دخلت شموخ وانبهرت بجمالها:ماشاءالله تبارك الرحمن!!
دخلو البنات وما كانو اقل انبهار بجمالها ونعومتها وطلتها الهاديه لكن المذهله بنفس الوقت صرخو البنات يغرقونها بالمدح ضحكت من لطافة كلامهم؛بس بس !!
شيخه:والله يعيوني لا تلومينا دام ذا جمالتس!!
ضحكت الجادل:يمه بطني!!
شموخ:عادي اهدي باقي ساعتين بالكثير وتبدا الزفه
سرعان ما امتلت عيونها بالدموع من حضنتها وطن:يوه لا تخليني ابكي !!
وطن:اليوم مافي بكي اليوم بنرقص وبنبرد حرتنا!!
ضحكت شموخ:اجل يلا مشينا
ليال:يجلس مع جادلي وانتو انزلو
هزت شيخه راسها باتمام وصرخت:جاهزين!!
ابتسمو من ابتدت المطربه كالعاده بالمدح والاطراء على ال هائل وبناتهم وعيالهم وابتدو رقص وتمايل ودلع على اعذب واجمل الكلمات يعبرون عن فرحهم بالعرس الي كان منتظر من فتره طويله بضحكاتهم وحماسهم
عند الرجال:
نزل مطلق بشاه من ابتدا السامري وصف معهم وكالعاده كان السامري الخاص بديار حايل واهل حايل باعذب كلماته واعذب الحانه وتحت فرحتهم وابتسامتهم وابتسامة كبيرهم عقاب الي مايدري كيف يوصف فرحته ب اغلى حفيد عنده رغم انه يكابر مشاعره لكن الليله الفرحه طغت على ملامحه الليله افرحت الحزين يشهدون على عرس الشاب الشهم المعروف مين يكون
"مطلق بن عبدالرحمن" اخذ الي يحبها وانتصر اعظم انتصار يشوفه شي عظم وهو ارتباط اسمه باسمها بالنسبه له شي كبير وكبير جداً يحس قلبه يدق من فرحته يعشقها ويزيد عشقه لها في كل ثانيه
وقف محمد بعيد بالوقت الي اتفق فيه مع الجادل ينتظر نزول فرح يبي يبوح لها بالمشاعر الي بداخله ويخلي الفرحه فرحتين
عند الجادل الي نادت فرح :تكفين بس انزلي ضروري احتاجه!!
فرح تاففت :بس عشانتس
ارسلت لها الجادل بوسه بالهوا وابتسمت بانتصار بتجمع راسين بالحلال
نزلت فرح عند الباب والتفت محمد وقلبه يخفق ونطق:وقفي!!
تجمدت مكانها نطق وهو صاد عنها رغم انه حافظ ملامحها:فرح يافرحة مطلق انا جاي هنا والله نيتي مو شينه جاي ابوح بمشاعر كاتمها شهور يابنت عبدالرحمن لا تخذلين الي بهوا حبتس تاه قلبي تايه وانتي دليله يافرحة مطلق اقبلي تكونين فرحتي واجي اتقدم لتس والله اني عشقتس وعشقت اسمتس لانه فعلاً يمثلتس انتي فرح بالنسبه اكل وبالنسبه لي ادري مابتقولين شي الحين لكن انتظر ردتس على آحر من الجمر يافرحة مطلق
صد يطلع ورده لو شافها وهي بكامل زينتها لكن تذكر ربه وتعوذ من الشيطان
مرت ساعتين بسرعه كبيره وجت اللحظه الي بتنزف فيها الجادل لمطلق وقفت تناظر نفسها لثواني طويله وقاطع تفكيرها صوت شيخه :يلا مطلق تحت اصلاً ينتظرتس
وقفت يثبات ومسكت الورد بين يدينها وتنزل تحت انغام فنانها المفضل ابو نوره وكانت الزفه من اختيار مطلق مشت لين صارت قباله تجمد مكانه وكان البارت من الاغنيه في هذي اللحظه يوصف حاله :
واللي يشوفك من جمالك انبهر
لان عينه مابعد شافت شراك
يابدر نصف الشهر ياشمس الظهر
يامنتهى احساسي يا اروع ملاك
انلجم من طلتها الساحره وجمالها الطاغي الي قلبه خفق من شافها نسى الناس وسحبها من خصرها ونطق:اي والله صدق ابو نوره والي يشوفك من جمالك انبهر
ضحكت وذبحته بعذوبة ضحكتها ونطق وهو تايه في عيونها:العيون احلى من عيون المهاه
حاوطه ببشته يضمها له يستشق عطرها وهو ذايب فيها ومغرم جداً ابتسمت ونطق:انا حبيبي بسمته تخجل الضي
عضت شفتها تعشق نطقه لي اي شي تجرأت تقبل شامته عض شفتها وهو ذايب ونطق:ياسماي وصبح عمري وجه اقداري الضحوك!
ناظرته بهدوء ونطق:مرات احس اني أحبتس حيل ومرات احس الحيل مايكفي!! سنين عمري قبل اعرفتس حسوفه يابنت العم ياحبيبة مطلق وعيونه وقمري وكل النجوم
شهقت من رفع ذراعها يدورها تحت انغام ابو نوره
"بنة الحين يسال لو سمحتي سوال"
منذهل من جمالها ونعومتها سحبها لحضنه وقبل جبينه وابتسم من اختلط عطرها بطرف شماغه مشو يجلسون ولازال ماسكها من خصرها عشقه لها باين في عيونها وحبها استوطن قلبه
ارتفعت الالحان اول مادخل ابو محمد متقدم عياله وخلفه عياله يمشون بكل هيبتهم الي توضح انهم عيال ال هائل
تقدم ابو محمد يقبل جبين بنته ويحضنها:مبروك عساها زواجة الدهر
ابتسمت له تمنع دموعها تنهمر:الله يبارك فيك يانور عيني
التفت ابو محمد:لا اوصيك يا مطلق ذي نور عيني واول عناقيد البنات ذي الحب الاولي وعيوني الثنتين تنتبه لها
ابتسم مطلق يحضن عمه:بعيوني يعمي لا توصي حريص
محمد حضنها وقبل جبينها يبارك لها ويوصيها على نفسها واتجه لمطلق يبارك له ويحضنه وخالد بالمثل الا خلف كان خارج عن المالوف كعادته:وغد تكفى بروح معكم
ضحكت الجادل وقال مطلق:اقول اذلف لا العنك
خلف:اي ليش ساكته اخوتس دافعي عني
الجادل كتمت ضحكتها:خلاص مطلق اتركه
ابتسم مطلق:اتركه وبس لو تبين ارميه
ضحك ابو محمد:طاح الولد
ضحكت الجادل؛واذا طاح من يلومه ؟؟
ضحك مطلق:اي بالله من يلومني
طلع ابو محمد وعياله وماهي دقايق الا لحقهم مطلق
عند العيال طلع مطلق ونطق خلف:خروف بمعنى الكلمه
عبدالعزيز:انا غاسل يدي من من البدايه
مطلق:اجل تطردني زوجتي واقول لولييي
انفجرو العيال يضحكون ونطق خلف:زوج اختي البطل
علي:اخوي لو سمحت
ماجد:الحمدالله والشكر اذا الذبه تضحك يحبونك
خالد ضحك:ذولا حياتهم كلها ضحك ونوم
تركي التفت لمطلق بابتسامه فهمها تقدم يحضنه ونطق:انتبه لنفسك ياعريسنا
ابتسم مطلق يحضنه:ياهدب عيني يالنجم انتبه لروحك
تركي:ابد ولا يهمك انبسط انت تستاهل السعاده بشكل
حضنه مطلق:وانت تستاهل كل خير
تركي صد من شاف الجادل طالعه بمساعدة الجود ابتسم مطلق يمسك يدها ويركبها السياره والتفت قبل يركب:ودعناكم الله
ابتسمو الكل يودعونه لين خرج من ساحة القصور والتفت تركي من عرف عيونها:الجود؟
الجود:تركي؟
ضحك تركي لانها تقلده ونطق :كيفتس
ابتسمت له بخفه؛الحمدالله وانت
تركي نطق هالمره وهو ذايب في عيونها الكحيله:بخير دامتس بخير
ابتسمت تدخل وابتسم يتاملها ذاب لكن كان يكابر مشاعره وشعوره
عند العرسان :
نطق مطلق:ذبحتيني اليوم شذا الجمال؟؟
ضحكت الجادل:باقي ماشفت شي!!
مطلق سحب يدها يقبلها:والله انتس ملكتي قلبي من أقصاه لين ادناه
ضحكت وهي تسند راسها على كتفه ؛وين بنروح؟
ابتسم لها:وين ودتس؟؟
ابتسمت :ابي انام فقط تعبانه
ابتسم يتامل عيونها لين وقف عند الفندق ونزلو سوى متوجهين للجناح ابتسمت اول مادخلو وعلقت عبايتها وارتمت على سرير بتعب ضحك من منظرها وسحبها :قومي
قامت تناظر بوكيه الورد الي باللون الوردي الفاتح ووسطه علبه صغيره:الله ورد!!
نطق هو يتاملها:واصطف الوردُ أمامها ؛مؤدياً تحيةَ الجمال للجمال
سحب البوكس تحت ابتسامتها وسحب يدها يلبسها خاتم جميل جداً ناعم لكن فخم فزت تحضنه شد عليها بحب وهو ينتظر هذا الانتصار من زمان
ابعدت راسها عن كتفه تناظره وانحنى يقبل ثغرها،شامتها الي متوسطه عنقها ، شامات نحرها الكاشف سند جبينه على جبينها ونطق:تدرين؟ ان اليوم مميز اخترت يوم اربعة عشر من الشهر اليوم الي التقت فيه عيونا واليوم الي تكون فيه القمراء منظرها مريح للعين واليوم الي صرتي فيه بين احضاني
عضت شفتها من تذكره لاول يوم وصلو فيه حايل ونطقت بهدوء:يابعد حيي وميتي ياحبيبي
ابتسم بخفه:يا ايش؟؟
ضحكت بخفه ونطقت:حبيبي ولا انا غلطانه؟
قبل خدها الايمن:ياعمي حبيبتس رجع يقبل خدها الايسر وكلي لتس اخ شسويتي فيني يابنت عبدالله!!
تعالت ضحكاتها ونطقت:انت الي بليت نفسك!
مطلق:اذا هذا ابتلاء راضي فيه راضيي
نطقت بضحكه:بس بس خلاص بروح اغير
سحبها مد يدها :على وين؟؟
بلعت ريقها بارتباك :ماني مرتاحه بالفستان
كتم ضحكته ونطق:نغيره لتس ولا يهمتس
احمرت وجنتيها وضربت كتفه:وجع صادقه عمه حصه!
ضحك مطلق:قلت لتس ماني قليل ادب بس هذي فعايل حبتس
صدت عنه لكن سحبها يفك خيوط فستانها مرر اصبعه على ظهرها ونطق:خلصنا روحي
ميلت شفتها تخفي توترها ودخلت الحمام "اكرم القارئ"
لبست قميصها الاسود الحرير طوله ميد عاري الاكمام فيه فتحتين من الجهتين لفوق الركبه مسحت مكياجها وانتهت من عنايتها وتركت شعرها الي يصل لمنتصف ظهرها على راحته واكتفت بعطرها بعيد عن اي مكياج خفيف طلعت تشوفه جالس يشرب الشاهي بانتظارها تقدمت له:شتسوي؟
التفت لها وتاه فيها وفي نعومتها وانوثتها الطاغيه وجمالها الفاتن سحبها من ذراعها يجلس على فخذه:جميله جميله يابنت عبدالله !! بسم الله عليتس
اكتفت بابتسامتها الي تفتنه زود كمل غزله فيها كعادته :بنتِ محُيّاها أبهى من أبيات القصّيد الندّر
حاوطت عنقه وثبتت سواد عيونها بعيونه؛شلون ارد عليك؟
طبع قبلة على شامتها الي توسطت عنقها وتوسطت قلبه نطق:اثبات قدام عيونتس جهاد يابنت عبدالله سبحان الخالق الي أبدعتس مذهله ! اذهلتيني الحين انا ويني ثلاثه وثلاثين سنه مادريت عن بنت عمي!!
ميلت شفتها:الله اعلم مع مين كنت لاهي
ضحك بعلو صوته:حبي انا قبل عيونتس شفت كثير لكن قلب ما ارتاح الا معتس
سحبت خصله من شعرها تلعب فيها بغرور:يالطيب يصح لك اني اعطيتك وجه
ناظرها وابتسم:مغروره لكن بحق لتس
شهقت اول ماشالها بين احضانه وقبل خدها يرميها على السرير وينسدح جنبها ويسحبها لحضنه يقبل راسها ويتامل شعرها الطايح على صدره بشكل عشوائي وماهي الا ثواني الا غفى بتعب طلت دقايق تتامل ملامحه لين لحقته بالنوم
في بيت عبدالرحمن دخلو تركي وعلي يشوفون ابوهم يسولف مع شموخ وفرح الي منسدحه بتعب وامهم الي تهمز رجولها نطق تركي يضحك من منظر فرح:سلام عليكم
فرح :الملحد اسلم
ابو مطلق:ردي السلام يابنت
علي ارتمى بتعب:ما اسامح مطلق انسحب وخلانا
ام مطلق بسخريه:تبيه يتامل وجهك؟؟
شموخ سحبت مزيل المكياج تمسح مكياجها ونطق علي:اش حاطه على وجهتس
شموخ :تبن تبي؟
ضحك علي:ياساتر بالنفسيه
فرح:احب القعده الي بعد كل عرس فوضى بس تجنن!
تركي:ظهري يوجعني بموت
سحبت ام مطلق المخده ترميها عليه:فال الله ولا فالك ياتافه
علي:ناقه لو قلتيها لي سبع بس لتركي مدحه
شموخ:المهم يبه حريم ابو جهاد جو والله ما قصرو
ابو مطلق:اي والله والنعم فيهم اذا خطبو بعطيتس ولدهم
شموخ:يع طعوس عياله !
ضحك ابو مطلق:وماشفتي لي عروس
شموخ:واجد بس انت ازين منهم
ام مطلق رفعت حاجبها:بالله عليتس؟؟
ضحكت شموخ:توني بقول مابوه زي حصيص
التفت ابو مطلق لتركي الي يحارش فرح:الا وين ابو سلمان
تركي رفع حاجه:صقر؟
ابو مطلق:لا عمي اجل من
غصت شموخ بالشاهي:نعم؟ صقر حضر؟
علي بحده :وانتي شدخلتس؟
ابو مطلق بنفس الحده :صادق وش دخلتس؟
تركي بتقليد:صقر حضر ننن!
انفجرت فرح تضحك:يعمري شوشو اكلوتس
شموخ:يالله افهمو! انا يوم رحت مع مطلق تهاوشو ف حزنت علاقتهم حلوه
تركي :لا تحزنين مالتي شغل
شموخ :ورع صوتك لا يرتفع لا كف
ابو مطلق ناظرها:ترا بيجيتس كف اذا سالتي عن احد غير ابوتس
ضحكت شموخ:شذا الغيره والغيور الحلو
فرح:ماتخطيت هادي كيف استقعدتو له
تركي :مطلق جالس بينهم وحاضن شيخه فيك خير قرب
علي:الله يعين الي بيتزوج عندنا
ام مطلق:والله يعين الي بتاخذك
علي:حرام ترا بتندمون بعدين
ركضت شموخ تسحب علي من ثوبه وتحضنه:ولدي ولدي
ضحك علي وباس يدينها ؛بنت تراني اكبر منتس؟
ضحكت شموخ ونطق علي:اجلسي ابي اتسدح!
ضحكت وتربعت وحط راسه في حضنها كعادته وكعادتها تظفر شعرها ونطق ابو مطلق:وين صقير؟
تركي :قال بيروح يستاجر وقاعد مع الشباب
ام مطلق:اعقب ياصبي رح ناد الرجال وخواتك يجهزون المجلس
فرح:والله ما اقوم انا شدخلني
شموخ:خلاص انا بقوم
علي:لا تكفين مستمتع لا تقومين
ابو مطلق بحده:قم خل اختك تشوف شغلها وانت رح ناد صقر
قام تركي متجه لصقر الي يدخن وتايه بالهواجيس:
يبو سلمان
فز صقر طلع زقاته يطفيها :اهلاً ابو داحم
تركي:يلا امش معي داخل
صقر:بروح استاجر والله
تركي:علي بطلاق ماتروح يلا امش
ضحك صقر:العب وصرنا نطلق؟
تركي:ثقيل دم وانت صاير زاحف تدخن؟؟
صقر:الي مهموم ماله الا الدخان
ضحك تركي من تذكر كلام شموخ:والله في ناس يقولون الشاهي افضل من الدخان للمهموم
صقر:والله صح لسانه الله يهدينا
تركي؛ياكثر الحتسي امش
صقر بسخريه:بتنام جنبي ؟
تركي بتقليد :ياي محظوط
تركي ضرب على كتفه:ادخل المجلس وانا بروح اجيب لنا شاهي ورانا سهره
ابتسم صقر ودخل المجلس لكن تجمد مكانه من شاف قدامه بنت لابسه فستان باللون الكحلي بدون اكمام ماسك لحد الخصر فيه نفشه خفيفه من تحت طويل شعرها الي بلون البن يوصل لحد خصرها منسدل على طبيعته ارتعد من سمع صوتها تغني وتميل تعدل الفرش بلع ريقه من تفاصيلها المذهله التفت شموخ من حست بالباب انقفل لكن تراجعت برعب من شافته قدامها وليتها ما التفت الجمته بجمالها بملامحها الهاديه بعيونها العسليه الناعسه نطق بذهول :مين انتي؟؟ شاف كثير لكن مثل ذا الجمال ما شاف حتى ابتهاج ماقد شاف منها الا عيونها لكن صحى من نطقت بحده:صد!!
صد بصدمه وعضت شفتها:شلون بطلع لو شافني تركي ذبحني!!
ارتبك زود من توترها وسمع خطوات تركي وتقدم يسحبها من يدها :ابعددد
سحبها من خصرها لخلف الباب ونطق بهمس:اشش عشان نطلع سالمين!
عضت شفتها اول ما انفتح الباب وشدت على ظهره بتوتر نطق تركي باستغراب:الله وينه
دخل علي :وين ابو سلمان ؟
فتحت شموخ عيونها بصدمه كتم انفاسها بكفه وهز راسه يالنفي بمعنى لا تصرخ
رجعت راسها على الجدار بتوتر تنتظرهم يطلعون عض شفته وصد وهو يستغفر من شاف عنقها ونحرها كاشف
علي:ياولد شغل المكيف واطلع حر
تركي:اي وبروح لشموخ تسوي شاهي
هز راسه علي بايه وخرج تركي ولحقه علي بعد ماشغل المكيف وقفل الباب دفعته ونطقت بتوتر تشد شعرها:لا لا بيذبحني رايح لشموخ وينها شموخ هنا ياربي
نطق بفهاوه:انتي شموخ؟
التفت له:وجع صد!!
صد صقر :بتطلعين؟؟
شموخ:ياربي شذا الغبي اجل بسولف معك
صقر فتح طرف الباب :مافي احد اركضي
رفعت طرف فستانها ودفعته تركض للخارج او بالاحرى للدرج ناظرها تركض ابتسم ونطق:اقبل ينط الشارع مثل الغزال الفازع!
فز من نطق تركي:منهو؟
بلع صقر ريقه بتوتر:منهو؟
ضحك تركي:ياغبي انا اسالك منهو الغزال الفازع
صقر حك راسه وهو يضحك:اغني شدعوه؟
تركي قرب يشم طرف شماغه؛ريحة العطر رهيبه من وين
رفع تركي طرف شماغه غمض عيونه من تذكر يوم حاوي خصرها واختلط عطرها بطرف شماغه :هاه والله مدري اخذته من اختي
علي:ادخلو حر الله ياخذ عدوكم !
ضحك صقر :اي بالله حر مو طبيعي
عند شموخ اخذت نفس ونزلت تركض:فرح!!!
فزت فرح :وجع بغى ينكب الشاهي!صبر ريحتس عود مو حضنتس
عضت شفتها شموخ ونطقت:صقر
فتحت عيونها بصدمه:ويش!! ونطقت بتقليد صقر حظر!
شموخ؛لا والله مو الي في بالتس صبر كنت اعدل اهم الفرش والتفت الا هو وراي وف خفت يجي تركي وهو سحبني وراء الباب عشان مايشوفنا!
فرح تخصرت:بالله وكيف حضنتس؟
شموخ حك جبينه واشرت على خصرها ونطقت فرح:تستهبلين شافتس كذا ياحبيبي
شموخ:واذا شافني كذا خلاص بطقاق انسي!!
فرح:تشوفين شكلتس شلون يطيح الطير من السماء
ضحكت شموخ:حبيبي والله انتي الحلوه
فرح:صدز عالم موازي
شموخ:بروح ابدل وحطي لي شاهي
فرح:يالله غبيه
شموخ رجعت تحضن الباب ونطقت:شسمه ترا محمد موضوعه باقي في راسي
ميلت شفتها فرح ورفعت حواجبها:ترا ذا الباب مو صقر
شموخ صرخت بعلو صوتها:انقلعي تسلبه
غمض عيونه تركي بغضب ورفع صوته من المجلس :الصوت!!
شموخ:هذا وهو صوت او درى اش صار؟
فرح:مندي ثلاث ايام
شموخ ابتسمت:شكراً ارتحت
فرح:انقلعي غيري وودي لهم الشاهي
شموخ:مالي شغل انتي ودي
فرح:طيب!!
رحت فرح تنزل الشاهي وتدق الباب وتنسحب دخل علي الشاهي:من زمان عن ابو سلمان
ضحك صقر:بنشب لكم ولا يهمك
تركي:اي وشخبار نجد؟
صقر:تسلم عليك
ضحك علي:يونس اخذك مسخره
تركي سحب الشاهي ونطق؛الشاهي حلو بس مو زي اللي ابي
علي:اي بالله شموخ ماسوته ولا الشاهي حقها رهيب
تركي:ولد!!
علي :اسم بس يالغيور!
ضحك صقر ونطق بهمس مو مسموع:واقفه على الشاهي هي بكبرها تاخذ العقل
تركي:قلت شي؟؟
صقر :قلت ماشاءالله وجهك جميل
تركي:عايله مزيونه ماشاءالله علينا
ضحك صقر ونطق بنفس الهمس:اي بالله مزيونه لو اشوفك جنبها اقل مو اخوها
تركي:انا ترا بصفقك ماغير تهمس
حك جبينه صقر:ياخي فيني نوم
تركي:اجل ارقد باكر العزيمه ببيتنا
طلع علي وصرخ:شموخييييي
طلعت وهي تضحك وتلعب بشعرها يمين ويسار وبيدها كوب الشاهي وتدندن:من يوم عرفتك وطعم ما ذوقه
ضحك يمسك يدها يدورها وطلع تركي:شعندكم؟
ضحكت شموخ:نرقص!
ابتسم صقر من خلف الباب من كمية لطافتها وروقانها وجمال ضحكتها:استغفرالله وابتهاج؟ بس باعتني ب اخس الاثمان!
ضحك على تفكيره فيها وسرعان ما دخل في نومه بعد تعب العرس والسفر
في صباح اليوم الثاني عند ابطالنا:
شافت ساعتها وكانت الساعه ثمانية ونص تركت كوب الشاهي قفت ترجع شعرها وراء اذنها وتقرب منه:مطلق
فتح عيونه وهي قدامه:الجادل؟
ضحكت بخفه:قم
رفع نفسه يقبل ثغرها وقام وهو مبتسم:كذا يبدا صباحي
ناظرته بصدمه:وقح!
ضحك يدخل ياخذ له شور ووقفت لدقايق طويله تتامل منظرها لابسه فستانها الاسود الحرير يوصل لتحت ركبتها ولابسه اكسسوارتها البسيطه ودبلتها وشعرها على طبيعته ومكياجها الناعم ابتسمت من حاوط خصرها من الخلف وقبل كتفها ناظرته:ولد غرقتني
نطق بعبط:بحبي؟؟
ضحكت بعلو صوتها؛انت الي غرقت بحبي قصدك؟
قبل غمازتها :صح عليتس!
التفت له كان عاري الصدر والمنشفة محاوطه خصره:البس ثوبك الابيض
مطلق:بلبس الكحلي
قربت تحاوط عنقه:تكفى البس الابيض!!
بعث شعره وشتت نظره:بنت اعقلي
ضحكت بعلو صوتها:خفيفي
حاوط خصرها ورماها على السرير:
أجمَل وِجهَاتِ النَظَر وَجَهُكِ
الجادل:مطلق ابعد!!
كمل مطلق وهو يمرر يده على عنقها وينزل لنحرها :
اي فريدَة الجمالُ والجيم كافُ
الجادل عطن يدها على صدره:مطلق بنتاخر!!
مطلق نطق بتخدير:ياقمري ليش نروح بدري؟ نستمتع شوي
كانت بتتكلم لكن الجمها يشد على كفها يقبل ثغرها وينزل لعنقها ياخذ مساحته الخاصه ابتسم من ارتخت بين احضانه ...............
في قصور ال هائل تحديداً بيت عبدالرحمن :
شموخ:يا تسلب قم!!
تركي:وششش؟؟؟
شموخ:بسرعه رح قول ل اللي تحت يقوم ابوي يبي المجلس
تركي نطق بنوم:انتي قولي لها
صرخت شموخ وفز تركي:الله لا يلعنتس!!
شموخ مدت لسانها:احس تستاهل حمار
نزلت شموخ وطاحت بتمثيل وسرعان ما مسكتها ابتهاج من خصرها:شفيها ذي
شموخ:دخت !!
كتمت فرح ضحكتها:الحلم قوقو والواقع ابتهاج
وقفت شموخ ورفعت فستانها تركض وراء فرح:والله العن شكلتس!!!!
شيخه:صبر من قوقو؟؟
فرح بتمثيل سحبت شموخ من خصرها:اش عشان نطلع سالمين
انفجرت شموخ تضحك:تسلبه اخر مره اعلمتس!!!
شيخه:شصايرر قولو مين قوقو
ليال:لقيتها!! صقر
كان واقف خلف باب المجلس وابتسم من سمع السالفه
نطقت ابتهاج باستغراب:صقر؟؟
شموخ ناظرت فرح:يالطيبه فكي خصري عجبتس الوضع؟
ضحك صقر :والله الي يمسكه ما وده يفكه يا اخت مطلق
شموخ:السالفه خايسه مره صقر مادرى عني وانا ما دريت عنه!
ابتهاج ابتسمت:تصدقين تزوجيه؟
شموخ:لا شكراً ما ابي
شيخه بتمثيل:قوقو خلى شموخي تخضع
شموخ التفت لها:انا ما ارضى الخضوع لو سمحتي
فرح:تخيلت يجيب راستس
شموخ:ما ابي الحمدالله مكتفيه بنفسي
ابتهاج ميلت شفتها:شلون شافتس
عقدت حاجبها شموخ :بفستان العرس
ضحكت ابتهاج تكتم غيضها:تلقينه خق ولا؟
شموخ تعرف ان ابتهاج ماعندها مشاعر لصقر من شهور تقريباً ونطقت :والله لو انه ايش يحبني بذي السرعه
غمض عيونه وهو فعلاً ميز صوت شموخ لكن ما عرف صوت ابتهاج الا بعد فتره تنهد وطلع من الباب الثاني
بعد مرور ثلاث ساعات عند ابطالنا:
فتح عيونه يحس ببرودة الغرفه ونزل نظره ل الجادل الي بحضنه سد راسه من شاف الساعه وتاكد انه تاخر نطق بهدوء:الجادل،جادلي
فتحت عيونها بانزعاج من صوته ابتسم لها :قومي تجهزي يلا تاخرنا
احتقرته: بالله تاخرنا؟
كتم ضحكته:يلا وبجهز لتس شاهي
ناظرت شماغه وثوبه معلق بجنب فستانها الحرير نطقت:كريه!!
كان بيتكلم ونطقت بتقليد:انا مو قليل ادب بس انتي حلوه
ضحك بعلو صوته:حلو صرتي تعرفين؟
هزت راسها بايه واتجهت للحمام "اكرم القارئ" تاخذ شور للمره الثانيه ومطلق لبس ثوبه وخرج لجناح ثاني ل اجل ياخذ شور ويجهزون بسرعه
طلعت لها فستان ابيض يغطي عنقها وتركت شعرها على طبيعته وكملت تجهيزاتها بشكل عادي والتفت من شافته يتاملها بثوبه وشماغه نطقت ب ارتباك:ابعد !
ضحك يحك جبينه:شدعوه لذي الدرجه؟
ضحكت من ضحكته وسحبت عبايتها على يدها :شرايك؟
ابتسم بهدوء :أبسط تفاصيلك مُلفته
ضحكت من قرب منها وارتفعت تقبل ثغره:خلاص يلا امش
مسك كفها:حلو تفهميني
لبست نقابها والتفت وشد على كفها:مذهلتي!!
باست خده:يلا؟؟
ابتسم وطلعو للسياره ومد يده ل المسجل وشغل اغنيه ونطق:اهداء لتس
ابتسمت بهدوء وسمعت الاغنيه وجزء كان مقصد مطلق تسمعه "ياعيوني وإبتسامي وأعذب صدوف الليالي"
التفت لها:كانت مجر صدفه وأنخلق لي من بعدها حياه
رفع يدها يقبلها وما كان مرتاح في طريق لذي الدرجه بجنبه،في بيته،على ذمته يعشقها ويحبها وتحبه تكون ام عياله وتكون ام نجمه وقمره ؛ام نجمه
التفت با استغراب :نجمه؟
ابتسم يلتفت لها:انتي قمري وبنتنا نجمه زي ما نورتي حياتي زي القمر ينور هانت الليل ونجمه بتزيد النور نورين
ابتسمت ونطقت بحماس:يجننن!!!
ضحك بخفه:ام نجمه وقمري
_______________________________
"أعذروني إن وجدت أخطاء إملائيه "