اغصان يتيمة

𝐏𝐀𝐑𝐓 22

᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
-اغصان يتيمة-
الكاتبة وَرْد حيدر

قبل كلشي علقو بين الفقرات + صوتو + تابعو
الانستا:_lolo743_
حسابي الواتباد: wee909

يگول

إليه بڪل گلب متعوب تذڪار .
᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
الغصن :- ٢٢

نطقها وعيونه جاحضهن مهبوط ؏ أثر الموقف أختل توازنه ندفع ؏ الحايط ليوره صرت گدامه وجهي يفسر الموقف نبرتي تحمل الفضول عصر التلفون حيل نزله وبتعد بستعجال راح للتعلاگه الوره الباب سحب قمصلته وندار فتح الباب طلع صوت القفل رن براسي داره مرتين وراح

جريت خطواتي صرت وره الباب مسحت الجامه جانت مغبره أباوعله تعده الحوش يقفل بلباب الرئيسي ، دوامه مـَـِن الحيره صارت تفتر براسي مـنو مات ؟

رجعت بخطواتي كعدت البدله جانت تعيقني السيم مالها حيل أذاني مديت أيدي اعدلها أحاول أرتبها أحس روحي أختنكت جانت أم الصالون مخيطتها مـَـِن جهه الخصر ومن وره جان قيطان شادته حيل غمضت رافعه راسي أذب نفس روحي احسها تريد تطلع رحت الغرفته أدور شي أكدر البسه وأرتاح بيه

فتحت كنتوره وگمت أبحوش بغراضه تشيرتات أغلبهن جانن عسكريه وملبوسات مـَـِن أمد أيدي بجيبهم يطلع كلنس ناسي داخلهم ، بجايم رياضيه هواي جان عنده واغلبهن لون أسود وايضاً نفس الحاله ممغسولات ، تسائلت ماعنده اهل؟ ليش كاعد بوحده وبهيجِ مكان !

مديت أيدي جانت اكو كونيه مدخلها بلكنتور منومها بلعرض سحبتها جانت مال ملابس وقماصل وغراض هواي عازلهن شفت اكو تشيرت يصير بي گلاو طويل ردانه يجي ؏ طول الإيد جريت بجامه وگمت أحاول أزيح الفستان الأحسه قسمني بلنص .

❀❀

عابس:

جريته أيدي ؏ صدره نايم فوكه ضغطته حيل مره مرتين ثلاثه غص حيل گلبته شايله منومه ؏ بطنه فوك ساعدي أيدي اليسار أضرب ؏ ضهره روحه طلعت بيدي وگفت شايله أيدي ؏ بطنه ضاغطها ونگز بيه ، غص حيل وبده يلتقط أنفاسه ذبيت نفس قوي حضنته الهث مغمض عاصره حيلل روحي أحسها فَتَّت

زئبقة الجانت تشهك حطت أيدها ؏ متني بحركه لا وعي لگيت نفسي حاضنها

- گلبي راحح..

- عابسس ماعرف شلون اشكرركك روحي يممهه راحت روحي ننخبصت شسوي مااعررف

حسيت ؏ نفسي أبتعدت مرجع رأسي ؏ ملاذي غمضت حيل گلبي يدك سريع أنفاسي جانت سريعه

- لج بابا إنتِ شلاعب شمسويه الازم تتعلمين تنعشين تگليلي ليش؟ اكلج لازم باچر يختنك مره ومرتين وثلاثه وحته اربعه شلون نضل هيجِ بله ماتلاحكتيله

- إني دم مضل بروحي خابرتك أصرخ ماعرف أبني كدام عيوني يموت صوته ميطلع نخبصت ماعرف شتصرف وشسوي

- هوه حقج كلنه بهلمواقف ننسطر بـَس يابنتي ياابويه إنتِ اقل شي ك ام لازم تكونين متعلمه هلشغله اولادج ممكن يموتون ليش تجهلين الانعاش؟ تعلمي افضل الج وللمحيط بيج

كعدت كدامي مقدمه أيدها الترجف تحجي ونبرتها ترعش

- خفت ماعرفت صوفر وجهي زين ومطلعت بلباب أصرخ زيين وملميت الناس عابس ملگيت روحي غير مخابرتك أيدي ترجف باوع.. ييممه واللّٰه ردت امووت الحد هسه مهبووطه

- حقج حقج.. عاذرج

مدت أيدها جلبت بمتني نبرتها ممتنه

- ماعرف شلون اجازيك وباريك .. هواي ساعدتني ووكفت ويايه هواييي مينعددن أبددد

ذبيت نفس لام شفتي لداخل فمي هزيت راسي

- واجبي هذا خيتي

باوعتلي وسحبت أيدها عدلت كعدتها

- علمني شلون أنعشه خاف يرجع يختنك مازعجك إنتَ هم عندك شغل..

- موجود ؏ اليوتيوب طرق توضحلج طريقه الانعاش ، العمليه كلش سهله ميرادله بـَس گلب قوي يواجه الموقف وهاهيه

سكتت ثواني أعدل بنومت ملاذي الجان مجلب بيه بكل حيله كملت كلامي شاغل نضراتي بلتطلع عليه

هوه إذا نجي للصدك؟ المفروض الانعاش يتدرس لكل أب وأم مقبلين ؏ زواج يعلموهم الانعاش قبل الاول والتالي ، لأن هواي صارت حالات وأطفال ماتت بسبب التأخير فَـہ قبل المسؤليه أتعلم أنعش واكون مجهز نفسي لكلشي

سكتت صار هدوئ رفعت عيني شفتها تنضرلي تنفست بشكل مسموع مدنگه حسها واهن

- إني مـٰؤ مثلك عابس ..

ضيگت عيوني متسائل

- ليش شناقصج؟

رفعت عينها تباوعلي بثبات

- هواي

- غلطانه ورده

- واللّٰه

رفع حواجبة وسوه صوت بحلكة معناه لاء

- چؤؤ ، بابا شتحجين كاعد إنتِ؟ شِلقضيه كلنه مانولدنه معضلين منين أجن تعب جهد تمرين نضام غذائي الرباط يجي ؏ نفس الشي التجهلينه تصيرين وكت ماتتطلعين تتعلمين تسألين

- مرات أستحي أسئلك ..

- ك امور عاميه مـٰؤ نسائيه يحقلج اما الامور الاخرى فَـہ موجود نت مداعي تسأليني عنها بغض النضر عَـن احراجها هَاي وحده أثنين قربت أصبعي السبابه مـَـِن راسي اندسه بتأكيد خلي بالج أثنين ميتعلمون منو؟ اليستحي واليتكبر

حجت بحس مخنوك أحس العبره تجرحها مدنگه عيونها مبينه مدمعه

- عابس شمل يحتاجك الك أكثر مني..

رفعت عينها تباوعلي بنضره متوسلها

- هوه يدري بيك إنتَ أبوه الحقيقي..

مـٰؤ تكول اليستحي واليتكبر ميتعلم؟

- همم..

- عابس ليش متصير أب حقيقي الشمل؟

- ليش إني مقصر بشي؟

فرگت ايدها أثنينهن تباوعلي وتبلع بريگها

- لا مافهمت قصدي..

- فهمتج خليت عيني بعينها ماكدر ابات تعرفين السبب

- لا عابس مـٰؤ سالفه تبات..

- لعد؟

- عابس أب حقيقي تصيير الشمل..

- إذا قصدج قانونياً أسجله بأسمي فَـہ ميصير لأن هوه عنده أب و إنتِ ارمله

- لا ، هزيت راسي بنفي ، هيجِ ماكو شي..

- اوكي ، إني هسه رايح عندي شغل ضروري أي شي يصير تخابريني تَمام؟

- تَمام .. أعذرني هبطتك جنت خـ.. قاطعتها

- مو مشكله الاهم صرتي تعرفين لازم تتعلمين الانعاش

نزلت عيني أباوع للساعه صارت مغرب گمت شلته نومته ؏ فراشه نزلت مغمض طابع بوسه ؏ خده فتحت ماسح بيميني ؏ خده

- ملاذي رايح إني ماطول..

عدلت وكفتي بستقامه البس بلقمصله نداريت زئبقة گبالي

- يله إني اترخص دبربالج ؏ نفسج .. الباب قفلي

هزت راسها كملت طريقي للباب طبگته صار صوت قفل نداريت اريد اوكف تكسي بنص الطريق خابرني عراد فتحت خط

عابس: عضيدي

- ها كبد شتسوي كاعد؟

- خابرتني زئبقة تگلي شمل مات رحت طلع مختنك سويتله انعاش رجع الوضعه الطبيعي حالياً بلطريق

- تجي يمي لا؟

- ماگدر عراد

- يمي دريد المايع

- شيسوي هلحثاله يمك

- ذنب جايبه

- عراد خماا ذنب جايبه علمود...

- لاء حته احط رجلي بدشبوله

- عبالي.. يله راقب الوضع هذا ميتأمن ديربالك

- أدري هذا كدامي يريد يبوس رجلي

اسمع ذنب صاح : اااااااكل تبببنن لككككك

- ههههاي وخر لكك لتبوس چؤؤ حرام سربوت

صار صوت هروله يتناگرون لفشار گام يتطشر صحت بيه

- عرااادد ويينك ويياي

- وياكك بـَس رجلي بحلك ذنب

صوت كفخات صارت قويه وعراد يضحك ناصب عليه صحت بيه

- كافي عوفه أسمع

- همم .. عاط اخخ أبن المطي العمليه

- عراد حول الجهاز الذنب بسررعه

انطاه الجهاز يفشر أخذه وهمه يتناگرون واحد يفشر ؏ الثاني وذنب يهدده بلجهاز مالته لأن بيده يگله لاتخليني انومه بلدولگه

حجيت بصرامه ونبره ناتره

- مـٰؤ أحجيّ ويااكك

ذنب: ها عابس

- عمليته لاتطك لاتزومل

- خيولي أصحه مـَـِن البغل

أسمع عراد يضحك يگله ماخذ عافيتي غير عينك

عابس: باوع ذنب

- وياك وياكك

- دريد شعندك جايبه لشقه عراد؟

- يسهر ويانه

شديت ؏ سنوني

- ذنببب !

- شبيك واللّٰه

- هلسوالف مشيش عليهن چمه

- اويليي

- شحتتته

- ليش

- شِنـوٰ ليش بابا فرخ هذا اذاكرك لو ناسي؟

- يمعود عابس شلقضيه

- شحته اگلك

- ممسوي شي فقير

- هذا بليل ينگلب

- شيسوي هوه خنيث هههههه

- ماطول واصلتك خنيث شحته أفضل

- بعدين لاتخرب علينه السهره

- نتخارب راح

- شبيك عابس خوماكو شي

- ذنب جاي اكلك دريد ينشحت ميضل دقيقه تسأل ليش؟ اكلك فرخ خنيث أبن سياسي مهدودله الحبل

- يمعود يمطر فلوس جايب علاليك عينك ومتشوف

- و إنتَ على مود هَاي؟

- أي زوج أنام براسه

- شحته ماريدكم تخربون

- وعلي ماتقربله شبيك عابس شلقضيه هيجِ إني مو راحه بعينك

- مارتاحلك

- شهل صراحه المره هَاي

- يله الهمه الهمه اشحته

- أي واضل مگابل أبو حصوه ونتناگر

- أي

- يمعود دمر الثقة دمار ماخله لامضموم ولا مستور ماعلق عليه شلقضيييه

- تصافو بيناتكم يله ذنب الجو صار بارد إني بلشارع اشحته لتخلي يضل

- الزم يريدك أبو حصوه

صاح بيه عراد يضحك : طاحضكك سربلوتي

عابس: عراد فهمت ذنب دريد ميضل خوش

- أي كبد

- ولتتناگرون مزعطه خما مزعطه

- مناوي تجي گلت؟

- أي

ضحك حيل : حقك عريسس

- صاح حضك ههههه

- رايحلها غير

- أي

ذب حسره

- أي بلعافيه

- ههههه خرب عقلك

- شتريد بَعد أجتك بدلت عرس بَعد گلبي

- عراد !

- قلبه

- دريد ميضل

- لتغير الموضوع ههههاي

ضحك حيل سرسري ضحكني صحت بيه

- كافي

- يله كبد بيض وجههنه تدبرها لا؟

- عررررااد !

- قلبه

- احاجيك؟

- همم

- دريد شووته

- ضارب مزيل مال هسه احركه هيجِ نوعيه حرام تتكاثر واللّٰه

- ميتكاثر هذا .. المهم إني رايح شوتو ميضل

- يله هلو..

سديت التلفون وبوجهي وكفت تكسي الدنيه بدت تمطر أطرافي جمدت

❀❀

مهيرة:

السكف جان ينگط الچو بارد حيل ألارضيه نترست گمت رحت للغرفه أدور ؏ شي انشف بيه حته أفرش وأنام صار صوت الباب ينفتح رفعت الگلاو سويته مثل الحجاب طلعت شفته ناگع يفرك بيده دخان نابع مـَـِن فمه مبعثر أمامه باوعلي شافني مجلبه بلگلاو صايره هلگدوتني

- بردانه؟

هزيت راسي ندار يقفل بلباب رفع راسه يباوع ؏ السگف ينگط دخل للغرفه چر مخده ولحاف فرشهن بلغرفه التنگط رجع چوه شفته رفع جسمه نزل هيتر صغير وكف يم النقطه يربط بيه جان وايرات طالعات ، ضوه لون برتقالين گانه أشتغل طلع مـَـِن الغرفه وصار گدامي حجه والدخان الابيض يلفح وجهي وجهه احسه جان جامد خشمه أحمر

- دخلي تدفي

- بـَس هيتر واحد موجود؟

- دخلي شعليج ههههه

- لا شلون الجو بارد

- إني متعود ؏ البرد لازم واجبات سنوني جامدات بيهن عضامي لازكات سوه تخيلي البرد هيجِ جو متعود عليه عادي عندي

- لا ميصير الغرفه منگعه وبدون هيتر حته فراش ماأخذت ، أخذه إني اتغطه شويه و أدفة

- چؤؤ روحي نامي

اباوعله راح جر البطانيه تغطه بيها تلترباع راسه سانده ؏ الحايط لازم التلفون صار فلاش بوجهي باوعلي

- التلفون يعلك شاشته منگعه ..

بقيت أباوعله يتضاهر بعدم أكتراثه للبرد بـَس جان مبين عليه بردان يعاطس ويكح دخلت جوه أجر بلهيتر ؏ كيف جان مغمض صار صوت شخطه اثناء سحبي فتح تك عين ركزها ؏ الهيتر رجع رفعها مفتح عيونه يعاينلي

- مهرة رجعي مبردان ..

تجاهلت كلامه جان حد الواير تلترباع مسافه گدامه خليتها گدامه گام ؏ حيله يريد يرجعها أردفت باصرار عيني بعينه

- لتخجلني فدوه..

- اگلج متعود

- خلي نسويها بلعدل شتگول؟

- شلون يَعني

- إلي الغرفه والك الهيتر

- لا

- لا هيجِ العدل و إذا نبقى نتجادل راح نضل للصبح ونجمد فَـہ أخذه لأن ماراح اگدر أنام بهيجِ وضعيه مـٰؤ عدله

- لا عدله معليج شويه شو ..

- ماقبل ياعيني كافي نخصمها بلعدل هاهيه فدوه الطولك الك الهيتر وإلي الغرفه

صفن بوجهي يرمش ببطئ حسه أختفه دخلت للغرفه رديت الباب تلترباع حته ليكبس ؏ الواير تمددت بردانه محسيت ؏ نفسي كعدت ؏ حراره ودفو قويه عيوني كامت تدمع حراره جانت حيل قويه فتحت شفته الهيتر والغرفه جانت مكتومه مبين مرجعه مـَـِن اليل الحراره جانت مـٰؤ معقوله

عدلت الگلاو مدخله شعري لزمت أردان التشيرت بباطن أيدي وگمت سحبت الباب ضربتني بروده قشعرت وجهي صار صوت نفتح الباب بيده علاگه جان مبدل شافني أبتسم

- صح النوم

تقرب مقدم أيده البيها العلاگه

- أحتمال اتأخر أكلي لايفشن خدوج

باوعتله ودنگت أباوع الجسمي رجعت أباوعله احسه يسايرني يجاملني أخذت منه العلاگه وگلت

- يَعني لليل تبقى؟

- مادري احاول ارجع بسرعه.. لاتلعبين بلكهرباء عفتها رحت للغرفه شفت الهيتر مشتغل هزيت راسي شطوره بقي مشتغل لتطفي

شفته تعداني يلبس بلبسطال ماله حجيت بحس مليان فضول

- منو مات؟

- مَحـد سالفه طويله حيل..

كمل گام باوعلي بحلگي حجي تگنبص متكتف يبحلج بيه

- عندج شي تردين تحجي؟

هزيت راسي

- أي

عدل وكفته رفع أيده يمشط بشواربه بحركه تركيزيه

- احجي اسمعج

- إنتَ ماعندك اهل؟ لتفهمني غلط بـَس تسائلت ليش هذا حال بيتك وساكن وحدك

جر نفس روحه أختنگت زفره منزل أيده متكتف

- شوفي بابا إني سالفتي طويله متنحجي وكفت باب روحي مثل السباعيه تريگي وليوم مـَـِن ارجع احجيلج كلشي "أتفقنه"

هزيت راسي أنداريت گعدت بصف الحايط گبالي العلاگه صارت عيني بعينه مثبتها عليه مركزها حس ؏ نفسه بلل شفايفها قفل الباب وراح ..

مديت أيدي للعلاكه سحبتها جانت اجبان ومعلبات جاهزه مطبوخه دولمه ومخلمه وجواهن حاط صمون مجايب شي يستدعي ينطبخ بنار

❀❀

ليال:

عيوني جمدن ملامحي بهتتن وإني اسمع كلماته الدگن براسي دك لتستغبيني كلشي اعرف ! بلعت ريگي مغمضه بألم مـَـِن قبضت أيده القارصها فوك متني بشراسه

::- حسام شتعرف ايددك آآآآي دوخررر

باوعلي مـَـِن جوه حاجبه گاز ؏ سنونه يحجي مـَـِن بيناتهن مركز عيونه بعيني بكل ثبات أيده تزيد قبضته أحس أصابعه نبتن بلحمي

::- لتستغبيني أبد

::-  ::- شستغبيك؟ شعلييي إني حساام واللّٰه مناقصتك إني بياا حالل

نبرتي جانت ناتره ويه كلامي نلطيت راجدي بقيت متجمده باوعتله جاحضه عيوني خله أيده براسي وصاح

::- منـو ذوله اااااحجيلي منووووو

رجفت شفايفي ملحگت أنطق نلطيت راجدي ثاني وكلامك الناتر بعثر وعزه داخلي

::- لج إنتِ تدفنييين النغل

ذرفت دمعة من عيني غمضت مختنگه أعيط

::- ششمسويه إني ششمممسسووووويييه

نملخت حيل شعري أحسه أجه بيده گله

::- لج إنتِ عبووررر ماگدر علييج لج سافله إنتِ سساااافلله

عطت بيه دموعي تنزل مجلبه بيده أريد اخلصها مـَـِن راسي

::- شمسسسوويييه فهمنييني

؏ صوتي دخلت بثينة أجت تريد توخره تصيح شكو شكوو عاط بيها خرسها اندار يباوعلي يعتعت براسي

::- عرضي بليل مخطوف بليل عرضي يرجع بسيت نوم وإني طرطور كاعد لاهش ولانش موووووو؟

ردت أنطق صاح

ـــــــــــــــــــ موووووو؟

تنهدت واني انطق كلماتي روحي كلها گاشه مـَـِن كلامه حجيت بنبره يتقمصها البرود التام عيوني جانت بعينه

::- عذارتي موجوده "متصدك" الف مستشفى موجوده ! لاخايفه ولا مستحيه العتب مـٰؤ عليهم العتب عليك إنتَ غير اخوي؟ المفروض تصير ويايه لو عليه !

نزل أيده يعت بذاني مقدمني ليگدام

::- ميمشن عليهه

- وطبببك مرررض المشن ولمامششن

جحض عيونه گام يريد يكتلني ربحي ببثينة طلعته وتشرحله أسمعه يكلها هَاي النغل تدفنه رب الراجعه بسيت نوم ومطمطتها

توني ردت التقط أنفاسي دفر الباب وبثينة مجلبه بيده حيل عاط بيه

::- التلفووون ويين

نداريت طلعته مـَـِن جوه المخده ذبيته عليه فتحه رجع صاح

- الرمززز

- نعل

أباوعله نحنه ينزع لبرجله وبثينة گدامه تتوسل بيه ندارت تباوعلي متوسله

بثينة : ليال كافي فدوه العينج گليله الرمز شكد وخلي يرووحح

- 2580

شفته كتبه شافه نفتح ندار طالع قابض أيده بقيت أكل بروحي ، روحي تتراجف كلها محادثات عراد مماسحتها ! إني مـٰؤ مـَـِن النوع الاحذف عندي مراسلات صالهن سنين أبقي رسايل الاكرها والاحبه أكول كلشي يصير دليل يفيدني

بقيت متجمده شفت بثينة جلبت بيها حاضنتها وفشر عليه ، وهيه تردد كافي ليال ظرفنه مـٰؤ مال مشاكل هسه مهيرة شصاير بيها

بقينه متبندين ؏ نفس وضعنه ندفع الباب حيل گلبي جان متوقع راح يرجع شفته وجهه ميتفسر عيونه جاحضهن مقدم التلفون مفتوحه مراسلات عراد وكت الجنت اتماوع علمود ايطلع خنجر

::- هذا نفسه الگفتج تحجين ويااا بليل

حضنت بثينة طامه راسي بحضنها وهيه تلم بيه الصدرها خايفه لايضربني كرر عليه گلت

::- أي هووه شايفني فاتحه ويا كاميرا؟ لو دك صورر دازتله ، دفتهم لو هيه مصايح تاخذني

ويه كلامي فلش التلفون سواه قطع بقيت أباوع دموعي نزلن : هَاي ليش؟ عوددد شيسموونها

::- تلفون بَعد مالج

دأسه حيل برجله رفسه بعثره بلكاع طلع وعيونه يوجن نار ربحي بثينة جانت يمي هذا لو وحدي شجان سوه

البيت مخبوص أجت أم مازن جنه متجمعين مازن جان كاعد بصفها

ام مازن: يَعني شنو خطفوها وين اكو خطف مـَـِن باب الصالون

ليال: ممجذبين عليج ماتصدكين موجوده ام الصالون وروحي سئلي خطيه خاف أختي شردت ويه عشيقها تلاحگيها

نتر بيه حسام فاتح عيونه مقرب أصبعه السبابه مـَـِن شفايفه

- اششش ، إنتِ بلذات لاتددخليين نهائياً

بقيت ساكته هذا هم حضي تلفون كسره دوام معطله والبيت خنگه وحته حجي ميريدني أحجيّ

مازن: زين ليش بلذات مهيرة اخذوها؟ ليش ماخطفو الوياها مو علساس همه ٣ مسلحين؟ هَاي السالفه مخصوصه حسام

هز راسه حسام يجاوبه وعيونه عليه : مخصوصه وراح أضل وراها الحد ماعرفها

حجه أبوي والكلام ماله حيل جان مستفز عبالك أحنه سلع ضاله على گلبه يگله راحت وحده ضلن أثنين گبع وخذ يأشر عليه يگله هَاي تدرس أخذها ماتريدها تدرس بطلها وذذيج مبطله

عيني صارت بوجهه مازن جريت الزيج : دباع وجهه ليكول صره عجوز هههههههه

كام عليه حسام راد يجرني خزره مؤيد كمت مـَـِن نفسي وهمه التهو يحجون ، تلفون ماعندي أريد اخابر أحجيّ ويه مهيرة بحوشت بلغرف أستغليت كعدتهم رحت الغرفه عفراء جان تلفونها ؏ المجر جريته وصعدت ردت أخابر شدني فضول ادخل اشوف مراسلاتها

عيوني تركزت ؏ المحادثه

»- وينج أم يتبوف هَاي شو نخطبت وراح تعرس؟ إنتِ مـٰؤ گلتي علساس تضل ؏ حطتها المن منطيتج دم گلبي إني؟

»- طگطگتلها ماتصير

»- أم يتبوف اگلج اليوم عرسها راحت للصالون شتحجين إنتِ؟

»- متصير مقفوله قسمتها مايصير تسهيل

»- إني باقيه وراج واشوف تاليها

رفعت المحادثه ؏ آخر مراسله

»- وينج أم يتبوف أجيت أبشررج نخطفت خرب عرسها تبخرت

»- گتلج متصير قسمتها قافلتها

»- بـَس أجيج ماقصر وياج

هزيت أيدي هَاي تؤمن بلسحر؟ هَاي متدري شصار كل الصار صدفه مصدكه بهاي الكلاوجيه ! مسامعه بعباره كذب المنجمون ولو صدقوا

المشكله إني ما أمن بلسحر إلي ثاقه بيه أن هايَ المره وهده كلاوجيه تضحك عليها ومراح تأذي أختي لأن هيه عاجزه لو بيها خير جان سوت سحر وجابت فلوس

فتحت الباب عيوني صايره بگصتي واللّٰه لفضحج وخزيج دخلت شفتهم بعدهم ؏ نفس تجمعهم لزمت التلفون وحطيته بأيد أبوي

❀❀

مهيرة:

أسمع أذان المغرب روحي أختنگت هلوقت حيل يعصر گلبي تمددت عيوني ؏ السكف بالي يَم أخواتي شجاي يصير هَسه؟ غمضت متنهده أحاول أطلع الخنگه التجمعت بصدري صارت طگطگه خطوات عدلت گعدتي أرفع بلگلاو أنتضرت يدخل ماكو بقيت نايمه شويه وندفع الباب باوعتله عابس مو منعوايده يدخل بدون ميدك الباب حجيت وإني اعدل گعدتي

- مـٰؤ گلت اتأخر؟

بقه يباوع بوجهي جسمي صار حار صرت گوه التقط أنفاسي

بقة مركز دقايق وگال

- تعاي للحمام..

حجاها وطلع أحس رجعلي النفس وحرارتي أستعدلت روحي شاطت رجع أندفع الباب ممدود فقط راسه

- يله

وجهي رجع أحتر اخدودي فرگعن مـَـِن الحراره بلعت ريگي صار صوت

- عابس شتريد

- تعالي للحمام وتعرفين

خطواته أختفت عَـن أنضاري دفعت الباب قفلته رحت مجلبه بلغطه دافنه نفسي مغطيه راسي جثماني يرجف صار هدوء فضيع گلبي يدگ بصوره ملحوضه أحس راح يفلش قفصي الصدري تنفست سريع مغمضه ، خايفه وحدي محد إلي

شويه وصار صوت باب وقفال تتراگع وصوت خطوات واضح وصوت علاليك صار صوت الباب يندك

عابس: مهررة نايمه؟ تعاي تعشي

الهدوء جان تام رجع دكه مرتبك

- بيج شي؟

روحي جانت خايفه گمت فتحته مجلبه بلگلاو شافني أبتسم راح تربع يفتح بعلاگه

- ماعرف قياسج بـَس حاولت

ذب عليه علاگه فتحتها تراكسود ودشداشة بنصهن حاط شال

شافني متبنجه حجايه ماحجيت رد گال

- ملابس هَاي تاركهن فتره ملبوسات واحتمال تتحسسين منهم ملبوسات وفوكها مخمخمات مـَـِن الضم

شافني أباوع عليه وضعي مـٰؤ طبيعي لازمه الياخه مال التشيرت رافعتها الرگبتي رجليه الصدري ونضرله مرتبكه

- صاير شي؟ متأخر ! اعتذر شغلي يجبرني واللّٰــہ تحقيق وقضايه هواي هلكت..

أباوعله يبرر شافني عفت كلشي وكمت رجعت للغرفه صار صوت خطوات دگ الباب ودخل فقط نص جسمه

- مهررة

- رجعني ..

- ارجعج بهلزلك؟

- أي أسمي مأمنه على نفسي

- مأمنه؟ ليش إني معتدي عليج

رفعت راسي عيني بعينه أنضرله

- بيك زهايمر؟

رفع حواجبة وسوه صوت بحلكة معناه لاء

- چؤؤ

- إذا مبيك شبسرعه نسيت

فرك وجهه دخل صار گدامي گعد ؏ مجر محطوط بحافه الغرفه أردف بحنيه

- بابا مهرة ابويه إنتِ شبيج منـو وياج؟

جريت لحافي ولا جنه هذا نفسه الحجه وياي غمضت عاصره مقدمه الحاف حيل بيدي مصعدتها الصدري

- إنتَ 

- شسويت غردي أسمعج

فتحت عيوني دموعي نزلن

- فددوه العينك إني ثقيت بيك وانام مأمنه أعرفك إنسان زين لتخرب الثقه وتخليني أنام أكل بروحي

ضيگ عيونه تقرب گعد بصف رجلية گبالي وگانه يستجوبني نبرته خافته

- همم..

- إني مجنت أعرف شتريد مني بقيت كاعده مرحت للحمام

أنتبهلي أرجف ركز عينه ؏ أيدي يحدق بيها بتدقيق تام وكانه يدرس حركاتي

- همم..

- شتريد مني جنت عابس..

- دقيقه الملابس جانت نفس ملابسي هَاي؟

يأشر ؏ ملابس باوعت عليهن وهزيت راسي

- أي

- مهرة هذا مـٰؤ إني 

بهت وجهي أباوعله مرتبگه كمل كلامه

- إني هَسه أجيت

- جان شكلك

- والجن يتشكل بأي شكل إنسان ويضهر

شافني مرتبگه ويدري وقتي كله بلبيت تقرب يحاول يخفف الخوف

- ليش خايفه؟ اكو واحد يخاف مـَـِن كائن جبان !

- جبان؟

- أي جبان تگليلي شلون أكلج مختفي تخيلي كميه خوفه مـَـِن الإنسان و إذا راد يضهر فَـہ يتشكل ؏ شكل إنسان إنتِ شايفته

- مجان جبان جان يريدني أدخل الحمام

- رادج ترحين للحمام مكان قذر مراح اتعمقلج بـَس إذا نعاد نفس الموقف ماترحين تضلين بمكانج وتقرين أيات مـَـِن القران وأياجج تخافين ديربالج يسيطر عليج

بقيت ارجف مثل السعفة عيوني وجرت من الخوف أنابهلي همس

- لتخافين شي ضعيف طاقتج اقون بأيمانج

شاف دموعي نزلت دار راسي بطرف أصبعه

- چاي تبجين ! شو بله.. هههه بابا شي ميخوف ياعيني ياگلبي بمجرد تقرين قران جد جده ينسمط

مسحت دموعي بلتشيرت 

- إني شلون راح اعرفك إنتَ لو هوه هاا شلوون

- سهله مـَـِن شفتي شحسيتي؟

- خنگه وحراره

- ومن شفتيني؟

- محسيت بشي

- هذا هوه فضت راحت لج هذول لازم واجبات حته بلجاي صالخهم ههههه

- ميصير تأذيهن ميعوفونك بحالك

- أي والدليل دازيلي واحد مـَـِن ربعهم يخرب بسمعتي گدامج حمام ما حمام سرابيت

شافني أبتسمت رد گال

- إذا تشوفي النوب گليله يحضر عمامه مـٰؤ حاله هَاي

- ههههههه تخيل ييمه يحول عليه يطلع شكله لحقيقي راسه رجل وخشمه ذيلل

- اخرب ضحك عليه إذا هيجِ شكله هههههه

شافني ضحكت ضحك ؏ ضحكتي رد گال

- هيجِ حاله ماره وياج قبل لو أول مره

- الخنكه والحراره؟

- همم

- أي

- منتحل شخصيه أحد مـَـِن عائلتج يَعني؟

- نفس المواقف صارت بـَس أعتقد جنت متوهمه مـٰؤ جن هذا ضهرلي لأن بيتك قديم ومسكون

- أحتمال ههههه

بقينه ساكتين رد گال

- سئلتيني ؏ أهلي اليوم الصبح؟

هزيت راسي حمحم باوعلي

- مبدئين إني يتيم

بقيت أنضرله مطبگه أيديه بحضني ناصته بمسامعي إلى كمل يردف بخفوت

احنه عائله جنه طاگين عائلتنه بـَس ولد مجان عدنه أخوات أحنه اربع ولد وإني الرابع ، أجه يوم واهلي نزلت ورقتهم بذاك الوقت جنت صغير ابتدائية اخواني جانو متزوجين أكبر مني بهواي إني خلفوني على كبر ، قسمو البيت واخذو ورثهم إني جان عمري تحت السن القانوني لازم ١٨ وستلم حصتي الجماعه ماخلو شي كلشي باعو وهلحجي إني بكلشي إلي المفروض حصه صفيت بلشارع ماعندي مكان اكعد ادرس ونام بيه اخوي الجبير رادني وطلع الاخ إلى غايه سكنت يمه الحد مصار عمي ١٨ كال أمشي استلم ورثك رحت ويا أستلمته ورجعت اكمل السادس يمهم الفلوس بلبيت هلحجي إني ضامهن بغرفه اخوي كتلج عمر ساكن يمه المهم سواله سالفه علساس شنو؟ الغرفه احتركت والفلوس راحن مهرة ادخل للغرفة ريحه البانزين طاگه بخشمي السالفه واضحه إذا تماس كهربائي شهل ريحه مال البانزين يجاوبني ها مو ردنه نطفي عبالنه مَي طلع بانزين حقي أخذه وراها بسنه عمري طب ١٩ صرت گليه يجيني يوكف كبالي يگلي إنتَ مناوي تنتگل ؏ نفسك؟ إلى متى إني اضل ألف واحط بحلكك كبرت اشتغل شوف روحك بيومها أستهضمت دنيه ليل همه بلعاده الباب يقفلونه صعدت گلت ماضل أشرد بصعدتي لگيت مرت اخوي بمنضر ماينشرح جانت ويه واحد مـَـِن المنطقه جتفني صاحبها نزلت دخيلك ودخيل العباس اوكف استرني تريدد فلوسسك؟ وإني متبنج مهرة جنت شاب بـَس اول مره اشوف هيجِ شي بقه مجتفني راحت جابت بيدها علاگه الفلوس اخذهن إنتَ يتيم ضحكنه عليك اللّٰه يخليك استرني ابوس ايدك رجلكك مهرره عفت كلشي وره ضهري وليومج هذا هجيت ، مهررة إني كونت نفسي بيدي اخوتي صارو عراد وذنب فقط مَحـد مـَـِن ذولاك كلف نفسه يسئل عليه گلمن ملتهي بعائلته لذلك ماكو أحد يشاركني حياتي

أباوعله اختصر هواي بـَس كلامه حز بگلبي شفته ذب نفس مبتسم

- عموماً ختولي هلمواضيع إنتِ شتسوين؟ تقرين قران خووشش

- إذا اقره ماشوفه؟

- هوه إذا شفتي اقري يختفي

- اوكي

شفته گام يعدل بتشيرته

- يله نامي

راد يطلع حجيت بحس واهن

- عابس

ندار باوعلي

- أبقى شويه

أبتسم تك خد ورفع حواجبه مرتين

- بعدج خايفه مـٰؤ

- لاا .. بـَس خل نسولف شعدك نايم

تقرب وكانه متيقن خوفي كعد ؏ حافه السرير وگال

- مخايفه يَعني؟

- مخايفه

- همم صدك

- عفيه لتخنزر بيه عيونك تلمع تخوف إنتَ عابس مـٰؤ

ضحك حيل

- لا أمشي للحمام

ضحكت مغطيه راسي خجلت رجعت طلعته

- روح إنتَ

- ميدورني سربوت ينصب ؏ الثقيل

أحتقن وجهي اضحك واثناء كلامنه صارت حراره قويه بجسمي وعابس تشنج لازم ضهره راسه صار يتقدم الحد مستقر بحضني

❀❀

ياقوتة:

رجليه نحكت بلكاع كلها صوتي جان عالي احاول اخلي الحارس يسمعني أيد صارت ؏ فمي خنگه حيل نلافيت روحي ترجف عيوني تركزت عليه جان واحد ملثم منضره يوحي هذا عصابجي مد أيده سجينه عوجه قربها مني بلعمت خايفه رد گال

- اششش احجيلي كلشي تعرفينه عَـن اطياف محسن خلف

شفايفي رجفت أيدي جانت خلفي أبتعد بخوف للخلف وهوه يتقدم حجيت حسي مرتعب

- منو اطياف ياهيه

جر السحينه وبحركه سريعه صار خلفي حطها ؏ ركبتي وإني خرطت العافيه گلبي جفل خوفي ورتعابي حسيت راح أموت

- الدكتوره اطياف محسن خلف لاتتهربين أحجيّ كلشي تعرفينه عنها بيتها مكانها عمرها رقمها كلشي يخصها تحجيينه

أردفت بحس هامس رافعه رأسي اخاف السجينه تطخ فگي وتجرحه جانت تلمع مبينه حاددده

- واللّٰه ماعرفها ولا اعرف أي واحد هنا إني اشتغل فراشه بـَس بوقت العطله مامتعرفه على احد مـَـِن الدكاتره

قرب السجينه

- تحجين لو ابتررره

- واللّٰه أمنيتي اموت واخلص بـَس ماكدر إني عندي اخوي مريض واريد اجمعله فلوس عمليته

ضحك حيل بستهتار

- لكلاوات هايَ مال منهاا تحجييين لو لااا

- أحجيّ إذا جنت اعرفها للبنيه إني ماعرفها واللّٰه

- باعي

شفته گام حول گدامي مد أيده طلع تلفونه قرب ؏ صوره أبنيه أشر بأصبعه

- هايه

بلعت ريگي : شبيها

- راح امهلج فرصه أريد تجيبلي كل معلوماتها

- شلون أجيب معلوماتها

- تصادقينها

- إنتَ شتريد منها

- مميييخصصج سوي إلي عليج وهاهيه وهااا لاعبالج اتشردين ثقي باللّٰه اجيبج لو وره الشمس

شفته گام صعد ؏ الدرج مبين يطفر ميطلع مـَـِن الباب الرئيسي عفت كلشي بيدي جريت الجنطه انحنيت أنزل بلبنطرون ركضت أتعثر وتلفت ورايه بعدها روحي ترجف بعدها ، عفت الشغل وكفت عبريه صعدت روحي لايبه نص الطريق نزلت أمشي

أنتبهت ؏ سياره تلاحگني مـَـِن بدايه الطريق سرعت خطواتي شفتها ورايه صارت مباشر ركضت بكل حيلي ربي ستر طلعو شباب مـَـِن الفرع دخلو بلفرع البيه إني تحركت راحت مسافه وإني كملت طريقي للبيت

دخلت جانت أم عباس موجوده تعودت تضل يمهم إلى إن ارجع شافتني وضعي ميتفسر ماحجت شي خطيه راحت بدون متاخذ وتنطي بلحجي جلبت بعمتي نايمه بحضنها حاضنتها أبجي وهيه تجر بحجابي تملخ بيه وتردد كلام عشوائي عبالك طفله عصرت وجهي بحضنها أبجي تقرب آصف يندس بيه

- لولو ليش تبجين

باوعتله وعيوني وجرن

- تعبانه

- مـَـِن الشغل؟ حبابه لولو بَعد لا تروحين إني صرت چبير خليني أشتغل

حضنته هازه راسي بنفي

- آصوفي تعبت مـٰؤ مـَـِن الشغل حبيبي تعبت مـَـِن الناس

ماد أيده بصابعه الناعمه يمسح بدموعي وبنبرته الطفوليه يگول

- منـو زعلج اروح أكتله حباببه لولو لاتبجين حبابه

حضنته حيل وعمتي طفرت للباب عفت كلشي وركضت لازمه عليها الباب لاتشرد گوه قفلته ضلت ترگع بيه براسها تصيح هجوره تريدني هجوره تريدني دخلتها بالف يااللّٰه روحي تعبت اللهي تعبت حيل

گلبي معصور هذا منين طلعلي وشيريد مـَـِن هَاي الدكتوره شي داخلي يگلي لاترحين وشي يگلي روحي ونبهيها تدير بالها ؏ نفسها وبنهايه المطاف قررت أروح التقي بٰ أطياف وأنبها هذا مبين عنده شي ويه الابنيه إذا إني الغريبه هيج خلسني إذا يلزمها شيسوي

أجه الصبح الكل نايم عمتي ناطيتها العلاج المهدء يخليها نايمه فتره على ما أرجع وآصف حبيبي نومه ثكيل ميگعد وحته إذا يگعد عاقل ميتحرك يبقه بمكانه

بدلت بسرعه رديت الباب وركض طلعت أخذت عبريه بربع دينار ذبتني عليها نزلت أخطي متراجعه گلبي ينغزني تجاهلت خوفي مردده يا اللّٰـه كملت طريقي المستشفى جانت مليانه ناس ودكاتره وگفت دكتوره

- عفيه بـَس الدكتوره اطياف محسن خلف موجوده؟

- ماعدنه دكتوره بهل أسم أتفضلي شتردين؟

هزيت راسي بنفي متعديتها وكفت دكتوره جانت مخبوصه رغم خبصتها شي داخلي دفعني اگلها

- الدكتوره اطياف محسن خلف ويين

أشرتلي بستعجال ؏ مكتب نداريت شفتها نفسها إلي بلصوره جانت مدنگه تكتب بملف شي مـَـِن هذا القبيل تقربت دگيت الباب رفعت راسها

اطياف: أتفضلي

دخلت گاعده كدامها توني ردت أحجي دخلت دكتوره وهيه تحجي وياي تگلي أتفضلي وتحجي ويه صديقتها أخر شي گلت

- دكتوره أريد احجي وياج عَـن أنفراد عندي موضوع ضروري

- كولي حبيبي

رفعت عينها الصديقتها وگالت مـَـِن رخصتج راحت رجعت باوعتلي

- أتفضلي شِنـوٰ  موضوعج؟

- إنتِ حياتج بخطر اكو واحد يريد معلوماتج عصابجي ارهابي ماعرف البارحه جنت أنضف وأجه رفع عليه سجينه هددني أجيبله معلوماتج إني أجيت انبهج تديرين بالج على روحج

ضحكت تهز براسها عبالها أجذب عليها

- وين كاعدين تحجين صدك

نهدت تضحك ملامحي جمدت أشرت الصاحبتها دخلت گامت تلتقط أنفاسها مختنگه تضحك وتسولفلها وذيج تگلي شِنـوٰ فلم هندي

جريت جنطتي وگفت عيوني التقطها بيناتهن

ياقوتة : العندي حجيته أمام اللّٰه سويت العليه

حجيت العلي ورجعت بطريقي شفت بارود شالني بساع أجه عليه

- ياقوتة أمي مريضة حالتها فَـد مره مَحـد بلبيت البنات بلدوام تبقين يمها إذا متصير زحمه؟

لميت شفتي لداخل فمي عصرت اليده مال الجنطه وحجيت بتردد

- بارود عمتي إنتَ تعرف بحالتها ماكدر ابقيها وحدها

- ياقوتة إني صارتلي شغله مستعجله البيت فارغ ماگدر أبقيها وحدها هيه ساعه زمان وراح يجي جاسر اليوم ينزل وروحي

تنهدت موافقه شفته گيف رحت شفت عمتي بعدها ؏ نومتها وآصف كذالك قفلت باب الغرفه عليهم والباب البره رديته رحت البيتهم فارغ شفتها متمدده حالتها حاله حته حجي مابيها تحجي فاگه حلها وعيونها بقيت كبالها شتحتاج أجيبلها

صار صوت الباب يندك كمت ركض فتحته شفته دهار وجهه حيل تعبان بَعده أثر حزنه ؏ أبوه عالق بملامحه أبتسم تك خد يلاطفني

- شلونج نبعة

هزيت راسي : بخير .. البقيه بحياتك

- بلناقص

- شِنـوٰ بلناقص؟

- كلام مايستوعبه عقلج

دخل قبلي طبگت الباب ودخلت شفته يحجي ويه أمه مـَـِن بعيد حسيت مـَـِن نضرته بنفسه يحضنها شافني أباوعلها أشر بأصبعها بمعنى تعاي ندار صعد وإني لحگته اشوف شيريد

جان گاعد ؏ كرسي لاحض وجودي ركز عينه عليه وجنه اكو كلام هواي بگلبه ذب نفس عميق احمرت عينه

- نبعة تدرين أبوي مات وإني سنين محاضنه !

- ماودعته !

- مـَـِن مات؟

- أي

- طخ مطخيته

- معذور مرضك هيجِ

حط راسه بين أيده ذب حسره حسيتها شكت گلبه

- چبيره إني شمعذورر نبعة تعبتتتت

- معذور يدرون بيك مريض

- نبعة ماغسلته ولا شلت جنازته

- غيرك غسله تره عمي عنده غيرك وإذا إنتَ الچبير

- المفروض إني اغسله وشيل جنازته إني شارد نايم بلحمام الناس تجي تسلم اعوف الفاتحه

- فشله تحجي صدك ولو همه ذول هواي يلحون بلسلام عبالهم عود مـَـِن باب المواسات 

شفته تجتف رجع ضهره ليوره مبينه بگلبه ضاله حجيت احاول اخفف عنه

- بارود وازهر ماطول غسلوه وشالو جنازته هاهيه بعتبار إنتَ أديت الواجب حالك حالهم

- بعتبار؟.. هه نبعة منين أبدي إني حياتي فيطيه

- كول يا اللّٰه جاسر لتتبطر غيرك يتمنى النعمى العايش بيها

باوعلي ورجع دار عينه عني

- مَحـد يتمنى إذا يعيش يوم مـَـِن العايشه إني

- احمد اللّٰه صحه عندك وبيت وراتب

- بـَس خاسر نفسي

- خاسرها هذا حجي إنتَ تحجي إني يتيمه لا أم لا أب لا اخوان كلها ميته صفالي بـَس آصف وعمتي إلي تخبلت هيه الوحيده الجانت تسمعلي وكله واكول الحمد للّٰه اللّٰه موجود ويفرجها ماطول تتنفس مخاسر نفسك تخسرها بحاله وحده إذا متت ساعتها خسرتها للأبد

- نبعة متفهميني كاعد

-لا أفهمك تعالج إذا جاي تعاني

- ماكو علاج وسواسي القهري مـَـِن الدرجه الحاده يَعني إني مينعاش وياي بَعد

- ماكو علاج شلون وين اكو شي ماله علاج؟

- ماكو علاج واللّٰه

- زين سؤال فضولي

رفع عينه يبحلج بيه حجيت

- هَاي إذا تتزوج شلون؟

- ماتزوج

- تضل هيجِ

- نبعة ماكدر إذا أتزوج اتورط وورطها

- واللّٰه سالفتك مابيها خير تره ناس مو جلاب حشه الجلب

- هههههه حشه الجلب مـَـِن يمنه؟ لا هايهيه ربحنه إني احجي ويامن ويه نبعة الماتجمع

تيقنت الحجيته ندبت گصتي بفشله أحاول اتدارك الموضوع

- قصدي الجلب خطيه كلشي يصير ذبيناه بيه هم عنده مشاعر واحساس

- وعنده نبعة شالعه گلببه

- شتقصد فلييح لاتتصيحلي نبعة إسمي ياقوتة

- چؤؤ نبعة احله

- فلييح

- نبعت فليح ههههه

گلبت عيوني ورجعت أباوعله تذكرت سالفه أطياف ردت احجيله واكو تردد بداخلي حجيت بتسائل

- سؤال

- فوتي بصلب الموضوع نبعة بدون هلرسميات هايَ

- هم اكو عصابه ارهاب بلعراق؟

- أي نبعة بكد سمارج

- لاتتگنه

- ممم

- يَعني اكو؟

- اكو ليش تسئلين؟

- إنتَ ماينحجيلك شي

رفع حواجبه مندهش

- منـو إني؟

- چاا منو خالتي؟ عندي وياك سوابق

- إذا تلمحين ؏ سالفه عرس بندقه فَـہ إني مالي شغل لا حاجي ولا أحجيّ ليش؟ هذا طبعي

- هذا حجي استاذ جاسر

- محاجي

- تمشي وتشرشر بلحجي

- محاجي

- عبالي خوينس

- محاجي

- ديله لاتلح عوفنه مـَـِن هلمواضيع إني عايفه عمتي بلبيت وحدها بالي يمها يمكن هَسه گعددت

نداريت صاح أوكفي شفته يلبس بلكفوف گام بحيله طبك الباب باوعت بوجهه

- ها خير؟ طبگن

- أحجي الردتي تحجي مـٰؤ علنص وتفلتين غردي

دفعته : هايَ شبيك جاسر دوخر شويه

گز ؏ سنونه مركز عيونه ؏ مكان الدفعه ذب نفس

- أيدج وخريها وغرددي شِنـوٰ سالفه سؤالج هذا؟

- ماكو شي واحد ميريد يحجيلك شي گووه؟ لو حضرتك تفرض روحك غصب

تقرب صار گدامي وجهه بوجهي يحجي وانفاسه تلفحني دافيه

- الحجيتي تكملي غصب؟ شتعتبري أعتبري !

- تدري عرفت نقطت ضعفك؟

- وهي؟

- تحب تجرب؟

- أدفرررج

حطيت أيدي ؏ وجهه نكز بعيد للحمام يغسل بوجهه وإني اضحك باوعلي

- تضحكين مـٰؤ

- تدري هايَ أيدي تنضف تواليتات؟

- ماتوقع

- واللّٰه شبيك روح اشلع خدك

بقه يغسل شافني واكفه لامه شفتي لداخل فمي كاتمه ضحكتي هز راسه يضحك

- لتعيديها بَعد

- أفكر

- كاجول

- أنطم

- ههههه ككجووجي

الطريقه الحجاها بيها جبرتني اضحك نداريت أريد اطلع تقرب عت جنطتي صحت بيه

- جيبها ياااا جاسر الجنطططه مالي خلك جييب

اتنقل وراه وهوه فاتحها بحركه سريعه رجعها وغمز جريتها بسرعه وطلعت رجعت للبيت آصف جان گاعد والحجه شروق دزت غدانه بيد عباس گعدنة نتغدى للعصر فتحت الباب جان عباس وبارود وجاسر ؏ صفحه گاعد يدخن نرگيله صحت عباس رفع عينه جاسر منزل التلفون گام بسرعه أجاني

- عباس بلى أمر عليك ودي هَاي المواعين للحجه شروق ماگدر اروحلها عمتي گاعده

- ولو غير تدلليين

حجاها يضحك يجر بكلمه تدلليين أخذهن وراح وإني واكفه بعدني أباوع عليه شلون يمشي

شفته رجع وأجه يمي يسولف بلباب بقيت اضحك جرينه سالفه

عباس: گلت ياصايبه ياخايبه وبلسجينه ردت اشيله جان يصير صووتت

- صخام نزرفت الثلاجه

- دشوفي شلون طميتها حته اطمطم السالفه رحت للحمام صلبوخ صابونه حكيته عليه نطمم

- تنعرف تاليتك تنعرف هوه راسك وراس أمك بلبيت قابل منـو سواها

- إنتِ احجيلي إذا تمووع الثلاجه شلوون

- اقره على روحك السلام ههههههه

شفت جاسر يتمشى يروح منا يجي منا اخرها أجه علينه بارود جان مستغل الوضع أخذ النركيله

جاسر: هه نايس دخلي نبعة

تكتف عباس يبحلج بيه مـَـِن جوه حاجبه

- شعليك بيها؟

- موشغلك .. نبعة دخلي

- شِنـوٰ مـٰؤ شغلي إنتَ الموشغلك

بوز حلكه يهز براسه بأيده البيها الكف ضرب ؏ متنه بطريقه عبالك تهديد

- سمعتها تعنيلي حبيب

غمزله ورجع حط عينه بعيني

- متطبين ست

ردت اتناگر وياه جر الباب طبگه

❀❀

جاسر:

نداريت شفت بارود حرمها للنرگيله حطها بحلكه انتچيت بضهري ؏ الحايط ورثتلي جكاره شفته يتقدم صار گبالي

عباس: باوع جاسر مـَـِن ذاك ليوم إني ردت أحجيّ وياك ومصارت فرصه

- همم وهَسه صارت

- ستار دود واخذ بندقة وهَسه صفيت أريد اشوف حياتي فَـہ ياريت إنتَ هم ماتدود

- مَحـد مدود غيرك

- عجل إني مطول مدود خليني بدودتي وطلع منها

- هه ابو دوده

- لاتستفزني

- شسوي

- اتجاوز حدودي

- خفت صراحه

گام بارود يدفع بعباس وينتر بيده تجاه وجهه

- سالميين ها هاا

صحت بيه وإني اخذ نفس عميق مـَـِن الجكاره

جاسر: عوفه اشوف شيسوي

- كافي اخوان احنه ماتسووه

عباس: ماتوكف بعيني لا باللّٰه

جاسر: خفت شهلعنف الشايله

- جاسر احترم نفسك احسلك

- الخاطر دودتك؟ مباح الاحترام

بعصبيه عباس دفع بارود يريد يهد عليه اختل توازن بارود وكع ؏ النركيله عاط شفت الفحمات نايمات بضهره

⁘✹⁘

يتبببع...

والى هنا نقفل البارت فلذات قلبي

أكتبولي توقعاتكم + رأيكم بلسرد .

-الكاتبة وَرْد حيدر-

حسابي الانستا تابعو محضرتلكم مفاجأه 🔥