ... عوضهم ربي ع الحزن اللي عاشوه
هاذا بدر
وصلو لعند الدروج قبل ادم لميس وتفرقو هو نزل للضيوف وهي كملت طريقها لوجهتها .. دقدقت ودخلت حطت يدها على فمها بذهول وراحت تتفتل بين العرايس الثلاثة
لميس : الله يباااارك جيتو تهببلو الله يبااارك ربي يحفظكم من العين
دارت يارا بلاغوب بلونش تاعها
يارا : صح؟!!
لميس : وي والله ضك يهبلو العرسان عليكم
ماريا : ييييي على الكتكوتة جات تهبل
عضتها من خدها المبطبط بخفة بوزت شفافها الشي اللي خلا ليفوسات اللي في خدها يبانو ذافو فيها باعجاب كبييير استوطنت قلوبهم ... حلاوتها ماتتقاومش
ميرا : ياااا شوفو شووفو درنا الفارني والخلخال الله الله طيرتهالنا حنا العرايس
يارا : ها مالا الامورة تاعنا اليوم تخطف الاضواء علينا حنا
لميس : وش واجدين !!!
ماريا : انا راني نرججف ميتة من الخلعععة والله
لميس : لاه تخلعي ... يخي سراج موش راح يوكلك
ماريا: اففف والله متوترة
يارا : شكون كان يقول ماريا وسراج يطيحو في بعضاهم ويتزوحو كانوا كي القط والفاار
ميرا : الحب اختي الحب ... وشكون كان يقول انا نتزوج ادريان
لميس : بصح نستعرف بيكم جرجتوهم ..... خلاااايا كلاتلي وجههي الطفلة ...نرضعها لا توكلني انا كاملة
ناضوا يضحكو كامل عليها باااسوها كلهم بقوة خدرولها خدها مطلقوهاش حتان فحمت بالبكا والروج مطبع على خدها في كل بلاصة
ميرا : عسسسل عسسسسل يقططططر
لميس : اااااه ضكا خليولي بنتي الصغيرة الاز .. بكيت هالي اشششش ماما اشي ... هاكي تشربي حليبة .....
ك تتزوجو وتجيبو نتوما ثاني العسل
تبسمو على لطافتها ولطافة بنتها قاعدو حاضيينهم يتفرجو فيهم بحب
رضعتها وناضت خارجة مخليتلهم الفرصة بيسك ضك شوي يجو العرسان ينزلوهم باش يعقدو ... هبطت من الدروج بحذر كامل الانظار توجهت ليها كأنوا هي العروس ... هي وبنتها كانوا في زوج اميرات .. كانت نظرات كل اللي في القاعة عليها .. منها الاعجاب .. ومنها الفرحة .. ومنها الحسد. . منها الغيرة .. تبسمت بحشمة وهي منزلة راسها ... حتى وميش مكثرة الماكياج كانت قمة في الجمال زينها رباني تبارك الله ... ضغط ادم على يدو بقوووة شاد روحو على شعرة ... وراح شدها من يدها واليد لوخرا مزالت هازة بدرو اللي مد يديه لعند امو ... توحشها ... مالغري فارقاتو غار دقايق ... تبادلت هي وادم .. دات بدر واعطاتو ميليسا ومشات معاه للطاولة اللي كانوا فيها سلمت على سيلفا والياس ... حطت بدر فوق الطابلة ... نحاتولها سيلفا هزاتو تمحش وتعاود
سيلفا : الياس شوف شووف وش بهييون يهههههبل
وجهت نظرها لميليسا اللي كانت حاطة راسها على كتف ادم ويدها في فمها تبسمت لا ارادي ونحاتهالو تمحش وتعاود تطلق واحد تروح لوخر تبسمت لميس معاها بحب ... بعد مدة هبطو العرسان في ثلاثة كل واحد شاد عروستو ( مانيش حابة نكثرو الهدرة ونركز عليهم ) كروشات لميس في ذراع ادم وحطت راسها على ذراعو تخزرلهم بحب ولفرحتهم غرست نيفها في صدرو مغمضة عينيها
لميس : محلاها رريحتتك
شاف فيها عاقد حواجبو
ادم : ماشي قلتي بلي ريحتي تبهدل وكنتي تتقاي منها ؟!!
لميس : لالا .. هاذا وين تمعنت فيها تهههههههههبببببل
هز حواجبو بعدم فهم ... وصل وقت العقد ... عقدو العرسان وقطعو لاتارت شافت فيها لميس بعينين قلوبة
لميس : ادم جيبلي طرف كبيير من لاتارت جيبلي الجيهة الل يفيها الشيكولة والفراز
ادم : ضك يروحو الناس ونجيبلك وحدة اكثرمنها
لميس : مهأ نحوس عليها ضك ... شوف الشيكولا كيفاش تسيح ... وذاك الفراز ... ايما ققلبيبي
شاف فيها باستغراب كبيير شافها تعدي في لسانها على فمها وعينيها يبرقو
لميس : ضك نروح نجيب وحدي
كانت ماشية مستعدة تر ح تجيب وتبرد قلبها شدها من يدها
ادم : ريحي ضك نجيبلك
راح جابلها طرف اللي كانت تحوس عليه ... طاحت فيه شداتو شدان الاعمى في الضلمة بقا ادم باهت فيها بقا يخرلها ويخزر لتصرفاتها اللي مبقاتش عاجباتو هذا الفترة شد كاس الليمونادا اللي كان متوالو يشرب منو .. طلعت راسها بالصدفة ليه لحست شفافها ونحاتولو
ادم : وش بيه $@@$# هبلتي هكذا .. هاهو كاسك قدامك
لميس : ميش كيفكيف
شد ادم شعرو يخزرلها بقلق من حالتها جات النادلة فايتة حبستها لميس همستلها في وذنها هزتلها النادلة راسها بايه ومشات بعد مدة رجعت هاذة طبسي قارس مقشر حطاتولها متوالها شكرتها لميس وهزت القارس ذاك وتحط في لاتارات وتوكل شاف فيها ادم بصدمة بلع ريقو كي شافها توكل القارس بذيك الطريقة نحالها الطبسي من قدامها
ادم : وش بيه ر $##$ نتي
لميس : اعطيلي الطببسي اادم مزال مكملتش
ادم : مهبببولة توكلي القارس هكاك!!؟؟
لميس ببكاء : اعطيلي اعطيلي القارس تاعي
ادم : ولاه راكي تنوحي ضك ؟!
لميس : قتتتلك اعطيلي القارس تاعي
بقات تدور بيه تحلل فيه يعطيها القارس وهو محبش شافت فيهم سيلفا وتبسمت شطر تبسيمة كأنوا فهمت ... نحاتلو الطبسي من يدو وعطاتولها
سيلفا : هاكي كولي بنتي ... ونتا هني روحك خلي الطفلة في حالها
ادم : ماكيش تشوفي فيها ... مفهمتش وش بيه ر @#$$# هاذ اليامات ركبوها الجنون
سيلفا : ولو ... خليها على راحتها مبعد تفهم
تنهد وشد شعرو بقوة يخزر في لميس بعدم اطمئنان ... وقرر يخلاص العرس يديها لطبيب نفسي ..بيسك ماهيش نورمال ...
سيلفا : لميس معليش تجي معايا دقيقة ؟!
هزتلها لميس راسها بإيه مسحت فمها
لميس : الاولاد متوالك ضك نجي
غمضلها عينيه طمنها وهي راحت مع سيلفا للكوزينة كيلتها سيلفا من الفوق للتحت شافت فيها لميس مستغربة
لميس : انعم خالتي كشما احتجتيني ؟!
سيلفا بجدية : لميس وكتا اخر مرة جاتك عادتك!!
لميس باحراج: كيفاه مفهمتش
سليفا : لمييس ميش وقت حشمتك ... اني نهدر سيريو
لميس : والله معلابالي ماشفيتش
سيلفا : متكونيش ح ........
لميس : ااااااعععع عيييشك ماتكمللللليش لالالالا ماشي اللي في بالك والله ماهو اللي في بالك
سيلفا بضحك : لاه راكي تحلفي .... وخايفة ... لاه وش فيها
شدت لميس شعرها بقوووة ميش مأمنو ميش وقتو مررره ميش مصدقة وكتا ولا كيفاه صرا
لميس والدموع في عينيها : لالالا... مستحيييل لالا اصلا مزلت نرضع
سيلفا : ومبعد ترضعي .... لاه هاذا مستحيل ... ماكيش شايفة تصرفاتك ... شهواتك ... تحسبيني مالاحضتكش كي قاعدة تشمي في ريحة ادم .. القارس ... تقلباتك ... وديجا لا مستحيل ... شربتي لا بيليل !!
هزتلها لميس راسها بلالا وهي تبكي ... كيفاش غفلت على هاذ المووضوع كيفاش نسات حاجة كيما هاذي
حضنتها سيلفا بقووة كان في بالها بلي تفرح ... بصح فهمت على حساب وش سمعت من يارا عڨبت غصصة
مسحتلها دموعها وشافت فيها
سيلفا : صحا قوليلي من وكتا ماجاتكش الدورة تاعك؟؟!
لميس : معلاباليش وااله معلابالي مانيش شافيية
سيلفا : اوكي .. خلينا منتسرعوش ديري تاست بلاك ماكيش بالحمل
عيطت سيلفا لوحدة من الخدامات امرتها تشري تاست ... بعد ربع ساعة كانت لميس قاعدة تشرب في الما ... وبزاف افكار يدورو في راسها ... علاش كل مرة ... تصرالها هكذا ... مفاجئات متحسبلهمش حساب ... ناضت بعد مادخلت الخدامة ... خذات من عندها التاست وعينها حمورة من البكا
لميس : اتهلاي في بدرو وميليسا ولهي ادم حتان نجي
هزتبها سيلفا راسها بايه وربتت على كتفها ... تسرسبت لميس طلعت لغرفتها بلا ما تجذب الانتباه ودخلت للحمام وقلبها يخبط بعنف .....
بعد مدة
كانت واقفة وتوكل في ظفارها بتوتر هازة التاست في يديها وتدعي في ربي مايكونش صح
لميس :عيشششك لا لا ... بليييز خط ووواااحد ياااااربي منكونش بالحمل ... مزال الوقت عندي مامبا 6 اشهر يا ربي متكووونش صح
غمضت عينيها بقوووة ميش مستعدة تواجه النتيجة حلت عينيها بالشوي جمدت في بلاصتها والدموع خذاو مجرااهم مصدومة من النتيجة كانت ايجابية شدت شعرها بقوووة كيفاااش راح دير ضكا بقات تصوطي وتبكي وتنوووح
لميس : اععع لالالالالا .... اااااااااااااادم ياااا الكلللب ياااا الرخييييس يال@@#$# ديما تديرها بياااا اليووووم نحيلك الراسة تاعك
رمات التاست بعشوائية جيهة الباب ... تحل الباب ... ودخل ادم بجهامتو يخزرلها بصدمة من حالتها وجهها احمر عينيها منفوخين من البكا الماكياج سايح شعرها طالع ... حالتها حالة هز التاست اللي كان بين رجليه ومشا ليها يشوف فيه باستغراب
ادم : وش هاذا ؟!!!! وش بيها حااالتك ؟!! شكوون ضربك؟!!!
شافت فيه بحقد
لميس : شكووون ضربني ؟!!!! ارواح نعتلك شكون ضربني
في لحظة سوطات عليه شداتو من شعرو وتجبد وهو يعيط لصقت فيه كي القملة وهي تجبد فيه وتعض
لميس : شكون ضربني !!! نتاااااا ياوحد الكللب درتتها بيا للمرة الدوزيااام ... اليوم نحيلك الراسة تاعك ... ااااه ياربي حننني .. 6 اشهر يا عجابة ياربي ... ماسترحتش .. مجات تفرغ كرشي تهنيت زدت مليتهالي .. ارواح لهنا نوريلك ... تحس شوية بالوجع اللي نحس بيه يا وحد الكلب
لصقت فيه تضرب بصحها تخبش وتعض من اي بلاصة حات فيها وهو يعيط ماقدرلهاش .. ماشب مقدرلها خاف ينفضها ولا يغلط معاها تدي ضربة مسقمة ولا طيحة خايبة ... مابعدها عليه كان بالسيف... بقا واقف ينهج يخزر لحالتها.
ادم بالعياط : وش بيه ر #@$#@@ كلللبتي ؟؟! وش ضرب ر#$#
لميس : وش ضربنننني ...
نحاتلو التاست من يدو ووجهاتولو لبين عينه قريب تعميه بيه
لميس : علابالك هاذا وشنهي ولا معلابالكش!؟؟؟
ادم : وشنهي هاذا ؟!!
لميس : هاذا تاست
ادم : تاعواه تاست
شدت شعرها بقوووة رايحة تههههبل
لميس : ###$# اختباااااار فحص الحمممل ... فهمت ضك .. يخي تفهم الاونجلي ولا نزيد نترجملك
ادم بصدمة : وش....ش...وشمن حمل !؟؟!!!
لميس : حممممل يحمل راااسك ان شااااء الله
ادم : حمل ... حمل ... قصدك يعني بيبي و كرش مكعبرة
بقا يشرح ويفسر ويدير بيدو على كررشو كإنوا مسمعش مليح
ادم : يعني رايحين يزيدو يجيونا اخراين كيما ميليسا وبدرو !
لميس : رددد باااللك تجممل ... ماشي زوووج ماششي زوووج ... اععع ادددم طير من وجهي لا ضك نقتلك وااللله نجهل عليك ونقتلك .... رخييييس متحشششمش معنديش 6 اشهر ملي زيدت واسترحت ... زدت عمرتلي كرششي وش ندير بيه انا هاااذ ضك
ادم : لميس الاولاد رزق ماشي......
لميس بالعياط : اااااادم ططططير من خليقتتتتتي قااالو رزق رايح توليلي مفتي هنا !!! خاطر ماكش نتا اللي رايح تتقيا وتهبل وتهز وتزيد وتتوجع
ادم : ياااااااااااااه وانا نقول لاه سمنتي هكذا تفلقتي ضربة وحدة والروب ولا......
شافها كي نحات الطالون تاعها مستعدة تضربو ضحك عليها وجا خارج يستنا غار وكتا الصباط يوصلو وقف في بلاصتو كي حس بتوقفها وصمتها دار لقاها واقفة في بلاصتها ويدها على كرشها عاقدة حواجبها هزت الروبة على سيقانها شافت خيط دم يسيل بين رجليها طلعت راسها لادم تخزرلو بصدمة والدموع في عينيها
راح ادم يجري ليها شد وجهها بين يديه
ادم : اشششش ضك ضك نعيط للطبيبة متخافيش
بقات تخزرلو بصدمة تنفسها يعلى كلم الطبيبة تجيه وشاف فيها .. تفلقت بالبكا ... ضمها لصدرو بقوة
لميس : والله ماققصدي والله ... برك كانت لحظة صدمة وغضب .. صح محبيتوش يجي ... بصح من الغضب برك بيسك مزلت ميش مستعدة ومزال الحال ياربي نربي مليسا وبدر... ربي استاجابلي ثمثم ... ادم كشما يصرالو منقدرش نسامح روحي علابالك !! انا اللي دعيتو ... انا اللي كرهتو ... ربي هز دعوتي في دقيقتها والله ماقصدي
( هاذا هو قلب الام ... لحظات يبانلكم قاسي .. بصح هو لين اكثر مما تتوقعو )
بقا معنقها يربت على شعرها .. هو علابالو بلي مكانتش تقصد وش قالت وهو محبش يناقشها بيسك علابالو مبعد تتعلق بيه اكثر من روحها هزها بين يديه وحطها فوق البونك بقات شادتلو يديه خايفة بزاااف وعينينا مركزين على بقعة وحدة بين رجليها خايفة تكون فقداتو خايفة تكون اجهضتو ...
بعد مدة جات الطبيبة بسررعة جابت كل لوازمها العيادية معاها بلاما تخمم ولا تستنا دقيقة كشفت عليها ... بعد مدة فحص دامت لنص ساعة ... غمضت الطبيبة عينها بقوووة ونحات القفازات تاعها وخزرت في لميس اللي كانت مخبية راسها في صدر ادم وتبكي بالشهقة
الطبيبة : مدام خصك تتهلاي في روحك وتنتبهي لحركتك ... هاذا كان نزيف فقط ... بصح خصك تتولهي لصحتك .. بيسك الكول تاعك مزالو محلول من الولادة ..وضك نعطيك دوا يساعد عنق الرحم تاعك باش يتغلق ... والف مبروك للحمل
شافت فيها لميس بفرررحة ... فرحة كبييرة غمرت وجهها تقول مكانت هي اللي تبكي وتعيط وتلوم
لميس : شحال في عمرو
الطبيبة : شهرين
لميس: شهرين !!!!!!!!!
الطبيبة : وي لاه مكانش علابالك؟!!
هزتلها لميس راسها بلالا
الطبيبة : غريب ... مالحضتيش الدورة تاعك ... كرشك البارزة اكثر من المعتاد
هزتلها راسها بلالا
الطبيبة : مالا نرجع نقلك مدام الف مبرووك الحمل وهاذ المرة 3
لميس بخوف : شنهي 3 اخاااااه
الطبيبة بابتسامة : 3 بيبيات
شافت لميس وادم فيها بصدددمة ماهمش مأمنين معرفو يفرحو ولا وش يديرو
لميس : شنهي 3 ... قصدك ثلاثة .. ثلاثة ... يعني (ث...ل..ا...ث..ةٌ)
هجاتهالها بالحرف وتدير بصباعها تأكدلها ولميس مزالها في صدمة
لميس : يعني ثلاثة ... ثلاثة .. بيبيات ... يعني.. ثلاثة صغار هنا ....
اشارتلها لكرشها وهي تمتم غار بكلمة ثلاثة ميش مأمنة ... كانت متأملة كان في وحد وكي قالها ادم زوج جنت. ... بصح ماهم لا واحد لا زوج... هوما ثلاثة
الطبيبة : وييي مدام 3 توائم
ادم : كيفاش 3 في بطن وحدة ... على مرة وحدة ... هاذيك لووجيك!!!
الطبيبة : وعلاش ميش لوجيك كاين اللي يحيبو 4 على مرة وحدة ...وي في كرش وحدة والاصح انو هاذو في كيس امينوسي وااحد
باركتلهم للمرة الاخيرة وخرجت مع ماتريالها شافت لميس في ادم ماعرفت تضربو معرفت تعنقو .. لضك ميش فاهمة شعورها تفرح ولا تبكي ولا وش تدير ... قاطع صدمتهم سيلفا والياس اللي دخلو هازين الاولاد اللي مع شافو امهم و باباهم تحمسو وبقاو يديرو في اصوات طفولية ومدو يديهم ليهم
لميس بهمس : يخااااه نندب مزالو حتى مايهدروش رايحة نزيد نجيب 3
ادم بهمس : ماتجي تولديهم يكونو يهدرو ويمشيو ويجريو
سيلفا: شفت الطبيبة خارجة منا غار خير
لميس : اللي كان في بالك صح
سيلفا : قوووولي وااللله ... هاذ المرة نقعد معاك ونحضيك في كل يوم حتان تووولدي
ادم : هاذ المرة يا يما صعييبة برشاا
سيلفا : غار الخير لاه وش كااين !؟؟
ادم : هاذ المرة جايين 3 على ضربة
سيلفا بفرحة : يا سعددددي فررررحي يوووي ي ي. يوي يووووووووي
ختمتها بزغريتة وباست لميس من جبينها وتمسح على كرشها بحنانة
سيلفا : المرة الللولة ماحضرت وماشفت والو بصح هاذ المرة معاك للخر
تبسمتلها لميس بإمتنان شافت في الملهوفة تاعها اللي جاعت تحوس ترضع وتلوح في يديها شافت في سيلفا فهمتها ... باركلهم الياس وخرجو جبدت ميليسا لحضنها ترضعها
لميس : خلاصت عليا نربي في 5 ولاد وانا في 22 من عمري ... مزلت مربيتش روحي
ادم : انا نربيكم في 6 ماتخمميش
شافت فيه وقلبت عينيها اصلا كرهاتو وراهي شادتهالو على شعرة
لميس : كونك راجل وزيد مسني من بعد اليوووم
ضحك عليها وباس بدرو بحححب وهو يخزرلها معصبة
ادم : هاذ المرة من الشمبرة ماتتحركيش .. متعاوديليش السيناريو تاع المرة اللي فاتت
ماجاوباتوش وكملت رضعت ميليسا وجا دور بدر اللي حتى هو كان جيعان بصح ماشي ملهوف كيما اختو
ادم : ضك يعودو يشربو الحليب الاصطناعي ... بالزايد عليك الرضاعة ... والوحم ... والحمل
لميس : خليهم براححتهم ... يخي ضك ام يوكلو ماكلة نورمال مين ذاك باش يطلبو ع الحليب ونتا وش وجعك
ادم : بدينا ب @@$$# الهرومونات
كملت لبدر وهزاتو بعد مارقد وهو يرضع رايحة تديه لبلاصتو حبسها ادم كي نحاهولها
ادم : هاتي عليك من والجاي متزيدش تهزيهم ثقال عليك وهوما بسلامتهم الله يبارك
لميس : بركا ماعيطت عليهم
ادم : ماقلت والو
حطهم وراح جابلها بيجامة خفيفة تلبسها عاونها لبستها وهي مكانتش من المعارضين بيسك فريمون كانت عيانة ... تسطح بجنبها وجبدها لحضنو يمسح على شعرها وهي مستحلية ملمس يديه طبع بوسةعلى جبينها بقوة
ادم : ربي ييخليكم ليا ... نتوما كنتو احسسسن واجمل حاجة وهدية حصلت عليها في حياتي
عنقاتو هي ثاني وغرست راسها في صدرو كأنوا مكانتش هي اللي تتضارب معاه ضك
لميس : وانا ثاني
.........انتتتتتهى 🥹🥹🥹
فوط + كومنتار
كملو البارت اللي ورا هااذا حبيكم تستفادو منو للعبرة برك من هاذ الكرونيك
خليولي رايكم ..كللللكم بدون استثناء في الكرونيك
واخيرا نقدم كلمة شكر لكل متابعيني اللي بداو معايا مشوار الكرونيك من اولها لأخرها في كل بارت وكل حدث يثبتو حضورهم شكرا لكم جميييييييعاااا 😍😍❤️❤️ نتمنى ان شاء الله تكون عجبتكم ... الى اللقاء حبيباتي