"သွေးသစ်ရေ သား"
"ဗျာဒေါ်လေး"
"မင်းအကိုကိုကြပ်ထုပ်ထိုးပေးပြီးရင်ဒေါ်လေးဆီလာပါဦးခန"
"ဟုတ်ဒေါ်လေး လာပြီ"
"ဒေါ်လေးဘာခိုင်းမလို့လဲဟင်"
"ခိုင်းဖို့မဟုတ်ဘူးမေးဖို့"
"ဘာမေးမှာလဲဒေါ်လေး"
"ဇော်ခန့်ကိုထိုးလိုက်တာဘယ်သူလဲသား"
"ဗျာ အဲတာသားအခုguideလုပ်ပေးနေရတဲ့ဧည့်သည်ပါဒေါ်လေး"
"ဪ ဟိုကောင်လေးလားအရင်ခါသားတောင်းပန်တဲ့တစ်ယောက်"
"ဟုတ်တယ်ဒေါ်လေး သူ့အမှားမဟုတ်ပါဘူးသားကြောင့်ပါသားကိုသူကသားအထိုးခံနေရတယ်ထင်ပြီးကိုဇော်ခန့်ကိုထိုးလိုက်တာပါ"
"သိပါတယ်သားရဲ့ သူ့ကိုလဲအပြစ်မပြောဘူးသားကိုလဲအပြစ်မပြောပါဘူးသိချင်လို့ပါ ဒီလိုဖြစ်တာလဲဇော်ခန့်အလွန်မှန်းဒေါ်လေးသိပါတယ်"
"ဟုတ်ကဲ့ဒေါ်လေး"
"ဟိုလေဒေါ်လေး ဒေါ်လေးခိုင်းစရာမရှိရင်သားဟိုတယ်သွားချင်လို့"
"ဪ သွားလေကွယ် နေပါဦးမနက်ကပြောတော့မသွားတော့ဘူးဆို"
"ဟုတ် သားသူ့ကိုတောင်းပန်ရဦးမယ်သားသူ့ကိုနည်းနည်းအော်လိုက်မိတယ်"
"အယ် ဒီကလေးဧည့်သည်ကို သွားသွားတော်ကြာဟိုကဒေါသထွက်ရင်သားအလုပ်ထိခိုက်မယ်"
"အဲလောက်ထိတော့လဲမဟုတ်ဘူးဒေါ်လေးရဲ့ သွားလိုက်ဦးမယ်နော်"
"အေးအေး ဂရုစိုက်သွားမိုးရွာထားတာလမ်းတွေကချော်တယ်"
"ဟုတ်ကဲ့ဒေါ်လေး!"
____________________________
"ဟေ့ကောင်ကွန်း မင်းဒေါသပြေပြီလား"
ဟိန်းမြတ်နဲ့ရတုလဲအချိန်အတိုင်းအတာတစ်ခုထိပေးပြီးတော့ကွန်းဆီပြန်လာခဲ့သည်။ဒီအချိန်ဆိုသူဒေါသပြေတန်ကောင်းပါရဲ့
"ထင်တာပဲ"
"ပြောပါဦးဘယ်လိုဖြစ်လာတာလဲ"
"ငါသူတို့အိမ်ရောက်သွားတော့သူ့အကိုဆိုတဲ့ကောင်နဲ့စကားများနေသံကြားတာ သူပြောတဲ့စကားကြားရသလောက်တော့သူ့အကိုဆိုတဲ့ကောင်ကသူ့ကိုအနိုင်ကျင့်နေတာထင်တယ်ကွ"
"အဲတော့"
"ငါလဲအိမ်ထဲဝင်သွားတော့သူ့ကိုသူ့အကိုကထိုးနေတာကွ အဲတာနဲ့ငါလဲစိတ်ကတိုလာပြီးတော့မျက်လုံးထဲဘာမှမမြင်တော့ဘူးဟိုကောင်ကိုလဲဆွဲထိုးလိုက်တာ"
"မင်းကလေအကျင့်ကိုမပျောက်သေးတာလက်ကတအားယဉ်တာပဲသူတို့ကိစ္စလေကွာ မင်းလူကိုထိလို့မင်းမခံနိုင်တာသိတယ်ဒါမဲ့ကိုယ်ထိလက်ရောက်ကျူးလွန်မှုမြောက်တယ်နော်သူတို့တိုင်ချင်ရင်"
"မင်းမသိရင်မပြောနဲ့ပယင်းနှုတ်ခမ်းမှာသွေးတွေထွက်နေတာကွ"
"ဒါမဲ့လဲကွာမင်းကလဲအဲလိုတော့မလုပ်သင့်ဘူးလေ"
"ဟာ မလုပ်သင့်တာဘာညာအသာထားကိုယ်ချစ်တဲ့သူထိရင်တော့ဘယ်သူမဆိုဒေါသထွက်တာပဲကွ ဟေ့ကောင်ကွန်းဘာမှမဖြစ်ဘူးသူတို့တရားစွဲလဲငါ့ဦးလေးရှေ့နေတစ်ယောက်လုံးရှိတယ် မပူနဲ့"ရတုကဝင်ပြောလေသည်။
"အေးလိုက်လဲလိုက်ပါပေတယ်ကွာနှစ်ကောင်ကတော့ သူများကိုအသားလွတ်ထိုးလာတဲ့သူနဲ့လိုက်ပြီးဖြဲပေးမယ့်သူနဲ့အဆင်ကိုပြေနေကြတာ"
"ငါကတော့ငါ့သူငယ်ချင်းတွေဘက်ကအစွမ်းကုန်ကာကွယ်ပေးမှာပဲ"
"ကျေးဇူးတော်ကြီးမြတ်လှကြောင်းပါဘုရား"ဟိန်းမြတ်ကရွဲ့သလိုထပြောလေသည်။ထိုအခါကွန်းလဲရယ်မိတော့သည်။
"မင်းဂျာကြီးဆိုင်ကယ်အပ်ရမှာမလား"
"အေးလေငါလုပ်ထားတာပဲငါတာဝန်ယူရမှာပေါ့"
"ဒါဆိုငါ့ကိုအဲ့တာဝန်လွှဲလိုက်"
"ဘာလို့လဲဟိန်းမြတ်ငါလုပ်မှာပါ"
"မင်းကလဲငါကိုသူခန့်နဲ့တွေ့ချင်လို့ပေါ့ကွ"
"ဘာဆိုင်လို့လဲ"
"အေးလေဘာဆိုင်လို့လဲဂျာကြီးဆိုင်ကယ်ပြင်တာနဲ့ကိုသူခန့်နဲ့တွေ့ချင်တာနဲ့"ရတုကလဲသိချင်၍ဝင်မေးလေသည်။
"တုံးတယ်လို့ပြောရင်လဲမောင်မင်းလွန်ရာကျမယ် ငါကဂျာကြီးဆိုင်ကယ်အပ်ပေးမှာလေ"
"အေးလေ မင်းပဲအပ်ပေးမယ်ပြောတာ"
"ဒီပုဂံမှာငါမှဝပ်ရှော့ဆိုင်ဘယ်နားရှိမှန်းမှမသိတာ"
"အဲတော့"
"အဲတော့ကိုသူခန့်ကိုဖုန်းဆက်ပြီးပြောလိုက်မယ်လေ"
"ဪ ဉာဏ်နီ ဉာဏ်နက်တွေနဲ့မင်းက"
"ချစ်တော့လဲတွေ့ရဖို့ကြံရတာပေါ့ကွာ"
"ဟုတ်ပါပြီဆရာကြီးရယ် ဒါဆိုလဲသွားအပ်ပါ"
"သွားပြီအခုပဲ တာ့တာ"
"သွား သွား"
:ဒေါက်
:ဒေါက်
:ချလပ်
"ဪ ကိုသွေးသစ်"
"အေး ညီလေး ကွန်းရှိလားဟင်"
"ဟုတ်ရှိတယ်ကိုသွေးသစ်အထဲဝင်သွားလိုက်ပါ"
"ကျေးဇူးနော်"
"ရပါတယ်ဗျ"
"ကွန်း"
ခေါ်သံကြားလို့အနောက်လှည့်ကြည့်လိုက်တော့သူဖြစ်နေသည်။ဘာတွေများမကျေနပ်လို့လာပြောဦးမှာလဲမသိဘူး။
"ဘာကိစ္စလဲ"
"အကိုနဲ့ခနလိုက်ခဲ့ပေးပါလားဟင်"
"ဘယ်လဲ"
"လိုက်ခဲ့ပါခန"
"ကျုပ်စိတ်ကြည်မနေဘူးမလိုက်ချင်ဘူး"
"ဪ ဒါဆိုလဲ"
"ဟာ ခင်ဗျားဘာလုပ်တာလဲ ချက်ချင်းလွှတ်"
ဒါဆိုလဲဆိုပြီးသူ့လက်ကိုအတင်းဆွဲခေါ်သွားလေသည်။
"ကွန်းအခုတော့အကို့နောက်ကထိုင်လိုက်ပေးနော်အပြန်မှမောင်းချင်မောင်း"
"...."
အတော်အတန်ကြာမောင်းပြီးတော့ဘုရားတစ်ဆူကိုရောက်လာလေသည်။
"သဗ္ဗညုပဲ ဒီကိုဘာလို့လာတာလဲ"
"လိုက်ခဲ့"
"ကျစ်! ခင်ဗျားတော်တော်လွန်တယ်လို့မထင်ဘူးလား!"
"ဒီဘုရားကဉာဏ်တော်အမြင့်ဆုံးဘုရားလေအကိုရှင်းပြဖူးပါတယ်"
"...."
"လာ တက်ရသလောက်အပေါ်တက်ရအောင်"
"....."
"ဒီမှာထိုင် ချော်ဦးမယ်နော်မိုးရွာထားတော့"
"အကိုတောင်းပန်ပါတယ်ကွန်း အိမ်မှာတုန်းကမပြောသင့်တာကိုပြောမိခဲ့တယ်ကွန်းကိုစိတ်တိုလို့ပြောမိတာလဲပါတော့ပါပေမယ့်စိတ်ပူလို့ပြောတဲ့စကားကပိုပါတယ် ပြီးတော့ကိုဇော်ခန့်ကအဲလိုလူလဲမဟုတ်ပါဘူးကွန်းသိအောင်ပြောပြတာသူကအကို့ကိုငယ်ငယ်ထဲကအနိုင်ကျင့်လာတာလေအကိုကဒါတွေနဲ့နေသားကျနေပြီကွန်းကတော့အခုမှမြင်ဖူးတာဆိုတော့နည်းနည်းတော့ထူးဆန်းနေမှာပေါ့ဒါမဲ့ဒါကဖြစ်နေကြတွေလေ"
"ခင်ဗျားတောင်းပန်ဖို့အတွက်ဒီထိခေါ်လာတာပေါ့ကျုပ်ကို"
"အင်း အလကားသက်သက်ခေါ်တာမဟုတ်ပါဘူး ခနစောင့်"
"ဘာကိုလဲ ပြီးတော့ကျွန်တော်လဲပြန်တောင်းပန်တယ်အဲ့စကားကိုကျွန်တော်လွန်တာကျွန်တော်သိပါတယ်ဒါမဲ့.."
"ဟိုမှာကြည့်ကွန်း!"
"ဟင် ဘယ်မှာ"
"တွေ့လား အရမ်းလှတယ်နော်"
"အင်း"
"မိုးရွာတဲ့နေ့တွေဆိုမိုးရွာပြီးရင်အကိုတို့ကဒီကိုလာနေကြကွန်းရဲ့ဒီနေရာကနေမိုးရွာပြီးရင်ထွက်လာတဲ့သက်တံ့ကြီးကြည့်ရတာအများကြီးလှတယ်တန်ဖိုးလဲရှိတယ် အဲတာကြောင့်ကွန်းကိုလဲမြင်စေချင်လို့ဒီကိုခေါ်လာတာတောင်းပန်ချင်တာလဲပါတာပေါ့"
ကွန်းသူပြောတဲ့စကားတွေကိုနားထောင်နေေပမယ့်တစ်ချို့တစ်လေသာခေါင်းထဲဝင်လေသည်။သူ့ကိုစကားပြောဖို့လှည့်ကြည့်လိုက်တော့သက်တံ့ကြီးကိုပျော်ပျော်ရွှင်ရွှင်ကြည့်နေတဲ့သူ့ရဲ့မျက်နှာသက်တံ့နဲ့အပြိုင်လှနေတဲ့သူ့အလှ။မှင်သက်မိသည်။ယောကျာ်းလေးတစ်ယောက်ကဒီလိုလှစရာလိုလို့လား
"လှတယ်မလားဟင်ကွန်းသက်တံ့ကြီးက"
"အင်းလှတယ်"
'ခင်ဗျားက'အဲတာကိုတော့သူ့စိတ်ထဲကပဲပြောလိုက်ပါသည်။
"စိတ်ဆိုးပြေသွားပြီလားဟင်"
"စိတ်မဆိုးပါဘူး စိတ်တိုမိတာပါ"
"အင်း အဲတာ စိတ်ပြေသွားပြီလား"
"အင်း"
_____________________________
"ကိုသူခန့်ကျွန်တော်ဒီမှာ"
"ဪ လာလေဟိန်းမြတ်သွားရအောင်"
"ဟုတ်"
ဝပ်ရှော့ဆိုင်ရောက်တော့
"ဟောဗျာ"
"ဟုတ်တယ်ကိုသူခန့်အဲတာကြောင့်ကျွန်တော်လာအပ်ပေးတာ"
သူခန့်လဲသိချင်လို့မေးကြည့်တော့ဟိန်းမြတ်ကအကြောင်းစုံပြောပြတော့နည်းနည်းမှင်သက်မိသွားသည်။
"ဒါနဲ့လေဟိန်းမြတ်အကိုသိချင်တာတစ်ခုရှိတယ်စပ်စုတယ်မထင်နဲ့နော်"
"မထင်ပါဘူးကိုသူခန့်ရဲ့ မေးပါဗျ"
"ညီလေးတို့ကရန်ကုန်ပြန်မှာကိုကားနဲ့ပြန်မှာမလား"
"ဟုတ်"
"ကားကမိုးလုံပါတယ်ပြန်လို့ရတာဘာလို့မပြန်တာလဲဟင်လမ်းချော်မှာစိုးလို့လား"
"မဟုတ်ဘူးဗျ ကွန်းမှာtraumaရှိတယ်ဗျ သူကမိုးရွာရင်ကားမမောင်းနိုင်ဘူး"
"ဟင် ဒါဆိုညီလေးတို့မောင်းရတယ်မဟုတ်ဘူးလား"
"မရဘူးသူကမိုးရွာရင်ကားကိုမစီးနိုင်တာဗျ ကားလဲမမောင်းနိုင်သလိုကားလဲမစီးနိုင်ဘူး"
"ဪ"
"ငယ်ငယ်ကရတဲ့traumaတွေပေါ့ဗျာ"
"ဪ"
"ဘာလို့လဲကိုသူခန့်ကကျွန်တော်တို့ကိုပြန်စေချင်လို့လား"
"ဟာ ဘယ်ကသာမဟုတ်ပါဘူး"
"ဒါဆိုမပြန်စေချင်ဘူးပေါ့"
"အင်း"
"ပြန်ရင်လွမ်းကျန်နေမှာကြောက်လို့လားဟောဒီကရန်ကုန်သားကို"
"ဟာ မဟုတ်ပါဘူး"
"ဪ ကိုသူခန့်ကကျွန်တော့်ကိုသတိမရနေဘူးပဲ"
"ဟာ မဟုတ်ပါဘူးဆိုဟိန်းမြတ်ရာ ငါဆိုင်ကယ်တစ်ချက်သွားကြည့်လိုက်ဦးမယ်"
"ဟုတ် ကိုကို!"
'ဒီခွေးကောင်လေးကတော့'သူခန့်စိတ်ထဲကနေသာကျိန်ဆဲလိုက်မိသည်သူ့ကိုတစ်မျိုးမဟုတ်တစ်မျိုးစနေသည့်ကောင်လေးကို