علي:تشوفون حتى ذا المغرور اعترف
مطلق:يلا يلااا صقير جب الشاهي !!!
صقر :اخ يالريحه البطله!!
خلف:مافي احد يعرف يسوي كبده زي مطلق وتباً لمن اعترض!!
علي نطق :وربي لذيذ مع شاهي صقر اوف!!!
عقاب:ابله وانت ساكت!!
ضحك صقر:والله عقيب يعرف لكم!!
محمد:هادي مركز على اهدافه
ماجد ؛اذكر ربك الا اخوي
خالد:الاخوه الخايسه دزو
عقاب ناظر الصحن فاضي ونطق:شرايكم تاكلوني
خلف:لا لحمك قديم
عقاب فتح عيونه بصدمه:صدز ما تستحين!!!
ابو مطلق: يبه خلهم وقم للسوق
عقاب:اي بالله مافيهم خير
قام عقاب ووراه عبدالرحمن وعبدالله وسليمان متوجهين للسوق نطق صقر:شخصنوها
مطلق:تصدقون من زمان عن الغناء والجلسه الحلوه
فز تركي يسحب العود لحضنه:دندن يبو داحم
تعدل مطلق ينزل كاس الشاهي ويشد على شماغه وابتدا من سمع دق تركي:من ردى الحظ قلبي طول الايام خايف
كمل خلف تحت تصفيق العيال:خايفٍ والليالي ماتجي له بكيفه
ضحك صقر :والله ياخليف صوتك يجي منه
خلف:عندي مواهب محد يعرفها الا علي
علي بثقه:طبعاً لاني محط ثقه
اشر خالد على صقر:انت شبلاك ماتفك شماغك
ضحك صقر لانه فعلاً الشماغ محاوط عنقه اربعه وعشرين ساعه:احبه
علي طلع من جيبه علبة حليب:يلا يلا حبك خايس بس شف هذا الحب الحقيقي
ماجد:الله ياخذ عدوك يا تركي حبكت معك تحط العرس الحين!! وانت يا ناقه ما مسكت معك اخطب الا الحين
صقر سحب زقارته:والله ياخوك شف قسمو الامور وانا جاهز
مطلق:نزل الدخان ولا يكثر
سحب تركي الزقاره من يد صقر :مضر عطني ياها
هادي:بالله عليكم كيف تتقبلونه؟؟
تركي:والله انه احلى مواساه
خلف:يوه اذكر مره قفطني ابوي وانا ادخن
انفجر محمد يضحك:حتى كنت ماتعرف تمسكها زين
خلف:اي والله واعطاني كف نسيت شي اسمه دخان
علي:احسن تستاهل عقبال تركي وصقر
ماجد:ذا الحمار الي ورطنا وانسحب
مطلق بعثر شعره :والله اذا انام اغبياء وينضحك عليكم انا شدخلني
علي:ماجد صدز كان رزين لكن مطلق كان قدوته
ماجد:كان يحط جل ويروح يرقم
صقر:ماضي اسود كان مسوي فيها جنتل
علي بسخريه:بدوي جنتل وتسذا يهوى صيد الغزلان
صقر:الله يقرفك صدز
مطلق:وربي عاد لو سمحت كنت محترم !!!
صقر:كنت تستعرض عشان يمدحونك
تركي :عنده جفاف عاطفي
صقر:بعدين جته فتره صار رزين وطاح على وجهه
تنحنح مطلق من جابو طاريه هو والجود:عوافي ماضي الحين علينا بالحاضر
صقر غمز له :صح عليك يادررر
علي:ولعنه ياصقر من وين عطرك!!!
صقر:ياخي مكس عطور شتبي!!!
علي؛يموت خلف تعال شم
صقر:اعقب انت وياه انثبرو
تركي غمز له:الشماغ وراه قصه
صقر بعيد :قصه ولا روايه؟؟
انفجر علي يضحك:كذا انت تفهمني
خالد:علي في اسعد لحظات حياته لقى اتفه منه
خلف:افااا وانا سحبت علي
علي:لا انت الاولى ما ارضى عليك
خلف فتح عيونه بصدمه:اعقب!!
صقر:شرايكم اغني لكم
تركي:تم دندن وانا تحت امرك
ضحك صقر:ويلوموني ؟؟؟
مطلق:محد قال لك شي بس في خاطرك الكلمه
ضحك صقر ونطق :
سامحيني دام عذري واضحً كل الوضوح
واسمحي لي بالرحيل بلا تذاكر وامتعه
ابتسم مطلق من تذكر بداياته وقصته مع الاغنيه:
راس مالي ذكريات وحلم وامال وطموح
لا صديق ولا رفيق ولا طريقًا اتبعه
علي :الله الله على الاصوات الحلوه
ابتسم مطلق وحاوط كتف صقر:
انا صديقك لا قسى الوقت واكفيك
ولاني من اللي وقت المصالح يجونك
أعزك ياصاحبي بكل مافيك
ومن كثر ماأعزك صرت أعز الي يعزونك
أفتخر لا قالوا إني مخاويك
يامنبع الطيب قلبك والصفا عيونك
ابتسم صقر ونطق علي:خلف قول فيني شعر
ضحك خالد:خلف تحت الضغط
خلف:عوافي عوافي بس مافي راسي شي بروح ازرف شعر
انفجر مطلق ضحك:بعد تسرق عيني عينك!!
علي:تصدقون سمعت انه لاصار ساس البيت مبني على الطيب كِثرة عواصيف الزِمن ،ماتضرّه
صقر:صح اذا راعي البيت طيب وفيه الخير ومربي عياله على ذا الشي ذكرهم بالخير ماينقطع ولا بتخرب علاقتهم ببعض مثل عقاب الي رباكم على القوه والخير والحين ماشاءالله معروفين منهم احفاد عقاب
محمد؛ومعروف منهو ابو سلمان
ابتسم صقر ونطق:تصدقون على طاري ذا الموضوع وتوي عرفت معنها "ثوب الوفاء ماهو على الكل لايق " عرفت معنها الحين
مطلق:ذي غير بالنسبه لي"لا اشتهى القلب ساق القدم"
علي:تصدقون اروح اجلس مع الشيبان عشان اسمع ذا الحتسي
مطلق:حسيت اني شيبت
تركي:تونا تونا وانا اخوك!!!
صقر:باقي بدري مستعجل يا مطيلق
مطلق:سرينا؟؟
تركي:اي بالله باقي بنمر ناخذ الزل
صقر:الزل ليش مو بكرا!!!
تركي:بكرا يالله نلحق على عمرنا
مطلق:يلا يلا علي معي وخلف مع تركي ومحمد وخالد وماجد الزل هادي تحجز العشى صقر وعبدالعزيز روحو شوفو البشوت
تركي ؛هذا وهو مختصر !!
مطلق:والله محد قالك تحطه ذا الوقت
تركي:حسبي الله خلف امش معي
ضحك مطلق وحاوط كتف علي:تعال وانا اخوك اعطيك نصايح
علي؛تكفى انطم
مطلق:شدعوه نمزح
علي ابتسم له:تصدق متى بشوفك اب ؟؟
مطلق :قريب ان شاءالله
علي:انت حنون معنا كيف مع عيالك؟
مطلق :كذا تحرجني!! وانت متى نفرح فيك خلني ازوج اول عيالي!!
علي:مطول مطول مالقيت زوجة المستقبل
ضحك مطلق وسحب علي يدخله تحت ذراعه وكل مالها تتعلى ضحكاته لان فعلاً علي عنده قدره يسعد اي شخص
عند الحريم في بيت عبدالله نطقت ام فيصل:ماشاءالله عيالتس كلهم اعرسو يا ام مطلق
ابتسمت ام مطلق بخفه:لا باقي لي ولد وبنتين
ابتسمت ام فيصل ورفعت يدها تاشر لشموخ:هذي ماشاءالله مخطوبه؟
ام مطلق:لا والله
ام فيصل :ماشاءالله تبارك الرحمن جميله جميله الله يحفظها لتس
ابتسمت ام مطلق:امين ويحفظ لتس بناتس
عند البنات نطقت الجادل:ام فيصل تاشر على شموخ
وطن:يعمري تتخطين !!
شموخ :يع يع لا تكفون !!
ابتسمت ابتهاج :يمكن تحبينه شدعوه؟
شموخ:لا لا يع ما اتخيل حتى
فرح غمزت بعبط :عندها صقر شتبي في ذا
ابتهاج بسخريه:صقر !!
شموخ :يازين صقر بجنب ذولا القرود
الجادل:لو سمحتي عيال خالي ما ارضى
كتمت وطن ضحكتها:صدز ما نرضى
شيخه:يايي عاد من زينهم
ليال:الله يبعدهم عن شموخ عاد عيونها للحين عليتس
شموخ:ترا بموت عليكم يع انا شموخ ياخذني واحد من عيالها
فرح :الا فاتكم امس طلعت بوجهه صقر
الجادل بحماس :اسالتس بالله!!
شموخ :بالغلط!!طبعاً قالك ابي هدوء واستكنان انزل ويطلع في وجهي وتشتغل اغنية محمد عبده كان حلمي ذا اللقا
فرح :عندي احساس بتتزوجون !!
وطن:يونس بس تعبت من الاعراس!!!
الجادل :خلونا نروح للحريم احس عمه حصه بتصفقنا
ضحكو البنات مشو يجلسون بالصاله ولازالت نظرات ام فيصل على شموخ وناويه تاخذها لفيصل
عند العيال الي فعلاً انجزو وانتهو من كل شي لكن ركض علي لجده يسنده؛جدي شبلاك
ابتسم عقاب لعلي والتفت يحضنه انصدم علي من حضن جده مو بس علي الكل انصدم لو كان مطلق بيكون طبيعي لكن علي وعقاب الي مايتفقون ابد شد علي على عقاب الي كان مبتسم ونطق:سامحني
ابتسم علي ونطق:على ايش يا عقاب
عقاب:على كل شي
نطق علي :باثمك وثوابك مسامحك انت عقاب انت ملجئ لنا
ابتسم عقاب وابتعد عن علي الي لازالت الابتسامه مرتسمه على ثغره سرح بتفكيره كان عنده كامل مظلم من شخصيته انه عاقل رزين حكيم هادي لكن دايم يبين شخصيته المرحه وروحه الحلوه لاجل يرسم البسمه على اهله وناسه واحبائه
فز من حضنه خلف:وش احلى حضني ولا حضن عقاب
ضحك علي:كريهه بس والله انك عزيز الروح!!
ابتسم خلف وشد على علي:
لي صاحبٍ لو يطول الوقت مابعته
من كثر ماأحبه كنه نصفي الثاني
نطق علي بابتسامه :وانا لي صاحب تعدى غلاوة الروح
ابتسم تركي:يالليل اعجلو علي!!
مطلق:شبلاك مستعجل؟؟
فتح تركي عيونه بصدمه:بالله عليك؟؟
مطلق:لا يعني اعلم الثقل من اخوك
انفجر صقر يضحك:تستهبل!! مابقى الا مطلق اخذه قدوه في الثقل
نطق تركي بسخريه:تشوف اخف منه مافيه وجاي يهايط
صقر بعثر شعره ونطق بنفس السخريه:خوفي انت يالنجم اطلع زيه؟
علي سحب صقر يدخله تحت ذراعه:لا تخاف ولا تحس تاكد
صقر :عيال عبدالرحمن فيهم خله ما راحو ل ابوهم شديد
ابتسم ابو مطلق:والله اني احبك ياصقير تفهم
ابتسم صقر ونطق:والله حتى انا احبك
خلف :مو وقت اعترافاتكم الهابطه!!
كتم صقر ضحكته:لو سمحت الا دحوم لا تغلط!!
ابو مطلق: صادز صقر
ابتسم علي:شعندك انت لاصق ب ابوي لك كم يوم
صقر:احبه فيها شي؟؟
مطلق:الله يستر من المحبه الهابطه الي تطلع فجاه
تركي:ذاك مو فادي
خلف:ارحبببب
ضحك علي:الحين ياصقر بيجيك انهيار من الضحك
فادي:سلام عليكم
ردو عليه السلام ونطق هو ياسر على صقر:من ذا الحلو؟؟
مطلق كتم ضحكته:خويي
فادي فتح عيونه بصدمه:والله مزيون شرايك تخطب عندنا
صقر طاح فكه من صدمه وتقدم علي :شدعوه شدعوه اهدا
فادي:الا شسمه؟؟
تركي :صقر بن سلمان
فادي بعبط:الله صوصو!!
صقر:اعقب ياصبي!!
فادي:لا تعصب لو حبيبتك تقولك صوصو خقيت
صقر بسخريه؛انت قلتها حبيبتي انوثه ونعومه مو انت
مطلق:اوه صقر صاير قليل ادب
تركي: زوجوه زوجوه بسرعه
علي:ربط المواضيع عند جدي
خلف:وربي صادزز!!
علي:اذكر وانا وغد حبيت خد بنت وجدي صفن فينا
تركي:قاعد يحجز ذبايح عرسكم في مخه
مطلق رفع يده يمسح على وجهه :يلا تفرقو!!
تركي :شفيك قلبت اب
مطلق:لاني ابوك
تركي :تخسى
مطلق تقدم يسحب اذن تركي:اعتذر!!!
تركي صرخ بالالم؛خلاص يا ورع اسف!!
ضحك مطلق :يلا استاذن!!
فيصل بحده:فادي الحقني
ماجد عض شفته:يارب تجمعنا في مكان واحد والعن شكله
محمد:ربي جمعكم الحين تكفى اهبده
مطلق بحده:اهجدو !!!
خالد :حاضر تامر امر
ابتسم مطلق وتوجه لبيت عمه عبدالله لاجل ياخذ الجادل ابتسم من فتحت له الباب :اهلاً اهلاً
مطلق:جاهزه؟؟
هزت راسها بايه وهي تلبس نقابها سرح في عيونها الي تزداد جمال مع النقاب ونطق بحده:دخلي شعرتس
دخلت شعرها وابتسمت من مسك يدها ونطقت باستغراب من شافت فيصل وماعرفته ابد :من ذا؟
التفت مطلق يناظر وفعلاً ماكان غير فيصل ونطق:شدخلتس؟؟
الجادل رفعت نظرها له:والله صدز مين ماشاءالله مملوح
شد على يدها ونطق بغضب:اسكتي!!
عضت على شفتها بالالم مستغربه منه وهي ناسيه تماماً فيصل وغيرته
دخلو الشقه وشهقت من ضرب الباب :يمه شبلاك!!
تقدم لها وهي ترجع بخطواتها وشهقت المره الثانيه من ارتطم ظهرها بالجدار ونطق:عاجبتس؟؟
عضت شفتها بتوتر من غضبه الي كان طاغي على ملامحه ونطقت :يمه مطلق شفيك؟
ضرب الجدار الي بجنبها بغضب:اقول فيصل عاجبتس؟؟
نطقت بغباء:اما!! الي تحت فيصل؟؟ والله تغير ما عرفته صار حلو!!!
فتح عيونه بصدمه من كلامها ونطق بغضب:والله عاجبتس!!
سكتت لثواني من استوعبت انها جابت العيد:هاه اقصد يع مو حلو
عض شفته وناظرها بغضب والود وده لو يكفر فيها ونطقت :يعني شوف والله مو حلو انت احلى يعني هو مره عادي انت بنظري احلى واحلى بكثير
قاطع كلامها بغضب:انطمي!
تخصرت ونطقت:خير تسكتني!
رص على اسنانه بغضب:ياربي عفوك ورضاك!!!
احتقرته؛ابوي ماسكتني تجي انت وتسكتني حبيبي حتى لو غلطت خطاي في عيونك يكون صواب !!!
التفت عليها بصدمه المفروض هو اللي يزعل بس قلبت الطاوله عليه نطق بحده:لا تكلميني احسن لتس
الجادل:يصح لك اكلمك !!!
مسك راسه بتعب وجلس وجلست الجادل واستوعبت انه غار ونطقت:شسمه امزح معك
كان صاد عنها ويناظر بالسقف ميلت شفتها لثواني تفكر كيف تراضيه:تبي شاهي!؟؟
ضحكت بعلو صوتها:مطلق!!
ميلت شفتها وتجرات تتقدم وتجلس امامه:مطلق
ابتسم من قبلت من مبسمه ابتعد يبعثر شعره ونطق :ما كنت خفيف تسذا!!
الجادل بغرور:حبيبي الي يشوفني يعرف الثقل!!
ابتسم يسحبها له:طبعاً مايعرفه ياحلوتي
الجادل ميلت شفتها لثواني:شرايك ادق لك عود وانت تغني؟؟
ابتسم:تصدقين ماقد سمعت لتس؟
ابتسمت تتقدم الي بزاويه تمرر اناملها عليه غالي عليها كثير وكانت اول هديه منه لها واغلى هديه على قلبها شالته بحظر وتوجهت تجلس امامه بالضبط وتتربع:يلا غن وش ودك بوه
بعثر شعر وصفن لثواني يفكر:يادموعه ابو نوره
اتسع ثغرها ونطقت:ذويق!!
سرح يتاملها وابتدا معها يغني بكلمات فنان العرب صوته كان جميل بشكل ومريح للسمع ومع دقها للعود ونظراتهم لبعض وتاملهم ودك تجلس لساعات تتامل الاصوات والملامح والنظرات الي تحكي كلام كثير وتعبر عن حبهم العظيم الي مهما صار مستحيل ينطفي انما يتجدد بالفرح او بالزعل حبهم يتجدد ويزداد
ناظر عيونها وسكت يعجز عن الكلام قدام جمال عيونها لكن كمل وهو يتاملها كانها لوحه تبهر كل الناظرين لها؛
مثل ساري الليل خايف من ظلامه اتسع ثغرها من كمل الجزء الي فيه لقبها يتحرى للقمر يرجى طلوعه
ضحك من ابتسامتها ومن مشاعره الي كانت ملخبطه بفرح وحب وكل شعور حلو:جعلني ما افقد ذا الابتسامه
ابتسمت بهدوء:ما ودك نكمل؟؟
تثاوب بتعب:الود ودي لكن بكرا ورانا اشغال
ميلت شفتها ونطقت:تمام رح نام وانا بكمل كم شغله
ابتسم ووقف يقبل راسها ومشى للغرفه وابتسم من لمح دفتره الي له شهور هاجره سحبه وجلس على السرير يفتح صفحه وراء صفحه وكل مره ينبهر من كلامه وغزله وهواجيسه وكلماته وجمله الي كان محتفظ فيها لنفسه فقد واشعار ومقتطفات من شعائر معروفين وكلمات عذبه بشكل مو طبيعي صفحه تبكي بشكل وصفحه تفرح بشكل رفع يده يمسح على راسه بصدمه مذهول بشكل كبير من عذوبة الكلمات وجمال خطه واختياره لشعر بدقه وحوارت بينه وبين هواجيسه من سنين يكتب لكن هجر الكتابه من كم شهر سحب القلم وفتح صفحه جديده وابتسم وهو يكتب جمله ادركها في هذي اللحظه
"في الايام السعيده أنسى الكتابه ,ويبدو لي فعلاً أن
(القلوب المطمئنه لا تكتب)." فعلاً خلال هذي الشهور رغم تعبه الا ان قلبه كان مرتاح بشكل مايقدر يوصفه بجنب احبائه واهله وناسه ابتسم من حس برغبة كبيره بالكتابه لانه دائماً كان سلاحه قلمه ولطالما كان يهرب من هموم الدنيا ومشاكلها لاوراقه ويكتب كل شعوره يفرغ مشاعره سوا كانت كره ، حب، امتنان ، خذلان ، فرح ، حزن , كان يعبر عن اللي بداخله بقلم فقط يعبر بثمانين وعشرين حرف كل شعور داخله يهوى الكتابه بشكل كبير لكن انقطع عنها لفتره ورجع الان وفيه شغف كبير الكتابه وانحنى يكتب لان فعلاً كانت الكتابه مهرب كل شي سلبي انحنى يكتب واقترب عقله لقلبه كثير انحنى يكتب حروفه وشعوره الي من شهور يكتب انتصاره ويعبر
ابتدا يكتب بخطه الجميل :
ثم يأتيك شَخص في لحظه غير متوقعه يكون دخوله
هادئًا ، حنونًا لحياتك يصبح ملاذًا لك
ومكانًا تستريح فيه من تعبِك
يفهُمك
يُدرك صمتِك
يلمَح من نبرتِك تعبَك
ولا تهون عليه
يُصبح نِصفك ،كُلك
تصبحان معًا في كلمة أنا
لأنكَ هو،لأنهُ انت.
نزل قلمه بهدوء وابتسم لانه يقصد الجادل بكل كلمه وكل حرف كتبه وصف علاقتهم الي جميله بشكل مسك قلمه للمره الاخيره يوضح فيها جمال عوض الله :
ثُمَّ يُعَوِّضْكَ وَمَا أَدْرَاكَ مَا عَوَضُ الله
عوض الله لا يأتي عاديًا أبدًا
ياتي في عز احتياجك حين تظن السبل غُلقت ،
يحضر كمفاجآت الأحبه يغسل تعبك،
يكون مثل الغريب خفيفًا إذا عبر
فرج الله وعِوضِه مُدهش لا يشبه شيء.
انتهى من كتاباته الي احتفظ فيها شهور قفل دفتره وتنهد تنهيده طويله يشكر فيها الله على عوضه وعلى كل شي صار له في حياته لانه فعلاً كان خيره وعوضه الله باللي احسن منه
قاطعت تفكيره من تقدمت له:مانمت
هز راسه بالنفي:لا بس كنت اكتب
عقدت حاجبها وانسدح وسحبها لحضنه ومن طول اليوم الي مرو فيه سرعان ماغفو وانتهى يومهم الي كانو فيه على اتم الاستعداد لعرس تركي
__
مر يوم بدون اي حدث يذكر غير تعديلات وتجهيزات بسيطه ووصلنا لعرس (تركي&الجود) :
صرخ تركي:ولعنه يا مطلق اطلع!!!
مطلق عض شفته وتوجه يفتح باب الشقه :نعم خير الواحد حتى ببيته مايرتاح!!
تركي:تستهبل اعجل محد بيستقبل مع جدي الا انت
مطلق:طيب يلا لاحقك انزل
تركي:قسم بالله لا اهفك تحرك!!
مطلق:طيب ثواني باخذ محفظتي!!
وقف تركي بيده البشت وملامحه واضح عليها الغضب اما عند مطلق الي دخل الجادل :بنت!!
فزت الجادل تعدل فستانها الي كان باللون الوردي كت ماسك لحد الخصر ومن بعدها يتوسع بنفشه خفيفه وشعرها مموج بشكل جميل تقدم يسحبها من خصرها ويقبل ثغرها :مايمديني اتغزل الحين بسبب الحمار الي برا بس خليتس تسذا اذا رجعت!!
ضحكت من استعجاله :يلا يلا رح له
طلع بسرعه لتركي واحتقره ونطق:بردها لك اصبر علي
تركي بحده:شين وقوي عين ايش ما خليتني البس ثوب اسود؟؟؟
مطلق ضرب راسه:انت حمار رسمي تستهبل ثوب اسود يوم عرسك؟؟
رفع حاجبه ؛شفيه الثوب الاسود يازينه مو ابيض تقل كان
مطلق بحده:امش قدامي لا اكفنك هنا
نزل تركي ووراه مطلق الي نطق:يمه تفاهمي مع ذا الحمار
تركي:يمه ما خلاني البس ثوب اسود!!! ولا راح لجدي!!
مطلق :انت بزر!!!
ام مطلق :تقل بزران اركدو ويلا اطلعو
مطلق:لولا الله ثم انا كان لبس اسود
تخصرت شموخ:ليش عزا؟؟
مطلق:تشوفين حمار!!
شموخ:وانت مسوي خوي اطلع لا تطلع بوجهك وحده
علي:اوف شدعوه تغارون على مطلق وانا
فرح:عندي احساس ولا وحده بتناظر لك
علي:وربي كلهم يلحقوني ويصارخون يبوني
مطلق سحب علي من ثوبه وطلع:بتصوم ثلاث ايام من كبر الكذبه
تركي :مطلق يا وغد لبسني البشت
مطلق :انا ما بجيب عيال شوفو ذا وغدي
ابتسم تركي من لبسه مطلق البشت وعدل له شماغه :تفضل ياعريس
مشى تركي يوقف بجنب ابوه واعمامه اما مطلق توجه لعقاب الي نطق:وينك ابطيت؟؟
مطلق؛شوفني هنا!!
عقاب:سلم على ابو عادل
ارتسمت ملامح الصدمه على وجه مطلق والتفت فعلاً ابو عادل موجود وحاضر عرس تركي على ارملة ولده وابتسم ابو عادل يتقدم لمطلق:شيخ ال هائل
مطلق مد يده يصافحه بنفس الابتسامه:اهلاً ب ابو عادل
ابو عادل بشبه ابتسامه:من زمان ما تقابلنا واخر لقاء كان سيئ
مطلق:سيئ جداً لكن لنا لقاء ثاني
ابو عادل:بكرا تشرفني في الشركه واللي اعرفه من زمان ما رحت للحلال؟؟ تنزل معي القصيم؟
مطلق شد على كفه:لا بالله الا بكرا تشرفني بقصوري
انلجم ابو عادل من كلمة "قصوري" جاهل ان هالحلال كله مكتوب باسم مطلق وخابت كل اماله ونطق مطلق بشبه سخريه :للحين ماتعلمت ان مطلق مستحيل يترك عقاب ؟؟
ابو عادل :انت بس لو تدير حلالي وتنسى حياتك هنا والله ماتندم
مطلق ابتسم له ونطق:مرني بكرا يبو عادل ونتفاهم بكل شي ونسكر كل الحسابات
ابتسم ابو عادل لمطلق الي تركه واتجه لابوه واعمامه نطق تركي بشبه غضب:شجاب ذا التسلب؟؟؟
مطلق :تركي مو وقتك اهدا ولا تخرب العرس!!
تركي رص على اسنانه بغضب وشد عليه مطلق ونطق:اعقل وبكرا اجيبه لك تصفقه ولا يهمك
في جهه ثانيه عند علي وخلف :
نطق علي بهمس:متى يخلصون ذولا؟؟
خلف:اذا انكسر ظهرك راح يخلصون
علي:هذا وهو عشى عائلي!!
خلف:ما تخطيت عرس عزيز كيف انكسر ظهري!!
علي :شوف هو تسذا يجيك اعراس وراء بعض بعدين فجاه تنقطع الاعراس
خلف:صادز عاد اصدق حنا وجه خير عليكم من بعدها كلكم اعرستو
علي :اي اي معليك وجه خير!
خلف ضحك ونطق :جت جت فرقة السامري!!
عند الحريم في قصر عبدالرحمن بعد العشى:
ابتسمو البنات من شافو الجود متزينه باللون الابيض فستان ناعم لكن فخم بشكل كبير واكتفت بتاج بدون طرحه وميك اب ناعم جداً يبرز ملامحها كانت ايه ايه بالجمال واهه ياهي فاتنه وفعلاً يابخت راعي النصيب
صرخت الجادل وتقدمت تحضنها:بسم الله عليتس بسم الله ماشاءالله تبارك الله تهبلين !!
شموخ:الله يقوي قلب تروك قدام ذا الجمال!!
فرح؛كل ذا الاناقه والجمال ومسميها ليل!!
الين :تشوفون اختي الحلوه شلون؟؟؟
الجادل:اي بالله نشوف بسم الله عليها!!
ابتسمت شيخه ونطقت:ماتوقعت يوم من الايام ان تركي يتزوج الجود!!
شموخ:صادز في ذي كان يقول عنها دلوعه
صرخت شموخ من قرصت ليال:وجع !!!
ليال بهمس :جبتي العيد
شموخ ناظرتها بصدمه:عشتي دور الامومه
فرح:يعمري شموخ ما انجلدت من ابوي في النهايه اسال تجلدها!!
شموخ بتمثيل للحزن؛تشوفين!!
ليال:يمه منتس بعدين اكيد عمي ما بيجلدتس!!
صرخت الجود برعب:بسس!!! بموت توتر وانتو تسولفون!
فرح:الزفه يلا يلا يلا !!
الجود:ما ابي ما ابي !!!
ابتهاج:يمه تستهبلين يلا انزلي!!
الجود:ماني نازله!!!
الجادل بحده:الحين تنزلين ولا بعصب
وطن بنفس الحده:وانا بعد يلا انزلي!!
ضحكت شموخ بعلو صوتها؛بمه تخرعون والله لو مكانتس انزل ركض
شيخه بعبط:اوه عرفت ليش ماتبي تنزل اكيد ابي تركي بسرعه
فتحت عيونها بصدمه وسرعان ماتوردت ملامحها وتعالت ضحكات البنات نطقت فرح:يلا ياحلوه انزلي
غمضت الجود عيونها بهدوء تحاول تهدي نفسها وشدت على مسكتها وتوجهت لمدخل الصاله و امامه درج
تعالت الالحان الزفه وتعالت دقات قلبها ابتدت تنزل مع كل دقه خطوه وتحاول تهدي نفسها من التوتر الي طغى على ملامحها اتسع ثغرها من عدت الدرج بسلام وقفت بنص وهي تسمع زفتها الي مليانه اعذب انواع الغزل والمدح
ارتبكت من نطقت ام مطلق:عيني عليتس بارده تفضلي يا امي اجلسي ما بوه حد غريب
جلست الجود وتنهدت :ياربي متى ينتهي كل ذا!
الين بهمس:اهدي يابنتي!!!
طغى الغضب على ملامح الجود:شتبي ذي!!
الين التفت وفعلاً شافت مريم متوجه لهم:اهدي ولا تهتمين لها!!
ابتسمت مريم بهدوء وجلست امام الجود:مبروك ياعروس
الجود :الله يبارك فيتس
مريم بحده:بس ودي اقولتس لا تفرحين لان تركي لي
تخصرت الجادل تناظره:ياحبيبي انتِ ماتتوبين؟؟
مريم:نعم؟؟ شتبين ولا عشان زوجتس انفتن فيني؟؟
الجادل ضحكت بسخريه:انفتن مره وحده!!! ترا حضن شفقه لا اكثر ولا اقل وبعدين تبين تركي يلتفت لتس وعنده ذي الحلوه
مريم نطقت وهي ناويه تستفز الجادل :والله ياحبيبي اذا تركي مايلفت لي اخوه موجود
ابتسمت الجادل ورفعت يدها تضرب مريم كف من قوته لفها بكبرها ونطقت بهدوء:عشان تعرفين مع مين وعن مين تحكين
جلست الجادل بجنب الجود وفعلاً كان مافي الا هم العائله ونطقت الين؛حي عينتس
الجادل ؛هذا قليل فيها لو تطيح بيدي مره ثانيه اعمدتها
تقدمت شموخ للجود:العريس بيدخل
ابتسمت الجود تخفي توترها وخرجو الكل بلى استثناء دخل تركي وابتسم من شافها بالفستان الابيض وشاده على المسكه وواضح عليها التوتر اقترب وهو مشتاق لملامحها بالحيل انحنى على ركبه امامها وقرب يده يرفع راسها ونطق بانبهار:لا عين بعد عيناك تُهوى ولا مبسم من بعد مبسمك يفتن!!
شدت على مسكتها زود من توردت ملامحها وابتسم:سبحان من سواتس يالجود
ارتبكت من قربه وعضت شفتها من انحنى يقبل عنقها ووقف يمسك يدها ووقف يتاملها واقفه امامه ونطق:محظوظ والله ان امي داعيه لي!
ابتسمت بخفه وشهقت من سحبها له يحاوطها ببشته:
مَا الذِي بعينَاك لتغلبُني هَكذا بإسِتمرَار؟؟
شدت ثوبه من طبع قبله على جرحها ونطق:نمشي؟؟
نطقت بهدوء :تمام!!
سحب عبايتها يلبسها ووقف من شافها تلبس النقاب وده يقبلها لكن منع نفسه ومسك ايدها يخرجون للفندق
طلعت شموخ:يمه وين اختفووو!!!!
فزت من قرصتها ام مطلق:انتِ شبلاتس صرتي ملحوسه وانتِ عاقله؟؟
شموخ:يمه وانا صادزه وينهم؟؟
ام مطلق:راحو الفندق تبين ياخذونتس؟؟
شموخ :يمه!!
فرح كتمت ضحكتها:سددت لتس وحده!!
ابتهاج:شموخ ما راح تتخطى!!
ام مطلق:الا ام فيصل كلمتني عشانتس يا شموخ وقلت يكلمون ابوتس
شهقت شموخ بصدمه:لا يمه يع ما ابيه
ابتهاج بسخريه:فيصل وشموخ لايقين بصراحه
______________________________
"أعذروني إن وجدت أخطاء إملائيه "