نطق تركي:دام الجو هدئ وراحوا المعازيم نبي نشوف بنتك قم جيبها لـ عمانها
عبدالعزيز:ابي اشوف ربي اخذ حق ولدي على ذا التنمر
ضحك مطلق وقف يمشي لـ قسم الحريم وكعادته صرخ بـ اسم فرح الي فزت:مطيلق انت ما تحفظ غير اسمي؟
هز مطلق راسه بـ اي ونطق:جيبي لي بنتي !!
ضحكت فرح:يالله بنتي! ماعرفتك
مطلق:ولو سمحتي مو انتِ الي تجيبينها
فرح ميلت شفاها بـ اسف:نعتذر منك زوجتك قاعده تخوض حوار مع امي
رفع حاجبه بـ استغراب:وش محتوى الحوار!
فرح:شدخلك سوالف حريم بجيب لك بنتك !
سند راسه على الجدار ودخلت فرح لـ الجادل:هاتي بنتس
الجادل:كم تدفعين؟
ضحكت فرح :ابوها الي يبيها مو انا !
الجادل فزت وهي ماصدقت تفتك من النقاش ومحاولات الاقناع:انا اعطيه
ضحكت وطن بعلو صوتها:حي انحاشت!!
ضحكت تشيل نجمه:لا تفهميني صح!
-
عند مطلق الي ساند راسه يهوجس تحت القمراء ينتظر فرح لكن ابتسم من سمع صوتها تناديه:مطلق؟
عدل وقفته يتقدم لها :مو على اساس كنتي مشغوله
ضحكت بعلو صوتها:ماصدقت انحاش منهم!
ضحك ونطق:استحي على وجهتس وقولي اشتقت لك!
رفعت حاجبها ونطقت:توك شايفني قبل ساعات وماتقصر !
ضحك ياخذ منها نجمه ويقبلها ويستنشق ريحتها:لا اله الله هالبنت بتاخذ عقلي!
سندت راسها على الجدار تتاملهم وتتامل لطافة المنظر:تشبه مين؟
ضحك يرفع نظره لها وفعلاً كانت تاخذ لمحه كبيره منها:وتسالين؟
الجادل:حق تعبي !
ناظرها بصدمه:والله انتس بهذلتينا كلنا من كبيرنا لين صغيرنا !
ضحكت بعلو صوتها:شرايك تروح لهم قبل افضل عليك؟
ابتسم ونطق:طيب ممكن بوسه؟
رفعت حاجبها تقفل الباب في وجهه :ماش قليل ادب! ويقول ممكن!!
ضحك من قفلت الباب في وجهه وانحنى يقبل نجمه:امتس مشكله يابابا !!
-
عند العيال صارخوا من دخل مطلق وضرب علي وجهه:يا ويلل حالي نتفه!
رفع مطلق حاجبه:وش ابيها تسوق الشاص بعدين اذكر ربك
ضحك تركي وتقدم يناظرها وفعلاً كانت تنوكل من شدة لطافتهاا , انحنى يقبل خشمها :ماشاءالله تبارك الله راحت لعمها!!
تقدم صقر يشيلها من مطلق الي ضحك بعلو صوته من شاف ابتسامة بنته:ياويل حاليي!!
علي:وانا وش اقول من اليوم !
