صدت بنظراتها ونطقت ببرود:مطلق لاتعكر مزاجي !
نطق بهدوء:طيب ناظريني؟؟ اهون عليتس؟؟
الجادل بسخريه :تهون وكثير!!
مطلق:من قلبتس؟؟
ابتسمت بهدوء:اي من قلبي!
مطلق:طيب دامتس صادزه ناظريني!!
هزت راسها بالنفي ونطقت:ابعد !!
مطلق:واذا ما ابتعدت ؟؟
نطقت بملل:مطلق ابعد !!
نطق بذوبان:جعل مطلق واسمه فداتس !
الجادل :لا شكرا ما ابي شي !!
مطلق:بروح؟؟
الجادل:بتوفيق!!
تنهد ونطق:مافي مجال ؟؟
هزت راسها بالنفي ونطقت:بالتوفيق بالرحله ترجعون سالمين غانمين دخلت بكل هدوء وقفلت الباب وراها اما مطلق تنهد ومشى متجه لتركي الي يدخن ونطق:للحين ماتركت ذا السم؟؟
تركي:اربعه وعشرين ساعه معي ومسوي مصدوم اني ادخن؟!!
مطلق:لا يا ثور بس ياخوي اخاف عليك!!
تركي ؛وغد بيجيني جفاف عاطفي !!
ضحك بعلو صوته ونطق:نمشي الليله؟؟
تركي فتح عيونه بصدمه:الليله!!
مطلق:والله ما عندي مانع وابو سلمان اليوم واصل
تركي:منجدك ؟؟
مطلق:اي وشو له نقعد للعيد!!!
تركي:مطلق تستهبل؟؟
مطلق بجديه :لا كنت استشيرك بس الحين جهز اغراضك وتودع من الي ودك وماشين وشوله تطولها وهي قصيره!!
مشى مطلق يبلغ الكل تحت صدمة تركي الي ماكان مستغرب ابد لكن استعجال مطلق صدمه
——
عند مطلق الي دخل ورمى كلامه انهم ماشين اليوم بدون اي مقدمات وصار الاعتراض سيد الموقف لكن ما اعطاهم اي مجال وخرج يجهز اغراضه بحكم ان صقر ماشي من الظهر وباقي دقايق لاجل يوصل لكن انتفض عقاب ونطق بحده:شلون بيمشون؟؟؟
خلف الي نطق:بسياره
خرج عقاب من المجلس والغضب كان مسيطر عليه وبشكل كبير نطق خلف :ياخي شفيه معصب!!
تركي بحده:انقلع جهز اغراضك وودع اهلك
خلف:اها تسذا الموضوع وراثه
ضحك ماجد بعلو صوته :قم قم تجهز لا يفصلون عليك
تنهد علي من وضعه كيف انه ما يقدر يمشي ولا يعاون نفسه ويكره شعور الشفقه بشكل كبير
عند مطلق الي طلع شقته ولم كل اغراضه ونزل متوجه لخواته وامه والجادل لاجل يودعهم ويطلع
——
عند تركي الي دخل الغرفه بسرعه وسحب شنطته يرمي فيها كل شي تحت انظار الجود الي نطقت:تركي شفيك؟؟
التفت يناظرها ونطق كعادته بتسرع:ماشي القصيم!!
فتحت عيونها بصدمه وفزت تقترب منه بدون ادراك:شلونن؟؟
بلع ريقه من ريحة عطرها الي داهمته ونطق:تقدمت السفره
ناظرته بحزن:يعني اول عيد لنا ما بنكون مع بعض؟؟
شهقت من قبل ثغرها ونطق:اعقلي اعقلي لا اتاخر عليهم!!
ميلت شفتها ونطقت :طيب عادي تاخر!!
رص على اسنانه :جودي اعقلي!!
اتسع ثغرها من نطق "جودي" ونطقت:اول مره تناديني تسذا
شتت نظره بسرعه لان يمكن لو ناظرها زود يذوب من دلعها وجمالها ونطق:بوديتس لاهلتس تجهزي!!
هزت راسها بالنفي عقد حاجبه باستغراب وسرعان ما تذكر حامد ونطق:بتروحين ما بخليني هنا بحالتس!
نطقت بتوتر :ماني مستعده اقابلهم بعد موضوع حامد
نطق بهدوء :يلا انتظرتس برا جهزي نفستس بنزل اسلم على اهلي
——
في بيت عبدالرحمن كان الصمت سيد الموقف وام مطلق تناظر عيالها بتمعن خايفه عليهم كثير وكثير لكن قاطع صمتهم ابو مطلق:بالتوفيق وانتبهو لعمركم وساندو بعضكم هالشهور مو بسيطه ابد !!
ابتسم مطلق بخفه وتقدم يقبل راس ابوه:ابشر يبو مطلق
ابتسم ابو مطلق بخفه :تبشر بالجنه وسرعان ما انسحب يروح لاخوانه لانه يكره لحظات الوداع وبشده اما مطلق التفت على امه الي صاده بزعل:افا ام مطلق مين مزعلها
تجاهلته وتقدمت تحضن تركي ونطقت:يا امي انتبه لعمرك ول اخوك !
ابتسم تركي بخفه وانحنى يقبل يدينها:لا توصين حريص !!
ابتسمت بهدوء والتفت لعلي وانحنت تتامل ملامحه ونطقت:يا امي باذن الله تقوم بسلامه لا تتكدر وتتضايق وتزعل عمرك !!
انحنى علي يقبل راسها ويقبل يدينها:جعلني ما افقد هالحس يا يمه
صدت تمنع دموعها ونطقت:انتبه لعمرك ولاخوك
تنهد مطلق من زعل امه ونطق:كل الحلوين زعلانين علي
ضحكت شموخ:الا انااا
مطلق سحبها لحضنه وسحب معها فرح:والله اني بشتاق احاشركم
شموخ:الحين صدز لا تلوح للمسافر
مطلق:المسافر راح لكن شكلوه ما بيروح الا والحلوه راضيه عليه!!!
ضحكت فرح بعلو صوتها:اسف لك يا حبيبي
مطلق حب راس فرح:انتِ يا فرحتي بشتاق لتس!!
صدت تمنع دموعها ابتعد مطلق يترك تركي يودعهم بطريقته ونطق:يلا بوصل حزمي لبيت اهلها ومشينا وضني ان صقري قده برا
هز مطلق راسه بابه ونطق:يلا في حفظ الرحمن وسلمو لي على شيوخ ما امداني اشوفها ووصلي هالورقه للجادل تقدم يحضن امه وقبل راسها بحركه سريعه حتى لو زعلانه عليه مابيقدر يسافر وهو ما حضنها وحب راسها كعادته ودعهم وطلع هو وعلي للعيال لجل يودعونهم نطق مطلق :ارحب يبو سلمان تو مانورت حايل
ابتسم صقر بخفه:البقى،منوره باهلها !!
مطلق:جاهز!!
صقر:جاهز لكن ياخوك ظهري متكسر !!
مطلق:عوافي انا بمسك الطاره
خلف:لا خلني انا اسوق !!
نطق مطلق بسخريه:اذا قدني افكر انهي حياتي بخليك تسوق
تنهد خلف وتقدم مطلق يودع العيال واحد واحد وضحك من وصل لعمه سليمان :خذني معكم لا تودعني
مطلق:والله تم ومنها تشوف بيتي
ضحك ابو هادي بعلو صوته:لا يسمعك جدك
مطلق:اني داري الشكوى لله لكن يلا بحفظ الرحمن ودعتكم ربي!!
——
في الجهه الثانيه عند الجود وتركي الي نطق:انتبهي لعمرتس !
ابتسمت بهدوء:تمام انتبه لنفسك !!
ابتسم وكان بيخرج لكن الجمته من حضنته ونطقت:بشتاق لك!
ارتخت ملامحه ونطق:اكثر يا بعد راسي
ابتعدت عنه وسرعان ما طلع لان يعرف لو طول زياده مستحيل يطلع وابتسم من شاف ام مطلق لابسه عباتها وتوجهت لمطلق :اخ يا فرحتي الاولى ما هنت علي
التفت مطلق بابتسامه وسحبها لحضنه :جعلني ما افقد هالحضن يا بعد كل الخلايق !!
ابتسم تشد على مطلق:انتبه لعمرك وانتبه لهم معك يا عين امك
شد عليها والود وده ما تتركه لان حضنها خلاه يحس بسعاده لو وزعها على العالم كفتهم وزود وادرك فعلاً ان الأم هب لُطف الله بالانسان ابتعد يقبل يدينها:مع السلامه انتبهي لعمرتس ولا تحزنين شهور وانا عندتس باذن الله!!
ابتسمت ابتعد عنه ونطقت:في حفظ الرحمن ياروح ابوك
عند صقر الي صد يمنع دموعه من تذكر امه وتقدم نحوه تركي:شبلاك؟؟
حك عيونه ونطق :الحساسيه لاعبه فيني ياخوك!
تركي:خلاص وحنا طالعين نمر المستشفى
ابتسم صقر بورطه:مافيني شي ياخوك !!
ضحك مطلق:مشينا !!
علي تنهد بملل:مشينا ما بغيتو توها تطلع مشاعركم!!
خلف:تشوف لا اهل ولا حبيبه!
تركي:انت شف قلة الادب وتفكيرك الدايخ بعدين فكر تعرس
ضحك صقر بسخريه:شدعوه يهبل!!
مطلق ركب ونطق:دعاء السفر وخلو السوالف!!
خلف بلع ريقه برعب :لا يموت ماتعرف تسوق
مطلق:انطم لا توترني!!
سكت خلف وفعلاً سكتو خمستهم وكانو مكملين طريقه على هالصمت لكن قاطع صمتهم الحان ابو نوره باعذب الكلمات وسرعان ما اتحدت اصواتهم يرددون
"اشوفك كل يوم واروح" وكانت الاصوات كل مالها تتعالى وكان فعلاً صوت فنان العرب قادر يجرم بالمشاعر الانسان
___
في الدكه عند العيال نطق ماجد :محمد
محمد:نعم ؟؟
سحب ماجد المويه يرميها ونطق:ونعامه ترفسك!! المهم ياطويل العمر الدنيا ضاقت بعد ماراحو
خالد الي كان بعالم موازي وقاطع هواجيسه صوت واحد المزعج:ياخي خل الواحد يتخيل على كيفه!!
محمد نزل راسه بتعب ونطق:والله صدز مسوين جو!!
تنهد ماجد ونطق:ذبلت انوار الشورارع وانطفى ضي الحروف!!
خالد:يا حبكم لتكبير المواضيع!!!
من ضرب عقاب بعصاته:شعندكم متسدحين لا ليل ولا نهار!!!
فزو العيال ونطلق ماجد:الحين بيطلع حرته فيني
صد محمد ووجه انظاره لبيت عبدالرحمن ونطق بهمس:الحلم شي والواقع شي
فتح ماجد عيونه بصدمه من مشى جده بدون هواش:لايكون تعبان؟؟
خالد:والله حتى انا مستغرب
ضحك محمد:حبيب الروح راح
خالد:الله يستر عليهم بس امشو ننخمد ابرك
في بيت عبدالله عند الجادل الي جالسه وامامها الشاهي وبين يدينها الكتاب لكن انتظرها على رسالة مطلق الي مافتحتها تنهدت بهدوء ونطقت :الله يحفظهم وييسر لهم طريقهم وشو له الزعل فزت برعب من فتحت وطن الباب ونطقت :تدرين الشاعر شيقول؟؟؟
رمت الكتاب عليها:الله يخرش عدوتس شبلاتس؟؟؟
تربعت وطن:معلينا اي شي مني مقبول المهم الشاعر شيقول
ابتسمت الجادل بخفه:انطمي انتِ وشاعرتس!
فزت برعب من فتحت وطن الباب ونطقت :تدرين الشاعر شيقول؟؟؟
رمت الكتاب عليها:الله يخرش عدوتس شبلاتس؟؟؟
تربعت وطن:معلينا اي شي مني مقبول المهم الشاعر شيقول
ابتسمت الجادل بخفه:انطمي انتِ وشاعرتس!
وطن:لا والله ما ننطم ولو سمحتي الا شاعري حبيبي ما ارضى !!
ضحكت الجادل بعلو صوتها:يلمريضه انطقي!!
ضحكت بانتصار:شفتي ضحكتس الله يرزقني على كثر ما ارسم البسمه على وجه الناس !!
الجادل:اي بسم الله عليتس ام قلب ابيض ما كنتس قبل كم يومين كابه مويه على راس الادمي
فتحت وطن عيونها بصدمه:ريحته خايسه عشان يصير نظيف!!
الجادل:اي وش يقول شاعرتس الراقد ودي ترقدين معه
وطن:تعرفي تكلمي الله يهديتس المهم يقول شاعري الحلو خلك بعيد حبك يزيد
الجادل:بالله شاعرتس ذا سارق!!
وطن:حدتس ترا اجتهاد شخصي!!
الجادل:اي اي معليتس مصدقتس قفزت وطن من دخلو محمد وخالد:سلام عليكمم!!
وطن:الله يخرشك ياشيخ
تنهدت الجادل:تعودت عائله احب المداهمات !!
ضحكت وطن:والله يونس شرايكم اصير استخباريه؟؟
خالد:وتلبسين عمامه وتجلسين معنا
وطن:فكره حلوه تصدق ما قد فكرت فيها!!
الجادل:يازين خلف مسوي جو بدال سوالفكم النايمه
خالد:شذا الظرف نبي نقرا يبوي!!
الجادل:اسرار زوجيه
محمد:الله والاسرار الخايسه
دخلت وطن ومعها براد شاهي وفصفص نطق خالد:متى امداتس تروحين
وطن:سر المهنه بعدين عندي سوال ليش اسمي وطن!!
خالد:كنت بذب بس اسمي خالد ياكرهي
محمد:الحمدالله اسمي جميل جداً
ضحكت الجادل بعلو صوتها:عرفت ليش ابوي مسمي خلف بذا الاسم
خالد:لان فعلاً الله يخلف على ابوي !
ضحكت وطن:العب طلعت ذكي ما عرفتك
خالد:احترمي نفستس انا اذكى شخص بالعالم!!
محمد:يالليل الحين بيصير ما يشوف احد وهو غبي
وطن:احسبه يفهم بالتسليك!!
الجادل؛لا يصدق بسرعه هطف الشكوى لربي
خالد:حدتس لو سمحتي!!
وطن:تدرون وش يقول الشاعر ؟؟
نطفو كلهم بنفس اللحظه :انطمي انتِ وشاعرتس
وطن:يا شينكم !!!
ضحك محمد:ودكم بنومة الحوش ؟؟؟
فزت الجادل بحماس :اكيدد وتسال؟!
محمد:يلا اجل تم!!
الجادل:تحدي اتحداك تشيلني على ظهرك!!
محمد:عشان تصيرين قرده !!!
خالد:مابيقدر يشليتس عشان تسذا يصرف!!
ضحكت الجادل بعلو صوتها:ماش ماش ابني عضل
محمد:لا بتزوج وحده نتفه
صرخت الجادل بقرف:يع يع شذا الخيال الخايس بمحمد
وطن بسخريه:قالك انا نتفه سعيله؟؟
ضحك خالد:والله خيال محمد سوى لنا فعاليات
محمد:انقلعو وقومي ساعدوني نشيل الفرش
وطن:عندي اقتراح جداً جميله نجيب فرشه وفوقها مخده وبطانيه
خالد:اشتقت لخلف الشكوى لله
محمد:الا بيتنا صار هدوء
ضربته الجادل:ياكرهي ترا اخونا
محمد:يدتس ثقيله يا ناقه محد يمزح معتس
وقفت وطن ومشت مع محمد يجهزون الجلسه بالحوش وماهي دقايق الا تجمعو كلهم تجمعو بالحوش واخذتهم السوالف
——
لعد ثلاث ساعات واخيراً وقفت سيارة مطلق امام بيت جميل ومحاوطه الورد من كل مكان ومن كل جهه بلع خلف ريقه بصدمه:شذا البيت الفخم
مطلق اتسع ثغره من انفتحت البوابه واشتغلت كل انوار البيت تحت صدمة الكل من الي مسوي كل ذا وقف السياره ونزل مطلق وتوجه يسلم على الحارس ونطق:مين في البيت؟؟
الحارس:محد بس الاستاذه عذبه مرت اليوم تبي تلتقي فيك
عقد حاجبه باستغراب والتفت يناظر العيال الي يناظرون بصدمه نطق بهدوء:شبلاكم ترا بيت!!
ضحك صقر:ترا قصر وانا اخوك
مطلق:خل التسذوب وادخلو ومفاتيح غرفكم تلقونها والتفت يناظر الحارس الي نطق:تلقونها اول ما تدخلون!!
نطق علي باستغراب:وش سر الورد الي مالي المكان
مطلق:صاحبة البيت الي قبلي مهووسه بالورد
وخلف:والاثاث مستحيل انت
ابتسم مطلق:الا انا وصقير لا يغرك ترانا ذوق
نطق خلف بانبهار اول ما انفتح الباب الرئيسي:لا حول ولا قوة الا بالله ماشاءالله تبارك الرحمن!!!
نطق مطلق:سنتين ما جيته والله على حطت يدي!!
تركي:قد شفته قبل لكن الحين مع الاثاث ماشاءالله بيت مبارك يبو داحم
ابتسم مطلق بخفه:تسلم من بعد خطاك
جلسو العيال كلهم على كنب ما عاد علي الي كان على كرسي متحرك نطق مطلق بهدوء:يبي لنا اسبوع نرتاح ونستقر وبعدها علي يبدا بالعلاج الطبيعي وانا بكون معك خطوه بخطوه وبعدها بنبدا ب اشغالنا وطبعا بمساعدتكم لو نتعاون ماراح نقعد ست شهور كامله
ضحك خلف:والله انا مستعد اقعد طول حياتي بذا البيت
مطلق ابتسم :تقدرون تروحون غرفكم تفضلو
علي ضحك بعلو صوته:حسيت نفسي عايش مع اغنياء
ابتسم مطلق:طيب بكون طبيعي انقلعو!!
فتح تركي عيونه بصدمه:كيف بناكل
مطلق:اوف ماذقت طبخ زوجة الحارس
صقر:قسماً بالله يدوخ وانا حالياً دايخ ف اروح ارقد ابرك
مطلق تنهد وقف :تركي الحقني
طلعو الكل باستثناء تركي الي طلع مع مطلق ونطق:ياخوك شبلاك مب طبيعي
مطلق:عذبه تبي تقابلني؟؟
تركي عقد حاجبه :ليش؟
مطلق:علمي علمك لكن الله يسترنا بستره!!
تركي:وشصار على سلطان؟؟
مطلق:بعد اسبوع هو ابو عادل وسالم كلمت كل واحد منهم يجي ونحل الانوار اذا انحلت قعدت انا مع علي وانتو ترجعون لين يمشي
تركي:ليش تضغط على نفسك
صرخ مطلق بقهر:ياخي توجع ياخي باقي صغير ما بيقدر يمشي بسببي انا !!! انا ليش جاي هنا اتفقت مع دكاتره ابيه يمشي قلبي يوجعني عليكم اكره اشوف واحد فيكم منكسر واحد مجروح !! بضغط على نفسي لين اشوفه واقف قدامي لين اشوف بهجة عايلتنا زي قبل انت تضن اني ما اسمع صوته كل ليله يصلي ويدعي بحرقة قلب!! ماتشوف تغيره ذا كله بسببي انا كان ممكن يفقد حياته واذا فقد حياته انا مين بدونكم!!!!
تقدم تركي يحضن مطلق الي شد عليه ونزلت دمعته من القهر والحزن الي شايله بقلبه وفي النهايه الناس يعاتبونه ومايعرفون وش بداخله شد على تركي الي نطق:والله اني شايف لكن ذا قضاء ربي وقدره لازم نصبر على اقدار ربي
تنهد مطلق وجلس يسند راسه على الجدار:ونعم بالله
نطق تركي :والله عارف انك تعبان بس لا تضغط على عمرك!!
مطلق التفت له ونطق :بضغط على عمري وبتعب ويشقى لاجل يرجع علي الي نعرفه الي يضحك بدون هم
——
عند علي الي توضى وحرك كرسيه جهة القبله وصلى الوتر ورفع يدينه لرب المعجزات يدعي كعادته يدعي ترجع له صحته وعافيته يدعي بحرقة قلب ومع كل دعوه تنهمر دمعه يعرف وعنده يقين ان الله بيستجيب له عاجلاً ليس أجل نطق بنبره مهزوزه:يارب إنها ايام ثقال فهونها بلطفك توجه لسريره وهو عنده يقين إن الله ليعطي للصابرين عطاء يُنسيهم مرارة صبرهم
عصر اليوم الثاني تحديداً حايل متجمعين بالحوش وصايمين يوم الترويه ويذكرون ربهم وبنتظار الاذان لكن قاطعهم صوت عقاب الي نطق:مطلق بيقعد ست شهور كامله؟؟
نطق عبدالعزيز باستغراب :غريبه ما قال لك؟؟
محمد:الي اعرفه اول ما ينتهي شغله راجع باذن الله
خالد:وانا سمعت نفس الكلام
وقف عقاب ونطق:مافيكم خير
فتح ماجد عيونه بصدمه ونطق بعد ما مشى عقاب:شبلاه ذا!!
خالد:اعذروه صايم
محمد:ذا جدي من يوم ماخلقه ربي تبيه يتعدل عشانك
ماجد؛تراني عشت معه اعرفه زين كان خروف لجدتي
تنهد هادي:استغفرالله اذكرو ربكم واعملو ل الاخره واتركو السوالف
تنهد ماجد :بالله عليك ؟ وعيونك شوي وتطلع من مكانها اسمع السوالف
ضحك هادي:شفيك شخصيتها
محمد:ماش ماش صاير عصبي
تنهد خالد:اذكرو ربكم مابقى شي وياذن وانتو تسولفون
——
في القصيم وتحديداً حديقة القصر ضحك خلف بدون اي مقدمات ونطق:شف شف كنا نقول حوش والحين حديقه
مطلق:تقدر تتكلم بدون ما تخرشنا!!
تنهد خلف:يعني صح اقدر بس احب اخرج عن المالوف اي وشسالفة عذبه منهي ذي ؟؟؟
مطلق:اليوم بقابلها بعد المغرب!!
تركي مز رجوله ونطق:هي بتجي؟؟؟!
مطلق:اي هي بتجي ولا تنسى فضلها علينا كثير
خلف:حلوه؟؟؟
ناظره مطلق بصدمه:نعم؟؟؟؟
خلف:طيب اني صادز يمكن القى نصيبي
ضحك تركي بسخريه:نصيبك اجل يصير خير!!
ضحك مطلق من ضحكة تركي:خله خله اذا شاف الشيخه عذبه نشوف وش يقول
علي؛العب وشيخه اذا حلوه وغنيه انا ابيها
خلف:انطم من سبق لبق!!
تنهد صقر:الحمدالله والشكر ثنائي النوم ملحوسين
مطلق:تشوف يصرعون الواحد !
صقر:ست شهور واجد كيف بتحملهم؟؟
مطلق:حال الدنيا وانا اخوك تحمل تحمل عشاني
صقر:عشانك بس بتحمل!!
بعد المغرب فطرو وكانو متجمعين بالحديقه ماعاد مطلق الي كان واقف امام مدخل القصر وسرعان ما ارتسمت الابتسامه على ثغره من دخلت سياره فاخره عدل شماغه بحركه سريعه ورفع يده ياشر ل السائق لا ينزل وتقدم يفتح لها الباب :اهلاً اهلاً بطويلة العمر
عدلت طرحتها ونطقت؛اهلاً بحفيد عقاب
ابتسم مطلق:كعادتس انيقه
نزلت بثقه والذهب مزين يدها كعادتها وانيقه رغم كبر سنها ونطق:سبحان من خلق وفرق وخلاك حفيد عديم الذوق عقاب
كتم ضحكته ونطق:هذا من ذوقتس يا شيخه عذبه
رفعت انظارها لها ونطقت:والله انت الذوق يا وليدي
ابتسم ونطق:تفضلي
تقدمت وصوت كعبها سابقها وتمشي بثقه كعادتها تنهد مطلق ولحقها وسرعان مافزو العيال ونطق خلف:شذا العجوز الفخمه
تركي:معلومه ان جدي كان طايح عندها
ناظره علي بصدمه:اسالك بالله؟؟؟
تركي:والله وخطبها اكثر من مره ورفضه ابوها لانه كان حافي منتف ولا ليش جدي يكره ابوه مع انه ميت من سنين
خلف:وايش جدي ما رجع تزوجها؟؟
تركي:كانو يحبون بعض وهو بعد ما انرفض تزوج جدتي وحقدت عليه لو تجلس معها الحين بتسب فيه بس تموت بمطلق ولا ترضى عليه ابد
علي:ذا كل العالم يحبونه اخذ المحبه علينا
تركي:تقلطون نسلم عليها؟؟؟
صقر:والله رهيبه تعجبني اصلاً يوم مطلق اشترى منها الاراضي رفضت يدفع الا بالغصب
خلف:العب بروح اسب جدي عندها
صقر:خاين مايوفر
عند مطلق وعذبه الي كانت حاطه رجل على رجل وشنطتها بحضنها وتتقوى ولا نطقت بحرف لكن كسر الصمت مطلق الي نطق :قالو بغيتيني؟؟
رفعت حاجبها ونطقت:يالقاطع سنتين ما تسال عني ولا تقول وينها شيخة الشيخات عذبه بنت هذال واعرست ولا عزمتني شكلك كنت تستغلني؟؟؟
مطلق:لا والله محشومه يا شيخه عذبه!! لكن انشغلت؟؟
ميلت شفتها ونطقت:اخذت بنت عمك الجادل صحيح؟
مطلق:اي بالله صحيح
ابتسمت :وعبدالعزيز اخذ حب حياته بعد سنين والخبل المصفوق اخذ الجود بنت جيرانكم
مطلق:ماشاءالله كل العلوم عندتس
ضحكت بعلو صوتها:الشيخه عذبه مايفوتها شي!!
قطع حديثهم دخول تركي ومن وراه العيال:السلام عليكم
ضحكت عذبه:المصفوق هنا!!
ابتسم تركي وهو فعلاً من سنين ما قابلها لدرجه انه نسى منهي:شلونتس؟؟
عذبه :بخير وانت يالمصفوق؟؟
تركي:بخير وابشرتس اعرست
عذبه:الله يكون بعونها لكن انقطع كل كلامها من شافت علي الي على عربيته ووقفت تناظره:علي؟؟
ناظرها بهدوء وعقد حاجبه من لمعت عيونها:اي علي
تقدمت ونطقت:ما عرفتني يا امي؟؟
سكت يفكر وسرعان ما تذكرها صديقة امه :عذبه صديقة امي
ضحكت ونطقت:بحد ذاتها وسرعان ما صرخت بحده كله بسبب جدكم الخايس صار بالولد كذا
همس تركي لخلف:قلت لك بتشخصنها مع جدي
خلف ضحك:حبيت
عذبه:وبعدين انت ياقليل الحياء ليش ماتزورني ؟؟
مطلق:والله ياخاله اشغال الدنيا
ناظرته بصدمه:خاله!! شيخة الشيخات في النهايه خاله!!!
كتم مطلق ضحكته ونطق:المعذره
تنهدت ووعدنا طرحتها :مشكلتك لسانك معسول !!
نطق صقر بهمس لتركي:ما ترضى عليه ابد
خلف صفق بصدمه:يعني ماشاءالله تبارك الرحمن بذا العمر وللحين بذي الاناقه
نطقت بحده::ياولد شذا الكلام
ابتسم مطلق:قصده انيقه يا شيخه عذبه من زمان وانتِ انيقه ومستحيل تتغيرين
ابتسمت بخفه :شلون عقاب جدك الله يعلم
ابتسم مطلق وهو فعلاً يعزها ويقدرها ومايسوى فضلها عليه ونطق:في موضوع وراء هالجيه؟
عذبه نطقت بجديه:نقدر نقول !
مطلق:وش هو؟؟
عذبه:سلطان انت منسق معه بعد اسبوع يجي صح؟؟؟
مطلق عقد حاجبه ونطق:شعرفتس؟؟
عذبه:مابوه شي يخفى على الشيخه المهم يالبدوي الرهيب ان حجزت لسلطان وبتكلف بمالغ سفره
ناظرها مطلق ونطق بشبه حده:لا الموضوع يخصني!!
عذبه نطقت بنفس الحده؛خل الموضوع علي وعلاج علي علي ولو تنطق بكلمه بزعل منك وانت ادرى بزعلي
مطلق:بس!
عذبه:لا بس ولا غيره بينا هالمواضيع ياوليدي؟؟؟؟ وبعدين انا برجع معكم حايل ابي اتفاهم مع الشايب العايب
ضحك خلف ونطق:رهيبه ياجده
عذبه بحده :جده بعينك يا قليل الادب انا عذبه شيخة الشيخات !!
ابتسم مطلق:على عيني وراسي يا شيخة الشيخات
ابتسمت عذبه :كلكم احفاد عقاب الا هالحلو وشموخ ربي طلعو خلوقين!!
ارتعد قلب صقر من طاري شموخ والود وده تنتهي السن شهور عشان يخطب ويرتاح باله لكن قاطع تفكيره صوت عذبه:اوه صقر ما شفتك يا وليدي شلونك
ابتسم صقر:بخير يا شيخة الشيخات وانتِ شلونتس عساتس بخير ؟؟
ابتسمت :بافضل حال ياولد نجد عاد لازم نمر نجد العذيه!
صقر:ابداً الدار دارتس!
وقفت تعدل طرحتها ورفعت شنتطها:اجل في امان الله لنا لقاء باقرب فرصه ولاتنسى يالبدوي من خرج من داره قل مقداره
ابتسم مطلق وهو فاهم مقصدها وعارف انه مايخفى عليها شي ابد ويمكن بذي الزياره شالت هم كبيره عن قلبه
طلعت وسرعان ما رمى مطلق شماغه وارتمى على الكنبه:ياويلي يخرب بيتها ياشيخ تسبب لي توتر!!
انفجر صقر يضحك:يخرب بيتها!! قلبت ام ابو اللهجه
تركي:اول مره اشوفك تسذا شبلاك
خلف :الا اقول الله يخرب بيتك انت !!
ناظره بصدمه ويحب قارورة المويه:ياللي ما تستحي استغفر
انفجر علي يضحك:قصده ياحمار انك حلو!!
مطلق:مايحتاج اعرف يبوي
خلف:شف شف المغرور
ضحك مطلق:يارجال رهيبه ذي الادميه والله انها تدخل القلب
خلف :اش شعورك لو اني اعلم اختي؟؟
مطلق ناظره بقهر ونطق:تعال احضنك
صقر بسخريه:يبوي جفاف عاطفي؟؟؟
قام مطلق يدخل خلف تحت ذراعه ونطق:اي حاجه من ريحة الحبايب
خلف:ياثقل دمك كنت خفيف دم بس مدري وش صار
تنهد مطلق ونطقو وهو تركي بنفس الثانيه :من عاشر القوم اربعين يوماً صار منهم
ضحك صقر:حبيت التخاطر ودكم نلف القصيم؟؟
مطلق :ليش تقول لا يبوي تفضل
مشو كلهم يغادرون القصر ويتجولون شوارع القصيم
——
في حايل تحديداً شقة عبدالعزيز نطقت بملل:عزيزز قم!!!
رفع حاجبه ورمى الكتاب الي بيده:لبيه؟
ميلت شفتها؛وش تسوي؟؟؟
رفع الكتاب ونطق:مدري اناظر الكتاب
ليال رفعت حاجبها:من متى تقرأ كتب؟؟
تنهد بملل:ما اقرأ بس الملل ذابحني وبعدين متى بنعرف وش الكائن الحي الي ببطنتس؟؟
سحبت الفاين ترميه عليه:لا تغلط على نوني!!
نطق بسخريه:نوني كدينا خير!!!
عدلت جلستها ونطقت بحماس:وش ودك تسمي؟؟
عبدالعزيز:افكر اسميه مطلق او وائل!!
صرخت :مطلق لااااا يكفي الكبير مسبب لي ازمه من وانا بزره يجي ذا!!!
تعالت ضحكاته:شبلاتس للحين حاقده عليه!!
ليال:والله ما انسى الحمار يعطيني مكاتيب حب اوصلها للبنات !!
ضحك عبدالعزيز:ذي طبقها علينا كلنا !!
ليال:وكان يقول مافي بقاله لو ماتقولين عم عذبني في طفولتي حتى يوم كبرت كان يقاحرني!!
عبدالعزيز:والله انه خلوق اخوي!!!
ليال:نبيه نفس الملامح بس الاخلاق يبعد!!
عبدالعزيز:خلينا نسمي عليه ان ما غرقنا هدايا!!
ليال:لا لا وائل يجنن واحبه من زمان
عبدالعزيز:والله ان كان تبين ولدتس جميل سميه على ابوه
ليال ضحكت بعلو صوتها:دام الموضوع تسذا نسمي ليال
عبدالعزيز:بيطلع وغدنا رهيب واذا حبوه خواله وعمانه بنعيش بسعاده
ليال:معلينا بس ذكرني اقول ل الجادل سالفة مطلق
عبدالعزيز:ماش خرابة بيوت الا بسالتس تعرفين عذبه؟؟
ليال بحده:منهي ذي
عبدالعزيز:يازينها من مراه بس جدي ضيعها من بين يده!
ليال قفزت بحماس:حبيبة جدي؟؟؟؟
مسكها ونطق:يابنتي تراتس حامل اهجدي!!
ليال:معلينا ولدي رجال عمره ثلاث شهور كمللل؟؟؟
عبدالعزيز:المهم ياطويلة العمر هو وش كان يبي يخطبها وخطبها تعرفين ذاك الي اذا حب يخطب ما يوفر المهم ذا جدي ابوها رفض جدي لانه حافي منتف وبيني وبينتس لو اني مكان ابوها برفض ما الومه
ليال:يالليل تكلم بسرعه!!!!
عبدالعزيز:الزبده يا حلوه انه انرفض منها تزوج جدتي وعذبوه حقدت عليه عشر سنين قدام
ليال:خير يتزوج ما حاول طيب!!
عبدالعزيز:المفروض طبق حكاية ناي لكن عالم موازي
ليال ضحكت:فقير الحال فقير المال
عبدالعزيز ضحك بعلو صوته:احبتس واموت فيتس بس لا تغنيني اخاف يحسدونتس
ضربت كتفه ونطقت:يا كريه !!!
قام وركض قبل تفصل عليه وضحك من صادف ماجد:شحالك لبيتنا!!
ماجد؛اشتقت لك
عبدالعزيز:صدق تعال بس خوفي اختك تفصل علينا
ماجد:لا لا اخوها الكبير معليك
عبدالعزيز:صبر انت عمرك ثلاثين نفس عمري والله كبرنا!!
ماجد رفع يده يضرب راس عبدالعزيز:ياخي خلف اعداك ثقل الدم ولا؟؟؟
عبدالعزيز :تفضل تفضل يا اخو زوجتي
صرخت ليال:مجود!!
غمز ماجد:مفاجاه حلوه صح!!!
حضن عبدالعزيز ماجد ونطق: والله الشوق غلبني يا حبيبي
ماجد بتمثيل ل الحزن:لا لا يا حبيبي لا تبكي
صرخت ليال بقهر من عبطهم:يا مريضين!!!
ماجد :اعذرنا على هالصوت انغشيت؟؟
عبدالعزيز ابتسم :لا تعودت!
ماجد:اجل الله يكون بعونك يا حبيبي
ليال:والله ما اسمي ولدي بسمك يا حمار انت وابوه التيس
ماجد: لسانه انفلت الله يكون بعونك!
عبدالعزيز:والله ما تروح وتخليني تجلس زي الحمار
تنهد ماجد وجلس:وين الشاهـ لكن بترت حروفه المويه الي تناثرت بوجه عبدالعزيز
في الجهه الثانيه عند الجادل جالسه بغرفتها وشعرها رافعته كله وبيدها اليمنى كوب الشاهي كعادتها واليسرى كتابها الي يحتوي على عبارات كثيره تلامس قلبها وبشده نزلت كوبها تتامل الرساله الي على حالها من يومين لكن رفعت الظرف ميلت شفتها ونطقت:ماعليه اي عباره!! لكن فتحته وطلعت الورقه غمضت عيونها لثواني تاخذ نفس لاجل تقرا بحب مع ان دقات قلبها تقول غير ذالك لكن عقدت حاجبها من شافت كم كلمه فقد لكن كانت كافيه توصل لها شعوره وتعبر عن كل الي بداخله
"اعذريني كان ما اقدر اجيك يبقى طيفي لو تخيلتي معاك"
بلعت ريقها واخذت نفس ونطقت :اخ يامطلق اخ منك !!
عرفت وايقنت انه تعب وهالمره مو بس انلوت ذراعه الا انكسرت باللي صار باخوه والي تحمله ماهو سهل لكنها للحين زعلانه منه رغم ان كلماته لامست قلبها وبشده فزت ترمي الورقه من دخلت وطن نطقت بغضب :ماتعرفين تدقين الباب؟؟
وطن ميلت شفتها:يختي اسفين بعدين وريني وش ذا؟؟
سحبت الجادل الورقه تخبيها وراء ظهرها نطقت وطن:وريني!!! اختس انت يا بنت
رمت الجادل الورقه وصرخت وطن :يوهه يهبل!!! باقي زعلانه عليه
الجادل رفعت كوب الشاهي:والله ياحبيبي محد قاله يزعلني ويروح ست شهور !!
وطن:شدعوه على اساس تتقابلون لو انكم صدز تتقابلون كاني الحين خاله
ناظرتها بصدمه:ياقليلة ادب!!
وطن:طولتو عاد وهو كيف متحمل جمالتس؟؟
فتحت عيونها بصدمه:بنت!! شبلاتس قلبتي شايب بعدين شتبين؟؟ زوجي ما سالني
ضحكت وطن:ياخي نبي نشوف الانتاج عاد تخيلتس ام!!!
ضحكت بعلو صوتها:بالله عليتس انتِ اعرسي وصيري ام اتركيني بحالي مالي شهرين متزوجه!!
وطن:ماش ماش يعني مطوله على ما اصير خاله
الجادل:اطردني ولا تروحين !!
وطن :خلاص بسكت وش فكرتي تسوين للعيد!؟
فكت شعرها ونطقت:بقص شعري تدرين متى اخر مره قصيت يمكن قبل سنه شوفي لوين وصل ل اسفل ظهري!
وطن:احس بيطلع رهيب بس حرام شعرتس حلو!!
الجادل:امي لازم تقتنع لان لو اقصه بدون علمها ثلاث ايام تاكلون مندي
وطن رفعت يدها من قامت الجادل:الله ينصرتس وتوافق
_______________________________
"أعذروني إن وجدت أخطاء إملائيه "