في القصيم:
محمد:اخذتو كل شي
الجادل ابتسمت بخفه:اي يعين اختك
محمد حاوطها بحب:جعلني فداتس
وطن:وانا بنت البطه السوداء
خالد بحده:اصواتكننن
ابو محمد:الله يستر من استقبال ابوي
الجادل بفضول:يبه عندك اخوان
ابو محمد:اي ي بنتي عندي
وطن :الله عندنا عمان وعيال عمان
ام محمد نطقت بهمس :والتبن فيتس وفيهم
خالد :الا عندهم عيال
ابو محمد؛اي ولد عبدالرحمن الكبير قابلته
محمد ب استغراب:متى
ابو محمد :هو يدير حلال اهله ف ينزل للمحلات الي هنا
محمد لف بصدمه:مطلق بن عبدالرحمن
ابو محمد:اي هو ليش
محمد:والله والنعم
الجادل:ياخي علمونا منهو ذا
ام محمد :شدخلتس انطمي ويلا انجزونا نمشي
محمد تنهد بقلة حيله من تصرفات امه :يلا يلا
ركبو السياره والهدوء مالي المكان لكن كسرت الصمت الجادل:حمودييي بغني
محمد شد ع عصابته:اسمي محمد والساحه لتس
كان صوت الجادل عذب وجميل جداً :
يا بدايات المحبة يا نهايات الوله
هالحسن سبحان ربه ظالم وما أعدله
يا بدايات المحبة يا نهايات الوله
هالحسن سبحان ربه ظالم وما أعدله
ابتسم محمد بخفه :سبحان من عطاتس الصوت
ابتسم له بحب :وسبحان من عطاك ذا الوجه السمح
ضحك محمد بخفه وتلثم بشماغه وشد ع الدركسون كانت له عيون حاده ورموش كثيفه كان جميل جداً وتميزه غمازات خده البارزه اللي كانت وراثه فيهم
في حايل تحديداً المستشفى :
تركي:يرجاللل استهدي بالله وين بتروح
مطلق احتدت ملامحه بشكل مرعب :اذا مافيك خير انثبر هنا وانا بروح
غمض تركي عيونه بغيض عارف عناد مطلق وحركاته اختار القرار اللي يريحهم:خلاص امش الشكوى لربي
سحب شماغه وتعصب كان يتالم لكن كان عنيد بشكل كبير طلعو لبرا المستشفى وقفو يناظرون في بعض
مطلق:وين السياره
تركي حك راسه :اخذوها عمي وابوي امس
مطلق:هيا امشي
تركي فتح عيونه بصدمه:نمشيييي
مطلق بحده:استرجل وامش
تركي :الواحد عندكم يتعب تخلونه مو رجال
