مطلق:هاذي الحب بس نغير جو عاد ركبنا مكيف يكسرررر
طلع عقاب وابتسم من شاف مطلق:واخيراً شرفت
مطلق عقد حاجبه من ابتسامته :انا؟
عقاب:اي اجل الحمار؟!
حك جبينه وضحك:هلا اس بغيت
عقاب:بغيتك
مطلق :في شي؟
عقاب:امش وجيب معك شاهي انتظرك في مكانك
ابتسم مطلق من تذكر المطل الي يطل ع الجبال:الله ي الذكريات
عقاب ضحك بعلو صوته ومد يده يطبطب ع كتف مطلق:ايام الحب وايام الهواجيس يلا انتظرك هناك
ابتسم مطلق من عرف ان جده ب امس الحاجه ل جلستهم :خلاص تم الحين بس ب اسوي الشاهي واجيك
طلع تركي وعقد حاجبه من شاف جده يمشي ع عصاته:وين رايح
مطلق:رايح مكاني ويبغاني
تركي:ودي اعرف وش تحسي انت وياه
مطلق:والله وانا اخوك مابوه شي
تركي طبطب ع كتفه:يلا وانا بودي العيال الخيمه
مطلق:الله يعين جدي مالقى الا انا يحبني
تركي:والله انك فرحان اقول امس سو لكم شاهي
ضحك مطلق ودخل متوجه ل بيتهم طلع ماجد:يلا
تركي:الا بسالك مجود
ماجد:لبيه اسال ؟
تركي:مو مريحني سلطان احس بيغدر فينا
كان ماحد بيتكلم لكن فز من سمع صوت محمد:شدخل سلطان
تركي:هاه؟؟
هادي ابتسم ونطق بهدوء:سلطان خويهم
محمد:اهااا احسبه ذاك الرخمه
تركي حك دقنه الي صار كثيف وهم مو عاهدين دقنه وراقب محمد لين ركب السياره والتفت ل هادي:والله ي النسيب اقديت
هادي ابتسم بخفه:واجبنا ي النجم
ماجد تنهد براحه:بغى قلبي يوقف!!
تركي:اي والله عدت ع خير وانا اخوك
ماجد:امش امش الا وين مطلق
تركي:جدي يبيه وبيني وبينك قفطونا اكيد
ماجد:تمزح؟ كيف جدي ساكت!!
تركي:جدي بيتصرف لكن في الوقت الصح ولا ذا ابو دبلان مايخفى عليه شي
ماجد:اي والله يصيدك من عشرين كيلو
تركي:قسم بالله ومطلق قفطنا نص نص
ماجد:احسن عشان اذا ورطنا التسلب سلطان يوقفون معنا
تركي :حنا بتوضح سالفة سلطان اكيد اكيد لكن مو الحين
ماجد تنهد :خل عرس مطلق يعدي والي يصير يصير
تركي:اي والله صادق
خالد بقرف:اعجبتكم الجلسه اجيب لكم قهوه؟
ماجد ضحك بعلو صوته:نسينا منكم
محمد:امشو امشو
عبدالعزيز تثاوب بملل:جاني نوم اعجلو!!
ركب تركي ولحقه ماجد:مشينا؟
محمد:لا ي حبيبي انخمد بعدين فكر امشي
ضحك تركي ومشى متوجه فيهم ل الخيمه الي مكانها كان من اختيار مطلق مكان منعزل هادي بعيد ع العالم
عند مطلق الي كان في مطبخهم يسوي الشاهي ويدندن بخفه مع انغام فنانه المفضل ابو نوره تلاحم صوته وارتفعت نبرته ونطق بصوته العذب: لك حبيبٍ ما نسى كلمته دايم عسى سكت ومد يده الي جملتها عروقه البارزه يسحب اللبتون ويحطه في البراد وابتسم مع الانغام ابو نوره الفريده :
كل زين اشاهده و انتم بعيد منوتي ليتك معي!
تنهد بخفه ونزل نظره ل النار ولا زال مبتسم يراقب النار وهو يخفضها بخفه كان لطيف حتى مع اللهب لكن سرعان ما انطفى الراديو وانقطعت هواجيسه واعتلى صوت ضحكته من اليدين الي كساها الحناء ومحاوطه عيونه:مين انا؟
ابتسم ونزل يدينها يبوسها ويشم ريحة الحناء الاحب ل قلبه:جنتي وبعد كل الخلايق واغلى مخلوقه ع قلبي
ابتسمت من انحنى لين صار بطول امه وحضنته:يبعدي ي بكري ي اول فرحتي
ابتسم بحب يحس بحنيتها الطاغيه بيدها المليانه تجاعيد الي تطبطب عليه فيها رفع راسه يناظر ملامحها الجميله الي رغب كبرها لا زالت جميله حاوطت بكفينها وجهه ونطقت:مبسوط ؟ راضي عن حياتك ي امي؟؟
ميل وجهه يبوس باطن كفها:مبسوط وب احسن وافضل حال ومبسوط بوجودكم خوالي جعلني ما افقدكم
نطقت بصوتها الحنون :تحبها؟؟
رجع نفسه ل الخلف وسند ظهره ع الجدار ونطق:احبها وبس احبها اكثر من اي شي رايته او تخيلته في الارض سرقت كياني احتلت تفكيري اتمنى اغرق في بحر حبها كنت ب انتهي بغمضة عين جت لي مثل الشروق الي محى عتم الليالي حدثت ابله عنها كثير بالله مو اعظم حب الدعاء؟!
ابتسم ام مطلق ب لطف:عوض الله لا ياتي عادي ي وادي صبرت ونلت ودعيت وربي رزقك ب احلى واجمل انسانه
مطلق مسك راسه و عض شفته:اي والله فاتنه
فتحت ام مطلق عيونها بصدمه :ي قليل الحياء
مطلق:اش قلبتس؟
ام مطلق:كنت منضبط والحين تتغزل صدز تسلب
مطلق:حرمتي حلالي ملكي يحق لي ومايحق ل غيري
ام مطلق؛لو مالحقت عليك ذاك اليوم كان احفادي يلعبون هنا
مطلق:اوله لو اني ايش ماسويتها في بر
ام مطلق:حسبي الله قليل ادب خذ الشاهي واذلف
سحب براد الشاهي وغمز لها:بالله بوسي لي الجادل
ام مطلق رفعت الشبشب وفتح عيونه بصدمه:اخو العياللل
فرح طلعت برعب وماشرفت الا غبار مطلق الي انحاش:وش بوه
ام مطلق:اخوتس قليل الادب
فرح ضحكت بعلو صوتها:مطلق صح
ام مطلق:الشكوى ل ربتس ادخلي ادخلي ل البنات
فرح دخلت وهي تضحك ونطقت شموخ:شبلاتس؟
فرح :ولا شي مطلق استفز امي
الجادل عقدت حاحبها:شمسوي
فرح:اخوي قليل ادب وامي قالت نفس الكلام اكيد ارتاح لها
احمر وجه الجادل من تذكرت موقفهم الي قدام ام مطلق وصدت وهي متوعده فيه
عند مطلق الي وصل ل مكان المتفق عليه هو جده ابتسم من شاف عقاب متكي وساند ذراعه ع المركى وابتداء مشواره مع الهواجيس تقدم يجلس بهدوء يتامل مكانه الي لطالما احتضنه ب حزنه وفرحه ب انكساره ب خذلانه ب انتصاره ب نجاحاته كان افضل له من كثير اشخاص ابتسم من تذكر ايام كتاباته وكم كتبت وفرغ مشاعره الحزينه فز من ضربة جده:من متى هنا؟
ابتسم :توي مالي وقت كيف الهواجيس
تنهد عقاب بتعب يهز ضلوعه:تعبت
ابتسم ل المره الثانيه وعرف جده يحتاج يقرا مشاعره ونطق:أيقنت بعد سنين حياتك شي؟
ضحك عقاب ب الالم كبير:ايقنت اشياء واولها كثر العطا يورث الحسايف
صد مطلق بنظراته:قلتها لي قبل ثلاث سنوات وقبل اربع شهور ايقنت معناها
عقاب:تالمت؟
مطلق بلع ريقه :احترقت وارتسمت الفرحه ع وجيهم من دخاني
عقاب تنهد بخفه:لكن لقيت لك حضن يحتويك
مطلق:وعوضني كثير ونساني الم وجروح ماتنسى
صد عقاب ب عيونه:اخ ي مطلق تراها تبطي بس ماتخطي
مطلق:هدمتهم؟؟
عقاب نطق والعبره خانقته:وهدمتني ب اخر شي بقى من اخوي سندي وهدب عيني
ارتعش وارتعد جسم مطلق وارتجفت يده بشكل مرعب من اخر كلمتين نطقها جده وكمل عقاب:خسرت اهلي واحرقوني لكن قويت وصوت انسان ثاني
صد مطلق وطلع دفتره من جيبه وسحب اخر صفحه سحبها من بين كل الاوراق ونطق:خذ
عقاب عقد حاجبه وكمل مطلق:امسح ادموعك ب ابكي الي انتهت
عقاب ضحك بسخريه:وش اكلمك جنب المي؟
مطلق: في قلب كل شخص قصه لا يعلمها الا الله
عقاب صد يمنع دموعه لكن خانته وارتعد مطلق من صوت جده الباكي الي ماسمعه من شهور:فقدت اغلى اثنين
مطلق:اذكر الله
عقاب:ونعم بالله
عم الصمت ل دقائق طويله ونطق عقاب يكسر الصمت والهواحيس الطاغيه:كيف حياتك مع الجادل
نطق ب ابتسامه ارتسمت ع منطوقه:دخولها ل حياتي هادئ حنون لكن اصبحت ملاذاً لي وكان يبعد عي كل طاقه سلبيه تدرك صمتي تلمح نبرة تعبي صارت نصفي صارت كلي
عقاب سحب كاس الشاهي وضحك:سلبت العقل بنت عبدالله
ضحك مطلق:كانت نظره لمدة ثواني ازهرت قلبي مئة عام
عقاب:رجعنا ل الغزل
ابتسم بخفه وغمض عيونه عض شفته ونطق وهو يتذكر منظرها:رائعه بشرها الاسود
وقف عقاب من شافه سرح بخياله ومشى متجه ل البيت ولا زال مطلق ع نفس الوضع ينسى نفسه وينسى العالم اذا شافها او تخيلها فتح عين وحده يناظر وضحك من شاف جده اختفى انسدح :وهو يشرب الشاهي :يكون احسن اتخيل قمري ل حالي تذكر منظرها سحب دفتره وانحنى يكتب اقترب عقله ل قلبه كثيراً وابتدا يوصف منظرها الفاتن من شعرها الاسود وعيونها الواسعه الي كساها اللون الاسود وخدها الندي وثغرها الي لطالما كان نقطة ضعفه تفاصيل نحرها وشاماتها الي كانت تصيبه في المقتل خاصه المتوسطه خصرها طولها جمالها ابتسم من انتهى وسند راسه:ماشاءالله تبارك الرحمن فزت وفاز قلبي بها
ابتسم من سمع الاذان وقام يشيل اغراضه ومشى متوجه ل البيت ينزل الاغراض دخل المطبخ وابتسم من شافها واقفه تغسل بحكم انهم متجمعين ب بيت عبدالرحمن قفل الباب بخفه وتوجه لها ومد يده يحاوطها من خصرها وانحنى يبوس كتفها ارتعبت وكانت بتصرخ لكن التفت عليه بغضب من عرفته من ريحة عطره :وجع خرشتن!
ضحك مطلق :الشوق غلاب
الجادل صدت:شمسوي ل عمه واش قايل لها؟؟
مطلق:اهاه ما وصلت لتس بوساتي؟
الجادل:لا شكراً ما ابي
مطلق قرب منها ونطق بصوت هادي:في شعره في عيني ودتس تبعدينها؟؟
الجادل شهقت من فهمت مقصده :ورع مو هنا!!
مطلق سحبها له وكان بينطق لكن سرعان ما سحبت السكين:ابعد
ضحك بسخريه:ماترضين علي
الجادل:عادي اصير ارضى
مطلق:اش قلبتس علي؟؟
الجادل:فعايلك!!
مطلق بحركه سريعه سحب السكين:اي كملي
الجادل:وجع ي التسلب!!!
مطلق صد :افااا انا تسلب
ضحكت ضحكه اوجعت قلبه من شدة جمالها :كذا تزيدين رغبتي
فتحت عيونها بصدمه:وجع وجع مطلق!!
ابتسم وكتف يدينه:شوفي والله مو قليل ادب بس انتي حلوه بزياده
ضحكت بعلو صوتها :يلا طيب الحق الصلاه!!
فز برعب وطلع يركض:يويلي الصلاه!!
الجادل:خل قلة الادب تنفعك
ضحك وتوازن يكمل طريقه ل المسجد وصل وقف عند الباب لكن لفت انتباهه سيارة بهبهاني باللون الاحمر اتسع ثغره من تاكد من اللوحه وركض متوجه لها :ورععع
فز صقر برعب:الله يخرشك ي شيخخ كذا تستقبل ضيوفك؟؟؟
ضحك بعلو صوته:تدري بي ما اعرف اعبر عن مشاعري الا اش عندك هنا؟
صقر:والله وانا اخوك جاي ادور لي بيت وانجز كم شغله
مطلق:ماشاءالله قررتو خلاص تنقلون
صقر؛والله ابوي غصب اقتنع
مطلق:صعبه والله تخيل تعيش طول حياتك في ديره وتنقل غيرها
تنهد صقر يتعب:والله صادق تعب اصلاً ومشوار
مطلق:تهون هونها الا اليوم عشاك عندنا
صقر:لا يرجال فكني مالي خلق حتى اتنفس
مطلق:يرجالللل عشاك عندنا والله لو تتاخر لا تنجلد
صقر بتنهيده:والله عارف واعرف حايل ديرة الكرم واعرف انكم ماتقصرون معي لكن والله مالي خلق يوم ثاني
طاح مطلق يضحك ونطق:واضح متازم
صقر:جداً جتني فوبيا كل ماجيت لحم لحم
مطلق:طيب خلنا نلحق الصلاه بعدين يصير خير
صقر حك جبينه:في مسجد ثاني؟
مطلق:يوه خايف يحلفون عليك؟؟
صقر؛قفطتني بس ذا الصدق ي رجال
مطلق:امش امش نصلي بعدين نروح يم الخيمه؟
صقر:اي خيمه؟
مطلق:اي اشتريت خيام ومكانها استراتيجي
صقر:بالله والدكه مسحوبن عليها؟
مطلق:لا بس تسليه
صقر:اجل تم بس فكني من جدك وعمانك وخلنا نصلي وننقلع
ضحك مطلق وسحبه صقر يدخلون المسجد ل صلاة العصر
عند البنات في بيت عبدالرحمن:
الجادل:بنات شرايكم نطلع نتجهز ل ملكة تركي
فرح: ي بنتي صاحيه؟!! كلهم طلعو مابوه احد
الجادل:ابوي موجود وعماني !! وهادي بعد
شيخه:عندتس كل الاخبار
ابتهاج:لقينا ناقلة العلوم
الجادل ضحكت بحماس:طبعاً عشقي ذا المجال
شموخ:ياربي متى تخلص ذا الزواجات تازمت
ابتهاج:بنات تصدقون ودي مانتزوج احس جماعاتنا كذا احلى
فرح؛تخيلو بعد سنين نتجمع هنا ب عيالنا!!!
الجادل:يوه ما اتخيل انا اكون ام!
شيخه:ب اسلفتس هياف طبقي عليها
الجادل:احب الاطفال وحنونه بس ماني خويتهم
وطن:اي صادزه
بعد ما مرت ساعات طويله وصار المغرب وقف البهيهاني الاحمر عند الخيمه ونزل صقر ولحقه مطلق توجهم يدخلون ونطق صقر:شرايك نصحيهم بذكرى لا تنسى؟
مطلق:والله ام بس فكر
صقر:بجيب المسدس
عقد مطلق حاجبه :نعم؟؟
طاح يضحك بشكل هستيري وصحو كل الموجودين من صوت ضحكته المرعبه نطق تركي برعب:وجع شفيكم؟
مطلق:انا ادري عنه ؟؟
وقف صقر وهو يرتجف من الضحك:قلت له بجيب المسدس عشان اصحيكم وانخرش
خالد:قصدك تخلينا نرقد ل الابد؟
صقر:يوه طلعتو نفس التفكير قصدي حق المويه
خلف حك راسه بقهر:تسلب ؟بقره؟ثور؟؟ اسمه رشاش مويه
علي تثاوب ملل:حتى الواحد ماتخلونه يتخمد زين!!
صقر:انت متى صحصحت طول حياتك راقد!
ماجد:اغبياء دزو كانت نومه بطله
تركي:الحين اكتشفت في شخص اسمج من خلف ومطلق
مطلق:ورع احترم اخوك الكبير
عبدالعزيز قفز من الصندوق:ياليلللل شعندكم تهدرون
صرخ محمد برعب:اش جابكككك
عبدالعزيز:يلعنك والصوت كنت طفشان وشفت مطلق وصقر قلت انط معهم واسوي لكم مفاجاه
خالد:والله فاجعه
خلف:صح لسانك ي اخوي
مطلق تقدم ومسك ياقة ثوب عبدالعزيز ونطق:ويمين ب الله لو تجيب طاري ورعك الي ما انولد حتى ماتكون حتى مانعلم وش هو ان اصفقك
صقر:العب ماشاءالله بتصير اب ي ورع
عبدالعزيز:ترانا نفس العمر اركد
تركي:مطلق قال الي في خاطري لاني صبرت كثير
خلف التفت وشاف سيف معلق ونطق بعبط:هذا سيفاً
ذهباً
طاح مطلق يضحك بشكل هستيري ولحقه صقر ولحقهم خالد ونطق علي:كيف تذكرتها
خلف:هو انا نسيتها
عبدالعزيز بتقليد سحب السيف وقدمه ل ماجد الي سحبه بقوه:جميل جداً هذا سيفاً ذهباً
محمد:ولا حياكم الله وبياكم
خالد:ياخي ذا الانسان حفله
مطلق:صادز نصاب ولا يبان عليه
ماجد:وجهه بريئ
صقر:استغفرالله والله انه نجس
مطلق:عليك نور من تحت ل تحت
محمد:واضح السوالف مطوله ف ادخلو داخل ذبحنا الحر
خلف:صحيح ي اخي العزيز اتفق معك
علي:مسوي لغه عربيه امحق
محمد:ويمين بالله الي مايدخل اقفل عليه
صقر :البهبهاني فيه فراس وراء جيبو فرش وخلونا نتكي
مطلق:قل وانيت واختصر
صقر:دز كيفي سيارتي
علي:والله صادز وجيبو شي بارد
خلف:الحين مطلق يقل شاهي
محمد:احب الشاهي بس اهداء
مطلق:لا لا مايفهمون الحب مايفهمونه
خالد طلع وانسدح :سبقتكم ي الرخوم
علي:نلعب ما امداه يكمل كلامه الا ويد تركي ع فمه:انطم لان لو كملت بنخسر بعض
مطلق:لان خرجت الكلمه من خشمي!
خلف:اقوللل يلا نكمل سوالف عن العم فهد
صقر حاوط راس خلف:تحب الشماته تسلب
خلف :دز دز خلنا نركب
صقر قفز وانسدح ولحقوه الكل وتحاشرو الي جالس والي منسدح
مطلق:نغني؟
صقر:اعرفو ان صوتي حلو
خالد:الغيره الغيره هذا وهو خويك
مطلق:افااا ي صقير يفرقونا الرخوم
ضحك محمد بعلو صوته:قلبو عليك ي خويلد
صقر غمض عيونه وشد ع يده من تذكر هالبارت يوصفهم ونطق:يوم انا اتمنى وصاله صد عني
نطق تركي من حس بنبرة الخذلان في صوت صقر:تكفون مانبي اغاني كئيبه نبي ننسى العالم اليوم!
محمد:اي والله صادز هيا ابتدو
مطلق نطق بصوته العذب:
هذي مراجل ماهيب ضحك و امزوح
ما هي شموعي لى ضوى الصبح ساحت
الصفح خصله و الفخر ما له اسطوح
و الحزن لى سيطر على الروح ناحت
بعض الجروح تجي لك شوي و تروح
و بعض الجروح إن جات ما عاد راحت
سكت من سمع اصوات التصفير والتصفيق ونطق:شكراً لا داعي لا داعي
خالد:شف شف الغرور
ضحكو الكل ونطق تركي:صقير بعد بكره ملكتي لا تتاخر
صقر:والله وانا اخوك لازم ارجع نجد
تركي:ان تاخرت قسماً بالله لا ازعل
محمد:يرجال صل ع النبي الموضوع تافهه
صقر:الشكوى لله عشانك ب اجلس
تركي؛ايه ايه انضبط
مطلق:الا ي جماعه حيلي مهدود
صقر:كلنا كلنا
خالد:غيبوبة العيد ل الحين تاثيرها
صقر شد ع اعصابه والتفت ل مطلق:ابيك بموضوع
عقد حاجبه وقف ينفض ثوبه ونقز:الحقني
لحقه صقر وناظر فيه: ي مطيلق في موضوع ابي اكلمك عنه من زمان
مطلق ب استغراب:تفضل؟
صقر غمض عيونه وتنهد:انا احب بنت عمك ما امداه يكمل كلامه الي لكمه مطلق وطرحه ع الارض ونطق بغضب:دخلتك بيتي بين اهلي وناسي في النهايه طلعت تكشف ع اعراضنا ي تسلببببب
صرخ صقر بعلو صوته؛مطلققق اسمعنيييي خلني اكمل
ركضو العيال من سمعو صوت صقر وسحبو مطلق يبعدونه عن صقر وكان يتنافض من العصبيه
خالد بحده:علامكممم؟؟؟
مطلق احتدت نظرته:ي التسلب ي نذللل ادخلك بين اهلي وناسي وثقت فيك في النهايه كذا
محمد بشك:شصايرررر انت وياه
تركي عض شفته بغضب وفسر الموضوع ع كيفه وهجم ع صقر وسحبه ماجد يثبته:تركيييي اعقلللل!
رفع صقر يده يمسح الدم الي انهمر من فمه اثر اللكمه ونطق؛احبهاااا اي احب ابتهاج بنت عمك
كان جاهل صقر انه بحركته هاذي بيخلف انفجارات ولهيب مايطفيه شي ارتعد خالد من اسمها وتجمد ماجد من سمع اسم اخته وفار دمه ومستعد يدفن صقر بمحله
شد ماجد ع يده والتفت ل صقر وعيونه تطلع نار وشرار ونطق بغضب:موتك ع يدي ي تسلبببب
فزو العيال يمسكون ماجد الي يحاول يفلت منهم بكل قوته لكن مطلق مسك راسه بصدمه والتفت ل صقر بنظرة قهر وحزن كبيره وتقدم ل صقر الي وقف مكانه وثوبه مليان دم ونطق بهمس:اختفي لاتخلي عيوني تلمحك ل الحين ولا بعد سنين
ارتجف وارتعد صقر بكل خليه فيه ارتجف رمش عينه الي كانت تناظر سواد عيون مطلق ثبت عينه في عين رفيقه يتذكر كل لحظه وكل ثانيه عاشو فيها مع بعض كم مره طاح وسنده وكان له الاخ والاب فقد امه وكان سنده من سود الليالي مطلق كيف مايشوف رفيقه لا الحين ولا بعد سنين ينسى عشرتهم وايامهم ولياليهم بلحظة من اللحظات تنهد تنهيده تهز ضلوعه ابتسم ب الم ونطق بنبره مؤلمه :ابحفظ طيفك بعيني ي رفيقي
ارتجف رمش مطلق وصد بنظراته يمنع موج عينه ينهمر صد بنظراته يمنع قلبه الي ارتجف قبل مدمعه يحن ع صويحبه لكن اهله وناسه يقسون عليه صد لكن ذكرياتهم وايامهم ما غابت عن نظره وارتجفت يده بشكل مرعب من مد صقر يده يحط ورقه ع كفه ونطق بصوت مهزوز:اذا ما وجدت منديل جنبك في لحظات انهيارك امسح بها دموعك ي رفيقي ودعتك الله ي عين صقير فرقتنا الليالي والظروف وعسى انها خيره
مشى صقر وترك وراه مطلق الي ارتعش وشد ع الورقه بكل قوته رص ع اسنانه بغضب رفيقه من سنين تنتهي صحبتهم بكل سهوله بسبب جمله كلفتهم كثير وكلفت نهاية اخوه وعلاقه وصداقه ايش تعني صداقه ذي عشرة عمر سنين سانده في اصعب اوقاته فقد امه وكان له اخ وسند وعشير كان مستعد يترك ديرته نجد وينتقل ل حايل ل اجل صويحبه وبسبب جمله ومحبه انتهت بلمحة بصر،،،
فز من سمع صوت ماجد الغاضب:خليته يفلتتت من يدي التسلب!!!
مطلق التفت عليه بعيون غاضبه:اخليكك تذبحه؟؟؟
ماجد صرخ بحده:اييييي اذبحه واشرببب من دمه تعدى ع عارنااااا هذااا اذا ماشاف خواتك وزوجتك
تقدم مطلق وسحب ماجد من ياقته ولكمه بكل قوته ورص ع اسنانه بغضب:لسانك ذا تبلعه وصوتك ماينتفه علي وابتهاج منت لامسها غلطه وانتهت غطو ع الموضوع ولو يوصلني علم انكم تعديتو ع الرجال او طلع الخبر ل قريب او بعيد احرقكم هنااااا
ماجد بحده:لا يشيخخخ ما اربيها عشان لا تعيد غلطتها
مطلق تقدم له يبي يكمل عليه لكن مسكه تركي:اهداء اهداء
مطلق تفل ع الارض ورفع راسه ل ماجد:لو لمست شعره وحده منها احرقك هنا او قربت صوب صقير ادفنك!!!
ماجد هز راسه بقهر ونطق:اي اي ي رجاللل دام فيك خير تزوجها دامها بنتتت عمك
خالد نطق بغضب:ماجدددد اسكتتتت واهداء وتركي طلع مطلق من هنا
علي عض شفته السفليه يخفي غضبه وسحب ماجد يدخله الخيمه اما خلف رفع يده يحك طرف شاربه ونطق:يبو حميد شبت
محمد :ومن يطفي نار مطلق ع صاحبه
خلف:بنت عمنا ع عيني وراسي لكن مافهمت السالفه او ب الاصح مادخلت عقلي
محمد:الله يستر من كلام مجود يوم قال تزوجها
عبدالعزيز بحده:اسكتوو لا يطلع الحتسي والله ان يحرقنا
عند تركي ومطلق:
تركي:مطلقققق اعقللل واهداء
مطلق دفع تركي بغضب:اصغرر عيالك اناااا
عض شفته يتمالك اعصابه:مطيلقققق اعقلللل وانقلععع قدامي
مطلق:ي شيخ دززززز من عمرك ترفع صوتك علي؟؟؟
تركي اخذ نفس يهدي نفسه لانه يعرف مطلق اذا عصب مايكون بوعيه ونطق بكل هدوء:امش معي
مطلق رمى شماغه بكل قوته وجلس ع صخر يتنافض من قوة غضبه والعصبيه الي سيطرت عليه وع تصرفاته تنهد تركي ونطق:قوم اركب اوصلك البيت
صد مطلق يسحب شماغه ويحطه ع كتفه ب اهمال وشعره مبعثر وركب مطلق ولحقه تركي الي تنهد اول ماشاف حال اخوه وكيف ساند راسه ب تعب وشكله مبعثر وباين ع ملامحه الغضب وعروقه الي بارزت من شدة عصبيته
عند صقر كان جالس في المطل الي يجلس فيه مطلق وتنهد ب حرقة قلب وحزن يحس قلبه بيتفجر من شدة خيبة امله ب سنتين ضاعت من عمره ع حب ودرب محبه ويوم وصل ل نهاية الطريق تركته وتركه امله الوحيد غمض عيونه بتعب وهدت حيل من تذكر كلامها
فلاش باك قبل كم ساعه:
وصل صقر من نجد وغلبه الشوق ل حبه الي صبر صبر وجاء اليوم الي يبلغها فيه ان كل شي بيتم توجه ل القصور ودخل بكل هدوء بدون مايلاحظ كه احد كالعاده وتوجه ل بيت سليمان وكان الوقت صباح وكان يعرف ان ابتهاج بذا الوقت تجلس عند الشباك وتتامل الديره واهلها تقدم بخفه ورمى حجر ل اجل انزل له
عند ابتهاج الي فزت وفز قلبها من دقة الشباك سحبت جلالها بسرعه ونزلت تركض ومن حسن حظها البيت فاضي نزلت متوجه له مو من شوقها لا ل اجل تنهي كل شي وتوضح له انهم وصلو نهاية طريقهم
التفت بكل مافيه اول ما لمح طيفها ونطق ب اتساع ثغره:اهلاً اهلاً
اصد بعيونها الي كانت الشي الوحيد الي باين منها ونطقت بحده:بغيت شي؟
ابتسم من عرف انها زعلانه عليه:ادري والله اني دراي زعلانه علي وكثير لكن اختفيت وراجع اقولك
قاطعت كلامه من تنهدت بتعب و نطقت ب ارتباك:لازم ننهي كل شي
بردت اطرافه وسكنت ملامحه ونطق بصدمه؛ايش؟؟
ابتهاج رفعت نظرها له ونطقت:صقر تعبت والله تعبت العلاقه ذي قاعده تاذيني
صقر:تكفين ابتهاج لا توجعين قلبي خلاص ايام واجي اتقدم لك
ابتهاج صرخت ب تعب من انهمرت دموعها ونطقت:بعد ما طاب خاطري؟
صقر ارتجف ومسك راسه :لا لا لا مستحيل ابتهاج من مغيرتس كيففف كيففف مستحيل
ابتهاج:انتهيناااا خلاصصصصص
كان بيتكلم لكن قاطعته من صدت عنه ومشت مشت وتركته تايه في دوامة افكاره غادر القصور وقعد يفكر لين التقى ب مطلق الي كان امله الوحيد لكن انقطع
نرجع ل الحاضر عند صقر الي وقف وركب سيارته وسند راسه وتنهد وابتسم ب الم :كانت الرحله حزينه للاسف
عند تركي ومطلق الي وصلو ساحة القصور ونطق تركي بكل هدوء:انزل ارتاح
صد مطلق من تركي الي غمض عيونه بتعب ونزل متجه ل بيتهم دخل وكان البيت مافيه الي خواته وبنات عبدالله دخل ونطق بغضب:فرححح
شهقت فرح من نبرته:يمه معصببب والله ما اروح!!
شموخ:ولاااا انااا مستحيل
التفتو ب انظارهم ل الجادل الي تنهدت تقوم له ووقفت قدامه ب الضبط ونطقت بغضب:نعم؟
رص ع اسنانه بغضب:نعامه ترفص العدو وين فرح؟
عقد حاجبها من اسلوبه وتقدمت له :شفيك؟؟
مطلق تنهد وهو يتنافض من العصبيه :اوهو ي كثر الغثاء
احتقرته من فوق ل تحت من نبرته وكلامه الي اول مره تسمعه صد وتنهد من استوعب كلامه وغمض عيونه:ي الجادل مدري شقول راسي مصدع ابي غرفتي
صدت عنه وقالت بهدوء:تمام،الحقني
مشت قدامه لين وصلو ل باب غرفته واعطته المفتاح ودخل ودخلت معه ونطقت بهدوء من شافته انسدح :تبي شي؟
فتح عيونه وناظرها وتقدمت من جذبتها عروق عنقه البارزه تقدمت تمرر اصابعها عليها ونطقت بحماس؛تجنن
عض شفته من قربها ولمساتها ونطق بصوت ثقيل:نعم؟
الجادل :اقول العروق تجنن مره
حاوط خصرها ومرر اصابعه ع شامتها الي متوسطه نحرها :وشامتس تجيب راسي
توترت من لمساته ووقفت وهي تتنحنح:بطلع
مطلق رص ع اسنانه ونطق بشبه حده :لا
الجادل بحده:شفيك انت اليوم مو عاجبني!!
وقف قدامها وحاوط خصرها وسند جبينه ع جبينها ونطق:اششش
ارتبكت زود من قربه الي ارعبها وحاولت تشتت نظرها لكن شهقت من طبع ثغره ع مبسمها بادلته بهدوء كان يفرغ طاقته وغضبه ترك مبسمها من ضربت صدره تطلب النفس وانحنى يقبل عنقها وشاماتها رفعت وجهه ورفعت نظرها له ورفعت يدينه ل عنقه تاملت ملامحه وفي نفس اللحظه قبلت شفته بلطف داوت جروحه وطردت غضبه نطق ب ابتسامه:تعالي اليّ أُقبلُكِ وأضُمُك بَين احضاني ابتسم من شاف ملامحها الجميله هادئه بدون اي تعابير رماها ع سريره شهقت وكتم انفاسها ب ثغره
_______________________________
"أعذروني إن وجدت أخطاء إملائيه"