ابتسم وطلع وطلعت وراه الجادل صرخت فرح:شفتي يمه قلت لك عنده!!
صرخت بالم من قرصتها ام مطلق:وش دخلتس رجال مع حرمته!
شموخ بعبط:الله اعلم وش كانو يسوون
فتحت الجادل عيونها بصدمه ونطق مطلق:لا لا عيب يانونو مواضيع كبار
طلع ومطلق والتفت الجادل على شموخ:الله ينصرني في اقرب وقت
——
عند تركي الي كان يلبس والجود الي طلعت معه عشان تخليهم تحت ياخذون راحتهم على مايجون المعازيم طلع تركي من الصاله:بنت شفتي عطـر لكن انلجم من شافها بفستانها الابيض المورد جالسه تعدل شكلها التفت تناظره:هلا؟؟
تركي تقدم يناظرها:انسي الي كنت اقوله
وقفت من صار امامها ينتظرها بانبهار :ماشاءالله!!!
ناظرته بهدوء وهي الان ومانسيت حركته سحبها من ذراعها:تعالي شبلاتس؟؟
الجود:مافيني شي لو فيني مايهمك اساساً!!
تركي؛وشهو ؟؟
الجود:زي ماسمعت اتوقع انك سمعتني زين
تركي دقق في ملامحها؛مسوي شي انا؟؟
غمضت عيونها بهدوء لكن ما استحملت :شهر وانا متحمله الي قاعد يصير لمتى اذا الموضوع تسذا الطلاق يكون افضل شي!!
تركي عقد حاجبه ونطق:لا تتكلمين برموز!! قولي. الي عندتس!
الجود بحده :يعني خلنا نقول مزح كيف تفتح الباب وفي بنات لو شفتهم!!!
صفن لثواني يفكر وللحين ما استوعب غيرتها:اها قصدتس ذا ما شفت احد عوافي
الجود؛تونا في بداية الطريق وما قد صار شي خلنا ننهي كل شي
شهقت برعب من صرخ بغضب:وش تقولين طلاق!! يابنتي انا احبتس متى تفهمينن ذا طبعي ذي شخصيتي!!
جلست على الكرسي وبكت بكت بدون سبب تفرغ كل الي مرت فيه مسح على وجهه بغضب وانحنى يناظرها :ارفعي راستس!!
سحب طرف شماغه ومسح دموعها:اسمعيني زين هذا انا تركي اذا بتحبيني حبيني زي ما انا!!
انفعلت وضربت صدره بعنف:متى تفهم!! يعني كل ذا مو واضح اني احبك!!!
عم الصمت من استوعب كل شي صاير واخيراً استوعب غيرتها وتقدم وقف ورفعها معه :يمكن كنت احتاج اسمعها من قبل عشان ما احس اني اتهور بكل خطوه اخطيها
بلعب ريقها من حضنها كانت متردده لكن واخيراً حاوطته ونطق:اخ يالجود في كل مره تهزميني !!
ابتعد عنها لكن مسكت كفه وناظرت عيونه واضح فيه الزعل من طلبها للطلاق وعدم فهمها له فعلاً كانت تشوف محبته لها وسط عينه رفعت يدينها لوجهه وارتفعت تقبله حاوط خصرها وبادلها وكانه قبل اعتذراها كانت تظن انه بيتركها لكن اول ماابتعدت سحبها له:وين رايحه؟؟
نطقت بهدوء:عيب يجون المعازيم وانا مو هناك!!
تركي ؛مو عيب تتركيني بعد الي سويتيه؟؟
بلعت ريقها من اقترب يقبل جرحها ونطق:اذا سويتي شي لازم تكملينه ماتتركينه ناقص اليوم عندنا اشياء كثيره نتكلم فيها واولها هالجرح
ابتعد عنها ونزل وهو يحس براحه وتركها تعدل شكلها وتنزل والابتسامه شاقه وجهه نطقت شموخ :عسى هالبسمه دايمه
ضحكت الجود:امين يارب
فرح:مو عاجبني وضعتس انتِ والجادل ماغير تتبوسمون!!
ضحكت ابتهاج:حبيبتي وحده عند مطلق والثانيه عند تركي
وطن:عيونهم قلوب !!!
الجادل :ماعندكم غيرنا شوفو ليال!
شيخه :اصبري تنزل نستلمها ولا يهمتس!!
عند ليال وعبدالعزيز صرخت ليال من اقترب:لا لا ابعد ريحتك مو حلوه
عبدالعزيز :ياذا الولد حتى زوجتي ماخلاني المسها!!!
ضحكت اسال بعلو صوتها؛خلاص تعال امزح!
اقترب يقبل جبينها:شفتي مؤدب!!!
ليال:يلا خلصت اذلف!!
عبدالعزيز :خلي ذا القرد يجي وبعدين اتفاهم معتس
نزلت ليال للبنات وعبدالعزيز للعيال نطق شموخ:يالليل يامتزوجات شوفو يازين شيوخ تهبللل!!
فرح؛يونس صدر اختي عاقله
ضحكت الجادل بسخريه:وهياف اشتروها من السوق
صرخت الجادل بالم من ضربتها الجود:بنت عيب!!
الجادل:ورعه تراني اكبر منتس بسنه!!
شيخه :اص انت وهي يلا تحركو قدامي باخذ دور اخت الزوج
الجادل نطقت بدلع تستفز شيخه:مومو ما يرضى
ضحكت شموخ بعلو صوتها؛الله يقرفتس ياشيخه
شيخه:خلينا نكون واقعين الدلع يخرفن
نطقت الجود بنفس الدلع:اذا انتِ عندتس مومو انا عندي توتو!!
ابتهاج:الله يغثكم امشووو!!
——
عند العيال وقفو خلف الجد وعياله من كبيرهم هادي لصغيرهم خلف رغم ان علي ما يقدر يمشي الا ان كان له هيبه عجيبه وماكان في اي نقص لانه فعلاً انسان طبيعي ويحمد ربه انه عايش لاجل اهله وناسه ومطلق كالعاده مكانه بجنب عقاب كان وسيم جداً وهيبته تزيده وسامه منظرهم جميعاً بجانب بعض يمثل لنا صوره عن الهيبه،والحنيه،العائله،الاخوه، كل معنى جميل يمثلهم نطق خلف لعلي:ياخي متى يخلصون
ضحك علي:ياولد لا يسمعك جدي
خلف؛بس عشان العزيمه عشانك بصير
اما تركي كان في عالم موازي ومايدور في باله غير منظر الجود وكلمتها الي ضيعت علومه "احبك" لكن فز من مسكه مطلق:العرضه وانا اخوك
صفو مطلق وتركي ومحمد وماجد يعرضون عرضة اهل حايل تحت الحانها العذبه وكانت عرضتهم جداً جميله ويعرضون باتقان
——
مر الوقت بشكل سريع وانتهت عزيمتهم ولا واحد منهم فيه حيل حتى يتنفس من كثر الكرف والشغل، عند البنات :
فزت الجود من سمعت صوت تركي وارسلت لهم بوسات:بروح مع السلامه !!
صرخت من سحبها من ذراعها :يمه!!
ابتسم بخفه:بسم الله عليتس شبلاتس تراعين هناك ؟؟
الجود:اسلم على البنات قبل ما اطلع !!
تركي:البسي عباتس وتعالي يلا!!
سحبت طرحتها وطلعت قدامه ، ارتمى على اول كنبه ونطق:ياربي عفوك ورضاك اليوم طويل
جلست جنبه تفك كعبها وترجع شعرها لورا :والله صادز مره طويل
غمز له ونطق بعبط:وشهدنا اعترافات ولا؟
بلعت ريقها بارتباك :تبين شي بروح انام !!
سحب ذراعها :هوب هوب على وين ليلنا طويل !!
ابتسمت بغباء :اسمع والله بكرا تعبانه!
فز يعدل جلسته:عينتس بعيني
رفعت نظرها له ونطق:تسذوب!! ها يلا ولا بزعل
عدلت جلستها وحطت كفها على كفه:تسمعني للاخير؟
هز راسه بايه:اسمعتس اكيد وشلون ما اسمعتس؟؟
الجود:اسال الي ودك وبجاوبك !!
بلع ريقه وشد على كفها؛عادل يوم تزوجتيه كان برضاتس؟
ناظرته فيه بجمود؛برضاي!!!
نطق بهدوء:خلاص واضح الجواب لاتفهميني غلط طيب يوم لمستس كان برضاك؟؟
بلعت ريقها وغمضت عيونها من تذكرت لكن فزت من صرخ تركي؛لا تتذكرين !! شوفي معرف اواسي لكن ربتس بياخذ حقتس منه
اقتربت منه ونطقت :ما راح تتركني! مهما تكلمو مهما قالو عني ارمله وكنت بجيب منه ولد
تنهد بهدوء :اتركتس؟ قد شفتي احد يترك روحه ؟!
غمضت عيونها من قبل ثغرها ونطق:رغم صلابتي لنت لتس يابنت!!
ابتسمت وفتحت عيونها ونطق:لا لا تصدا تغريني غمضي عيونتس!!
ضحكت ورفع يدها يقبلها:ياويل حالي وش ذا الضحكه العذبه
تقدمت له اكثر ورفعت يدينها تحاوط عنقه وذاب زود من قبلت فكه ونطقت:احبك بس ليتك تعقل!!
التفت عليه:شبلاتس انتِ ؟!
ابتعدت عنه:للحظه كنت بشك انك تركي حسبتك مسحور
تركي :خل عليتس احمدي ربتس تزوجتي واحد زيي
الجود:اقوم احسن لي لكن شهقت من استقرت في حضنه ونطق:بلى قلة ادب انا زوجتس !!
ناظرته بصدمه:والله قلة الادب الي قاعد تسويه
ضحك بعلو صوته ونطق؛تدرين انتس جبتي راسي يالجود
ضحكت وقبلت خده :مايحتاج واضح!
سند ظهره على الكنبه:ياويل حالي شكلي بموت!!
الجود:حبيبي انت بسم الله عليك!!
سحبها له وسندت راسها على صدره وكانت علاقتهم في ذا اليوم تطورت وصار في تقدم وبشكل كبير
نطق بهدوء :نقدر نتكلم عن الجرح ؟
بلعت ريقها بتوتر ونطقت:نقدر
مرر على انامله على الجرح ويده الثانيه على شعرها وابتسم بهدوء من ابتدت تحكي له:
مرر على انامله على الجرح ويده الثانيه على شعرها وابتسم بهدوء من ابتدت تحكي له كيف جرحها عادل جرح مستحيل تنساه وكان كلامها عن الي مرت فيه يوجع قلبه وكثير لكن ابتسم بهدوء ونطق:باقي عن العيد ثلاث ايام صح؟
نطقت بنفس هدوئه :اي ثلاث ايام ليش في شي
تركي:يوم العيد في الليل بمشي
فتحت عيونها بصدمه :وين تمشي؟؟
تركي :بروح مع مطلق للقصيم
ما استغربت من طاري القصيم لان الكل يعرف ان اشغال مطلق والتجاره كلها بالقصيم لكن استغربت من روحت تركي :وانا ليش بتروح؟؟
تركي :مو انا بس بنروح خمس اشخاص لمده ما تقارب الست شهور الى ثمان شهور
ناظرته بصدمه ونطقت :ثمان شهور يمدي حتى الحامل تولد!!
ضحك من نظراتها ونطق:مقدر اترك مطلق لحاله ابد!!
تنهدت بقهر توهم مالهم شهر متزوجين وبعد مكابر ست شهور اعترفو لبعض وفي الاخير يغيب عنها نطقت:تقدر ما تروح انت الحين متزوج مو زي قبل!!
تركي :ومطلق متزوج وهو اول من يروح وانا مستحيل اترك اخواني
صدت عنه ونطق بزلة لسان :يا بنت الموضوع مهم ولازم نروح ومن اهمها موضوع حامد
التفت تناظره ونطقت بلفه :شبلاه حامد؟!
بلع ريقه وهو يعرف حب الجود ل اخوانها ويعرف ان اخو الانسان مهما كان مستحيل يرضى عليه او يتخلى عنه لكن شد على قبضة يده ونطق:اهلتس ما قالو لتس؟
هزت راسها بالنفي ونطق:محكوم عليه بالاعدام
شهقت بصدمه كبيره وانهمرت دموعها بكسره حست للحظه مر قدامها شريط ذكرياتهم وايامهم بلع ريقه من شاف دموعها ونطق:بالجود صلي على النبي
رفعت راسها :تنازلو تنازلو خلوه !!!
نطق بهدوء:لنفترض حنا تنازلنا من يقنع ابو عادل يتنازل
فتحت عيونها بصدمه:شدخل ابو عادل الحين
تركي:يا بنتي حامد مجرم قتل عادل وكان بينهي حياة اخوي وتبينا نتنازل ؟؟
تعالت شهقاتها وركضت لغرفتها تبكي اما تركي عدل المخده وحط راسه وهو فعلاً كان تعبان من احداث اليوم والفوضى الي صارت وده يواسيها بس يعرف انه فاشل بذا الموضوع وبيجيب العيد ف الافضل انه ينام
____
عند مطلق والجادل وقفت الجادل تناظر فستانها ونطقت:مطلق تدري ان هذا المفروض حق العيد؟
التفت يناظرها ونزل الاوراق الي بيده:ياعيون مطلق انتِ حلوه وش مالبستي
جلست امام المرايا :افكر بلون غريب وماعاد باقي شي !!
تقدم يجلس بجنبها:كل الالون حلوه عليتس انتِ الي تحلينها
ابتسمت بخفه :طيب احبك!!
ابتسم وهو فعلاً متوتر وكيل يفتح معها الموضوع :نقدر نتكلم ؟؟
عقدت حاجبها ونطقت:في شي؟؟
نطق بهدوء :اي فيه اولاً ابيتس يا عيون مطلق تناظريني وثانياً تسمعيني للاخير
بلعت ريقها بتوتر ونطقت:قول
ابتسم بخفه ونطق:انا يروح مطلق عندي اشغال كثيره وبتاخذ من ست شهور الي ثمان شهور الله اعلم لكن اشغالي كلها في القصيم وباخذ معي ناس من الشباب
بردت اطرافها من نطق ست شهور الى ثمان شهور ونطقت بصدمه:يعني بتغيب ست شهور الى ثمان شهور!!
بلع مطلق ريقه:مجبور !!
وقفت ونطقت بابتسامه عكس الي داخلها:موفق
ناظرها بصدمه من ابتسامتها لكن يعرفها يعرف انها بتكسر وتهد الدنيا فوق راسه بعد الاربع شهور الي راحها وقف يناظرها:هالكلام من قلبتس؟؟
بلعت ريقها وشتت نظرها لكل الجهات الا وجهه وكانت هالحركه كافيه انها تعاتبه وتحرق قلبه وتحرقه هو بنفسه صد من شافها مشت وهو فعلاً غلط يوم قال لها الحين لكن ما باليد حيله لازم يلحق اشغاله ويفتك من سلطان وسالم عشان يرتاح من هالمشاكل
——
صباح اليوم الثاني في بيت عبدالرحمن كان هدوء بحكم ان الكل صايم نطقت فرح؛شموخ وين ذاك
التفت شموخ تناظرها:منهو؟؟
فرح بعبط:صقر حقتس
شموخ فتحت عيونها بصدمه:ياقليلة الادب !! نسينا محمد؟
فرح:مانسيت بس اعترفي انتس تحبينه ؟؟؟
شموخ ابتسمت بخفه:مو سالفة احبه بس حسيت فيه حاجه حلوه
فرح:قصدتس كله على بعضه يهبل ؟؟
شموخ:يعني نقدر نقول؟؟
فرح:لو خطبتس توافقين؟؟
شموخ:هو لا مستحيل ياخي يحب ابتهاج !!
فرح؛عليها حركات خلي عنتس مستفزه كل ما قلنا صقر بغت تموت؟؟
ضحكت شموخ:شدعوه ما احس !
——
عند عبدالعزيز الي كان يلبس باستعجال نطقت ليال:شبلاك؟؟
عبدالعزيز:ياويلي من جدي بيلعن سابع جد لي!!!
ضحكت ليال:شدعوه حبيبي!!
التفت لها عبدالعزيز :شقلتي؟؟
ابتسمت بخفه:مو وقت حركاتك يلا روح!!
عبدالعزيز :شف شف تتغلى علي افاا وين الي كانت تقول عزيز الروح!
ضحكت بعلو صوتها:عزيز الروح وعزيز القلب بس يلا روح لجدي
تنهد عبدالعزيز:المشكله اني صايم لكن الشكوى لربتس طلع تحت ضحكها وهو يعدل ياقة ثوبه بسرعه
في مجلس عقاب كان الصمت سيد الموقف مع ان كلهم متجمعين وكانو صايمين لكن الجد كعادته يبي يفاتحهم بموضوع نطق مطلق بملل:يا طويل العمر متى بنبتدي بالموضوع؟؟
تنهد عقاب يطلع الصكوك من الشنطه ويرميها على الطاوله عقد هادي حاجبه:هذا وش؟
نطق عقاب بسخريه:لا بس هذي صكوك اراضي وبيوت للشيخ مطلق
فتح مطلق عيونه بصدمه وتقدم يسحب الاوراق:شلون؟؟
عقاب بحده:الا انت الي شلون اشتريتها بدون علمي ؟؟
بلع تركي ريقه بتوتر ورفع انظاره لابوه الي ما كان اقل صدمه وكمل عقاب:اكثر من خمس اراضي وقصرين مشتريها في سنتين من وين جبت هالمبلغ؟؟
مطلق زفر بهدوء:كيف وصلت لك الاوراق؟؟
عقاب وقف يضرب الطاوله بحده :راجعت كل الحسابات ما انسحب منها هالمبالغ من وين جبتها؟
صرخ مطلق بحده ومد يده لجيبه يرمي كل صرافاته على الطاوله :من حر مالي من عرق جبيني سنتين جالس لحالي ضنك وش كنت اسوي فيها ؟؟؟
بلع عقاب ريقه ونطق:ليش اشتريت بيت بالقصيم؟!!!
مطلق بسخريه:طلعت كل شي ما قدرت تطلع هالشي؟؟
وقف ابو هادي:مطلق احترم جدك
عقاب بنفس السخريه:خله خل عون عقاب يطلع حرته فيني!!
مطلق تنهد وكمل عقاب:شلون جمعت هالمبلغ فوق مليونين ونص؟؟؟ واكيد هالحمار معك
مطلق :محد دخل معي شراكه انا الي اشتريت ضنك اني كنت بس اتطمن على هالحلال؟ انا عشت سنتين عشان اكون نفسي سنين عمري راحت وانا اشتغل لك والحين يوم اشتغلت لحالي جاي تحاسبني؟؟
عقاب بحده:مريم ليش عندها علم بهالشي ؟؟
مطلق :لانها مساعدتي ببساطه
عقاب صفق بسخريه والكل يشاهدونهم بصمت :حلو والله حلو حتى مريم اخذتها لصفك؟؟
مطلق:يا جدي !!
صرخ عقاب بغضب:لا تقول جدي انا عقاب وعقاب لكل من يوقف بوجهي يا عوني
مطلق تنهد ونطق عقاب:ساعدتك؟!
بلع مطلق ريقه من تاكد ان جده عرف ليش مشتري هالبيوت وهالارضي بلع ريقه كان بينطق لكن بتر حروفه عبدالعزيز الي نطق:فاتني شي؟؟؟
ضحك خلف يخرج من وضعهم الجدي :فاتك الكثيرررر
سحب الجد عصاته وطلع بغضب نطق عبدالعزيز :شفيه شخصنها؟؟
خلف:معليك هو تسذا نفسيه اهم شي عندنا بيت بالقصيم بلع ريقه برعب من ناظره الكل بحده ونطق مطلق:تركي الحقني
فز تركي يلحق مطلق الي كان يحترق من شدة غضبه نطق تركي بحده:مطلق اهدا لا تبلشني!!!
مطلق بحده:شلون عرف عن موضوع عذبه؟؟
ناطره تركي بصدمه:مين عذبه يبوي؟؟؟
مطلق عض شفته بقهر من غباء تركي:يا ناقه من غيرها الي اخذنا منها الاراضي!!
تركي:طيب ما اذكر بعدين ترا الناقه مدحه !!
مطلق:وقسم بالله اهبدك يا وغد استوعب عذبه بنت مين ؟؟
تركي:بنت مين ؟؟صرخ تركي من تذكر انها بنت هذال الي يكرهه جدهم ونطق صبر الي جدي متهاوش مع ابوها!!
مطلق:اي وانا دخلت اجازه معها واخذت الاراضي والبيت بحوالي مليونين ونص!
تركي :عشان تستغلها بتجاره خاصه ذي اعرفها بعدين شفيك مستغرب جدي يكره الكل الي يحبهم ينعدون على الاصابع
مطلق:امش امش قدامي كنت في الجادل صرت بجدي
تركي:تشوف سوء المنقلب المهم عذبه كيف بتكلمها بعدين قول لها اسمها خايس تغيره
سحب تركي حذيانه يرميها على تركي:ياوك!! كم انك ترفع الضغط !!
تركي:ماش امش تراني صايم
مطلق بقهر:وانا فاطر
تركي بعبط:تشرفت بمعرفتك
مطلق:اختفي من قدامي بسرعه!!!
تركي ضحك بعلو صوته ومشى يجلس بجنب خلف:ياخي الثلاثيين مشكله
ضحك خلف:الحمدالله حتى العشرين ما قد دخلتها
علي الي ماكان صايم بحكم العلاجات الي ياخذها نطق بعبط:خلف قم صب لعمك شاهي
خلف:يالليل انت بس اوقف على رجليك والله لا اوريك الشغل الصح
هادي:انطمو يابوي خلونا نذكر ربنا
ماجد:تلقونه يفكر وش يبدا فيه على الفطور
خالد بسخريه :وانت تفكر من تخرفن بعد الفطور
خلف:المشكله كيف يحبونك وجهك مخيس
ماجد شاف مطلق من دخل ونطق:والله اني توبت وابو داحم يشهد علي
عبدالعزيز:حدد اي ابو داحم ؟؟
ماجد:معذب قلوب الملايين
ضحك مطلق بعلو صوته:الحمدالله طلعتني من جو الهواجيس
غمز محمد:تهوجس بميننن؟؟
مطلق بسخريه:افكر فيك
ضحك محمد:ياحبيبي والله شذا الاعتراف الصريح
دخلو الاخوان الثلاثه ونطق ابو هادي:بلعين مسجل؟؟
محمد:شوفي عينك !!
تنهد ابو مطلق:ليتنا انشغلنا ولا خلفنا
مطلق:افااا!!!
خلف:ابو مطلق يتسذب
فتح ابو مطلق عيونه:وشهو يا ابن التسلب؟؟
ضحك خلف برعب:قصدي انك تحبنا وتمزح انا التسذوب
ضحك هادي بعلو صوته:محد يسكت ذا الملسون الا عمي
عبدالعزيز بسخريه:ومحد يهجدك الا ابوي اذا اخذ حرمك
تنهد مطلق من سمع اذان الظهر:قومو قومو نصلي بدال سوالفكم الي ما تفيد احد
خلف:على اساس سوالفك تغير الحياه
مطلق:على الاقل وجهي زين وصوتي زين
ماجد؛في ذي صادز البدوي الحلو
مطلق:انقلع قدامي جاي تطبق اساليب المغازله فوق راسي
رفع ابو محمد حاجبه:وانت شعرفك بالمغازله
فتح مطلق عيونه بصدمه:مغازله وش ذي اكله؟؟
ضحك خلف بعلو صوته:واخيراً لقينا الي يسكت مطلق!!
مطلق ضرب راس خلف:اخ بس لو مو اخو الجادل لعنة شكلك!!
خلف:تراني اشبهها !!
ضحك مطلق بعلو صوته:بسم الله عليها امش امش الله يستر عليك
خلف نزل راسه بتمثيل للحزن:صح احلى مني بس لا تجرح مشاعري
مطلق:وتقارن بعد اذلف اذلف صلي صلي
——
في بيت عبدالرحمن بعد صلاة العصر كانو الكل متجمعين بحكم تجهيزات الفطور عقدت ليال حاجبها من الجادل الي تشتغل لكن سرحانه وكانها متعبه تقدمت لها:بنت شبلاتس ؟
رفعت الجادل راسها:هلا شبغيتي؟؟
نطقت ليال باستغراب:اقول شبلاتس وجهتس باهت وسرحانه ؟؟
ابتسمت بتسليك:لا لا مافيني شي!!
ليال:بنت لا يكون حامل
هزت الجادل راسها بنفي:مستحيل والله مافيني شي!
ليال :تستهبلين ليش مستحيل
ابتسمت الجادل بخفه:يعني له شهر وعليها ما لمسني واساساً باقي بدري!!
ليال:تمام بس والله احستس تعبانه!!
الجادل:مافيني شي يعيوني الا الجود وينها
ليال:اقول شموخ انها تعبانه ما بتجي
شموخ الي دخلت ونطقت:يقول تروك من يوم ماعرفت باعدام اخوها وهي مو على بعضها
تنهد الجادل بحزن:ياروحي الله يهون عليها
شموخ:امين امين يلا استعجلو عشان يمدينا نرتاح
بالجادل:خلاص انا خلصت وليال خلصت بس جالسه تسولف فوق راسي
ضحكت فرح:يعمري تسوي لتس فعاليات ب الاخير تجحدينها!!
الجادل:يلا يلا امشو اصلاً افكر ادق لكم عود شرايكم بعد الفطور؟؟
صفقت فرح بحماس:من زمان مشتاقه لصوتس!!
الجادل؛يلا يحظتس اليوم تسمعينه!!
ضحكت شموخ بعلو صوتها:تعجبني الثقه!!
في الجهه الثانيه على سطح بيت عبدالله صرخ مطلق:يا حمار امسك السلم لا اطيح!!!
ماجد:انت الحمار مو انا لا تخليني اطيحك
ضحك خالد بعلو صوته:راح الصيام وانتم تسبون بعض
محمد عقد حاجبه:وش تسوون؟؟؟
مطلق:اصير ابي اسوي مرجيحه!!
فتح محمد عيونه بصدمه:مرجيحه فوق السطح تستهبل
خالد:تلعب من هنا تسال ثلاث اساله من هنا
محمد:الحمدالله والشكر الصوم ماثر عليهم
ماجد:اذا ضبطت تعالو قولو نبي نلعب
محمد:اي لان ما بقى معي عقل العب على طرف الهاويه
مطلق:ارحمنا يا عاقل ماجد والله لو انزل ان اهفك كف امسك استرجل
انهار خالد من الضحك:شدخل المرجله يارجال!!!
ماجد تنهد وهز راسه بحسره:تشوف حمار!!
محمد:قول له بعير
ماجد:يا بعيررر!!
مطلق:كنت بقول انك بعير بس بسم الله على البعير بجنبك
استمرت محارشتهم لين اذن المغرب ونزل مطلق بعد ما ثبت المرجيحه الي نصها بالسطح والباقي بالهاويه على قولة محمد
بعد المغرب انتهو من فطورهم وصلاتهم وتجمعو في الدكه كعادتهم بعد كل صلاة مغرب نطق عقاب بعتب:متى بتروح القصيم يا مطيلق ؟
مطلق:ان شاءالله يوم العيد بالليل
نطق عبدالعزيز:ست شهور وانا اخوك ما كانها كثيره؟
مطلق:الشكوى لربك ومنها علي يتحسن
علي:وشو له ياخوك بقعد هنا واتعالج
مطلق:بعيد عن الناس احسن ومنها انجز اشغالي
ضحك خالد بسخريه يضيع الموضوع الي يجيب لهم الحزن:شصار على مرجيحة الهاويه
ماجد:اي اي ذب عليها لا اشوفك بعدين تركبها
ابو مطلق اسر على راسه:اذا بوه هنا شي ما بيقرب صوبها
مطلق:ماش ماش نسوي لكم فعاليات ما تقدرون جهودنا
تركي:ارض الله وسيعه مالقيتو الا السطح
ابو محمد:وسطح بيتي لو يودع واحد اتحمل المسؤوليه!!
ماجد:والله نسيبك هو الي مختار السطح تفاهم معه
مطلق:شف والله قلبي يدق هناك عشان تسذا!!
ضحكو الكل من ملامح مطلق الي كان يرفع لعمه ونطق ابو محمد:مسامحك مسامحك!!
ابو مطلق:والله لولا حرمه ما فسر الموضوع
مطلق:يالليل وشو له تخربون العلاقات؟؟؟
عند البنات الي تجمعو في الحوش هالمره وكانت متوسطتهم الجادل الي تشد على جاكيتها وبحضنها العود:صبو شاهي عشان اغني لكم بروقان
وطن:تفضلي احلى كاسة شاهي لعيونتس الحلوين!!
ضحكت الجادل وتعدلت وابتدت بصوتها العذب تدندن الالحان العذبه الي دائماً تختارها بتمعن :
انا بتبع قلبي وبس ما علي في الناس
كذب اللي يقولون المحبه لها مقياس
يقولون لي سيبه تلاقي مثيله جم
كانت بتكمل لكن بترت حروفها صوت مطلق الي كان خلف الباب وردد معها تحت ضحكات البنات:
وقلبي يقول لا تسيبه ترى تندم
يقولون لي سييه تلاقي مثيله جم
صفرت شموخ:عاش اخوييي!!
ضحك بخفه ونطق:صوت قمري يتغلب علي!!
اخاف ابتسامتها من نبرته الي باين فيها كل الحب لكن زعلانه منه وهو ما يقوى على زعلها نطق:نادي لي صاحبة الصوت والمبسم العذب
صدت تشتت نظرها من صراخ البنات وضحكهم ونطقت شموخ:كم تدفع ؟
ابتسم :ادفع قلبي ؟؟
شموخ :والله قلبك بالنسبه لي عادي لكن هل لغيري ثمين
مطلق:ثمين لكن الزعل يمكن يغلبنا وانا ما اقوى ازعل حبيبتي وقمري!
ضحكت فرح ونطقت:اعتراف خطير!!
مطلق:اعتراف؟ مايحتاج اعترف مفضوح ومغرم بعيونها وبادق تفاصيلها!!
وقفت الجادل لانه احرجها بما فيه الكفايه وطلعت له وقفلت الباب وراها؛وش ناوي توصل له
ابتسم بخفه:للمبسم العذب!
________________________________
"أعذروني إن وجدت أخطاء إملائيه "