فوط + كومنتار
قطعت كلمتها على الصوت اللي وراهم بحدددة
" وش راكم تديرو !!!"
بلعو ريقهم بقوووووة رجليهم فشلوووو دارو ببطء شديد خايفيو من المواجهة. و........
تنهدت لميس براحة كان في بالها ادم
ادريان بجدية : وش راكم تديرو !؟!
لميس : ادريان بلييييييز عااوننا نخرجو منا
ادريان : علابالك اذا هربتي راح يقلاك يلقاك وهاذ المرة اذا هربتي والله ماراح تسلكي من بين يديه
حطت لميس يدها على وجهها تبكي بقوة
لميس : مقدرتش مقدرررتش نعيش معاااه ... كيفاش راح يعيش ولددددي مع اب كيما ادم !!؟! ادم موش طبيعي ... لازمو يتعالج الهوس تاعو فاق الحدود
ادريان : وين راح تروحي ا لالة !؟
لميس : نتا برك عاوننا نخرجو منا ساعتها متزيدش تشوف وجههنا
ادريان : بصح مايستهالش كل هاذ العقاب باش تبعدي نتي عليه وتزيدي تبعدي عليه ولدو الشي اللي راكي تديري فيه غالط ... وانا مانقدرش نشوف صااحبي يتعذب ضك .. ترجعي لبلاصتك بكل هدوء صينو انا نعيطلو
هزتلو راسها بنفي و شدتلو يديه تحلل فيه
لميس : عييييشك ادريااان يلا ماشي في خاطىي في خاطر ولد خووك اللي جاي الدنيا ... والله مايقدر يعيش معاه .. حابة نعيش حياة طبيعية كيما الناس كامل .. حابة نتخلص من هاذ الجنون
سحب يدو منها وشاف فيها بتأسف وجبد تيليفونو
ادريان : ديزولي منقدرش نخون صاحبي
هنا طرطقت لميس بالبكااا وحطت يدها على فمها
ميرا : نتا فريمون واحد رخييس ماتحشمش .... تسما ماتخونش صاحبك وتخليها هي تتعذب هازة روح في كرشها اللي فوتاتو معاه ماشي قليل تسما لشتا تموت هي وولدها غار باش مايحزنش صاحبك المصون يخي !!؟!
هز حاجبو فيها يخزر بجدية
ادريان : انا رخيس!؟!
ميرا ببرود : ايه
ادريان : ومانحشمش
ميرا : ايه
قرب ليها بخطوات بطيئة وهي بقات واقفة بثبات في بلاصتها شاف في عينيها مباشرة بجرأة
ادريان : مزال لسانك طويل كيما عرفتك
ميرا : خههه منين تعرفني ان شاء الله في حياتي تعرفت على اشكال كيفك يعععع
ادريان : امم متشفايش يا الدب القطبي كي كنتي تحكمي زوج ظفارات وتجي تقراي لليسي !؟!
ميرا : انا !؟!!!!!!! شكون نتا ؟؟!.
عقدت حواجبها باستغراب الدب القطبي كان يقولوها غار انسان واحد و.....
ادريان : خسارة عليك نسيتيني ... نسيتي ديدو !!
حلت عينيها بصدمة كي تفكرت اما لميس كانت غا تتفرج وتكات على كابو الطومبيل تمسح على كرشها بألم من التقلصات اللي تحس بيهم
ميرا : .. نن..ننن..نتا!؟.
تبسم ابتسامة عريضة هنا سوطات عليه عنقاتو بقوة وهو يضحك بالصوت بادلها العناق
ميرا : اعععععع ديدوووووو
بعد فترة من العناق ولميس غا تخزرلهم تستنا غار وكتا يطب عليهم ادم يهرسهم بين 3 .... عضاتو ميرا بقوة نزفاااتو وبعدت عليه
ميرا : كلللب حماااار حلوووف حيوان ..... بعد عليا منحبش نزيد نشوف وجهك ياوحد الغدار تففوووو عليك
جا راح يجاوبها لمح يدها اللي كانت تنزف شدها بلهفة
ادريان : وش بيك ...؟؟! كيفاش تجرحتي .؟! شكون دارلك هكذا !؟!
نترت يدها منو بقوة : مكان مادخلك حاجة متخصكش
ادريان بالعياط : كيفاه وش دخلني كيفاااش هاذي وش دخلني تاع $$$ هااااا هاتي تشو لهنا نشوفها
جبدلها يدها بقووة لعندو يخزرلها مكانش عميق بزاف نحا الكرافات تاعو ولفلها يدها بيها بقات تخزر فيه بحزن كبير
ميرا : وين راهي هي !؟!
ادريان : شكون !!
ميرا : رميساء !؟! اللي خليتني علاجالها
تبسم بسخرية وحك حاجبو
ادريان : هههه مكانش ... كنت نتمسخر بيك كنتي لاصقة فيا كي الڨملة مكانتش كاينة طريقة اخرى باش نبعدك عليا بيسك في ذاك العام دخلت للمافيا بصح هاني رجعت ضكا
ميرا : خهههه ارجع على روحك ... ننتا كذاب وغدااار وخاااين ... رحت وخليتيني كنت حب المراهقة ضك منحبش نشوف وجهك المنحوس متوالي
ادريان : خليها لليامات ونشوفوها
لميس : اذا مامشيناش ضك رايحين نخليوها لأدم هو اللي يشوفها .... شوف روح لهيلنا ادم ضك وانا نكون الشاهدة في عرسكم وميرا خليها عليا على ضمانتي... ادريان
خزرت فيها ميرا خزرة حادة ضحكت عليها لميس وقلبت عينيها عليه ومشات عاونت لميس ركبت الطومبيل وبعدها هي كان راح يهدر معاها غلقت الكارو في وجهو
خذاو نفس عميق في زوج بقوة وديمارو وصلو للبوابة حلو الحراس الباب بلا نقاش لأنو مكانش نقاش مع الزعيم علابالهم كل. غلطة بقوة هوما بعدو على القصر طلقت لميس زغروتة حارة
لميس : طلللعنا. طللللعنا يس ييييس يييس
شافت فيها ميرا بابتسامة خفيفة طول هاذ السنين كانت معمية على اختها
ميرا : ان شاء الله ماتندميش على قرارك هاذا ... خممي وش تقولي لابنك كي يكبر ويسقسيك على باباه
لميس : علابالس وش راح ندير .... حقااااا قوليلي ياوحد الكلبة جامي حكيتيلي على ديييييييدووووو 😂😂😂.
ميرا : خلينا منو فترة مراهقة كنت بغلة
لميس : اذا ماديتيهش اكي بغلة صح ... واحد بوووقوص شباب شعرووووو رطططب كيما ادرياان الزين الايطالي الله الله .... العقلية وش نحكيلك فكاهي .. مقود متفتح ماشي كيما الطوبة والفريجيدار اللي عطاهولي ربي متفرطيش فيه اااه قلبي الصغير لا يتحمل
ميرا : لمييييس اكي مرا متزوجة ... شدي راااجلك ومتحطيش عينيك على رجال الناس
لميس : خلاص ماقلت والو يا المغيارة اصلا ادم بقوووص على ادريان وين يبان معاه
ميرا : اممم عليها ىحتي وخليتيه
لميس : ميش بصفة دائمة راح نرجع ليه بلاك يهديه ربي ويروح يداوي
ميرا : واذا ماداواش تكبري ابنك وحدك !؟!
لميس : اذا اضطريت وي
ميرا : راكي غالطة بزااف في حساباتك رايحة تظلمي صغيرك
لميس : ديري في حسابك بلي تزوجي بادريان بالسيف عليك
ميرا : امم ان شاء الله بربي
لميس : خلاص خلاص يكفي لهنا .. ضك نحكمو طاكسي
ركنت ميرا الطومبيل على حافة الطريق وهبطت زادت عاونت لميس هبطت من الطومبيل .. دارت لميس الڨلمونة باش تنحي الشبهات ورغم حملها وحالتها ذيك ماسلمتش من التحرش ومن عينين الرجال هي واختها .... حكمو تاكسي مسحت لميس دموعها اللي طاحو بلا ارادتها ركبو ولميس تخزر لبرا بشرود وهي ساعة ساعة تتأكد من يدها اسكو مغطية ولا لا خايفة تبان اللاصقة شافت فيها ميرا باستغراب قربت ليها تهمس في وذنها
ميرا : وش راكي تديري ؟!
لميس : اني نغطي فهاذ اللاصقة ميش بعيد.يعرفوني الناس ويدوني ليه
ميرا بهمس : وين نروحو ضك !؟
لميس : عند يارا وامير .. معندكش تيليفون !؟!
هزتلها ميرا راسها بلالا شاف فيهم الشوفور بشك
"هل يوجد شيئ استطيع مساعدتكم به"
شافت ميرا ولميس في بعضهم ماهمش فاهمين
لميس : عيشك عمممي محتاجة تيليفونك بررك
هزلها راسو بإيه بيسك فهم لغتها وعطاهولها ... بلاما تخمم شكلت رقم يارا ... جاوبتها يارا من الجيهة الاخرى وفمها معمر بالماكلة
يارا : انعم شكون معايا
حلت عينيها بصدمة خايفة يكون خوها اللي عيط باش يعرف بلاصتها فصلت الخط ديراكت وهي تسب في روحها وخفتها بيسك تهز من أول رنة بلا ما تخمم ناسية اللي هي هربت ويقدر يلقاها خوها في ثواني
تأففت لميس بغيض وتشكلو الدموع في عينيها مستعدة للبكا
ميرا : وش بيك .. لا اكي تبكي !؟؟
مسحت دموعها بكمامها كي الولاد الصغار ضحكت ميرا ... مافهمتش على كانت حاقدة على كمية البراءة والطفولة اللي كيما لميس
لميس ببكاء : معلاباليش يهبطو وحدهم .... هااذ كلو من ولد ال$#$ تاع ادم اللي ماكملوش. باباه يحوس يكملو هو ... واقيلا توحشو عليها او يبكي عن طريقي انا
شافت فيها ميرا وتطرطق بالضحك من كلامها لأول مرة تضحك مم قلبها شافت فيها لميس بغيض ودورت وجهها تبعث ميساج لياارا وعاودتلها مرة اخرى هزت عليها ثمثم
لميس : حيواانة ماتحشميش هاذي المرة الدوزيام ونتي تهزي وتكولي في وجهي
يارا بلهفة : لميييس!؟! وش بيك!؟؛ وين كنتي !؟ وش صرا !؟. حنا ضك رانا في صقلية ... تاعمن هاذ النيميرو !؟ ماشي كنا راح نتلاقاو من سمانة ؟ وش صرا !!!!!
لميس ببكاء : يارا هربتتت ... بصح ... ب...بصح معلاباليش ضك وش ندير ولا وين نتخبى
تصدم السائق من بكاها ... كي تطرطقت ضربة وحددة ميرا تمسح على ظهرهة تهدي فيها شاف فيها من التروفيزور كانت تبان طفلة ضعيفة حامل معندها حتى مأوى
يارا : اششش كالمي روحك لميس وركزي معايا ... نعرف قرية ثما خارج باليرمو فيها ناس متدينين لا ادم ولا رجالو يقربو منها بيسك ناس خاطيهم المشاكل والشبهات ... حاليا ميش راح يشك بلي رانا ثم ... ونعرف مربيتي الايطالية تسكن ثما متأكدة راح تساعدنا قولي للسائق يوصلكم ليها اسمها ( بيانو دي جيلي ... Piano die geli) قلو يحطكم ثم وضك نلحقك انا وامير استناينا في مدخل القرية فهمتي!؟
هزت راسها بايه : وي وي
وهي تشوف في نظرات السائق اللي بان الشك على ملامحو مسحت المكالمة ورجعتلو التيليفون
لميس : عيشك حبس هنا عمي
طلبت منو يوقف شافت فيها ميرا باستغراب اما لميس ما استراحتلوش ومدارتش فيه الثقة ... جرت ميرا من يدها ركبو تاكسي اخرى
ميرا : وش راكي تخلطي في روحك نتي لاه نزلنا كي عدنا رايحين نركبو وحد اخرى
لميس : ماشفتيهش كيفاش كان يخزرلنا. شاك فينا واكيد يخبر ادم مبقيت ندير الثقة في حتى واحد
شدت على يد ميرا بقووووة من الالام اللي كثرت عليها اليوم وغمضت عينيها بقوة من شدة الوجع
ميرا : وش بييك ؟؟؟!! رايحة تووولدي ؟!! قتلك قتلك مانهربوووش وش ندييرو ضكا
لميس : اوووف اووووف ميش راح نووولد مزال الحال برك التقلصات زا ... ااااااااااي .. ز.... زادت عليا
بقات تتنفس بقوة وتنهج اسفل ظهرها يوووجع وكرشها تسسططططر مفهمتش وش بيها بداو الدموع يطيحو سخونين على خدها شي من الالم وشي من الخوف
لميس : ميرااااا خايفة ... خاايفة على ولدددي كشما يصرالو ... انا ضريتو بزاف اهئ اهئ ماخليتوش يرتاح يوم واحد .... انا ام سيئة اذا كشما صرالو منقدرش نعيييش مييراااا ااااااااااي كرررشي تتتتقطع
بقات تبكي وتتغوصر في بلاصتها ومسرا تمسح على وجهها وشعرها اللي لصق بالعرق وقلبها يتقطع على حالتها حتى هي ماتنكرش انها خايفة ... وش يصرا كون تولد قبل وقتها .... ادم راح يحرق ايطاليا بلي فيها اذا كشما صرالها او صرات حاجة لولدو
شاف فيهم السائق بخوف مالغري موش فاهم وش يهدرو
" سيدتي هل انت بخير!؟! هل أقلك الى المستشفى !؟"
فهمت لميس كان الكلمة الاخرة السبطار هزت راسها بنفي وهي تبكي
لميس : لالا ... لا قرية بيانو دي جيلي
هزلها السائق راسو بإيه لأنو فهم كلامها والبلاصة اللي تحوس تروح ليها غمضت عينيها بخفة بعد ربع ساعة كي هدات اوجاعها
ميرا : لباس !؟!
لميس : وي وي لباس .... برك تقلصات تصرالي منين ذاك
ميرا : كيفاه تقلصات ؟!!!
لميس : من ثقل الحوض .. وضغط راس البيبي على العمود الفقري تصرالي انقباضات على مستوى الرحم
ميرا : في حياتي سمعت بيها هاذي لاه هازة بقرة في كرشك ولا
لميس : سما تمعني بلي ولدي سمين ولا كيفاه
ميرا بضحك: مكانش تفسير واحد اوخر لهاذ الشي
لميس : وش قلقكم عيييشك يخي انا الللي هااازاتو ماشي نننتي اللي يجي يعيط عليه .. لاه تحوسو عليا ربي اعطاه صحتو ... ربي يحميه من عينيكم هاذا مكان
ميرا : خلاص خلاص ما قلت والو .... انا كي شفتك ضك ديسيديت مانجيبش الاولاد
لميس : حتان يعود راييك ..
. حطت يدها على كرشها الباارزة بشدة تمسح بحنانة
لميس : انا ماكنتش مستنية اطلاااقا انو يجيني صغرون ولا في حياتي تخيلت اني راح نكون ام ... بيسك كنت رافضة الفكرة ... بصح نتي تقولي زي. وربي يقول زي
......يتبع💙💙💙
ارائكم
توقعاتكم
فوط + كومنتار
بنات خلاصتلي الانترنات راني نبارطاجي باش نحطلكم البارت اعذروني