عند الجادل الي ابتسمت من نظراته والتفت ع محمد:كيف التقسيم؟
محمد:والله مدري بشوف مطلق،مطلق
مطلق:لبيه
محمد تقدم:ياخوك كيف التقسيم
مطلق:الى الحين بنطلع ب اثنين من الجيوب وبناخذ الشاص وسياره صغير
تركي:جيب ل اعمامي وابوي وجدي ويسوق بهم هادي
والجيب الثاني ل الحريم واحد يسوق فيهم والسياره الصغيره يسوقها مطلق وياخذ معه الي مايكفيهم الجيب والشاي نتحاشر فيه
مطلق :ان من بيسوق ب الحريم
خلف:انااا
عقاب:ي حبك ل سواليف الحريم
مشى الجد ولف تركي ع خلف يضحك:جدي اليوم معصب
مطلق لف ع خواته:مين بتركب معي
فرح فزت تتمسك بذراعه متجاهله نظرات محمد لها:وشيوخ وشموخ
شموخ:لا بركب مع امي
شيخه:حتى انا مو ناقصه ازعاج هياف
تركي ناظرهم:انت بتاخذ معك بس ثنتين لان كفاهم
مطلق ابتسم:اخذنا العقود وابي القمر
محمد ابتسم له وتوجه ل الجادل:انزلي
الجادل عقدت حاجبها ب استغراب :ليش؟
محمد:انزلي وطن تركب بدالتس
الجادل صدت بزعل تنزل:وش بوه منزلني
رفع محمد يده ياشر ع مطلق:شوف السبب
صدت منه:بس زعلانه منك ابي معكم
محمد:روحي ولا يكثر اسجدي سجود شكر ما ركبتي مع خلف
خلف فتح عيونه بصدمه:طيب اصبر لين اروح!!
ام مطلق:وش بوه ي محمد تغلط ع وليدي
محمد:افااا ي عمه وانا مالي نصيب
ام مطلق ضحكت:الا لك بس مو بعندي لكن ابشر اذا لقيت بنت الحلال
محمد لف وجهه:اخو العيال كيف قلبتي الموضوع ل عرس
وطن:شكلها تحس ب القلب
محمد ضحك وهو يحك جبينه:امسي امسي
مشى محمد يركب اما مطلق مشى متقدم ل الجادل ونزل راسه يشوفها صاده:وش بلاتس ي عيون مطلق؟
الجادل نطقت بزعل:من محمد الكريهه ليش ينزلن!!
مطلق مد يده يرفع وجهها ونطق:يعني ماتبين معي؟
الجادل رفعت نظرها له:الا بس زعلانه من محمد
مطلق ابتسم ومسك كفها:ماعاش من يزعلتس
الجادل ابتسمت وشدت ع كفه ومشى ل السياره نطقت فرح :ياليل حبكم المخيس
الجادل ضحكت:اعوذ ب الله من الحسد
فرح:الله اخر عمري احسد الجادل وع مين ع مطلق
مطلق:اصا انتِ وياها راسي مصدع
الجادل ناظرته:لا ي شيخ
مطلق ضحك من نظراتها:اسفين اسفين شتبون تسمعون
فرح:حمودي
مطلق:محمد عبده لو يسمعتس عطاتس كف
فرح:اممم شغل ساهم رمشه
مطلق مد يده وابتسم من اشتغلت الاغنيه الي يبيها ولف وجهه لها يتامل عيونها ويردد بصوته العذب: العيون أحلى من عيون المهاه
ابتسمت له وصرخت فرح:بسسسسس جاني جفاف تخلون الواحد يبي الحب وهو مايبيه خيررررر
ضحك مطلق:شتبين لو خليتس معهم اخذت راحتي
فرح فتحت عيونها بصدمه:شف شف قليل الادبببب!!
الجادل قرص مطلق:خير ي الطيب ارتحت لنا
غمز لها مطلق:مرتاح لتس من زمان
فرح:نبي شاهي
مطلق:اذا وصلنا سويت لتس
فرح:الله صدززززززز
الجادل:الا وين بنروح
مطلق:بروح اشوف حبيبتي
الجادل فتحت عيونها بصدمه:وجع وجع
مطلق :الله يخلف عليتس بعير
الجادل:اي صح شسمها
فرح:والله انا البعير ملبسها عقد الماس
مطلق ضحك:شفتي كيف اعدل بينكم
الجادل ضحكت من ضحكته:حيواننن
سحب يدها وباسها وضحك:اصير حيوان لعيونتس ليش لا
ضحكت فرح:صادززز تروك انك خروف
الجادل:حدتس ما ارضى
مطلق:اي ايي كفووو الزوجه الصالحه
عند العيال:
محمد:تركيييييي الله ياخذككك وقفففف
تركي كان يضحك ومسرع :ي هطف اهجد
علي الي كان ب الحوض نايم بجنب خالد صحى اول ناضري راسه:تركيييي ي حيواننننننننن
تركي وقف الشاص وطاح يضحك ونطق ماجد:مريض ذا
عبدالعزيز:ورع مو عساس يم الحلال
تركي:ي الطيب نقلنا الحلال هنا
خالد:الي يركب معك لازم يكون مستعد لانه بينسال ثلاث اسئله
عبدالعزيز:لو صار لي شي كان ولدي صار يتيم
تركي مسك شعره:ي رجاللل ع تبن انت وعدك الي ماطلع من بطن امه
علي:حتى انا شخصنتها معه
تركي:امشو نزلو الاغراض ي الهطوف صدز تقل بزران
محمد:ي الطيب الروح غاليه
ماجد صرخ:وجع صدز انا قاعد انزل وانا اكبركم
تركي:كبير عمر لكن صغير عقل
خالد:تفهم ي رجال صرت زيييي
وقف هادي السياره ونزل بهدوء وصرخ تركي بقهر:اخخخ يقهررر طالع كيف يمشي
ماجد:سبحان من خلق وفرق وحطنا اخوان!
هادي:يالليل قاعدين تتكلمون فيني
علي:لانك غثيث وبطيئ
عند خلف الي وقف بعد لعن من الامهات وصراخ:ايييي يدي ي عمههه
ام مطلق:ي التسلببببب
عند ليال الي نزلت ترجع:الله ياخذك ي خلف
خلف تقدم يجلس ع المسند:اخر مره اخذهم
عبدالعزيز صفق راس خلف:لو ولدي يتشقلب ي ويلك
خالد:حشى مو ورع حبة فول
تركي:قلت الي في خاطري ورع حتى باقي ماتكون
علي :تكبير المواضيع عندي
وقف مطلق السياره وعقد حاجبه من وضعهم:شبلاكم
عقاب:كان نمت بعدين جيت
مطلق ضحك :شصاير؟
تركي رفع يده ياشر ع عبدالعزيز:ولا شي بس ذا ازعجنا بورعه
عبدالعزيز ناظره بقهر:ترا ب اصفقك
مطلق سحب الكرسي يجلس :والله تروك صادز حليت ورعك وهو ماله يوم
ابو مطلق:الله يخلف علي
علي:هلا ناديتني
خلف:صح اني غبي بس يوم عند يوم اكتشف انك اغبى مني
مطلق:صح والله اتفق مع خلف في ذي
عقاب بحده:قومووو قامت قيامتكم قومووو زهبو الفطور
قامو العيال بسرعه ينزلون وجهزو جلسة الحريم بعد مارعد فيهم عقاب
عند الحريم:
وطن فكت الطرحه:يزين الجووو
الجادل ب المثل فكن الطرحه والهواء يداعب شعرها وغمضت عيونها تاخذ نفس:ع ذا الجو يبي لها شاهي
فرح:تكفين روحي كلمي مطلق مالي حيل
قامت الجادل والطرحه ع كتفها ونادت:مطلق
سمعها مطلق بحكم انه قريب من جهتهم وفزت بغضب :نعمم
ارتعبت من نبرته :مطلق شفيك؟؟
رص ع اسنانه يكتم غضبه وغيرته:غطي شعرتس وليش ترفعين صوتس افترضي احد غيري شافتس
الجادل ركزت في ملامحه ولاحظت الغضب:طيب اسفه المهم نبي شاهي
ابتسم ومد يده يرفع طرحتها :ثاني مره لا تعيدينها وارفقي ب قلبي
ابتسمت وارتفعت تقبل فكه ضحك :يلا يلا روحي لا احمر فيتس
دخلت الجادل ونطقت شموخ بملل:نبي فعاليه
فرح ابتسمت:نفحطططططط
شيخه:حييي عينتسسسس نادووو تروك
ام مطلق ضحكت ورفعت صوتها تنادي:تركيييي
فز تركي:عيونه لتسسسس
ام مطلق ابتسمت وردت:تسلم عيونك قم البنات يبون تفحط فيهم
عبدالعزيز بتهديد: ي ويلك
تركي مد لسانه:حاضرررر يلا يطلعون لي
عبدالعزيز :ولديييي
مطلق صرخ :خلاصصصصص ي ذا الورع اذا ماجاه شي انا ب اذبحه
ابو مطلق مد عصاته يهبد فيها مطلق:هذا وانت الكبير
ابو هادي ضحك:الا وين النايله
خلف:الشكوى لله صدز مطلق لو اصير بعير تدلعني
مطلق ضحك بعلو صوته:بصير اكره النياق
خلف:لا والله صدز وتلبسني الماس
خالد:شرايك تصير ثور لايق لك
عقاب:مايحتاج هو ثور اصلاً
خلف:اح ماتوصلللل
هادي:هيافف
هياف جت وهي تضحك وضحك خلف:تحدي تحدي
عبدالعزيز :يلا اتحفنا ب افكارك الغبيه
خلف احترقه وكمل:هادي ومطلق بجنب بعض ونشوف هياف من تختار
هادي بغرور:اكيد ابوها لكن جمدت ملامحه من راحت هياف ل مطلق
انصرع خلف يضحك:هذا وحنا مابدينا
هادي :مافي بر والدين
ابو هادي:هاذي دعواتي عليك
مطلق شال هياف:تبين ايشششش
هياف:شاهي خالو
مطلق مثل نفسه داخ:لو تبين ثور اجيب لك خلف
خلف ناظره بصدمه ونطق علي:اسف لك تتخطى
خلف:ليتني رحت مع تركي
تركي:مارجع مكان موجود موجود معك ما اخليك
خلف:شفتو تعلموووو
مطلق صب له كاس شاهي ونطق:الشاهي زاهبببببب
وقف مطلق والشاهي بيده اليسرى وهياف ب اليمنى وطلعت له الجادل وصرخت:اوههه لطيفيننن
لحقوا شيخه وفرح وشموخ والباقي يناظرون من وراء السياره ونطقت شيخه:خوفتننن احسب بوه شي
مطلق عقد حاجبه ومد ل شيخه الشاهي:شبلاتس
الجادل ميلت راسها ع كتف فرح:شكلك مع هياف لطيف
ضحك مطلق :خرشتي اهلي ي بنت عقبال ما اشيل بنتي
الجادل تقدمت تبوس هياف وانحنى مطلق يحب راسها
شيخه:يالطيب مو قدامنا
ضحكت الجادل:شدعوه حب راسي علاقه اخويه
ضحك مطلق:لا ياشيخه
ضحكت فرح بعبط:شيخه ولا شموخ
مطلق انهار يضحك من تفاهتها وصفق كفه بكفها ونطقت فرح:سبب حبي ل مطلق
عقاب رفع صوته:ي مطيلققق ابطيتتتت
شموخ:امش امش جدي لا يطلع الضحك عرض
مشى مطلق ونطقت فرح:عرض ولا طول؟
وطن:ماش مطلق مو هنا يضحك لتس
وطن :ماش مطلق مو هنا يضحك لتس
الجادل:ماشاءالله كيف شفتو
ابتهاج:والله الصراحه يزينكممم
ليال صرخت :يععع يع ي الشاهي
عند مطلق الي فتح عيونه بصدمه:ي الاختتتت الا الشاهي حقيييي
عبدالعزيز :شدخلكككك
تركي عض شفته بقهر:انا ما اصفق ورعك ب اصفقك انت
خلف:واذا احتجت شي قولي لي
خالد:شاهي محكوررر
مطلق:اكيد شغل يدي
عقاب:امحق نبي ناكلللل
علي بهمس:احسه اخر شي بيحرقوا كلنا ويبلعنا
خلف كتم ضحكته:النهايه
مطلق بنفس الهمس :اذكر يوم تهاوشنا عند عبدالملك جاء عندي وقال ليش حرمتنا العشى
تركي :يوه اذكر سفل فيك عشان المندي
طرطش خلف الشاهي وطاح يضحك:اخ ماني قادر مو مو طبيعي
تركي نفض ثوبه ونطق بصوت عالي:يلاااا
فزت فرح:طبعاااا
ابتسم تركي وتقدم ل الشاص وشغلها وشد ع عصابته :مطيلق تخاويني؟
خلف:لااا انا ب اخاويك
مطلق ضحك؛اقول انثبر اخوي وانا اولى اروح معه
محمد:قبل ماتطلعون اقوى الاذكار
خالد:اي وتشهدو لان الي يركب مع ذا المخبول مافي عقله ذره
عقاب تنهد يشرب الشاهي ونطق ابو هادي:الا ي ماجد مو ناوي تعرس
رجع ماجد ظهره ل الخلف وابتسم:لاحق باقي عرس تروك ومطيلق
خالد انسدح ونطق:في ذي صادز لاحقين ورانا اعراس لين تقول بس
عند تركي ومطلق :
مطلق ضحك:شغل شي والله اشتقت ل ايام الخوالي
تركي ضحك بنفس النبره :تلثممم
مطلق تلثم والتفت ع وراء:جاهزين؟
الجادل:اي اي معليك
شموخ:اذا ابعدنا قولو ابي افك الطرحه
مطلق ابتسم:خذو راحتكم كلكم محد بيلتفت
وطن :اععع يونسسسس
تركي شد على القير ومسك الطاره بيده الثانيه ومطلق مد يده ل المسجل وشغل:
ياظالميـن المحبَّـه ماترحمـون الشَّـجـي
ضاعت حياتي معاكم ويش الَّلي عاد أرتجي
لو كان هوايا سِواكم في ربعنـا نِلتقـي
لكن نصيبي وحظَّي حكم بأيـد خالقـي
ياعذبـةَ الحُسـنِ بالله بالنَّـار لاتِحرقـي
قلبي وكفَّي دلالِـك ياحِلوتـي وأرفقـي
شد تركي وابتداء تحت صراخ البنات والتفت مطلق:ابتعدنا
فكو الطرحات وابتدو ب الصراخ والضحك اما تركي صفن اول ما نطق ابو نوره: ياعذبـةَ الحُسـنِ بالله بالنَّـار لاتِحرقـي عض شفته اول ماخطرت ع باله عيونها العسليه وقف والتفت ل مطلق:تكمل
ضحك مطلق:افااا عليكككك
الجادل:بناتتت مطيلق بيكمل
ضحكت وطن:بشويش ع قلبتس لا يوقف
مسك مطلق الطاره وكان افضل من تركي لكن تعبت ملابسهم تراب وصرخت فرح:يلعنككك ي مطلق
مطلق انفجر يضحك:عاد تبون تفحطون
الجادل صرخت بقهر:تسلب بسرعه طلقني
شموخ ضحكت؛ماعندتس تفاهم
مطلق ابتسم وقال بهمس :تبين الطلاق اجل
فرح همست ل الجادل:يويلتس بيشخصنها
الجادل نفضت ملابسها :اففف شخصوني
مشو راجعين ل الجلسه ونزلو كلهم م بقى الا الجادل نزلت تنفض ملابسها سحبها من ذراعها:وجعع خوفتننن
مطلق:تبين ايش ماسمعتس؟؟
ضحكت : زلة لسان
مطلق وهو بمثل الحده :بس زعلت!
تغيرت تعابير وجهه وشدت ع طرحتها من ركزت في ملامحه:تمزح صح؟
مطلق صد عنها:لا ما امزح !!
الجادل عضت شفتها:منجدك؟
مطلق :ما يرضى الا بشرط يرضي غروري؟
الجادل رفعت نظره ل عيونه :ويش؟؟انحنى يقبل ثغرها لكن ام مطلق الي طلعت تشوف وين الجادل خربت عليه وصرخت اول ماشافت المنظر وصدت: وخزياهه
رفع مطلق راسه وشهقت من سمعت صوت ام مطلق ودفنت وجهها في صدره وهو لازم محاوطها
ام مطلق التفت له ول الجادل الي بين احضانه:ياللي ماتستحيييي
مطلق كتم ضحكته:فهمتي غلط يمه كان في شعره بعيوني
ام مطلق تخصرت:لا ي شيخ الشعره وصلت ل شفتك الله اعلم اش سويت ب البنت
عضت شفتهاا وضربت صدره بيدينها تكتم صرخاتها ونطقت بهمس:وجع وجع ي مطلق
مطلق رفع يده يبعثر شعره:شدعوه وش بسوي فيها
ام مطلق :اترك البنت ي قليل الادب!!
مطلق فتح عيونه بصدمه:زوجتي
ام مطلق تنهدت ب احراج ورجعت ل الجلسه اما الجادل لا زالت ع نفس الوضعيه انحنى يحب راسها:خلاص راحت
رفعت راسها وحاولت تفلت منه لكن ماقدرت ونطقت بقهر:ولعنه شلون بروح اجلس معهم
مطلق انفجر يضحك من وجهها الي انقلب احمر:ياحلوتس اذا شفتس تضيع علومي
الجادل عضت شفتها:تسلببب بس مقدر اكرهككك
مطلق انحنى يبي يبوسها لكن نطقت:والله لو تقرب ل العنك
كمل يضحك:شفيتس شادتهااا
الجادل غطت وجهها ب كفيها:وجع وجعع اوففف شلون بدخل
مطلق حضنها :احبتس
الجادل:اناااا ويننن وانت وينننن
مطلق ضحك :خلاص روحي
الجادل تنهدت ومسك كفها لين وصلو ل جلسة الحريم:انتبهي لتس
صدت عنه ودخلت تجلس وابتسمت لها ام مطلق:تعالي ي امي
تقدمت الجادل نحوها وجلستها تحت ذراعه وهمست لها:معليتس ي امي اعرف وليدي قليل ادب
ضحكت الجادل وحضنته فرح بقت عيونها:خير امي!!!
الجادل شدت عليها:يلا يلا
ام مطلق ضحكت:كلكن بناتي جعلني ما افقدكن
عند العيال:
تركي:مطيلق شعندك تتبوسم
خلف:وضحكت لي بشقة مثل الشفق
تركي حاوط كتف خلف:حسها قلبي وحن له وخفق
خالد:ابوك ي جوكم البيض
عقاب:متى يجهز ذا الفطور
مطلق ابتسم:جهز جهز اسلم الايادي
خلف:اي والله تسلم يدي ويد تروك
تركي:كلنا واحد ي بعدد حييي
ابو مطلق :ابلعو وانتو ساكتين
محمد:اشهد ي تاريخ عمي يخرج عن صمته
ابو هادي:والله سكتنا كثير
هادي:الصراحه انا ما ابي مطلق يجيه عيال
ماجد:عشان يربي عيالك
مطلق ابتسم:كلهم عيالي
تركي ابتسم ل مطلق:حنيننن حتى انا يعتبرني ورعه
مطلق التفت له:افااا انت ضلعي وسندس وهدب عيني ي النجم
خلف:في البدايه استغربت ليش ينادونك نجم ي تروك
تركي :وعرفت؟
خلف:لانك فعلاً مثلا النجوم تدخل حياة الشخص وتنورها
خالد:وعرفت ليش مطلق لقبه البدوي يعشق حياة البدو لكن فيه جانب غريب انسان حنون وطيب ولطيف ومستحيل يخذل ويكسر الشخص وشجاع وبابه مفتوح ل الكل
ابتسم مطلق:خويلد ي بعد تسبدييي
عند البنات :
شموخ:حسنة طلعات البر والعزبه العيال يكرفون
ابتهاج:اي والله نفتك من الكرف
ليال:الاكللل لذيذذذ
الجادل:واخيراً اعجبتس شي
شيخه:عاد والله فاتس كان يونس
وطن:بس فقرة التراب ماتونس الله يسامح الصهر
فرح:ي جماعه بذلف اغسل
عند محمد الي كان جالس يغسل مشت فرح جاهله وجوده لكن شهقت اول ماشافته التفت ع صوتها:اهلاً اهلاً
ارتجفت كل خليه بجسمها من تقدم نحوها وابتسم:تبين تغسلين روحي مافي احد كانت بتمشي بس مسكها من ذراعها ونطق:أذهلني قلبي ي بنت عبدالرحمن
تركها ومشى تركها تتحارب مع شعورها ماتعرف الحب ولا تعترف فيه صفنت ل ثواني وفزت من حست ب ابتهاج:وراه؟
فرح:لا بس صفت ب الجو الحلو
ابتهاج:اي صادزه شكل بوه مطر
بعد ما انتهو من الفطور جهزو الشاهي وابتدت جلسة السوالف عند مطلق الي تلثم ب الجوخ ولبس جاكيته ومسك كاس الشاهي وبيده الثانيه عصاة جده سرح يتامل رشة المطر الي يعشقه والتفت يشوف حلاله قدامه الحلال الي بناه سنين ابتسم يتذكر كيف بعد معاناه نسى حبه القديم وابتداء حياه مع بنت عشقها و عشق تفاصيلها ابتسم يتذكر كل لحظاته معه ومع عائلته الي رغم قسوة جده الا ان كان له جانب منكسر مايعرف فيه الا مطلق والتفت ورجعت انظاره ل تركي الي ياما بكى ع كتفه وضحى عشانه ابتسم يتذكر كيف وقف في وجه جده عشان مايقال سعادته فعلاً ماخاب ظنه يوم سماه النجم لان فعلاً عنده يقين ان تركي شخص مايكسر احد وينور حياة الكل التفت ل عزيز الي بيصير اب بعد شهور ابتسم كيف عدى الوقت بسرعه رفع نظره ل ابوه الي بان فيه كبر السن
قاطع تفكيره عقاب من نطق :الا ي مطيلق متى ناوي عرسك
مطلق:والله ان اقول ذا الشهر
عقاب:يوم10/14 يناسبك
مطلق:اي بالله يناسبني
ابو مطلق:شرايك انت واخوك سوى
مطلق ابتسم:والله ماعندي مانع
تركي رد له الابتسامه:لا يبه ابي اقوم بعرس مطلق ابي افرح بعرسه ابي اوقف بعرس عضيدي واشيل العرس
قام مطلق يتوجه ل تركي وشرع يدينه وقف تركي وحضنه بكل قوته ابتسم الكل من علاقتهم واخواتهم الي لطالما كانت غير
عقاب صد بنظراته وتنحنح:ماودكم نرجع؟؟
مطلق ابتسم:نرجع ليش لا بس تعال اوريك حلالك
ابتسم عقاب وتقدم له مطلق يوقفه مسك يد جده يسنده ودرات في باله لحظات يوم جده كان يشيله ويسنده كيف دارت الدنيا بسرعه وكبر وبان فيه كبر السن
ابتسم له عقاب وشد على يده ومشو متوجهين ل الحلال تنهد عقاب اول ماوقف قدام الابل ونطق:كبرت وهد حيلي التعب من زمان ماشفت ذا الحلال
مطلق ابتسم يشوف جده واقف بثوبه الابيض وشماغه الي مرمي بشكل عشوائي تقدم يصير جنبه ويدينه خلف ظهره:كبرت وتركت هالحمل لي
عقاب:هذا هدفي من البدايه اخسر واتعب عشان بعدين اذا صار عندي عيال واحفاد مايلوموني
مطلق التفت له ونطق:ي عقاب كيف حالك؟
عقاب ابتسم والتجاعيد ماليه وجهه:بخير وكنت ادورك
مطلق:انت تعرفني ي عقيب اكثر مني
عقاب :اقرب من روحك لك
مطلق:ادري وانا اقرب لك من حبل الوريد
عقاب ضحك:مهما اخفينا ننهزم امان بعض يوم الدنيا قست عليك ليش ماجيت لي
مطلق صد:لان القسوه هي منك!
عقاب :قسيت لان الدنيا مابترحمكم
مطلق:وراء قسوتك في حنيه جربتها لكن غيري ماجربها
عقاب مد يده يحطها ع كتفه :ي وليدي بيجي يوم وتقولون عقيب راح وترك لها هالعز
مطلق:الفلوس والاموال مو كل شي
عقاب :صادق تدري قبل سنين كنت انا وصحتي نبحث عن المال والعز والان انا والمال نبحث عن صحتي
مطلق التفت له:ي عقيب ارتاح وريح
عقاب:سلمتك هالمناصب وانت ماتخون
مطلق ابتسم:وثقت فيني وانا كنت طايش
عقاب شد ع عصاته:وكان عندي يقين هالطايش بيكبر وبيصير شخص عظيم
مطلق؛وصرت؟
عقاب:كفيت ووفيت
مطلق:كنت تستاهل بنظرك ؟
عقاب التفت له والتفت مطلق وكمل:صرت وصرت تعرفني هزمت عقاب الكتوم
مطلق:قلت لك اقرب لك من حبل الوريد
عقاب تقدم بيمشي وهمس في اذنه:انتبه ل النجم قاعد يلعب ب النار
مطلق التفت بصدمه:شصاير؟
عقاب :هدب عينك المفروض تعرف انه يلعب ب النار بس انتبه تحرقه
مطلق:لا ي جد مو تركي الي يسويها؟
عقاب ضحك:ما خان بس سوى شي يمكن اصحابه يحرقونه انا سلمت كل شي لك تركي بيحترق ب اللي قاعد يسويه واذا كيف عرفت مريم بلغتني
مطلق:وينها؟؟؟
عقاب:في بيتي وتجيب لي الاخبار
مطلق شد ع يده ومشى يلحق جده ل الجلسه وهو يحس برعب كبير وخوف من ان يضربوه في المقتل ان ياذوه ب تركي
خلف التفت ع الجد:نفس الترتيب
عقاب:مطيلق
فز مطلق :لبيه
عقاب ابتسم : نفس التقسيم؟
مطلق:لا انا وتركي بتاخذ الشاص والباقي تقسمو
عقد حاجبه تركي ب استغراب والتفت له مطلق:مشينا؟
تركي حس ان في شي:يلا
ركب مطلق ومشى لين طلع ع الطريق العام وهو ساكت ونطق تركي:اش فيك؟
مطلق:شمسوي ؟
تركي صد:ماني مسوي شي
مطلق عض شفته بغضب :ي هدب عيني شمسوي؟
تركي:مطلق عشانا عشان مصلحتناااا
مطلق وقف ع الجنب وسند راسه ع الدركسون ونطق:بيوجعوني فيك
تركي:راضي اروح انا فدا لكم
مطلق:من حناااا بدونك؟؟؟
تركي:مطلق صدقني مسالة وقت وباذن الله مابيصير شي
مطلق:كذاب تركي اعرفهم واعرفك
نطق بغضب:من علمك؟
مطلق:جدي
تركي عض شفته:اكيد ناقلة العلوم بلغته
مطلق:تركي تكفى لا يحرقوني فيك
تركي سند راسه :والله اني لا احرقهم قبل يحرقوني
مطلق :ان تطلب الامر انا ب احرق نفسي ،صقر يعرف؟
تركي نطق بتعب :اي وهو الي خطط معي من البدايه
مطلق:بكرا ماشين نجد
تركي:تخسى وتعقب تنثبر هنا والله ماتطب هناك
مطلق ضحك بسخريه:توقعاتي صح !!
تركي:امش نخلص من عرسك ويصير خير
صد مطلق يكمل الطريق وتركي سرح بتفكيره
عند الباقي:
فرح:غريبه وين مطلق
شموخ:يقول اخذ تركي ومشى
شيخه:الله يستر امشو الله يعينا ع الحشره
الجادل :اخخ بموت راسي يوجعن
ابتهاج:كملنا يومين وعليها صاحين
وطن:الحين نوصل ندقها نومه ولا يهمكم
محمد الي كان يسوق التفت ب الم:يمههه سكتيهم صدعت
الجادل:وجع والصوت فجرت طبلت اذني طالع قدام لا نصدم
صد محمد يمسك راسه ب الم وكمل طريقه لين وصلو كل السيارات ل ساحة القصور الي رجعت لها الحياه من اول وجديد
دخل كل شخص بيته ودخلو في نوم عميق ماعاد الشباب تجمعو في الدكه :
مطلق:تروك سو الشاهي
خلف انسدح ونطق:درجة الحراره مليون وانت تبي تبلع شاهي
محمد:خلف اسكت مالي خلق اسمع صوتك مصدع
مطلق رمى شماغه ونطق وهو يفك ازرار ثوبه:لكل صداع كوب شاهي
تركي :انشهددد
نطق خالد:افا وين عزوز وهادي
مطلق:طلقو ل شققهم
محمد :افيه يزين حياة العزابيه
علي:ما اتخيل نفسي متزوج احس مسؤوليه
خالد:عشان كذا مابتزوج
خلف سجد ونطق:وضع الي كان بيتزوجها خالد
مطلق:خالد بعد يومين تقدم صوب ابوها
خلف:ب الضبط
تركي ضحك:شوف انا الي ما اداني طاري الحب والزواج
ماجد :تصلح كل شي الا زوج واب
تركي:روح نام
ماجد:ابيها من الله سلمو ع الاهل
خالد:خير؟
مطلق:اقعد ي رجاللل
ماجد:حتى غداء مافيه اروح ارقد ابرك
مطلق:بزين لكم كبسه
تركي:انطم مالي حيل
محمد شاب كاس الشاهي:في امان الله
وخالد:وانا معك
خلف:خذوني اخوكم
علي تثاوب:وانا مايحتاج
تركي تثاوب:نروح نرقد ابرك
مطلق:يلا يلا
مشو العيال وكل واحد دايخ نوم في بيت عبدالرحمن تحديداً المجلس:
مطلق:يزين الفراششش
علي ابتسم من شاف الفرش بجنب بعض بشكل عشوائي رمى نفسه ونطق؛افضل نومه في العالم
تركي:عندي يقين ابوي بيلعن شكلنا عشان المجلس بس عوافي
مطلق:ارقدو ارقدو
علي:اجيب البلوت؟
تركي؛والله
مطلق:انخمدووووووو
ماهي ثواني الا دخلو الكل في نوم عميق بعد صباحهم الحافل
في الليل تحديداً الساعه وحده في بيت عبدالرحمن
شموخ بملل:اخوانتس الخكاريه ماقامو
فرح حطت راسها في حضن شموخ:لا
شموخ :قومي بموتتت طفششش
دخلت فرح المجلس :اوفف شموخييي شوفي كيف بارددد
شموخ:وربي نومه رهيبهههه
فرح:قومووووووووووو
فز مطلق بتعب يحك راسها :شصاررر من مات؟؟؟
شموخ:فال الله ولا فالك قم قم قدنا وحده
مطلق بفهاوه:وحده الظهر
شموخ:تسوقها وحده الليل!!
تركي:يويلي فاتتنا الصلوات
فرح:قومو وخلو كيس النوم ذا يصحى الي لو تفجرت عنده متفرجات ماصحى
تركي :جوعانين
شموخ:ابشرو ب احلى والذ فطاير مع شاهي
مطلق:اوففف يلااا
قامو العيال يصلون وتوجهو البنات يجهزون الاكل
عند العيال الي متكين في المجلس:
مطلق:طولووو
تركي:بموتتت جوعععع
علي :تخيلو فطاير شموخ الحاره الي تذوببب
مطلق:مع شاهي النعناع حق فرح
تركي نطق ب الم:وجع تعذيب نفسيييي
دخلت شموخ:وصل وصلللل
مطلق:ارحبي ثم ارحبييييييييييييي
تركي:هلا هلاااا والله باللي له الخافق يهلييي
فرح ضحكت:لو درينا سوينا لكم اكل من زمان
علي :فاقد شيختي وعزوز
شموخ:صح والله لهم فقده من كان يصدق ان بيجي يوم ونفترق
مطلق:من يصدق قبل سنتين كنا كلنا هنا في ذا المجلس ولا واحد فينا متزوج
شموخ:اشتقت ل ايام شيخه العزابيه
فرح:يوههه كانت تصفقنا
مطلق ضحك :تذكرون يوم صفقت ولد العم فهد
علي:شلون انسى صفقته عشان اخذ لعبتي
شموخ:يوهه صفقته ب الحذيان
تركي:وعضته شلون بيتخطى
فرح:عاد يستاهل غثيثثثث وثقيل دم
مطلق:اصلاً انا مصدوم كيففف هادي وشيخه مع بعض!!
فرح:شيخه عصبيههه وهادي اسم ع مسمى
تركي :يوهه يغثننن يغثننن
علي:اتفق حتى انا فيه برودة دممم
مطلق:النصيب
شموخ تعدلت :الا شخبار خويكم واهله؟
تركي ضحك ؛تبي تسال عن غرام لكن من وراء التريلات
فرح:لا تفهمني صح
مطلق:والله بخير وقام فيني طول الثلاث شهور
تركي:يوهه اخته طباخه اخطبوها ل علي
شموخ:صدز جمال وسنع
فرح:حراممم توصفينها
ضحك مطلق:معليتس اذكرهااا يحليلها
تركي :حتى انا اذكرها اذا هي ع نفس الوجه ف هي ملكة جمال
شموخ:صدز مالكم امان ل الحين حافظين ملامحها
مطلق:تسوقينها تربينا سوى
تركي:صادز لين نقل العن سلمان نجد
شموخ :يارب يعودونن اشتقتتت
مطلق سند نفسه المركى:قالي صقير يمكن يرجعون
علي؛سوالفكم هابطه،نلعب بلوت
_______________________________
"أعذروني إن وجدت أخطاء إملائيه"