في اليوم التالي،
تجمعن البنات قريب من البحر، وبالطرف المقابل كانو الشباب يسبحون بس بعيدين عنهم بعد
سلمى بطفش: اففف بنات والله طفش
الهنوف: منجد بس وش نسوي
احلام وهي ترشف من فنجانها: اشربي قهوة وتمر
كشرت سلمى: ييععع كنك عجوز بآخر عمرها
سمر: اقترحي علينا اجل وش تبغينا نسوي
سلمى وهي تلتفت للشباب: شوفو العيال يسبحون يحظهم
ام عبود: لا تكونين تبغين تسبحين
سلمى: ليش وش فيها
ام عبود بصدمه: مو منجدك يهبلة شوفي البحر كله عيال
اكملت الهنوف: اذا تبغين تسبحين روحي المسبح داخل ما احد مانعك
سلمى: افف خلاص ما ابغا شي بطلت
سمر: انا لقيتها
التفتو لها: وش
سمر: دبابات
الهنوف باستغراب: دبابات؟؟
سمر: ايوه، احلى شي بهالوقت، شوفو الكل يلعب بهم
خلينا نقول للعيال يجيبون لنا كم وحدة نتسلى بها
سلمى صفقت بحماس: اييييييوه كفوووووو، جبتيها
سمر التفتت لهن: صبا نوف! وش رايكم
: هاا
سلمى ضحكت: ذول عقولهم بمكان ثاني تماما
الهنوف بخبث: صبا انتي امس رحتي وقلتي بترجعين بس ما رجعتي، ليش
صبا بحرج: ها، كنت نعسانة مرة ونمت بالغرفة
سلمى: وانتي نوف ما جيتي امس معنا، ولا راكان ما سمح لك، كيف كانت ليلتك امس
سمر: سلمى شهالكلام
نوف كشرت: تطمني، راكان كان مع العيال امس وانا نمت لحالي
احلام: ووش
نوف: ايوه
سمر مغيرة الموضوع: يالله بنات، نبغا دبابات بلا سوالف
ام عبود: من بتروح تقول لهم، الحين حتى جوالاتهم مو معهم
الهنوف قامت : انا انا، بروح اقول لعمر
سلمى وهي تضحك: تقولين له ولا تبغين تشوفينه وهو مفصخ
الهنوف بحرج: عمى الحق علي الي بروح عشانكم
سمر: لا تردي عليها هنوف روحي وهي بعد بتروح معك
سلمى: هااا
سمر: يالله قووميي والا مافي دبابات ولا في لعب
سلمى: لا خلاص قمت قمت
قامت معها واتجهو ناحية العيال
سلمى: ييع كيف يسبحون كذا مفصخين
الهنوف: ييع بعينك
سلمى: زعلتي على حبيب القلب هاا
الهنوف: انطمي سلمى، تقول اصلا مو عاجبك شكلهم كذا
سلمى: لوعتي كبدي
الهنوف وقفت: استني، كيف بنقول لهم اكيد ما بنروح لهم، والله استحييي اف، بعدين زوج صبا واخوه معهم بعد
سلمى دقت على صدرها : افا علييك، اتركيها علي
الهنوف: حليها يا شاط
وقبل تكمل كلامها نادت سلمى بصوت عالي: عمررر، تعاااال نبغاك شوي
التفتو كل العيال ناحيتهن
وضعت يدها على راسها بصدمه: الله يفضح شكلك وش سويتي كلهم يناظرونا
سلمى ضحكت: بنت الرجال ما تخاف من الرجال
الهنوف: والله ليقطعنا نواف، انا وش جابني معك اففف
شافت نايف وعمر جايين باتجاههم
عمر بحدة: وش جابكم
نايف وهو يناظر لسلمى: نعرف اننا حلوين بس ما يصير تناظروننا وحنا نسبح
سلمى تكتفت: يييع من زينك نناظرك يا معصعص
نايف بصدمه: انا معصعص يا قردة
عمر: هييي ورا ما تنطمون انت وياها
سلمى: انت وش جابك اصلا، نادينا عمر مو انت
عمر: سلمى خلاص،،، وش جابكم انتم
سلمى: طفشنا واحنا جالسين مافي شي نسوي
عمر: وش اسوي لكم، اسليكم؟
سلمى: نبغا دبابات
عمر: دبابات!!
سلمى: ايه دبابات تكفى
عمر: دبابات من كل عقلك! هالحين
سلمى: ايييوه ليش لا، الله يخليك
عمر: ما ب
الهنوف بصوت ناعم مرة: الله يخليك عمر، مرررة طفشانين ونبغا نلعب ونتسلى مافيها شي، وبعدين ما بنكون لحالنا انتم معنا
عمر التفت لها: ها، ايه اذا كنتم تبغون تلعبون مافي مشكلة ابد، تبشرين يا قلبي بها الحين نجيبها لك، اءء اقصد لكم
نايف وسلمى ناظرو بهم وبعدها ناظروو ببعض
وضحكو
التفتو لهم
عمر: عمى ليش تضحكون
نايف: ههخخهههه سلامتك
سلمى: لو كنت ادري بكلمتين بتجيب راسك، ما كنت تعبت حالي وجيت
عمر مسك نايف من يده وسحبه: يي يالله بس روحو احنا بنجيبه لكم
اتجهو ناحية العيال
ونايف يضحك بشدة
نواف: وش يبغون
راكان: وش فيه ذا بس يضحك
عمر التفت لنايف بغضب: انطم خلاص
نايف وهو يستند على ركبه ويضحك: ههههههههههههههههه مو قادر لالا ههههههههخخخخخهههههه ياقلبي ههههههههههههههههههه
سعود مسكه من شعره بقوة: هييي خلص عاد صجيتنا
نايف بألم: هههه خلاص بسكت بسكت
وقف ضحك واعتدل بوقفته
ناظر بعمر الي يناظره بانزعاج وما قدر يمسك حاله ورجع يضحك
نواف: نااايف
نايف سكت: خلاص خلاص والله ما اضحك ها
وضع يده على فمه
عمر: البنات يبغون دبابات
: دبابات!
عمر: ايه يقولون طفشو
سلطان: اوووه والله يعرفن يفكرن
مشعل: اييه نبغا دبابات
عمر : للبنات مو لكم
راكان: اجل مافيها مشكله، نجيب لهم
.
.
.
.
.
بعد نص ساعة ارسل لجوالها
: ها يقلبي، ترا جبت الي تبغينه
الهنوف: دبابات؟
عمر: ايه، تعالو انتي والبنات
الهنوف وقف بحماس: بنااااات جابو الدبابات
صرخن بحماس
لبسن عباياتهم وطلعو
واتجهن لهم
كان فيه دبابتين بس
: انا اول
: لا والله انا
: انا الي طلبت
: هيييي فكرتي يكذاابة
نواف بحدة: بسسس انتي وياها، الحين احلف ان ولا وحدة فيكم تركب
: لااا خلاصص
: سكتنا سكتنا
عمر: بالدوور
سلطان: ترا احنا بعد نبيها بعدكم
ابتعدو العيال عنهم بس بقى عمر ونايف وسلطان
وكذلك صبا الي ابتعدت وجلست على الشاطئ تناظر لهم
نايف: من اول
كلهم بنفس الوقت: انا انا
عمر: رجعنااا لا حوول
سلطان: وقتهم بيخلص ترا
سلمى: بنات وش فيكم كلكم بتركبون
ام عبود: اييه بنات خلاص اختارو ثنتين يركبون اول
جاها عبوود يركض: ماماااا انا ابغا دبابة، انا ابغا دبابة
ام عبود: تبغا دبابة؟ روح لابوك روح، وهو بيركبك معه
عبود: ماماااا، ما ابغا، ابغا دبابة
ام عبود: تكفى سلطان خذه بعيد، انا اصلا اخاف وانا لحالي كيف وهو معي
سلطان نزل لمستواه: عبودي تعال يروح عمك، تبغا دبابه
عبود: اييووه
سلطان حمله: طيب تعال معي انا بخليك تركب
كان متجه فيه عند العيال
بس شاف صبا جالسة لحالها وقف
نزل عبود: عبود روح عند بابا انا شوي واجي طيب
ركض عبود باتجاه ابوه
وهو اتجه لصبا: صبا؟
التفتت له: هلا سلطان
سلطان :ليش جالسة لحالك هنا، ليش ما تروحي مع البنات
صبا: ما ابغا، انا كذا مرتاحه
سلطان جلس جنبها: ما تبغين تلعبين معهن
صبا: لا
سلطان باستغراب: ليه
صبا: ها، اا انا ما ابغا وبس، مالي نفس
سلطان اومأ بفهم: مممم ، تقصدين ما تعرفين صح؟
صبا: لا ما، ما انا ب
سلطان ابتسم بخفه: شي عادي انك ما تعرفين، لانك ولا مرة ركبتيها، بس انا بعلمك الحين
صبا: ما ابغا
سلطان قام ومسك يدها: يالله، صدقيني بتستمتعين، اوعدك بتتعلمين بسرعه
صبا ما تبغا تقوم معه وقدامهم، ما تبغا يعرفون كلهم انها ما تعرف وحتى الطفل الصغير يلعب عليها
سحبت يدها منه: قلت لك ما ابغا اتركني خلص
سلطان: بس لي
فهد جا من وراه: سلطان، خلص قالت لك ما تبغا، اتركها براحتها
التفت له سلطان: انا بس كنت اب
فهد وضع يده على كتفه: ما عليه، بس اذا هي ما تبغا لا تجبرها
سلطان بحرج: اسف
صبا: عادي لا تعتذر
سلطان راح بسرعه من امامهم
قامت وجت بتروح بس مسك يدها
: وين
صبا: بروح ارتاح داخل
فهد: بتقضين كل وقتك ترتاحين بس
صبا بصوت مرتجف: وو وش اسوي، مافي شي اعرف اسويه هنا
فهد رفع ذقنها لتقابل وجهه: عادي، كلنا عندنا امور ما نعرف نسويها
صبا: اتركني ابغا اروح
فهد مسك يدها الثانية: ما بتركك
صبا: ليه
فهد تنهد: وش رايك بآيسكريم
صبا: ها
فهد: في محل قريب من هنا يبيع ايسكريم مرة لذيذ وش رايك
صبا نزلت راسها تفكر
فهد: يالله صبا، بتعجبك
صبا ناظرته: طيب
ابتسم بخفه: انزين انتظريني شوي بس اجيب السيارة
صبا: مو تقول قريب
فهد: هو قريب، بس مو مرة نروح بالسيارة، وايه نروح نتعشا بعد، خلينا نكون لحالنا شوي
وقبل ما تحكي شي تحرك من امامها
ارسل لها تجي جنب الشالية واتجهت له
كان ينتظرها هناك
وغادرو المكان
.
.
.
.
.
.
عند البنات
كلهن لعبن بقى بس سلمى الي ضلت اخر شي
جت تركب الدباب
نايف: شوي شوي يا قردة
سلمى: مالك دخل، يقالك تهتم يعني يا ثوور
نايف: هيي مو خايف عليك على الدباب، لا تكسرينه
سلمى: نننننن اقووول، بعد بس افرجيك اللعب الصح
سمر: ورا ما تنطمين وتلعبين وتخلصينا
سلمى: لا تتدخلين،، بنات من تلعب معي ما ابغا العب لحالي
عمر: هييي ترا العيال يستنون، العبي شوطك خلصينا
سلمى: مو قبل ما يلعب معي احد، ما العب كذا من فراغ ابغا اهزم احد
نايف: هيهيهييييييي ، الا اذا لعبتي مع عبوود الصغير، ويمكن هو يهزمك بعد
سلمى: هييي تراني احسن من لعب فالدباب، اتحدااك
نايف كان ينتظرها من الله: مواااافق، بعد اذنك عمر طبعا، ابغا اهزم اختك
سلمى: تخسى
عمر: تفضل ما احد ماسكك
نايف: شوفي اذا بتصيحين من الحين قولي لاجل ما العب معك
عمر: والله انت الي بتصيح شكلك
نايف: انت معي ولا معها
عمر: ما قلت شي، بس انتبه تراها موب سهلة
ركب دبابه: يالله عاد، الحين بتشوف من السهل فينا
سمر: الله سباااق، والي بيخسر وش بيسوي
احلام: انا عندي اقتراح، اذا سلمى هي الي نجحت العشا الليلة على العيال واذا نايف الي نجح احنا بنسوي العشا
سلمى: موافقة
الهنوف: سلمى متأكدة بتنجحيين الله يخليك نبغا نرتاح من العشا الليلة
سلمى: افا عليك، علي
عمر: انا مو موافق، عارف النتيجة
نايف: اخسسس، تشك فيني( ناظر في العيال) شجعوووني يا عيال بعشيكم الي تبغونه على حسابهن
راكان: اشك والله انك غير تخلينا نطبخ
سلمى: هييي يالله نبدأ عااااد
عمر وقف قدامهم: لعند الصخرة الكبييرة الي باخر الشاطئ هناك، وبترجعوون، ،، بس اقول ثلاثة زييين
: يالله
تمسكو بدباباتهم مستعدين للانطلاق
عمر: وااااااحد،
اثنييييييين
ث لاااااا ثة
انطلقو بسرررعه
البنات كانن يصرخن بأعلا صوت: سلممممى
: اسرعع تكفييين فووزي
: متكلين علييك
العيال على العكس كانو ساكتين بس مشعل الي تحمس
: يالله نايف انت قدها
سعود: اسكت تكفى، ترا ما بينجح
مشعل: ليه تراها بنت اكيد بتخسر
سعود: واذا!! ترى ذي حسبتها حسبت رجال، ما احد يقدر لها
مشعل: اووه، بس ما اتوقع تفوز
سعود: هه ان شاء الله
كانوو يمشوون باسرع ما عندهم، مرة يتقدم عليها ومرة هيي تتقدم عليه
بعدوو عن المكان حيييل لين بطلو يسمعو اصوات الشلة
سلمى: بتخسر صدقني
نايف: بنشوف ههه
وعند النقطة المحددة، التفو بسرعه راجعين
ضحك نايف بخبث... ضغط عالدباب باسرع ما عنده لدرجه تناثر التراب حوله،
كحت من الغبار: يحيوااان
شافته يبعد عنها
سلمى: انا بورجيك
قرب شوي من الشلة ولاح لهم نايف متقدم
العيال بس شافووه صار يصرخون ويصفقوون
كان مبتسم لانه بيفوز بس فجأة
: ناايف، تكفى ساعدني رجلييي اااخ
التفت لها الا ويشوفها طايحها والدباب جنبها
انصرع وخاف صار لها شي وبسرعه التف بالدباب يرجع لهم
.
.
.
اثار استغرابهم حييييل
عمر: ليش رجع
الهنوف: وش صار
سمر بقلق: سلمى مو مبينه لتكون صار لها شي
عند العيال بعد كانو مستغربين
سعود: في شي صار
نواف: اكيد
زايد: خلينا نروح نشوفه
نواف: لا خلينا ننتظر شوي يمكن يرجع
.
.
.
.
.
وقف جنبها ونزل من الدباب جلس بقربها وبقلق: سلمى وش فيك
سلمى وهي تبكي: رجليييي اااخ رجلييي، تكفى مرة تألمني
نايف جا بيمسك رجلها: اشوف
سلمى: ل لا اهئ لا تلمسني
نايف قام: طيب طيب، بروح انادي عمر ولا نواف
سلمى بسرعه :لاااا ما ابغا، لا تتركني لحالي هنا
نايف: طيب تراهم قريبيين مننا، عادي
سلمى: لا تكفى ابقى لا تروح
نايف: وش اسوي طيب اففففف
نايف جلس جنبها : خليني اشوف رجلك على الاقل
سلمى: طط طيب
كان بيمسك رجلها يشوفها بس
هي بسرعه اخذت رمل ورمته بوجهه
غطى عيونه: اااااخ
وبسرعه قامت وركبت الدباب وهي تضحك: هيهيهيعييييي تستاهل
وانطلقت بسرعه
نايف: اااخ يا حيوانه
مشت بسرعه بالدباب وهي تضحك متجاهلته تماما
عمر: ذي سلمى جت
البنات بس شافها صارن ينطن ويصرخن من الفرح
: هيييييي
: كفووووو سلمى
: الحمدلله ههههه
نزلت من الدباب وهي تضحك
قامن حضننها
عمر: اف كنت متوقع
سعود: هه قلت لك
مشعل: يالله، عادي بقطع معكم بصل
نواف: دقيقة وين نايف
الهنوف: ليش نايف رجع قبل شوي، ووين راح ليش ما جا
سلمى بتوتر: ها، اا مم مدري
.
.
.
قام وهو يفرك بعينينه بألم، بسبب دخول التراب والحجار الصغييرة في عينيه
مو قادر يشوف شي، بس وهم خفيف
عيونه محمرة وتدمع بشددددة
شاف الدباب بس خيال
ركبه ومشى بس بسرعه خفيفة لانه مو شايف شي
وهو يفرك بعيونه
مسح دموعه الي تسيل بشدة وهو بصره ضعيييف
.
.
.
.
عمر: ناايف
شافوه وهو متقدم ناحيتهم، بس ما كان يناظر قدامه حتى، يرفع راسه لاعلى وبعدها ينزله ويفرك بعيونه
نواف اسرع ناحيته: نااايف
وكذلك الباقيين
نزل من دبابه وجلس على الارض
تقدم له نواف وبسرعه وجلس امامه: وش فيك
نايف وهو يفرك بعيونه: عيوني اااخ، مرة تألمني
نواف: وريني، بعد يدك
نايف: مقدر تحكني
مسك نواف يده وازاحها ورفع راسه لاعلى ليناظر بعيونه
كانت محمرة بشدددة وتدمع، كان يرمش كثير
راكان: وش فيها عينه
نواف : هاتو مويه بسررعه
سعود: يالله
وركض ليجلب له
عمر: وش الي صار
نايف: تراب دخل بعيوني
نواف: كيف صار كذا
نايف: اااخ من الدباب، عع عيني
نواف: ويين المويه
سعود جا بسرعه ومد له علبة المويه: خذ
اخذها نواف وحاول يغسل عينه
نايف رجع يحك عينه
نواف مسك يده: لا تلمس عيونك لاجل ما تضرها
نايف: مقدر تحكني، مرة تألمني اااخخ
قام وقومه معه: تعال معي
نايف: ما اشوف شي عيوني مغبشة
مشى وبجنبه نواف ومن الاتجاه الاخر سعود
عمر توجه للبنات
الهنوف بقلق :وش فيه نايف
نوف: تكفى قلنا وش صار له
عمر: لا تخافون بس تراب دخل بعيونه الحين نواف بيساعده تطمنوون
التفت لسلمى: سلمى
رجفت من صوته: ه ها
عمر بحده: وش سويتي
سلمى بخوف: اا انا؟ ما سويت شي
عمر: لا تكذبين اعرف مقالبك انا، كان جاي ما به شي وفجأة رجع وانتي جيتي، ومنه هو جا بهالحال، قولي، انتي الي سويتي فيه كذا
سلمى: م مو انا صدقني
عمر: مشكلتي حافظك زيين، المهم ما بتمر مرور الكرام صدقيني
وراح تاركهن
سلمى وهي شوي تبكي: م ما سويت شي
الهنوف: خلاص لا تهتمين انتي مالك دخل
سمر: ان شاء الله تكوني صادقة وما سويتي شي جد
سلمى: ما سويت شي اهئ
ام عبود: خلص سمر اتركي البنت، تقول ما سوت شي
نوف: تعالو ندخل نتطمن على نايف
: زين
.
.
.
.
.
: بعد يدك خليني اعرف انظف عيونك
نايف: مقدر تحكني
نواف: سعود
اومأ له سعود
ومسك يديه يثبته
ونواف بدأ ينظف بعيونه
ابو نواف: هذي نهاية لعبكم، ما تنتبهون لنفسكم، ان شاء الله ما يصير شي لعيونك
نواف: لا يبا ان شاء الله ما صار شي، كلها تراب
صار نايف يحرك براسه بعشوائية بس بدت عينه تحكه بقووة: ع عيونيييي اااخ
غمض عيونه بقووة ودموعه كنها شلال تنزل بلا توقف
نواف: اهدى بس شوي
جا له راكان وثبت راسه بعد
نواف: افتح عيونك نايف
نايف: تألمنيي مقدر
نواف: حاول بس شوي يالله
فتح عيونه ببطئ لينظرو له بصدمه
لما اختلط الدمع بسائل احمر
عمر: دمم
ابو نواف: ياربي، وش صار ينواف
نواف: خدش عيونه
ابو زايد: نواف الاحسن يروح للمشفى لان كذا ما ينفع
تافف نواف : ايه عمي احسن
قام وقوم معه نايف
نايف: مم ما اشوف شي
مسك يده من طرف وراكان من الطرف الاخر: بنساعدك يالله
اخذوه للسيارة وهو يادوب يمشي بسبب انعدام الرؤية
البنات كانو يناظرونهم
نوف كانت تصيح بسبب خوفها على نايف
وكذلك سلمى وهي تلعن وتسب بنفسها بسبب خطتها الي انقلبت ضدها
.
.
.
.
.
.
كانو جالسين بالكوفي
كانت تشرب من قهوتها بهدوء ونظرها على البحر الي قريب منهم
وهو نظره عليها
صبا: لا تناظرني ترا اشوفك
فهد: هههه، اتركيني اناظر الي احبه
صبا : بس انا اخجل احد يناظرني كذا
فهد وضع يده تحت ذقنه: ليه انا زوجك لا تخجلين مني
صبا اخفضت نظرها لكوب قهوتها وشربت منه
ضحك بخفه على خجلها
فجأة رن جوالها
صبا فتحت الاتصال: ايه هلا سلطان
انا مع فهد، طلعنا نتمشى شوي
وش فيه،، وش، كيف صار هالشي وكيف وضعه هالحين
طيب طيب احنا راجعين
اغلقت الاتصال وقامت
فهد: وش صاير
صبا: اقولك في السيارة خلينا نروح تكفى
فهد: زين يالله
.
.
.
.
.
.
.
في الشالية
عند الحريم
كانت ام نواف بس تبكي
ونوف وسلمى، يفكرون بسبب انه عمر اتهمها، ما يدرون انها السبب
ام عمر: صلي عالنبي يا ام نواف واستهدي بالرحمن، وكاد انه بخير الحين يكلمونا ويطمنونا عنه
ام فهد: اييه يا ام نواف، الله يطمن بالك بولدك ان شاء الله
سمر بهمس: انتي ليش تبكين، فضحتينا الحين يفهمون غلط
سلمى: مم ما ادري، بس خايفه
سمر: من وش، مو تقولين مالك دخل
سلمى: الا بس ما احد يصدقني
سمر: لا تخافين ما احد بيلمسك
.
.
.
.
.
.
.
.
.
في المشفى
جالسين بانتظار خروج الدكتور
نواف بس يتأفف
راكان: اهدى، ان شاء الله بيكون بخير
نواف: ان شاء الله، بس خايف تتأثر عينه، ما شفت كيف تسيل دم
راكان: ما بصير الا الي كتبه الله
طلع الدكتور
عمر: ها دكتور طمنا وش صار فيه
الدكتور: عرضية عرضية ان شاء الله ما فيه الا العافية
راكان: وعينه دكتور كانت تنزف
الدكتور: هذا بسبب الخدوش لانه فرك عينه بقوة وهي كان داخلها حصى
نواف: وكيفه هالحين
الدكتور: غسلنا عيونه ونظفناها له، عينه اليسرى مافيها شي، بس بعض الغباش خلال ساعة ساعتين بروح ان شاء الله،، بس عينه اليمنى فيها خدوش غطيناها له وخلال بضع ايام بيقدر يشيلها، بس اتاكدو انه يراجع دكتور لاجل يتطمن انه عينه ما فيها شي يأثر عليها
عمر: مشكور دكتور
الدكتور: بالمناسبة تقدرون تطلعونه الان مافي مشكلة، بس احد يجي منكم لمكتبي لاجل بعض القطرات يحتاجها
راكان: زين دكتور انا بجي معك
الدكتور: بالسلامة ان شاء الله
راح راكان معه
ودخل نواف وعمر لعند نايف
: الحمدلله على سلامتك
نايف: نواف؟
نواف: ما تعرفني؟
نايف: ما اشوفك
نواف ربت على كتفه: ما عليه، خلال ساعات قليلة بترجع مثل ما كنت
وضع يده على عينه اليمنى: وش عليها
عمر: ضماد
نواف: خدشت عينك، بس قريب بتنشال لك ما عليه
عمر: نايف، قلي كيف صار كذا فيك
نايف: قلت لك تراب دخل فيها لما كنت اشغل الدباب
عمر: متأكد؟؟
نايف: وش تقصد
عمر: مممممم،، ما ادري، سلمى مثلا؟؟
سكت شوي وبعدها ناظره:
.
.
.
.
.
.
.
.
.
.
انتهى البارت
رأيكم بالاحداث
نايف وسلمى 😭😭😭💔
علقوووو علقووو، وصوتو حبايبي
احبكم 🫂❤ 🦦🦦